Date
बिहि, मंसिर ३, २०८३
Thu, November 19, 2026
Home Blog Page 739

पूर्व राजा महेन्द्रकाे १०२ औ जन्म जयन्ती वीरगंजमा मनाइयाे

0

वीरगंज । पूर्व राजा महेन्द्र वीर विक्रम साहकाे १०२ औ जन्म जयन्ती बिहिबार वीरगंजमा मनाइएकाे छ । वीरगंजकाे महाविरस्थानमा एक कार्यक्रमकाे आयाेजना गरी देश भक्त राज्य भक्तले जन्म जयन्ती मनाएकाे हाे ।

देश भक्त राज्य भक्तका केन्द्रिय अध्यक्ष दिपेन्द्र प्रसाद राैनियारकाे अध्यक्षतामा भएकाे कार्यक्रममा केन्द्रिय उपाध्यक्ष राजकिशाेर चाैवे, समाजसेवी पशुपति बिक्रम साह, उषा साह, विर गाेर्खाली बिरेन्द्र थापा, देश भक्त राज्य भक्तका पर्सा जिल्ला अध्यक्ष सतिष श्रीवास्तव, केन्द्रिय सदस्य पृथ्वी झा, अब्दुल सतार अंसारी लगायतकाे सहभागिता रहेकाे थियाे ।

कार्यक्रममा सहभागिहरुले जन्म जयन्तीकाे अवसरमा पूर्व राजा स्व. महेन्द्रकाे तस्बिरमा मालार्पण गर्नुकाे साथ उनकाे याेगदानकाे बारेमा चर्चा गरेका थिए । 

विद्यालय स्तरीय फुटबल प्रतियोगिताको फाइनल लोटस र नेरामाबी बकुलिया खेल्ने

0

वीरगंज । सिमरामा जारी अन्तर विद्यालय स्तरीय फुटबल प्रतियोगिताको उपाधिका लागि लोटस एकेडेमी सिमरा र श्री नेपाल राष्ट्रिय माध्यमिक विद्यालय बकुलिया खेल्ने भएका छन् ।

सिमरा रंगशालामा बिहिबार भएको अन्तिम सेमिफाईनल खेलमा राष्ट्रिय विभुती शिक्षा सदन डुमरवानालाई फराकिलो अन्तरले पराजित गर्दै लोटसले प्रतियोगिताको फाईनलमा स्थान बनाएको हो ।

आकास मोक्तान एक्लैले चार गोल गर्दा राष्ट्रिय विभुती लोटससँग ५–० ले पराजित भयो । लोटसका लागि पाँचौँ गोल विवेक बुढाथोकीले ६२औँ गरेका थिए ।

खेलको १६औँ मिनेटमा आकासको गोलबाट पहिलो अग्रता बनाएको लोटस पहिलो हाफमा १–० को स्थितीमा सिमित रह्यो । दोस्रो हाफमा विभुतीको फितलो रक्षापंक्तीको फाईदा उठाउँदै आकासले नै लगातार थप तीन गोल गरे । उनले खेलको ४३औँ मिनेटमा दोस्रो गोल गरेका थिए । तेस्रो र चौथो गोल क्रमसः ५१औँ र ६० औँ मिनेटमा गरे ।

टिमका लागि चार गोल गरेका आकास खेलको म्यान अफ द म्याच भए ।

प्रतियोगिता संयोजक सोनु क्षेत्रीका अनुसार फाईनल खेल शनिबार हुनेछ । उपाधिको अर्को दावेदार नेपाल राष्ट्रिय माध्यमिक विद्यालय बकुलिया यसअघी नै नेपाल राष्ट्रिय माध्यमिक विद्यालय अमलेखगञ्जलाई हराउँदै फाईनल पुगिसकेको छ ।

कृषि बधुवा मजदूर सम्मेलन सम्पन्न, हरवाचरवाको मुक्ति पहिलो सर्त

0

काठमाडौँ । हरवाचरवाका नाममा रहेको अनुचित ऋण खारेजीसहित मुक्तिको घोषणा गर्नुपर्ने मागसहित काठमाडौं घोषणापत्र जारी गर्दै कृषि बधुवा मजदूर सम्मेलन सम्पन्न भएको छ । कृषि बधुवा मजदूर अधिकार मञ्च र राष्ट्रिय दलित नेटवर्क नेपाललगायत सङ्घ/संस्थाद्वारा आयोजित दुई दिने सम्मेलनले हरवाचरवाको स्पष्ट तथ्याङ्क सङ्कलन, प्रमाणीकरण र परिचयपत्र वितरण गर्नुपर्ने मागसमेत गरेको छ ।

सम्मेलनले हरुवाचरुवाको पुनःस्थापना गर्दा कम्तीमा १० कठ्ठा जमिन प्रदान गर्न र हरवाचरवाका लागि शिक्षा, स्वास्थ्य र रोजगारीसहितको पुनःस्थापना गर्नसमेत माग गरेको छ । ‘धेरै लामो समयदेखि छलफल भई विज्ञसमेतको सुझाव प्राप्त भएको हलिया श्रम निषेध गर्ने ऐन पारित हुन नसक्दा सङ्घीय सरकार, प्रदेश र स्थानीय सरकारको निम्ति पनि हलिया पुनःस्थापनाको काम प्राथमिकतामा नपरेको प्रति सम्मेलनले सरकारको ध्यानाकर्षण गराएको छ ।

यसैगरी प्रमाणीकरण भएका तर परिचयपत्र प्राप्त गर्न बाँकी रहेका हलियालाई अविलम्ब परिचयपत्र वितरण गर्न तथा छुट हलियालाई एक पटकको लागि पुनःप्रमाणीकरण खुला गर्न पनि घोषणा पत्रमा माग गरिएको छ । बाध्यात्मकरूपमा अरुको घरमा ऋण, जमिन वा पछि अन्नपात पाउने शर्तमा काम गरिरहेका कृषि मजदूरमध्ये खेत जोत्नेलाई हरवा भनिन्छ भने गाईवस्तु चराउनेलाई चरवा भनिन्छ ।

यस्ता हरवाचरवाले एकातर्फ उचित ज्याला पाउँदैनन् भने अर्कोतर्फ धेरैले बाबुबाजेले कुनै जमानामा कुनै व्यक्तिसँग लिएको ऋणको ब्याजबापत काम गरिदिनुपर्ने बाध्यता छ । जसको घरमा पुस्तौँदेखि उनीहरू ऋण चुक्ताका लागि श्रम गरिरहेका हुन्छन् । तिनैलाई ऋण कति थियो र कति समय श्रम गरेपछि त्यो कट्टा हुन्छ भन्नेसमेत जानकारी हुँदैन ।

यस अर्थमा हरुवाचरुवा पुस्तौँदेखि न्यायिक ज्यालाबिनै श्रम गर्न बाध्य छन् । सन् २०१३ मा आइएलओले गरेको अध्ययन अनुसार हरवाचरवाको सङ्ख्या एक लाख भन्दा बढी भएको अनुमान गरिएको छ । हाल ‘द’ फ्रिड्म फण्ड तथा सिएसआरसिले गरेको अध्ययनले हरवाचरवा अनियमित ऋणका कारण अझैपनि बधुवाको रुपमा रहेको तथ्य छ ।

नेपालको संविधानको धारा २९ शोषणविरुद्धको हकअन्तर्गत उपधारा (३) मा कसैलाई पनि बेचविखन गर्न, दास वा बाँधा बनाउन पाइने छैन र उपधारा (४) मा कसैलाई पनि निजको इच्छाविरुद्ध काममा लगाउन पाइने छैन भने धारा ४० को उपधारा (५) र (६) मा दलितलाई एक पटक जमिन र आवास उपलब्ध गराउने मौलिक हकको व्यवस्था गरेको छ ।

सम्मेलनले मुक्तकमैयाको वास्तविक अर्थमा मुक्तिको लागि बहुआयामिक गरिबी र बधुवा श्रमको स्थितिबाट पूर्णतयामुक्त गर्दै आधुनिक किसान वा श्रमिकमा रुपान्तरित गर्न हजारौँको सङ्ख्यामा छुट र मुक्तकमैयाको पुनः एकपटक लगत लिने व्यवस्थासहित उनीहरूलाई परिचयपत्र प्रदान गरी पुनःस्थापना प्याकेजमा समावेश गर्न पनि सम्मेलनले माग गरेको छ ।

अझैसम्म दास प्रथाको अवशेषको रुपमा कृषि बधुवा श्रमिकहरू हरवाचरवाको रुपमा रहेको घोषणा पत्रमा उल्लेख छ ।

सम्मेलनले हरवाचरवाको नागरिकता, जन्मदर्ता, सामाजिक सुरक्षा भत्तालगायतका सवालहरूलाई सहज ढङ्गले सम्बोधन गरिदिन, पहिचान, प्रमाणीकरण र परिचयपत्र वितरणका लागि पहल गर्न, हरवाचरवा भूमिहीन भएकाले भूमिमाथि उनीहरूको स्वामित्व कायम गराउन, हरवाचरवाको आयआर्जन प्रबद्र्धधन गर्नका लागि जीविकोपार्जन सिप विकास तालिममा उनीहरूको पहुँच कायम गरिदिन र नेपाल सरकारको नीति अनुसार ‘समान कामको समान ज्याला’ कायम गर्दै श्रम शोषणको अन्त्य गर्न मागसमेत गरेको छ ।

छुट कम्हलरीको एकीन तथ्याङ्क सङ्कलन गरी उनीहरूलाई परिचयपत्र प्रदान गर्न र अझै पनि कम्लहरिका रुपमा काम गरिरहेका बालिकाकाका मालिकलाई कानुनी दायरामा ल्याई कम्हलरीलाई सम्पूर्ण रुपमा मुक्त गराउनुपर्ने घोषणामा भनिएको छ । रासस

अपहरण मुद्दाका फरार प्रतिवादी बहुदरमाईका कानु पक्राउ

0

वीरगंज । अपहरण मुद्दाका फरार प्रतिवादी एक जनालाई प्रहरीले पक्राउ गरेकाे छ । जिल्ला प्रहरी कार्यालय पर्साबाट खटिएको कैद असुल तथा फैसला कार्यान्वयन बिशेष टोलीले बहुदरमाई नगरपालिकाकाे वडा नं.८ बस्ने वर्ष ६५ को बिनोद साह कानुलाई पक्राउ गरेकाे हाे ।

बहुदरमाई नगरपालिकाकाे गम्हरिया बस्ने दरोगा साह कानुको जाहेरीले वादी नेपाल सरकार प्रतिवादी कानुलाई पर्सा जिल्ला अदालतको मिति २०६७।१०।२५ गते तथा पूनरावेदन अदालत हेटौडाको मिति २०६९।१२।१४ गतेको फैसलाले ९ वर्ष कैद र रू.५० हजार जरीवाना तोकिएको थियाे ।

प्रहरिले बिहिबार एक बजे वीरगञ्ज महानगरपालिकाकाे वडा नं.१६ नगवा स्थितबाट कानुलााई पक्राउ गरी पर्सा जिल्ला अदालतमा बुझाइ कारागार कार्यालय पर्सा, वीरगञ्जमा बुझाउने कार्य भइरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

अनशनरत ओझैयाले सहमतीपछि अनशन ताेडे

0

वीरगंज । अनशनरत रामजनम ओझैया र पटेर्वा सुगाैली गाउँपालिका बिच ३ बुंदे सहमती भएकाे छ । जिल्ला प्रशासन कार्यालय पर्सामा भएकाे  सहमतीपछि ११ दिनदेखी अनशनरत पटेर्वा सुगाैली गाउँपालिकाकाे वडा नं. २ निवासी ओझैयाले बिहिबार अनशन ताेडेका छन् ।

पालिकाले गर्न सक्ने कृषि, स्वास्थ्य, शिक्षा, खेलकुद, पूर्वधार निर्माण लगायतकाे मुद्दाहरुकाे विषयमा पालिकाकाे उपलब्ध श्राेतलाई सबै वडाहरुमा समान्य रुपमा बजेट विनयाेजन गर्ने, पालिकाकाे क्षेत्राधिकार बाहिरकाे विषयमा अन्य निकाय संघ र प्रदेश सरकारसंग अनुराेध गरी पठाउने, साथै कर्मचारी व्यवस्थापन, दरबन्दी मिलान जस्ता विषयमा पालिकाले समय मै पहल गरी व्यवस्था मिलाउने सहमती भएकाे छ ।

यस्तै, गाउँपालिकाले हाल सम्म गरेका प्रगतिका विवरणहरुकाे बारेमा सार्वजनिक सुनवाई कार्यक्रम गरी सबैमा जानकारी गराउने र अनसनमा बसेका ओझैयाले आजैकाे मितिदेखी अनशसन ताेडने सहमती भएकाे हाे ।

जिल्ला प्रशनसन कार्यालय पर्सामा भएकाे बार्तामा पटेर्वा सुगाैली गाउँपालिकाका अध्यक्ष हरिनारायण चाैधरी, उपाध्यक्ष ममता महताे, सहायक प्रमुख जिल्ला अधिकारी भिमकान्त पाैडेल, जिल्ला प्रहरी कार्यालय पर्साका प्रमुख प्रहरी उपरिक्षक रमेश कुमार बस्नेत, पटेर्वा सुगाैली गाउँपालिकाका प्रमुख प्रशासकिय अधिकृत संदेश कुमार यादव, पत्रकार महासंघका केन्द्रिय सदस्य केशी लामिक्षाने, प्रदेश नं. २ का महासचिव श्याम बन्जारा लागयतकाे उपस्थिती रहेकाे थियाे । 

मंसिर २० गतेदेखी विभिन्न माग राख्दै पटेर्वा सुगाैली गाउँ कार्यपालिका कार्यालय अगाडी अनशन बसेका ओझैयालाई मंसिर २५ गते शनिबार वीरगंजस्थित नारायणी अस्पतालमा ल्याइएकाे थियाे । त्यसपछि अस्पतालमै अनशनरत रहेका ओझैयाले ११ औं दिन अनशन ताेडेका हुन् ।

यस अघि पनि गाउँपालिका अध्यक्ष चाैधरीसहितका जनप्रतिनिधि र प्रमुख प्रशासकिय अधिकृत यादवले अनशन ताेडन आग्रह गर्दा  अनशनरत ओझैया मानेका थिएन । 

नेरामावि बकुलिया ग्रासरुट फुटबलको फाईनलमा

0

वीरगंज । श्री नेपाल राष्ट्रिय माध्यमिक विद्यालय बकुलिया अन्तर विद्यालय फुटबल प्रतियोगिताको फाईनलमा प्रवेश गरेको छ । सिमरा रंगशालामा बुधबार भएको पहिलो सेमिफाईनलमा नेपाल राष्ट्रिय माध्यमिक विद्यालय अमलेखगञ्जलाई २–० ले हराउँदै प्रतियोगिताको फाईनलमा पुगेको हो ।

अमलेखगञ्जलाई उपाधी होडमा उभ्याउन अमिउल्लाह मिया र रविन्द्र चौधरीले गोल गरे । खेलको १४ मिनेटमा अमिउल्लाहको गोलबाट पहिलो अग्रता बनाएको अमलेखगञ्जका लागि दोस्रो गोल रबिन्द्रले ५१ औँ  मिनेटमा गरेका थिए ।

सुरुवाती देखी नै दवावमा परेको अमलेखगञ्जले गोलका लागि अवसर बनाउन नसक्दा उपाधि होडबाट बाहिरिएको छ ।

खेलको म्यान अफ द म्याच बकुलियाका अमिउल्लाह घोषित भए । प्रतियोगिता अन्तर्गत बिहिबार राष्ट्रिय विभुती शिक्षा सदन डुमरवाना र लोटस एकेडेमी सिमरा खेल्ने प्रतियोगिता संयोजक सोनु क्षेत्रीले जानकारी दिए ।

जबरजस्ती करणी गरेकाे आराेपमा एक युवक पक्राउ

0

वीरगंज । जबरजस्ती करणी गरेकाे आराेपमा एक युवकलाई प्रहरीले पक्राउ गरेकाे छ । १६ वर्षीय बालिकालाई जबरजस्ती करणी गरेकाे आराेपमा प्रहरीले वीरगंज महानगरपालिकाकाे वडा नं. १६ नगवाका १९ बर्षिय नितेश कुमार महतोलाई पक्राउ गरेकाे हाे ।

मंसिर २३ गते कलेज पढन जाने क्रममा जिल्ला पर्सा बहुदरमाई नगरपालिकाकाे वडा नं.४ टोल डकैलास्थित आफ्नो दिदीको घरकोठामा लगी मंसिर २६ गते सम्म पटक-पटक करणी गरेको अभियोगमा महताेलाई पक्राउ गरिएकाे जिल्ला प्रहरी कार्यालय पर्साले जनाएकाे छ ।

१ महिना देखि बारम्बार फोन गरी माया प्रेमको झूठो कुरा गरी अनुचित प्रभाव र दबाबमा पारी ललाई फकाई विवाह गर्ने प्रलोभन देखाई करणी गरेकाे भन्दै बालिकाकाे अभिभावकले मंसिर २८ गते दिएकाे जाहेरी दर्खास्तको आधारमा महतोलाई जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

पिडितकाे अभिभावकले जाहेरी दिएकाे दिन मंगलबार नै आराेपित महताेलाई नियन्त्रणमा लिई जबरजस्ती करणी सम्बन्धी कसूरमा अनुसन्धान भइरहेको प्रवक्ता खनालले वताए ।

दलित पत्रकार संघ पर्साकाे कार्यालय उद्घाटन

0

वीरगंज । राष्ट्रिय दलित पत्रकार संघ पर्साले आफ्नाे कार्यालय संचालनमा ल्याएकाे छ । वीरगंज ८, पानीटंकीस्थित विपिसी क्लेज नजिक संचालनमा ल्याएकाे कार्यालयकाे उद्घाटन बुधबार एक कार्यक्रमकाे बिच प्रदेश सभा सदस्य एवम् नेकपा (एकीकृत समाजवादीका) संसदिय दलका सचेतक सुन्दर विश्वकर्माले गरेका हुन् ।

कार्यालय उद्घाटन गर्दै सचेतक विश्वकर्माले राजतन्त्र भन्दा जाततन्त्रबाट बढी खत्रा भएकाे वताए । उनले राजतन्त्र खतम भए पनि जाततन्त्रखतम नभएको वताए । जाततन्त्रकाे पिडित दलितले चाहेर मात्र खतम नहुने बताउँदै उनले सबैले मिलेर खतम गर्नु पर्ने धारणा राखे ।

उनले भने “जातिय पर्थाले कसैलाई फाईदा हुँदैन, याे रहेसम्म देश पनि विकास गर्न सक्दैन । त्यसैले यो सबैको सरोकारको विष्य हुनुपर्छ ।” दलित शब्द नै हटाउनु पर्ने धारणाको शन्दर्भमा बोल्दै सचेक विश्वकर्माले जातिय विभेद अन्त भएपछी दलित शब्द हटेर जाने वताए ।दलित पत्रकार संघ पर्साका अध्यक्ष श्याम पासवानकाे अध्यक्षतामा भएकाे उद्घाटन समाराेहमा पर्साका सहायक प्रमुख जिल्ला अधिकारी भिमकान्त पाैडेल, वीरगंज उद्याेग वाणिज्य संघका अध्यक्ष सुवाेध गुप्ता, नेकपा (एकीकृत समाजवादी) पर्साका अध्यक्ष बालगाेपाल थापा, नेकपा (माओवादी केन्द्र)का वीरगंज महानगर अध्यक्ष रहबर अन्सारी, जसपा पर्साका सचिव तबरेज अहमद, नेपाल पत्रकार महासंघ केन्द्रिय सदस्य केशी लामिक्षाने, समाजवादी प्रेस संगठनका केन्द्रिय सदस्य एवम् दलित पत्रकार संघका सल्लाहकार बृजलाल पासवान, दलित अगुवा एवम् दलित आयाेगका पूर्व सदस्य गया हाजारा पासवान लगायतकाले शुभकामना मन्तव्य राखेका थिए भने कार्यक्रमकाे संचालन दलित पत्रकार संघ पर्साका सचिव सुर्यनारायण विकले गरेका थिए ।

नेपाल राष्ट्र बैंकद्वारा इन्भेष्टमेन्ट बैंक पराजित

0

वीरगंज । वीरगन्जको आदर्शनगर रंगशालामा आयोजना गरिएको अन्तर बैंक सेभन साईड फुटबल टुर्नामेन्टमा नेपाल राष्ट्र बैंकले नेपाल इन्भेष्टमेन्ट बैंकलाई शुन्यको विरुद्ध १ गोलले पराजित गरेको छ ।

नेपाल राष्ट्र बैंक कर्मचारी संघ वीरगंजले आयोजना गरेको टुर्नामेन्टको पहिलो खेलमा राष्ट्र बैंकका प्रधुन केसीले गोल प्रहार गरेका थिए । इन्भेष्टमेन्टका खेलाडीले १ गोल समेत फर्काउन सकेनन् । टुर्नामेन्टमा राष्ट्र बैंक सहित वीरगंजका २३ वटा बैंक तथा वित्तीय संस्थाहरुको सहभागीता रहेको छ । टुर्नामेन्ट पुस ३ सम्म खेलिने छ ।

नेपाल राष्ट्र बैंकका डेपुटी गभर्नर बम बहादुर मिश्रको प्रमुख आतिथ्य तथा राष्ट्र बैंक कर्मचारी संघ वीरगंजका अध्यक्ष कृष्ण श्रेष्ठको सभापतित्वमा टुर्नामेन्ट मंगलबार विहान उद्धघाटन भएको थियो ।

प्रदेश २ को प्रदेशसभा बैठक बस्दै, प्रदेशको नाम र राजधानीबारे प्रस्ताव पेस गर्ने कार्यसूची

0

प्रदेश नम्बर २ को प्रदेशसभा बैठक बुधबारका लागि आह्वान गरिएको छ । प्रदेश प्रमुख हरिशंकर मिश्रले बुधबारका लागि प्रदेशसभाको आठौँ अधिवेशन आह्वान गरेका हुन् । नेपालको संविधानको धारा १८३ को उपधारा १ बमोजिम प्रदेशसभाको अधिवेशन आह्वान गरिएको हो । बुधबार बिहान ११ बजे बस्ने प्रदेशसभा बैठकका लागि तयारी पूरा भएको प्रदेशसभा सचिवालयले जनाएको छ ।

भोलि बस्ने बैठकमा उपस्थित हुन प्रदेश सभा सदस्यहरुलाई जानकारी गराइएको प्रदेशसभा सचिवालयका सचिव रञ्जित यादवले जनाए । उनका अनुसार भोलि बस्ने बैठकमा प्रदेश प्रमुखको कार्यालयबाट प्राप्त पत्र पढेर सुनाइने, प्रदेशको नामकरण र राजधानी सम्बन्धी प्रस्ताव पेस हुने र केही अध्यादेशमाथि पनि छलफल हुने सम्भावित कार्यसूची छ ।

यद्यपि, नेपाली काँग्रेसको १४ औं महाधिवेशन लम्बिएका कारण काँग्रेसका प्रदेशसभा सदस्यहरु महाधिवेशनका क्रममा काठमाडौंमै रहेकाले भोलिको बैठक औपचारिकतामा मात्र सीमित हुने सम्भावना रहेको सत्ता पक्षको भनाइ छ ।