Date
बिहि, मंसिर ३, २०८३
Thu, November 19, 2026
Home Blog Page 738

दलित मुक्ति संगठन पर्साकाे प्रशिक्षण कार्यक्रम सम्पन्न

0

वीरगंज । नेपाल दलित मुक्ति संगठनको ३४ औ स्थापना दिवसको अवसरमा संगठनको पर्सा जिल्ला कमिटीको पुर्ण बैठक एवं प्रशिक्षण कार्यक्रम शनिबार सम्पन्न भएको छ ।

रास्ट्रिय दलित पत्रकार संघ पर्साको कार्यालयमा संगठनका पर्सा अध्यक्ष सुशील हजराको अध्यक्षता सम्पन्न बैठक एवं प्रशिक्षण भेलाले एक महिने संगठन बिस्तार अभियान संचालन गर्ने निर्णय गरेको छ ।

बैठक एवं भेलाले दलित मुक्ति संगठनको पर्सा जिल्ला भरिको १४ वटा पालिकामा कमिटी र विभिन्न बिभागहरु पौष मसान्त भित्रमा गठन गरि सक्ने निर्णय समेत गरेको छ । बैठक एवं प्रशिक्षण भेलामा नेकपा एकीकृत समाजवादी पर्साका अध्यक्ष बालगोपाल थापाले दलित मुक्ती आन्दोलनमा कम्युनिस्ट पार्टीको योगदान बारे प्रशिक्षण दिएका थिए ।

पार्टी जिल्ला सचिवालय सदस्य एव दलित विभागका इन्चार्ज बृजलाल पासवानले दलित मुक्ति आन्दोलन र आगामी कर्ययोजनाको बिषयमा प्रशिक्षण दिएका थिए ।

भेलामा एकीकृत समाजवादी वीरगंज महानगर कमिटीका अध्यक्ष मनोज चौधरी, जिल्ला सचिवालय सदस्य पटवारीलाल बैठा, जिल्ला कमिटी सदस्य उमेश ठाकुर, अमिर्का प्रसाद साह, दलित पत्रकार संघ पर्साका अध्यक्ष श्याम पासवान लगायतले मन्तब्य ब्यक्त गरेका थिए ।

कार्यक्रममा स्वागत मन्तब्य संगठनका उपाध्यक्ष अमरदेव पासवान र संचालन सह-सचीव सुरेश दासले गरेका थिए ।

३३ बिगाहा गाँजा र १९ बिगाहा अफिम खेती प्रहरीद्वारा फडानी

0
वीरगंज । मकवानपुरकाे विभिन्न ठाउँमा लगाइएकाे ३३ बिगाहा लागु औषध गाँजा र १९ बिगाहा अफिम खेती प्रहरीले फडानी गरी नष्ट गरेकाे छ ।
 
प्ररहीले शनिबार मकवानपुरकाे राक्सिराङ गा.पा.वडा नं. ५ अन्तर्गत धुर्सिङ, निबुटार र लाइसीराङस्थितको वडा एरियाहरुमा अबैध रुपमा लगाईएको ८ बिगाहा लागुऔषध गाँजा खेती फडानी गरी नष्ट गरिएकाे हाे ।
 
यस्तै, उक्त टोलीले मिति २०७८।०९।०१ गते देखि ऐ. ०३ गते सम्म राक्सिराङ गा.पा. को वडा नं. ४, ५ अन्तर्गतका वडा एरियाहरुमा ३३ बिगाहा लागु औषध गाँजा र १९ बिगाहामा अबैध रुपमा लगाइएको अफिम खेती फडानी गरी नष्ट गरेकाे जिल्ला प्रहरी कार्यालय मकवानपुरले जनाएकाे छ ।
 
पुष १ गतेदेखि ३ गते सम्म लागुऔषध गाँजा खेती नष्ट गर्ने अभियान अन्तर्गत बागमती प्रदेश दंगा नियन्त्रण प्रहरी गण हेटौडा र जिल्ला प्रहरी कार्यालय मकवानपुरबाट संयुक्त रुपमा प्रहरी निरिक्षक सुमन बानियाको कमाण्डमा खटिएको ६० जनाको प्रहरी टोलीले अवैध रुपमा लगाइएकाेे गाँजा खेती र अफिम खेती नष्ट गरेकाे हाे । 

चक्कु प्रहार गरी इ रिक्सा चालककाे हत्या

0

वीरगंज । वीरगञ्जमा इ रिक्सा चलाउँदै आएका एक भारतीय नागरिकको चक्कु प्रहार गरी हत्या भएकाे छ । भारत मुजफ्फरपुर, जगरनाथपुर थाना मोतिपुर घर भएका २४ वर्षीय नेपाली इ रिक्सा चालक सुशिलकुमार साहकाे मृत्यु भएकाे हाे ।

ना २ ह ३७९७ नम्बरको अटो चलाउँदै आएका उनलाई बहिबार दिउसाे भारत–नेपाल मैत्री पुल नजीकै इ रिक्सा पार्किङ गर्ने क्रममा चक्कु प्रहार गरिएकाे थियाे ।

उपचारका लागि नारायणी अस्पताल ल्याउँदै गर्दा उनको बाटोमा नै मृत्यु भएको आफन्तले जनाएका छन् । वीरगञ्ज–८ गहवास्थित भिनाजु सुरेश साहको घरमा बसेर उनी अटो चलाउँदै आएका थिए ।

गएराति नै मृतकको शव पोष्टमार्टमका लागि भारत पठाइएको थियाे ।। घटना सम्बन्धमा भारतीय र नेपाली प्रहरी संयुक्तरूपमा घटनास्थलमा पुगी अनुसन्धान गरेका थिए ।

जिल्ला प्रहरी कार्यालय पर्साका प्रवक्ता प्रहरी नायब उपरीक्षक ओम प्रकाश खनालले घटना भारतमा नै भएकोले भारतीय प्रहरीले घटनाबारे थप अनुसन्धान गरिरहेको बताए । ‘नेपाली नम्बरको अटो मात्रै हो, मृतक भारतीय नागरिक हुन्, घटनास्थल भारतमै पर्छ ’ उनले भने, ‘भारतीय प्रहरीले नै अनुसन्धान गरिरहेको छ ।’

घटनाकाे विराेधमा इ रिक्सा चालकहरु आन्दाेलित

हत्याकाे विराेधमा इ रिक्सा चालकहरु आन्दोलित भएका छन् । सहकर्मी हत्याको विरोधमा अटो चलाउन बन्द गरेर उनीहरु आन्दोलित भएका हुन् । चालकहरुकाे आन्दाेलनका कारण बिहिबार दिनभरी वीरगञ्जमा इ रिक्सा चलेन ।

अटो चालक महम्मद अलीले सहकर्मीको हत्या भएकोले न्यायका लागि दवाव दिन आन्दोलनमा उत्रिएको बताए । ‘साथीको अनाहकमा हत्या भएको छ । भोलि त्यस्तो घटना हामी माथि पनि घट्न सक्छ,’ उनले भने, ‘उनको न्यायका लागि दबाव दिन र शोकमा अटो नचलाउने निर्णयमा पुगेका हौं ।’

रक्सौलस्थित अटो चालक संघका अध्यक्ष समेत रहेका सैदुल्लाह खान भन्ने व्यक्तिले उनीमाथि छुरा प्रहार गरेको आरोप लागेको छ । मृतकका आफन्तले भारतीय प्रहरी समक्ष दिएको उजुरीको आधारमा सैदुल्लाहलाई भारतीय प्रहरीले नियन्त्रणमा लिइसकेको छ । 

रक्सौलमा नेपाली अटो जान स्थानीय प्रहरी प्रशासनले नरोके पनि भारतीय अटो चालकहरुले विरोध जनाउँदै आएका थिए । कहिले टायर काटिदिने त कहिले सिसा फोडिदिने गरेको अटो चालकहरु बताउँछन् ।

नेपाली नम्बरको ई–रिक्सा भने मितेरी पुलसम्म मात्रै सञ्चालनमा छ । नारायणी ई–रिक्सा संघका अध्यक्ष स्वयब मियाले रक्सौलमा नेपाली अटो जान रोक लगाउनुपर्ने बताए । ‘भारतीय अटो भारतमा चल्छ, नेपाली अटो नेपालमा चल्छ,’ उनले भने, ‘ यताको उता, उताको यता नगर्ने हो भने समस्या नै आउँदैन ।’

बसन्तपुरमा सुरु भएकाे क्रिकेट प्रतियाेगितामा कालिकामाई विजयी

0

वीरगंज । पर्साकाे पाेखरिया नगरपालिका वडा नं. ३ बसन्तपुरमा शुक्रबारदेखी सुरु भएकाे टि २० क्रिकेट प्रतियाेगिताकाे उद्घाटन खेलमा कालिकामाई क्रिकेट टिम विजयी भएकाे छ ।

सामुहिक युवा क्रिकेट टिम बसन्तपुरको आयाेजनामा सुरु भएकाे भएको प्रतियाेगितामा ८३ रनले बिन्दवासिनी क्रिकेट टिमलाई हराउँदै कालिकामाई विजयी भएकाे हाे । टस जितेर व्याटिङ गरेको कालिकामाईले पुरै २० ओभर खेल्दै ६ बिकेटकाे गुमाउँदै १५३ रन बनाएको थियो ।

त्यसपछि १५४ रनकाे लक्ष्य लिएर जवाफी व्याटिङमा उत्रेकाे बिन्दबासनीले १० ओभर मै पुरै विकेट गुमाउँदै ७० रन मै समेटिएपछि कालिकामाई विजयी घाेषित भएकाे थियाे । खेलको मैनअफ दि मैच ३७ रन बनाएका कालिकामाईका मनु कुमार घाेषित भएका थिए।

बसन्तपुर खेलमैदानमा सुरु भएकाे प्रतियाेगिताकाे उद्घाटन पाेखरिया नगरपालिकाका मेयर दिपनारायण राैनियारले गरेका थिए ।

उद्घाटन कार्यक्रमलाई संबोधन गर्दै मेयर राैनियारले खेलबाट मस्तिक र शारिरिक बिकास हने वताए । उनले भने “खेलले गर्दा रोगहरु लाग्दैन, शरीर फुर्तिलो र स्वास्थ बनाउन्छ । साथै खेलबाट गाउँ र देशको पहिचान पनि गराउन्छ । त्यसैले देशमा भौतिक बिकासको साथै खेलको बिकास पनि हुन जरुरी छ।”

रामबाबु साहकाे अध्यक्षतामा भएकाे उद्घाटन कार्यक्रममा स्थानिय अगुवा शम्भु कलवार, शिक्षक नजमुल होदा, राजु रौनियार, फरियाद मियाँ, संतोष साह तेली, मुकेश पटेल,अटल बिहारी साह लगायतको सहभागिता रहेको थियो ।

सोच परिवर्तन नभए सम्म लैङ्गिक हिसाको अन्त्य हुँदैन् : उप प्रमुख कार्की

0

वीरगंज । वीरगञ्ज महानगरपालिकाकी उप प्रमुख शान्ति कार्कीले मानिसको सोच परिवर्तन नभए सम्म समाजबाट लैङ्गिक हिंसाको अंत्य हुन नसक्ने बताएकी छन् । पब्लिक एफ.एमले वीरगञ्जको श्रीपुरस्थित श्री नेपाल राष्ट्रिय बिद्यापिठ माबिमा आयाेजना गरेकाे लैङ्गिक हिंसाको बिरुद्धमा सचेता मुलक कार्यक्रममा वाेल्दै यस्ताे वताएकी हुन् ।

कार्यक्रमकी प्रमुख अतिथी समेत रहेकी उप प्रमुख कार्कीले समाजमा दाईजो लिएर विवाह गरेकाहरु नै चर्को स्वरमा दाइजाेकाे बिरोध गरिरहेको बताउँदै छाेरी शिक्षामा जाेड दिइन । उनले शिक्षा भए हिंसा र दाइजाे प्रथाकाे अन्त्य भएर जाने वताइन ।

कार्यक्रममा बिध्यालयका प्र.अ.अनिल वर्णवाल, नेपाली कांग्रेसका स्थानिय नेता हुकुम सिंह राजपुत, नेपाल भारत मैत्री रेडियो श्रोता संघका अध्यक्ष बिजय पौडेल, पत्रकार मनोज मिश्र, पब्लिक एफ.एमका प्रबन्द निर्देशक मुकेश सिंह, कार्यक्रम संयोजक लालबाबु सिंह, बिद्यार्थीहरु सनम खातुन, कुलसुम खातुन, प्रिया सरार्फ, गिता धामी, गजेन्द्र कुमार लगायतकाले आ आफ्नाे धारणा राखेका थिए भने कार्यक्रमको सहजीकरण पत्रकार राजेन्द्र सिंहले गरेका थिए ।

जगरनाथपुरमा हुने एमालेकाे सभा भव्य बनाउने निर्णय

0

वीरगंज । नेकपा एमाले प्रदेश नं. २ का नेताहरुकाे एक टाेलीले पर्साकाे जगरनाथपुरमा पुस ८ गते हुने बृहत पार्टी प्रबेश कार्यक्रमकाे स्थलगत अवलाेकन गरेका छन् ।

शुक्रबार वीरगंजका आएका नेताहरुले जगरनाथपुरमा हुने पार्टी प्रबेश कार्यक्रमको तयारी लगायताका अन्य बिबिध पक्षका बारेमा छलफल समेत गरेका थिए । वीरगंजकाे लिंक राेडस्थित कुमु प्यालेस हाेटलमा भएकाे छलफलमा जगरनाथपुरमा हुने पार्टी प्रबेश कार्यक्रमलाई भब्य बनाउने निर्णय समेत गरेका छन् ।

छलफल कार्यक्रममा एमालेका केन्द्रिय सचिब रघुबीर महासेठ, स्थायी कमिटी सदस्य प्रभु साह, नेताहरु लिलानाथ श्रेष्ठ, पुरुषोतम पौडेल, ज्वाला साह, अयच्युत मैनाली, प्रभु हजरा, राजकुमार गुप्ता, निर्मला देबकोटा, अरबिन्द सिंह, कल्पना कटुवाल, बलबरि चौधरी, बद्री प्रसाद न्यौपाने, सुमन प्याकुरेल, उद्धब रेग्मी लगायतकाे सहभागिता रहेको थियो ।

जिल्ला अध्यक्ष प्रभु हाजराकाे अध्यक्षतामा भएकाे छलफल कार्यक्रमकाे संचालन जिल्ला सचिव मनाेज गुप्ताले गरेका थिए ।