Date
बिहि, मंसिर ३, २०८३
Thu, November 19, 2026
Home Blog Page 740

आफु एमाले प्रबेश गरेकाे छैन् : उपाध्यक्ष चाैधरी

0

वीरगंज । पर्साकाे सखुवा प्रसाैनी गाउँपालिकाकी उपाध्यक्ष फुलमती देवी चाैधरीले आफु जनता समाजवादी पार्टी (जसपा) परित्याग नगरेकाे वताएकी छन् । उनले मंगलबार एक प्रेस विज्ञप्ती जारी गर्दै  आफु कुनै पार्टीमा प्रबेश नगरेकाे वताएकी हुन् ।

तर साेमबार उनी काठमाडाैं बालकाेटस्थित नेकपा एमालेका अध्यक्ष केपी शर्मा ओली निवासमा पुगेर एमालेमा प्रबेश गरेकाे तस्विर भाइरल भएकाे थियाे । उनीसंग एक वडाध्यक्षसहित ४ जना एमालेमा प्रबेश गरेकाे सामाचार पनि प्राप्त भएकाे थियाे ।

त्यसकाे भाेली पल्ट उपाध्यक्ष चाैधरीले प्रेस विज्ञप्ती जारी गर्दै आफु साेमबार आफ्नाे गाउँपालिकाकाे विकास निर्माणकाे सिसिलामा एमालेका अध्यक्ष ओलीसंग भेट मात्र गरेकाे वताउँदै त्यसलाई लिएर विभिन्न संचारमाध्यममा आएकाे समाचार प्रति आपती जनाएकी छन् ।

जसपा कसैले परित्याग गरकाे छैन् : सचिव अहमद

जसपा पर्साले पार्टी परित्याग कसैले नगरेकाे वताएकाे छ । एमाले प्रबेश गरेका जगरनाथपुर गाउँपालिकाकाे वडा नं. ६ का वडाध्यक्ष अयाेध्या पटेल जसपामा नरहेकाे जसपा पर्साका सचिव तबरेज अहमदले वताए । जसपाबाट लाेसपा अलग हुने बेला मै पटेल लाेसपा राेजेका थिए ।

यस्तै, अर्का एमाले प्रबेश गरेका भनिएका रामबाबु चाैरसिया पनि जसपामा नरहेकाे सचिव अहमदले वताएका छन् । उनले एक प्रेस विज्ञप्ती जारी गर्दै उनी पनि पहिला नै लाेसपामा लागेकाेले जसपा परित्याग गरेकाे सामाचार प्रति आपती जनाएका छन् ।

अर्का एमाले प्रबेश गरेका भनिएका धामु शर्मा पनि जसपामा नरहेकाे सचिव अहमदले कालिका टाईम्ससंग कुरा गर्दै जानकारी गराए ।  

दाेस्राे चरणकाे चुनावमा सिंह र निधिले देउवालाई सघाउने

0

काठमाडाैं । काँग्रेस सभापतिका उम्मेदवार शेरबहादुर देउवालाई पहिलो चरणको सभापतिको दौडबाट बाहिरिएका प्रकाशमान सिंह र विमलेन्द्र निधि दुबैले समर्थन गर्ने भएका छन् ।

देउवा प्रकाशमान र निधिलाई भेट्न उनीहरुकै निवासमा पुगेका थिए भने सो क्रममा दुबै नेताले देउवालाई दोस्रो चरणको चुनावमा समर्थन गर्न सहमत भएका हुन् । यससँगै दोस्रो चरणको चुनावमा देउवालाई सहज हुने देखिएको छ । 

पहिलो चरणको चुनावमा खसेको ४६७९ मध्ये देउवाले २२५८ मत पाएका थिए भने शेखर कोइरालाले १७०२, निधिले २५०, सिंहले ३७१ र कल्याण गुरुङले २२ मत प्राप्त गरेका थिए । 

कुनै पनि उम्मेदवारले बहुमत नल्याएपछि काँग्रेस सभापतिका लागि सर्वाधिक मत ल्याएका दुई उम्मेदवार देउवा र कोइरालाबीच फेरि प्रतिस्पर्धा हुने भएको हो । मतदान आज (मंगलबार) साढे ३ बजेदेखि सुरु हुनेछ । 

वीरगंजमा “ग्रीन हस्पिटल वेस्ट म्यानेजमेन्ट सेन्टर”को निर्माण

0
वीरगंज । अस्पतालजन्य फोहोर व्यवस्थापनका लागि वीरगंज महानगरपालिकाकाे वडा नम्बर १६ नगवामा निर्माण गरिएको “ग्रीन हस्पिटल वेस्ट म्यानेजमेन्ट सेन्टर”को साेमबार एक कार्यक्रमकाे विच उद्घाटन गरिएकाे छ ।
 
महानगरपालिकाको लोक-कल्याणकारी योजना अन्तर्गत ६ करोड २२ लाखको लागतमा निर्माण गरिएकाे म्यानेजमेन्ट सेन्टरकाे नगर प्रमुख विजय कुमार सरावगीले उद्घाटन गरेका हुन् ।
 
सेन्टरको उद्घाटन गर्दै नगरप्रमुख सरावगीले अस्पतालजन्य फोहोरको उचित व्यवस्थापनका लागि सेन्टर सहयोगी साबित हुने विश्वास व्यक्त गरे ।  यसअघि उचित व्यवस्थापन नहुँदा नगरवासीको स्वास्थ्यमा नकरात्मक असर पर्ने गरेकोमा अब त्यसको अन्त्य भएको सरावगीको भनाई थियाे । 
 
उनले भने “वीरगन्जमा निजी अस्पतालको संख्या बढेसँगै अस्पतालजन्य फोहोर विसर्जन गर्ने केन्द्रको आवश्यकता देखिएको थियो । अस्पतालले अनुमति पत्र लिने क्रममा अस्तालजन्य फोहोर आफैंले विसर्जन गर्ने जनाए पनि महानगरपालिकाको अन्य फोहोरसँगै मिसाउने गरिएको थियो । नालामा बगाउने गरिएको थियो । यसले संक्रामक रोग फैलिने खतरा रहन्थ्यो ।”
 
वीरगञ्ज महानगर क्षेत्र भित्रका अस्पताल तथा स्वास्थ्य संस्थाहरुबाट निस्किएका फोहोर पदार्थ, मानव अङ्ग लगायतका बेकार पदार्थलाई अत्याधुनिक मेसिनद्वारा व्यवस्थापन गर्न सेन्टरको निर्माण गरिएको हो । 
 
अस्पतालजन्य फोहोर संकलनका लागि दुईवटा मिनी ट्रकसमेत खरिद गरिएको छ । ल्यान्ड फिल्ड साइटका ठेकेदारलाई नै केही समय अस्पतालजन्य फोहोर विसर्जन केन्द्र सञ्चालनको जिम्मा दिइने र पछि निजी साझेदारी अन्तर्गत ठेक्का लगाउने मेयर सरावगीले जनाए ।
 
उद्घाटन कार्यक्रममा वीरगंज महानगरपालिकाका प्रमुख प्रशासकिय अधिकृत निश्चल राज पाण्डे, नारायणी अस्पतालका निमित्त मेडिकल सुपरिटेण्डेण्ट डा. बिरेन्द्र बहादुर प्रधान लगायकाे उपस्थिती रहेकाे थियाे । 

“ट्राफिक सचेतना सप्ताहिक अभियान २०७८” को शुभारम्भ

0

वीरगंज । मोटरसाइकल तथा ठुला, मझौला सवारीहरुका चालक/सहचालक, सडक प्रयोग गर्ने यात्रु, पैदल यात्रु लगायतलाई लक्षित गरी साेमबार वीरगंजमा  “ट्राफिक सचेतना सप्ताहिक अभियान २०७८” को शुभारम्भ गरिएकाे छ ।

आम सर्वसाधारण तथा सडक प्रयोगकर्ताहरुलाई सवारी दुर्घटनाबाट हुने जनधनको क्षतिलाई न्युनिकरण गर्नको लागि ट्राफिक नियमको पालना सम्बन्धी जानकारी गराई ट्राफिक सचेतना सम्बन्धी जनचेतना फैलाउन मंसिर २७ गतेदेखि पुस ४ गते सम्म “ट्राफिक सचेतना सप्ताहिक अभियान” संचालन गरिएकाे जिल्ला ट्राफिक प्रहरी कार्यालय पर्साले जनाएकाे छ ।

अभियानकाे पहिलाे दिन जिल्ला प्रहरी कार्यालय, जिल्ला ट्राफिक प्रहरी कार्यालय पर्साको आयोजनामा ग्रिनसिटी सामुदायिक सेवा केन्द्रसंगको सहकार्यमा वीरगंज महानगरपालिकाकाे वडा नं. ८ आदर्शनगर चोकमा बिभिन्न ट्राफिक सचेतना सम्बन्धी स्लोगन भएका २५० वटा स्टिकर टाँस गर्नुकाे साथै ५०० प्रति पर्चा पम्पलेट वितरण गरिएको ट्राफिक प्रहरी कार्यालय पर्साका प्रमुख प्रहरी निरिक्षक सुमन कार्कीले जानकारी दिए ।

यस अघि वीरगंजको आदर्शनगरदेखी लोहरपट्टी चोक हुँदै माईस्थान चोक सम्म प्रभातफेरी समेत निकालिएकाे थियाे । 

वीरगंज महानगरपालिकाको प्रमुख प्रशासकीय अधिकृत निश्चल पाण्डेकाे प्रमुख अतिथ्यमा भएकाे कार्यक्रममा जिल्ला प्रशासन कार्यालय पर्साका सहायक प्रमुख जिल्ला अधिकारी भिमकान्त पौडेल, जिल्ला प्रहरी कार्यालय पर्साका प्रमुख प्रहरी उपरीक्षक रमेश बस्नेत, सशस्त्र प्रहरी गणका गणपति राजेन्द्र खड्का, वीरगंज पब्लिक कलेजका संचालक डा. दिपक शाक्य लगायतकाे सहभागिता रहेकाे थियाे । 

रेडियाे वीरगंज २० औं बर्षमा प्रबेश

0

वीरगंज । मध्य तराइकै पहिलो रेडियो, रेडियो वीरगंज ९९ मेगाहर्जले साेमबारबाट आफनो प्रसारणको १९ वर्ष पुरा गरी २० औँ बर्षमा प्रवेश गरेको छ । 

समाजीक क्षेत्रमा समेत उल्लेख्य योगदान पु¥याउदै आएको रेडियो वीरगंजले १९ औ वार्षिकोत्सवको अवसरमा गत मंसिर १८ गते वृहत रक्तदान कार्यक्रम सम्पन्न गरेको छ भने मंसिर २५ गते राष्ट्रिय ख्याती प्राप्त कलाकारहरुको सहभागितामा खुला सांस्कृतिक कार्यक्रम सम्पन्न समेत गरि सकेको छ ।

रेडियो वीरगंजले १९ बर्ष पुरा गरी २० औं बर्षमा प्रवेश गरेको अवसरमा रेडियोका कार्यकारी अध्यक्ष ध्रुव साहले एक प्रेस विज्ञप्ती जारी गरी रेडियोका आम स्रोता, विज्ञापनदाता, शुभचिन्तकहरु प्रति आभार प्रकट गरेका छन् । उनले सबैको अपार स्नेहका कारण रेडियो वीरगंज मध्य तराईका श्रोताहरुको ढुकढुकी बन्न सफल भएको बताए ।

श्रोता, विज्ञापनदाता र शुभचिन्तकको अपार माया, स्नेह र सहयोगको कारण रेडियो वीरगंजले रेडियो पोखरीया, टिभी बीरगंज संचालन गरि रहेको र टिभि वीरगंजले बार्षिक उत्सवको अवसरमा २७ गते  साेमबारदेखि नै नियमित प्रशारण हुने भएको साहद्वारा जारी विज्ञप्तीमा उल्लेख गरिएको छ ।

त्यसैगरी केहि समय भित्रै म्युजिक एफ.एम. समेत संचालनमा आउने जनाईएको छ । कार्यकारी अध्यक्ष साहद्वारा जारी विज्ञप्तीमा १९ बर्ष सम्म रेडियो वीरगंजलाई अपार माया, स्नेह, प्रदान गर्ने स्रोता, विज्ञापनदाता, शुभचिन्तकहरुको विश्वासलाई थप मजबुद बनाउँदै जाने प्रबिद्धता समेत व्यक्त गरेका छन् ।

भारत पञ्जाबकी २१ वर्षीया हरनाज बनिन मिस युनिभर्स २०२१

0

भारतकी हरनाज कौर सन्धु ‘मिस युनिभर्स २०२१’ बन्न सफल भएकी छन् । उनी ० औं मिस युनिभर्स बनेकी हुन् । सोमबार बिहान इजराइलको इलियटमा आयोजित कार्यक्रमकाबीच उनलाई मिस युनिभर्स घोषित गरिएको हो । 

भारतको पञ्जाबकी २१ वर्षीया हरनाजले पराग्वेकी नादिया फरेरा र दक्षिण अफ्रिकाकी ललेला मसवानेलाई हराउँदै मिस युनिभर्सको ताज जितेकी हुन् । सन् २०१७ मा हरनाजले ‘मिस चन्डीगढ’ जितेकी थिइन् । उनले अर्को वर्ष २०१८ मा ‘मिस म्याक्स इमर्जिङ इन्डिया २०१८’ पनि जितेकी थिइन् । उनले सन् २०१९ मा ‘मिस इन्डिया’ पनि सहभागिता जनाएकी थिइन् । उनी सो प्रतियोगिताको टप १२ सम्म पुगेकी थिइन् । 

यसअघि सन् १९९४ मा भारतकी सुष्मिता सेनले पनि मिस युनिभर्सको ताज पहिरिएकी थिइन् । यसैगरी, सन् २००० मा लारा दत्ताले जितेकी थिइन् । 

नेपालबाट ‘मिस युनिभर्स २०२१’ मा ‘मिस युनिभर्स नेपाल’ सुजिता बस्नेत पनि सहभागी थिइन् ।  ​

सुरेन्द्र चाैधरीले लिए सह महामन्त्रीबाट उम्मेदवारी फिर्ता

0

वीरगंज । नेपाली कांग्रेसकाे १४ औं महाधिवेशनमा सह महामन्त्रीमा उम्मेदवारी दिएका पर्साका नेता सरेन्द्र चाैधरीले आफ्नाे उम्मेदवारी फिर्ता लिएका छन् ।

केन्द्रि सह महामन्त्री (थारु) मा उम्मेदवारी दिएका चाैधरीकाे नाम  निर्वाचन समितिले प्रकाशित गरेकाे उम्मेदवारकाे अन्तिम नामावलीमा छैन् । उम्मेदवारकाे अन्तिम नामावलीमा एउटा सह महामन्त्री (थारु) काे लागि बाराका नेता उमाकान्त चाैधरी र तेजु लाल चाैधरीकाे नाम मात्र छ ।

अन्तिम नामावली अनुसार सह महामन्त्री (थारु) का लागि साेमबार हुने निर्वाचनमा यी दुई नेता बिच प्रतिस्पर्धा हुने छ ।

नेपाली कांग्रेसकाे केन्द्रिय सदस्यमा नेता रिजाल निर्विराेध

0

वीरगंज । नेपाली कांग्रेसकाे केन्द्रिय सदस्यमा रमेश रिजाल निर्विराेध निर्वाचित भएका छन् । काठमाडाैंमा जारी नेपाली कांग्रेसकाे १४ औं महाधिवेशनमा केन्द्रिय सदस्यमा प्रदेश २ बाट (खुल्ला) मा उम्मेदवारी दिएका नेता रिजाल निर्विराेध निर्वाचित भएका हुन् ।

प्रदेश नं. २ काे दुई जना खुल्ला पुरुष केन्द्रिय सदस्यकाे लागि ३ जनाले मनाेनयन दर्ता गराएका थिए । केन्द्रिय सदस्यकाे लागि रमेश रिजाल, आनन्द ढुंगाना र जंगीलाल राय उम्मेदवारी दर्ता गराएका थिए । जस मध्ये रायले आफ्नाे उम्मेदवारी फिर्ता लिएपछि रिजाल र ढुंगाना निर्विराेध निर्वाचित भएकाे महाधिवेशन प्रतिनिधि नविन सिंहले जानकारी दिए । 

पर्सा क्षेत्र नं. ४ बाट चुनाव लड्दै आएका नेता रिजाल आफ्नाे निर्वाचन क्षेत्रमा क्षेत्रिय अधिवेशन पनि निर्विराेध गराउन सफल भएका थिए । पर्साका अन्य ३ निर्वाचन क्षेत्रमा चुनाव भए पनि क्षेत्र नं. ४ मा निर्विराेध क्षेत्रिय समिति र महाधिवेशन प्रतिनिधिहरु निर्वाचित भएका थिए ।