Date
बुध, मंसिर २, २०८३
Wed, November 18, 2026
Home Blog Page 691

सही नेतृत्व नचुने सम्म जनताले दु:ख पाइरहन्छ : अध्यक्ष लिङ्देन

0

वीरगंज । राष्ट्रिय प्रजातन्त्र पार्टीका केन्द्रिय अध्यक्ष राजेन्द्र लिङ्देनले सही ब्यक्ति र सहि नेतृत्व चुन्न नसकेसम्म जनताकाे दुःख अन्त्य नहुने बताएका छन् । राष्ट्रिय प्रजातन्त्र पार्टी पर्साले मंगलबार वीरगंजमा आयाेजना गरेकाे आम सभा आमसभालाई सम्बोधन गर्दै अध्यक्ष लिङ्देनले जनताकाे दु:ख अन्त्य र देशको समस्या समाधानकाे सही व्यक्तिलाई निर्वाचित गर्नु पर्नेमा जोड दिए ।

उनले भने, “यदि सही व्यक्तिलाई चुन्न सकेनौ भने बेरोजगारीको समस्या अँझै बढेर जान्छ । जनताका दुःख अन्त्य हुने छैन । अहिले को अवस्थामा सिटामोल पाउन पनि अदालतको आदेश कुनु पर्ने र पैसा तिरेर पनि आवश्यक परेको बेलामा मल तथा बिउ नपाइने देशमा अरु बिकासको आश गर्न सकिदैन ।”

सिमित दलका सिमित व्यक्तिहरुले ३१ वर्षसम्म आफ्नो र आफ्ना आसेपासेको गोजी भर्ने बाहेकका कुनै काम गर्न नसकेको उनको आरोप थियाे । मधेशी शहिदको सहादतपछि मधेशले के पायो ? प्रशन गर्दै उनले मधेशबाट प्रतिनीधित्व गर्दै संसदसम्म पुगेर सत्तामा पुगेपनि मधेशी जनताकाे कुनै उपलब्धी नभएको बतारए ।

नेपाली चलचित्रकी नायिका रेखा थापाले मेहनत गरेर उत्पादन गरेको उखुको पैँसा समयमै पाउन नसक्ने अवस्थाको अन्त्यका लागि कसैले पहलकदमी नचालेको वताइन । साथै नेपालको सिमाना बचाउनमा तराई मधेसको ब्यत्किहरुको धेरै भुमिकस रहेको बताइन।

यथास्थितीबाट देशलाई मुक्त गरेर अगाडी लैजाने राप्रपाको राष्ट्रिय अभियानमा हातेमालो गर्न उनले आग्रह समेत गरिन ।

राप्रपाका पुर्ब केन्द्रिय अध्यक्ष तथा पुर्व मन्त्री डा. प्रकास चन्द लोहनीले प्रजातन्त्र, गणतन्त्र र लोकतन्त्रको नाममा केही तत्वहरुले लुट तन्त्र मच्चाइरहेको आरोप लगाउँदै अमेरिकाकाबाट ४० करोड ल्याएको रुपैंयाको हिसाब किताब गर्दा अहिले सम्म नदिएको र सम्पत्ति सुदृढीकरण बिभागमा निवेदन समेत दिदा निकास नपाएको ले यो देशको लाज मर्दो काहानी भएको बताए ।

जिल्ला अध्यक्ष अंगद ठाकुरको सभापतित्वमा भएको कार्यक्रममा केन्द्रिय उपाध्यक्ष ध्रुव प्रधान, केन्द्रिय सदस्य डा. राजेस गिरी, भुवन पाठक, मिना सुबेदी, मधेस प्रदेश अध्यक्ष भरत गिरी, पर्सा जिल्ला उपाध्यक्ष रामयोधा राउत, अवध किसोर साह, शान्ती केशी, कोषाध्यक्ष जगरनाथ प्रसाद कुर्मि, जिल्ला सचिव पनालाल पटेल, अजय पौडेल लगायतकाले मन्तव्य राखेका थिए ।

नेशनल मेडिकल कलेजबाट माेटरसाइकल चाेरी, दुई जना पक्राउ

0

वीरगंज । प्रहरीले माेटरसाइकल चाेरीकाे आराेपमा वीरगंजबाट दुई जनालाई पक्राउ गरेकाे छ । वीरगञ्ज महानगरपालिकाकाे वडा नं. २२ जगरनाथपुर बस्ने वर्ष २० को ऋषी पासवान र वर्ष १९ को सहिम मियाँ अन्सारीलाई प्रहरीले पक्राउ गरेकाे हाे ।

वीरगञ्ज महानगरपालिकाकाे वडा नं. १५ स्थित नेशनल मेडिकल कलेजमा पार्किङ गरी राखेको जिल्ला रौतहट फतुवा विजयपुर नगरपालिकाकाे वडा नं. १० बस्ने लक्ष्मी चौधरीको ना ३५ प ५९१ नम्बरको कालो रंगको सुपर स्पलेण्डर मोटरसाइकल चाेरीकाे आराेपमा दुबै जनालाई नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

दुबै जनालाई साेमबार राति १० बजे मो.सा.को लक तोडी चोरी गरी भाग्दै गरेको सूचनाकाे आधारमा प्रहरी चौकी बसपार्कबाट खटिएको टोलीले उक्त मोटरसाइकलसहित निजहरुलाई नियन्त्रणमा लिइएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

 पक्राउ परेका दुबै जनामाथी चोरी सम्बन्धी कसूरमा अनुसन्धान अगाडि बढाइएको उनले जानकारी दिए ।

हरवाचरवा अधिकार मञ्च गठन

0

वीरगंज । बर्दिबास महोत्तरी हरवाचरवा मुक्तिको घोषणा गरौ, न्यायपुर्ण श्रम सम्बन्ध कायम गरौ भन्ने मुल नाराका साथ महोत्तरी जिल्लाको बर्दिबासमा हरवाचरवा अधिकार मञ्चको प्रथम जिल्ला भेला सम्पन्न भएको छ ।

भेलाले जतन मण्डलको अध्यक्षतामा १५ सदस्यीय जिल्ला हरवाचरवा अधिकार मञ्च महोत्तरी गठन गरेको छ । नवगठित मञ्चको उपाध्यक्ष श्यामसुन्दर मण्डल, सचिव ममता बिश्वकर्मा, कोषाध्यक्ष तेतरी देबी यादब र सहसचिव गितादेबी मण्डल चयन भएका छन् ।

त्यसैगरी सदस्यहरुमा सामा सदा, दुलारी सदा, उर्मिला सदा, सुस्मा परियार, सबिना परियार, अरुन दाश, सुमित्रा कापड, लोथी खातुन, बेचन दाश र रन्जुदेबी मण्डल रहेका छन् ।

भेलाको उदघाटन गर्दै कार्यक्रमका प्रमुख अतिथी मधेस प्रदेशसभा सदस्य एवं नेपाल कम्युनिष्ट पार्टी (एकिकृत समाजबादी) का पोलीटब्युराे सदस्य माननीय रबिन्द्र बैठाले युगौदेखि दाशप्रथाको अबशेषको रुपमा रहेको हरवाचरवा प्रथाको समुल रुपमा अन्त्य गर्न संघर्ष आवश्यक रहेको र त्यसका लागि जुझारु ढंगबाट अधिकारवालाको संगठन परिचालन गर्नु पर्ने जिकीर गरे ।

साथै उहाँले आफुपनि हरवाचरवा पृष्ठभूमीबाट यहाँसम्म आईपुगेको कुरा स्मरण गर्दै आगमाी निति तथा कार्यक्रममा हरवाचरवाका सवालहरु सम्बोधन गराउन प्रदेशसभामा जोडदार ढंगले कुरा उठाउने प्रतिबद्धता ब्यक्त गरे ।

कार्यक्रमका बिशीष्ट अतिथी राष्ट्रिय दलित नेटवर्कका केन्द्रीय अध्यक्ष संघीय सरकारकाे भूमि ब्यवस्था, कृषि तथा सहकारी मन्त्रालयद्वारा हालै गठित हरवाचरवा, मुक्त हलिया तथा कमैया समस्या सामाधान अध्ययन समितिका बरिष्ठ सदस्य गणेश बिश्वकर्माले राज्यको संरचनात्मक रुपान्तरण मार्फत मुलुकले संघीयता र समावेशी बिकास अवलम्बन गरिसकेको सन्दर्भमा अझैपनि दाशप्रथाको अबशेषहरु बाँकी रहनु दुखदायी भएकाे वताए ।

उनले यसलाई समुल रुपमा उन्मुलन गर्न राज्य नै मुख्य जिम्मेवार रहनुपर्ने कुरामा जोड दिए । साथै उनले हरवाचरवा सवाललाई समाजको साझा एजेण्डा बनाई त्यसको सामाधानका लागि राजनितिक दलहरुले पहल कदमी लिनुपर्ने औल्याए ।

राष्ट्रिय हरवाचरवा अधिकार मञ्चका केन्द्रीय अध्यक्ष दर्शन मण्डलले हरवाचरवाको प्रमुख माग अनुचित क्रण खारेजी सहित मुक्तिको घोषणा र न्यायिक पुनस्थापन भएकोले त्यसलाई सरकारले समयमै सम्बोधन नगरे मधेस प्रदेशका ८ वटा जिल्लाबाट आन्दोलनको आधीबेरी श्रृजना गर्दै काठमाण्डौमा सिंहद्वार घेराउ हुने चेतावनी समेत दिए ।

जतन मण्डलको अध्यक्षतामा भएकाे भेलामा द फ्रिडम फण्डका कार्यक्रम ब्यवस्थापक केभीन ग्रोम, नेपाल कार्यक्रम सल्लाहकार जियाम श्रेष्ठ, कानुनी सल्लाहकार बालाराम भट्टराई लगायतले शुभकामना मन्तव्य व्यक्त गरेका थिए । 

जिल्ला हरवाचरवा एक्टिभीष्ट बिशेश्वर साफीले स्वागत मन्तव्य राखेकाे कार्यक्रममा राष्ट्रिय दलित नेटवर्कका टीम लिडर हुकुम सार्कीले कार्यक्रमको औचित्यत्ताबारे प्रकाश पारेका थिए । कार्यक्रमको सञ्चालन राष्ट्रिय दलित नेटवर्कका जनवकालत अधिकृत सञ्जय कुमार महराले गरेका थिए ।

जबरजस्ती करणी आराेपमा पटेर्वा सुगाैलीबाट एक जना पक्राउ

0

वीरगंज । पर्सा प्रहरीले १५ बर्षिय बालिकालाई जबरजस्ती करणी गरेकाे आराेपमा एक जनालाई पक्राउ गरेकाे छ । प्रहरीले पर्साकाे पटेर्वा सुगौली गाउँपालिका वडा नं. ४ बस्ने वर्ष २२ को आदेश पटेललाई पक्राउ गरेकाे हाे ।

पीडित बालिकाकाे अभिभावकले दिएकाे जाहेरीकाे आधारमा आराेपित पटेललाई पक्राउ गरिएकाे जिल्ला प्रहरी कार्यालय पर्साले जनाएकाे छ । आइतबार अन्दाजी १०.३० बजे बालिकालाई पिछा गरी निज बालिका आफ्नै घर नजिकको गोठमा दाउरा लिन पुगेको समयमा जबरजस्ती करणी गरेकाे पडितकी अभिभावले दिएकाे जाहेरीका उल्लेख गरेका छन् ।

जबरजस्ती करणी उद्योग गर्दा पीडितको हारगुहारपश्चात् आरोपित व्यक्ति तत्काल भागेको पीडितको अभिभावकको जाहेरी दरखास्तको आधारमा खोजतलासको लागि खटिएको प्रहरी टोलीले पटेललाई साेमबार नियन्त्रणमा लिएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले वताए ।

पटेलमाथी जबरजस्ती करणी उद्योग कसूरमा अनुसन्धान भइरहेको प्रवक्ता खनालले जानकारी गराए ।           

लागु औषधसहित शेर्पा पक्राउ

0

वीरगंज । पर्सा प्रहरीले लागु औषधसहित एक जनालाई नियन्त्रणमा लिएकाे छ । प्रहरी चौकी बसपार्कबाट खटिएको टोलीले जिल्ला दोलखा जिरी नगरपालिका वडा नं. ७ निवासी २४ बर्षिय बाङचुङ शर्पालाई पक्राउ गरेकाे हाे ।

विशेष सूचनाको आधारमा वीरगञ्ज महानगरपालिका वडा नं.१६ बसपार्कबाट साेमबार दिउसाे २:१५ बजे शंकाष्पदरूपमा पैदल हिंडिरहेका शेर्पाले बोकेको झोला चेकजाँच गर्दा कालो प्लाष्टिकमा लुकाइछिपाई ल्याएको लागु औषध बरामद भएकाे जिल्ला प्रहरी कार्यालय पर्साले जनाएकाे छ ।

शेर्पाकाे साथबाट DIAZEPAM १२८ एम्पुल, NOOPHIN २८ एम्पुल, PHENERGAN १२६ एम्पुल र BUPRENORPHINE १०० एम्पुल गरी जम्मा ३८२ एम्पुल फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

उल्लेखित लागु औषध बरामद गरी निजलाई नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएको प्रवक्ता खनालले वताए ।

कांग्रेसबाट निर्वाचित वडाध्यक्ष मियाँ एमाले प्रबेश

0

वीरगंज । नेपाली कांग्रेस पर्साका जिल्ला सदस्य एवम् वीरगंज महानगरपालिकाकाे वडा नम्बर २१ परवानीपुरका वडाध्यक्ष हबिब मियाँ नेकपा एमालेमा प्रवेश गरेका छन् । नेपाली काङ्ग्रेसबाट निर्वाचित वडा अध्यक्ष मियाँ सोमवार नेकपा एमालेमा प्रवेश गरेका हुन् । 

वडाअध्यक्ष मियाँलाई नेकपा एमालेका केन्द्रिय सदस्य एवम् पर्साका ईन्चार्ज प्रभु हजरा, प्रदेश कमिटी सदस्य एवं संविधान सभा सदस्य बिचारी यादव,  प्रदेश कमिटी सदस्य बसरुदिन अन्सारी, वीरगञ्ज महानगरपालिकाका मेयर बिजय कुमार सरावगी लगायतले फुल माला र खादा लगाएर पार्टीमा स्वागत गरेका थिए । 

मियाँ नेपाली कांग्रेसका नेता एवम् संविधान सभा सदस्य अनिल रुगंटा निकट थिए । उनकै काेटाबाट कांग्रेसकाे १४ औ अधिवेशनमा जिल्ला सदस्यमा निर्वाचित भएका थिए । असान्न निर्वाचनमा कांग्रेसबाट वडाध्यक्षकाे टिकट नपाउने भएपछि उनी एमाले प्रबेश गरेकाे बुझिएकाे छ ।

स्थानीय तह निर्वाचनका लागि पर्सा काँग्रेसमा समितिहरु गठन

0

वीरगंज । आसन्न स्थानीय तह निर्वाचनलाई मध्यनजर गर्दै नेपाली काँग्रेस पर्साले ‘स्थानीय तह निर्वाचन परिचालन समिति’ र बिभिन्न उपसमितिहरु गठन गरेको छ । काँग्रेस पर्सा जिल्ला समितिको बैठकबाट स्थानीय तह निर्वाचन केन्द्रित समितिहरु गठन गर्ने क्रममा कारवाहीको अधिकारसहितको अनुशासन समिति पनि गठन भएको हो ।

काँग्रेसको पर्सा जिल्ला समितिका सभापित सभापति जनार्दन सिंह क्षेत्रको अध्यक्षतामा बसेको बैठकले उनकै संयोजकत्वमा ‘स्थानीय तह निर्वाचन परिचालन समिति’ गठन गरेको छ । यस समितिमा केन्द्रीय सदस्यहरु, साँसद तथा साँसदका उम्मेदवारहरु, पुर्व जिल्ला सभापतिहरु, जिल्ला समितिका पदाधिकारीहरु, केन्द्र तथा प्रदेशका महाधिवेशन प्रतिनिधि, क्षेत्री समितिका सभापतिहरु, प्रदेश सभा क्षेत्रका सभापतिहरु, महानगपलिका, नगरपालिका तथा गाउँपालिकाका सभापतिहरु र भातृ संगठन तथा शुभेच्छु संस्थाका अध्यक्षहरुसमेत रहेका छन् ।

त्यस्तै पार्टीका जिल्ला प्रवक्ता रमेश पाण्डेयको संयोजकत्वमा नेताहरु चन्द्रिका केशरवानी र प्रमचन्द्रप्रसाद कोइरी सदस्य रहनेगरी ३ सदस्यीय अनुसाशन उप समिति गठन गरिएको छ । निर्वाचनको समयमा पार्टी आबद्ध कोहीले नेपाली काँग्रस अनि पार्टीका उम्मेदवारलाई असर पर्ने गतिबिधि र अनुशासन बिपरितका आचरण कारवाही अधिकारसहित बिधान अनु्सार अनुसाशन उप समिति गठन भएको काँगेस पर्साका उपसभापति रामनारायण कुर्मीले बताए ।

बैठकले उपसभापति कुर्मीको संयोजकत्वमा स्थानीय तह निर्वाचन प्रचारप्रसार उप समिति, जिल्ला सचिव इम्तियाज आलमको संयोजकत्वमा युवा तथा विद्यार्थी परिचालन उप समिति र शशीलता गिरीको सयोजकत्वमा महिला परिचालन उपसमिति गठन गरेको जिल्ला सचिव दिनेश चौधरीले बताए ।

चिकित्सक श्रीमती संघद्वारा छात्राहरुलाई महिनावारी सम्बन्धी प्रशिक्षण

0

परवानीपुर । पर्सा चिकित्सक श्रीमती संघको आयोजनामा साेमबार कन्या स्कुल वीरगंजमा अध्यनरत कक्षा ६ देखी कक्षा ८ सम्मका छात्राहरुलाई महिनावारी समबन्धी प्रशिक्षण कार्यक्रम समपन्न भएको छ ।

कार्यक्रममा सहभागि छात्राहरुलाई स्त्री तथा प्रसुती रोग बिशेषगय डा. दिप्ती यादव र डाइगोलोजीस्ट बिशेषगय डा. निसा सिंहले प्रशिक्षण दिएकी थिइन । प्रशिणमा छात्राहरुलाई महिनावारी समबन्धी बिभिन्न बिषय बस्तुहरुमा प्रकाश पारिएकी थिइन ।

छात्राहरुलाई महिनावारी आउदा के के कुराहरुमा ध्यान दिने, महिनावारी आउदा कपडाकाे सट्टा सनेटरी प्याडको प्रयोग गर्ने, मनिावारी समबन्धी बिषयमा लाज नमानी खुलेर कुरा गर्ने आदी बिषयहरुमा प्रशिक्षण दिइएकाे डा. निभा सिंहले वताइन ।

महिनावारी एउटा महिलाहरुको लागी अति नै सम्बेदनशिल बिषय भएको हुनाले छात्राहरुलाई महिनावारी आएको बेला सरसफाईमा कसरी ध्यान दिनु पर्ने डा. दिप्ती यादवले वताइन । उनले याे समबन्धी कुनै समस्या आए चिकित्सको सल्लाह लिने, शरिर अनुसार महिनावारी कहिले काही ढिलो आउने हुनाले न आतिन पनि छात्राहरुलाई आग्रह गरिन ।

अन्य छात्राहरुलाई दुई सिफटमागरी प्रशिक्षण दिने र आउने दिनहरुमा ग्रामीण भेगका स्कुलहरुमा पनि यस्ता कार्यक्रमहरु लिएर जाने आफुहरुको योजना रहेको संस्थाकी सचिव निसा सिंहले जानकारी दिइन ।

संस्थाकी अध्यक्ष निता झाको अध्यक्षतामा भएकाे कार्यक्रममा संस्थाकी सदस्य पबित्रा गजुरेल, निभा दास, ज्योती गजुरेल, प्रिया सिंह, ज्योती ठाकुर, निभा मिश्रा, दिपाली यादव लगायत संचारकर्मीहरुको उपस्थिती रहेको थियो ।

वीरगञ्जको गणेशमानस्थित कन्या स्कुलमा भएकाे प्रशिक्षण कार्यक्रममा कन्या स्कुलका दुई सय जना छात्राहरुको सहभागिता रहेको थियो ।

वीरगंज ५ मा जसपाकाे वडा भेला सम्पन्न

0

वीरगंज । वीरगंज महानगरपालिकाकाे वडा नम्बर ५ कुम्हाल टोलमा आज जनता समाजवादी पार्टीको वडा स्तरिय भेला सम्पन्न भएको छ । भेलामा सहभागी नेताहरुले स्थानीय तहमा जनता समाजवादी पार्टीका उम्मेदवारलाई वियजी बनाउन निर्देशन दिएका छन ।

जनता समाजवादी पार्टीका नेता एवं वडा अध्यक्ष पदका प्रत्यासी शुशिल सिंह क्षेत्रीको अध्यक्षतामा भएको कार्यक्रममा पर्सा क्षेत्र नम्बर १ का प्रतिनिधि सभा सदस्य प्रदीप यादवले वीरगंज महानगरपालिकाको सबै वडा कब्जा गर्ने गरी निर्वाचनमा होमिने कार्यकर्ताहरुलाई निर्देशन दिए ।

उनले यसपटकको निर्वाचनमा वीरगंज महानगरपालिकाको यो वडा संगै पर्साको अधिकांश पालिका जसपाले जित्ने दावी गरे । प्रतिनिधि सभा सदस्य यादवले २०७४ सालको निर्वाचनमा जनता समाजवादी पार्टी नेपाल नै महानगरपालिकाको मेयर संगै अधिकांश वडा जितेको स्मरण गर्दै उनले यसपाली ५ नम्बर वडा पनि जित्ने जिकिर गरे ।

सहभागी सयौँको जनताले जसपा प्रति विश्वास व्यक्त गर्दै स्थानीय तहको निर्वाचनमा छाता छापमा मतदान गर्ने प्रतिबद्धता व्यक्त गरेको उनले बताए । स्थानीयहरूको विश्वासले हामी भित्र हौसला थपिएको छ र थप ऊर्जाका साथ अगाडि बढ्न मनोबल बढेको छ ,’यादवले भने ।

भेलामा नेताहरु राजेशमान सिंह ,श्याबाबु चौरसीया महम्द, नुरुलहोदा मियाँ, कुमार रुपाखेती सहितका स्थानीय नेताहरु सहभागी थिए ।

नेकपा एस निकट प्रगतिशिल शिक्षक संगठन पर्सा गठन

0

वीरगंज । नेकपा एकीकृत समाजवादी निकट प्रगतिशिल नेपाल राष्ट्रिय शिक्षक संगठन पर्सा जिल्ला कमिटी गठन भएको छ । वीरगंजकाे विर्तामा रहेकाे त्रिजुद्ध माध्यमिक विद्यालयकाे सभाहलमा शनिबार भएकाे प्रगतिशिल शिक्षकहरुको भेलाले रामाकान्त औझैयाको अध्यक्षतामा केही सदस्य थप्ने गरी २१ सदस्यीय जिल्ला कमिटी गठन गरेको हाे ।

नव गठित कमिटीको उपाध्यक्षमा रामजी चौहान, महिला उपाध्यक्षमा कविता फुँयाल, सचिवमा चन्द्रमोहन प्रसाद चौरसिया, सह सचिवमा ममता चौधरी, कोषाध्यक्षमा असेश्वर यादव, सह–कोषाध्यक्षमा निरमाया आले, सदस्यहरुमा रामबच्चन चौरसिया, प्रेम प्रसाद, सम्पत यादव लगायतका सर्वसहमत चयन भएका छन् ।

गोपिचन्द यादवको सभापतित्वमा भएकाे भेलामा नेकपा एकिकृत समाजवादीका केन्द्रिय सचिव नागेन्द्र चौधरी, पाेलिट ब्युराे सदस्य एवम् पर्सा जिल्ला इन्चार्ज रामचन्द्र साह, पाेलिट ब्यराे सदस्य एवं वीरगंज महानगरका इन्चार्ज चिरञ्जिवी आचार्य, केन्द्रिय सदस्य एवम् पर्सा जिल्ला अध्यक्ष बालगोपाल थापा, समाजवादी प्रेस संगठन नेपाल मधेश प्रदेशका अध्यक्ष बृजलाल पासवान, समाजवादी प्रेस संगठन नेपाल पर्साका अध्यक्ष मनोज पटेल लगायतले मन्तव्य राखेका थिए ।

कार्यक्रममा वाेल्ने वक्ताहरुले शिक्षकहरुको पेशागत विकास, सुरक्षा तथा हक अधिकारका लागि देशका सबै शिक्षकहरु प्रगतिशिल राष्ट्रिय शिक्षक संगठनमा गोलबद्ध हुन आग्रह गरे । पछिल्लो समयमा शिक्षकहरुको मनोभावना गिराउने काम स्थानीय सरकारले गरेको चर्चा गर्दै देशको भविष्य कोर्ने भावी पुस्तालाई बाटो देखाउने काम गर्दै आएका शिक्षकहरु उपर कुनै किसिमको अनावश्यक दबाब श्रृजना गरिए सिंगो नेकपा एकिकृत समाजवादी पार्टी शिक्षकहरुको पक्षमा उभिने प्रतिबद्धता समेत व्यक्त गरेका थिए ।