Date
बुध, मंसिर २, २०८३
Wed, November 18, 2026
Home Blog Page 692

सखुवा प्रसाैनीमा दलित समुदायकाे क्षमता विकास तालिम

0

वीरगंज । पर्साकाे सखुवा प्रसाैनी गाउँपालिका वडा नं. १ र ४ मा दलित समुदायकाे ३ दिने क्षमता विकास तालिम सम्पन्न भएकाे छ ।सखुवा प्रसाैनी गाउँपालिकाकाे सहयाेग र परिर्वतन अभियान नेपालकाे आयाेजनामा तालिम सम्पन्न भएकाे हाे ।

दुईटै वडामा छुट्टा छुट्टै भएकाे तालिममा प्रशिक्षक चन्दन कुमार साह, विशेश्वर प्रसाद साह, जितेन्द्र यादव र दिनेश्वर प्रसाद साहले प्रशिक्षण दिएका थिए ।

आयाेजक संस्थाका अध्यक्ष मनाेज कुमार यादवककाे अध्यक्षता र गाउँपालिका अध्यक्ष प्रदिप जयसवालकाे प्रमुख आतिथ्यतामा भएकाे तालिम समापन समाराेहमा वडाध्यक्षहरु निजामुदिन अन्सारी, रुपलाल कुमार यादव, सलिम मियाँ अन्सारी, विश्वनाथ पटवारी लगायतकाले मन्तव्य राखेका थिए ।

पछाडी पारिएका दलित समुदायका महिला तथा पुरुषहरुकाे नेतृत्वदायी क्षमता अभिवृद्धि गर्ने उद्देश्यले तालिमकाे आयाेजना गरिएकाे आयाेजक संस्थाका अध्यक्ष यादवले जानकारी दिए ।

पर्सामा कार्यरत १० प्रहरी निरिक्षककाे सरुवा

0

वीरगंज । पर्सामा कार्यरत नेपाल प्रहरीका १० प्रहरी निरिक्षककाे सरुवा भएकाे छ । प्रहरी प्रधान कार्यालयले शुक्रबार एकैसाथ ६७३ जना प्रहरी निरिक्षककाे गरेकाे सरुवामा पर्सामा कार्यरत १० जना परेका हुन् ।

२०७९ वैशाख महिनादेखिको तलबभत्तासमेत हाल सरुवा भएको दरबन्दीबाटै पाउने गरी विभिन्न ठाँउमा सरुवा गरिएको प्रहरी प्रधान कार्यालयले जनाएकाे छ ।

प्रहरी प्रधान कार्यालयले शुक्रबार प्रकाशन गरेकाे सरुवा लिष्ट अनुसार जिल्ला प्रहरी कार्यालय पर्सामा कार्यरत प्रहरी निरिक्षक कुशल बर्तौलाको जिल्ला प्रहरी कार्यालय चितवन अपराध अनुसन्धान शाखामा सरुवा भएकाे छ । उनकाे ठाउँमा प्रहरी प्रधान कार्यालयले महानगरिय ट्राफिक प्रहरी परिसर, भक्तपुर ट्राफिक प्रहरी कार्यालयमा कार्यरत प्रकाश बस्नेतलाई पठाएकाे छ ।

जिल्ला प्रहरी कार्यालय पर्सा मै कार्यरत दिपेन्द्र श्रेष्ठको महानगरीय प्रहरी वृत सिंहदरबारमा सरु भएकाे छ । उनकाे ठाउँमा चितवनकाे इलाका प्रहरी कार्यालय फुलबारीमा कार्यरत देवराज शर्मालाई पठाइएकाे छ ।

जिल्ला प्रहरी कार्यालय पर्सा मै कार्यतर धर्मेश कुमार यादवको प्रदेश नम्बर १ को दंगा नियन्त्रणमा सरुवा भएको छ भने उनकाे ठाउँमा महानगरिय प्रहरी वृत लाैनचाेरमा कार्यरत प्रज्वल थपलियालाई पठाइएकाे छ ।

वडा प्रहरी कार्यालय श्रीपुरमा कार्यरत दिनेश गौतमको ईलाका प्रहरी कार्यालय बर्दीबासको महोतरी अपराधन नियन्त्रण शाखामा सरुवा भएकाे छ । उनकाे ठाउँमा सशस्त्र प्रहरी गण नं. १ गुल्म नं. ४ नक्साल काठमाडाैंमा कार्यरत डिल्ली राज सापकाेटालाई पठाइएकाे छ ।

वडा प्रहरी कार्यालय वीर्तामा कार्यरत राजेशराज पुरीको अख्तियार दुरुपयोग अनुसन्धान आयोगको केन्द्रिय कार्यालय मातहतमा सरुवा भएको छ । उनकाे ठाउँमा प्रहरी प्रधान कार्यालय भर्ना छनाैट महाशाखा नक्साल काठमाडाैंमा कार्यरत बिशाल मल्ल आएका छन् ।

ईलाका प्रहरी कार्यालय पोखरीयामा कार्यरत दीपक थापाको बाग्मति प्रदेश प्रहरी कार्यालय हेटौडामा सरुवा भएकाे छ । उनकाे ठाउँमा महानगरिय अपराध महाशाखा टेकु काठमाडाैंमा कार्यरत आयुश प्रसाद जाेशीलाई पठाइएकाे छ ।

ईलाका प्रहरी कार्यालय पटेवा सुगौलीमा कार्यरत रामकाजी थापाको जिल्ला प्रहरी कार्यालय बारामा सरु भएकाे छ भने उनकाे ठाउँमा प्रहरी प्रधान कार्यालय प्रशासन महाशाखामा कार्यरत किशाेर अचार्यलाई पठाइएकाे छ ।

ईलाका प्रहरी कार्यालय ठोरीमा कार्यरत ब्रहमदेव साहको जिल्ला प्रहरी कार्यालय पाँचथर सरुवा भएर पुगेका छन भने उनकाे ठाउँमा जिल्ला प्रहरी कार्यालय रामेछापमा कार्यरत श्री शंकर श्रेष्ठ आएका छन् ।

जिल्ला ट्राफिक प्रहरी कार्यालय वीरगंजमा कार्यरत सुमन कार्कीको प्रहरी प्रधान कार्यालयको बिशेष ब्युरो कार्यालयमा र मधेश प्रदेश विप्द व्यवस्थापन कार्यदल वीरगंजमा कार्यरत नितेश कुमा सिंहको जिल्ला प्रहरी कार्यालय भोजपुर सरुवा भएकाे छ ।

कार्कीकाे ठाउँमा प्रहरी प्रधान कार्यालय सुरक्षा सेवा व्यवस्थापन निर्देशनालय नक्सालमा कार्यरत ध्रुव प्रसाद दहाल र सिंहकाे ठाउँमा महानगरिय प्रहरी वृत दरबारमार्ग बच्चुराम फुयाँललाई पठाइएकाे छ । 

जसपा वीरगंज महानगरका उपाध्यक्ष रुषत्म कांग्रेस प्रबेश

0

वीरगंज । जनता समाजवादी पार्टी (जसपा) वीरगंज महानगरपालिका उपाध्यक्ष शेख रुषत्म नेपाली कांग्रेसमा प्रबेश गरेका छन् । वीरगंज महानगरपालिकाकाे वडा नं. १३ मा शनिबार भएकाे पार्टी प्रबेश कार्यक्रम उपाध्यक्ष रुषत्मसहित एक सय जना भन्दा बढीले कांग्रेस प्रबेश गरेका हुन् ।  

रुषत्मकाे नेतृत्वमा दाउत अन्सारी, लखन अन्सारी, जहुर हवारी, फिराेज हवारी, अरमान शेख, नेयाज अन्सारी, नरुत्लाह हवारी, मिठु हवारी, साविर हवारी, मुना शेख, फिराेज अन्सारी, वडा नं. १३ की निर्वाचित महिला वडा सदस्य विगन देवी लगायतकाले कांग्रेस प्रबेश गरेकाे वीरगंज १३ का बुथ सभापति कविर अन्सारीले जानकारी दिए ।

नव प्रबेशी सबै जनालाई नेपाली कांग्रेस पर्साका जिल्ला सभापति जनार्दन सिंह क्षेत्री, संविधान सभा सदस्य अनिल रुंगाटा, जिल्ला उप सभापति रामनारायण कुर्मी, जिल्ला सचिव इम्तियाज आलम, क्षेत्रिय सभापति अरविन्द गुप्ता, नेता प्रकाश उपाध्याय, राजु गुप्ता, नेतृ निलिमा खातनु लगायतकाले फुल माला र अविरकाे टिका लगाएर पार्टीमा स्वागत गरेका थिए ।

कार्यक्रमलाई सम्बाेधन गर्दै जिल्ला सभापति क्षेत्रीले मधेशी दलले जनतालाई ठगेकाे आराेप लगाए । कार्यक्रमका प्रमुख अतिथी समेत रहेका सभापति क्षेत्रीले मधेशी दलहरु सरकारमा गएपनि मधेश आन्दाेलनमा सहिद भएहरुलाई भुलेकाे वताए ।

उनले मधेश आन्दाेलनमा सहिद भएकाहरुलाई आफुहरु सरकारमा गए ५० लाख दिने मधेशी दलहरु वताए पनि सरकारमा गएपछि भैंसी बाडेर सहिदकाे अपमान गरेकाे वताए ।

कालिकामाई ५ बिरन्चीबर्वामा नेवि संघकाे समिति गठन

0

वीरगंज । पर्साकाे कालिकामाई गाउँपालिका वडा नं. ५ बिरन्चीबर्वामा नेपाली कांग्रेस निकट नेवि संघकाे भेला सम्पन्न भएकाे छ । बिरन्चीबर्वामा सम्पन्न भेलाले अक्षय कुमारकाे सभापतित्वमा २१ सदस्यीय एकाई समिति गठन गरेकाे नेवि संघ कालिकामाई गाउँपालिकाका सचिव आकाश चाैरसियाले वताए ।

एकाई समितिकाे उप सभापतिमा मनिलाल साह तेली, सचिवमा राजा कुमार, सह सचिवमा शुभाष चाैहान, काेषाध्यक्षमा श्रीराम कुमार, सदस्यमा शनि तिवारी, पवन कुमार, धर्मेन्द्र कुमार, रुपनारायण महताे, कृष्णा महताे, शत्रुधन महताे, जितेन्द्र महताे, सुरज राउत, रामबाबु साह तेली, अनिल माली, अनरजित यादव, रामविश्वास राउत, प्रकाश साह तेली लगायतका चयन भएकाे उनले जानकारी दिए । 

नेवि संघ कालिकामाई गाउँपालिकाका सभापति राजेश कुशवाहकाे सभापतित्व र नेपाली कांग्रेस कालिकामाई गाउँपालिकाकाे सभापति छठु साहकाे प्रमुख आतिथ्यतामा भएकाे भेलामा नेपाली कांग्रेसका महाधिवेशन प्रतिनिधि रामप्रसाद चाैहान, वडाध्यक्षका उम्मेदवार माधाे चाैहान लगायतकाले मन्तव्य राख्दै नेपाली कांग्रेसलाई जिताउन नेवि संघले भुमिका खेल्नु पर्नेमा जाेड दिएका थिए ।

अध्यक्ष मेहता र वडाध्यक्ष चाैहानसहित ३ सय जना कांग्रेस प्रबेश

0

वीरगंज । पर्साको पकहा मैनपुर गाउँपालिकामा शुक्रबार नेपाली काङ्ग्रेसको बृहत पार्टी प्रबेश कार्यक्रम सम्पन्न भएको छ । गाउँपालिकाको वडा नं. २ मधुवनीमा भएको कार्यक्रममा नेकपा माओवादी केन्द्र पकहा मैनपुर गाउँपालिका कमिटीका अध्यक्ष सुरेश मेहतासहित विभिन्न पार्टी परित्याग गरी दुई सय जना भन्दा बढी कांग्रेशमा प्रबेश गरेका छन् ।

गत बर्षको निर्वाचनमा माओवादीबाट गाउँपालिका अध्यक्षमा चुनाव लडेका मेहता गाउँपालिका अध्यक्ष विजय चौरसियाबाट झिनो मतान्तरले पराजित भएका थिए । अगामी निर्वाचनमा कांग्रेसबाट चुनाव लडने मेहताको तयारी छ ।

मेहतासंगै जनता समाजवादी पार्टी पकहा मैनपुर गाउँपालिका समितिका अध्यक्ष विनोद मेहता, माओवादी गाउँपालिका कमिटीका सचिव संजय चौहान, लतिफ मियाँ, साविक गाविस सुर्जाहाका पूर्व गाविस अध्यक्ष शिवनाथ महतो, विन्दुभुषण साह लगायतकाले पार्टी प्रबेश गरेका हुन् । गत बर्षकाे निर्वाचनमा तत्कालिन संघिय समाजवादी फाेरमबाट विनाेद मेहता वडाध्यक्षमा चुनाव लडेका थिए  ।

यसैगरी सोही कार्यक्रममा पोखरिया नगरपालिका वडा नं. ६ श्रीसियाका वडाध्यक्ष सियानन्द प्रसाद चौहान पनि पार्टी प्रबेश गरेकाे नेपाली कांग्रेस पर्सा क्षेत्र नं. ३ का सभापति श्रीकिशुन चौहानले जानकारी दिए । वडाध्यक्ष चाैहान संगै चानजित बैठा, इनरदेव यादव, शिवनारायण यादव, संताेष यादव, हरि राम, बिरेन्द्र महताे, अवधेश साह, अमरदेव राम लगायतकाले एक सय जनाले प्रबेश गरेकाे सभापति चाैहानले वताए ।

पकहा मैनपुर गाउँपालिका समितिका अध्यक्ष हरि चौहानको अध्यक्षतामा भएको कार्यक्रममा नवप्रबेशी सबै जनालाई नेपाली कांग्रेसका केन्द्रिय सदस्य अजय चौरसिया, पूर्व केन्द्रिय सदस्य सुरेन्द्र चौधरी, जिल्ला सभापति जनार्दन सिंह क्षेत्री, मधेश प्रदेशका खानेपानी तथा उर्जा बिकास मन्त्री ओमप्रकाश शर्मा, नेपाली कांग्रेस पर्सा उपसभापतिद्वय रामनारायण कुर्मी, अशाेक कुमार गुप्ता, प्रवक्ता रमेश पाण्डे लगायतकाले फुल माला र अविरको टिका लगाएर पार्टीमा स्वागत गरेका थिए भने कार्यक्रमकाे संचालन जिल्ला सदस्य ललन द्विवेदीले गरेका थिए ।

जसपाबाट वीरगंजकाे मेयरका उम्मेदवार राजेशमान सिंह नै हुन : नेताहरू

0

वीरगंज । जनता समाजवादी पार्टी (जसपा) नेपालबाट वीरगंज महानगरपालिकाकाे मेयरका उम्मेदवार राजेशमान सिंह नै हुने नेताहरुले वताएका छन् ।

जसपा नेपालका उपाध्यक्ष एवम् मधेश प्रदेशका मुख्यमन्त्री लालबाबु राउत गद्दीले वीरगंज महानगरपालिकाकाे मेयरका उम्मेदवार नेता सिंह नै रहेकाे वताए । उनले गठबन्धन भएपनि वीरगंजमा जसपा जितेका कारणका वीरगंज जसपा कै भागमा  पर्ने वताउँदै मेयरका उम्मेदवार नेता सिंह नै हुने वताए ।

यसैगरी जसपा केन्द्रिय सदस्य एवम् प्रतिनिधि सभा सदस्य प्रदिप यादवले वीरगंज महानगरपालिकाकाे मेयरका उम्मेदवार नेता सिंह नै रहेकाे वताए । उनले हल्लाकाे पछि नलाग्न वीरगंज बासीसंग आग्रह गर्दै गठबन्धन भएपनि जपसपाबाट वीरगंजकाे मेयरका उम्मेदवार नेता सिंह नै हुने निश्चित रहेकाे वताए ।

पाेखरियामा जसपाकाे पार्टी प्रबेश कार्यक्रम सम्पन्न

0

वीरगंज । पर्साकाे पाेखरिया नगरपालिका वडा नं. ९ बैयरिया सिमरामा जनता समाजवादी पार्टी (जसपा) नेपालकाे पार्टी प्रबेश कार्यक्रम सम्पन्न भएकाे छ ।

बर्वा टाेलमा भएकाे पार्टी प्रबेश कार्यक्रममा नेकपा माओवादी केन्द्र पाेखरिया नगरपालिका वडा नं. ९ का वडा कमिटी अध्यक्ष रामदरश साह कानु, नेपाली कांग्रेसका बुथ समितिका सचिव किशाेरी प्रसाद चाैहान, कृष्ण चाैहान, लाेसपा पाेखरिया नगर कमिटीका सदस्य जाेगिन्द्र राउत कुर्मी, धमाेही पण्डित, नेकपा एमालेका शिवचन साह, एमालेका दशई पण्डित लगायतकाले पार्टी प्रबेश गरेकाे जपसाका नेता राजु साहले वताए ।

नव प्रबेशीहरुलाई जसपाका संघिय परिषद सदस्य शिवजी साेनी, पाेखरिया नगरपालिकाकी उप मेयर सल्मा खातुन, जसपाका नेता राजु साह, वडा समितिका अध्यक्ष अफताब आलमले फुल माला र अबिरकाे टिका लगाएर पार्टीमा स्वागत गरेका थिए ।  

पाेखरीयामा छात्रवृती वितरण र पुस्तकालयलाई पुस्तक सहयाेग

0

वीरगंज । पर्साकाे पाेखरीया नगरपालिकाकी उपप्रमुख सल्मा खातुनले पाेखरीया पुस्तकालयलाई रु. १ लाख बराबरकाे किताब हस्तान्तरण गरेकी छन् । विगत केही वर्षदेखि सञचालित साे पुस्तकालयमा नगरपालिकाबाट समसामयिक आवश्यकता अनुसारकाे किताब बिहिबार एक कार्यक्रमका बीच हस्तान्तरण गरेकी हुन् ।

पुस्तकालयमा पढ्न आउने विद्यार्थीहरुलाई पढाइमा सहयाेग हुने किसिमका पुस्तकहरूकाे अभाव भएकाे जानकारी गराएपछि उप प्रमुख खातुनले आवश्यक समपूर्ण पुस्तकहरु उपलब्ध गराएकी पुस्तकालयमा कार्यरत सुजित चाैहानले जानकारी दिए ।

यसैगरी उपमेयर छात्रवृत्ति कार्यक्रम अन्तर्गत पाेखरीया नगरपालिकाका ९ जना विध्यार्थीलाई छात्रवृत्ति प्रदान गरिएकाे छ ।

साे कार्यक्रम अन्तर्गत नगरपालिकाका सामुदाियक विद्यालयबाट कक्षा १०, ११ र १२ बाट उत्कृष्ट नम्बर ल्याइ उतीर्ण भएका ३/३ जना विद्यार्थीलाई उच्च शिक्षा प्राप्त गर्न सहज हाेस् भनी तथा पढाइमा प्रतिस्पर्धात्मक पद्धति विकास गर्ने उद्दश्यका साथ छात्रवृत्ति दिने व्यवस्था गरिएकाे उपमेयर सल्मा खातुनले जानकारी दिइन ।

उप मेयर खातुनले नगर स्तरीय बजेटबाट छुट्याएकी रु ३ लाखबाट छात्रबृती वितरण गरिएकाे वताइन ।

कांग्रेस पर्सा क्षेत्र नं. ३ काे कार्यालय पोखरियामा उद्घाटन

0
वीरगंज । नेपाली कांग्रेस पर्सा निर्वाचन क्षेत्र नं. ३ काे क्षेत्रिय कार्य समितिले पाेखरियामा आफ्नाे कार्यालय संचालनमा ल्याएकाे छ । कृष्ण पेट्रोल पम्प नजिक संचालनमा आएकाे पार्टीकाे क्षेत्रिय कार्यालय बिहिबार एक कार्यक्रमकाे बिच नेपाली कांग्रेस पर्साका सभापति जनार्दन सिंह क्षेत्रीले उद्घाटन गरेका हुन् ।
 
कार्यालय उद्घाटन गर्दै सभापति क्षेत्रीले अगामी निर्वाचन नेपाली कांग्रेसलाई जिताउन आ आफ्नाे ठाउँबाट लाग्न आग्रह गरे ।
 
क्षेत्रीय सभापति श्री कृष्ण प्रसाद चौहानकाे सभापतित्वमा भएको उद्घाटन कार्यक्रमका जिल्ला उप सभापति रामनारायण कुर्मी, पाेखरिया नगरपालिकाका मेयर दिपनारायण राैनियार, नेपाली कांग्रेसका जिल्ला सदस्य ललन द्विवेदी, पाेखरिया नगरपालिकाका सभापति रामबाबु चाैहान, बिन्दवासिनी गाउँपालिकाका सभापति विवेक चाैरसिया लगायतकाे उपस्थिती रहेकाे थियाे ।