Date
मङ्ल, मंसिर १, २०८३
Tue, November 17, 2026
Home Blog Page 690

एमालेबाट बहुदरमाईकाे मेयरमा पटेल र उप मेयरमा कुशवाहा सिफारिस

0

वीरगंज । आसन्न स्थानिय निर्वाचनमा बहुदरमाई नगरपालिका नेकपा एमालेको तर्फबाट मेयरमा शिव पटेल र उप-मेयरमा सुश्मा कुशवाहालाई उमेदवार बनाउन सिफारिस गरिएकाे छ ।

नेकपा एमाले बहुदरमाई नगर कमिटीको शुक्रबार बहुदरमाई नपा-२ पिपरामा बसेको बैठकले मेयरमा पटेल र उप मेयरमा कुशवाहालाई उम्मेदवार बनाउन सिफारिस गरेकाे हाे । मेयरकाे उम्मेदवारमा सिफारिस पटेल केही दिन पहिला मात्र लाेसपा परित्याग गरी एमालेमा प्रबेश गरेका थिए भने उप मेयरमा सिफारिस कुशवाहा एमाले बहुदरमाई गाउँपालिका कमिटीका अध्यक्ष प्रमाेद कुशवाहाकी बुहारी हुन् ।

नेकपा एमालेका केन्द्रिय सदस्य एवम् पर्सा जिल्ला सह इन्चार्ज राजकुमार गुप्ताको प्रमुख आतिथ्य एवम् बहुदरमाइ नगर कमिटीका अध्यक्ष प्रमोद कुशवाहाको अध्यक्षता सम्पन बैठकले दुई पदकाे उम्मेदवारकाे लागि दुई जनाकाे नाम मात्र पार्टीको जिल्ला कमिटीमा सिफारिस गरिएको नेकपा एमाले बह्हुदरमाइ नगर कमिटीका सचीव सुरेन्द्र यादवले बताए ।

बैठकमा नेकपा एमाले प्रदेश कमिटी सदस्य तेजप्रकाश निशाद, जिल्ला कमिटीका उपाध्यक्ष फरमान अन्सारी, सचिव मनोज गुप्ता, सह-सचीव सन्जिव मिश्रा, जिल्ला कमिटी सदस्य ध्रुब साह, केदार तिवारी, पुरन प्रसाद कुर्मी, रामबाबू साह, सुनिल कुशवाहा लगायत नगर कमिटिका पदाधिकारी एवम् सदस्यहरुको उपस्थिति रहेको थियो ।

पकहा मैनपुरमा निशुल्क आँखा शिविर सम्पन्न

0

वीरगंज । पर्साकाे पकहा मैनपुर गाउँपालिका वडा नं. ०४ खेस्राहमा शुक्रबार निशुल्क आँखा शिबिर सम्पन्न भएको छ । नेकपा एकीकृत समाजबादी पार्टीको सहकार्यमा माट्रिका आइ फोउन्डेसनले आयाेजना गरेकाे शिविरमा २१५ जनाले आँखा परिक्षण गराएका छन् ।

जस मध्य ७५ जनामा मोतिया बिन्दु फेला परेको र निजहरूको माट्रिका आइ फोउन्डेसन निशुल्क सल्यक्रिया समेत गरिने नेकपा एकीकृत समाजवादी पकहा मैनपुरका अध्यक्ष मदन हजरा पासवानले जानकारी दिए ।

खेस्राहामा भएकाे शिबिरमा माट्रिका आइ फाउन्डेसनबाट खटिएका डाक्टर र अन्य प्राबिधिक सहयोगीहरुले आँखाकाे चेकजाच गरेका थिए ।

अध्यक्ष पासवानको अध्यक्षतामा भएकाे शिबिरमा नेकपा एकीकृत समाजबादीका स्थानीय कार्यकर्ताहरु बलिराम दास, बिसुनदेव राम, रामबाबु मेहता, अवधेश महतो, नजमा खतुन र प्रकश पटेल लगाएतको उपस्थिति रहेको थियो ।

जगरनाथपुरमा बैशाख ७ देखी टाईफाइड विरुद्धकाे खाेप संचालन हुने

0

वीरगंज । पर्साकाे जगरनाथपुर गाउँपालिकामा टाईफाइड राेग विरुद्धकाे खाेप बैशाख ७ गतेदेखी १२ गते सम्म संचालन हुने भएकाे छ । राष्ट्रिय खाेप कार्यक्रम अन्तर्गत १५ महिनादेखी १५ बर्ष सम्मका सम्पूर्ण बालकालिकालाई टाईफाड विरुद्धकाे खाेप दिइने जगरनाथपुर गाउँपालिकाका स्वास्थ्य संयाेजक प्रबेन्द्र साहले वताए ।

गाउँपालिकाकाे स्वास्थ्य शाखाले शुक्रबार आयाेजना गरेकाे टाईफाइड राेग विरुद्धकाे नियमित खाेपमा टाईफाइड खाेप सुरुवात सम्बन्धि संचारकर्मीलाई अभिमुखिकरण कार्यक्रममा खाेपकाे बारेमा जानकारी गराउँदै स्वास्थ्य संयाेजक साहले गाउँपालिकामा रहेका साे उमेर समुहका १३ हजार ८ सय ९३ जनालाई खाेज प्रदान गरिने वताए ।

उनका अनुसार जसमा ७ हजार एक सय ३२ बिद्यालय भित्र र ६ हजार ७ सय ६१ विद्यालय बाहिर रहेका छन् । खाेपकाे पहिलाे प्राथमिकता विद्यालय र दाेस्राे प्राथमिकता समुदाय रहेकाे छ । ५ दिने खाेप अभियानमा छुटेकाहरुलाई अन्तिम दिन बैशाख १२ स्वास्थ्य संस्थामा समेटिने छ ।

गाउँपालिका अन्तर्गतकाे ६ वडामा ४८ खाेप केन्द्रमा ५६ जना महिला स्वास्थ्य स्वयम् सेविका परिचालन गरिएकाे स्वास्थ्य संयाेजक साहले जानकारी दिए ।

अभिमुखिकरण कार्यक्रममा वाेल्दै गाउँपालिका अध्यक्ष जालिम मियाँले अनियवार्य रुपमा खाेप लिन सबैलाई आग्रह गरे । उनले टाईफाइडबाट बच्न खाेप अनियवार्य रहेकाे वताउँदै खाेप अभियानकाे समय अवधिमा सम्बन्धित खाेप केन्द्रमा गई अनिवार्य रुपमा खाेप लिनु पर्ने वताए ।

सखुवा प्रसाैनीमा जसपाकाे माेटरसाइकल र्‍याली

0

वीरगंज । पर्साकाे सखुवा प्रसाैनी गाउँपालिकामा जनता समाजवादी पार्टी (जसपा) ले बुधबार माेटरसाइकल र्‍याली निकालेकाे छ । महुवनबाट शुरु भएकाे माेटरसाइकल र्‍याली गाउँपालिका अन्तर्गतकाे ६ वटा वडा र ३० वटा गाउँकाे परिक्रममा गर्दै मधुवन मथवलमा पुगी काेण सभामा परिणत भएकाे थियाे ।

काेण सभामा वाेल्ने वक्ताहरुले अगामी निर्वाचनमा जसपालाई जिताउन आग्रह गरे । वक्ताहरुले मुलुकमा जसपाकाे विकल्प नरहेकाे वताउँदै जसपलाई नै विजयी गराउनु पर्नेमा जाेड दिएका थिए ।

गाउँपालिका अध्यक्ष प्रदिप जयसवालकाे अध्यक्षता र जसपाका केन्द्रिय सदस्य टेक बहादुर शाक्यकाे प्रमुख आतिथ्यतामा भएकाे काेण सभामा प्रदेश सभा सदस्य मन्जुर आलम, जिल्ला अध्यक्ष रामनरेश यादव, जिल्ला सचिव तबरेज अहमद, प्रदेश कमिटी सदस्य गौरीशंकर साह, युवा नेता मनोज चौधरी लगायतले मन्तव्य राखेका थिए भने कार्यक्रमकाे संचालन प्रमोद जयसवालले गरेका थिए ।

र्‍यालीमा सयाैंकाे संख्यामा माेटरसाइकलसहित उत्साहपूर्ण सहभागिता रहेकाे थियाे ।

जिल्लाकाे सबै पालिकामा गठबन्धन नगर्ने काँग्रेस पर्साकाे निर्णय

0

वीरगंज । आसन्न स्थानीय तह निर्वाचनमा पर्सामा गठबन्धन नगर्ने नेपाली कांग्रेस पर्साको बुधवार बसेको बैठकले निर्णय गरेको छ । जिल्लाका प्रमुख नेताहरुको उपस्थितीमा बसेको जिल्ला कार्यसमितिको बृहत्तर बैठकले यस्तो निर्णय गरेको जिल्ला उपसभापति रामनारायण कुर्मीले बताए ।

‘जिल्लामा रहेका वीरगंज नगरपालिकासहित सबै १४ वटा पालिकामा नेपाली काँग्रेसले अन्य दलसंग निर्वाचनमा गठबन्धन नगर्ने निर्णय भएको छ,’ पर्सामा स्थानीय तह निर्वाचन प्रचार प्रसार उपसमितिका संयोजक समेत रहेको नेता कुर्मीले भने, ‘नेपाली काँग्रेस पार्टीले सबै स्थानीय तहका सबै पदमा बिना गठबन्धन एक्लै चुनाव लड्ने निर्णय भएको छ ।’

पार्टीका जिल्ला सभापति जनार्दन सिंह क्षेत्रीको सभापतित्वमा भएको बैठकमा पार्टीका नेताहरु नेपाली काँग्रेसका केन्द्रीय सदस्य रमेश रिजाल, अर्का केन्द्रीय सदस्य अजय चौरसिया, पुर्वमन्त्री सुरेन्द्र प्रसाद चौधरी, निवर्तमान पर्सा सभापति अजयकुमार द्विवेदी, पुर्व पर्सा सभापति राजेन्द्र बहादुर अमात्य, मधेश प्रदेशका मन्त्री ओमप्रकाश शर्मा लगायत बैठकमा उपस्थित थिए ।

यसैविच बुधवार नगर कार्यसमितिका सभापति मणिन्द्रलाल श्रेष्ठ नेपाली र क्षेत्र नम्बर १ का सभापति अरबिन्द गुप्ताको अगुवाईमा स्थानीय नेताहरुले पत्रकार सम्मेलन गरेर कार्यकर्ताको मर्म बिपरित केन्द्रको घोषणा भए यसलाई नमान्ने भन्दै विद्रोह गर्ने चेतावनी दिएका थिए ।

संघीय सरकारमा सत्तारुढ पाँच दलको चुनावी गठबन्धनमा वीरगन्ज महानगरपालिका जनता समाजवादी पार्टी (जसपा)लाई दिने सहमति भएको खबर आएपछि पर्साबाट त्यसको बिरोध भएको हो । वीरगंज महानगरपालिका पर्ने पर्सा प्रतिनिधि सभा निर्वाचन क्षेत्र १ र २ का नेपाली काँग्रेसका क्षेत्रीय समितिले बेग्लाबेग्लै प्रेस बिज्ञप्ति निकाल्दै तालमेल गरेर चुनावमा जान नहुने भन्दै असहमति सार्वजनिक समेत गरेकाे थियाे ।

कालिकामाईमा नेपाली कांग्रेसकाे पार्टी प्रबेश कार्यक्रम सम्पन्न

0

वीरगंज । पर्साकाे कालिकामाई गाउँपालिका वडा नं. २ भेडिहारीमा मंगलबार नेपाली कांग्रेसकाे पार्टी प्रबेश कार्यक्रम सम्पन्न भएकाे छ । घर घर जाउ कांग्रेस जिताउ अभियान अन्तर्गत भएकाे कार्यक्रममा विभिन्न पार्टी परित्याग गरी दुई सय जना भन्दा बढीले कांग्रेस प्रबेश गरेकाे कालिकामाई गाउँपालिका सभापति छठु साहले वताए । 

नेपाली काङ्ग्रेस प्रतिनिधि सभा क्षेत्र न.४ का क्षेत्रीय सभापति श्रीकान्त यादवकाे सभापतित्वमा भएकाे कार्यक्रममा जनता समाजवादी पार्टी (जसपा) का कालिकामाई गाउँपालिका सह संयाेजक राधाकिशु चाैरसिया, पप्पु खाँ, अशाेक प्रसाद चाैरसिया, बद्रीनारायण चाैरसिया, अरुण चाैरसिया, रामबालखन महताे काेइरी, किशाेरी महताे नुनिया, रामबालक प्रसाद चाैरसिया, रामबहादुर प्रसाद चाैरसिया लगायतकाले कांग्रेस प्रबेश गरेकाे सभापति साहले जानकारी दिए ।

यसैगरी कालिकामाई गाउँपालिका वडा नं. १ मुडलीबाट जसपाका राजेन्द्र प्रसाद चाैरसिया, पारस प्रसाद चाैरसिया, जितेन्द्र प्रसाद चाैरसिया, प्रेम चन्द्र प्रसाद चाैरसिया, सुरेन्द्र प्रसाद चाैरसिया, हिन्द्र प्रसाद चाैरसिया, शिवशंकर प्रसाद चाैरसिया, किशाेरी प्रसाद चाैरसया लागयतकाले पनि पार्टी प्रबेश गरेकाे उनले वताए ।

नव प्रबेशी सबै जनालाई कार्यक्रमका प्रमुख अतिथी नेपाली कांग्रेसका केन्द्रिय सदस्य रमेश रिजाल, बिशिष्ट अतिथी केन्द्रिय सदस्य अजय कुमार चौरसीया, जिला सभापती श्री जनार्दन सिह क्षेत्रीले फुल माला र अबिरकाे टिका लगाएर पार्टीमा स्वागत गरेका थिए ।

कार्यक्रममा कांग्रेस पर्साका प्रवक्ता रमेश पाण्डेय, जिल्ला उप सभापति अशोक गुप्ता, जिल्ला सह सचिव नवीन सिंह, काेषाध्यक्ष प्रेम बहादुरु थापा, पाेखरिया नगरपालिकाका मेयर दिपनारायण राैनियार, प्रदेश सभा क्षेत्र नं. ४ (ख) का सभापति दिपेन्द्र सिंह, कालिकामाई गाउँपालिकाका सभापति छठु साह, अजय पटेल, इमरान आलम लगायतले शुभकामना मन्तव्य राख्दै कांग्रेसलाई जिताउन आग्रह गरेका थिए ।

नेपाली कांग्रेस प्रतिनिधि सभा निर्वाचन क्षेत्र नं. ४ काे आयाेजनामा भएकाे पार्टी प्रबेश कार्यक्रमकाे संचालन क्षेत्रिय सचिव बलिस्टर अहमदले गरेका थिए ।

कार्यक्रमलाई सम्बाेधन गर्दै नेताहरुले अगामी निर्वाचनमा नेपाली कांग्रेसलाई जिताउन आग्रह गरेका थिए । वक्ताहरुले इमान्दारी पुर्वक मतदान गरे वडादेखी पालिका अध्यक्षमा सम्म पार्टीका सबै उम्मेदवार विजयी हुने वताए । वक्ता नेताहरुले पार्टीले उचित मुल्यांकलन गरेर जाे काेहीलाई पनि टिक दिने कार्यक्रममा विश्वास दिलाएका थिए ।

कार्यक्रमका प्रमुख अतिथी केन्द्रिय सदस्य रिजालले नेपाली कांग्रेसकाे मुलुकमा विकल्प नरहेकाे वताए । उनले कालिकामाई गाउँपालिकासंग मेराे पुरानाे सम्बन्ध रहेकाे वताउदै सबैले नेपाली कांग्रेसमा गाेलबन्द हुन आग्रह गरेका थिए ।

सर्लाहीमा पनि हरवाचरवा अधिकार मञ्च गठन

0

वीरगंज । “सर्लाही हरवाचरवा मुक्तिको घोषणा गरौं, सामाजिक न्यायपुर्ण श्रम सम्बन्ध कायम गरौं” भन्ने मुल नाराका साथ हरवाचरवा अधिकार मञ्च सर्लाहीको प्रथम जिल्ला भेला बुधबार सम्पन्न भएको छ ।

भेलाले रामदयाल मान्झीको अध्यक्षतामा १५ सदस्यीय जिल्ला हरवाचरवा अधिकार मञ्च सर्लाही गठन गरेको छ । जसको उपाध्यक्ष सोनीया माझी, सचिव रामबाबु पासवान, कोषाध्यक्ष उपेन्द्र राम  र सह सचिव रजरनीया माँझी चयन भएका छन् ।

मंचकाे सदस्यहरुमा मोहीचन माँझी, भागीरथ माँझी, राजकुमार माँझी, सबिता माँझी, सीतादेबी राम, कौशिल्या देबी माँझी, कालीचरन माँझी, नथनी माँझी र देबेन्द्र राम चयन भएका हुन् ।

भेलाको उद्घाटन गर्दै कार्यक्रमका प्रमुख अतिथी एवं दलित नेता रामकेवल माँझीले अहिलेको २१ औं शताब्दीमा बिज्ञान र प्रबिधीको बिकास चरमचुलीमा पुगी सकेको सन्दर्भमा नेपालको मधेस प्रदेशको ८ वटा जिल्लाहरुमा ब्याप्त रहेको हरवाचरवा प्रथा संघीय लोकतान्त्रिक गणतन्त्र नेपालका लागि दुःखत रहेको बताए ।

साथै उनले अहिले मुलुकमा संघीयता र समावेशी बिकासको अभ्यास भईरहेकोले हरवाचरवाहरुको समग्र मुक्ति र पुर्नस्थापनका लागि ३ वटै सरकारले निति तथा कानुन निर्माण गरि त्यसको प्रभावकारी कार्यान्वयन गर्दै अनुगमन संयन्त्रको बिकास हुनुपर्नेमा जोड दिए ।

कार्यक्रमका बिशिष्ट अतिथी एवं राष्ट्रिय हरवाचरवा अधिकार मञ्चका केन्द्रीय अध्यक्ष दशन मण्डलले हरवाचरवाको अनुचित क्रणको खारेजीसहित न्यायिक पुर्नस्थापनका लागि नेपाल सरकारले हरवाचरवाको अर्थपुर्ण सहभागिता सहित एक शक्तिशाली आयोग गठन गर्नुपर्ने जिकीर गरे ।

साथै उनले सरकारले छिटो भन्दा छिटो हरवाचरवाको तथ्याकं संकलन, प्रमाणिकरण गरि परिचयपत्र बितरण गर्नुपर्ने, हरवाचरवालाई रोजगारीको ब्यवस्थ गर्नुपर्ने, शिक्षा, स्वास्थ्यको निशुल्क ब्यवस्था गरि निति निर्माण गर्ने तहमा हरवाचरवाको सामान सहभागिता सुनिश्चित गर्नुपर्ने वताए । 

रामदयाल माँझीको अध्यक्षतामा सम्पन्न भेलामा राष्ट्रिय दलित नेटवर्कका जनवकालत अधिकृत रुपनारायण पासवानले सहभागिहरुलाई स्वागत गर्दै कार्यक्रमको औचियत्तामाथी प्रकाश पारेका थिए भने कार्यक्रमको सञ्चालन जिल्ला हरवाचरवा एक्टिभीष्ट सुब्बासाहेव पासवानले गरेका थिए ।

कार्यक्रममा राष्ट्रिय दलित नेटवर्कका टीम लिडर हुकुम बहादुर सार्की, बहुजन एकता पार्टी नेपाल सर्लाहीका जिल्ला अध्यक्ष देबेन्द्र राम, जिल्ला हरवाचरवा अधिकार मञ्च रौतहटका अध्यक्ष बिगनेस पाशवान, जिल्ला हरवाचरवा अधिकार मञ्च महोत्तरीका सचिव ममता बिश्वकर्मा लगायतले शुभकामना मन्तब्य ब्यक्त गरेका थिए । 

माओवादी केन्द्र पर्साकाे कार्यालयमा ताेडफाेड

0

वीरगंज । नेकपा माओवादी केन्द्र पर्साकाे पार्टी कार्यालयमा ताेडफाेड भएकाे छ । वीरगंजकाे राधेमाईस्थित रहेकाे माओवादी केन्द्र  जिल्ला समन्वय समिति पर्साकाे कार्यालयमा पार्टी कै कार्यकर्ताहरुले आज दिउसाे  ताेडफाेड गरेका हुन् ।

माओवादी कार्यकर्ताहरुकाे एक समुहले आज दिउसाे एक्कासी कार्यालयमा पुगी कुर्सी, टेबुल ताेडफाेड गर्नुकाे साथै कार्यालयमा तालाबन्दी गरेका छन् ।

कार्यालय स्थल मै फेला परेकाे ध्यानाकर्षण पत्रमा गठबन्धनकाे बिषयमा पालिका र वडा स्तरमा कुनै सरसल्लाह नगरी एक्लै-एक्लै गठबन्धनकाे बहानामा पार्टीका इमानदार नेता कार्यकर्ताकाे राजनीतिक हत्या गर्न खाेजिएकाे, कार्यालय र पार्टीकाे नाममा ठाउँ-ठाउँमा  चन्दा मागी आफ्नाे व्यक्तिगत खर्च जिल्ला पदाधिकारीले चलाइरहेकाे लेखिएकाे छ ।

यस्तै साे ध्यानाकर्षण पत्रमा जिल्ला संयाेजक र सचिवले यथासिघ्र राजीनामा दिनु पर्ने, प्रदेश कमिटीमा सिफारिस जस्ता महत्वपूर्ण कामहरु एक्लै निर्णय गर्दै लेटर प्याडकाे भरपुर दुरुपयाेग गरिएकाे, बजार र पार्टीका इमान्दार कार्यकर्तासंग दलाली गर्न खाेज्ने भ्रष्ट पार्टी संयाेजक र सचिवले निरन्तर पार्टीकाे गरिमा खस्काएकाे र वाइसिएल संयाेजक सिफारिस गर्दा कुनै पालिकामा सर सल्लाह नगरी नवआगान्तुकलाई आर्थिक लाेभमा पारी जिल्ला समन्वय समितिकाे नामबाट सिफारिस गरेकाे उल्ले गरिएकाे छ ।

साे ध्यानाकर्षण पत्रमा तल पार्टीकाे सम्पूर्ण इमान्दार नेता तथा कार्यकर्ता पनि लेखिएकाे छ । पार्टीकाे जिल्ला समन्वय समितिकाे कार्यालयमा पार्टी कै नेता तथा कार्यकर्ताद्वारा ताेडफाेड हुनुले पार्टी भित्रकाे असन्तुष्टि देखिएकाे छ । 

काेभिड १९ प्रतिकार्य परियोजनाकाे परिचयात्मक बैठक सम्पन्न

0

वीरगंज । काेभिड १९ प्रतिकार्य, पुर्व तयारी तथा जिसिपिएस व्यवस्थापन परियोजनाकाे परिचयात्मक तथा जानकारी बैठक सम्पन्न भएकाे छ । ईसिएचओ/आइओएमको आर्थिक सहयोग सेभ द चिल्ड्रेन र आसमान नेपालको आयोजना वीरगंज महानगरपालिकासंगको सहकार्य तथा समन्वयमा संचालित परियाेजनाकाे जानकारी बैठक सम्पन भएको हाे ।

बैठकमा आसमान नेपालका परियोजना संयोजक हरेराम ठाकुरले सिमानाका, हेल्थ डेस्क तथा आइसोलेसन सेन्टरको क्षमतामा सुधार तथा व्यवस्थित गरि सिमानाकामा सुरक्षित र नियमित आवत जावत गर्न वातावरण निर्माण गर्ने उदेश्यले संचालित परियोजनाको परिचय, उदेश्य, संचालन हुने कृयाकलापहरु र उपलब्धीको बारेमा प्रस्तुतीकरण गरेका थिए । 

नगरपालिकाकाे सभा हलमा भएकाे बैठकमा नगर उप प्रमुख शान्ति कार्की र प्रमुख प्रसाशकिय अधिकृत निश्चल राज पाण्डेले परियोजना सिमानाका व्वस्थापनको लागि उपयोगी रहेकोले परियोजनालाई सफल बनाउन हामी आफनो तर्फबाट सहयोग गर्ने प्रतिबद्धता जनाए ।

बैठकमा स्वास्थय महाशाखा प्रमुख अरबिन्द लाल कर्णले परियोजना सिमानाका व्यवस्थापनका लागि प्रभावकारी रहेकोले यो परियोजनालाई सफल बनाउन हामी आ आफनो तर्फबाट सहयोग गर्ने वताए । साथै सिमानाकामा धुलोको कारण भइरहेको प्रदुशणलाई व्यवस्थित गर्न बैठक कै क्रममा सरसफाई प्रमुखलाई बोलाई सल्लह तथा सुझाव दिएका थिए ।

वीरगंज महानगरपालिकी उप मेयर शान्ति कार्कीकाे अध्यक्षतामा भएको उक्त बैठकमा स्वास्थ्य शाखा संयोजक रितेश जयसवाल, कोभिड १९ व्यवस्थापन फोकल पर्सन सुमन ठाकुर, वडा प्रमुख बिनिता देबी, हेल्थ डेक्स इन्चार्ज अनिशा महतो लगायतकाे उपस्थिती रहेकाे बैठकमा सिमानाका व्यवस्थापन सम्बन्धी बिषेश छलफल भएको थियो ।

माओवादी केन्द्र वीरगंजकाे चुनावी रणनितिक बैठक सम्पन्न

0
वीरगंज । नेकपा (माओवादी केन्द्र) वीरगंज महानगरपालिका अनतर्गतका वडा कमिटी अध्यक्षहरुको बैठक सम्पन्न भएको छ । वीरगञ्ज महानगर कमिटीका अध्यक्ष रहबर अन्सारीको अध्यक्षतामा बसेको बैठकमा बैशाख ३० गते हुने स्थानीय तहको निर्वाचनकाे बारे छलफल गरिएको अनेरास्ववियू क्रान्तिकारीका केन्द्रिय सदस्य जुबेर आलमले वताए ।
 
बैठकले आगामी स्थानीय चुनावमा वडा कमिटीहरुले खेल्नु पर्ने भुमिका बारे प्रशिक्षण र कमिटीहरुबाट उम्मेदवारहरुको नाम सिफारिस माग गरेको उनले जानकारी दिए । बैठकमा पार्टीको चुनावी रणनीति बारे विशेष छलफल गर्दै आगामी दिनहरुमा पार्टी कुन मोडालिटिमा प्रचार प्रसार र घर्दैलो गर्ने समेत छलफल गरिएको आलमले वताए ।
 
बैठकमा महानगर उपाध्यक्षद्वय अनिरुद यादव, जुमादिन अन्सारी, राजु बैठा, सचीव सुरेन्द्र गुप्ता, सह सचीव दिपेन्द्र मण्डल, कोषाध्यष रेनु कार्कि लगायतकाे उपस्थिती रहेकाे थियाे ।