Date
मङ्ल, मंसिर १, २०८३
Tue, November 17, 2026
Home Blog Page 689

नेपाली कांग्रेस पर्सा क्षेत्र नं. ४ काे बैठक सम्पन्न, विभिन्न समितिहरु गठन

0

वीरगंज । नेपाली कांग्रेस प्रतिनिधि सभा क्षेत्र नं. ४ काे क्षेत्रिय बैठक सम्पन्न भएकाे छ । क्षेत्रिय सभापति श्रीकान्त यादवकाे सभापतित्वमा बसेकाे बैठकले विनय भुषण द्विवेदीलाई क्षेत्रिय काेषाध्यक्षमा मनाेनित गरेकाे छ ।

यसैगरी बैठकले क्षेत्रिय समितिकाे सदस्यमा मदन माेहन माली, माेजालिम मियाँ, जाकिर मियाँ, महमद रेयाज हुसेनलाई मनाेनित गरेकाे छ ।

यसैगरी बैठकले नेपाली कांग्रेसकाे विधान अनुसार प्रतिनिधि सभा कार्य सम्पादन समिति र संसदिय समिति समेत गठन गरेकाे क्षेत्रिय सचिव बलिष्टर अहमदले जानकारी दिए । 

कार्य सम्पादन समितिमा सभापति श्रीकान्त यादव श्रीकान्त यादव, उप सभापति दिपेन्द्र कुमार सिंह, सदस्यमा जीवन कृष्ण सापकाेटा, बलिष्टर अहमद, प्रमाेद प्रसाद, विनय भुषण द्विवेदी, संजय कुमार चाैधरी, दुर्याेधन पाण्डे ब्राहमण, सुरेन्द्र बहादुर क्षेत्री, प्रभु प्रसाद चाैहान, सुनिल कुमार साह, मदन माेहन माली र माेजालिम मियाँ चयन भएका छन् ।

संसदिय समितिमा क्षेत्रिय सभापति श्रीकान्त यादव, केन्द्रिय सदस्य रमेश रिजाल, क्षेत्रिय सचिव बलिष्टर अहमद, प्रमाेद प्रसाद लगायतका चयन भएका छन् । 

यसैगरी बैठकले सभापति श्रीकान्त यादवकाे संयाेजक्तवमा १५१ निर्वाचन प्रचार प्रसार समिति समेत गठन गरेकाे छ ।

कर सम्बन्धि तालिम सम्पन्न

0

वीरगंज । आरकेएल दास एण्ड कम्पनी वीरगंज पर्साको आयोजनामा शनिबार एक दिने कर सम्बन्धि तालिम सम्पन्न भएको छ । आयोजक संस्थाको श्रीपुरस्थित कार्यालयमा भएको कार्यक्रममा ठाकुरराम बाहुमुखी क्याम्पसका बिबिएका छात्र छात्राहरुको सहभागीता रहेको थियाे ।

सो तालिममा राजेन्द्र कुमार लाल दास र सिमरा कर कार्यालयका कर अधिकृत टंकमणि घिमरेले प्रशिक्षण दिएका थिए ।

ठाकुरराम बाहुमुखी क्याम्पस व्यवस्थापन संकय अन्तर्गत लेखाशास्त्र शिक्षण समितिका बिभाग अध्यक्ष उप –प्राध्यापक, रजिस्टर्ड अडिटर तथा टैक्स कान्स्लटेन्ट राजेन्द्र कुमार लाल दासको अध्यक्षता र ठाकुरराम बहुमुखि क्याम्पस वीरगंजका क्याम्पस प्रमुख डा. उमेश चौरसियाकाे प्रमुख आतिथ्यतामा भएकाे तालिममा सिमरा कर कार्यालयका कर अधिकृत टंकमणि घिमरे, ओमेन स्किल सेन्टरका अध्यक्ष चंचाला दास लगायतकाले कर सम्बन्धि जानकारी दिएका थिए ।

नेकपा एकीकृत समाजवादी पर्सागढीमा गर्जियो

0

पर्सागढी । नेपाल कम्युनिष्ट पार्टी एकीकृत समाजवादीका पोलिटब्युरो सदस्य कमरेड रामचन्द्र साहले पार्टीमा बिद्रोह गरेर भिन्नै पार्टी निर्माण गर्नुको कारण खडग प्रसाद ओलीको अहमता र डंकार भएको वताएका छन् ।

पर्साकाे पर्सागढी नगरपालिकामा भएकाे चुनावी कार्यक्रमलाई सम्बाेधन गर्दै उनले संबिधानको रक्षा र कम्युनिष्ट पार्टीको अस्तित्व बचाउन पनि आवश्यक समय भएकाले नेकपा एकिकृत समाजवादी पार्टीको जन्म भएको बताउँदै आगामी स्थानीय निर्वाचनमा समाजवाद लक्षित कार्यक्रम गर्न र जनमुखी बिकासको लागि समेत आफ्नो पार्टीमा लाग्न र कलम छापलाई स्थानीय चुनावमा निर्वाचित गराउन आग्रह गरे । 

नेता साहले नेपाली कांग्रेस पार्टी परित्याग गरी नेकपा एकिकृत समाजवादी प्रवेश गर्ने पर्सागढी नगरपालिका वडा नम्बर ६ निवासी हरीकिशोर प्रसाद साह, रमेश यादव, पन्नालाल साह, राजु यादव, बिरेन्द्र सिह, नन्दु प्रसाद यादव, लालु प्रसाद यादव, मुक्ति यादव, रघुनाथ प्रसाद यादव र मनोहर प्रसाद यादव लगायत १०१ जनालाई टिका लगाएर पार्टी प्रबेस गराएका थिए ।

कार्यक्रममा अर्का वक्त नेकपा एकिकृत समाजवादी पर्सागढी नगर अध्यक्ष तथा मेयर पदका दावेदार सत्यनारायण दास थारुले आगामी स्थानीय निर्वाचनमा आफ्नो पार्टी कलम छापले विजय हासिल गरेमा समाजवादी उन्मुख जनताका आधारभूत समस्यामा टेकेर काम गर्ने प्रतिबद्धता ब्यक्त गरे थिए ।

कार्यक्रममा नवआगन्तुक रमेश यादब र हरी किशोर प्रसाद साहले नेपाली कांग्रेस पार्टीमा बस्दा आफुहरुलाई भोटको बेलामा मात्र प्रयोग गर्ने र अन्य समयमा बेवास्ता गरेकाले असल पार्टी खोज्दै जाँदा नेकपा एकिकृत समाजवादी भएकाले प्रवेश गरेको बताए ।

कार्यक्रम अघि निस्केकाे मोटरसाईकल र्‍याली चैनपुर, बागेश्वरी, रघुनाथपुर, बहुअरी लगायतका क्षेत्रकाे परिक्रमा गर्दै पर्सागढी नगरपालिका वडा नम्बर ६ चैनपुरको बगैंचामा पुगी काेण सभामा परिणत भएको थियो । हरी किशोर प्रसाद साहको अध्यक्षतामा भएकाे सभाकाे नगर कमिटी सचिब रेबिन्द्र बहादुर कार्कीले संचालन गरेका थिए ।

वीरगञ्जमा जसपा प्रतिकाे आकर्षण बढ्दै छ : नेता सिंह

0

वीरगंज । जनता समाजवादी पार्टी नेपाल (जसपा) का नेता राजेशमान सिंहले वीरगञ्जमा जसपा प्रति आकर्षण बढ्दै गएकाे बताएका छन् । पार्टीको निर्वाचन चीन्ह छाता छाप प्रति वीरगञ्जका सम्पूर्ण वडामा आकर्षण बढिरहेको सिंहले बताएका हुन् ।

वीरगञ्ज-१६ मा आइतबार आयोजित घरदैलो तथा अगुवा कार्यकर्ता भेलाका क्रममा नेता सिंहले जसपाको चुनाव चिन्ह छता छाप प्रति बढेको जनलहरले पार्टीका उम्मेदवारहरुको जित सुनिश्चित भएको बताए ।

आसन्न स्थानीय तहको निर्वाचनका लागि जसपाबाट वीरगञ्ज महानगरको मेयरको उम्मेदवारसमेत रहेका सिंहले महानगरमा हालका निर्वाचित जनप्रतिनिधिले कुनै उपलब्धिमुलक काम नगरेको आरोप लगाउँदै जनताले छता छापलाई विकल्पका रुपमा लिएको दावी गरे । उनले जसपाका उम्मेदवारहरुले मात्र महानगरलाई विकास गर्न सक्ने बताए ।

सिंहले आफू महानगरको मेयरको रुपमा निर्वाचित भएपश्चात यहाँको सरकारलाई  जनमैत्री र पारदर्शी बनाउने र जनताको घरदैलोसम्म सेवा पुर्याउने प्रतिबद्धता व्यक्त गरे ।


घरदैलोमा मधेश प्रदेशका मुख्यमन्त्री लालबाबु राउतले पनि सहभागिता जनाएका थिए ।

घरदैलो  सहभागि पार्टीका नेताहरुले छाता छापमा मतदान गर्न आग्रह गर्दै अगाडी बढीरह्दा स्वागतमा स्थानीयहरुले जसपाका सम्पूर्ण उम्मेदवारहरुलाई छाता छापमा मतदान गरेर विजयी गराउने प्रतिबद्धता समेत दिएका थिए ।

घरदैलाेमा सहभागिहरुले वीरगञ्ज महानगरमा छाता छापको लहर, छाता छापमा भोट हालौं, राजेशमान सिंहलाई विजयी बनाऔं लगायतका नाराहरु समेत लगाएका थिए ।

‘निर्धारित मितिमै निर्वाचन हुन्छ’ : आयुक्त थपलिया

0

जनकपुरधाम । प्रमुख निर्वाचन आयुक्त दिनेशकुमार थपलियाले निर्धारित मितिमै स्वच्छ, स्वतन्त्र र निष्पक्ष निर्वाचन हुने बताउनुभएको छ ।

जनकपुरधाममा आज आयोजित स्थानीय तह निर्वाचन–२०७९ ‘मिडिया अभिमुखीकरण’ कार्यक्रममा उहाँले अब निर्वाचनको मिति सार्न सक्ने अवस्था नरहेकाले निर्धारित समयमै निर्वाचन आयोगले स्वच्छ र निष्पक्ष निर्वाचन गराउने बताउनुभएको हो । ।

प्रमुख निर्वाचन आयुक्त थपलियाले निर्वाचनको मितिलाई तलमाथि वा अन्य तरिकाले सारेमा मुलुकमा दुर्घटना निम्त्याउन सकिने उल्लेख गर्दै निर्धारित समय वैशाख ३० गते नै निर्वाचन हुने र निर्वाचनबाट कसैले डराउन नहुने बताउनुभयो ।

निर्वाचनको क्रम भङ्ग गर्ने अवस्था नरहेको बताउँदै उहाँले स्थानीय तहको निर्वाचनसँगै यसै वर्ष प्रतिनिधिसभा, प्रदेशसभा, राष्ट्रपति र उपराष्ट्रपतिको निर्वाचनसमेत सम्पन्न हुने दाबी गर्नुभयो । प्रमुख निर्वाचन आयुक्त थपलियाले निर्वाचनलाई लोकतन्त्रको सबैभन्दा ठूलो गहना भनिने गरेको उल्लेख गर्दै पछिल्लो समय निर्वाचन विपरित हुने खालको अभिव्यक्ति आइरहनु दुःखद् भएको जिकिर गर्नुभयो । निर्वाचन आचारसंहितालाई सामान्यरूपमा नलिन आग्रह गर्दै यसको उल्लङ्घन गरे कारबाही हुने र केही सँग स्पष्टीकरणसमेत सोधिसकेको जानकारी दिनुभयो ।

पर्सा जिल्ला फुटबल संघको नयाँ कार्यसमिति चयन

0

वीरगंज ।  पर्सा जिल्ला फुटबल संघको नयाँ कार्यसमिति चयन भएको छ । अनिल कुमार कलवार (रोशन) को अध्यक्षतामा १५ सदस्यीय कार्य समिति सर्वसंवत चयन भएको हो ।

नवगठित समितिको उपाध्यक्षमा दिपक साह, हेमन्त चौरसिया, ईश्वरचन्द्र यादव चयन भएका छन् । सचिव, सहसचिव र कोषाध्यक्ष कार्य समितिले चयन गर्ने सहमति भएको छ ।

संघको सदस्यमा राजेश पटेल, नगनारायण राउत, जितेन्द्र ताम्रकार, सत्येन्द्र चौरसिया, सञ्जिवकृष्ण थापा, मानदेव हजरा,सरोज यादव, अरुण महतो, अलिअसगर हवारी, मिहिका थापा लगायत रहेका छन् ।

जिल्लाभित्र फुटबलका गतिविधि बढाउने र नयाँ पुस्तालाई फुटबलतर्फ प्रेरित गर्नका लागि आफु सक्रिय रहने नवनिर्वाचित अध्यक्ष कलवारले बताए । 

पर्सामा गठबन्धन नगर्ने कांग्रेस र जसपाकाे संयुक्त विज्ञप्ती

0

वीरगंज । आसन्न स्थानीय तहको निर्वाचनमा पर्सामा नेपाली कांग्रेस र जनता समाजवादी पार्टी (जसपा) ले गठबन्धन नगर्ने भएका छन् । 

सत्ता गठबन्धनका पाँच दलले मिलेर चुनाव लड्ने केन्द्रीय नेताहरुले कसरत गरिरहेको बेला पर्सामा नेपाली कांग्रेस र जसपाले गठबन्धन नगरी मित्रवत् प्रतिश्पर्धा गर्ने निर्णय गरेका छन् ।  

कांग्रेस र जसपाले शनिबार संयुक्त प्रेस विज्ञप्ती जारी गर्दै आसन्न स्थानिय निर्वाचनमा पर्साकाे १४ पालिकामा गठबन्धन नगर्ने जनाएका हुन् । कांग्रेसका जिल्ला सभापति जनार्दन सिंह क्षेत्री र जसपाका जिल्ला अध्यक्ष रामनरेश यादवले हस्ताक्षर गरेको प्रेस विज्ञप्तीमा गठबन्धन नगरी मित्रवत् प्रतिस्पर्धामा जाने उल्लेख छ । 

गठबन्धन नहुने भएपछि पर्सामा अब कांग्रेस र जसपाले वीरगञ्ज महानगरसहित जिल्लाका सम्पूर्ण स्थानीय तहमा आ-आफ्नो उम्मेदवार उतार्ने छन् । 

जिल्लामा गठबन्धन नहुने भएपछि कांग्रेस, जसपा र एमाले बीच त्रिपक्षीय प्रतिश्पर्धा हुने भएको छ । नेकपा माओवादी केन्द्र, लोसपा र नेकपा एसको जिल्लामा खासै पकड नभएको कारण पनि जिल्लामा त्रिपक्षीय प्रतिश्पर्धा हुने राजनीतिक विश्लेषकहरुको कथन छ ।

पर्सामा मधेश प्रदेशको एक मात्र महानगरपालिका वीरगञ्ज ३ वटा नगरपालिका र १० वटा गाउँपालिका छन् । 

वीरगंजमा नेकपा एसकाे माेटरसाइकल र्‍याली

0

वीरगंज । वीरगंज महानगरपालिकाकाे वडा नं. १४ पिपरामा शनिबार नेकपा एकीकृत समाजवादीले माेटरसाइकल र्‍याली निकालेकाे छ । सानो पिपराबाट शुरू भएकाे माेटरसाइकल र्‍याली मुस्लिम टोल बहुअरि, तीन टोलिया, ठुलो पिपरा, नयाँ बस्ती, पटेल चौक, आवास क्षेत्रकाे परिक्रममा गर्दै सम्पन्न भएकाे थियाे ।

चुनाव प्रचारकाे लागि सयौंको सहभागितामा वडा स्तरिय माेटरसाइकल र्‍याली निकालिएकाे निर्वाचन परिचालन प्रचार प्रसार समितिका संयोजक अनिल पटेलले वताए ।

र्‍याली पश्चात संयाेजक पटेकाे अध्यक्षतामा भएकाे काेण सभामा पार्टीका जिल्ला इन्चार्ज रामचन्द्र साह, जिल्ला अध्यक्ष बाल गोपाल थापा, वीरगंज महानगर अध्यक्ष मनोज चौधरी, युवा संघ नेपालका पावन पटेल, नरेन्द्र पटेल, प्रताप पटेल, धर्मेन्द्र पटेल, वडाध्यक्षका उम्मेदबार मुकेश पटेल, रामबालक पटेल, मदन कुर्मी, द्वारिका श्रीवास्तव, राज श्रीवास्तव, रामविनेश पटेल, मनोज शर्मा, प्रहलाद कोइराला, चोकट कुर्मी लगयात्को सहभागिता रहेको थियो ।

काेण सभामा वाेल्ने वक्ताहरुले अगामी निर्वाचनमा नेकपा एकीकृत समाजवादीकाे चुनाव चिन्ह कलम छापमा मतदान गरी विजयी गराउन आग्रह गरेका थिए । वक्ताहरुले गठबन्धन नभएपनि एकीकृत समाजवादी पार्टी वीरगंजमा एकलै चुनाव लडने वताए ।

हनुमान जयन्तीको अवसरमा वीरगंजमा विशाल शोभा यात्रा

0

वीरगंज । प्रत्येक वर्ष चैत्र शुक्ल पूर्णिमाका दिन मनाइने रामभक्त हनुमान जन्मजयन्ती शनिबार वीरगंजमा धुमधामकाे साथ मनाइएकाे छ । विभिन्न कार्यक्रम गरी देशभर मनाए जस्ताे वीरगंजमा पनि मनाइएकाे हाे । विश्व हिन्दु परिषद नेपाल पर्साले वीरगंजमा विशाल शोभा यात्रा निकालेर हनुमान जन्मजयन्तीकाे मनाएकाे हाे ।

वीरगंज महानगरपालिकाकाे विभिन्न क्षेत्रबाट बाँजागाजासहित निकालिएको शोभा यात्रा घण्टाघर चोकमा भेला भई हजारौंको संख्यामा सहभागि विशाल शोभा यात्रा वीरगंज महानगरपालिका परिक्रममा गरेको थियो । 

घण्टाघर चोकदेखि निस्केकाे शाेभा यात्रा छपकैया चोकसम्म करिब साढे तीन किलो मिटर लामो दुरी परिक्रमा गरेकाे थियाे ।

वीरगंज महानगरपालिका क्षेत्रका ३२ औं वडाका स्थानिय, ग्रामिण भेग तथा बाराका हिन्दु समुदायको विशेष उपस्थितिमा झाँकी सहित निस्केकाे शाेभा यात्रामा उत्साहपूर्ण सहभागिता रहेकाे थियाे । चर्को घामको परवा नै नगरी भव्य रुपमा निकालिएकाे शोभा यात्रामा हजाराैंकाे संख्यामा हिन्दु समुदायकाे सहभागि थिए । शोभा यात्रामा सहभागि रामभक्त हनुमान भक्तलाई विभिन्न संघ सस्थाले ठाउँ ठाउँमा जल पिलाउँने व्यवस्था समेत गरेका थिए ।

श्री राम भक्त हनुमानको जय जय कार, तथा जय श्री रामको नारा लगाउँदै नाच्दै झुम्दै शोभा यात्रामा मानिसहरु सहभागिता जनाएका थिए ।

शोभा यात्रा नगरपरिक्रममा पश्चात घण्टाघर चोकमा आयोजित कोण सभालाई सम्बोधन गर्दै विश्व हिन्दु परिषद नेपालका महासचिव जितेन्द्र प्रसाद सिंहले भगवान हनुमानको जीवनी बारे चर्चा गर्दै, भगवान श्री हनुमानले हिन्दु समाजलाई उचित व्यवस्थापन गर्न दिनुभएको सन्देशलाई सम्पूर्ण हिन्दु समाजले पालना गर्नुपर्ने धाराणा राखे ।

उनले भने, जसरी हनुमान भगवानले श्री राम जीको आदेशलाई पालना गरी आफनो धर्मको रक्षा गर्नुभयो, त्यसरीनै हिन्दु समाज आफनो व्यवस्थापन गरी देशको अस्मिता, स्वाभिमान र गरिमा जोगाउँन हिन्दु समाज देशको सुरक्षा निकायसंग काँधमा काँध जुटाएर अगाडी बढ्न तयार छौ ।

यो कार्यक्रममा एउटा एतिहासिक कार्यक्रम रहेको बताउँदै, उनले भने, ‘यो कार्यक्रम कसैलाई डराउँनु, वा तर्साउँनको लागि गरिएको होईन हिन्दु समाज र नेपाललाई संगठित समाज र सशक्त समाज बनाउँनको लागि यो प्रयास गरिएको हो ।’ विधर्मीहरुले यसलाई अन्यथा नलिए हुन्छ, हिन्दु समाजमाथि भईरहेको प्रहार रोकिएन भने, यसको परिणाम ठूलो हुन्छ, आज टेलर मात्र थियो, पुरा फिल्म हेराउँन बाँकी नै छ उनले भने ।

शोभा यात्रामा वीरगंज महानगरपालिकाका नगर प्रमुख विजय कुमार सरावगी, विभिन्न हिन्दु संघ संगठनका अगुवावाहरु लगायत हिन्दुहरु समुदायकाे सहभागिता रहेको थियो ।

 

६ वर्षीय बालिकालाई जबरजस्ती करणी गरेकाे आराेपमा पलट पक्राउ

0

वीरगंज ।  ६ वर्षीय बालिकालाई जबरजस्ती करणी गरेको आरोपमा प्रहरीले एक जनालाई पक्राउ गरेको छ । बाराको प्रसौनी गाउँपालिका वडा नम्बर ५ स्थायी घर भई हाल वीरगञ्ज महानगरपालिका वडा नम्बर १६ बस्दै आएका ५५ वर्षीय पलट चौधरीलाई प्रहरीले पक्राउ गरेकाे हाे ।

खेल्न गएको मौका छोपी बालिकालाई आफु बस्ने घरको कोठाभित्र लिएर जबरजस्ती करणी गरेको उजुरीको आधारमा उनलाई नियन्त्रणमा लिइएकाे जिल्ला प्रहरी कार्यालय पर्साले जनाएकाे छ ।

बालिकाका अभिभावकले दिएको जाहेरीका आधारमा चौधरीलाई नियन्त्रणमा लिई जबरजस्ती करणी सम्बन्धी कसूरमा आवश्यक अनुसन्धान भइरहेको जिल्ला प्रहरी कार्यालय पर्साका प्रहरी नायब उपरीक्षक एवम् प्रवक्ता ओमप्रकाश खनालले जानकारी दिए ।