Date
मङ्ल, मंसिर १, २०८३
Tue, November 17, 2026
Home Blog Page 687

एक पक्षीय ढंगले अगाडि बढेकाे भन्दै गठबन्धन प्रती नेकपा एसकाे आपती

0

वीरगंज । नेकपा (एकीकृत समाजबादी) का वीरगंज महानगर भित्रका विभिन्न वार्डका उम्मेदवारहरुको भेला सम्पन्न भएको छ । पार्टीको महानगर कमिटीद्वरा रोयल पार्टी प्यालेसमा आयोजित उम्मेदवारहरुको भेलाले बर्तमान गठबन्धन प्रती आपती जनाएको छ ।

वीरगंज महानगरमा केन्द्रिय निर्णय बमोजिम बनेको चार दलिय गठबन्धन मध्येका दुई दल जसपा र नेपाली कांग्रेस एक पक्षीय ढंगले अगाडि बढेको बताउँदै भेलाले बर्तमन गठबन्धन प्रती आपती जनएको हो । मेयर र उपमेयरका प्रत्यासीहरुले गठबन्धनमा सम्मेलित प्रत्येक दलका प्रत्येक वार्डका प्रत्यासीहरुसंग समन्वय गर्नुको सटा आ-आफ्ना दलका प्रत्यासीहरुसंग मात्रै समन्वय गरि रहेको हुनाले यो गठबन्धनको औचित्य नरहेको नेकपा एसका उम्मेदवारहरुको ठम्याइ रहेको छ ।

विभिन्न वार्डका प्रत्यासिहरुले गठबन्धनका प्रमुख दलहरुले हाम्रो जनमतको अवहेलना गरि रहेकोले गठबन्धन दलका उम्मेदवारहरुलाई मत हाल्न आफुहरु बाध्य नरहेको समेत बताए । भेलामा केही उम्मेदवारहरुले मन्तव्य राख्दै २०७४ सालको वीरगंज महानगरपालिकाको मत परिणाम अनुसार पहिलो र दोस्रो दल मिलिसकेको हुनाले अन्य कुनै दल वा थप जनमतको आवश्यकता नरहेको बुझाई र घमण्ड जसपा र कांग्रेसमा पलाई सकेको हुनाले आफ्नो जनमतको बैकल्पिक ब्यस्थापनमा लाग्न समेत नेताहरूलाई आग्रह गरेका थिए ।

वीरगंज महानगर कमिटीका अध्यक्ष मनोज चौधरीको अध्यक्षता भएकाे भेलाले गठबन्धनको नाममा अपमान सहेर गठबन्धनको पछ्लगुवा नबन्ने समेत निर्णय गरेको छ ।

भेलामा पार्टीको पोलिटब्युरो सदस्य एवं वीरगंज महानगर इन्चार्ज चिरञ्जीवी आचार्य, जिल्ला अध्यक्ष बालगोपाल थापा, वीरगंज महानगरका उपाध्यक्ष मन्जुर आलम, सचिव बृजलाल पासवान, युवा संघ पर्साका इन्चार्ज अनिल पटेल लगाएतको उपस्थिति रहेको थियो ।

शिक्षामा मौलाएको बेथितिलाई अन्त्य गर्छु : राजेशमान सिंह

0

वीरगंज ।  संघीय शिक्षक फोरम नेपाल वीरगञ्ज महानगरपालिकाको आयोजनामा अन्तरक्रिया कार्यक्रम सम्पन्न भएको छ । यही बैशाख ३० गते हुने स्थानीय तहको निर्वाचनमा सत्ता गठबन्धनका उम्मेदवारलाई जिताउने सम्बन्धमा छलफल भएको थियो ।

शिक्षक फोरम नेपाल वीरगञ्ज महानगर समितिका अध्यक्ष गया प्रसाद चौरसियाको अध्यक्षतामा भएको कार्यक्रमलाई सम्बोधन गर्दै मेयरका उम्मेदवार राजेशमान सिँहले बौद्धिक वर्गसँग समन्वय गर्दै महानगरको बिकास गर्नका लागि आफुले उम्मेदवारी दिएको बताए । 

५ वर्षसम्म सरुवा तथा बडुवा र शिक्षामा भ्रष्टाचार गरेर शैक्षिक क्षेत्रलाई अस्तव्यस्त बनाएको हुँदा अब आफुले शिक्षालाई गुणस्तरीय र सर्वसुलभ बनाउने सिँहको भनाई छ ।

शैक्षिक माफियाहरु सलबलाएको र बिनाकाम शिक्षकहरुको सरुवा र बडुवा गराएर दुःख दिने परिपाटीको अन्तय गर्नका लागि पनि गठबन्धनलाई जिताउनुपर्ने सिँहले बताए । 

सरकारी विद्यालयको शिक्षालाई समेत यहाँका निवर्तमान मेयर विजयकुमार सरावगीले व्यापार बनाएको आरोप लगाउँदै उनले वीरगञ्ज जसपा नेतृत्वको आए सरकारी विद्यालयमा लाग्ने सम्पूर्ण अनावश्यक शुल्कलाई हटाएर सबैको पहुँचमा शिक्षा पुर्याउने प्रतिबद्धता व्यक्त गरे ।

कार्यक्रममा मधेश प्रदेशका मुख्यमन्त्री लालबाबु राउत, पर्सा क्षेत्र नम्बर १ का प्रतिनीधि सभा सदस्य प्रदीप यादव, नेपाली कांग्रेसको तर्फबाट उपमेयरका उम्मेदवार इम्तियाज आलम, जसपाका केन्द्रिय सदस्य जनार्दन प्रसाद यादव, नेपाली कांग्रेसका नेता श्याम पोखरेल, प्रकाश उपाध्याय, जसपा मधेश प्रदेशकी बरिष्ठ उपाध्यक्ष पिंकी देवी यादव, नेतृ अन्नपुर्ण मानन्धर, जसपा पर्साका अध्यक्ष रामनरेश प्रसाद यादव, सचिव तबरेज अहमद, जसपाका नेता मुकेश द्विवेदी लगायतको उपस्थिती रहेको थियो । 

कांग्रेसले टिकट दिएकाे अन्सारी विवेकशिल साझाकाे उम्मेदवार

0

वीरगंज । बाराकाे फेटा गाउँपालिका अध्यक्षकाे लागि नेपाली कांग्रेसले टिकट दिएकाे रुषत्म अंसारीले पार्टी परित्याग गरेका छन् । कांग्रेसले गाउँपालिका अध्यक्षकाे टिकट दिएपनि उनी पक्षका वडाध्यक्ष उम्मेदवारलाई टिकट नदिएका कारण अन्सारीले कांग्रेस परित्याग गरी प्यानलसहित विवेकशिल साझा पार्टीबाट मनाेनयन दर्ता गराएका हुन् ।

उनले आफुलाई मात्र गाउँपालिका अध्यक्षकाे कांग्रेसले टिकट दिए पनि आफ्नाे पक्षकालाई वडाध्यक्षहरुकाे टिकट नदिएका कारण आफु पार्टी परित्याग गरी अर्काे पार्टीबाट मनाेनयन दर्ता गरेकाे वताए ।

उनले भने “आफु ३० बर्षदेखि नेपाली कांग्रेसमा नै सक्रिय थिए तर कांग्रेसले आफ्नाे टिमलाई टिकट दिने आश्वासन दिदै आएकाे थियाे तर मनाेनयन दर्ताकाे अन्तिम दिन साेमबार ३ बजे आएर आफुलाई टिकट दिएपनि आफ्नाे पक्षका वडाध्यक्षका युवा र याेग्य उम्मेदवारलाई टिकट दिएन । त्यही भएर आफुसहित आफ्नाे पक्षका सम्पूर्णले पार्टी परित्याग गरि विवेशिल साझा पार्टीबाट मनाेनयन दर्ता गराएका छाैं ।” 

अन्सारीले यस अघिकाे निर्वाचनमा कांग्रेसबाटै गाउँपालिका अध्यक्षमा चुनाव लडेका थिए । तर झिनाे मतान्तरले पराजित भएका थिए । उनले कांग्रेसका नेताहरु आफुलाई टिकट दिए पनि वडाध्यक्षकाे टिक पैंसाले बिक्री गरेकाे आराेप लगाए ।

रविन्द्र मिश्र नेतृत्वकाे विवेशिल साझा पार्टी गाउँपालिका अध्यक्षमा अन्सारीसहित, उपाध्यक्षमा निलम साह, वडा नं. १ काे वडाध्यक्षमा संताेष साह कानु, वडा नं. २ काे वडाध्यक्षमा जयकिशुन मुखिया, वडा नं. ३ का वडाध्यक्षमा प्रहलाद साह, वडा नं. ४ काे वडाध्यक्षमा श्री भगवान साह मुखिया, वडा नं. ५ काे वडाध्यक्षमा अजय साह, वडा नं. ६ काे वडाध्यक्षमा अमिरहमजा ठकुराई र वडा नं. ७ काे वडाध्यक्षमा महमख हुसेन अन्सारीले मनाेनयन दर्ता गराएका हुन् । 

बरामद प्रतिबन्धित बाेइलर कुखुरा नष्ट

0

वीरगंज । सशस्त्र प्रहरी बल बाेडर आउट पाेष्ट सबैठवाले १५० किलाे प्रतिबन्धित बाेइलर कुखुरा बरामद गरी नष्ट गरेकाे छ । भारतबाट अवैध रुपमा ल्याउदै गरेकाे ७० वटा प्रतिबन्धित बाेइलर कुखुरा (१५० किलाे) बरामद गरी नष्ट गरिएकाे सशस्त्र प्रहरी नायब निरिक्षक इन्द्र बहादुर सापकाेटाले वताए ।

पहका मैनपुर गाउँपालिकाकाे वडा नं. ५ लक्ष्मिपुरबाट बरामद गरिएकाे रु ३० हजार मुल्य पर्ने कुखुरा सिमा प्रहरी चाैकी खेस्राहाका प्रनितिधि र स्थानिय पत्रकारकाे उपस्थितीमा नष्ट गरिएकाे प्रहरी नायब निरिक्षक सापकाेटाले जानकारी दिए ।

भारतबाट साइकलमा ल्याउँदै गरेकाे प्रतिबन्धित कुखुरा फाली साइकल लिई तस्कर भागन सफल भएकाे प्रहरीले जनाएकाे छ ।  

कालिकामाईमा गापा अध्यक्षकाे लागि २५ जनाकाे मनाेनयन दर्ता

0

वीरगंज । पर्साकाे कालिकामाई गाउँपालिका अध्यक्षकाे लागि २५ जना र उपाध्यक्षकाे लागि ८ जनाले मनाेनयन दर्ता गराएका छन् । गाउँपालिका अध्यक्षकाे लागि विभिन्न राजनीतिक दलबाट  ८ जनासहित २५ जना र उपाध्यक्षकाे लागि राजनीतिक दलबाट ६ जनासहित ८ जनाले मनाेनयन दर्ता गराएकाे निर्वाचन अधिकृत प्रकाश काेइरालाले वताए । 

साेमबार गाउँपालिका अध्यक्षकाे लागि लाेकतान्त्रिक समाजवादी पार्टी (लाेसपा)बाट प्रभुलाल प्रसाद चाैरसिया, नेपाली जनता दलबाट दिनेश साह कानु, नेपाल शुसान पार्टीबाट बलराम तिवारी (दिपु), नेपाली कांग्रेसबाट अजय कुमार, नेकपा एमालेबाट राजेश कुमार चाैरसिया, नेकपा माओवादी केन्द्रबाट महिन्द्र राउत कुर्मी र नेपाल जनता पार्टीबाट मधुलाल महताेले मनाेनयन दर्ता गराएकाे निर्वाचन अधिकृत काेइरालाले जानकारी दिए ।

गाउँपालिका अध्यक्षमा स्वतन्त्रबाट संताेष पंडित कुमाल, विकास कुमार गुप्ता, गाेपाल प्रसाद बरै, राजु प्रसाद यादव, तबरेज खाँ पैठान, तबरेज आलम, संजय चाैहान, ओमप्रकाश प्रसाद तेली, रजाक राउत गद्दी, मंसि साह गाेढ, रामबाबु गिरी, संजय कुमार चाैरसिया, संगिता देवी कुर्मीन, राधेश्याम प्रसाद कुर्मी, प्रभु राउत कुर्मी र दिनेश प्रसाद कुर्मीले मनाेनयन दर्ता गराएका हुन् ।

स्वतन्त्रबाट अधिकांशले प्रतिनिधि बन्नकाे लागि र मतदान केन्द्रमा प्रबेश गर्न पाउने उद्देश्यले मात्र मनाेनयन दर्ता गराएकाे बुझिएकाे छ ।

यस अघि आइतबार नै गाउँपालिका अध्यक्षकाे लागि जनता समाजवादी पार्टी (जसपा)बाट बशिष्ट कुमार र स्वतन्त्रबाट राजेश साह तेली पनि आफ्नाे मनाेनयन दर्ता गराएका थिए ।

गाउँपालिका अध्यक्षकाे लागि दलगत ८ जनासहित २५ जनाकाे मनाेनय दर्ता गराए पनि मुख्य ४ दल बिच नै प्रतिस्पर्धा हुने स्थानियहरुले वताएका छन् । एमाले, कांग्रेस, जसपा र शुसान पार्टीका उम्मेदवार बिच नै प्रतिस्पर्धा हुने स्थानियहरुकाे भनाई छ ।

गाउँपालिका उपाध्यक्षकाे लागि लाेसपाबाट अनिता देवी, एमालेबाट श्रीमति अंशु आनन्द, नेपाली कांग्रेसबाट राजमती बरैनी, सुशासन पार्टीबाट नितु कुमारी, माओवादी केन्द्रबाट मुनि देवी हाजरा, स्वतन्त्रबाट राधाकिशुन प्रसाद बरै र सिला देवी कुशवाहाले मनाेनयन दर्ता गराएका छन् । यस अघि नै आइतबार उपाध्यक्षमा जसपाबाट साेहानी खातनुले पनि मनाेनयन दर्ता गराएकी थिइन ।

यसैगरी जसपाबाट वडाध्यक्षमा वडा नं. १ मा लालबाबु राउत बरै, वडा नं. २ मा ताजिन्द्र साह कलवार, वडा नं. ३ मा संजय कुमार पटेल, वडा नं. ४ मा हरिओम साह कलवार, लाेसपाबाट वडा नं. १ मा रामजित ठाकुर लाेहार, वडा नं. २ मा माओ प्रसाद कुशवाहा, वडा नं. ३ मा राजदेव साह गाेढ, वडा नं. ५ मा अनिता तिवारी, सुशासन पार्टीबाट वडा नं. १ मा टंकराज महताे काेइरी, वडा नं. २ मा सफराज आलम खाँ पैठान, वडा नं. ३ मा दिनेश प्रसाद कुर्मी, वडा नं. ४ मा करिमन साह तेली, वडा नं. ५ मा शिव महताेले मनाेनयन दर्ता गराएका हुन् ।

यसैगरी वडाध्यक्ष मै नेपाली कांग्रेसबाट वडा नं. १ मा संजय प्रसाद, वडा नं. २ मा रामराज प्रसाद चाैरसिया, वडा नं. ३ मा रामशिष प्रसाद बरैई, वडा नं. ४ मा संजय कुमार साह, वडा नं. ५ मा माधाे कुमार चाैहान, नेकपा एमालेबाट वडा नं. १ मा माेतिलाल प्रसाद कुर्मी, वडा नं. २ मा साेनालाल प्रसाद चाैरसिया, वडा नं. ३ मा राजेश प्रसाद कुर्मी, वडा नं. ४ मा जितेन्द्र कुमार गुप्ता, वडा नं. ५ मा हनिफ मियाँ, माओवादी केन्द्रबाट वडा नं. १ मा नरेश राउत कुर्मी, वडा नं. २ मा नेहाल खाँ पैठान, वडा नं. ३ मा अमरदिप पटेल कुर्मीले  मनाेनयन दर्ता गराएकाे निर्वाचन अधिकृतकाे कार्यालयले जनाएकाे छ ।

गाउँपालिका अन्तर्गतकाे ५ वटा वडाकाे वडाध्यक्षकाे लागि १६ जना स्वतन्त्रसहित ४९ जनाले मनाेनयन दर्ता गराएकाे प्रमुख प्रशासकिय अधिकृत अमित कुमार गिरीले वताए ।

कांग्रेसबाट फेटा गाउँपालिका अध्यक्षमा अंसारीले टिकट पाए

0

वीरगंज । नेपाली कांग्रेसबाट बाराकाे फेटा गाउँपालिका अध्यक्षकाे टिकट रुस्तम अन्सारीले पाएका छन् । फेटा गाउँपालिका वडा नं. ३ निवासी अन्सारीले कांग्रेसबाट गाउँपालिका अध्यक्षकाे टिकट पाएपछि आज उम्मेदवारी दिने तयारी गरेका छन् ।

यस अघिकाे निर्वाचनमा पनि कांग्रेसबाट गाउँपालिका अध्यक्षमा अन्सारी नै चुनाव लडेका थिए । तर तत्कालिन संघिय समाजवादी फाेरमाका उम्मेदवारबाट झिनाे मतान्तरले पराजित भएका थिए ।

याे पालि आफुले नै चुनाव जित्न टिकट पाएका अन्सारीले प्रतिक्रिया दिदै दाबी गरे ।

कालिकामाईमा पहिलाे दिन जसपाकाे मात्र मनाेनयन दर्ता

0

वीरगंज । पर्साकाे कालिकामाई गाउँपालिकामा आइतबार जनता समाजवदी पार्टी (जसपा)ले मनाेनयन दर्ता गराएकाे छ । जसपाबाट गाउँपालिका अध्यक्षमा बशिष्ट कुमार र उपाध्यक्षमा साेहानी खातुनले मनाेनयन दर्ता गराएका हुन् ।

यसैगरी जसपाबाट नै वडा नं. १ काे वडाध्यक्षमा लालबाबु राउत बरै, वडा नं. २ काे वडाध्यक्षमा ताजिन्द्र साह कलवार, वडा नं. ३ काे वडाध्यक्षमा संजय पटेल र वडा नं. ५ काे वडाध्यक्षमा जयनारायण प्रसाद कुर्मीले मनाेनयन दर्ता गराएकाे निर्वाचन अधिकृतकाे कार्यालयले जनाएकाे छ । 

गाउँपालिका अन्तर्गत ५ वटा वडा रहेपनि जसपाले मनाेनयन दर्ता पहिलाे दिन गाउँपालिका अध्यक्ष, उपाध्यक्षसहित ४ वटा वडाकाे मात्र उम्मेदवारी दर्ता गराएकाे हाे । जसपाले बाकी वडा नं. ४ प्रशुरामपुरकाे मनाेनयन दर्ता साेमबार गराउने जनाएकाे छ ।

त्यसैगरी स्वतन्त्रबाट गाउँपालिका अध्यक्षमा राजेश साह तेली र नेकपा एकीकृत समाजवादीबाट वडा नं. २ काे वडाध्यक्षमा दिलिप कुमार कुशवाहाले उम्मेदवारी दर्ता गराएका छन् ।

त्यसैगरी विभिन्न वडाका वडा सदस्यहरुमा नरेन्द्र राउत कम्कर, सुरज राउत बरै, सुरेन्द्र कुमार साह, रामनरेश साह कानु, प्रमाेद ठाकुर लाेहार, रामराज प्रसाद चाैरसिया, संजय प्रसाद कुर्मी, रामप्रबेश कुर्मी, मंजित कुमार राउत, सुनिल कुमार साह, जैकिशुन महताेले मनाेनयन दर्ता गराएकाे निर्वाचन अधिकृत प्रकाश काेइराले जानकारी दिए ।

त्यसैगरी महिला वडा सदस्यमा फुलमती देवी विन, श्रीमति उम्रावती देवी, ललिता देवी, प्रमशिला देवी, दलित महिला सदस्यमा रबडी देवी, गायत्री देवी पासवान, चनरजाेतिया दुसादिन, मालती देवी दुसादिन र उषा देवीले मनाेनयन दर्ता गराएकाे अधिकृत काेइरालाले जानकारी गराए ।

काङ्ग्रेसबाट निर्वाचित वडाध्यक्ष एमालेमा प्रवेश

0

वीरगंज । नेपाली काङ्ग्रेसबाट निर्वाचित पर्साकाे बहुदरमाई नगरपालिका वडा नं. ३ का वडाध्यक्ष दिनेश प्रसाद यादव नेकपा एमालेमा प्रवेश गरेका छ्न् । 

नेकपा एमाले बहुदरमाई नगर कमिटिले आइतबार वीगंजमा आयोजना गरेको एक कार्यक्रममा नेकपा एमालेका केन्द्रिय सदस्य एवम् संविधान सभा सदस्य राजकुमार गुप्ताले वडा अध्यक्ष यादवलाई पार्टीमा प्रबेश गराएका थिए ।

वडाध्यक्ष यादवसंगै वडा सदस्य सामसा खातुन, सरिफ मियाँ, राजकुमार रौनियार, प्रभु यादव लगायतकाले पनि एमाले प्रबेश गरेकाे जनाइएकाे छ ।

कार्यक्रममा नेकपा एमाले पर्सा का सह- सचीव संजिव मिश्रा, जिल्ला कमिटि सदस्य पुरन कुर्मी, नेकपा एमालेका नेता शिव पटेल, प्रमोद कुशवाहा लगायतका नेताहरुको उपस्थिती रहेको थियो ।

कांग्रेसले पुन: वडाध्यक्षमा यादवलाई टिकट नदिने भएपछि उनी एमाले प्रबेश गरेकाे बुझिएकाे छ ।

कांग्रेसले टिकट नदिएपछि पटेलले दिए स्वतन्त्र उम्मेदवारी

0

वीरगंज । पर्साकाे बिन्दवासिनी गाउँपालिका वडा नं. ५ प्रसाैनी भाठाकाे वडाध्यक्षमा दिलिप पटेलले स्वतन्त्र उम्मेदवारी दर्ता गराएका छन् । उनले आफ्नाे दलबलकाे साथ निर्वाचन अधिकृतकाे कार्यालय बिन्दवासिनीमा गएर उम्मेदवारी दिएका हुन् ।

नेपाली कांग्रेसले टिकट नदिएपछि आफुले स्वतन्त्र उम्मेदवारी दिएकाे पटेलले वताए ।

उनले भने “आफु लामाे समयदेखी कांग्रेस मै सक्रिय थिए । पार्टीले पनि आफुलाई नै टिकट दिने आश्वासन दिएकाे थियाे । तर अन्तिममा आएर अरुलाई टिकट दिएपछि आफु आज स्वतन्त्र उम्मेदवारी दर्ता गराएकाे छु । “

बैशाख ३० गते हुने निर्वाचनमा आफुले नै चुनाव पनि जित्ने उनले दाबी समेत गरे । कांग्रेसले साे वडामा वडाध्यक्षकाे टिकट सुकदेव राउत अहिरलाई दिएकाे छ । 

लाेपसा वीरगंज महानगर अध्यक्ष सर्राफ नै छन् : नेताहरु

0

वीरगंज । लाेकतान्त्रिक समाजवादी पार्टी (लाेसपा) वीरगंज महानगर अध्यक्ष ओमप्रकाश सर्राफ नै रहेकाे नेताहरुले वताएका छन् । 

बैशाख ३० गते हुने स्थानिय तह निर्वाचनकाे लागि लाेसपाले वीरगंज महानगरपालिकामा नेकपा एमालेसंग गठबन्ध गरेपछि अध्यक्ष सर्राफले असन्तुष्टि जनाएका थिए ।

त्यसै कारण लाेसपा पर्साका अध्यक्ष पुरुषाेत्म झाले अध्यक्ष सर्राफलाई निलम्बन गरी अर्काे महानगर अध्यक्ष मनाेनित गरीएकाे प्रेस विज्ञयप्त मार्फत सार्वजनिक गरेको थिए । अध्यक्ष सर्राफले पार्टीकाे नियम विपरीत गतिविधी गरेको भन्दै उनलाई निलम्बन गरिएकाे जिल्ला झाले विज्ञप्ती मार्फत जनाएका थिए । 

फरक मत राख्दैमा अध्यक्ष सर्राफलाई कारवाही गरिएकाे भन्दै आलोचना सुरुभए लगतै पार्टीका केही शिर्ष नेताहरुले जिल्ला अध्यक्षले गरेको कारवाही मान्यता नभएकाे बताएका छन ।

पार्टीको विधि विधान अनुसार केन्द्रीय अध्यक्षले गरेको नियूत्ती जिल्ला कमिटीले कारवाही गर्न नमिल्ने लोसपा मधेश प्रदेशका अध्यक्ष जितेन्द्र सोनलले बताए ।

त्यसैगरी लोसपा कार्यकारणी सदस्य केशव झाले जिल्ला कमिटीको कारवाही नियम विपरीत भएकाे वताउँदै सर्राफ नै अहिले पनि वीरगञ्ज महानगर कमिटीकाे अध्यक्षनै रहेको बताए ।

नेताद्वले अहिले निर्वाचनकाे समय रहेकाेले आन्तरीक द्वन्धलाई विर्षेर पार्टीको सिधान्तमा अगाडी बढन दुबै पक्षलाई आग्रह समेत गरेका छन् ।