Date
मङ्ल, मंसिर १, २०८३
Tue, November 17, 2026
Home Blog Page 688

एल.एस. न्युरो हस्पिटलमा रक्तदान कार्यक्रम सम्पन्न

0

वीरगंज । एल.एस. न्युरो एण्ड जेनरल हस्पिटल वीरगंजकाे आयाेजनामा शनिबार रक्तदान कार्यक्रम सम्पन्न भएकाे छ । बाराको परवानीपुर गाउँपालिका वडा नम्बर ५ मा नबनिर्मित हस्पिटलकाे नयाँ भवनमा भएकाे कार्यक्रम ३ महिलासहित ४४ जनाले रक्तदान गरेका छन् ।

हस्पिटलका अध्यक्ष एवम् बरिष्ठ न्युरो सर्जन डा. श्याम बाबु प्रसादले रक्तदान गरी उद्घाटन गरेकाे कार्यक्रममा डा. अर्जुन पटेल, सुनिल पटेल, बिरेन्द्र साह, सन्तोष पटेल, बिशनु रिजाल, ईन्द्र प्रसाद साह, दिपक प्रसाद कुर्मी, अरविन्द कुमार, सन्जय कुर्मी, रिना कुमारी, सुनिल गुप्ता, हिर्देनारायण साह, राकेश साह कानु, संताेष पटेल, अनुज कुमार पटेल, लगायतकाले रक्तदान गरेका थिए ।

कार्यक्रममा नेपाल रेडक्रस साेसाइटी वीरगंजका राजन श्रीवास्तव, रक्त संचार केन्द्रका मनिस गुप्ता, जितेन्द्र महतो, राजेन्द्र भट्टराईले प्राविधिक सहयोग गरेकाे थियाे । 

मधेसखबर र रातोपाना अनलाइनकाे समुद्घाटन

0

वीरगंज । अनलाइन पत्रिका मधेसखबर डटकम र रातोपाना डटकम संचालनमा आएको छ । वीरगंजमा शनिवार समुद्घाटनसंगै दुवै अनलाइन पत्रिका संचालनमा आएको हो । वीरगंज ८ पानीटंकीस्थित कार्यालयमा मानव सेवा आश्रम वीरगंजमा आश्रीत सविना मानव र चिन्टु मानवले संयुक्त रुपमा दुवै अनलाइन पत्रिकाको समुद्घाटन गरेका हुन् ।

त्यसअघि वीरगंज पब्लिक कलेजको सभाकक्षमा आयोजित समुदघाटन समारोहमा बोल्दै मधेस प्रदेश सरकारका खानेपानी तथा उर्जा विकास मन्त्री ओम प्रकाश शर्माले संचार क्षेत्रमा अहिले अनलाइन मिडियाको लोकप्रियता र प्रभावकारीता बढ्दै गएको बताए ।

उनले वीरगंजबाट शनिवारदेखि संचालन र प्रकाशनमा आएको रातोपाना र मधेसखबर डट कम अनलाइन पत्रिकाले वीरगंजमा मात्र नभइ देश विदेशमा छुटटै पहिचान स्थापित गर्नेमा आफु विश्वस्त रहेको बताए । मन्त्री शर्माले यी दुई अनलाइन पत्रिकामा आबद्ध पत्रकारहरु, अनुभवी पनि भएकाले यसबाट प्रकाशन र प्रसारण हुने संचार सामग्री सत्य तथ्य र निष्पक्ष हुने अपेक्षा आफुले गरेको बताए ।

मधेस प्रदेश सरकारले मधेसका संचार माध्यम र संचारकर्मीका लागि अपेक्षाकृत सहयोग गर्न नसकेको स्वीकार्दै मन्त्री शर्माले तर यस प्रति आफुहरु गम्भिर रहेको बताए ।

पर्सा क्षेत्र नम्बर १ का सांसद प्रदीप यादवले दुवै अनलाइन पत्रिकाको सफलताको शुभकामना दिए । सांसद यादवले वीरगंजकाे पत्रकारीतामा स्थापित पत्रकारहरुको टिमले संचालन गरेको यी दुवै अनलाइन पत्रिका, पत्रकारीताको व्यवसायिक मुल्य मान्यतामा खरो रुपमा उत्रने विश्वास लिएको बताए ।

पत्रकार, कुनै पनि दल विशेषको आस्था र प्रभावमा पर्न नहुने भन्दै यादवले पत्रकारीता क्षेत्रमा अहिले देखिएको दलगत आग्रह र पूर्वाग्रह नहटाए सम्म पत्रकारीता स्वतन्त्र र निष्पक्ष हुन नसक्ने बताए ।

पर्साको पोखरीया नगरपालिकाका निवर्तमान मेयर दिप नारायण रौनीयार (मन्टु) ले मधेसखबर डटकम र रातोपाना डटकमको सफलताको शुभकामना दिदै पत्रकारीता सत्यतथ्य र निष्पक्ष हुनु पर्नेमा जोड दिए ।

पोखरीया नगरपालिकाकी उपमेयर सल्मा खातुनले यी दुवै अनलाइन पत्रिकाले समाजका विकृति र विसंगति विरुद्ध आवाज उठाउनु पर्ने बताइन् । उनले समाजमा पछि परेका र पछाडि पारिएका महिला, अल्पसंख्यक, सिमान्तकृत समुदायको अधिकार र उत्थानका लागि पत्रकारको कलम अझ धेरै चल्नु पर्नेमा जोड दिइन् ।

मधेसखबर डटकमका अध्यक्ष एंव प्रकाशक क्रान्ति शाहको अध्यक्षतामा भएको कार्यक्रममा नेपाल पत्रकार पत्रकार महासंघका केन्द्रिय सचिव दिपेन्द्र चौहान, मधेस प्रदेशका महासचिव श्याम बन्जाराले  वीरगंज उद्योग वाणिज्य संघका अध्यक्ष डा. सुबोध गुप्ता, पर्साका प्रमुख जिल्ला अधिकारी उमेश ढकाल, जनता समाजवादी पार्टीका जिल्ला सचिव तबरेज अहमद, नेपाली कांग्रेस वीरगंजका पुर्व नगर सचिव मनोहर साह, नेपाल प्रेस युनियन पर्साका अध्यक्ष रामनारायण कुर्मी, समाजवादी प्रेस संगठ पर्साका अध्यक्ष मनोज पटेल लगायकाे उपस्थिती रहेकाे थियो ।

समुद्घाटन समारोहमा स्वागत मन्तव्य रातोपाना डटकमका अध्यक्ष श्याम सर्राफले र संचालन मधेस खबर डटमकमकी सम्पादक माधुरी महत्तोले गरेकी थिइन् । 

कालिकामाई गापाका कार्यवाहक अध्यक्ष चाैरसिया एमाले प्रबेश

0

वीरगंज । पर्साकाे कालिकामाई गाँउपालिकाका कार्यवाहक अध्यक्ष राजेश चौरसिया नेकपा एमालेमा प्रवेश गरेका छन् । तत्कालिन संघिय समाजवादी फोरमबाट गाउँपालिका उपाध्यक्षमा निर्वाचित चौरसिया बिहिबार एमाले प्रबेश गरेका हुन् ।

गाउँपालिका अध्यक्ष नथुनी प्रसाद कुशवाहाकाे निधन पश्चात चाैरसिया कार्यवाहक अध्यक्षकाे जिम्मेवारी सम्माहल्दै आएका छन् । लाेकतान्त्रिक समाजवादी पार्टी (लाेसपा) रहेका चाैरसिया लाेसपाबाट नै गाउँपालिका अध्यक्षमा चुनावल लडने तयारीमा थिए । 

वीरगंज मुर्लीस्थित एमालेको सम्पर्क कार्यालयमा बिहिबार एमाले पर्साका नेताहरु चाैरसियालाई पार्टी प्रबेश गराएका हुन् । एमाले प्रदेश कमिटी सदस्य बलिराम साहकाे पहलमा चाैरसिया एमाले पबेश गरेकाे बुझिएकाे छ ।

कालिकामाईमा एमाले र लाेसपा बिच गठबन्धनकाे लागि छलफल भइरहेकाे चर्चा चलेपनि अन्त लाेसपाबाट गाउँपालिका अध्यक्षका उम्मेदवार रहेका चाैरसिया एमाले मै प्रबेश गरेका हुन् । एमालेबाट गाउँपालिका अध्यक्षकाे टिकट कन्फर्म भएपछि उनी एमाले प्रबेश गरेकाे चाैरसिया निकटका व्यक्तिहरुले वताएका छन् ।

कार्यवाहक अध्यक्ष चौरसियासंगै लोसपाका वडा नम्बर ३ का वडाध्यक्षका उम्मेदवार राजेश पटेल, नेताहरु भुवाल कुशवाहा, अफरोज आलम, गम्भीरा महतो,ओम पटेल लगायत नेताहरु एमाले प्रवेश गरेकाे वताइएकाे छ ।

नव प्रवेशहरुलाई एमालेका पर्सा जिल्ला इन्चार्ज प्रभु हजरा, अध्यक्ष जयप्रकाश थारु, प्रदेश कमिटी सदस्य शम्भु गुप्ता, बलिराम साह, गाउँपालिका कमिटी अध्यक्ष अनुप तिवारी,  कालिकामाई गाउँपालिका वडा नं. २ भेडिहारीका वडाध्यक्ष साेनालाल चाैरसिया,  वडा नम्बर ५ का वडाध्यक्ष पवन तिवारी लगायतकाले फुलमाला र अविरकाे टिका लगाई पार्टीमा स्वागत गरेका थिए ।  

पिपरामा नेकपा एसकाे सम्पर्क कार्यालय उद्घाटन

0

वीरगंज । नेकपा एकीकृत समाजवादी वीरगंज महानगरपालिका वडा नं. १४ पिपराकाे जन सम्पर्क कार्यालय संचालनमा आएकाे छ । पिपरामा स्थापना भएकाे सम्पर्क कार्यालय बिहिबार एक कार्यक्रमकाे बिच पार्टीका केन्द्रिय सचिव नागेन्द्र चाैधरी र पाेलिट ब्युराे सदस्य एवम् वीरगंज महानगर इन्चार्ज चिरन्जीवी अचार्यले संयुक्त रुपमा गरेका हुन् ।

वडा कमिटी अध्यक्ष मदन प्रसाद कुर्मीको अध्यक्षतामा भएकाे उद्घाटन कार्यक्रममा पाेलिट ब्युराे सदस्य एवम् पर्सा जिल्ला इन्चार्ज रामचन्द्र साह, जिल्ला अध्यक्ष बाल गोपाल थापा, वीरगंज महानगर अध्यक्ष मनोज चौधरी, केन्द्रिय लेखा आयोगका सदस्य किशोरी कुशवाहा, युवा संघ नेपालका केन्द्रिय सदस्य एवम् पर्सा जिल्ला इन्चार्ज अनिल पटेल, गंगा खड्का, मोहन यादव, द्वारिका श्रीवास्तव, राज श्रीवास्तव, पवन पटेल, प्रताप पटेल, प्रहलाद काेइराला लगयातकाे उपस्थिति रहेको थियो ।

यसैबिच वडा कमिटीकाे बैठकले वडाध्यक्षकाे उम्मेदवारमा रामबालक पटेललाई सर्वसहमत चयन गरेकाे छ । यसैगरी पार्टीकाे तर्फबाट वडा सदस्यकाे उम्मेदवारमा मुकेश पटेल, राम दिनेश पटेल लगयातलाई चयन गरेकाे युवा संघका केन्द्रिय सदस्य अनिल पटेलले जानकारी दिए ।

एमाले गएका अन्सारी र कुर्मी पुनः जसपामै फर्के

0

वीरगञ्ज । केही दिन अगाडि जसपा त्यागेर नेकपा एमाले प्रवेश गरेका वीरगञ्ज महानगरपालिका वडा नम्बर २ का निर्वाचित वडा सदस्य मुस्तफा अन्सारी र वडा नम्बर ५ का निर्वाचित वडा सदस्य सुरज पटेल पुनः जसपामै फर्केका छन् ।

अन्सारी र कुर्मीले बुधबार पुनः जसपामा प्रवेश गरेका हुन् । दुबै जनालाई सांसद प्रदीप यादवले फुलमाला लगाएर पुनः पार्टीमा प्रबेश गराएका थिए । जसपाको नेतृवसँग रुष्ट भएर एमाले प्रवेश गरेका सदस्यद्वयसँग जसपाका केन्द्रीय सदस्यसमेत रहेका सांसद यादवले भेटघाट गरेर असन्तुष्टिहरू सम्बोधन गर्ने प्रतिबद्धता व्यक्त गरेपछि उनीहरु पुनः जसपामा फर्केको बुझिएको छ ।

उनीहरुलाई प्रवेश गराउँदै सांसद यादव नेताहरुको वापसीसँगै जसपामा ऊर्जा थपिएको बताए । ‘युवाहरु पार्टीको ऊर्जा हुन् । युवा नेता गएदेखि पार्टी अलि खल्लो जस्तो भएको थियो,’ यादवले भने, ‘फिर्ता आएपछि पार्टीमा रौनक बढेको छ ।’

यादवले जनतालाई एमालेले धेरै दिनसम्म भ्रमित पारेर राख्न नसक्ने बताए । मधेस आन्दोलन चलिरहँदा जनताको टाउको र छातीमा गोली चलाउने एमाले आज मधेशवादको खोल ओढेर यहाँको जनतालाई झुक्याउन खोजिरहेको उनले आरोपसमेत लगाए ।

साे अवसरमा जसपा नेता एवम् वीरगंज महानगरपालिकाका मेयरका प्रत्यासी राजेशमान सिंह लगायतकाे पनि उपस्थिती रहेकाे थियाे ।

जीउ मास्ने बेच्ने मुद्दाका फरार व्यक्ति ३२ वर्षपछि पक्राउ

0

वीरगंज । जीउ मास्ने बेच्ने मुद्दाका फरार व्यक्ति ३२ वर्षपछि पक्राउ परेका छन् । पर्साकाे साविक गाबिस ठोरी वडा नं.९ घर भई हाल उदयपुरकाे कटारी नगरपालिका वडा नं. ३ मा लुकीछिपी बसिरहेको ५७ बर्षिय विष्णु वहादुर थापालाई प्रहरीले पक्राउ गरेकाे हाे । 

मिति २०४६।०५।१८ गते २ जना महिलालाई भारत, मुम्बईको कोठीमा लगी बिक्री गरेको भन्ने व्यहोराको जाहेरी दरखास्तमा जिल्ला प्रहरी कार्यालयबाट जीउ मास्ने बेच्ने मुद्दा दर्ता भई अनुसन्धान तथा अभियोजनपश्चात पर्सा जिल्ला अदालतबाट मिति २०६१।१२।१४ गते भएको फैसला अनुसार कसूर ठहर भएका थापालाई प्रहरीले नियन्त्रणमा लिएकाे हाे ।

जिल्ला प्रहरी कार्यालय पर्साका अनुसार अदालतले थापालाई १० वर्ष कैद र रू. २५ हजार जरिवाना सजाँय तोकेकाे थियाे । त्यसपछि हालसम्म उनी फरार रहेका थिए ।

जिल्ला प्रहरी कार्यालय पर्साबाट खटिएको फरार कसूरदार पक्राउ टोलीले उनलाई बुधबार लुकीछिपी बसिरहेको स्थानबाट पक्राउ गरी ल्याई  पर्सा जिल्ला अदालतमा बुझाएकाे जिल्ला प्रहरी कार्यालय पर्साका प्रवक्ता एवम् प्रहरी नायब उपरिक्षक ओमप्रकाश खनालले जानकारी दिए ।

वडाध्यक्षका आकांक्षीहरुबिच झडप, ८ जना घाइते

0

वीरगञ्ज । बाराको जितपुर सिमरा उपमहानगरपालिका वडा नम्बर २३ मा वडाअध्यक्षका आकांक्षीहरुबिच झडप भएको छ । वर्तमान वडाअध्यक्ष अस्लम देवान र आसन्न स्थानीय तहको निर्वाचनमा वडाअध्यक्षका आकांक्षी मुस्तकिम अंसारीबिच झडप हुँदा दुवै पक्षका गरेर ८ जना घाइते भएका छन् ।

भलुहि टोलमा कोईला डिपो अगाडि बाँसले घेरेर बन्द गरिएको बाटो खुलाउन गएका मुस्तकिम अंसारीसहितको टोलीलाई वडा अध्यक्ष असलम देवान लगायतको टोलीले गाली गलोज गर्दा विवाद शुरु भएको प्रत्यक्षदर्शीले बताएका छन् ।

सामान्य भनाभनपछि असलम देवान पक्षका व्यक्तिहरू मुस्तकिम अंसारी पक्षको समुहमाथि हातपात गर्दा असलम देवान पक्षको समूहले कुटपिट गरेको हो ।

कुटपिटबाट मुस्तकिम अंसारीसहित चाद महम्मद मंसुरी, मुमताज आलम, यासिन मिया, तमिजुदिन अंसारी, खुरशेद आलम लगायत घाइते भएका छन् । चांद महम्मद मंसुरी र ममताज आलमको आईसियुमा उपचार भइरहेको छ । यासिन मियाँको खुट्टा भाँचिएको र खुरशेद आलमको हात भाँचिएको छ भने अन्यको अवस्था सामान्य रहेको अस्पताल श्रोतले जनाएको छ ।

घटनामा संलग्न हरूकाे खाेजी कार्य भई रहेको
जिल्ला प्रहरी कार्यालय बाराले जनाएको छ ।

उता अस्लम देवानसहित उनका दाजु भाई गरी ३ जना सामान्य घाइते भएका छन् । उनीहरुको वीरगञ्जस्थित नारायणी वयोद्या अस्पतालमा उपचार भइरहेको जिल्ला प्रहरी कार्यालय बाराका प्रवक्ता एवम् प्रहरी नायब उपरीक्षक राजेश थापाले बताए ।

पानी र बिजुलीमा न्युनतम शुल्क मिनाहा गर्छाैं : सांसद यादव

0
वीरगंज । पर्सा क्षेत्र नम्बर १ का प्रतिनीधिसभा सदस्य प्रदीप यादवले वीरगञ्जका वर्तमान मेयर विजय कुमार सरावगीले मधेशी जनताको मतबाट जितेर अहिले मधेश विरोधी ओलीको झोलीमा गएर बसेको आराेप लगाएका छन् ।
 
जसपाकाे वीरगंज महानगरपालिका वडा नम्बर १५ वडा इकाइ कमिटीले गरेको अगुवा कार्यकर्ता भेलालाई सम्बोधन गर्दै समाज र पार्टीमा कुनै योगदान नभएका व्यक्तिलाई टिकट दिलाएर जिताएकोमा पश्चाताप लागेको बताए ।
 
सांसद यादवले भने, “व्यापारीहरुले मात्रै चिनेको र वीरगंजका वडाबासीले नचिन्ने व्यक्तिलाई जिताएर गल्ती गरे, त्यो गल्तीको लागि म सबैसँग माफि चाहन्छु । तर अब यस्ता गल्तीलाई दोहोरिन दिन छैन ।’ दक्षिणा नबुझाउने शिक्षकहरुको वर्षमा ३ पटक सरुवा गरेर दुःख दिने र अन्य शिक्षकहरुबाटसमेत सरावगीले पैँसा असुलेर शिक्षामा भ्रष्टाचार गरेको सांसद यादवको आरोप छ ।
 
उनले भने, ‘शिक्षकहरुबाट पैँसा असुल्ने अनि विद्यालयको शैक्षिक सुधारको कसरी हुन सक्छ ?’ स्वास्थ्य, कृषि जस्ता क्षेत्रमा पनि व्यापक भ्रष्टाचार गर्ने र वास्तविक पिडितलाई मारमा पारेर आफ्ना नेता तथा कार्यकर्ताहरुलाई कृषि सम्बन्धी तालिमहरुमा सहभागि बनाउने र कृषि सम्बन्धी राहत तथा अनुदान पनि किसानको नाममा खाने नेताहरुलाई दिने यादवको भनाई छ ।
 
वीरगञ्ज महानगरपालिकाको मेयरमा जसपाबाट राजेशमान सिँहलाई जिताउन आग्रह गर्दै सांसद यादवले भने, ‘राजेशमान जी मेयरमा निर्वाचित भएपछि पानी र बिजुलीमा न्युनतम शूलक मिनाहा गर्ने छौँ ।
 
यसका साथै पञ्चायती व्यवस्थादेखि बहुदलसम्म आउँदा पनि कहिलै तिर्न नपरेको सरसफाई सम्बन्धी कर हामी हटाउने छौँ ।’ सरसफाई सम्बन्धी करबाट उठ्ने पैसामा समेत मेयर सरावगीले कमिसन खाने गरेको यादवले आरोप लगाए ।
 
‘महानगरको प्रत्येक घरबाट फोहर संकलन गरे वापत १ सय २० रुपैयाँ कर उठ्छ । त्यसमध्ये मेयर सरावगीले ६० रुपैयाँ कमिसनको रुपमा लिने गरेका छन्, ’ यादवले भने । नगरपालिकामा अन्य उत्पादनका स्रोतहरुको निर्माण गरी नगरबासबाट लिइने करको दरलाई घटाएर दायरा बढाउने यादवको भनाई छ ।
 
मधेश आन्दोलनताका सिँहले देखाएको सक्रियताबाट प्रभावित भएको बताउँदै राजेशमानबिना वीरगञ्जको बिकास अधुरो हुने बताए । वर्तमान मेयर सरावगीले चितवनसहित बाहिरका व्यक्तिलाई रोजगारी दिएको बताउँदै सांसद यादवले सिँह मेयर बनेपछि वीरगञ्जबासीलाई नै रोजगारी दिलाउने प्रतिबद्धता पनि व्यक्त गरे ।
 
मेडिकल माफिया, तेल माफिया एवम् भ्रष्टाचारी तथा कमाउनिष्टहरुलाई परास्त गरेर समृद्धि, सुशासन एवम् पारदर्शीताका लागि एकजुट हुनुपर्ने आवश्यक्ता पनि उनले औँल्याएका छन् ।
 
त्यसैगरी जसपाबाट वीरगञ्ज महानगरपालिकाको मेयरका उम्मेदवार राजेशमान सिँहले जनताका आधारभूत आवश्यक्तालाई प्राथमिकता दिएर काम गर्ने बताए । जनताको मन, मत र विश्वासलाई कहिलै पनि कम हुन नदिएर जनताकै बिचमा रही जनताकै लागि काम गर्ने बाचा पनि सिँहले गरेका छन् ।
 
नगरबासीको जिवनस्तर उकास्नका लागि जसपालाई नै जिताउनुपर्ने सिँहको आग्रह छ । जनताका आधारभुत आवश्यक्ताहरुलाई वेवास्ता गरेर ठुला ठूला सपनाहरु बाँड्नेहरुदेखि अब सचेत हुनुपर्ने बताउँदै सिँहले जसपाले नै मधेशका मुद्धाहरुको सम्बोधन गर्ने बताए ।
 
सम्भावनाको शहर वीरगञ्जको स्रोत साधनलाई भरपुर रुपमा सदुपयोग गरेर वीरगञ्जको मुहार फेर्ने महाअभियानमा हातेमालो गर्न उनले आग्रह गरेका छन् ।
 
कार्यक्रममा मधेश प्रदेशका मुख्यमन्त्री लालबाबु राउत, वडा नम्बर १५ बाट वडा अध्यक्ष पदका उम्मेदवार रमेश यादव, महानगरपालिकाको कार्यपालिका सदस्य अजय सोनार, पार्टीका महानगर अध्यक्ष इश्वर यादव, वडा इकाई कमिटीका पदाधिकारी, जसपाका नेता, कार्यकर्ता लगायतको सहभागिता रहेको थियो ।

महानगर भागबण्डामा सहमति : वीरगंज जसपालाई

0

काठमाडौं । सत्तारुढ गठबन्धनमा महानगरपालिका भागबण्डामा सहमति जुटेको छ ।

मंगलबार दिउँसो बालुवाटारमा भएको गठबन्धनका शीर्ष नेताको बैठकले ६ मध्ये तीन महानगर कांग्रेसले लिने, माओवादी, एकीकृत समाजवादी र जनता समाजवादी पार्टीले एक/एक महानगरको नेतृत्व लिने सहमति गरेको स्रोतले बताएको छ ।

त्यस अनुसार पोखरा महानगरपालिकाको नेतृत्व एकीकृत समाजवादीले पाउनेछ । त्यस्तै नेकपा माओवादी केन्द्रले भरतपुर महानगरपालिका र जनता समाजवादी पार्टीले वीरगञ्ज महानगरपालिकाको नेतृत्व पाउनेछ ।

नेपाली कांग्रेसले काठमाडौं, ललितपुर र विराटनगर महानगरपालिकाको नेतृत्व लिने  सत्तारुढ गठबन्धनको बैठकमा सहभागी एक नेताले जानकारी दिए । सहमतिको खाका मंगलबार साँझसम्म तयार हुने उनले बताए ।

बहुदरमाईपछि जगरनाथपुरका अध्यक्ष मियाँले पनि फिर्ता गरे गाडी

0

वीरगंज । पर्साको जगरनाथपुर गाउँपालिका अध्यक्ष जालिम मियाँले प्रयाेग गर्दै आएकाे गाडी गाउँपालिकालाई फिर्ता गरेका छन् । अध्यक्ष मियाँले प्रयाेग गर्दै आएकाे बा २ झ ४२४४ नम्बरकाे हायलक्स गाडी फिर्ता गरेका हुन् ।

मंगलबार विहान मियाँले गाउँपालिकाका निमित प्रमुख प्रशासकिय अधिकृत एवम् जिन्सी शाखा प्रमुख उत्तम सिंहलाई गाडीकाे सांचाे हस्तान्तरण गरेका हुन् ।

आफुले नैतिकताकाे आधारमा चुनाव प्रचार प्रसारमा सरकारी गाडीकाे दुरुपयाेग नहाेस भन्ने उद्देश्यले गाडी बुझाएकाे अध्यक्ष मियाँले वताए ।

यस अघि साेमबार बहुदरमाई नगरपालिकाका नगर प्रमुख नितेन्द्र साहले पनि आफूले प्रयोग गर्दै आएको गाडी नगरपालिकालाई फिर्ता गरेका थिए । साहले प्रयोग गर्दै आएको ना. १ झा १६६१ नम्बरको स्कर्पियो गाडी फिर्ता गरेका हुन् । 

सोमबार दिउँसो साहले गाडीको साँचो निमित्त प्रमुख प्रशासकीय अधिकृत विदुर प्रसाद उप्रेतीलाई हस्तान्तरण गरेका थिए । 

आफूले प्रयोग गर्दै आएको गाडी फिर्ता गर्ने साह पर्सा जिल्लाका पहिलो जनप्रतिनिधि हुन् । उनि पछि दाेस्राे नम्बरमा जगरनाथपुर गाउँपालिका अध्यक्ष मियाँले गाडी फिर्ता गरेका हुन् ।

तर अझै पनि जिल्लाको एक महानगरपालिका, दुई नगरपालिका र ८ गाउँपालिकाका प्रमुखिले प्रयाेग गर्दै आएकाे पालिकाकाे गाडी बुझाउन बाकी रहेकाे छ ।