Date
मङ्ल, मंसिर १, २०८३
Tue, November 17, 2026
Home Blog Page 684

मतदातालाई प्रभावित बनाउन पैसाको खेल कदापी स्विकार्य हुँदैन : गठबन्धन

0

वीरगंज । लोकतान्त्रिक ब्यवस्थाको प्राण मानिने आवधिक निर्वाचनलाई निश्पक्ष, स्वतन्त्र र कुनै पनि किसिमको अवान्छित गतिबिधिबाट मुक्त राख्न जरुरी हुन्छ भन्दै वीरगंजमा पाँच दलीय गठबनधनको तर्फबाट प्रेस विज्ञप्ति जारी भएको छ ।

जनताको सबभन्दा नजिकको सरकार भनिने ‘स्थानीय तह’को निर्वाचन स्वतन्त्र र निश्पक्ष बनाउन राजनीतिक दल, सरकारका निकायहरु र प्रत्येक मतदाताको भुमिका महत्वपुर्ण रहेको भनिएको छ । यसको ठिक बिपरित वीरगन्ज महानगरपालिकाको आसन्न स्थानीय तह निर्वाचनको क्रममा बिपक्षी नेकपा एमालेका उम्मेदवारको हर्कतले राजनीतिक संस्कारलाई लज्जित तुल्याएको बिज्ञप्तिमा बताइएको छ ।

‘पैसाको बिटो बोकी एमालेका यहाँका मेयर पदका उम्मेदवार विजयकुमार सरावगी वीरगंज–१६, नगवामा पुगेको बेला मध्यरातमा समातिएर जनताको प्रतिवादमा परेका छन् । लोकतान्त्रि ब्यवस्थामा अशोभनीय, अमर्यादित र निकृष्ट गतिबिधिको रुपमा यसलाई लिन सकिन्छ ।

आम मतदातालाई प्रभावित बनाउन पैसाको खेल कदापी स्विकार्य हुन सक्दैन,’ घट्नाप्रति गम्भीर ध्यानाकर्षण भएको जनाउदै बिज्ञप्तिमा भनिएको छ, ‘यस्तो हर्कत आइन्दा नगर्न नगराउन सम्बन्धीत उम्मेदवारलाई चेतावनी दिन चाहन्छौं । त्यसै आफ्नो उम्मेदवारलाई नियन्त्रण तथा मार्यादामा बसाउन नेकपा एमाले पार्टीलाईसमेत आग्रह गर्दछौं ।’

निर्वाचन आचार संहिता बिपरित भइरहेको यस्ता गतिबिधि रोक्न स्थानीय प्रशासन, जिल्ला निर्वाचन कार्यालय, प्रमुख निर्वाचन अधिकृतको कार्यालय र सूरक्षा निकायको अहिलेसम्म वीरगन्ज महानगरपालिकामा निर्वाचन आचार संहिता पालना गराउने सवालमा यि निकायहरुको भुमिका सन्तोषप्रद नभएको जनगुनासो पाइएको ध्यानाकर्षण गराइएको छ ।

मतदतालाई आर्थिक प्रभावमा पार्न खोज्ने गतिबिधि नियन्त्रण गरेर प्रतिबादको अवस्थालाई प्रतिकारकमा रुपान्तरण हुनबाट रोक्न तथा संहिता संहीता पालना गराउन सम्बन्धीत सबैलाई सचेत हुन आग्रह गर्दछौं ।

नेपाली काँग्रेसका पर्सा उपसभापति अशोक गुप्ता, जनता समाजवादी पार्टी, नेपालका पर्सा अध्यक्ष रामनरेश प्रसाद यादव, नेकपा एकिकृत समाजवादीपका पर्साका अध्यक्ष बालगोपाल थापा र नेकपा माओवादी, केन्द्रकी केन्द्रीय सदस्य शेष चाँदताराद्वारा संयुक्त रुपमा जारी विज्ञप्तीमा हस्ताक्षर गरेका छन् ।

मतदाता शिक्षाकाे लागि नमुना मतदान

0

वीरगंज । वीरगंज महानगरपालिकाकाे वडा नं. १९ केहुनिया बर्वामा मंगलबार स्थानीय तह निर्वाचन २०७९ को मतदाता शिक्षा कार्यक्रम सम्पन्न भएको छ ।

आई.एफ. ई.एस/ यु.एस.आइ.डी. को विशेष सहयोगमा समग्र विकास सेवा केन्द्रद्वारा संचालित नमुना मतदाता शिक्षा कार्यक्रममा विभिन्न वर्गका सयौको संख्यामा स्थानियहरुले नमुना मतदान गरेका थिए ।

कार्यक्रममा नागमणि ठाकुर, सुजीत यादव, विजय कुशवाहा, नारद ठाकुर, सनी साह लगायतको सहभागिता रहेकाे थियाे ।

सखुवा प्रसाैनीमा जसपाकाे शक्ति प्रदर्शन, पुन: प्रदिप जयसवाल विजयी हुने दाबी

0

वीरगंज । पर्साकाे सखुवा प्रसाैनी गाउँपालिकामा जनता समाजवादी पार्टी (जसपा) ले मंगलबार शक्ति प्रदर्शन गरेकाे छ । गाउँपालिका अन्तर्गतकाे विभिन्न वडाबाट महुवन पुगेका १० हजार जति गाउँवासीकाे सहभागितामा निस्केकाे जुलुश लखनपुरमा पुगी काेण सभामा परिणत भएकाे थियाे ।

जसपाका गाउँपालिका अध्यक्षका उम्मेदवार निर्वतमान अध्यक्ष प्रदिप जयसवालकाे नेतृत्वमा बाजागाजाकाे साथमा उत्साहपूर्ण गाउँवासीकाे सहभागिता निस्केकाे जुलुश महुवन, साेलखपुर, बलुवा, एकडर्वा, लखनपुर लगायतकाे गाउँ समेत परिक्रममा गरेकाे थियाे ।

काेण सभालाई सम्बाेधन गर्दै जसपा नेता एवम् मधेश प्रदेशकाे मुख्यमन्त्री लालबाबु राउत गद्दीले आजकाे कार्यक्रमकाे सहभागिताले सखुवा प्रसाैनीमा जसपाकाे जित सुनिश्चित गरेकाे वताए । उनले यत्राे ठूलाे संख्यामा भएकाे जनसहभागिताले विगतकाे कार्यकालमा प्रदिप जयसवालले राम्राे काम गरेकाे पुष्टि समेत गरेकाे वताए ।

प्रदेश सभा सदस्य मंजुर अन्सारीले गाउँपालिका अध्यक्षका उम्मेदवार प्रदिप जसवालसहित जसपाका सम्पूर्ण वडा सम्मका उम्मेदवारहरुलाई चुनाव चिन्ह छाता छापमा मतदान गरी विजयी गराउन आग्रह गरे । उनले पुन: गाउँपालिका अध्यक्षमा जयसवालसहितका जसपाका उम्मेदवार विजयी हुने दावी समेत गरे । 

 कार्यक्रममा गाउँपालिका गाउँपालिका उपाध्यक्षका उम्मेदवार शर्मिला बिष्ट महताे, वडा नं. १ काे वडाध्यक्षका उम्मेदवार अशाेक साह, वडा नं. २ काे वडाध्यक्षका उम्मेदवार चिरन्जीवी प्रसाद महताे थारु, वडा नं. ३ काे वडाध्यक्षका उम्मेदवार सदाम हुसैन अन्सारी, वडा नं. ४ काे वडाध्यक्षका उम्मेदवार सरिफ मियाँ अन्सारी, वडा नं. ५ काे वडाध्यक्षकाे उम्मेदवार रुपलाल कुमार यादव र वडा नं. ६ काे वडाध्यक्षका उम्मेदवार मुन्ना प्रसाद कम्मकर लगायतकाे सहभागिता रहेकाे थियाे ।

पर्साकाे अधिकांश पालिकामा मुख्य ३ दल बिच नै प्रतिस्पर्धा

0

वीरगंज । पर्साकाे अधिकांश पालिकामा नेपाली कांग्रेस, नेकपा एमाले र जनता समाजवादी पार्टी (जसपा) का उम्मेदवार बिच कडा  प्रतिस्पर्धा देखिएकाे छ । पर्साकाे वीरगंज महानगरपालिका वाहेक १० गाउँपालिका र ३ नगरपालिकामा ३ दल बिच नै मुख्य प्रतिस्पर्धा रहेकाे स्थानियहरुले वताएका छन् ।

वीरगंज महानगरपालिकामा मुख्य दलहरु बिच गठबन्धन भएका कारण दुई पक्षिय प्रतिस्पर्धा रहेकाे छ । वीरगंज महानगरमा कांग्रेस, जसपा, नेकपा माओवादी केन्द्र र नेकपा एकीकृत समाजवादीकाे गठबन्धन एवम् एमाले र लाेकतान्त्रिक समाजवादी (लाेसपा) काे गठबन्धन बिच कडा प्रतिस्पर्धा देखिएकाे छ । 

वीरगंजमा सतारुढ गठबन्धनबाट मेयरमा जसपाका उम्मेदवार राजेशमान, उप मेयरमा कांग्रेसका उम्मेदवार इम्तियाज आलम र एमाले-लाेसपा गठबन्धनबाट मेयरमा एमालेका उम्मेदवार विजय कुमार सरावगी र उप मेयरमा लाेसपाका उम्मेदवार पुरुषाेत्म झा चुनावी प्रतिस्पर्धामा छन् ।

पर्साकाे दाेस्राे सदरमुकामकाे रुपमा रहेकाे पाेखरिया नगरपालिकामा पांच दलका उम्मेदवार विच प्रतिस्पर्धा रहेकाे स्थानियहरुले वताएका छन् । स्थानियका अनुसार पाेखरियामा कांग्रेस, एमाले, जसपा, लाेसपा र नेपाल सुशासन पार्टीका उम्मेदवार बिच प्रतिस्पर्धा रहेकाे छ ।  

पाेखरियामा कांग्रेसबाट मेयरमा निर्वतमान मेयर दिपनारायण राैनियार(मन्टु), उप मेयरमा रहाना खातुन, एमालेबाट मेयरमा प्रधुमन चाैहान, उप मेयरमा रुबि ठाकुर, जसपाबाट मेयरमा राजु साह, उप मेयरमा रेणु देवी, लाेसपाबाट मेयर नेजामुदिन सम्मानी, उप मेयरमा आशा कुमारी चाैहान, सुशासन पार्टीबाट मेयरमा शंकर यादव र उप मेयरमा विणा देवी उम्मेदवार छन् ।

बहुदरमाई नगरपालिकामा कांग्रेस, एमाले र जसपाका उम्मेदवार बिच नै मुख्या प्रतिस्पर्धा रहेकाे छ ।

बहुदरमाईमा कांग्रेसबाट मेयरमा निवर्तमान मेयर नितेन्द्र प्रसाद साह, उप मेयरमा साेनामती देवी यादव, एमालेबाट मेयरमा शिव पटेल, उप मेयरमा सुस्मा कुशवाहा, जसपाबाट मेयरमा सिंघासन साह र उप मेयर शान्ति कुशवाहा चुनावी प्रतिस्पर्धामा छन् । 

पर्सागढी नगरपालिकामा पनि कांग्रेस, एमाले र जसपाका उम्मेदवार विच नै मुख्य प्रतिस्पर्धा रहेकाे स्थानियहरुले वताएका छन् ।

पर्सागढीमा कांग्रेसबाट मेयरमा निवर्तमान मेयर लाेकनारायण यादव, उप मेयरमा निर्वतमान उप मेयर अर्चना चाैधरी, एमालेबाट मेयरमा गाेकर्ण पाठक, उप मेयरमा पुजा चाैधरी, जसपाबाट मेयरमा सुरज मानन्धर र उप मेयरमा रन्जना देवी चुनावी प्रतिस्पर्धामा छन् ।

यसैगरी छिपहरमाई गाउँपालिकामा पनि कांग्रेस, एमाले र जसपाका उम्मेदवार बिच नै मुख्या प्रतिस्पर्धा रहेकाे स्थानियहरुले वताएका छन् ।

छिपहरमाईमा कांग्रेसबाट गाउँपालिका अध्यक्षमा नविन सिंह, उपाध्यक्षमा लिलावती देवी, एमालेबाट अध्यक्षमा निर्वतमान गाउँपालिका अध्यक्ष मनाेज गुप्ता, उपाध्यक्षमा माेदिना खातुन, जसपाबाट अध्यक्षमा इन्द्रासन साह कलवार र उपाध्यक्षमा रेहाना खातुन चुनावी प्रतिस्पर्धामा छन् ।

धाेबिनी गाउँपालिकामा पनि कांग्रेस, एमाले र जसपा कै उम्मेदवार बिच मुख्य प्रतिस्पर्धा रहेकाे स्थानियहरुले वताएका छन् ।

धाेबिनीमा कांग्रेसबाट गाउँपालिका अध्यक्षमा बशिष्टनारायण कुर्मी, उपाध्यक्षमा मन्जु देवी, एमालेबाट अध्यक्षमा सदाम हुसेन, उपाध्यक्षमा अनारकली देवी, जसपाबाट अध्यक्षमा मदन चाैहान र उपाध्यक्षमा प्रियांका देवी यादव चुनावी प्रतिस्पर्धामा छन् ।

कालिकामाई गाउँपालिकामा पनि कांग्रेस, एमाले र जसपाका उम्मेदवार बिच मुख्या प्रतिस्पर्धा रहेकाे छ ।

कालिकामाईमा कांग्रेसबाट गाउँपालिका अध्यक्षमा अजय पटेल, उपाध्यक्षमा राजमती देवी, एमालेबाट अध्यक्षमा निर्वतमान कार्यवाहक अध्यक्ष राजेश चाैरसिया, उपाध्यक्षमा अंशु तिवारी र जसपाबाट अध्यक्षमा बशिष्ठ कुमार गुप्ता र सहानी खातुन चुनावी प्रतिस्पर्धामा छन् ।

जगरनाथपुर गाउँपालिका पनि कांग्रेस, एमाले र जसपाका उम्मेदवार बिच नै मुख्य प्रतिस्पर्धा रहेकाे स्थानियहरुले वताएका छन् ।

जगरनाथपुरमा कांग्रेसबाट गाउँपालिका अध्यक्षमा श्रीकान्त यादव, उपाध्यक्षमा बबिता सिंह, एमालेबाट अध्यक्षमा महमद सलिम मन्सुर, उपाध्यक्षमा मिरा देवी कुर्मी, जसपाबाट अध्यक्षमा कृष्णमाेहन यादव र उपाध्यक्षमा जलेखा खातुन चुनावी प्रतिस्पर्धामा छन् ।

एमालेका गाउँपालिका अध्यक्षका उम्मेदवार महमद सलिम गाउँपालिका अध्यक्ष जालिम मियाँका भाई हुन् भने जसपाकी उपाध्यक्षका उम्मेदवार जलेखा मधेश प्रदेशका मुख्य मन्त्री महमद लालबाबु राउत गद्दीकी श्रीमती हुन् ।

सखुवा प्रसाैनी गाउँपालिका पनि कांग्रेस, एमाले, जसपा बिच मुख्या प्रतिस्पर्धा रहेकाे स्थानियहरुले वताएका छन् ।

सखुवा प्रसाैनीमा कांग्रेसबाट गाउँपालिका अध्यक्षमा शैलेन्द्र कुमार यादव, उपाध्यक्षमा मन्तुरा देवी थरुनी, एमालेबाट अध्यक्षमा जसवन्त यादव, उपाध्यक्षमा निर्वतमान उपाध्यक्ष फुलमती देवी थरुनी, जसपाबाट अध्यक्षमा निवर्तमान गाउँपालिका अध्यक्ष प्रदिप जयसवाल र उपाध्यक्षमा शर्मिला बिष्ट महताे उम्मेदवार छन् ।

बिन्दवासिनी गाउँपालिकामा कांग्रेस, जसपा, लाेसपाका उम्मेदवार बिच प्रतिस्पर्धा रहेकाे स्थानियहरुले वताएका छन् ।

बिन्दवासिनीमा कांग्रेसबाट गाउँपालिका अध्यक्षमा विवेक चाैरसिया, उपाध्यक्षमा निर्वतमान उपाध्यक्ष किरण देवी गुप्ता, जसपाबाट अध्यक्षमा निवर्तमान मेयर श्रीलाल साह कानु (माेदी), उपाध्यक्षमा मिरा ठाकुर, लाेसपाबाट अध्यक्षमा प्रमाेद तिवारी, उपाध्यक्षमा अनिता देवी गुप्ता उम्मेदवार छन् ।

पकहा मैनपुर गाउँपालिका पनि कांग्रेस, एमाले र जसपाका उम्मेदवार बिच नै प्रतिस्पर्धा रहेकाे स्थानियहरुले वताएका छन् । पकहा मैनपुरमा कांग्रेसबाट गाउँपालिका अध्यक्षमा सुरेश मेहता, उपाध्यक्षमा सरफुन नेसा, एमालेबाट अध्यक्ष राजेश सहनी, उपाध्यक्षमा कुमारी निर्माला चाैरसिया, जसपाबाट अध्यक्षमा निवर्तमान गाउँपालिका अध्यक्ष विजय चाैरसिया र उपाध्यक्षमा जैबुल नेसा उम्मेदवार छन् ।

पटेर्वा सुगाैली गाउँपालिकामा कांग्रेस र एमालेका उम्मेदवार बिच नै मुख्या प्रतिस्पर्धा रहेकाे स्थानियहरुले वताएका छन् । जिराभवानीमा कांग्रेसबाट गाउँपालिका अध्यक्षमा दिनेश चाैधरी, उपाध्यक्षमा निर्वतमान उपाध्यक्ष ममता महताे, एमालेबाट अध्यक्षमा निवर्तमान गाउँपालिका अध्यक्ष हरिनारायण चाैधरी, उपाध्यक्षमा मन्तुरा देवी उम्मेदवार छन् ।    

जिराभवानी गाउँपालिकामा कांग्रेस र एमालेका उम्मेदवार बिच मुख्य प्रतिस्पर्धा रहेकाे स्थानियहरुले वताएका छन् । जिराभवानीमा कांग्रेसबाट गाउँपालिका अध्यक्षमा अनाेज चाैधरी, उपाध्यक्षमा रेखा चाैधरी, एमालेबाट अध्यक्षमा निर्वतमान गाउँपालिका अध्यक्ष रामपृत महताे र उपाध्यक्षमा निर्वतमान उपाध्यक्ष आशा देवी थरुनी उम्मेदवार छन् ।

ठाेरी गाउँपालिकामा कांग्रेस, एमाले र माओवादी केन्द्रका उम्मेदवार बिच प्रतिस्पर्धा रहेकाे छ । ठाेरीमा कांग्रेसबाट गाउँपालिका अध्यक्षमा बृहस्पती कृष्ण श्रेष्ठ, चिनमाया लामा, एमालेबाट अध्यक्षमा लालबहादुर श्रेष्ठ, उपाध्यक्षमा गाेसेली कुमारी, माओवादी केन्द्रबाट अध्यक्षमा निवर्तमान गाउँपालिका अध्यक्ष पिएल श्रेष्ठ र उपाध्यक्षमा निरु तामाङ उम्मेदवार छन् ।

वीरगंज ११ मा जसपाको घरदैलो सम्पन्न

0

वीरगंज । वीरगञ्ज महानगरपालिका वडा नम्बर ११ मा जनता समाजवादी पार्टी (जसपा) को घरदैलो सम्पन्न भएको छ ।

वीरगञ्जको श्रीपुर धर्मशालाबाट जसपाको वडाध्यक्षका उम्मेदवार अजय चौरसियाको नेतृत्वमा घरदैलो सुरु भएकाे थियाे । ५ सय जना वडाबासीको उपस्थितीमा भएको घरदैलो मुर्ली चौक, त्रिमुर्ती चौक हुँदै रानिघाटसम्म पुगेर सम्पन्न भएकाे थियो ।

घरदैलोकाे क्रममा जसपाबाट वीरगञ्ज महानगरपालिकाको मेयरका उम्मेदवार राजेशमान सिंहले पनि वडाबासीसँग भोट मागेका थिए । वडा नम्बर ११ का बासिन्दाले पनि आफुलाई नै भोट दिने प्रतिक्रिया दिएकाे मेयरका उम्मेदवार सिंहले वताए ।

वीरगञ्जको बिकास र परिवर्तनका लागि र सुशासन कायम गर्नका लागि गठबन्धनका उम्मेदवारलाई मत दिन घरदैलोकाे क्रममा आग्रह गरिएको वताइएकाे छ ।

घरदैलोमा जसपाका स्थानीय नेताहरु जगन महतो, अजिम हवारी, वकिल हवारी, शनि महतो, जसपा इकाई अध्यक्ष पर्सन महतो, बिनोद महतो धानुक, बाबुलाल साह लगायतको उल्लेख्य उपस्थिती रहेको जसपाका युवा नेता निरज पाण्डेले जानकारी दिए ।

वीरगंज १० मा जसपाका उम्मेदवारीलाई माओवादीकाे समर्थन

0

वीरगंज । वीरगंज महानगरपालिकाकाे वडा नं. १० का जनता समाजवादी पार्टी (जसपा) का उम्मेदवारलाई नेकपा माओवादी केन्द्रले समर्थन गरेकाे छ । जसपाका वडाध्यक्षका उम्मेदवार सुशिल साहलाई माओवादी केन्द्रले समर्थन गरेकाे हाे ।

बैशाख ३० गतेकाे स्थानिय तह निर्वाचनमा जसपाका उम्मेदवारलाई माओवादी केन्द्र वडा नं. १० समितिले समर्थन गर्ने दुई पार्टी बिच लिखित सहमति भएकाे छ । माओवादी केन्द्रका पर्सा क्षेत्र नं. २ (ख) का इन्चार्ज प्रभाकर गुप्ता र जसपा वीरगंज महानगर वडा नं. १० इकाई समिति अध्यक्ष जाेगिन्द्र साह कानुले संयुक्त रुपमा एक प्रेस विज्ञप्ती जारी गर्दै दुई दल बिच सहमती भएकाे जनाएका हुन् ।

सहमती अनुसार माओवादी केन्द्रबाट वडा नं. १० काे वडाध्यक्षकाे उम्मेदवारी दिएका पवन गुप्तासहितकाे वडा समितिका उम्मेदवारहरुले जसपाका वडाध्यक्षका उम्मेदवार सुशिल साहसहितका वडा समितिका उम्मेदवारलाई सघाउनले वताइएकाे छ ।

माओवादीकाे समर्थनले वडा नं. १० मा जसपाकाे जित निश्चित भएकाे जसपाका केन्द्रिय सदस्य एवम् संघिय सांसद प्रदिप यादवले वताए । उनले यसका साथै वीरगंज महानगरमा ५ दलिय गठबन्धनकाे जित निश्चित रहेकाे दाबी गरे ।

उनले भने “वीरगंज महानगरमा गठबन्धनकाे जित कांग्रेस सभापति शेर बहादुर देउवाकाे जित हाे, माओवादी केन्द्रका अध्यक्ष प्रचण्डकाे जित हाे, नेकपा एसका अध्यक्ष माधाे नेपालकाे जित हाे, प्रतिगमन विरुद्धकाे जित हाे । त्यही भएर इमन्दारी साथ सबैले गठबन्ध जिताउन लागि परेका छन् । यसमा कहि कतै शंका गर्ने ठाउँ छैन् ।

प्राप्त उपलब्धिलाई रक्षा गर्नकाे लागि प्रतिगमनकारी शक्तिहरुकाे विरुद्ध अग्रगमन शक्तिहरु बिचमा वृहत लाेकतान्त्रिक गठबन्धनद्वारा जनताकाे प्राप्त अधिकारलाई संरक्षण गर्ने माओवादीका नेता प्रभाकर गुप्ताले वताए । 

मध्य रातमा सरावगीले पैसा बाँडेकाे भन्दै स्थानियकाे विराेध, रातभरी नगवामा तनाव

0

वीरगंज । नेकपा एमालेका वीरगंज महानगरपालिकाका मेयरका उम्मेदवार निर्वतमान मेयर विजय कुमार सरावगीले मध्य रातमा पैसा बाँडेकाे भन्दै स्थानियले विराेध गरेका छन् ।

साेमबार राति १२ बजे वीरगंज महानगरपालिकाकाे वडा नं. १६ नगवास्थित एक नेपाली कांग्रेसका नेताकाे घरमा सरावगी पुगेपछि स्थानियहरु विराेध गरेका हुन् । रातीकाे समयमा निर्वाचन आचारसंहिता विपरित कसैकाे घरमा किन पस्नु भएकाे भन्दै सरावगीलाई साेही घरमा स्थानियले थुनेर प्रहरीलाई खबर गरेका थिए ।

स्थानियकाे खबर पश्चात पुगेकाे प्रहरीले ३ घण्टापछि मंगलबार विहान ३ बजे स्कटिङ गरी कडा सुरक्षा घेराकाे बिच उनलाई घर पुर्याएकाे थियाे । प्रहरीलाई साे घर खनतलाशी गर्न स्थानियले आग्रह गरेपनि प्रहरीले नगरेकाे भन्दै उनीहरुले प्रहरी र सरावगी विराेध हाेहल्ला गर्दै नाराबाजी समेत गरेका थिए ।

स्थानियकाे भिड नियन्त्रणमा लिन वाक्लाे संख्यामा नेपाल प्रहरी र सशस्त्र प्रहरी खटेका थिए । रातिकाे समय पैसा बाँडने उद्देश्यले माेटरसाइकलमा नगवास्थित कांग्रेसी नेताकाे घरमा मेयरका उम्मेदवार सरावगी पुगेकाे स्थानियहरुले वताए ।

 साे २२० सिसीकाे पल्सर माेटरसाइकल पनि आफुहरु नियन्त्रमा लिएर प्रहरीलाई बुझाएकाे स्थानियहरुले वताए । 

सयाैंकाे संख्यामा जम्मा भएकाे स्थानिय र प्रहरी बिच केही बेर तनाव समेत सृजना भएकाे थियाे भने रातभरी साे क्षेत्रका स्थानियहरु सरावगीकाे निग्रानीमा जाग्रम समेत बसेका थिए ।

सखुवाप्रसाैनीका अध्यक्षका उम्मेदवार जयसवालद्वारा ३० प्रतिबद्धता

0

वीरगंज । पर्साकाे सखुवा प्रसाैनी गाउँपालिका अध्यक्षमा जनता समाजवादी पार्टी (जसपा) उम्मेदवारी दिएका निर्वतमान गाउँपालिका अध्यक्ष प्रदिप जयसवालले ३० बुंदे प्रतिबद्धता जारी गरेका छन् ।

गाउँपालिका अध्यक्षका उम्मेदवार जयसवालले  गाउँपालिकाको नाम यथावत राख्दै र शिलान्यास भइसकेकाे स्थान औराहा पचगावा मै गाउँपालिकाको प्रशासनिक भवन निर्माण गर्नेसहितकाे ३० बुंदै प्रतिबद्धता जारी गरेका हुन ।

उनले प्रत्येक वडामा आधूनिक चर्पी सहितको अपाङ्गमैत्री समुदायिक भवन/धर्मशाला निर्माण गर्ने, कृषि कार्यलाई आधुनिकिकरण गर्दै पशूपालन, दूधडेरी, तरकारी खेती, फलफूल खेती र जडिबूटी खेतीमा जोड दिने र किसानको उत्पादनको उचित मूल्य दिलाउन बाजार व्यवस्थापन गर्ने, वोरीङ्ग जडान भएको ठाउँमा विधुतीकरण तथा मोटरको व्यवस्था र खेत खेतमा सिंचाइ र कृषि मिटर जडान गर्ने प्रतिबद्धता जनाएका छन् ।

यसैगरी, मलखाद, विउविजन र कृषि/पशू प्राविधिकको अभाव हून नदिन अधिकतम प्रयास गर्ने, एक गाउँ एक उत्पादन कार्यक्रमलाई अभियानको रुपमा संचालन गर्ने, किसान कार्ड बनाई किसानहरुलाई आवश्यक सूविधा र अनूदान प्रदान गर्ने, भुमिहिन, सूकूम्बासी र अव्यवस्थित बसोबास भएकाहरुको लागत संकलन गरी सूकूम्बासी आयोगबाट लालपूर्जा उपलब्ध गराउने लगायतका प्रतिबद्धता जनाएका हुन् ।

उनले सार्वजनिक गरेकाे प्रतिबद्धता पत्रमा फूसको छाना भएका घरहरुलाई पक्की र जस्तामा परिणत गर्न जनता आवास कार्यक्रम संचालन गर्ने, पालिका भित्र सूविधा सम्पन्न अस्पताल निर्माण गर्ने र हरेक स्वास्थ्य संस्थालाई अझै व्यवस्थित गरी निःशूल्क आधारभूत स्वास्थ्य सेवा प्रदान गर्ने  स्वस्थ्य आमा स्वस्थ्य वालबालिका कार्यक्रमलाई अझै प्रभावकारी बनाउने, सार्वजनिक स्थानको संरक्षण र सौन्दर्यिकरण गर्ने, सखूवा प्रसौनीलाई पर्यटक गन्तव्य स्थलको रुपमा विकास गर्ने, पर्सा जिल्लाको दोश्रो सेवा केन्द्रको रुपमा यस पालिकालाई विकसित गर्ने लगायतका कार्यक्रम तथा याेजनाहरु समेटिएका छन् ।

जयसवालकाे प्यानलबाट गाउँपालिका उपाध्यक्षमा शर्मिला बिष्ट महताे, वडा नं. १ काे वडाध्यक्षमा अशाेक साह, वडा नं. २ काे वडाध्यक्षमा चिरन्जीवी प्रसाद महताे थारु, वडा नं. ३ काे वडाध्यक्षमा सदाम हुसैन अन्सारी, वडा नं. ४ काे वडाध्यक्षमा सरिफ मियाँ अन्सारी, वडा नं. ५ काे वडाध्यक्ष रुपलाल कुमार यादव र वडा नं. ६ काे वडाध्यक्षमा मुन्ना प्रसाद कम्मकर उम्मेदवार छन् ।

सखुवा प्रसाैनीकाे वडा नं. १ मा कडेलकाे चर्चा

0

वीरगंज । पर्साको सखुवा प्रसौनी गाउँपालिका वडा नम्बर १ मा नेपाली कांग्रेसबाट वडाध्यक्षमा उम्मेदवारी दिएका दिपेन्द्र कडेल चुनाव प्रचार प्रसारलाई तिब्रता दिएका छन् ।

सरकारी जागीर छोडेर वडाध्यक्षका उम्मेदवार बनेका कडेल अहिले घरदैलाे लगायतका चुनावी कार्यक्रममा व्यस्त छन् । मनवा बचत तथा ऋण सहकारी संस्थाका अध्यक्ष समेत रहेका उनी वडाकाे विकासकाे विभिन्न एजेण्डा साथ चुनावी मैदानमा होमिएका छन् ।

सामान्य परिवारमा जन्मिएर अभाव र समस्याबाट गुज्रिदा गरेको संघर्षकै परिणामस्वरुप आज उनी सक्षम एवम् योग्य उम्मेदवारको रुपमा पार्टीले र वडाबासीले पत्याएकाे स्थानियहरुले वताएका छन् । विभिन्न समाजिक संस्थामा निकै लाेकप्रिय काम गरेका उनी वडाबासीकाे पनि मन जित्न सफल देखिएका छन् ।

गाउँमा शिक्षित एवम् बिकासको भिजन नभएका जनप्रतिनीधिहरु हुँदा संघियताको आभाष जनताले गर्न नपाएको भान भएपछि कडेल वडाध्यक्षको उम्मेदवारी दिने निधोमा पुगेकाे वताए । अहिले आफु वडा अन्तर्गत विभिन्न टाेल र बस्तीमा आफ्नाे एजेन्डा साथ मत मागि रहेकाे कडेलले कालिका टाईम्ससंग कुरा गर्दै वताए ।

वडाबासीहरुले पनि आफुलाई आफ्नाे चुनाव चिन्ह रुख छापमा मतदान गरी विजयी बनाउने विश्वास दिलाईरहेकाे उनले वताए ।आफु वडाध्यक्षमा निर्वाचित भए वडालाई समृद्ध बनाउन र वडाबासीले गरेको आशालाई सार्थकतामा बदल्न कुनै कसर बाँकी नराख्ने कडेलले प्रतिबद्धता समेत जनाए ।

झुठो कसम खाएर जनतालाई ठग्नेहरुको दिन सक्यो : राजेशमान सिंह

0

वीरगंज । वीरगंज महानगरपालिका वडा नम्बर ३१ बेलवाका बासिन्दाले गठबन्धनबाट मेयरका साझा उम्मेदवार राजेशमान सिंहको जित सुनिश्चित भएको बताएका छन् ।

पाँच दलीय गठबन्धनको मेयरको साझा उम्मेदवार सिंहले नै अब बेलवासहित अन्य ग्रामिण वडाका नागरिकको विश्वास पात्र भएको बेलवाका स्थानीय जयनारायण यादवको भनाई छ । बेलवामा सिंहको रोड शोमा सहभागीहरुले गत निर्वाचनमा पराजय भएर पनि विभिन्न आपत विपतमा जनताकै सेवामा समर्पित भएका सिँह नै महानगरको मेयरका लागि योग्य व्यक्ति भएको बताएका हुन् ।

रोड शोका क्रममा बेलवाका बासिन्दासँग कुराकानी गर्दै मेयरका उम्मेदवार सिंहले अब भ्रष्टाचारी र घुसखोरीको समय सकिएको बताए । वीरगञ्जबासीलाई झुठा आश्वासन दिएर मधेशी जनताको मतबाट पदमा पुगेर अहिले मतको अपमान गर्दै मधेशविरोधी पार्टीमा प्रवेश गरेका व्यक्तिलाई अब जनताले विश्वास नगर्ने सिंहको भनाई छ ।

ग्रामिण वडालाई सडकसञ्जालमार्फत महानगरसँग जोडिने र नगरबासीलाई परिवर्तनको प्रत्याभुती गराउने सिंहको प्रतिबद्धता छ । उनका अनुसार जनतालाई बिकासको आभाष दिलाएर प्रशासनिक कामलाई सहज, सरल र पारदर्शी बनाइने छ ।

त्यसैगरी कार्यक्रममा सहभागी प्रदेशसभा सदस्य जनत अन्सारीले महानगरको यसअघिका मेयरले विकास निर्माणको कुनै काम नगरेको र जनतालाई साढे ४ वर्षसम्म मुर्ख मात्र बनाएको आरोप लगाए । अन्सारीले भने, ‘यसअघिका मेयरले जनतालाई मुर्ख मात्र बनाएका छन् । कमिसनको चक्करमा विकास निर्माणको कुनै काम गरेनन् अहिले जनताले प्रश्न गर्दा प्रदेश र केन्द्रीय सरकारमाथि दोष थोप्दै छन् ।’

बेलवामा हजारौको उपस्थितीमा भएको रोड शोमा जसपाका नेता एवम् कार्यकर्ताहरुले सिंहको समर्थनमा नाराबाजी गरेका थिए । कार्यक्रममा जसपाका नेता मुकेश द्विवेदी, प्रेमबाबु पटेल लगायतको सहभागिता रहेको थियो ।