वीरगंज । वीरगञ्ज महानगरपालिका वडा नम्बर ११ मा जनता समाजवादी पार्टी (जसपा) को घरदैलो सम्पन्न भएको छ ।
वीरगञ्जको श्रीपुर धर्मशालाबाट जसपाको वडाध्यक्षका उम्मेदवार अजय चौरसियाको नेतृत्वमा घरदैलो सुरु भएकाे थियाे । ५ सय जना वडाबासीको उपस्थितीमा भएको घरदैलो मुर्ली चौक, त्रिमुर्ती चौक हुँदै रानिघाटसम्म पुगेर सम्पन्न भएकाे थियो ।
घरदैलोकाे क्रममा जसपाबाट वीरगञ्ज महानगरपालिकाको मेयरका उम्मेदवार राजेशमान सिंहले पनि वडाबासीसँग भोट मागेका थिए । वडा नम्बर ११ का बासिन्दाले पनि आफुलाई नै भोट दिने प्रतिक्रिया दिएकाे मेयरका उम्मेदवार सिंहले वताए ।
वीरगञ्जको बिकास र परिवर्तनका लागि र सुशासन कायम गर्नका लागि गठबन्धनका उम्मेदवारलाई मत दिन घरदैलोकाे क्रममा आग्रह गरिएको वताइएकाे छ ।
घरदैलोमा जसपाका स्थानीय नेताहरु जगन महतो, अजिम हवारी, वकिल हवारी, शनि महतो, जसपा इकाई अध्यक्ष पर्सन महतो, बिनोद महतो धानुक, बाबुलाल साह लगायतको उल्लेख्य उपस्थिती रहेको जसपाका युवा नेता निरज पाण्डेले जानकारी दिए ।
