Date
मङ्ल, मंसिर १, २०८३
Tue, November 17, 2026
Home Blog Page 685

वीरगंज महानगरमा गठबन्धनकाे जित, ५ दलकाे प्रतिष्ठाकाे सवाल

0

वीरगंज । मधेश प्रदेशकाे एक मात्र वीरगंज महानगरपालिकामा दुई पक्षिय कडा प्रतिस्पर्धा देखिएकाे छ । वीरगंज महागरपालिकामा सतारुढ ५ दलिय गठबन्धन र नेकपा एमाले एवम् लाेकतान्त्रिक समाजवादी पार्टी (लाेसपा) काे गठबन्धन बिच कडा प्रतिस्पर्धा देखिएकाे हाे ।

सतारुढ गठबन्धनबाट मेयरमा जसपाका उम्मेदवार राजेशमान सिंह र उप मेयरमा नेपाली कांग्रेसका उम्मेदवार इम्तियाज आलम चुनावी मैदानमा छन् भने एमाले र लाेसपाकाे गठबन्धबाट मेयरमा एमालेका उम्मेदवार निर्वतमान मेयर विजय कुमार सरावगी र उप मेयरमा लाेसपाका उम्मेदवार पुरुषाेत्म झा चुनावी प्रतिस्पर्धामा छन् ।

यस अघिकाे स्थानिय तह निर्वाचनमा तत्कालिन संघिय समाजवादी फाेरम नेपाल र हालका जसपाका उम्मेदवार मेयरमा र कांग्रेसका उम्मेदवार उप मेयरमा विजयी भएका थिए । तस्राे स्थानमा तत्कालिन राजपाबाट मेयरमा चुनाव लडेका हालका जसपाका उम्मेदवार राजेशमान थिए । चाैथाे र पांचाै स्थानमा नेकपा एमाले र माओवादी केन्द्र थिए ।

गत स्थानिय तह निर्वाचनमा पहिलाे र दाेस्राे दल एक भएर चुनाव लडदा र साे गठबन्धनमा अन्य दुई दल पनि सहभागि हुँदा यस पालिकाे निर्वाचनमा पनि गठबन्धनकाे जित सहज देखिन्छ । गत बर्षकाे निर्वाचन मत परिणाम अनुसार सतारुढ गठबन्धकाे जित दाेबर मतले हुने देखिन्छ । तर हाल केही अवस्था फेरिएकाेले त्यस्ताे नहुने पनि केहीकाे दाबी छ ।

सतारुढ गबन्धनकाे नेतृत्व गर्ने दल कांग्रेसमा अन्तरद्वन्ध रहेकाेले अन्तर्घात हुन सक्ने पनि सम्भावना रहेकाे केहीकाे भनाई छ । उनीहरुका अनुसार कांग्रेसकाे भागमा परेकाे उप मेयरकाे टिकट वितरणकाे विषयले संस्थापन इतर पक्षका नेतहरु असन्तुष्ट रहेका छन् । वीरगंजमा बलियाे जनाधार रहेका उनीहरुले एमाले-लाेसपा गठबन्धनका उम्मेदवारलाई सघाउन सक्ने सम्भावना रहेकाे छ ।

त्यसाे भएकाे खण्डमा पनि एमाले-लाेसपा गठबन्धनकाे जित त्यतिकाे सजिलाे देखिदैन । धेरै मतान्तर रहेका कारण त्यसाे भएकाे खण्डमा पनि सतारुढ गठबन्धन कै जित हुने पनि सम्भावना रहेकाे छ । अक्राे तर्फ सतारुढ गठबन्धनकाे जित गठबन्धनमा सहभागि पांच दलकाे प्रतिष्ठाकाे सवाल समेत रहेकाे नेताहरुले वताएका छन् ।

स्थानिय तह निर्वाचनमा सतारुढ ५ दलिय गठबन्धनका उम्मेदवार विजयी नभए यसकाे असर संघ र प्रदेशकाे निर्वाचनमा पर्न सक्ने र वीरगंजमा कमजाेर रहेकाे एमाले बलियाे हुन सक्ने नेताहरुकाे भनाई छ । त्यस कारण सतारुढ गठबन्धनलाई जिताउन पर्सा अर्थात वीरगंजमा बलियाे रहेकाे कांग्रेस र जसपाकाे साथै गठबन्धनमा सहभागि नेकपा माओवादी केन्द्र र नेकपा एकीकृत समाजवादीका नेताहरुकाे प्रतिष्ठाकाे सवाल रहेकाे छ ।

गठबन्धनकाे जित केन्द्रमा राम्राे पहुँच रहेकाे नेपाली कांग्रेसका नेता रमेश रिजाल, अजय चाैरसिया, सुरेन्द्र चाैधरी, अजय द्विवेदी, राजेन्द्र बहादुर अमात्य, अनिल रुंगटा, जनार्दन सिंह क्षेत्री, जसपाका नेता एवम् मेधश प्रदेशका मुख्यमन्त्री लालबाबु राउत गद्दी, संघिय सांसद प्रदिप यादव, नेता रामनरेश यादव, नेकपा एकीकृत समाजवादीका नेता नागेन्द्र चाैधरी, रामचन्द्र साह, चिरन्जिवी अचार्य, बालगाेपाल थापा, नेकपा माओवादी केन्द्रका विजय महताे, रामदरश कुशवाहा, रहबर अन्सारी लगायतका नेताहरुकाे प्रतिष्ठाकाे सवाल रहेकाे एक नेताले वताए ।

इन्स्टाग्राममा अदितीका फलोअर्स २० लाख नाघे

0

काठमाडौं । अभिनेत्री तथा मोडल अदिती बुढाथोकी फोटो सेयरिङ सामाजिक सञ्जाल इन्स्टाग्राममा २० लाख फलोअर्स पुग्ने पहिलो नेपाली सेलिब्रिटी बनेकी छन् ।

भारतको मुम्बईमा केन्द्रित रहेर मोडलिङ गर्दै आइरहेकी २५ वर्षीया बुढाथोकीले अनमोल केसी स्टारर ‘कृ’बाट फिल्म करिअर थालेकी थिइन् । उनी अभिनित ‘बाबरी’ भदौ ३१ गते प्रदर्शनको तयारीमा छ ।

दुई मिलियनले उनलाई पछ्याउँदा अदितीले चाहिं ७७२ जनालाई पछ्याएकी छन् । अदितीलाई नेपाली र भारतीय कलाकार तथा प्रशंसकहरुले पछ्याएका छन् । आफ्ना ‘हट’ तस्वीर इन्स्टाग्राममा सेयर गर्दै आएकी अदिती युवापुस्तामाझ रुचाइएकी कलाकार समेत हुन् ।

‘नाइँ नभन्नु ल ६’ मा आँचलको जोडी आशीर्वाद

0

विकासराज आचार्यको निर्देशन रहने फिल्म ‘नाइँ नभन्नु ल ६’ को हिरोको रुपमा आशीर्वाद क्षेत्री छानिएका छन् । निर्देशक आचार्यले फिल्मको मुख्य भूमिकाका लागि आशीर्वादलाई रोजेको जानकारी दिए ।

आशीर्वादले फिल्ममा अभिनेत्री आँचल शर्मासँग रोमान्स गर्नेछन् । उनले यसै फिल्मबाट अभिनयमा डेब्यु गर्न लागेका हुन् । लामो समयदेखि फिल्मको तयारी गरिरहेको उनी कथामा फिट भएर लिन लागेको निर्देशक आचार्यले बताए ।

आँचल ‘नाई नभन्नु ल ४’ बाट फिल्म अभिनयमा प्रवेश गरेकी हुन् । आँचल पछिल्लो समय फिल्म क्षेत्रमा व्यस्त अभिनेत्रीमा पर्छिन् । विकासराज आचार्य र सामिप्यराज तिमल्सिनाको कथा रहेको फिल्म भदौबाट छायांकनमा जाने आचार्यको तयारी रहेको छ ।

 निर्देशक आचार्यले फिल्मका अन्य कलाकार र प्राविधिक पक्ष केही समयपछि एक कार्यक्रमका बीच सार्वजनिक गर्ने जानकारी दिए ।  

वीरगंजकाे सार्वजनिक स्थलमा राखिएकाे प्रचारसामग्री हटाइँदै

0

वीरगंज । पर्सा जिल्लाका विभिन्न स्थानमा स्थानीय तह निर्वाचनअन्तर्गत उम्मेदवारको प्रचारप्रसारका लागि सार्वजनिकस्थलमा टाँगिएका पोष्टर पम्प्लेट, ब्यानर तथा पार्टीका झण्डा हटाउन थालिएको छ।

बिजुलीको पोल, विद्यालय, चोक चौराहालगायत सार्वजनिकस्थलमा निर्वाचन आचारसंहिता विपरीत राखिएका निर्वाचन सामग्री सुरक्षा निकायको टोलीले हटाउन थालेको हो।

जिल्लास्थित राजनीतिक दलका प्रमुख तथा उम्मेदवारले पनि पार्टी कार्यालयबाहेक सार्वजनिकस्थलमा राखिएको निर्वाचन प्रचारसामग्री हटाउने प्रतिबद्धता व्यक्त गरेपनि ती सामग्री उम्मेदवार र दल स्वयंले नहटाएका कारण सुरक्षाकर्मीले हटाउन सुरू गरेका हुन्। क्रियाशील प्रमुख राजनीतिक दलका उम्मेदवारले सार्वजनिकस्थलमा राखेका पार्टीको झण्डा, ब्यानर, तुललगायतका प्रचार सामग्री हटाउने यस अगाबै प्रतिबद्धता जनाइसकेका थिए।

सिर्सियामा जसपाको घरदैलो, स्थानियकाे उत्साहजनक सहभागिता

0

वीरगंज । जनता समाजवादी पार्टी (जसपा) नेपाल वीरगंज महानगरपालिका वडा नम्बर २५ सिर्सिया कमिटिले आयोजना गरेको घरदैलो कार्यक्रममा उत्साहजनक सहभागिता देखिएको छ ।  

वैशाख ३० गते सम्पन्न हुन लागेको स्थानीय तह निर्वाचनलाई लक्षित गरेर जसपा वीरगञ्ज महानगरपालिका वडा नम्बर २५ को तर्फबाट वडा अध्यक्ष पदका उम्मेदवार आशुतोष चतुर्वेदीको नेतृत्वमा आइतबार आयोजना गरिएको घरदैलो कार्यक्रममा उत्साहजनक सहभागिता देखिएको हो ।

कार्यक्रममा पाँच दलीय गठबन्धनको तर्फबाट वीरगञ्ज महानगरपालिकाको मेयर पदका उम्मेदवार राजेशमान सिंह लगायत जसपाका नेता कार्यकर्ताहरुको सहभागिता रहेको थियो ।

घरदैलो कार्यक्रमलाई सम्बोधन गर्दै मेयर पदका साझा उम्मेदवार राजेशमान सिंहले वडा नम्बर २५ र समग्रमा वीरगञ्जको विकासको एजेण्डा बोकेर अगाडि बढेको जसपाको जित निश्चित रहेको बताए ।

साढे ४ वर्षसम्म वीरगञ्जमा हुन नसकेको विकास र जनप्रतिनिधिहरुले देखाएको रवैयालाई मूल्यांकन गर्दै जनताले यस पटक साझा गठबन्धन र जसपाका उम्मेदवारलाई जिताउने सिंहले विश्वास व्यक्त गरे ।

जनताको सेवक बनेर निर्वाचित भएर गएका जनप्रतिनिधिहरुको कुर्सिमा पुगेर राजा बनेको आरोप लगाउँदै वडा अध्यक्ष उम्मेदवार आशुतोष चतुर्वेदीले सिर्सिया गाउँको विकास र समृद्धि जसपाको नेतृत्वमा मात्र सम्भव भएको बताए ।

चतुर्वेदीले पनि गठबन्धनका साझा मेयर पदका उम्मेदवार राजेशमान सिंहलाई छाता र उमपेयर पदका उम्मेदवार इम्तियाज आलमलाई रुख छापमा मतदान गर्न र वडामा आफ्नो प्यानलका सम्पूर्ण उम्मेदवारलाई छाता छापमा मतदान गर्न आग्रह गरे ।

कार्यक्रममा जसपाका नेता मुकेश द्विवेदी, प्रेमबाबु पटेल लगायत सयौं स्थानीयहरुको सहभागिता रहेको थियो ।

परवानीपुरकाे बहुअरीमा जसपाको घरदैलो

0

आनन्द पटेल/
परवानीपुर । बाराको परवानीपुर गाउँपालीका वडा नं ५ बहुअरी टोलमा  जनता समाजवादी पाटी (जसपा) को घरदैलो कार्यक्रम समपन्न भएको छ । बैशाख ३० गते हुने स्थानीय तहको निर्वाचनलाई मध्यनजर गर्दै चुनाव प्रचार प्रसार कार्यक्रम तथा घरदैलो अभियानलाई पार्टीले तिब्रता दिएको हो । 

परवानीपुर गाउँपालीकाका मेयर पदका उमेदवार सन्जु साह, वडा अध्यक्ष पदका उमेदवार रामेश्वर साह कलवार सहितको टोलिले वडा नं. ५ बहुअरी टोलमा जनता दर्शन तथा घरदैलो गरेको छ । पार्टीका सयौं नेता तथा कार्यकताहरुको उपस्थितीमा गरिएको घरदैलो कार्यक्रममा छाता छाप चुनाव चिन्हमा मतदान गरी जिताउन आह्वान गर्नुका साथै नागरिकहरुका समस्या तथा गुनासाहरुको बारेमा पनि जानकारी लिइएकाे थियाे ।

परवानीपुर जसपा पार्टीकाे तर्फबाट गाउँपालीका प्रमुखको उम्मेदवार बनेका युवा नेता सन्जु साहले परवानीपुर गाउँपालीकालाई नेपालमै बिकास र परीवर्तनको रुपमा बिकास गर्नको लागि जनता समाजवादी पाटी नै चुनाव जित्नुपर्ने जिकिर गरे । उनले सबै प्रकारको समृद्धि अहिलेको आवश्यकता भएको धारणा राख्दै आफु बाहेकको मेयर जितेमा यस पालीकाको बिनास हुने र पालीकाबासीको हितमा नभएर ठेक्का र पैसा कमाउने काम बाहेक अन्य काम केही नहुने जिकिर समेत गरे ।

उनले महिला, बालबालिका, ज्येष्ठ नागरिकको पार्टी जसपा भएकाले जसपामा आउनेको लहर लागेकाले आफनो जीत निश्चित रहेको बताए । शनिबारकाे घर दैलो कार्यक्रममा पार्टीका वरीष्ट नेता रामचन्द्र सिंह, हरिनारायण साह, आनन्द यादव, भुपेन्द्र पटेल, सरोज यादव, त्रीलोक प्रताप सिंह लगायत पार्टीका नेता तथा कार्यकर्ताहरुको उपस्थिती रहेको थियो ।

पहिलाे पाइलाकाे कार्यक्रममा ३६ जनाद्वारा रक्तदान

0
वीरगंज । पहिलो पाइला वीरगंजकाे आयाेजनामा पनि शनिबार वीरगंजमा रक्तदान कार्यक्रम सम्पन्न भएकाे छ । आयाेजक संस्थाका अध्यक्ष निश्चल प्रजापतिको अध्यक्षतामा भएको आकस्मिक खुल्ला रक्तदान कार्यक्रममा २ महिलासहित ३६ जनाले रक्तदान गरेकाे रेडक्रस पर्साका राजन श्रीवास्तवले जानकारी दिए  ।
 
कार्यक्रममा स्नेहा साह, लक्ष्मी गुप्ता, निस्चल प्रजापति, मुस्कान अग्रवाल, बिबेक ठाकुर, सुनिल यादव, दिपेस कर्ण, सुरज साह कानु, रामचन्द्र श्रेष्ठ, राजेस दुबे, सैलेन्द्र चौरासीया, सुसिम अधिकारी लगायतले रक्तदान गरेकाको श्रीवास्तवले वताए । 
 
रक्त संचार केन्द्र वीरगंजकाे प्राविधिक सहयाेगमा भएकाे कार्यक्रमकाे प्रमुख अतिथी नेपाल रेडक्रस सोसाइटी पर्साका कार्य समिति सदस्य नवनित अग्रवाल र विशिष्ट अतिथी पर्साका प्रमुख जिल्ला अधिकारी उमेश कुमारर ढकालले रक्तदान गर्ने रक्तदातालाई कदरपत्र प्रदान गरेका थिए ।
 
रक्तसञ्चार केन्द्रका प्राबिधिक सहायक जितेन्द्र कुशवाहाको टोलिले प्राबिधिक सहयोग गरेकाे थियाे । 
 

गठबन्धन बैठक : राजेशमान र इमित्याजलाई जिताउने प्रतिबद्धता

0

वीरगंज । वीरगंजमा बसेको पाँच दलीय गठबन्धनको बैठकले आसन्न स्थानीय तहको निर्वाचनमा मेयर र उपमेयरमा गठबन्धनका साझा उम्मेदवारहरुलाई मतदान गर्ने प्रतिबद्धता जनाएका छन् ।

शनिबार वीरगंजस्थित पूजन होटलमा बसेको पाँच दलीय गठबन्धनका शिर्ष नेता र उम्मेदवारहरुको बैठकले गठबन्धनको तर्फबाट वीरगञ्ज महानगरपालिकाको मेयरमा जनता समाजवादी पार्टीको तर्फबाट राजेशमान सिंह र उपमेयरमा नेपाली कांग्रेसको तर्फबाट इम्तियाज आलमलाई मतदान गर्ने प्रतिबद्धता जनाएका हुन् ।

गठबन्धन आबद्ध दलहरुले निर्वाचनमा एक अर्कालाई नसघाउने हल्ला चलिरहेको बेला पाँच वटै दलका शिर्ष नेता र उम्मेदवारहरुले बैठक मार्फत गठबन्धनका साझा उम्मेदवार राजेशमान र इमित्याजलाई जिताउने प्रतिबद्धता जनाएर हल्लालाई मत्थर पारिदिएका छन् ।

बैठकमा उपस्थित पाँच वटै दलका वडा अध्यक्षका उम्मेदवारहरुले वडामा आफ्नो प्यानलको लागि प्रचार प्रसार गर्ने र मेयर तथा उपमेयरमा गठबन्धनका साझा उम्मेदवार राजेशमान र इम्तियाजका लागि प्रचार प्रसार गर्दै मतदाताहरुसँग भोट दिन आग्रह पनि गर्ने प्रतिबद्धता जनाएको जसपाका सचिव तबरेज अहमदले जानकारी दिए ।

कार्यक्रमलाई सम्बोधन गर्दै नेताहरुले संविधान र लोकतन्त्र विरोधी शक्तिहरुलाई परास्त गरी देशमा पुनः सुशासन, कानुन व्यवस्था स्थापना गर्दै विकासको बाटो तर्फ अघि बढाउन गठबन्धनका उम्मेदवारहरु जित्ने पर्ने बताएका थिए । गठबन्धनका उम्मेदवार नजिते देशमा पुनः एक पटक विदेशी शक्तिको इशारमा चल्ने पार्टीहरु हावी हुने र मुलुकको भविष्य अन्धकार तर्फ धकेलिने नेताहरुको भनाइ थियो ।

बैठकमा जसपाका केन्द्रीय सदस्य एवम् सङ्घीय सांसद् प्रदीप यादव, नेपाली कांग्रेसका केन्द्रीय सदस्यद्वय रमेश रिजाल, अजय चौरसिया, पूर्व केन्द्रिय सदस्य सुरेन्द्र प्रसाद चौधरी, जिल्ला सभापति जनार्दन सिंह क्षेत्री, जसपाका जिल्ला अध्यक्ष रामनरेश यादव, नेकपा एसका जिल्ला अध्यक्ष बालगोपाल थापा, नेकपा माओवादी केन्द्रका जिल्ला अध्यक्ष राम दरश प्रसाद कुशवाहा, संविधान सभा सदस्य अनिल रुङ्गटा, प्रदेश सभा सदस्य ओमप्रकाश शर्मा, नेपाली कांग्रेसका उपसभापति रामनारायण कुर्मी, गठबन्धनका साझा मेयर पदका उम्मेदवार एवम् जसपा नेता राजेशमान सिंह, उपमेयर उम्मेदवार एवम् नेपाली कांग्रेसका नेता इम्तियाज आलम, कांग्रेसका नेताहरु श्याम पोखरेल, नेकपा एसका नेता मनोज चौधरी लगायतको सहभागिता रहेको थियो ।

फेटामा विवेकशिल साझाकाे घरदैलाे तथा चुनावी सभा सम्पन्न

0

आनन्द पटेल/
परवानीपुर । बाराको फेटा गाउँपालीका वडा नं १ त्रीवेणी टोलमा शनिबार विवेकशिल साझा पार्टीकाे घरदैलो तथा चुनावी सभा सम्पन्न भएको छ । बैशाख ३० गते हुन स्थानीय तह निर्वाचनलाई मध्यनजर गर्दै चुनाव प्रचार प्रसार कार्यक्रम अन्तर्गत घरदैलो तथा सभा सम्पन्न भएकाे हाे ।

फेटा गाउँपालीकाका मेयर पदका उमेदवार रुस्तम अन्सारीसहितको टोलिले वडा नं. १ त्रीवेणी टोलमा जनता दर्शन तथा घरदैलो गरेको छ । पार्टीका सयौं नेता तथा कार्यकताहरुको उपस्थितीमा गरिएको घरदैलो कार्यक्रममा तराजु छाप चुनाव चिन्हमा मतदान गरी जिताउन आह्वान गर्नुका साथै नागरिकहरुका समस्या तथा गुनासाहरुको बारेमा पनि जानकारी लिईएको छ ।

घरदैलाेपछि आयाेजित सभामा वाेल्दै गाउँपालीका प्रमुखको उम्मेदवार रुस्तम अन्सारीले फेटा गाउँपालीकालाई नेपालमै बिकास र परीवर्तनको रुपमा बिकास गर्नको लागि आफनो पार्टी नै चुनाव जित्नुपर्ने जिकिर गरे ।

उनले सबै प्रकारको समृद्धि अहिलेको आवश्यकता भएको धारणा राख्नुहुँदै आफु बाहेकको मेयर जितेमा यस पालीकाको बिनास हुने र पालीका बासीको हितमा नभएर ठेक्का र पैसा कमाउने काम बाहेक अन्य काम केही नहुने जिकिर समेत गरे ।

उनले महिला, बालबालिका, ज्येष्ठ नागरिकको पार्टी विवेकशिल साझा पार्टी भएकाले यस पार्टीमा आउनेको लहर लागेकाले आफनो जीत निश्चित रहेको बताए । एक फरक प्रसङगमा नेता अन्सारीले जनताको हितको लागी आफु नेपाली कांग्रेस पार्टीकाे टिकट च्यातेर फालेको बताए ।

उनले जनता भन्दा ठुलो अरु कोही नभएको र आफु जन्ताको सेव गर्नको लागी राजनीतीमा लागेको बताए । शनिबारकाे घर दैलो कार्यक्रममा पार्टीका केन्द्रिय तहका नेता, जील्लाका नेता लगायत फेटा गाउँपालीकाका स्थानीयहरुको उपस्थिती रहेको थियो ।

वीरगंज कारागारमा दुई महिलासहित २४६ जनाद्वारा रक्तदान

0
वीरगंज । पहल संस्था वीरगंजकाे आयोजनामा शनिबार वीरगंज कारागारमा रक्तदान कार्यक्रम सम्पन्न भएकाे छ । वीरगंज कारागारको सहयोगमा भएकाे कार्यक्रममा दुई महिलासहित २४६ जनाले रक्तदान गरेका छन् ।
 
जेलर कृष्ण गैरे र आयाेजक पहल संस्थाका अध्यक्ष दिलिप राज कार्कीले संयुक्त रूपमा रक्तदान गरी कार्यक्रमकाे उद्घाटन गरेका थिए ।
 
साे कार्यक्रममा सशस्त्र प्रहरीका एसपी तेज प्रसाद पोखरेल, कृष्णा कुमार गुप्ता, सागर थापा, गाेपाल सामी, दिपक चाैलागाई, रमेश साह, अशाेक गिरी, राज कुमार पटेल, संजय थारु, सुनिल साह तेली, राजेन्द्र थापा, संजय राणा, मुन्ना आलाम, बिकास तिवारी, दिपेन्द्र प्रसाद, सुरेश साह, सबिर मंसुर, दिनेश भुषाल, कृष्णा राम, निरज मेहता लगायतकाले रक्तदान गरेका हुन् ।
 
रक्तदान कार्यक्रममा पर्साका प्रमुख जिल्ला अधिकारी उमेश कुमार ढकाल, सहायक प्रमुख जिल्ला अधिकारी भिम कान्त पौडेल, श्री जंग गण वीरगंजका प्रमुख कर्णेल जय राम थापा, जिल्ला प्रहरी कार्यालय पर्साका प्रहरी उपरिक्षक रमेश बस्नेत, प्रहरी नायब उपरिक्षक प्रहलाद कार्की, समाजिक अभियन्ता प्रकाश थारु, डाक्टर महेश सिंह धामी, रक्त संचार केन्द्र वीरगंजका प्रमुख सौरभ राज पाण्डे लगायतकाे उपस्थिति रहेकाे थियाे ।
 
अत्याधिक गर्मी र चुनावको समयमा रक्तदान कार्यक्रममा कमि भएकाे कारण रक्तकाे चरम अभावलाई मध्यनजर गर्दै कारागारकाे समन्वय रक्तदान कार्यक्रमकाे आयाेजना गरिएकाे आयाेजकले जनाएकाे छ ।