Date
मङ्ल, मंसिर १, २०८३
Tue, November 17, 2026
Home Blog Page 683

धाेबिनी १ काे वडाध्यक्षमा कांग्रेसका तेली विजयी

0

वीरगंज । पर्साकाे धाेबिनी गाउँपालिका वडा नं. १ काे वडाध्यक्षमा नेपाली कांग्रेसका उम्मेदवार बन्धु साह तेली विजयी भएका छन् । वडा नं. १ काे सम्पन्न मतगणना नतिजा अनुसार तेली ५७४ मत ल्याएर विजयी भएका हुन् ।

उनकाे निकटतम प्रतिद्वन्धी जनता समाजवादी पार्टी (जसपा) नेपालका उम्मेदवार निर्वतमान वडाध्यक्ष ललन राउत कुर्मी ४७७ मत प्राप्त गरेका छन् ।

त्यसैगरी नेकपा एमालेका शम्भु राउत कुर्मीले ४४ मत, नेकपा माओवादी केन्द्रका राजेश रामले ८ मत र लाेकतान्त्रिक समाजवादी पार्टीका उमेश हाजाराले ५ मत पाएका हुन् ।

गाउँपालिका अध्यक्षमा जसपाका उम्मेदवार मदन प्रसाद चाैहानले ६११ मत प्राप्त अग्रता कायम गरेका छन् । गाउँपालिका अध्यक्ष मै  कांग्रेसका उम्मेदवार बशिष्टनारायण कुर्मीले ३९५ मत प्राप्त गरी दाेस्राे स्थान, नेकपा एमालेका उम्मेदवार महमद सदाम हुसेनले ९० मत प्राप्त गरी तेस्राे स्थान र माओवादी केन्द्रका संताेष पटेलले ११ मत प्राप्त गरी चाैथाे स्थानमा छन् ।

गाउँपालिका उपाध्यक्षमा जसपाकी उम्मेदवार प्रियांका देवी यादवले ४८१ मत प्राप्त गरी पहिलाे, कांग्रेसकी मंजु देवीले ३९१ मत प्राप्त गरी दाेस्राे, एमालेकी अनारकली देवी कुर्मीनले १९४ मत प्राप्त गरी तेस्राे र माओवादी केन्द्रकी राधिका चमइन ५ मत प्राप्त गरी चाैथाे स्थानमा छन् ।

बारामा झडप हुँदा ४ मतदान केन्द्रकाे मतदान स्थगित

0

वीरगंज । बाराकाे पचरौता नगरपालिकामा रहेका चारवटा मतदान केन्द्रको मतदान रद्द गरि स्थगित गरिएको छ । पचराैता नगरपालिकाकाे ४ मतदान केन्द्रकाे मतदान स्थगित गरिएको जिल्ला निर्वाचन अधिकारी सराेज कुमार चाैधरीले जानकारी दिए ।

उनका अनुसार पचरौता नगरपालिकाको वडा नं. २ र ४ को चारवटा मतदान केन्द्रको मतदान रद्द गरि स्थगित गरिएको हो । पचरौता नगरपालिकाको वडा नम्बर २ मा रहेको बरगाछी मतदान केन्द्र र श्रीनगर बैरिया प्रा.वि. मतदान केन्द्रको मतदान रद्द गरिएको छ भने वडा नं. ४ स्थित बेलदारी प्रा.वि. मतदान केन्द्र (क) र (ख) को मतदान पनि रद्द गरिएको छ ।

वडा नं. २ काे दुईटा मतदान केन्द्र नेकपा (एमाले)का उम्मेदवार तथा कार्यकर्ताहरुले नियन्त्रणमा लिएर मत खसाएपछि विवाद उत्पन्न भएको थियो । त्यस्तै वडा नं. ४ काे दुईटा मतदान केन्द्रमा एमाले र जसपाका कार्यकर्ताहरु बिच विवाद भएर झडप भएपछि प्रहरीले १४ राउन्ड आश्रु ग्यास समेत छाेडनु परेकाे थियाे । 

यसैगरी बारा कै देवताल गाउँपालिका वडा नं. ७ स्थित श्री ने.रा. आधारभुत विद्यालय पिपरपाथी मतदान केन्द्रमा झडपमा पनि झडप भएकाे थियाे । नेपाली कांग्रेस र लाेसपाका वडाध्यक्षका उम्मेदवार बिच विवाद भई झडप हुँदा ३ जना गम्भिर घाइते भएका छन् ।

झडपका कारण त्यहाँ पनि केही बेर मतदान स्थगित भए पनि पुन: सुचारु भई सम्पन्न  भएकाे जिल्ला निर्वाचन अधिकारी चाैधरीले वताए ।

उनका अनुसार १६ वटा स्थानीय तह रहेको बारा जिल्लामा ५४१ मतदान केन्द्र रहेकाे छ । पांच मतदान केन्द्र बाहेक अन्य मतदान केन्द्रमा समान्य विवादकाे घटना बाहेक मतदान शान्तिपूर्ण रुपमा सम्पन्न भएकाे हाे । बारामा ४ लाख २३ हजार ३ सय २७ मतदाता रहेका छन् । 

कालिकामाईमा सर्वदलिय बैठक सक्याे, मतगणना केही बेरमा सुरु हुने

0

वीरगंज । पर्साकाे कालिकामाई गाउँपालिका शान्तिपूर्ण रुपमा मतदान सम्पन्न भएकाे छ । गाउँपालिका अन्तर्गत रहेकाे ६ मतदान केन्द्रमा शान्तिपूर्ण रुपमा मतदान सम्पन्न भएकाे निर्वाचन अधिकृतकाे कार्यालय कालिकामाईले जनाएकाे छ ।

कालिकामा गाउँपालिका भरीमा ८० प्रतिशत जति मतदान भएकाे प्रमुख प्रशासकिय अधिकृत अमित कुमार गिरीले जानकारी दिए । 

उनले भने “सम्पूर्ण मतदान केन्द्रबाट मतपेटिकाहरु मतगणना स्थल श्री ने.रा. अधारभुत विद्यालय हरिपुरमा ल्याइसकिएकाे छ । मतगणनाकाे लागि सर्वदलिय बैठक पनि सकिएकाे छ । आजै रातिदेखी नै केही बेर मै मतगणना पनि सुरु हुने छ ।”

मतगणनाकाे लागि दुईटा काेठामा सिसि टिभिसहितकाे तयारी गरिएकाे वताउँदै एक पटकमा दुईटा वडाकाे मतगणना सुरु गरिने अधिकृत गिरीले वताए ।

कारकाे ठक्करबाट पाेखरियाका मेयर उम्मेदवार यादव घाइते

0

वीरगंज । पर्साको पोखरिया नगरपालिकाका नेपाल सुशासन पार्टीका मेयरका उम्मेदवार शंकर यादव सवारी दुर्घटनामा परी घाइते भएका छन् । पोखरियास्थित पेट्रोल पम्प नजिककाे मूल बाटोमा बा १९ च ४१९८ नम्बरको कारकाे ठकरले यादव गम्भिर घाइते भएका हुन् ।

सडक छेउमा स्थानीयसंग कुराकानी गरिरहेका बेला यादवलाइ , कारले ठक्कर दिएको थियो । कारको ठक्करबाट यादवको दुवै खुट्टा, हात र छातीमा चोट लागेको छ ।

कार चालक बहुदरमाई नगरपालिका वडा नम्बर ७ फुलकवल निवासी ४५ बर्षिय रिद्धि मणि उपाध्यायलाई ईलाका प्रहरी कार्यालय पोखरियाले नियन्त्रणमा लिएकाे छ । 

कारले ठक्कर दिने बित्तिक्कै यादवलाई स्थानीयले उद्धार गरि नजिकैको पोखरीया अस्पतालमा पुर्याएका थिए । त्यसपछि उनलाई थप उपचारका लागि वीरगंजस्थित अर्थो पोलो ट्रमा सेन्टरमा ल्याएर भर्ना गरिएको थियो ।

सकियो ‘पल्पसा क्याफे’ को मञ्चन

0

नाटक ‘पल्पसा क्याफे’ को मञ्चन सकिएको छ । थापागाउँस्थित मण्डला थिएटरमा ९ वैशाखबाट मञ्चन सुरु भएको नाटक सोमबारबदेखि सकिएको हो ।

नारायण वाग्लेको मदन पुरस्कार प्राप्त उपन्यास ‘पल्पसा क्याफे’ मा आधारित भएर बनाइएको उक्त नाटकले ५ हजार बढी दर्शक पाएको कलाकार विजय बरालले जानकारी दिए । ‘यस पटक नाटकको हरेक शो हाउसफूल रह्यो,’ बरालले भने, ‘यसले हामी नाट्यकर्मीमा हौसला थपेको छ ।’

कोभिड महामारीका कारण अघिल्लो वर्ष प्रदर्शन मञ्चन स्थगित भएको नाटक थिएटर भिलेजको प्रस्तुतिमा विमल सुवेदीले निर्देशन गरेका हुन् ।

विमल सुवेदी, अभिनेत्री सृिष्ट श्रेष्ठ, दिपेश राई, संगीता थापा, पूर्णिमा आचार्य, बच्चु हिमांशु, सरगम राई, ङिमा शेर्पा, जेनी सुनुवार, चक्र पुलामी, श्रवण सिंह राना लगायतका कलाकारको नाटकमा अभिनय थियो ।

१० वर्ष लामो सशस्त्र युद्धको वरपर रहेर एक पेन्टरको कथा बोल्ने उपन्यास ‘पल्पसा क्याफे’मा तत्कालीन परिवर्तनशील समाजको कथा चित्रण गरिएको छ । 

अक्षय र मानुषी अभिनित ‘पृथ्वीराज’को ट्रेलर रिलिज

0

ऐतिहासिक कथावस्तुमा आधारित अक्षय कुमार स्टारर बलिउड फिल्म ‘पृथ्वीराज’को ट्रेलर रिलिज भएको छ । झण्डै तीन मिनेट लामो ट्रेलर स्टाइल, देशभक्ति र बहादुरीको भावनाले ओतप्रोत छ ।

यशराज ब्यानरमा निर्माण भएको फिल्मको ट्रेलरमा भव्यता र कलालाई पोतिएको छ । अक्षय पृथ्वीराज चौहान नामक पात्रको भूमिकामा प्रस्तुत भएका छन् । सञ्जय दत्त र सोनु सुद पनि फिल्ममा मुख्य भूमिकामा छन् ।

चौहानकी पत्नी सान्योगिताको भूमिकामा पूर्वविश्व सुन्दरी समेत रहेकी मानुसी छिल्लर देखिएकी छन् । चन्द बर्दाइको चर्चित कविता पृथ्वीराज रासोमा फिल्म आधारित छ । फिल्मलाई चन्द्रप्रकाश द्विवेदीले लेखन तथा निर्देशन गरेका हुन् ।

ट्रेलरमा अहिलेको भारतीय राजधानी दिल्लीलाई कब्जा गर्न भएको लडाइँलाई चित्रण गरिएको छ ।

वीरगंजका मेयर उम्मेदवार सरावगीलाई आयोगको स्पष्टीकरण

0

वीरगंज । निर्वाचन आयोगले वीरगंज महानगरपालिकाका नेकपा (एमाले) का उम्मेदवार विजय सरागवीलाई निर्वाचन आचारसंहिता उल्लङ्घन हुने गरी क्रियाकलाप गरेको विषयमा २४ घन्टे स्पष्टीकरण सोधेको छ ।

जनता समाजवादी पार्टी (जसपा) नेपालका वीरगञ्ज महानगर कमिटीका अध्यक्ष ईश्वरचन्द्र यादवको उजुरीका आधारमा आयोगले सरावगीलाई जवाफ माग गरेको हो ।

सरागवीले वैशाख २६ गते राति १२ः३० बजे महानगरको वडा नं. १६ स्थित एक मतदाताको घरमा प्रवेश गरी मत खरिद गर्न नगदको लेनदेन गरेकाले निजको उम्मेदवारी खारेजीको माग गरेर उजुरी प्राप्त भएको थियो ।

आयोगले मतदातालाई प्रभावित हुने गरी कुनै पनि किसिमको आर्थिक प्रलोभन देखाउने गतिविधि गर्नुभएको हो ? तपाईंलाई के कति कारणले प्रहरी प्रसाशनले आफ्नो सुरक्षामा मतदाताको घरबाट बाहिर निकाल्नुपरेको हो ? भनी सरावगलीलाई स्पष्टीकरण सोधेको छ ।

मुस्लिम आयोगका अध्यक्ष अन्सारीमाथि पैसा बाँडेको आरोप

0

जनकपुर । मुस्लिम आयोगका अध्यक्ष समिम मियाँ अन्सारीमाथि मतदाता प्रभावित पार्न पैसा बाँडेको आरोप लागेको छ । जनकपुर उपमहानगरपालिकाको मेयरमा उठेका स्वतन्त्र उम्मेदवार जानकीराम साहलाई सघाउने गरी मतदाता प्रभावित पार्न खोजेको अन्सारीमाथि आरोप लागेको हो ।

अन्सारी जनकपुरस्थित सीताचरण होटेलमा ४ दिनदेखि बसेको र साहका पक्षमा मुस्लिम मतदातालाई प्रभावित गर्न खोजेको आरोप लगेकाे छ । साह केही दिनअघि मात्रै एमालेमा प्रवेश गरेका थिए । एमाले प्रवेश गराउन अन्सारीले नै भूमिका खेलेका थिए । एमालेबाट टिकट नपाएपछि साहले स्वतन्त्र उम्मेदवारी दिएका थिए । उनी लोकतान्त्रिक समाजवादी पार्टीबाट एमालेमा प्रवेश गरेका थिए ।

अन्सारीले होटेलमा बसेर पैसा बाँडिरहेको भन्ने सूचना पाएपछि एमाले जनकपुर अध्यक्ष सुरेन्द्र भण्डारी १५/२० जनाको समूहमा लिएर होटेल पुगेका थिए । होटेलमा होहल्ला र तोडफोड गरेको आरोपमा भण्डारीलाई प्रहरीले पक्राउ गरेको छ । त्यस्तै आयोगका अध्यक्ष अन्सारीलाई भने प्रहरीले उद्धार गरी काठमाडौं पठाउनका लागि जनकपुर विमानस्थल पुर्‍याएको छ ।

स्थानिय तह निर्वाचन : सिमानाका बन्द, मदिराको बिक्री र सेवनमा प्रतिबन्ध

0

वीरगंज । स्थानीय तहको निर्वाचन अन्तर्गत मौन अवधी शुरु भएसँगै पर्सामा सुरक्षा व्यवस्था कडा बनाइएको छ । पर्सामा १ सय ६७ मतदानस्थल र ४ सय ४ वटा मतदान केन्द्र निर्धारण गरिएको छ । ती मध्ये सुरक्षाको दृष्टिकोणले संवेदनशील र अति संवेदनशील केहि मतदानस्थल र मतदान केन्द्रको सुची बनाएर सुरक्षकर्मीको कडा निगरानी राखि रहेकाे छ ।

मतदान स्थल सुरक्षाकाे लागि पहिलो चरणमा नेपाल प्रहरी, दोस्रो चरणमा सशस्त्र प्रहरी र तेस्रो तथा अन्तिम चरणमा नेपाली सेनाको टोली पचिालन गरिएको छ । म्यादि प्रहरीसहित २७ सय जना सुरक्षाकर्मी परिचालन गरिएको जिल्ला प्रहरी कार्यालय पर्साका प्रहरी उपरिक्षक रमेश बस्नेतले जानकारी दिए ।

नेपाल नम्बर १४ गुल्म हेडक्वा पर्साका प्रमुख सशस्त्र प्रहरी उपरीक्षक तेज प्रकाश पोखरेलका अनुसार सिमा क्षेत्र र मतदान केन्द्रहरुमा ८ सय जना सशस्त्र प्रहरी परिचालन गरिएको छ । सीमा नाको सुरक्षा व्यवस्थाका लागि भारतीय एसएसबी ४७ र ४४ का कमाण्डरसँग पनि समन्वय गरिएको सशस्त्र प्रहरी उपरीक्षक पोखरेलले बताए । 

मंगलवार मध्यरातदेखि शुरु भएको मौन अवधिलाई मध्यनजर गर्दै सीमा नाकामा पनि आवागमन बन्द गरेर सीमा शिल गरिएको जिल्ला प्रशासन कार्यालय पर्साका प्रमुख जिल्ला अधिकारी उमेश कुमार ढकालले जानकारी दिए ।

नेपाली परिचय पत्र भएका नागरिकलाई भारतबाट नेपाल प्रवेश गर्न दिइएको छ भने नेपालबाट जान भने पूर्ण रुपमा रोक लगाइपनि अतिआवश्यक कार्यका लागि प्रशासनको सिफारिसका आधारमा आवागमन खुला गरिने ढकालले बताए । 

जिल्ला निर्वाचन कार्यालय पर्साकी प्रमुख रन्जिता झाले पर्साका मतदानस्थल र मतदान केन्द्रहरुलाई सुरक्षा संवेदनशीलताका दृष्टिकोणले ३ तहमा वर्गीकरण गरिएको बताइन् ।

पर्खाल वा पक्की संरचनाको घेरा नभएका मतदानस्थल र मतदान केन्द्रहरुलाई अति संवेदनशीलमा राखिएको उनले बताइन् । झाले भनिन्, ‘संवेदनशील मतदानस्थलहरुको विवरण स्थानीय प्रशासनसँग छ, हामीले भन्न मिल्दैन ।

पर्सा जिल्लामा बैशाख ३० को पालिका निर्वाचनका लागि १ सय ६७ मतदानस्थल र ४ सय ४ वटा मतदान केन्द्र निर्धारण गरिएको प्रमुख झाले वताइन ।

जिल्ला निर्वाचन कार्यालय पर्साका अनुसार, वीरगंज महानगरपालिकामा सबैभन्दा बढी मतदान स्थल र मतदान केन्द्र राखिएका छन् । महानगरमा ५५ वटा मतदानस्थल र १ सय ४३ वटा मतदान केन्द्र निर्धारण गरिएको छ । सबैभन्दा कम पकाहामैनपुर गाउँपालिकामा ६ वटा मतदानस्थल र १५ वटा मतदान केन्द्र तोकिएको छ ।

भारतसँग सीमा जोडिएका, भूगोलको विकटता र यातायातको असुविधा भएका पालिकाका मतदान स्थल र मतदान केन्द्रहरुलाई संवेदनशील मतदान स्थलको सूचीमा स्थानीय प्रशासनले राखेको हो ।

यसैगरी बारामा ३ सय ३ मतदान स्थल र ५ सय ४१ मतदान केन्द्र तोकिएको जिल्ला निर्वाचन कार्यालय बाराका प्रमुख सराेज कुमार चाैधरीले वताए । ती मध्ये सिम्रौनगढ र पचरौता नगरपालिकामा राखिएका मतदानस्थल र मतदान केन्द्रहरुलाई अति संवेदनशील मानिएको जिल्ला प्रशासन कार्यालय बाराले जनाएको छ  ।

क्लैया उपमहानगरपालिका, विश्रामपुर गाँउपालिका, फेटा गाँउपालिका, देवताल गाँउपालिका, सुवर्ण गाँउपालिकामा रहेका मतदानस्थल र मतदान केन्द्रलाइ भने संवेदनशील मानिएको छ ।

पर्सामा मङगलवारदेखि मदिराको बिक्री वितरण, ओसारपसार र सेवनमा प्रतिबन्ध लगाइएको छ । बैशाख ३० को पालिका निर्वाचनलाइ लक्षित गरि स्थानीय प्रशासनले बैशाख २७ गते (मङगलवार ) देखि मतदानको दिन बैशाख ३० को मध्यराति १२ बजे सम्मका लागि मदिराको बिक्री वितरण, ओसारपसार र सेवनमा प्रतिबन्ध लगाएकाे हो ।

बिन्दबासिनी गाउँपालिकाले निशुल्क रगत उपलब्ध गराउने

0

वीरगन्ज । पर्साकाे बिन्दवासिनी गाउँपालिकाले आफ्नाे गाउँवासीलाई निशुल्क रगत उपलब्ध गराउने भएकाे छ । गाउँपालिका क्षेत्रका बासीन्दालाई उपचार गराउने क्रममा चिकित्सककाे सल्लाहमा आवश्यक पर्ने रक्त निशुल्क उपलब्ध बुधबार नेपाल रेडक्रस साेसाइटी पर्सा शाखासंग सम्झाैता गरिएकाे प्रमुख प्रशासकिय अधिकृत राजु साहले वताए ।

रेडक्रसकाे पर्सा शाखा र बिन्दवासिनी गाउँपालिका बिच रक्तसञ्चार केन्द्रबाट निशुल्क रगत उपलब्ध गराउन पांच बुंदे सम्झौता हस्ताक्षर भएकाे हाे । रेडक्रस पर्सा शाखाका सभापति बिरेन्द्र राज कंडेल र बिन्दवासिनी गाउँपालिकाका प्रमुख प्रशासकिय अधिकृत राजु शाहले सो सम्झौता-पत्र हस्ताक्षर गरेका छन् ।

बिन्दवासिनी गाउँपालिकाका बिपन्न एवं गरिब बिरामिहरुलाइ सहुलियत मिलोस भन्ने उदेश्यले सो सम्झौता गरिएको प्रमुख प्रशासकिय अधिकृत शाहले बताए ।

सम्झाैता अनुसार उपलब्ध गराईने रगतकाे ब्याग, क्रसमैच, ग्रुपिङ एवम् परिक्षण वापतकाे प्रति यूनिट रु एक हजार ५० का दरले गाउँपालिकाले रेडक्रसलाई उपलब्ध गराउने रेडक्रस पर्साका कोषाध्यक्ष महन्थ प्रसाद यादवले वताए ।

प्रत्येक गाउँ, नगरपालिका, महानगरबाट समेत यस प्रकारको सम्झौता गरि हरेक बिरामिलाई निशुल्क रुपमा रगत सजिलै उपलब्ध गराउनमा हामिले समन्वय गर्दै आएकाे रेडक्रस पर्साका सहायक राजन श्रीवास्तवले जानकारी गराए ।