Date
मङ्ल, मंसिर १, २०८३
Tue, November 17, 2026
Home Blog Page 682

कालिकामाई १ काे वडाध्यक्षमा जसपाका बरै विजयी

0

वीरगंज । पर्साकाे कालिकामाई गाउँपालिका १ काे वडाध्यक्षमा जनता समाजवादी पार्टी (जसपा) नेपालका लालबाबु राउत बरै विजयी भएका छन् । वडा नं. १ काे अन्तिम मतपरिणाम अनुसार बरै १४१८ मत प्राप्त गरी विजयी भएकाे निर्वाचन अधिकृतकाे कार्यालय कालिकामाईले जनाएकाे छ ।

उनकाे निकतम् प्रतिद्वन्दी नेपाली कांग्रेसका संजय प्रसाद (प्रभु साह) १२११ मत प्राप्त गरेका छन् । बरै २०७ मतान्तरले विजयी भएका हुन् । वडाध्यक्षका अर्का उम्मेदवार नेकपा एमालेका माेतिलाल प्रसाद कुर्मी १७३ मत र नेपाल सुशासन पार्टीका टंकराज महताे काेइरी ८१ मत ल्याएका छन् ।

वडा सदस्यमा कांग्रेसका महन्थ प्रसाद पटेल १३२५ मत ल्याएर र जसपा कै सुरेन्द्र कुमार साह १२८० मत ल्याएर विजयी भएका छन् । महिला सदस्यमा कांग्रेसकी गिता देवी कुर्मी १२८३ मत ल्याएर र दलित महिला सदस्य मै कांग्रेसकी जसाेदिया देवी १३४६ मत ल्याउर विजयी भएका छन् ।

गाउँपालिका अध्यक्ष कांग्रेसका अजय पटेल १४८७, जसपाका बशिष्ट गुप्ता १२०८ र एमालेका राजेश चाैरसिया १५९ मत प्राप्त गरेका छन् । उपाध्यक्षमा कांग्रेसकी राजमती बरैनी १३५१, जसपाकी साेहानी खातुन ११४२ र एमालेकी श्रीमती अंशु आनन्द १७३ मत ल्याएका छन् । 

पटेर्वा सुगाैली १ काे वडाध्यक्षमा पुन: एमालेका अन्सारी विजयी

0

वीरगंज । पर्साकाे पटेर्वा सुगौली गाउँपालिका १ काे वडाध्यक्षमा नेकपा एमालेका फरमान अन्सारी विजयी भएका छन् । निवर्तमान वडाध्यक्ष समेत रहेका अन्सारीले ५ सय २३ मत ल्याई विजयी भएकाे निर्वाचन अधिकृतकाे कार्यालय पटेर्वा सुगाैलीले जनाएकाे छ ।

पुन: वडाध्यक्षमा निर्वाचित अन्सारी एमाले पर्साका उपाध्यक्ष हुन् । उनका निकटतम प्रतिद्वन्दी नेपाली कांग्रेसका सुलेमान अन्सारीले ३ सय ८४ मत प्राप्त गरेका छन । वडाध्यक्ष कै नेपाल सुशासन पार्टीका हरिन्द्र सहनी मलाह ३३५ मत र जनता समाजवादी पार्टीका बद्रुदिन मियाँ अन्सारी ३३ मत प्राप्त गरेका छन् ।

गाउँपालिका अध्यक्षमा एमालेका निर्वतमान गाउँपालिका अध्यक्ष हरिनारायण चाैधरी ५३७ मत, कांग्रेसका दिनेश चाैधरी ४०७ मत, जसपाका दिपक यादव ४८ मत पाएका छन् । उपाध्यक्षमा एमालेकी मन्तुरा देवी ५४०, कांग्रेसकी निर्वतमान उपाध्यक्ष ममता चाैधरी ३९३ र जसपाकी उम्मेदवार ५९ मत पाएका छन् ।

पकहा मैनपुर १ मा कांग्रेसका मेहता विजयी

0

वीरगंज । पर्साकाे पकहा मैनपुर गाउँपालिका वडा नं. १ धाेरेकाे अध्यक्षमा नेपाली कांग्रेसका उम्मेदवार विनाेद मेहता विजयी भएका छन् । वडाध्यक्षमा मेहता १०७३ मत ल्याएर विजयी भएकाे निर्वाचन अधिकृतकाे कार्यालय पकहा मैनपुरले जनाएकाे छ ।

उनकाे निकटतम प्रतिद्वन्धी नेकपा एमालेकी रम्भा देवी ८२० मत, नेकपा माओवादी केन्द्रका धिरेन्द्र चाैहान १४२ मत, जनता समाजवादी पार्टी (जसपा) नेपालका सुरेश मेहता ९  मत प्राप्त गरेका छन् ।

गाउँपालिका अध्यक्षमा कांग्रेसका सुरेश मेहता १७०९ मत, एमालेका राजेश सहनी २६७ मत र जसपाका निर्वतमान गाउँपालिका अध्यक्ष विजय चाैरसिया ९० मत प्राप्त गरेका छन् । गाउँपालिका उपाध्यक्षमामा कांग्रेसकी सरफुन नेसा १०४७, एमालेकी कुमारी निर्माला चाैरसिया ४०७ र जसपाकी जैबुल नेसा २१ ल्याएका छन् ।

धाेबिनी २ काे अध्यक्षमा जसपाका कुर्मी विजयी

0
वीरगंज । पर्साकाे धाेबिनी गाउँपालिका वडा नं. २ काे अध्यक्षमा जनता समाजवादी पार्टी (जसपा) नेपालका उम्मेदवार देवेन्द्र प्रसाद कुर्मी विजयी भएका छन् । वडाध्यक्षमा कुर्मी ८७५ मत प्राप्त गरी विजयी भएकाे निर्वाचन अधिकृतकाे कार्यालय धाेबिनीले जनाएकाे छ ।
उनकाे निकटतम प्रतिद्वन्धि नेकपा एमालेका उम्मेदवार नन्दलाल प्रसाद कुर्मीले ४९१ मत प्राप्त गरेका छन् । नेपाली कांग्रेसका राजकिशाेर प्रसाद पटेलले ३५२, राष्ट्रिय प्रजातन्त्र पार्टीकी पुष्पा देवी चाैहान ३३० र नेकपा माओवादी केन्द्रका राजिन्द्र प्रसाद कुर्मी ३० मत पाएका छन् ।
 

वडामा जसपाका कुर्मीसहितको उनकाे प्यानल नै विजयी भएकाे छ । वडाकाे महिला सदस्यमा जसपा कै ब्यान्ति देवी कुर्मी ९२३ मत, दलित महिला सदस्य  नगिना देवी राम ९२० मत, सदस्यमा सुन्धर प्रसाद कुर्मी ८७९ मत र रमाेद राउत कुर्मी ८६९ मत प्राप्त गरी विजयी भएका छन् ।

यस वडामा गाउँपालिका अध्यक्षमा जसपाका मदन चाैहानले १६४८ मत, कांग्रेसका बशिष्टनारायण प्रसाद कुर्मी ८६५ मत र एमालेका महमद सदाम हुसेनले ५२६ मत पाएका छन् ।
 
उपाध्यक्षमा जसपाकी प्रियांका देवी यादव ८४० मत, कांग्रेसकी मंजु देवी ३५८, एमालेकी अनारकली देवी ५८९ मत पाएका छन् ।

पाेखरिया नपाकाे १ मा एमालेका गिरी विजयी

0

वीरगंज । पर्साकाे पाेखरिया नगरपालिका वडा नं. १ काे अध्यक्षमा नेकपा एमालेका उम्मेदवार प्रमाेद गिरी विजयी भएका छन् । गिरी ४४७ मत प्राप्त गरी विजयी भएकाे निर्वाचन अधिकृतकाे कार्यालय पाेखरियाले जनाएकाे छ ।

गिरीकाे निकटतम प्रतिद्वन्धी नेपाली कांग्रेसका उम्मेदवार राजु बाबु गिरी २६७ मत प्राप्त गरेका छन् । लाेकतान्त्रिक समाजवादी पार्टी (लाेसपा) नेपालका वंका राउत कुर्मी २३८ मत र जनता समाजवादी पार्टी (जसपा) नेपालका चन्द्रभुषण प्रसादले १३५ मत पाएका छन् ।

लाेसपाका उम्मेदवार कुर्मी निर्वतमान वडाध्यक्ष हुन् । उनी २०७४ काे स्थानिय तह निर्वाचनमा तत्कालिन संघिय समाजवादी फाेरम नेपालबाट निर्वाचित भएका थिए । 

बहुदरमाई १ काे अध्यक्षमा कांग्रेसका यादव विजयी

0

वीरगंज । पर्साकाे बहुदरमाई नगरपालिकाकाे वडा नं. १ काे अध्यक्षमा नेपाली कांग्रेसका उम्मेदवार प्रमाेद प्रसाद यादव विजयी भएका छन् । यादव ५७० मत प्राप्त गरी विजयी भएकाे निर्वाचन अधिकृतकाे कार्यालय बहुदरमाईले जनाएकाे छ ।

उनकाे निकटतम प्रतिद्वन्धि नेकपा एमालेका उम्मेदवार मनाेज राउत अहिर ५४२ मत प्राप्त गरेका छन् ।

जनमत पार्टीका रहमजान मियाँ १५६ मत, जनता समाजवादी पार्टीका छाेटेलाल पंडित कुम्हाल १५२ मत, नेकपा एकीकृत समाजवादीका विनाेद कुमार जैसवार ७७ मत र नेपाल सुशासन पार्टीका संसुदिन अन्सारी २३ मत ल्याएका छन् । 

ठाेरी १ मा एमालेका मगर विजयी

0

वीरगंज । पर्साको ठोरी गाउँपालिका-१ को अध्यक्षमा एमालेका धनमान थापा मगर निर्वाचित भएका छन् । ६ सय ५१ मत ल्याएर उनी वडा अध्यक्षमा निर्वाचित भएको निर्वाचन अधिकृतको कार्यालय ठाेरीले जनाएकाे छ ।

निकटम प्रतिद्वन्द्वी भन्दा २१ मत मात्रै बढी ल्याएर उनी निर्वाचित भएका छन् । निकटम प्रतिद्वन्द्वी  नेपाली कांग्रेसका नवराज फुँयालले ६ सय ३० मत प्राप्त गरेका छन् । जनता समाजवादी पार्टीका तर्फबाट उम्मेदवार बनेका रामप्रकाश कुँवरले २० मत पाएका छन् ।

यसैगरी महिला सदस्यमा एमाले कै धन माया घलान (ठाेकर) ६७६ मत, दलित महिला सदस्यमा एमाले कै मिश्री कुमारी दर्जी ७१८ मत, सदस्यमा एमाले कै केशव अधिकारी ७१९, अनिल अधिकारी ७१० मत ल्याएका विजयी भएकाे निर्वाचन अधिकृतकाे कार्यालयले जनाएकाे छ । 

सखुवाप्रसाैनी मतगणना स्थलबाट ठूलाे परिणाममा लाठीपठा बरामद

0

वीरगंज । पर्साको सखुवा प्रसौनी गाउँपालिकाको मतगणना स्थल दिपनारायण आदर्श नमुना मावि औराहा पांचगावाबाट प्रहरीले ठूलो परिमाणमा लाठीपाठा बरामद गरेको छ ।  

मतगणनास्थल बाहिर ना ५ त ५८२२ नम्बरको ट्याक्टरबाट प्रहरीले ढुंगा, मुढा, लौरो र घरेलु हातहतियार बरामद गरेको स्थानियहरुले वताएका छन् ।

मतगणनास्थलमा मतगणना शुरु हुँदै गर्दा मतगणना विथोल्ने उद्देश्यले बाहिर ठूलो संख्यामा भीड जम्मा भएर आक्रमणको तयारी गरेको जानकारी पाएपछि प्रहरीले सकृयता देखाएर भीड समेत तितरबितर पारेको थियाे । त्यसपछि मतगणना सुरु भएकाे थियाे ।

छिपहरमाई १ मा कांग्रेसका यादव विजयी

0

वीरगंज । पर्साको छिपहरमाई गाउँपालिका वडा नम्बर १ काे वडाध्यक्षमा नेपाली कांग्रेसका उम्मेदवार कामेश्वर प्रसाद यादव बिजयी भएका छन् । वडा नं. १ काे सम्पन्न मतगणना नतिजा अनुसार यादवले ७ सय २९ मत प्राप्त ल्याएर विजयी भएका हुन् । 

उनकाे निकटम प्रतिद्वन्धी जनता समाजवादी पार्टी (जसपा) नेपालका उम्मेदवार रामपुकार यादव ६ सय ४२ मत र नेकपा एमालेका राजबली राउत अहिरले ५ सय ५१ मत पाएका छन् ।

गाउँपालिका अध्यक्ष र उपाध्यक्षमा जसपाका उम्मेदवार अगाडी

गाउँपालिका अध्यक्षमा जसपाका उम्मेदवार इग्रासन साह कलवारले ८९५ मत ल्याएर पहिलाे स्थानमा छन् । गाउँपालिका अध्यक्षका एमालेका उम्मेदवार निर्वतमान अध्यक्ष मनाेज कुमार गुप्ता ५८९ मत ल्याएर दाेस्राे र नेपाली कांग्रेसका उम्मेदवार नविन सिंह ४५६ मत ल्याएर तेस्राे स्थानमा छन् ।

यसैगरी गाउँपालिका उपाध्यक्षमा जसपाकी उम्मेदवार रेहाना खातुन ७२६ मत ल्याएर पहिलाे, एमालेकी माेदिना खातुन ५४५ मत ल्याएर दाेस्राे र कांग्रेसकी लिलावती देवी कानु ५२९ मत ल्याएर तेस्राे स्थानमा छन् ।

वीरगंज महानरपालिकाकाे मतगणना सुरु

0

वीरगंज । वीरगञ्ज महानगरपालिकाको मतगणना सुरु भएको छ । वीरगगञ्ज–१४ पिपरास्थित नृसिंह माविको भवनमा शनिबार  मतगणना सुरु भएको हाे ।

सर्वदलीय बैठकले शनिबार बिहान ११ बजेदेखि मतगणना सुरु गर्ने निर्णय गरेपनि दिउँसो ३ बजेदेखि मात्र मतगणना सुरु भएकाे मुख्य निर्वाचन अधिकृतकाे कार्यालय वीरगंजले जनाएकाे छ ।

 महानगरपालिकाकाे वडा नं. १, २ र ३१, ३२ काे मतगणना सुरु भएकाे हाे । वडा नम्बर १ को मतगणना प्रकृया शुरु गरि मतपेटिका खोल्नै लाग्दा उम्मेदवारहरुका प्रतिनिधीहरु बिच विवाद भएपछि केही बेर राेकिए पनि पुन: सुरु भएकाे छ ।

शुक्रबार सम्पन्न निर्वाचनमा महानगरपालिकाकाे ३२ वटै वडामा ९३ हजार ७ सय ८२ अर्थात ७५.२४ प्रतिशत मत खसेको छ ।