Date
मङ्ल, मंसिर १, २०८३
Tue, November 17, 2026
Home Blog Page 681

धाेबिनीकाे अध्यक्षमा जसपा र उपाध्यक्षमा कांग्रेस विजयी

0

वीरगंज । पर्साको धोविनी गाउँपालिका अध्यक्षमा जनता समाजवादी पार्टी (जसपा) नेपालका मदन प्रसाद चौहान विजयी भएका छन् । चाैहान ३ हजार ९१ मत ल्याएर विजयी भएकाे निर्वाचन अधिकृतकाे कार्यालय धाेबिनीले जनाएकाे छ ।

उनकाे निकटतम प्रतिस्पर्धी नेपाली कांग्रेसका वशिष्ठनारायण प्रसाद कुर्मीले ३ हजार ७१ मत प्राप्त गरेका छन् । २० मत अन्तरले कुर्मीलाई पराजित गर्दै चाैहान अध्यक्षमा निर्वाचित भएका हुन् । 

गाउँपालिका अध्यक्षका अर्का प्रतिस्पर्धी नेपका एमाले महमद सदाम हुसेन २ हजार ७१५ मत, नेकपा माओवादी केन्द्रका संताेष पटेल १३२ मत र लाेकतान्त्रिक समाजवादी पार्टी (लाेसपा) नेपालका ललन प्रसाद कुर्मी ११३ मत पाएका छन् ।

उपाध्यक्षमा नेपाली कांग्रेसकी मञ्जु देवी निर्वाचित भएकी छन् । मञ्जुले ३ हाजर १४३ मत ल्याएर विजयी भएकी हुन् । उनकाे निकटतम प्रतिस्पर्धी जसपाकी प्रियंकादेवी यादवले २ हजार ५७७ मत पाएकी छन् ।

प्रियाँका भन्दा ५६६ मत ल्याएर उपाध्यक्षमा कांग्रेसकी मञ्जु विजयी भएकी निर्वाचन अधिकृत कैलाश दहालले जानकारी दिए ।

उनका अनुसार उपाध्यक्षका अर्का उम्मेदवार नेकपा एमालेकी अनारकली देवी कुर्मीन २ हजार ४०२ मत, लाेसपाकी राजपती देवी कुर्मी ३१६ मत, स्वतन्त्र उम्मेदवार राजा प्रसाद कुर्मी २०९ मत र माओवादी केन्द्रकी राधिका चमैन ११५ मत पाएका छन् ।

अध्यक्ष र उपाध्यक्षमा २०७४ सालको निर्वाचनमा भन्दा ठीक उल्टो परिणाम देखिएको छ । २०७४ मा अध्यक्षमा नेपाली कांग्रेस र उपाध्यक्षमा तत्कालिन संघीय समाजवादी फोरम र हालका जसपा विजयी भएको थियो ।

त्यसबखत अध्यक्षमा कांग्रेसका बशिष्टका भाई सुरेश प्रसाद कुर्मी र उपाध्यक्षमा फोरमका पारसनाथ प्रसाद कुर्मी निर्वाचित भएका थिए । यस वर्ष उपाध्यक्षमा निर्वाचित मञ्जु उपाध्यक्षमा पारसनाथसँग पराजित भएकी थिइन् ।

३ वटा वडामा कांग्रेस र दुई वटामा जसपा विजयी

५ वटा वडा रहेको धोबिनी गाउँपालिकामा कांग्रेस ३ वटा र जसपा २ वटा वडाकाे अध्यक्षमा जितेकाे छ ।

वडा नं. १ को वडा अध्यक्षमा कांग्रेसका बन्धु साह तेली, वडा नं. २ मा जसपाका देवेन्द्र प्रसाद कुर्मी, वडा नं. ३ मा पुनः कांग्रेसका राजकिशोर प्रसाद कुर्मी वडा नं. ४ मा कांग्रेसकै अबास मियाँ चुरिहार र वडा नं. ५ मा पुनः मनौवर अहमद निर्वाचित भएका छन् ।

०७४ को निर्वाचनमा तत्कालिन फोरमले ३ र कांग्रेसले २ वटा वडाको अध्यक्ष जितेको थियो । 

जिराभवानीकाे अध्यक्षमा कांग्रेसका अनाेज र उपाध्यक्षमा रेखा विजयी

0
जिराभवानी गाउँपालिका अध्यक्षमा विजयी भएका अनाेज चाैधरी र उपाध्यक्षमा विजयी भएका रेखा चाैधरी । तस्बिर : कालिका टाईम्स

वीरगंज । पर्साकाे जिराभवानी गाउँपालिका अध्यक्ष र उपाध्यक्षमा नेपाली कांग्रेसका उम्मेदवार विजयी भएका छन् । गाउँपालिका अध्यक्षमा कांग्रेसका अनाेज चाैधरी र उपाध्यक्षमा कांग्रेस कै रेखा चाैधरी विजयी भएकाे निर्वाचन अधिकृतकाे कार्यालय जिराभवानीले जनाएकाे छ ।

निर्वतमान गाउँपालिका अध्यक्ष समेत रहेका नेकपा एमालेका रामपृत महताेलाई हराउँदै अनाेज र निर्वतमान उपाध्यक्ष समेत रहेकी एमालेकी उषा देवी थरुइनीलाई हराउँदै रेखा विजयी भएका हुन् ।

गाउँपालिका अध्यक्षमा अनाेज ४ हजार ५६० मत ल्याएर विजयी भएका छन् । उनकाे निकटतम् प्रतिद्वन्दी एमालेका रामपृत ३ हजार २९९ मत प्राप्त गरेका छन् । अनाेज १ हजार २६१ मतान्तरले विजयी भएका छन् ।

जनता समाजवादी पार्टी (जसपा) नेपालका विकाउ प्रसाद भण्डारी थारु १ हजार ६५ मत र नेकपा माओवादी केन्द्रका जयनारायण प्रसाद चाैधरी १०६५ मत पाएका छन् ।

उपाध्यक्षमा कांग्रेसकी रेखाले ४ हजार ७१० मत ल्याएर विजयी भएका छन् । उनकाे निकतम् प्रतिद्वन्दी एमालेकी थरुनी २ हजार ९६५ मत, जसपाकी बिन्दु देवी थरुनी १ हजार ४२८ मत, माओवादी केन्द्रकी उम्मेदवार ८१४ मत र नेकपा (एकीकृत समाजवादी) की सबरुन नेसा १२७ मत पाएका छन् ।  

कालिकामाई ४ काे वडाध्यक्षमा कांग्रेसका साह विजयी

0

वीरगंज । पर्साकाे कालिकामाई गाउँपालिका वडा नं. ४ प्रशुरामपुरकाे अध्यक्षमा नेपाली कांग्रेसका संजय कुमार साह प्यानलसहित विजयी भएका छन् । वडाध्यक्षमा साह ७६९ मत ल्याएर विजयी भएकाे निर्वाचन अधिकृतकाे कार्यालय कालिकामाईले जनाएकाे छ ।

उनकाे निकतम् प्रतिद्वन्दी निर्वतमान वडाध्यक्ष जसपाका हरिओम साह कलवार ७३२ मत प्राप्त गरेका छन् । साह ३७ मत अन्तरले विजयी भएका हुन् । एमालेका जितेन्द्र कुमार गुप्ता ४८ मत र नेपाल सुशासन पार्टीका करिमन साह तेली ५ मत पाएका छन् ।

वडा सदस्यमा कांग्रेस कै उमाशंकर मुखिया विन, माेलाजिम मियाँ मन्सुरी, महिला सदस्यमा निर्मला देवी चाैरसिया र दलित महिला सदस्यमा सिमा देवी विजयी भएकाे निर्वाचन अधिकृतकाे कार्यालयले जानकारी दिएकाे छ ।

गाउँपालिका अध्यक्षमा सब भन्दा बढी कांग्रेसका अजय पटेलले ७०८ मत, जसपाका बशिष्ट गुप्ता ६९१ मत, एमालेका राजेश चाैरसिया १०६ मत पाएका छन् । उपाध्यक्षमा सब भन्दा बढी कांग्रेसकी राजमती बरैइन ७४५ मत, जसपाकी सहानी खातुन ६९७ मत र एमालेकी श्रीमती अंशु आनन्दले ९२ मत पाएका छन् । 

यसै बिच वडाध्यक्षमा निर्वाचित साहसहित वडा सदस्यहरुलाई कांग्रेसका गाउँपालिका सभापति छठु साहले फुल माला र अविरकाे टिका लगाएर बधाई तथा सफल कार्यकालकाे शुभकामना दिएका छन् ।

कालिकामाईमा कांग्रेस र जसपा बिच कडा टक्कर

0
गाउँपालिका अध्यक्षका कांग्रेसका उम्मेदवार अजय पटेल र जसपाका उम्मेदवार बशिष्ट गुप्ता । तस्बिर : कालिका टाईम्स

वीरगंज । पर्साको कालिकामाई गाउँपालिका अध्यक्षमा नेपाली कांग्रेस र जनता समाजवादी पार्टी (जसपा) बिच कडा प्रतिस्पर्धा देखिएकाे छ । नेपाली कांग्रेसका उम्मेदवार अजय पटेलले सुरु देखि नै अग्रता कायम राखेका छन् । दाेस्राे स्थानमा रहेकाे जसपाका उम्मेदवार बशिष्ट गुप्ता ७७ मतान्तरले पछाडि परेका छन् ।

वडा नम्बर १ देखि ४ सम्मका ९ हजार एक सय ८६ मत गन्दा कांग्रेसका पटेल जसपाका गुप्ताभन्दा ७७ मतान्तरले अगाडि छन् । पटेलले तीन हजार २ सय ५९ मत ल्याएका छन् । गुप्ताले तीन हजार एक सय ८२ मतसहित पछ्याइरहेका छन् । ७ हजार ७ सय २८ मत गन्दासम्म पटेल २ सय १२ मतान्तरले अगाडि थिए । नेकपा (एमाले)का उमेदवार राजेशकुमार चौरसिया एक हजार एक सय ५२ मतसहित तेस्रो स्थानमा छन् ।

अन्तिम ५ नम्बरकाे वडाकाे मतगणना पनि सुरु भएकाे छ । पाँच वडा रहेको गाउँपालिकामा अबको नेतृत्व यही वडाको मतगणनाले निर्धारण गर्नेछ ।

उपाध्यक्षमा पनि कांग्रेसकी उमेदवार राजमतीदेवी चौरसियाले तीन हजार ६ सय ३० मतका साथ अग्रता लिएकी छन् । जसपाकी उमेदवार सहानी खातुन तीन हजार २ सय ४८ मतका साथ दोस्रो र एमालेकी अंशु आनन्दले ७४६ मत साथ तेस्राे स्थानमा छन् ।

गाउँपालिका अन्तर्गतका मतगणना सम्पन्न वडा मध्ये दुई वटामा जसपा, एक वटामा एमाले र एक वटा कांग्रेसका उम्मेदवार विजयी भएका छन् । वडा नं. १ मा जसपाका लालबाबु प्रसाद चाैरसिया, वडा नं. २ मा एमालेका साेनालाल चाैरसिया, वडा नं. ३ मा जसपाका संजय पटेल र वडा नं. ४ मा कांग्रेसका संजय साह गाेढ विजयी  भइसकेका छन् ।

कालिकामाई ३ काे वडाध्यक्षमा पुन: जसपाका पटेल विजयी

0

वीरगंंज । पर्साकाे कालिकामाई गाउँपालिका वडा नं. ३ काे अध्यक्षमा पुन: संजय कुमार पटेल निर्वाचित भएका छन् । जनता समाजवादी पार्टी (जसपा) नेपालका उम्मेदवार पटेल ६५० मत ल्याएर वडाध्यक्षमा विजयी भएकाे निर्वाचन अधिकृतकाे कार्यालय कालिकामाईले जनाएकाे छ ।

उनकाे निकटतम् प्रतिद्वन्दी नेपाली कांग्रेसका रामशिष प्रसाद बरैई ५६३ मत ल्याएका छन् । पटेल ८७ मत अन्तरले विजयी भएका हुन् । पटेल यस अघिकाे २०७४ सालकाे निर्वाचनमा पनि तत्कालिन संघिय समाजवादी फाेरम नेपाल र हालका जसपाबाट नै विजयी भएका थिए ।

नेपाल सुशासन पार्टीका दिनेश प्रसाद कुर्मी ३२३ मत, नेकपा एमालेका राजेश प्रसाद कुर्मी ८७ मत, नेकपा माओवादी केन्द्रका अमरदिप पटेल कुर्मी ५ मत र स्वतन्त्र उम्मेदवार कामेश्वर साह तेली एक मत पाएका छन् ।

गाउँपालिका अध्यक्षमा सब भन्दा बढी जसपाका बशिष्ट गुप्ताले ७११ मत, कांग्रेसका अजय पटेलले ३५६ मत, एमालेका उम्मेदवार निर्वतमान गाउँपालिका उपाध्यक्ष राजेशिया ११३ मत पाएका छन् ।

उपाध्यक्षमा सब भन्दा बढी जसपा कै सहाना खातुन ६९५ मत, कांग्रेसकी राजमति बरैइनी ४६५ मत र एमालेकी अंशु आनन्दले १०० मत पाएका छन् । 

परवानीपुरकाे अध्यक्षमा एमालेका कुर्मी र उपाध्यक्षमा कनुइन विजयी

0

वीरगंज । बाराकाे परवानीपुर गाउँपालिका अध्यक्षमा नेकपा एमालेका रामक्षत्री प्रसाद कुर्मी विजयी भएका छन् । कुर्मीले २९१७ मत ल्याएर विजयी भएकाे निर्वाचन अधिकृतकाे कार्यालय परवानीपुरले जनाएकाे छ ।

उनकाे निकटतम् प्रतिद्वन्दी लाेकतान्त्रिक समाजवादी पार्टी (लाेसपा) नेपालका जगत नारायण महताे २४४३ मत ल्याएका छन् । कुर्मी ४७४ मत अन्तरले विजयी भएका हुन् । 

नेपाली कांग्रेसका लालबाबु प्रसाद यादव २४२६ मत, जनता समाजवादी पार्टी (जसपा) नेपालका सन्जु साह कानु १९६६ मत, नकपा माओवादी केन्द्रका अजय कुमार कुर्मीले ८६७ मत, राष्ट्रिय प्रजातन्त्र पार्टी (राप्रपा) का महाविर प्रसाद यादव १०९ मत, स्वतन्त्र उम्मेदवार राजेश कुमार साह ८१, जनमत पार्टी (जपा) का पृथ्वी नारायण यादव ६६ मत र नेकपा एकीकृत समाजवादीका ओमप्रकाश राउत कुर्मी ५२ मत पाएका छन् ।

गाउँपालिका उपाध्यक्षमा  एकाले कै सुगान्धी देवी कनुइन विजयी भएकी छन् । कनुइन ३२३२ मत ल्याएर विजयी भएकाे निर्वाचन अधिकृतकाे कार्यालयले जनाएकाे छ ।

उनकाे निकटतम् प्रतिद्वन्दी लाेसपाकी सावित्री देवी २३८७ मत, कांग्रेसकी कुराननेसा खातुन २१९४, जसपाकी बिन्दु कुमारी देवी १५७३ मत, माओवादी केन्द्रकी सिता देवी चाैहानले १०५२ मत, राप्रपाकी वविता देवी धनुकाइन १०७ मत, जपाकी कलावती यादव ९४ मत र नेकपा एसकी  रामकली देवी कनुइन ५३ मत पाएका छन् । 

सरकारी जागिर छाडेर चुनाव लडेका कुशवाहा नगर प्रमुखमा विजयी

0

वीरगंज । सर्लाहीकाे बलरा नगरपालिकाकाे प्रमुखमा सरकारी सागिर छाडेर चुनाव लडेका रामशंकर कुशवाहा विजयी भएका छन् । नेकपा माओवादी केन्द्रबाट चुनाव लडेका कुशवाहा ४६४३ मत ल्याएर विजयी भएकाे निर्वाचन अधिकृतकाे कार्यालय बलराले जनाएकाे छ ।

उनकाे निकटतम् प्रतिद्वन्दी लाेकतान्त्रिक समाजवादी पार्टी (लाेसपा) नेपालका अभय कुमार सिंह ३६३१ मत प्राप्त गरेका छन् । नेपाली कांग्रेसका काैशल किशाेर सिंह २६८१ मत, जनता समाजवादी पार्टी (जसपा) नेपालका नागेन्द्र झा २४५५, नेकपा एमालेका सचित्र सहनी १०८७ र जनमत पार्टीका संजय कुमार सिंह ७६१ मत पाएका छन् ।

नगर प्रमुखमा विजयी कुशवाहा शिक्षककाे स्थायी जागिरबाट राजिनामा दिएर चुनाव लडेका थिए ।

नगर उप प्रमुखमा माओवादी केन्द्रकी काेशिला देवी विजयी भएकी छन् । उप प्रमुखमा काेशिला ४३५१ मत ल्याएर विजयी भएकी निर्वाचन अधिकृतकाे कार्यालयले जनाएकाे छ ।

उनकाे निकटतम् प्रतिद्वन्दी लाेसपाकी रागनी देवी ३७४० मत, कांग्रेसकी किरण देवी ३०८७ मत, जसपाकी हेमन कुमारी २१०७ मत पाएका छन् ।

कालिकामाई २ काे वडाध्यक्षमा पुन: चाैरसिया विजयी

0
वीरगंज । पर्साकाे कालिकामाई गाउँपालिका वडा नं. २ भेडिहारीकाे वडाध्यक्षमा पुन: साेनालाल चाैरसिया विजयी भएका छन् । नेकपा एमालेका उम्मेदवार चाैरसिया ५७२ मत ल्याएर विजयी भएकाे निर्वाचन अधिकृतकाे कार्यालय कालिकामाईले जनाएकाे छ ।
 
उनकाे निकटतम् प्रतिद्वन्दी नेकपा (एकीकृत समाजवादी)का डा. दिलिप कुशवाहा ५१७ मत ल्याएका छन् । चाैरसिया ५५ मत अन्तरले विजयी भएका हुन् । डा. कुशवाहा निर्वतमान गाउँपालिका अध्यक्ष स्व. नथुनी प्रसाद कुशवाहाका छाेरा हुन् ।
 
२०७४ सालकाे स्थानिय तह निर्वाचनमा चाैरसिया जनता दलबाट वडाध्यक्षमा निर्वाचित भएका थिए । 
 
नेपाली कांग्रेसका रामराज चाैरसिया ५०७ मत, लाेकतान्त्रिक समाजवादी पार्टी (लाेसपा) का माओ कुशवाहा ४५३ मत, जसपाका ताजिन्द्र साह कलवार २७२ मत र नेपाल सुशासन पार्टीका पप्पु खाँ २४७ मत प्राप्त गरेका छन् ।
 
वडा सदस्यमा कांग्रेसका उम्मेदवार विजय सहनी मलाह ५१७ मत ल्याएर र कांग्रेस कै विजय प्रसाद लाेहारले ५९२ मत ल्याएर विजयी भएका छन् । महिला सदस्यमा एमालेकी उम्मेदवार ग्यान्त्री देवी ५७५ मत ल्याएर र दलित महिला सदस्यमा कांग्रेसकी उम्मेदवार लालसा देवी चमइनले ५३७ मत ल्याएर विजयी भएका छन् ।
 
गाउँपालिका अध्यक्षमा सबै भन्दा बढी एमालेका उम्मेदवार निर्वतमान कार्यवाहक गाउँपालिका अध्यक्ष एवम् उपाध्यक्ष राजेश चाैरसिया ७७४ मत, कांग्रेसका अजय पटेल ७०८ मत र जसपाका बशिष्ट गुप्ताले ५७२ मत पाएका छन् ।
 
उपाध्यक्षमा सबै भन्दा बढी कांग्रेसकी उम्मेदवार राजमती बरैनी १०६९ मत, जसपाकी सहाना खातुन ७१४ मत र एमालेकी श्रीमती अंशु आनन्दले ३४८ मत पाएका छन् ।
 
वडाध्यक्ष र वडा सदस्यमा निर्वाचितहरुलाई आजै निर्वाचन अधिकृतकाे कार्यालयले प्रमाण पत्र समेत वितरण गरेकाे छ । निर्वाचन अधिकृत प्रकाश काेइराला र गाउँपालिका प्रमुख प्रशासकिय अधिकृत अमित कुमार गिरीले संयुक्त रुपमा वडाध्यक्षमा निर्वाचित चाैरसियासहितका वडा सदस्यहरुलाई निर्वाचित भएकाे प्रमाण पत्र वितरण गरेका थिए ।

छिपहरमाईमा धाँधली भएकाे भन्दै पुन: मतदान गराउन कांग्रेसकाे माग

0

वीरगंज । पर्साको छिपहरमाई गाउँपालिका वडा नम्बर २ को चेरगाहा मतदान केन्द्रमा पुन: मतदान गराउन नेपाली कांग्रेस माग गरेकाे छ । साेमबार वीरगंजमा पत्रकार सम्मेलन गर्दै नेपाली कांग्रेसका गाउँपालिका अध्यक्षका उम्मेदवार नविन सिंहले चेरगाहा मतदान केन्द्रकाे मतदानमा धाँधली भएकाे वताउँदै पुन: मतदान गराउन माग गरे ।

मतगणनाकाे क्रममा आइतबार दिउसाे नेकपा एमालेका उम्मेदवार निर्वतमान गाउँपालिका अध्यक्ष मनाेज गुप्ताकाे १५९० मत प्राप्त भए पनि मतपरिणाम इन्ट्री गर्ने क्रमचारीले १६२० मत इन्ट्री गरी निर्वाचन आयाेगमा समेत पठाएपछि नेपाली कांग्रेसले बिराेध गर्दै मतगणना कार्य स्थगित गराएको थियाे ।

गुप्ताको निर्देशनमा गाउँपालिका निमित्त प्रमुख प्रशासकीय अधिकृत समेत रहेका सहायक मतदान अधिकृत शम्भु साहले १५९० मत खसेको भएपनि इन्ट्री भने १६२० मतको गराएर मुचुल्का उठाएको आरोप सिंहको छ ।

मतदान र मतगणना दुवैमा धाधली गरिएको भन्दै कांग्रेसले विरोध गरेपछि छिपहरमाई गाउँपालिकाको मतगणना कार्य आइतबार दिउँसो २ बजेदेखि रोकिएको हो । 

पत्रकार सम्मेलनमा वाेल्दै सिंहले वडा नम्बर २ को चेरगाहा मतदान केन्द्रमा शुक्रबार भएको मतदान रद्ध गरेर पुन: मतदान गर्न माग गरे । उनले पुन: मतदान नगरे राेकिएकाे मतगणना हुन नदिने चेतावनी समेत दिए ।

मतदान र मतगणना दुवैमा एमालेका उम्मेदवार गुप्ताले धाँधली गरेको आरोप सिंहको छ । सिंहले भने,’ यदि चेरगाहा मतदान केन्द्रको मतदान रद्ध गरी पुन: मतदानको मिति घोषणा गरिएन भने अवस्था भयवाह हुनसक्छ, हामी जेल जान पनि तयार छौं ।’

सिंहले शुक्रबार भएको मतदानका क्रममा चेरगाहा मतदान केन्द्रमा एमालेका उम्मेदवार गुप्ताले गाउँपालिका कार्यालयमा आफूले करारमा नियुक्त गरेका कर्मचारीहरुमार्फत धाँधली गराई मतदाताभन्दा बढी संख्यामा मत खसाउन लगाएको आरोप लगाए । 

यसका साथै एमाले उम्मेदवार गुप्ताले मृत्यु भइसकेका मतदाताको नाममा पनि मत खसाउन लगाएको र त्यसको प्रमाण पनि आफूसँग सुरक्षित रहेको सिंहले दावी गरे ।

त्यहि बेला आफूहरुले विरोध गर्दा पनि कुनै सुनुवाइ नभएको भन्दै सिंहले अहिले मतगणनाका क्रममा पनि गुप्ताले करारमा नियुक्त गरेका कर्मचारीहरुले धाँधली गरेपछि आफूहरुले आइतबारदेखि मतगणना रोक्न लगाएको बताए । 

उनले मतदान र मतगणनामा धाँधली गर्ने कर्मचारी र एमाले अध्यक्ष उम्मेदवार गुप्तालाई तत्काल पक्राउ गरी कानुनी कारबाहीको दायरामा ल्याउन स्थानीय प्रशासनसँग माग पनि गरे । 

आफूले निर्वाचन कार्यालयसँग तीन दिनदेखि माग गर्दै आइरहे पनि कुनै सुननुवाई नभएपछि सोमबार पत्रकार सम्मेलन गर्न बाध्य भएको सिंहले बताए । 

सोमबारको पत्रकार सम्मेलनमा कांग्रेसका जिल्ला प्रवक्ता रमेश पाण्डे, पूर्व जिल्ला सचिव किशोरी साह कानुल, रामेश्वर महताे, दिपेन्द्र सिंह लगायतका नेता तथा कार्यकर्ताकाे पनि उपस्थिति रहेको थियो ।

पत्रकारलाई सहज सूचना उपलब्ध गराउन समाजवादी प्रेस संगठनकाे माग

0

वीरगंज । स्थानिय तह निर्वाचनकाे मतगणनाकाे सूचना पत्रकारलाई सहज तरिकाले उपलब्ध गराउन समाजवादी प्रेस संगठन नेपाल पर्साले माग गरेकाे छ । पर्सामा पत्रकारहरुले मतगणनाकाे सूचना पाउन कठिन भइरहेले संगठन पर्साका अध्यक्ष मनाेज पटेलले आज एक प्रेस विज्ञप्ती जारी गर्दै सहज सूचना उपलब्ध गराउन माग गरेका हुन् । 

पटेलद्वारा हस्ताक्षरित विज्ञप्तीमा निर्वाचन आयोगले आफ्नो गल्ती लुकाउन उम्मेदवार मनोनयनको बेलादेखि सूचना संकलनमा खटिएका पत्रकारहरुलाई अंकुश लगाउदैं आएको सबैमा सर्वविधितै छ । स्थानिय तहको निर्वाचनमा निर्वाचन आयोग तथा निर्वाचनमा खटिएका कर्मचारीेहरुको लापरवाहीका कारण देशका विभिन्न स्थानहरुमा चुनाव शान्तिपूर्ण एवं भयरहित वातावरणमा सम्पन्न हुन नसकेको ठहर रहेकाे जनाएकाे छ ।

जनतालाई सूचना प्राप्त गर्ने अधिकार संविधानले दिएको तथा सो कार्यमा खटिएको पत्रकारहरुलाई कुनै पनि बहानामा सूचना प्रवाहमा रोक लगाउन नहुने हो । पछिल्लो समयमा पर्साका पत्रकारहरुलाई निर्वाचनको मतगणनाको सूचना संकलनको क्रममा विभिन्न बहानामा मुख्य निर्वाचनको कार्यालय तथा निर्वाचन अधिकृतहरुले फोनमा धाकधम्कीपूर्ण व्यवहार गरी दुव्र्यवहार गर्नु, फोनमा सूचनामा माग गर्दा नदिनु, फोन नउठाउनु, निर्वाचन अधिकृतहरुले ह्वाट्सपमा आईडी काड माग गर्नु, वीरगंज महानगरपालिकाको मतगणना भईरहेको नृसिंह माविमा पत्रकारहरुलाई दुर्व्यवहार गरिएको घटनाप्रति समाजवादी प्रेस संगठनकाे गम्भीर ध्यानाकर्षण भएको जनाएकाे छ ।

बाध्य भएर पत्रकारहरुले गरेको पेन डाउनको क्रममा मुख्य निर्वाचनको कार्यालय पर्सासँग भएको सम्झौता तत्काल कार्यवन्यन गर्न गराउन समेत विज्ञप्ती मार्फत माग गरेकाे छ ।

यसका साथै प्रेस संगठनले पर्साको संचारकर्मीहरुलाई सहज वातावारणमा सूचना उपलब्ध गराउने व्यवस्था मिलाउन तथा १४ पालिकाकै ताजा मतपरिणामहरुलाई एकिकृत प्रणाली अन्तर्गत पत्रकारहरुलाई सूचना उपलब्ध गराउन मुख्य निर्वाचनको कार्यालय पर्सा र जिल्ला निर्वाचन कार्यालय पर्सासँग माग गरेकाे छ ।

जनतालाई सत्य तथ्य सूचना प्रदान गर्न अहोरात्र खटिएका पत्रकारहरुलाई कुनै पनि बहानामा धाकधम्की, दुर्व्यवहार अथवा सास्ती दिने प्रयास गरिए आन्दोलनमा उत्रिन बाध्य समाजवादी प्रेस संगठनले विज्ञप्ती मार्फत चेतावनी समेत दिएकाे छ ।