Date
मङ्ल, मंसिर १, २०८३
Tue, November 17, 2026
Home Blog Page 680

कांग्रेसका टिकट च्यातेका अन्सारी विवेकशिल साझाबाट विजयी

0

वीरगंज । बाराको फेटा गाउँपालिकामा अध्यक्ष र उपाध्यक्षमा विवेकशील साझा पार्टीका उम्मेदवार विजयी भएका छन् । गाउँपालिका अध्यक्षमा विवेकशील साझा पार्टीका रुस्तम अन्सारी र उपाध्यक्षमा सोही पार्टीका नीलम साह बिजयी भएका हुन ।

गाउँपालिका अध्यक्षमा अन्सारी ४ हजार ४८५ मत ल्याएर विजयी भएकाे निर्वाचन अधिकृतकाे कार्यालय फेटाले जनाएकाे छ । उनकाे निकटतम् प्रतिस्पर्धी नेकपा एमालेका निर्वतमान गाउँपालिका अध्यक्ष अमिरीलाल प्रसाद २ हजार ३९९ मत प्राप्त गरेका छन् । निर्वतमान अध्यक्ष अमिरिलाल भन्दा २ हजार ८६ मत बढी ल्याएर अन्सारी विजयी भएका हुन् ।

लाेकतान्त्रिक समाजवादी पार्टी (लाेसपा) नेपालका उम्मेदवार मदन प्रसाद साह कानु १ हजार ९८६ मत, जनता समाजवादी पार्टी (जसपा) नेपालका रामएकबाल प्रसाद तेली १ हजार ४५९ मत, नेपाली कांग्रेसका चन्देश्वर दुबे १ हजार ८६ मत, जनमत पार्टी (जपा) का जयप्रकाश कुमार साह ४३२ मत र नेकपा एकीकृत समाजवादीका अरविन्द प्रसाद साह ३४३ मत पाएका छन् ।

उपाध्यक्षमा विवेकशिल साझा कै निलम साह ३ हजार ५७० मत ल्याएर विजयी भएकी छन् । उनकाे निकटतम् प्रतिद्वन्दी एमालेकी कमरुन खातुन २ हजार ३३३ मत प्राप्त गरेकी छन् । खातुन भन्दा १ हजार २३७ मत बढी ल्याएर साह विजयी भएकी हुन् ।

लाेसपाकी वेनजिरा खातुन १ हजार ७९५ मत, जसपाकी हुसन तायवा खातुन १ हजार ३७९ मत, जपाकी रम्भा देवी १ हजार ९० मत, कांग्रेसकी बसरा खातुन ८६९ मत र नेकपा एसकी प्रभावती देवी कलवार ३६६ मत पाएका छन् । 

गाउँपालिकामा निर्वाचितहरुलाई निर्वाचन कार्यालयले प्रमाण पत्र समेत वितरण गरिसकेकाे निर्वाचन अधिकृत गोपीकृष्ण रेग्मीले जानकारी दिए ।

गाउँपालिका अध्यक्षमा निर्वाचित अन्सारीले आफूले चुनावमा वाचा गरेका सबै वाचा पूरा गरेर देखाउने प्रतिबद्धता व्यक्त गरे । उनले यो जीत आफ्नो नभएर पूरा फेटा गाउँबासीको जीत भएको र सबैलाइ समेटेर अगाडि बढ्ने बताए ।

साथै उनले निर्वाचनलाई निश्पक्ष, स्वच्छ, शान्तिपूर्ण रूपमा निर्वाचन सम्पन्न गराई समयमै नतिजा प्रकाशीत गराएकोमा यहाँको राजनीतिक दल, सुरक्षाकर्मी, निर्वाचन अधिकृत, पालिकाका प्रतिनिधि, सञ्चारकर्मी लगायत सम्पूर्ण पालिका बासीबहुरुलाई धन्यवाद समेत दिए ।

अन्सारीलाई गाउँपालिका अध्यक्षकाे कांग्रेसले समेत टिकट दिएकाे थियाे । लामाे समय कांग्रेस मै रहेर सक्रिय राजनीति गरेकाे अन्सारीलाई गाउँपालिका अध्यक्षकाे कांग्रेसले टिकट दिए पनि उनी निकटकाहरुलाई वडाध्यक्षकाे टिकट नदिए पछि उनी कांग्रेसले दिएकाे टिकट च्यातेर विवेवशिल साझाबाट उम्मेदवारी दिएका थिए ।

७ वटा वडा रहेकाे गाउँपालिकाकाे जसपा, लाेसपा, विवेकशिल साझा २/२ वडामा र एउटा वडामा एमालेका उम्मेदवार विजयी भएका छन् ।

वडा नं. १ काे वडाध्यक्षमा जसपाका विगन दास तत्मा, २ मा एमालेका नरेश प्रसाद, ३ मा विवेकशिल साझाका प्रहलाद प्रसाद साह तेली, ४ मा लाेसपाका वकिल प्रसाद यादव अहिर, ५ मा जसपाका एेबुब मियाँ अंसारी, ६ मा विवेकशिल साझा कै अमीर हमजा ठकुराई र ७ मा लाेसपाका पप्पु सिंह विजयी भएका छन् ।

पराजित र जितेका वडाध्यक्ष समर्थक बिच झडप, ६ जना घाइते

0

वीरगंज । वीरगंज महानगरपालिका वडा नम्बर २७ मा चुनावकाे विषयलाई लिएर झडप हँदा आधा दर्जन भन्दा बढी ब्यक्ति घाइते भएका छन् । वीरगंज २७ को वडा अध्यक्षमा कांग्रेसका हृदयनारायणप्रसाद कुर्मी विजयी भएपछि एमालेका उम्मेदवार निवर्तमान वडाध्यक्ष प्रदीप कुमार यादवका समर्थक र कांग्रेस समर्थक बिच झडप भएकाे हाे ।

झडपमा परी स्थानीय ५८ वर्षीय नेमा रेशा, ३० वर्षीया आयसा भन्ने मुन्नी खातुन, ४० वर्षीय मलिक नुनिया, १८ वर्षीय मोहमद नुराइन, ४२ वर्षीय मोहमद मियाँ र  १९ वर्षीय जाहिर हवारी घाइते भएका हुन् । उनीहरु मध्ये अधिकांशको टाउकोमा चोट लागेको छ । 

घाइते सबैको अवस्था सामान्य रहेको प्रहरीले जनाएको छ । घाइतेमध्ये ४ जना उपचारपछि घर फर्किए सकेका तथा महम्मद मियाँ र आयसा खातुनको वीरगंजस्थित नारायणी अस्पतालमै उपचार भइरहेको प्रहरीले जनाएको छ ।

वडाकाे धाेबियापटी टाेलममा एमाले उम्मेदवार समर्थक एक महिलाले बिहिबार सांझ गाली गलाैज गरेपछि कांग्रेस समर्थकसंग विवाद भएकाे थियाे । वडामा पराजित भएका एमाले समर्थक ति महिलाले पैसा पनि लिएर भाेट नदिएकाे भन्दै गालीगाैलज गर्न थालेपछि कांग्रेस समर्थकसंग विवाद भएकाे थियाे ।

स्थानियहरुले गाली गालाैज किन गरेकाे भन्दै साेधेपछि ति महिलाले पराजित भएका एमालेका वडाध्यक्षका उम्मेदवार प्रदिपलाई फाेन गरेर बाेलाएकी थिइन । त्यसकाे केही बेर मै प्रदिप आफ्नाे समर्थकसंग पुगेपछि विवाद हुँदा झडप समेत हुन पुगेकाे स्थानियहरुले वताएका छन् । 

साेही क्रममा वडाध्यक्षमा विजयी भएकाे कांग्रेस समर्थकले विजय जुलुश पनि निकालेकाे थियाे । तर जुलुश साे टाेलमा नपुग्दै झडप हुन पुगेकाे स्थानियहरुकाे भनाई छ । स्थानियहरुका अनुसार झडमा परी केही स्थानियहरु पनि घाइते भएका छन् ।

वीरगंज २७ को वडाध्यक्षमा १ हजार ५१६ मतका साथ कांग्रेसका कुर्मी विजयी भएका थिए । निवर्तमान वडाध्यक्ष एंव एमाले उम्मेदवार यादव भने कुर्मीभन्दा ४०५ मत कम अर्थात १ हजार ११६ मत पाएर पराजित भएका थिए । 

प्रहरीले घटनामा संलग्न भएको आरोपमा वडाध्यक्षमा पराजित यादवसहित तीन जनालाई नियन्त्रणमा लिएको छ । यादवसहित ३३ वर्षीय नुर महमद र ३५ वर्षीय शर्माप्रसाद कुशवाहालाई प्रहरीले नियन्त्रणमा लिएको हो । 

घाइतेहरुले आक्रमणमा वडाध्यक्षमा पराजित निवर्तमान वडाध्यक्ष यादवको प्रत्यक्ष संलग्नता रहेको आरोप लगाएपछि सोधपुछका लागि उनीसहित ३ जनालाई ल्याइएको पर्साका प्रहरी प्रवक्ता प्रहरी नायव उपरीक्षक ओमप्रकाश खनालले जानकारी दिए । 

जगरनाथपुर गापाकाे अध्यक्षमा कांग्रेसका यादवकाे सान्दार जित

0

वीरगंज । पर्साको जगरनाथपुर गाँउपालिका अध्यक्ष र उपाध्यक्षमा नेपाली कांग्रेसका उम्मेदवार विजयी भएका छन् । गाँउपालिका अध्यक्षमा कांग्रेसका उम्मेदवार श्रीकान्त यादव र उपाध्यक्षमा पनि कांग्रेसकी बबिता सिंह निर्वाचित भएका हुन् ।

अध्यक्षमा निर्वाचित यादवले ५ हजार ७४९ मत पाउँदा उनका निकटतम प्रतिद्वन्द्वी निर्वतमान गाउँपालिका अध्यक्ष जालीम मियाँका भाई एवम् एमाले उम्मेदवार महम्मद सलिम मन्सुर ३ हजार ९२६ मत मात्रै पाएका छन् । यादवले मन्सुरलाई १ हजार ८२३ मतको फराकिलो अन्तरले पराजित गरेका हुन् । जसपाका उम्मेदवार कृष्णमोहनप्रसाद यादवले ३ हजार ४४७ मत पाएका छन् । 

पहिलेका माओवादी र अहिलेका एमाले नेता रहेका जालीमकाे विरासत कांग्रेस पर्सा क्षेत्र नं. ४ काे सभापति समेत रहेका श्रीकान्त ढालन सफल भएका छन् ।  

आफू संघीय संसदमा चुनाव लड्ने तयारीमा रहेका निवर्तमान अध्यक्ष जालीमले स्थानीय तह निर्वाचनमा भने आफ्ना भाइ महम्मद सलिम मन्सुरलाई एमालेबाट गाँउपालिका अध्यक्षको उम्मेदवार बनाएका थिए । तर पटक-पटक गाविस अध्यक्ष र एक पटक गाँउपालिका अध्यक्षसमेत जितिसकेका जालीम, यसपालि भने आफ्नै पालिकामा आफ्नो विरासत जोगाउन असफल भएका छन् ।

२०७४ को निर्वाचनमा भने जालीम ३ हजार ४१ मतका साथ गापा अध्यक्षमा निर्वाचित हुँदा काँग्रेसका यादव भने २ हजार ९८६ मत प्राप्त गरी तेश्रो स्थानमा रहेका थिए ।

मुख्यमन्त्री राउतकी पत्नि उपाध्यक्षमा पराजित

जगरनाथपुर गाँउपालिकाको उपाध्यक्षमा मधेस प्रदेशकी मुख्यमन्त्री लालबाबु राउतकी पत्नि जलेखा खातुन पनि पराजित भएकी छन् । उपाध्यक्षमा कांग्रेसकी उम्मेदवार बबिता सिंह निर्वाचित भएकी छन् ।

जसपाबाट उम्मेदवार बनेकी मुख्यमन्त्री राउतकी पत्नि जलेखा खातुनलाई २ हजार १८६ मतको  फराकिलो अन्तरले पराजित गर्दै कांग्रेसकी बबिता उपाध्यक्षमा निर्वाचित भएकी हुन् ।

बबिताले ५ हजार ५३१ मत पाउँदा मुख्यमन्त्री पत्नि जलेखा खातुनले भने ३ हजार ३४६ मत मात्रै पाएकी छन्।  यसअघि जसपाबाटै उपाध्यक्षमा निर्वाचित भएकी बिस्मिल्लाह खातुनलाई टिकट नदिइ जसपाले मुख्यमन्त्री राउतको जोडबलमा उनकी पत्नि जलेखालाई उम्मेदवार बनाउने तयारी गरेपछि मनोनयनको अन्तिम समयमा बिस्मिल्लाह जसपा छाडेर माओवादी केन्द्रमा प्रवेश गरेकि थिइन् ।

४ वडामा कांग्रेस र २ वडामा एमाले विजयी

६ वटा वडा रहेकाे गाउँपालिकाकाे ४ वटा वडामा कांग्रेस र २ वटा वडामा एमालेका उम्मेदवार विजयी भएका छन् ।

वडा नं. १ काे वडाध्यक्षमा कांग्रेसका लक्ष्मी साह तेली, २ मा कांग्रेस कै नेपाली प्रसाद कुशवाहा, ३ मा कांग्रेस कै सुभाष कुमार यादव, ४ मा एमालेका प्रभुनाथ प्रसाद नुनिया, ५ मा कांग्रेस कै विहारी महताे नुनिया र ६ मा एमालेका अयाेध्या प्रसाद कुर्मी विजयी भएका छन् ।

१ मतले पुन: कुर्मी विजयी  

जगरनाथपुर गाउँपालिका वडा नं. ६ काे वडाध्यक्षमा पुन: अयाेध्य प्रसाद कुर्मी विजयी भएका छन् । कांग्रेसका उम्मेदवार लक्ष्मण प्रसाद कुर्मीलाई १ मतले हराउँदै एमालेका उम्मेदवार अयाेध्या विजयी भएका हुन् ।

अयाेध्या ९०४ मत ल्याएर विजयी भएका छन् भने उनकाे निकटतम् प्रतिद्वन्दी लक्ष्मणले ९०३ मत प्राप्त गरेका छन् । वडाध्यक्षका अर्का उम्मेदवार जसपाका रमेश गिरीले ५६१ मत पाएका छन् ।

वडाध्यक्षमा पराजित रमेश गिरी प्रदेश सभा सदस्य प्रहलाद गिरीका छाेरा हुन् । तत्कालिन संघिय समाजवादी फाेरमाबाट निर्वाचित गिरी अहिले लाेसपामा छन् । तर उनकाे छाेरा रमेश जसपाबाट वडाध्यक्षमा चुनाव लडेका थिए । 

एमालेका अयाेध्या विजयी भएकाे वडा कांग्रेस पर्साका सभापति जनार्दन सिंह क्षेत्रीकाे वडा पनि हाे । 

बहुदरमाईकाे प्रमुखमा जसपा र उप प्रमुखमा एमाले विजयी

0

वीरगंज । पर्साकाे बहुदरमाई नगरपालिका प्रमुखमा जनता समाजवादी पार्टी (जसपा) नेपाल र उप प्रमुखमा नेकपा एमालेका उम्मेदवार विजयी भएका छन् ।

नगर प्रमुखमा जसपाका सिंगासन साह तेली ३४६ मतले विजयी भएका हुन् । तेलीले ६ हजार ४ मत ल्याएर विजयी भएकाे निर्वाचन कार्यालयले जनाएकाे छ । उनकाे निकटतम् प्रतिस्पर्धी नेकपा एमालेका शिव पटेलले ५ हजार ६ ५८ मत प्राप्त गरेका छन् ।

नेपाली कांग्रेसका निर्वतमान नगर प्रमुख नितेन्द्र साहले ५ हजार ५ सय १६ मत प्राप्त गरी तेस्राे स्थानमा पुगेका छन् । नेकपा एकीकृत समाजवादीका माेहन प्रसाद यादव २ सय ६१ मत, नेकपा माओवादी केन्द्रका शिवशंकर प्रसाद यादव २५० मत र जनमत पार्टीका बिरेन्द्र प्रसाद ११४ मत पाएका छन् ।

नगर उप प्रमुखमा एमालेकी सुस्मा कुमारी कुशवाहा ६ हजार ४ सय ४० मत ल्याएर विजयी भएकी छन् । उनकाे निकटतम् प्रतिद्वन्दी नेपाली कांग्रेसकी साेनामती यादव ५ हजार ५ सय २५ मत पाएकी छन् । नगर उप प्रमुखमा सुस्मा ९१५ मतान्तरले विजयी भएकी हुन् ।

जसपाकी शान्ति कुशवाहा ४ हजार ५ सय ६६ मत, नेकपा एसकी सिता देवी साह ४ सय १९ मत, माओवादी केन्द्रकी विद्यावती देवी २ सय ७६, जनमत पार्टीकी सारधा देवी १ सय ३० र नेपाल सुशासन पार्टीकी शिवराती देवी ४६ मत पाएका छन् । 

९ वटा वडा रहेकाे नगरपालिकाकाे ४ वटामा कांग्रेस, ३ वटामा एमाले र एक वटामा स्वतन्त्र उम्मेदवार विजयी भएका छन् ।

वडा नं. १ काे वडाध्यक्षमा कांग्रेसका प्रमाेद यादव, २ मा कांग्रेस कै जितेन्द्र पटेल, ३ मा एमालेका दिनेश यादव, एमाले कै सुरेन्द्र यादव, ५ मा एमालेका सुनिल कुशवाहा, ६ मा स्वतन्त्र उम्मेदवार प्रमाेद प्रसाद साह, ७ मा जसपाका बिरेन्द्र यादव, ८ मा नेपाली कांग्रेसका पुनिलाल साह तेली र ९ मा कांग्रेस कै रविन्द्र कुमार गुप्ता विजयी भएका छन् ।

पाेखरियाकाे प्रमुख र उप प्रमुखमा एमालेका उम्मेदवार विजयी

0

वीरगंज । पर्साको पोखरिया नगरपालिका प्रमुख र उपप्रमुखमा एमालेका उम्मेदवार विजयी भएका छन् । प्रमुखमा प्रदुमनप्रसाद चौहानले कांग्रेसका दीपनारायण रौनियारलाई २ हजार ४ सय ३३ मतान्तरले पराजित गरेका हुन् । 

संविधानसभा सदस्यसमेत रहेका चौहानले ५ हजार ५५४ मत ल्याएका छन् । पोखरियाका निवर्तमान मेयरसमेत रहेका रौनियारले ३ हजार १ सय २१ मत ल्याए ।

नेपाल सुशासन पार्टीका शंकर राउत अहिर २ हजार ९ सय ९ मत, लाेकतान्त्रिक समाजवादी पार्टी (लाेसपा) नेपालका नेजामुदिन सम्मानी २ हजार ६ सय १५ मत, जनता समाजवादी पार्टी (जसपा) नेपालका राजु साह तेली ८ सय ५८ मत र राष्ट्रिय प्रजातन्त्र पार्टीका जिवन ज्याेति पासवान ४७ मत पाएका छन् ।

उप्रमुखमा एमालेकी रुवी ठाकुरले कांग्रेसकी रेहाना खातुनलाई १ हजार २ सय ६६ मतान्तरले पराजित गरेकी छन् । ठाकुरले ५ हजार १ सय ९५ मत ल्याएकी छन् भने खातुनले ३ हजार ९ सय २९ मत ल्याएकी निर्वाचन कार्यालयले जनाएको छ ।

लाेसपाकी आशा कुमारी चाैहान २ हजार ४ सय ६५ मत, सुशासन पार्टीकी वीणा देवी २ हजार २ सय ४९ मत र जसपाकी रेनु देवी ६ सय ४३ मत पाएका छन् ।

१० वडा रहेको पोखरिया नगरपालिकामा कांग्रेसले ५, एमालेले ४ र नेपाल सुशासन पार्टीले एउटा वडाध्यक्ष जितेका छन् ।

वडा नं. १ मा एमालेका प्रमाेद गिरी, २ मा एमाले कै केदार महताे चाई, ३ मा एमाले कै रामप्रबेश प्रसाद चाई, ४ मा कांग्रेका लक्ष्मण साह कानु, ५ मा एमाले कै महिन्द्र महताे चाई, ६ मा कांग्रेसका सियानन्द प्रसाद चाैहान, ७ मा कांग्रेस कै परमानन्द प्रसाद कुर्मी, ८ मा कांग्रेस कै किशाेरी साह, ९ मा सुशासन पार्टीका नाैसाद आलम र १० मा कांग्रेस कै साेनालाल प्रसाद गाेढ विजयी भएका छन् ।

बिन्दबासिनीकाे अध्यक्षमा लाेसपा र उपाध्यक्षमा एमाले विजयी

0
वीरगंज । पर्साकाे बिन्दवासिनी गाउँपालिका अध्यक्षमा लाेकतान्त्रिक समाजवादी पार्टी (लाेसपा) नेपालका प्रमाेद तिवारी र उपाध्यक्षमा नेकपा एमालेकी ज्याेति देवी चाैरसिया विजयी भएका छन् ।
 
गाउँपालिका अध्यक्षमा लाेसपाका उम्मेदवार तिवारी ४ हजार १४१ मत ल्याएर विजयी भएकाे निर्वाचन अधिकृतकाे कार्यालय बिन्दबासिनीले जनाएकाे छ । उनकाे निकतम् प्रतिद्वन्दी नेपाली कांग्रेसका विवेक चाैरसिया ३ हजार ४६८ मत प्राप्त गरेका छन् । तिवारी ६७३ मतले विजयी भएका हुन् ।
 
एमालेका गम्भिरा साह तेली १ हजार ८८९, जनता समाजवादी पार्टी (जसपा) नेपालका निर्वतमान गाउँपालिका अध्यक्ष श्रीलाल साह कानु १ हजार २ सय ९२ मत र नेपाल सुशासन पार्टीका मधुसुधन चाैरसिया ५९९ मत ल्याएका छन् ।
 
गाउँपालिका उपाध्यक्षमा एमालेकी ज्याेति देवी चाैरसिया २ हजार ३६६ मत ल्याएर विजयी भएकी छन् । उनकाे निकटतम् प्रतिद्वन्दी नेकपा माओवादी केन्द्रकी सुनिता चाैरसिया २ हजार २८७ मत प्राप्त गरेका छन् । एमालेकी ज्याेति माओवादीकी ज्याेति भन्दा ७९ मत बढी ल्याएर विजयी भएकी हुन् ।
 
कांग्रेसकी किरण देवी गुप्ता २‍ हजार २८१ मत, लाेसपाकी अनिता देवी गुप्ता १ हजार ६११ मत र जसपाकी मिरा ठाकुर १२०८ मत पाएका छन् ।
 
५ वटा वडा रहेकाे गाउँपालिकाकाे ३ वटा वडामा कांग्रेस र एक/एक वटा वडामा जसपा र माओवादी विजयी भएकाे छ । 
 
वडा नं. १ काे वडाध्यक्षमा जसपाका अकक्षय लाल महताे, वडा नं. २ मा कांग्रेसका मुक्तीनाथ प्रसाद कुर्मी, वडा नं. ३ मा कांग्रेस कै जयप्रकाश चाैरसिया, वडा नं. ४ मा पुन: कांग्रेस कै अनाेज चाैरसिया र वडा नं. ५ मा माओवादी केन्द्रका माेहन राउत अहिर विजयी भएका छन् । 
 

बहुदरमाई ६ मा कांग्रेसले टिकट नदिएपछि स्वतन्त्र लडेका साह विजयी

0

वीरगंज । पर्साकाे बहुदरमाई नगरपालिका वडा नं. ६ काे अध्यक्षमा स्वतन्त्र उम्मेदवार प्रमाेद प्रसाद साह विजयी भएका छन् । नेपाली कांग्रेसले टिकट नदिएपछि वडाध्यक्षमा स्वतन्त्र चुनाव लडेका साह ३ सय मतले विजयी भएका हुन् ।

साहले ८४० मत ल्याएर विजयी भएकाे निर्वाचन अधिकृतकाे कार्यालय बहुदरमाईले जनाएकाे छ । उनकाे निकटतम् प्रतिद्वन्दी नेकपा एमालेका केदारनाथ तिवारी ५४० मत प्राप्त गरेका छन् ।

वडाध्यक्षका कांग्रेसका उम्मेदवार रामप्रसाद यादव ५२८ मत, जनता समाजवादी पार्टीका प्रभु प्रसाद कानु ८३ मत र जनमत पार्टीका हृदय प्रसाद ४ मत पाएका छन् ।

वडाध्यक्षमा निर्वाचित साह प्रदेश सभा सदस्य राजेश्वर साहका भाई हुन् ।

पकहा मैनपुरमा पुरै प्यालनसहित कांग्रेस विजयी

0
गाउँपालिका अध्यक्षमा निर्वाचित सुरेश, उपाध्यक्षमा निर्वाचित सरफुन र क्रमश एक देखी ५ नम्बर वडाध्यक्षमा निर्वाचित वडाध्यक्षहरु । तस्बिर : कालिका टाईम्स

वीरगंज । पर्साकाे पकहा मैनपुरमा गाउँपालिकाकाे सम्पूर्ण वडासहित गाउँपालिकामा कांग्रेस विजयी भएकाे छ । गाउँपालिका अन्तर्गतकाे सम्पूर्ण वडाकाे वडाध्यक्षसहित गाउँपालिका अध्यक्ष र उपाध्यक्षमा कांग्रेसका उम्मेदवार विजयी भएका हुन् ।

गाउँपालिका अध्यक्षमा कांग्रेसका सुरेश मेहता २ हजार १५६ मतले विजयी भएका छन् । मेहताले ४ हजार ६८५ मत ल्याएर विजयी भएकाे निर्वाचन अधिकृतकाे कार्यालय पकहा मैनपुरले जनाएकाे छ ।

उनकाे निकटतम् प्रतिद्वन्दी जनता समाजवादी पार्टी (जसपा) नेपालका निर्वतमान गाउँपालिका अध्यक्ष २ हजार ५२९ मत मात्र प्राप्त गरेका छन् । गाउँपालिका अध्यक्षका अर्का उम्मेदवार नेकपा एमालेका राजेश सहनी  १ हजार २१७, नेपाल सुशासन पार्टीका प्रभु प्रसाद कुर्मी ४०७ मत, नेकपा एकीकृत समाजवादीका मदन हजारा दुसाद ३२६ मत र राष्ट्रिय प्रजातन्त्र पार्टी ज्याेति कुमारी १३ मत पाएका छन् ।

गाउँपालिका उपाध्यक्षमा कांग्रेस कै सरफुन नेसा ४ हजार १४१ मत ल्याएर विजयी भएका छन् । उनकाे निकटतम् प्रतिद्वन्दी एमालेकी निर्मला चाैरसिया १ हजार ८७२ मत प्राप्त गरेकी छन् । सरफुन २ हजार २६९ मतान्तरले विजयी भएका हुन् ।

जसपाकी जैबुन नेसा १ हजार ५७९ मत, सुशासन पार्टीकी अदेया देवी मेहता ४५६ मत, नेकपा एसकी नजमा खातुन ३११ मत, लाेसपाका कृष्ण प्रसाद कुर्मी २६१ मत, जनमत पार्टीका हरिशचन्द प्रसाद यादव ६५ र स्वतन्त्र उम्मेदवार मुक्तिनारायण प्रसाद चाैहान ३५ मत पाएका छन् ।

५ वटा वडा रहेकाे गाउँपालिका सबै वडाका अध्यक्षसहित दुई वडा सदस्य वाहेक सबै वडामा कांग्रेस कै उम्मेदवार विजयी भएका छन् ।

वडा नं. १ धाेरेकाे वडाध्यक्षमा कांग्रेस कै विनाेद मेहता, वडा नं. २ सुर्जाहाकाे वडाध्यक्षमा कांग्रेस कै संजय प्रसाद चाैहान, वडा नं. ३ पकहा मैनपुरकाे वडाध्यक्षमा कांग्रेस कै मुकुट प्रसाद चाैहान, वडा नं. ४ लहावरथकरीकाे वडाध्यक्षमा पुन: कांग्रेस कै ढेडी प्रसाद यादव र वडा नं. ५ सबैठवाकाे वडाध्यक्षमा कांग्रेस कै बलिराम प्रसाद बरै विजयी भएका हुन् ।  

यसैगरी वडा नं. २ काे महिला सदस्य र दलित महिला सदस्य वाहेक सबै वडामा कांग्रेस कै उम्मेदवारहरु विजयी भएकाे वताइएकाे छ । 

कालिकामाई ५ काे वडाध्यक्षमा जसपाका कुर्मी विजयी

0

वीरगंज । पर्साकाे कालिकामाई गाउँपालिका वडा नं. ५ काे अध्यक्षमा जसपाका जयनारायण प्रसाद कुर्मीसहित प्यानल विजयी भएकाे छ । वडाध्यक्षमा कुर्मी ७६६ मत ल्याएर विजयी भएका हुन् ।

उनकाे निकटतम् प्रतिद्वन्दी नेपाली कांग्रेसका माधाे कुमार चाैहान ५७६ मत प्राप्त गरेका छन् । कुर्मी १९० मतान्तरले चाैहालाई हराउँदै विजयी भएका हुन् । यस अघि २०७४ सालकाे निर्वाचनमा कुर्मी वडाध्यक्षमा चुनाव लडे पनि पराजित भएका थिए ।

नेकपा एमालेका उम्मेदवार हनिफ मियाँ १३५ मत, नेपाल सुशासन पार्टीका शिव महताे २५ मत, लाेकतान्त्रिक समाजवादी पार्टी (लाेसपा) नेपालका अनिता तिवारी ७ मत र राष्ट्रिय प्रजातन्त्र  पार्टीका जिताबाबु राम ४ मत पाएका छन् ।

वडा सदस्यमा जसपा कै मन्जित कुमार राउत ६८५ मत ल्याएर र रामप्रबेश प्रसाद कुर्मी ६५८ मत ल्याएर विजयी भएका छन् । महिला सदस्यमा जसपा कै ललिता देवी ७३६ मत साथ र दलित महिला सदस्यमा जसपा कै मालती देवी दुसादिन ७२३ मत ल्याएर विजयी भएका हुन् ।

यस वडाबाट गाउँपालिका अध्यक्षमा सब भन्दा बढी जसपाका बशिष्ट गुप्ताले ५६१ मत, कांग्रेसका अजय पटेलले ३६७ मत, नेकपा एमालेका राजेश चाैरसियाले १६५ मत र नेपाल सुशासन पार्टीका दिपु तिवारीले ४२२ मत पाएका छन् ।

उपाध्यक्षमा सब भन्दा बढी जसपाकी सहानी खातुन ६११ मत, कांग्रेसकी राजमती बरैनी ३५२ मत, एमालेकी श्रीमती अंशु आनन्दले ४७५ मत र सुशासन पार्टीका ५५ मत पाएका छन् ।

वडाध्यक्षमा निर्वाचित कुर्मीसहित वडा सदस्यहरुलाई आजै निर्वाचन कार्यालयले निर्वाचन भएकाे प्रमाण पत्र समेत वितरण गरेकाे छ । निर्वाचन अधिकृत प्रकाश काेइराला र प्रमुश प्रशासकिय अधिकृत अमित कुमार गिरीले संयुक्त रुपमा प्रमाण पत्र वितरण गरेका हुन् ।  

कालिकामाईकाे अध्यक्षमा जसपा र उपाध्यक्षमा कांग्रेस विजयी

0

वीरगंज । पर्साकाे कालिकामाई गाउँपालिका अध्यक्षमा जनता समाजवादी पार्टी (जसपा) नेपाल र उपाध्यक्षमा नेपाली कांग्रेसका उम्मेदवार विजयी भएका छन् ।

गाउँपालिका अध्यक्षमा जसपाका बशिष्ट गुप्ता ३ हजार ७४३ मत प्राप्त गरी विजयी भएकाे निर्वाचन अधिकृतकाे कार्यालय कालिकामाईले जनाएकाे छ । उनकाे निकटतम प्रतिस्पर्धी कांग्रेसका अजय पटेलले ३ हजार ६२६ मत प्राप्त गरेका छन् । २१ बर्षिय बशिष्ट ११७ मतान्तरले विजयी भएका हुन् ।

भारतकाे देहरादुनबाट बिबिए अध्ययन गरेका बशिष्ट एक बर्षदेखी घर मै बसेका थिए । बशिष्ट जसपाका गाउँपालिका अध्यक्ष दिनेश प्रसाद कलवारका भतिजाे हुन् ।  

गाउँपालिका अध्यक्षका अर्का उम्मेदवार नेकपा एमालेका निर्वतमान कार्यवाहक अध्यक्ष एवम् उपाध्यक्ष रजेश चाैरसिया १ हजार ३१७ मत, नेपाल सुशासन पार्टीका बलराम तिवारी (दिपु) ९५९ मत, लाेकतान्त्रिक समाजवादी पार्टी (लाेसपा) नेपालका प्रभुलाल प्रसाद चाैरसिया १३८ मत र नेकपा माओवादी केन्द्रका महिन्द्र राउत कुर्मी ३९ मत पाएका छन् ।

मतगणना सुरु भएदेखी नै कांग्रेसका अजय अग्रता कायम राखे पनि वडा नं. ५ बिरन्चिबर्वामा गएर जसपाका बशिष्टबाट पछाडी परेका थिए । एउँटै गाउँ मुडलीका रहेका बशिष्ट र अजय बिच सुरुदेखी अन्त सम्म कडा प्रतिस्पर्धा देखिएकाे थियाे ।

उपाध्यक्षमा कांग्रेसकी राजमती ३ हजार ९३३ मत ल्याएर विजयी भएका छन् । उनकाे निकटतम् प्रतिस्पर्धी जसपाकी सहानी खातुन ३ हजार ७५४ मत प्राप्त गरेका छन् । राजमती सुरुदेखी अन्तिम सम्म अग्र स्थानमा रहँदै विजयी भएका हुन् ।

उपाध्यक्षका अर्का उम्मेदवार नेकपा एमालेका श्रीमती अंशु आनन्दले ११४६ मत, सुशासन पार्टीकी नितु कुमारी ५७३ मत र लाेसपाका अनिला देवीले १२१ मत पाएका छन् ।

अध्यक्षमा निर्वाचित दल जसपाले उपाध्यक्षमा निर्वाचित राजमतीलाई टिकट नदिएपछि उनी कांग्रेस प्रबेश गरी टिकट लिन सफल भएकी थिइन ।

५ वटा वडा रहेकाे गाउँपालिकाकाे ३ वटा वडाध्यक्षमा जसपा, एक/एक वटामा एमाले र कांग्रेस विजयी भएकाे छ । 

वडा नं. १ मा जसपाका लालबाबु चाैरसिया, वडा नं. २ मा पुन: एमालेका साेनालाल चाैरसिया, वडा नं. ३ मा पुन: जसपाका संजय  पटेल, वडा नं. ४ मा कांग्रेसका संजय साह र वडा नं. ५ मा जसपा कै जयनारायण पटेल विजयी भएका छन् ।