Date
मङ्ल, मंसिर १, २०८३
Tue, November 17, 2026
Home Blog Page 679

पर्साका नवनिर्वाचित पालिका प्रमुखहरुकाे सपथ ग्रहण साेमबार हुने

0

वीरगंज । पर्साका नवनिर्वाचित पालिका प्रमुखहरुकाे सपथ ग्रहण जेठ ९ गते साेमबार हुने भएकाे छ । मतगणना सम्पन्न भइसकेका पर्साका १३ पालिका प्रमुखहरुकाे सपथ ग्रहण साेमबार हुने मुख्य निर्वाचन अधिकृतकाे कार्यालयले जनाएकाे छ ।

सपथ ग्रहणकाे लागि जिल्ला समन्वय समितिकाे कार्यालय पर्साले बैशाख ३० गते सम्पन्न भएकाे निर्वाचनकाे अन्तिम परिणाम आइसकेका १३ स्थानिय तहका प्रमुखहरुलाई सपथ ग्रहण कार्यक्रममा सहभागि हुन पत्रचार समेत गरिसकेकाे छ ।

साे पत्रचार अनुसार साेमबार जिल्ला समन्वय समिति पर्साकाे सभा हलमा पर्सा जिल्लाका वीरगंज महानगरपालिका वाहेका १० गाउँपालिका र ३ नगरपालिका प्रमुखहरुकाे सपथ ग्रहण हुने छ । 

पर्साकाे जिराभवानी गाउँपालिका प्रमुखमा कांग्रेसका अनाेज चाैधरी, कालिकामाई गाउँपालिका प्रमुखमा जसपाका बशिष्ट गुप्ता, पटेर्वा सुगाैली गाउँपालिका प्रमुखमा कांग्रेसका दिनेश चाैधरी, पकहा मैनपुर गाउँपालिका प्रमुखमा कांग्रेस कै सुरेश मेहता, पर्सागढी नगरपालिका प्रमुखमा एमालेका गाेकर्ण पाठक, जगरनाथपुर गाउँपालिका प्रमुखमा कांग्रेसका श्रीकान्त यादव, ठाेरी गाउँपालिका प्रमुखमा एमालेका लालबहादुर श्रेष्ठ, बहुदरमाई नगरपालिका प्रमुखमा जसपाका सिंगासन साह तेली, सखुवा प्रसाैनी गाउँपालिका प्रमुखमा एमाले यसवन्त यादव, धाेबिनी गाउँपालिका प्रमुखमा जसपाका मदन चाैहान, पाेखरिया नगरपालिकाकाे प्रमुखमा एमालेका प्रधुमन चाैहान, बिन्दवासिनी गाउँपालिका प्रमुखमा लाेसपाका प्रमाेद तिवारी र छिपहरमाई गाउँपालिका प्रमुखमा एमालेका मनाेज गुप्ता निर्वाचित भएका छन् ।

पर्साका दुई भाग्यमानी वडाध्यक्ष, जाे एक मतले जिते चुनाव

0

वीरगंज । पर्सामा दुई वडाध्यक्ष एक मतान्तरले विजयी भएका छन् । पर्साकाे जगरनाथपुर गाउँपालिका वडा नं. ६ र बिन्दवासिनी गाउँपालिका वडा नं. ३ काे भाग्यमानी वडाध्यक्ष एक मतान्तरले निर्वाचित भएका हुन् ।

जगरनाथपुर गाउँपालिका वडा नं. ६ काे वडाध्यक्षमा पुन: अयाेध्य प्रसाद कुर्मी विजयी भएका छन् । कांग्रेसका उम्मेदवार लक्ष्मण प्रसाद कुर्मीलाई १ मतले हराउँदै एमालेका उम्मेदवार अयाेध्या विजयी भएका हुन् ।

अयाेध्या ९०४ मत ल्याएर विजयी भएका छन् भने उनकाे निकटतम् प्रतिद्वन्दी लक्ष्मणले ९०३ मत प्राप्त गरेका छन् । वडाध्यक्षका अर्का उम्मेदवार जसपाका रमेश गिरीले ५६१ मत पाएका छन् ।

वडाध्यक्षमा पराजित रमेश गिरी प्रदेश सभा सदस्य प्रहलाद गिरीका छाेरा हुन् । तत्कालिन संघिय समाजवादी फाेरमाबाट निर्वाचित गिरी अहिले लाेसपामा छन् । तर उनकाे छाेरा रमेश जसपाबाट वडाध्यक्षमा चुनाव लडेका थिए । 

एमालेका अयाेध्या विजयी भएकाे वडा कांग्रेस पर्साका सभापति जनार्दन सिंह क्षेत्रीकाे वडा पनि हाे । 

यसैगरी बिन्दबासिनी गाउँपालिका वडा नं. ३ काे वडाध्यक्षमा एक मतले कांग्रेसका जय प्रकाश चाैरसिया निर्वाचित भएका छन् ।चाैरसियाले एमालेका हनिफ मियाँलाई १ मतले हराउँदै विजयी भएका हुन् ।

चाैरसियाले १ हजार १८५ मत ल्याउँदा उनकाे निकटतम् प्रतिद्वन्दी मियाँले १ हजार १८४ मत पाएका थिए । लाेकतान्त्रिक समाजवादी पार्टी (लाेसपा) का जाेगिन्द दास तात्वा १९० मत र जसपाका नागमणी दास तात्वा १८० मत पाएका थिए ।

वीरगंज २२ मा काँग्रेसका द्वारिकासहित पुरै प्यानल विजयी

0

वीरगंज । वीरगंज महानगरपालिकाकाे वडा नम्बर २२ काे वडाध्यक्षमा नेपाली काँग्रेसका द्वारिका महताेसहित पुरै प्यानल विजयी भएको छ ।

वडाध्यक्षमा काँग्रेसका द्वारीका निवर्तमान वडाध्यक्ष एंव एमालेका उम्मेदवार ग्यासुदिन मियाँलाई ६९१ मत अन्तरले पराजित गर्दै वडाध्यक्षमा विजयी भएका हुन् । द्वारिकाले १२९७ मत पाउँदा निवर्तमान वडाध्यक्ष ग्यासुदिनले भने ६९१ मत मात्रै पाएका छन् ।

त्यहाँ जसपाका उम्मेदवार चन्द्रमान जोशीले ५४२ मत मात्रै पाएका छन् ।

२०७४को निर्वाचनमा द्वारिका, निर्वतमान वडाध्यक्ष मियाँसंगै १३३ मत अन्तरले पराजित हुन पुगेका थिए । त्यस बेला मियाँ, तत्कालीन संघीय समाजवादी फाेरम हालको जसपाबाट चुनाव लडेर १०८७ मत प्राप्त गर्दै वडाअध्यक्षमा निर्वाचित भएका थिए ।

वीरगंज २३ काे वडाध्यक्षमा पुन: एमालेका कुशवाहा विजयी

0

वीरगंज । वीरगंज महानगरपालिकाकाे वडा नम्बर २३ काे वडाध्यक्षमा एमालेका अवधकिशोर कुशवाहा पुनः विजयी भएका छन् ।निवर्तमान वडाध्यक्ष कुशवाहा जनता समाजवादी पार्टी (जसपा) का जमुना प्रसाद यादवलाई १ सय ४१ मतान्तरले पराजित गर्दै पुनः निर्वाचित भएका हुन् । 

कुशवाहाले ७ स ७६ मत पाउँदा जसपाका यादवले ६ सय ३५ मत पाएका छन् । नेपाली कांग्रेसका ध्रुप राय यादव ५४१ मत र नेकपमा माओवादी केन्द्रका धर्मेन्द्र प्रसाद यादव ३२३ मत पाएका छन् ।

वडा नम्बर २३ मा वडाअध्यक्षसहित सबै सदस्य एमालेकै विजयी भएका छन् ।

वडा सदस्यमा एमाले कै रामप्रसाद यादव ७२० मत ल्याएर र लालबाबु प्रसाद यादव ७११ मत ल्याएर विजयी भएका छन् । महिला सदस्यमा कुन्ती देवी ७६१ मत र फुलबचनी देवी हजरा ७५१ मत ल्याएर विजयी भएका छन् ।

वडाकाे अन्तिम मतपरिणामा घाेषण पछि विजयी एमालेका नेता तथा उम्मेदवारहरुले आफ्ना समर्थकहरु साथमा विजयी जुलुश निकालेका थिए ।

मेराे पहिलाे प्राथमिकता कृषी हुन्छ : नवनिर्वाचित प्रमुख गुप्ता

0

वीरगंज । पर्साको कालीकामाई गाँउपालिकाको अध्यक्षमा नवनिर्वाचित सम्भवत देशकै सबैभन्दा कान्छा पालिका प्रमुख बशीष्ट कुमार गुप्ता आफ्नाे पहिलाे प्राथमिकता कृषी हुने वताएका छन् ।

२१ वर्षिय पालिका प्रमुख गुप्ता कालिका टाईम्ससंग कुरा गर्दै आफनो पहिलो प्राथमिकता कृषि र किसानका समस्या सामधान गर्ने रहेको बताए । उनले आफनो पालिकाका बहुसंख्यक जनता किसान रहेका कारण किसानका लागि सहज रुपमा बीउबीजन, मल र सिंचाइको सुविधा उपलब्ध गराउने वताए ।

गुप्ताले भने “यहाँका किसान धेरै समस्या र पिडामा छन्, मैले सबै भन्दा पहिले उनिहरुका लागि काम गर्छु, कृषिमा पालिकालाई नमूना पालिका बनाउँछु ।”

उनले आफ्नाे दोश्रो प्राथमिकता सडक र नाला रहेको वताए । पालिकाका हरेक गाँउ र टोलमा पक्की सडक र नाला निर्माण गर्ने गुप्ताले वताए ।

गुप्ताले भने “यहाँ पानीको निकास नै छैन, सडक सांगुराे छ । थोरै वर्षा भयो भने गाँउ जलमग्न बन्छ, सडक हिलाम्ये हुन्छ, पानीको निकासका लागि पक्की नाला र सडक फराकिलाे गरी पक्की सडक बनाउँछु ।”

गुप्ताले आफ्नाे तेश्रो प्राथमिकता शिक्षा र स्वास्थ्य क्षेत्रको सुधार रहेको रहेकाे वताए । उनले यहाँकाे सामुदायिक विद्यालयहरुमा स्थानिय शिक्षक भएका कारण राम्राे पढाई नहुने गरेकाे वताउँदै त्यसलाई सुधार गर्न शिक्षकहरु सरुवा गर्ने वताए ।

उनले भने‘ यहाँ स्वास्थ्य संस्थाहरु त छन् तर बिरामीले सामान्य उपचार पनि पाउँदैनन्, डाक्टर छैनन् । त्यसैले हरेक स्वास्थ्य केन्द्रमा एमबिबिएस डाक्टरकाे प्रबन्ध मिलाउँछु, ल्याब पनि सन्चालन गराउँछु ।

गुप्ताको चौथो प्रामिकतामा युवा र खेलकुद परेको छ । आफै पनि युवा भएका कारण युवा र खेलकुद क्षेत्रमा आफनो रुची रहेको उनि बताउँछन् । गुप्ताले भने,‘ म आफै पनि क्रिकेट खेलाडी हुँ, युवाको चाहना अनुसार खेल मैदान बनाउँछु, पालिकामा एउटा क्रिकेट नेट बनाउँछु, जिम हल खोल्ने छु ।

आमा पराजित भएकाे पालिकाकाे प्रमुखमा गुप्ता निर्वाचित

भारतको देहरादुनस्थित द इण्डियन पब्लिक स्कुलबाट मेट्रिक र पटनास्थित सेन्टजिभियर्स क्लेजबाट बिबिए अध्ययन गरेका गुप्ता पालिका प्रमुखमा निर्वाचित भएपछि देशभर उनको चर्चा छ ।

गुप्ता भन्छन्, ‘ मेरो परिवार पहिले देखि नै राजनीतिमा थियो, मलाई पनि राजनीति गरु, नेता बनु भन्ने चाहना थियो तर यति चाडै नेता बन्छु भनेर सोचेको थिइन, तर पढाई पुरा गरेर घर आए लगतै चुनाव लडे र जनताले बिश्वास गरे जिताए ।

गुप्ताकी आमा लालसा देवी २०७४ को निर्वाचनमा तत्कालीन संघीय समाजवादी फोरम हालको जसपाबाट पालिका प्रमुखमा चुनाव लडेकी थिइन् । तर दुर्भाग्यवश उनि जनता दलका उम्मेदवार स्व. नथुनी प्रसाद कुशवाहाबाट  ११९ मतले पराजित भएकी थिइन् ।

उनै लालसाका छोरा गुप्ता सौभाग्यवश अहिले त्यहि दलबाट निकटतम प्रतिद्धन्द्धी काँग्रेसका उम्मेदवार अजय पटेल भन्दा ११७ मत अन्तरले पालिका प्रमुखमा निर्वाचित हुन पुगेका छन् ।

नवनिर्वाचित गुप्ता सुरेश प्रसाद कलवारका छाेरा हुन् भने जसपाका गाउँपालिका अध्यक्ष देनेश कलवारका भतिजा हुन् ।  

कांग्रेसले टिकट नदिएका रितेश जसपाबाट भारी मतान्तरले विजयी

0

वीरगंज । वीरगंज महानगरपालिकाकाे वडा नम्बर ८ को वडाध्यक्षमा नेपाली काँग्रेसका उम्मेदवारले लजास्पद हार व्यवहोरेपछि काँग्रेस नेतृत्वको चर्को आलोचना शुरु भएको छ ।

वडाध्यक्षमा काँग्रेसबाट टिकट नपाएपछि जसपाबाट उम्मेदवार बनेका रितेश गुप्ता, काँग्रेसकै उम्मेदवार राजेन्द्र श्रेष्ठलाई चार गुणा भन्दा बढि मतले पराजित गरि वडाध्यक्षमा विजयी भएपछि काँग्रेसका नेता कार्यकर्ताले नै नेतृत्वको चर्को आलोचना गरिरहेका हुन् ।

रितेशले वडाध्यक्षमा काँग्रेसका उम्मेदवार राजेन्द्र श्रेष्ठलाई ९१४ मतको अन्तरले हराउदै वडाध्यक्षमा जित हात पारेका छन् । रितेशले १ हजार १७५ मत पाउँदा उनका निकटतम् प्रतिद्वन्दी एमालेका राजकिशाेर गुप्ता ५१६ मत प्राप्त गरेका छन् भने काँग्रेसका श्रेष्ठले भने २६१ मत मात्रै पाएका छन् ।

लाेकतान्त्रिक समाजवादी पार्टी (लाेसपा) नेपालका राजुदिन बाबु ५२ मत र राष्ट्रिय प्रजातन्त्र पार्टीका मनाेज रामले ३७ मत पाएका छन् ।

विधार्थीकालदेखि नेवि संघको राजनीतिमा हुँदै काँग्रेसको बुथसभापति समेत रहिसकेका रितेश, काँग्रेसले टिकट नदिएपछि मनोनयनको अघिल्लो दिन मात्रै जसपामा प्रवेश गरेका थिए ।

काँग्रेसकै लागि लामो समय देखि राजनीति गरेका र पार्टीका लागि सदैव मरिमेट्न तयार रहने रितेशलाइ टिकट नदिइ काँग्रेस नेतृत्वमा रहेका केहि नेताले रकमको लेनदेनमा जनाधार नै कमजोर रहेका श्रेष्ठलाई उम्मेदवार बनाएकाले शर्मनाक पराजय व्यवहोर्नु परेको काँग्रेस कार्यकर्ताहरुले टिप्पणी गरिहेका छन् ।

वडाध्यक्षमा विजयी रितेशसहित सम्पूर्ण वडा समितिका सदस्यहरुलाई जसपाका नेता एंव प्रतिनिधि सभा सदस्य प्रदिप यादवले फुल माला र अविरकाे टिका लगाएर मतगणना स्थल मै बधाई तथा शुभकामना दिएका थिए ।

माैलापुरकाे नगर प्रमुखमा पुन: रिना निर्वाचित, गरिन पदभार ग्रहण

0

वीरगंज । राैतहटकाे माैलापुर नगरपालिकाकाे मेयरमा पुन: रिना साह निर्वाचित भएकी छन् । मधेश प्रदेशको प्रथम एवम् एक मात्र महिला मेयरको रुपमा जनपक्षीय काम गरेर चर्चामा रहेकी साहले दोस्रो पटक निर्वाचित हुँदा गठबन्धनको उम्मेदवार रामप्रवेश यादवलाई झण्डै दोब्बर मतले पराजित गरेकी हुन् ।

नेकपा एमालेकी उम्मेदवारको रुपमा साहले ५ हजार ५ सय ६४ मत हासिल गरेकी थिइन भने उनको निकटम प्रतिद्वन्द्वी गठबन्धनको तर्फबाट नेकपा माओवादी केन्द्रको उम्मेदवार राम प्रवेश यादवले ३ हजार ६२ मत हासिल गरेका छन् । साहले यादवलाई २ हजार ५ सय २ मतले पराजित गरेकी हुन् ।

शुक्रबार जिल्लाकाे सदरमुकाम गौरमा आयोजित सपथ ग्रहण कार्यक्रममा पद तथा गोपनियताको सपथ लिएसंगै मेयर साह पतौरास्थित नगरपालिकाको कार्यालयमा पदभार ग्रहण गरेकि हुन् । मेयर साहले पहिलो निर्णयको रुपमा सोनरनियामा दलित बस्तीको निर्माणको लागि जग्गा खरिद प्रक्रिया अगाडी बढ़ाउने निर्णय गरिन् ।

पहिलो कार्यकालमा मौलापुर र मर्यादपुरमा उनले निर्माण गरेको नमुना दलित वस्ती नेपालकै नमुनाको रुपमा चर्चा पाएको थियो ।

गत निर्वाचनमा १ सय ३६ वटा स्थानीय तह रहेको मधेश प्रदेशमा एक मात्र महिला मेयरको रुपमा निर्वाचित भएकी थिइन् । आफ्नो पहिलो कार्यकालमा उत्कृष्ट कार्य गरेर चर्चामा रहेकी साहले नगरवासीको भरपुर साथ पाएको छ । पाँच दलीय गठबन्धनका राजनीतिक खेलाडीहरुलाई धुल चटाउदै मधेशी समुदायको महिला मेयरको रुपमा निर्वाचित भएर साहले पुन: एक पटक किर्तिमान कायम गरेकी हुन् ।

मेयर साहको प्यानलमा मौलापुर नगरपालिकाको उपमेयर नागेन्द्र राय यादव पनि विजयी भएका हुन् । मौलापुरको ९ वटा वडामध्ये एउटा नेकपा एकीकृत समाजवादी, एउटा नेकपा माओवादी केन्द्र र एउटामा स्वतन्त्र उम्मेदवारले जितेको छ भने बाँकी सबै वडामा एमालेले प्यानलसहित जितेको छ ।

वडा नं. १ काे वडाध्यक्षमा नेकपा माओवादी केन्द्रका जयनाथ प्रसाद कुशवाहा, २ मा एमालेका भगवान राउत कुर्मी, ३ मा एमाले कै महेश महताे काेइरी, ४ मा एमाले कै थिर बहादुर प्रसाद, ५ मा एमाले कै चन्द्रशेखर प्रसाद साह, ६ मा नेकपा एसका इश्वर दयाल प्रसाद यादव, ७ मा एमाले कै रामपुकार साह, ८ मा स्वतन्त्र शिउ पप्रश्न प्रसाद यादव र ९ मा एमाले कै श्याम किशाेर साह निर्वाचित भएका छन् । 

दाेस्राे पटक मेयरमा निर्वाचित साह एमालेका प्रभावशाली नेता प्रभु साहकाे श्रीमती हुन् । याे पालिकाे निर्वाचनमा निर्वतमान जनप्रतिनिधिहरु बहुत कम मात्रामा निर्वाचित भइरहेकाे बेलामा उनी आीफ्नाे नगरपालिकामा दाेस्राे पटक पनि पूर्ण बहुमतसहित श्रीमतीलाई जिताउन सफल भएका छन् ।

पर्सामा एक मात्र छिपहरमाई गापाकाे अध्यक्षमा पुन: गुप्ता विजयी

0

वीरगंज । पर्साको छिपहरमाइ गाउँपालिकाको अध्यक्षमा पुन: मनोज कुमार गुप्ता विजयी भएका छन् । शुक्रबार बिहान सकिएको मगणनाको अन्तिम परिणाम अनुसार गाँउपालिका अध्यक्षमा एमालेका उम्मेदवार एंव निवर्तमान अध्यक्ष मनाेज कुमार गुप्ता विजयी भएका हुन् । पर्साकाे एक मात्र पालिका अध्यक्षमा गुप्ता पुन: दाेस्राे कार्यकालकाे लागि विजयी भएका छन् ।

निकटतम प्रतिद्वन्द्वी जसपाका उम्मेदवार इन्द्रासन साह कलवारलाई ३२० मत अन्तरले हराउँदै एमालेका गुप्ता पुन: अध्यक्षमा निर्वाचित भएका हुन् । गुप्ताले ४ हजार १८८ मत पाउँदा कलवारले भने ३८६८ मत पाएका छन् । अध्यक्षमा नेपाली कांग्रेसका उम्मेदवार नवीन सिंह भने ३ हजार ५२८ मत पाएर तेश्रो स्थानमा रहे । 

नेकपा माओवादी केन्द्रका उम्मेदवार राजिव कुमार जयसवाल १७६ मत मात्र पाएका छन् ।

यसअघि २०७४ को निर्वाचनमा गुप्ता नेकपा माओवादी केन्द्रको उम्मेदवार बनेर २ हजार ८५१ मतका साथ गाउँपालिका अध्यक्षमा निर्वाचत भएका थिए । गुप्ता एमालेका पर्सा जिल्ला सचिव पनि हुन् ।

यस्तै  छिपहरमाई गाँउपालिकाको उपाध्यक्षमा नेपाली कांग्रेसले जितेको छ । उपाध्यक्षमा कांग्रेसकी उम्मेदवार लीलावती देवी कानु निर्वाचित भएकी छन् । लीलावती देवी ३ हजार ८०१ मतका साथ निर्वाचित भएकी हुन् । उनकी निकटतम प्रतिस्पर्धी एमालेकी उम्मेदवार मोदीना खातुनले भने ३ हजार ५९० मत पाएकी छन् । 

जसपाकी उपाध्यक्षका उम्मेदवार रेहाना खातुन  ३ हजार ४९४ मत र माओवादी केन्द्रकी सुमन गुप्ता ४८० मत पाएका छन् ।

सखुवा प्रसाैनीकाे अध्यक्षमा एमाले र उपाध्यक्षमा जसपा विजयी

0

वीरगंज । पर्साको सखुवा प्रसौनी गाउँपालिका अध्यक्षमा एमाले र उपाध्यक्षमा जसपाका उम्मेदवार विजयी भएका छन् । गाउँपालिका अध्यक्षमा एमालेका उम्मेदवार ३२ वर्षीय जसवन्त यादव निर्वाचित भएका हुन् । 

२०७४ को निर्वाचनमा तत्कालीन संघीय समाजवादी फोरम र हालको जसपाले टिकट नदिएपछि स्वतन्त्र चुनाव लडेर चौथो स्थानमा सिमित भएका  यादवले यसपाली भने एमालेको उम्मेदवार बनेर जसपाकै उम्मेदवार एंव निवर्तमान अध्यक्ष प्रदीप् जयसवाललाई १ हजार ८३१ मतको फराकिलो अन्तरले हराउँदै सखुवाप्रसौनी गाउँपालिका अध्यक्षमा निर्वाचित भएका हुन् । 

यादवले ६६४१ मत पाउँदा जसपाका जयसवालले भने ४८१० मत प्राप्त गरेका छन् । नेपाली कांग्रेसका शैलेन्द्र कुमार यादव २ हजार ५१३ मत, नेकपा माओवादी केन्द्रका अफजल हुसेन ५६८ मत, राप्रका देवनारायण प्रसाद थारु २२६ मत र नेपाल सुशासन पार्टीका बृजमाेहन प्रसाद चाैधरी २०० मत पाएका छन् ।

गाउँपालिकाको उपाध्यक्षमा भने जसपाकी शर्मिला बिष्ट निर्वाचित भएकी छन् । नेकपा एमालेकी उम्मेदवार एवं निवर्तमान उपाध्यक्ष फुलमति कुमारी थरुनीलाई २१२ मतान्तरले पछि पार्दै बिष्ट विजयी भएकी हुन् ।

बिष्टले ४ हजार ४ सय ६८ मत ल्याएकी छिन् भने निवर्तमान उपाध्यक्ष थरुनीले ४ हजार २ सय ५६ मत पाइन्।