Date
मङ्ल, मंसिर १, २०८३
Tue, November 17, 2026
Home Blog Page 658

दुरशिक्षा एवम् अतिरिक्त क्रियाकलाप सम्बन्धि अभिमूखिकरण

0

वीरगंज । किशाेरी सशक्तिकरणका लागि शिक्षा कार्यक्रम अन्तर्गत पढाईलेखाई दुरशिक्षा एवम् अतिरिक्त क्रियाकलाप सम्बन्धि ठूली दिदीहरुकाे लागि एक दिने अभिमूखिकरण कार्यक्रम सम्पन्न भएकाे छ ।

भिएसाे नेपाल, ह्यण्डिक्याप र दिव्य युवा क्लबकाे साझेदारीमा संचालित कार्यक्रम अन्तर्गत अभिमुखिकरण कार्यक्रम सम्पन्न भएकाे हाे ।

जिल्ला समन्य समिति पर्साकाे सभा कक्षमा भएकाे कार्यक्रमकाे सहजिकरण भिएसाे नेपालका परियाेजना अधिकृत नितिन नरेन सिंह र राष्ट्रिय स्वमसेवक श्रीचन्दन जयसवालले गरेका थिए ।

कार्यक्रम तीन समूहमा संचालन गरिएकाे दिव्य युवा क्लबका परियाेजना संयाेजक गणेश ठकुरीले वताए । असार १६ गतेदेखि सुरु भएकाे अभिमुखिकरण कार्यक्रम शनिबार सम्पन्न भएकाे उनले जानकारी दिए ।

पहिलाे दिन कार्यक्रममा २९ जना, दाेस्राे दिन ३५ जना र अन्तिम तेस्राे दिन २५ जना ठुली दिदीहरुकाे सहभागिता रहेकाे थियाे ।

भाेजपुरी समाजकाे अध्यक्षमा ठकुरी चयन

0

वीरगंज । नेपाल भोजपुरी समाज पर्साको अध्यक्षमा ध्रुव सिंह ठकुरी चयन भएका छन् । भोजपुरी समाज पर्साको शनिवार वीरगंजस्थित कन्ट्रिइन होटेलमा भएकाे एक भेलाले ठकुरीलाई सर्वसहमत अध्यक्षमा चयन गरेको हो ।

समाजको उपाध्यक्षमा ऋतुराज पटेल, मनोज पटेल, महिला उपाध्यक्षमा सलमा खातुन, सचिवमा राजेन्द्र सिंह राजपुत, सह-सचिवमा अजमत अली, कोषाध्यक्षमा अशोक कुशवाहा, सदस्यहरुमा अजित श्रीवास्तव, शिव संदेश, रंजित यादव, विभा मेहता, अनिता साह र जय साह सर्वसहमत चयन भएका छन् ।

त्यसैगरी भेलाले समाजकाे ३ सदस्यीय सल्लाहकार समिति पनि चयन गरेको छ । सल्लाहकार समितिमा नेपाल भोजपुरी समाजका निर्वतमान अध्यक्ष रामदेव श्रीवास्तव, समाजिक अभियन्ता प्रकाश थारु र निवर्तमान कोषाध्यक्ष मनोज मिश्रलाई चयन गरेको छ ।

भोजपुरी समाजको यसअघि बसेको बैठकले संयोजकको जिम्मेवारी अध्यक्ष ठकुरीलाई दिएको थियो ।

सर्वसहमत रुपमा अध्यक्ष चयन भएका ठकुरीले पर्सामा भोपुरी भाषाको उथानको लागि समाजले जोडदार रुपमा काम गर्ने प्रतिक्रिया दिए । समाजको नियमित कार्यक्रमलाई संचालन गर्दै नयाँ कार्यसमितिले थप कार्यक्रम पनि तय गरी अगाडी बढने अध्यक्ष ठकुरीले वताए ।

पकहा मैनपुरका निवर्तमान अध्यक्ष चाैरसिया दाेस्राे पटक दण्डित

0

वीरगंज । पर्साकाे पकहा मैनपुर गाउँपालिकाका निवर्तमान अध्यक्ष बिजय कुमार चौरसियालाई अदालतले दोस्रो पटक दण्डित गरेको छ । पर्सा जिल्ला अदालतले कुटपिट मुद्दामा निवर्तमान गाउँपालिका अध्यक्ष चाैरसियासहित ९ जनालाई दण्डित गरेकाे हाे ।

गाउँपालिकामा निर्माण भइरहेको बाटोको बिषय भएकाे कुटपिटकाे घटनामा तत्कालिन गाउँपालिका अध्यक्ष चौरसियासहित ९ जनालाई बिपक्षी बनाई स्थानिय हरिशंकर प्रसाद चौहानले अदालतमा मुद्दा दायर गरेका थिए । स्थनिय नन्दलाल चौहानसहितको परिवारका अन्य सदस्यहरुलाई पनि कुटपिट गरेको भन्दै चौहानले मुद्दा दायर गरेका थिए ।

०७७-c4-०१६१ र ०७७-c4-०६६९ काे कुटपिट मुद्दामा पर्सा जिल्ला अदालतका २ नम्बर इजलाशका न्यायाधिश बिष्णु प्रसाद अर्यालले अन्तिम फैसला गर्दै निवर्तमान अध्यक्ष चौरसियासहित ९ जनालाई जनही रु १५ हजार जरिवाना तथा जनही रु ८ हजार क्षतीपुर्ति तिर्ने गरी आदेश दिएको जनाइएकाे छ ।

यसअघि पनि अदालतले निवर्तमान अध्यक्ष चौरसिया र पकहा मैनपुर गाउँपालिका कै वडा नं. ३ का निवर्तमान वडाध्यक्ष मदन साह कानुसहित १५ जनालाई जनही रु ९ सय जरिवाना गरेको थियो ।

उक्त मुद्दामा वादी चौहानको तर्फबाट अधिवक्ताहरु प्रमोद प्रसाह साह, बिरेन्द्र प्रसाद यादव र नजमुदिन राउत गद्दी तथा प्रतिवादीको तर्फबाट अधिवक्ता रामनारायण प्रसाद कुर्मीले बहस पैरवी गरेका थिए ।

चाैहानले अदालतमा दायर गराएकाे मुद्दामा गाउँपालिका क्षेत्रमा चौहानको नम्बरी जग्गामा विना सहमति मुअब्जा नदिई एकतर्फी बाटो निर्माण गर्न खोजिएकाे र निवर्तमान अध्यक्ष चौरसियासहितको टोलीले स्थानिय चौहानको परिवार सहितलाई कुटपिट गरेको आराेप लगाइएकाे थियाे ।

कालिकामाई गाउँपालिकाकाे आठाैं गाउँ सभा असार २४ गते हुने

0

वीरगंज । पर्साकाे कालिकामाई गाउँपालिकाकाे आठाैं गाउँ सभा असार २४ गते हुने भएकाे छ । गाउँपालिकाले शुक्रबार एक सूचना जारी गर्दै आठाैं गाउँ सभाकाे अधिवेशन असार २४ गते दिउसाे २ बजेदेखि श्री ने.रा.आ.वि. हरिहरपुर विर्तामा हुने जनाएकाे हाे ।

प्रमुख प्रशासकिय अधिकृत अमित कुमार गिरीद्वारा हस्ताक्षरित सूचनामा गाउँपालिका अध्यक्षकाे आदेशानुसार स्थानिय सरकार संचालन एेन २०७४ काे दफा (१९) बमाेजिम कालिकामाई गाउँपालिका आठाैं गाउँ सभाकाे अधिवेशनमा गाउँ सभाका सम्पूर्ण सदस्यहरुलाई उपस्थितिका लागि अनुराेध गरिएकाे छ ।

सभामा आगामी आ.व. २०७९/०८० काे नीति तथा कार्यक्रम पस्ताव गर्ने, आगामी आ.व. २०७९/०८० काे बजेट प्रस्ताव गर्ने र गाउँपालिकाकाे आवश्यक विभिन्न एेनहरुकाे विधेक पेश गर्ने कार्यसूची पनि गाउँपालिकाले सार्वजनिक गरेकाे छ ।

गाउँपालिकाकाे आधिकारिक फेसबुकबाट सार्वजनिक गरिएकाे सूचना गाउँपालिका अध्यक्ष र उपाध्यक्षलाई बाेद्धार्थ समेत गरिएकाे छ ।

असार १० गते भित्र नै गर्नु पर्ने गाउँ सभा उपाध्यक्षसहित दुई वडाध्यक्षका कारण ढिलाई भएकाे देश कै कान्छाे गाउँपालिका अध्यक्ष बशिष्ट कुमार गुप्ताकाे आराेप रहेकाे छ । उनले विगतका बर्ष झै यस बर्ष पनि बजेटमा भागबन्डा गर्न खाेजिएकाेले गाउँ सभा केही समय ढिलाे भएकाे वताए ।

उनले भने “अहिले सम्म गाउँपालिकामा विकासकाे नाममा केही भएकाे छैन् । गाउँपालिका अन्तर्गका अधिकांश विद्यालय र स्वास्थ्य संस्थाकाे अवस्था दैनिय छ । त्यही भएर म एक बर्ष शिक्षा र स्वास्थ्यलाई प्राथमिकतामा राखेर गाउँपालिकाकाे आधार स्तम्भ खडा गर्न खाेज्दै छु । तर उपाध्यक्ष र केही वडाध्यक्ष ज्यूहरु बजेटमा भागबन्डा गर्ने खाेजेका कारण ढिलाई भएकाे हाे ।”

अध्यक्ष गुप्ताले आफुलाई एक रुपैयाकाे बजेट नचाहिएकाे दाबी गर्दै आवश्यकता र जनचाहना अनुसार बजेट विनियाेजन गर्ने दाबी गरे । उनले आफुले प्रत्यक बिद्यालय सिसि टिभि जडान, आवश्य बेन्च, डेस्क लगायतका आधारभुत आवश्यकता पुर्ति गरेर सामुदायिक विद्यालयहरुकाे अवस्थालाई सुधार गर्न खाेजेकाे वताए ।  

गाउँ सभाकाे पक्रिय समेत अगाडी बढि सकेकाे उनले वताए । गाउँ सभाकाे पक्रिया अन्तर्गत नै शुक्रबार राजश्व परामर्श समितिकाे बैठक समेत बसेकाे उनले जानकारी गराए ।

उपभाेक्तालाई ठगि गर्ने कलैयाका ९ पसललाई कारवाही

0
वीरगंज । उपभाेक्तालाई ठगि गरेकाे आराेपमा कलैयाका ९ पसललाई बाणिज्य ,आपूर्ति तथा उपभोक्ता संरक्षण कार्यालय वीरगंज पर्साले कारवाही गरेकाे छ ।
 
बाणिज्य ,आपूर्ति तथा उपभोक्ता संरक्षण कार्यालय वीरगंज पर्साका निरीक्षण अधिकृत नमोनाथ प्रसाद यादवको नेतृत्वकाे जिल्ला प्रशासन कार्यालय बारा, जिल्ला प्रहरी कार्यालय बारा, गुणस्तर तथा नापतौल कार्यालय पर्सा, घरेलु तथा सना उधोग कार्यालय बारा, उधोग बाणिज्य संघ बाराकाे प्रतिनिधिसहितकाे टोलीले कलैया बजार अनुगमन गर्ने क्रम ९ फर्मलाई कारवाही गरेकाे हाे ।
 
अनुगमन टाेलीलाई खरिद बिल नदेखाउने कलैयाका पोशाक इम्पोरियम र खुश्बु साडी सेंटरलाई रु २०/२० हजार जरिवाना गरिएकाे बाणिज्य आपूर्ति तथा उपभोक्ता संरक्षण कार्यालयको सूचना अधिकारी दिलिप खंग खत्वेले जनकारि दिए ।
 
त्यसैगरी अनुगमन कार्यमा असहयाेग गर्ने कलैया कै न्यु नबिन बस्त्रलयलाई रु १० हजार, खरिद बिल नदेखाएकाे जवाहर लाल हार्डवेयर, गौरि शन्कर सप्लायर्स, चौधरी किराना पसललाई रु ५/५ हजार जरिवाना गरिएकाे उनले वताए ।
 
त्यसैगरी खरिद बिल नदेखाउने प्रियका रेडिमेड जेनरल स्टोरलाई रु १० हजार, अनुगमन कार्यमा असहयाेग गर्ने जय बाबा अमरनाथ किराना भँडारलाई रु ३ हजार र  श्रि क्यान बस्त्रालयलाई अनुगमन टाेली जरिवाना गरेकाे हाे ।
 
उपभोक्ता संरक्षण ऐन २०७५ को दफा ३८ बमोजिम कसुर गरेकोले सोहि ऐनकाे दफा ३९ बमोजिम देहायका फर्मलाई तत्काल जरिवाना गरीएको बाणिज्य आपूर्ति तथा उपभोक्ता संरक्षण कार्यालयको सूचना अधिकारी खंग खत्वेले जनकारि दिए ।
 
अनुगमन टाेलीले उत्त जरिवाना रकम ७ दिन भित्र राष्ट्रिय बाणिज्य बैंकमा दखिला गरी भौचर कार्यालयमा पेश गर्न निर्देशन समेत दिएको छ ।

समाजबादी प्रेस संगठन मधेस प्रदेशको अधिवेशन श्रावणमा हुने

0

वीरगंज । समाजबादी प्रेस संगठन नेपाल मधेस प्रदेश समितिको बिस्तारित बैठक शुक्रबार वीरगंजमा सम्पन्न भएको छ । संगठनका प्रदेश संयोजक बृजलाल पासवानको अध्यक्षतामा बसेकाे बैठकले श्रावण २८ र २९ गते मधेस प्रदेशको अधिबेशन गर्ने निर्णय गरेको छ ।

प्रदेश अधिबेशन अगावै श्रावण १५ गते भित्रैमा प्रदेश अन्तर्गतकाे आठ वटै जिल्लाकाे अधिवेशन समेत गर्ने निर्णय गरेको छ । बैठकले असार मसान्त भित्रमा आठ वटै जिल्लाका सदस्यहरुको अध्यावधी गरि प्रदेश समितीमा बुझाउने निर्णय समेत भएको संगठनका संयोजक पसावानले बताए ।

बैठकले संघ र प्रदेश निर्वाचन केन्द्रित प्रचार अभियान चलाउने निर्णय गर्नुको साथै समाजबादी प्रेस संगठनका उपाध्यक्ष सितल साह बृहतर जनकपुर बिकास परिषदको अध्यक्ष र संगठनका सिरहा अध्यक्ष राजकुमार राउत सुरुङ्गा नागरपालिकाकाे वडा नं. -१ का वडाध्यक्षमा निर्वाचित हुनुभएकोमा बधाई एवं सम्मान व्यक्त गरेको छ ।

नेकपा (एकीकृत समाजबादी) का पोलिटब्युरो सदस्य रामचन्द्र साहको बिशेष उपस्थितमा बसेकाे बैठकमा केन्द्रिय प्रचार बिभागका सचिव प्रकाश खतिवडा, संगठनका उपाध्यक्ष सितल साह, महासचिव भुपराज खडका, नेकपा एस पर्साका कार्यवाहक अध्यक्ष गंगा खडका, संगठनका प्रदेश इन्चार्ज सुबास साह, सह – इन्चार्ज राघव साह लगाएतले मन्तव्य ब्यक्त गरेकाे भएको थियो भने बैठकाे सहजिकरण केन्द्रिय सदस्य रमेश सुबेदीले गरेका थिए ।

बधुवा मजदुर संघर्ष समितिद्वारा मानव अधिकार आयाेगलाई ज्ञापन

0

वीरगंज । कृषि राष्ट्रिय बधुवा मजदुर संघर्ष समितिले राष्ट्रिय मानव अधिकार आयोगका अध्यक्षलाई पांच बुन्दे मागसहित ज्ञापन पत्र बुझाएकाे छ । 

संघर्ष समितिले हरवाचरवालाई अहिलेसम्म लागेको सम्पूर्ण अनुचित ऋण र कागज तमसुकहरूको खारेजीसहित हरवाचरवा मुक्तिको घोषणा गर्ने, हरवाचरवा मुक्तिको बिस्तृत ब्यवस्थापन, देशब्यापी समन्वय र सहजीकरण र अनुगमनका लागि मन्त्री परिषदबाट गठन आदेश जारी गरेर एउटा ७ वा ९ सदस्यीय अधिकार सम्पन्न ‘हरवाचरवा ब्यवस्थापन आयोग’ गठन गर्ने माग गरेकाे छ ।

यस्तो आयोग मुक्तहलिया, कमैया तथा हरवाचरवाको लागि संयुक्त पनि हुनसक्छ । आयोगमा सो बिषयमा अध्ययन/अनुसन्धान तथा फिल्ड कार्य गरेका बिषय विज्ञहरू, नेपाल सरकारका सो बिषयमा वा कमैया/हलिया पुनस्र्थापनका बिषयमा राम्रो पूर्व अनुभव भएका कर्मचारीहरू वा भूपू कर्मचारीहरू, सरोकारवाला हरवाचरवा समुदायमा प्रतिनिधिहरू राख्ने ब्यवस्था गर्ने पनि ज्ञापन पत्र मार्फत माग गरेकाे छ ।

यैसगरी बाँधा श्रमको प्रकृति एउटै जस्तो भएकाले यस्तो आयोग पनि कमैया कम्लहरी, हरवाचरवा, र हलियाको एउटै वा संयुक्त समेत हुनसक्ने । सो कार्यदलले फिल्डमै गएर निश्चित समयभित्र हरवाचरवा ब्यवस्थापन कार्यको तीनै तहको सरकार र सम्वन्धित संस्थाहरूसित समन्वय, सहजीकरण र अनुगमन गर्ने पनि संघर्ष समितिले माग गरेकाे छ ।

स्थानीय तह, त्यसको पनि वडा तहलाई परिचालन गरी हरवाचरवाको यकीन तथ्याङ्क र लगत अविलम्व लिने ब्यवस्था गर्ने लगत लिएकालाई पालिकाको बोर्डले तुरुन्त परिचय पत्र प्रदान गर्नका लागि स्थानीय तहलाई अख्तियारी, जिम्मेवारी सुम्पने तथा बजेट बिनियोजित गर्ने पर्ने लगायतका ५ बुंदे मागहरु गरिएकाे राष्ट्रिय हरवाचरवा अधिकार मन्चका केन्द्रिय अध्यक्ष दशनलाल मण्डलले वताए ।  

राष्ट्रिय हरवाचरवा अधिकार मन्चका केन्द्रिय अध्यक्ष मण्डल, मुक्त कमैया समाज केन्द्रिय अध्यक्ष पशुपति चौधरी, राष्ट्रिय मुक्त हलिया समाज महासंघ नेपालका राजुराम भूल र बाध्यकारी श्रम उन्मुलन पैरवी समुहका बालाराम भटटराईले हस्ताक्षित ज्ञापन पत्र आयाेगका अध्यक्षलाई बुझाइएकाे हाे । 

वीरगंज रक्सौलको मुख्यनाकाबाट धुलोजन्य पदार्थ ढुवानीमा रोक, स्थानिय हर्षित

0

वीरगंज । अव्यवस्थित कच्चा पदार्थको ढुवानीबाट सास्ती खेप्दै आएका स्थानियलाई अब राहत हुने भएको छ । औद्योगिक कच्चा पदार्थ आइरन ओर, सिमेन्ट, कोईला, जिम्सम, स्लेग रक्सौलसम्म रेलमा र त्यसपछि ट्रकबाट वीरगंज रक्सौल नाका हुँदै नेपाल ल्याउँने गरिएको थियो ।

अव्यवस्थित रुपमा ढुवानी गर्दा बाटोमा हिड्ने बटुवा देखि स्थानियले समेत यसबाट प्रभावित हुदै आएका थिए । तर अब यो समस्याबाट स्थानियलाई राहत हुने भएको छ । रक्सौल ल्याण्ड कस्टम (एलसीएस) को डेपुटी कमीसनर पिंकी कुमारीले एक सूचना जारी गर्दै १ जुलाई २०२२ अर्थात यहि असार १७ गते देखि वीरगंज रक्सौलको मुख्यबजार क्षेत्रबाट यी कच्चा पदार्थ ढुवानीमा रोक लगाएकी छन ।

उनले जारी गरेको सूचनामा १ जुलाईदेखि रक्सौलस्थित रेल्वे साइडिङमा आउने सामान रक्सौल बोर्डर (मितेरी पुल) मार्फत नेपाल निर्यातमा रोक लगाउने उल्लेख छ । अबदेखि रक्सौलको मुख्य बजारबाट आईसीपी रक्सौल हुँदै नेपाल लैजानुपर्ने उनको भनाई छ । त्यसका लागि पनि राति ९ बजेदेखि १२ बजेसम्मको समय तोकिएको छ ।

बजारक्षेत्रबाट ढुवानी हुँदा स्थानियले बर्षोदेखि सास्ती खेप्दै आए पनि अब केहि राहत हुने भएको छ । वर्षौंदेखि रक्सौलको रेल्वे साइडिङमा नै धुलोजन्य औद्योगिक कच्चा पदार्थ आयात भइरहेको थियो । रक्सौल ल्याण्ड कस्टम र वीरगञ्ज भन्सार कार्यालय मार्फत जाँचपास भई सोही रुट भएर ढुवानी हुँदै वीरगंज ल्याइन्थ्यो र देशका विभिन्न स्थानमा पठाउने गरिएको थियो ।

अबदेखि धुलोजन्य पदार्थको ढुवानी र भन्सार जाँचपास रक्सौल लक्ष्मीपुर र श्रीसियाको एकीकृत जाँच चौकी (आईसीपी) मार्फत मात्र गर्न पाइने भएको छ । मितेरीपुल नजिकै अव्यस्थित रुपमा आईरन ओर, सिमेन्ट क्लीन्कर, जिम्सम स्टोरका कारण वीरगन्ज रक्सौल ओहोरदोहोर गर्ने सबभन्दा बढी प्रभावित हुँदै आएका थिए ।

ओभरलोडका कारण मुख्य सडक बाईपास रोडमा समेत ठाउँठाउँमा भत्केको छ । हावाहुरी आउँदा नजिकै रहेको मानव वस्तीमा समेत यसको असर हुने गरेको थियो । यहाँसम्म जिम्सम ओसार्दा बाटो भरी खसाल्दै लगिन्थ्यो, घाम लागेको बेला त्यो धुँलो भएर उड्ने गरेको छ, जसले गर्दा साईकल, मोटरसाईकल, रिक्सा, टाँगा, टेम्पो लगायत खुल्ला सवारी साधनमा ओहोरहोदोर गर्नेको आँखामा समेत त्यसको धुँलो पर्ने गथ्र्यो, कतिको आँखा समेत खराब हुने गरेको थियो ।

आईसीपी बनेपछि औद्योगिक कच्चा पदार्थ आइरन ओर, सिमेन्ट, कोईला, जिम्सम, स्लेग वीरगन्ज रक्सौलबाट ओसार पसारमा रोक लगाउँन स्थानियले माँग गर्दै आएका थिए । वीरगंज ईनर्वाका लालदेव यादवले अव्यवस्थित रुपमा औद्योगिक कच्चा पर्दाथ ओसार पोसार गर्दा स्थानिय प्रभावित भएपछि यसलाई रोक्न लामो समयदेखि आन्दोलन गर्दै आएको बताए ।

लालदेव भन्छन, रक्सौल ल्याण्ड कस्टम (एलसीएस) को डेपुटी कमीसनर पिंकी कुमारीले गरेको आदेश स्वागत योग्य छ, हामी पुन आन्दोलनको तयारीमा थियो, विहानदेखि पानी परेका कारण छलफल गर्न सकिएको छैन, बिहिबार स्थानियको भेला गराएर वीरगंजकाे मुख्यबाटोबाट यसको ओसार पसारमा रोक लगाउँने बारे छलफल गरेर निर्णय लिनेछाैं ।”

जसपा केन्द्रिय समितिको बैठक वीरगंजमा बस्ने

0

वीरगंज । जनता समाजवादी पार्टी (जसपा) नेपालले दाेस्राे पटक जितेकाे मधेश प्रदेशकाे एक मात्र वीरगंज महानगरपालिकामा केन्द्रिय समितिको बैठक बस्ने भएको छ ।  

जसपा नेपालको केन्द्रीय कार्यालय प्रमुख प्रकाश अधिकारीले बिहिवार एक प्रेस नोट जारी गर्दै यहि असार २७ र २८ गते वीरगंजमा पार्टी केन्द्रिय समितिकाे बैठक बस्ने जानकारी गराएका हुन् ।

दुइ दिन सम्म चल्ने बैठकमा पार्टीको अवस्था, संगठन सुदृढिकरण र आगामी प्रदेश र संघीय निर्वाचनको पुर्व तयारीका लागि रणनीति विषयमा छलफल र निर्णय हुने वताइएकाे छ । बैठक स्थल बारे हाल सम्मकाे निर्णय नभएकाे जसपा पर्साका सचिव तबरेज अहमदले वताए ।

केन्द्रिय अध्यक्ष उपेन्द्र यादवको अध्यक्षतामा बस्ने बैठकमा पार्टीका पदाधिकारी र केन्द्रिय कार्यकारीणी सदस्यहरु सहभागी हुने उनले बताए ।

प्रेम सम्बन्धमा बाधा आएपछि बिषादी सेवन गर्ने बालिकाकाे मृत्यु, ३ जना पक्राउ

0

वीरगंज । पर्साकाे बहुदरमाई नगरपालिका वडा नं. ७ स्थित ढोङ्गी खोलाको मसानघाटबाट जल्दै गरेकाे एक बालिकाकाे शव प्रहरीले नियन्त्रणमा लिएकाे छ । विषादी सेवनका कारण वालिकाको मृत्यु भएको घटनाको सूचना प्रहरीलाई नदिई बुधबार राति १० बजे गोप्य रुपमा अन्त्यष्टी गर्न लागिएकाे शव प्रहरीले नियन्त्रणमा लिएकाे हाे ।

ईलाका प्रहरी कार्यालय पोखरियाबाट खटी गएको संयुक्त प्रहरी टोलीले ढोङ्गी खोलाको मसानघाटमा पुग्दा जल्दै गरेको शव बेवारिसे छोडी मलामी गएका व्यक्तिहरु भागी फरार भएको तथा प्रहरी टोलीले जल्दै गरेको शव नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।

बाँसको प्रयोग गरी चिताबाट निकाली जल्न बाँकी रहेको शवको लास जाँच मुचुल्का गरी पोष्टमार्टमको लागि नारायणी अस्पताल वीरगञ्जमा पठाईएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक प्रल्हाद कार्कीले वताए । मसानघाटस्थित ढोङ्गी खोला पुलमा रोकी राखेको अवस्थामा शव लैजान प्रयोग गरिएका ना ४२ प ७६९७ र ना २१ प ६८७ नं. का मो.सा. थान-२ समेत बरामद गरिएको प्रवक्ता कार्कीले जानकारी दिए ।

घटना सम्बन्धमा छानविन गर्न एक १८ बर्षिय बालिकासहित ३ जनालाई प्रहरीले नियन्त्रणमा समेत लिएकाे छ । मृतककी परिवारकी एक बालिकासहित बहुदरमाई नगरपालिका ७ निवासी ४० बर्षिय आशा देवी र साेही ठाउँ निवासी ५० बर्षिय उर्मिला देवीलाई प्रहरीले नियन्त्रणमा लिएकाे हाे ।

प्रहरीले तिनै जनालाई नियन्त्रणमा लिई अनुसन्धान गर्दा मृतक वालिका प्रेम सम्बन्ध रहेकोमा असन्तुष्ट भएका परिवारका सदस्यहरुले मृतक बालिकाले ३/४ दिन पहिला आफ्नो प्रेमीलाई आफ्नै घर नजिक बोलाई लुकिछिपी भेटघाट गर्दै गरेको अवस्थामा मृतककी आमाले देखी घरपरिवारको सदस्यहरू मिली मृतकलाई निर्घात कुटपिट गरेका थिए ।

साथै मृतक बालिकालाई घरबाट बाहिर आउन-जानमा कडाई गरेकोमा मृतकले आफ्नै पसलमा विक्री गर्न राखिएको बिषादी ल्याएर सेवन गरेको जानकारी पाइसक्दा समेत उपचार गर्न नलगी कोठामा थुनी राखेका कारण मृत्यु भएको अनुसन्धानबाट खुलेकाे प्रहरीले जनाएकाे छ ।

मृतकका परिवारका सदस्यहरू मिली योजना बनाई कोही कसैलाई थाहा नदिई दुईटा मोटरसाइकलमा लोड गरी उक्त शवलाई ढोङ्गी खोलाको किनारमा रहेको मसानघाटमा लगी जलाएको खुल्न आएको हुँदा निजहरू विरुद्ध ज्यान सम्बन्धी कसूर (कर्तव्य ज्यान ) मा पर्सा जिल्ला अदालतबाट ५ दिन म्याद लिई अनुसन्धान भइरहेको प्रवक्ता कार्कीले वताए ।

साथै उक्त घटनामा सलंग्न अन्य व्यक्तिहरूको पहिचान भैसकेको हुँदा निजहरूलाई तदारुक्ताका साथ खोजतलास भइरहेको समेत उनले जानकारी गराए ।