Date
मङ्ल, मंसिर १, २०८३
Tue, November 17, 2026
Home Blog Page 657

दलित बालबालिकाहरुलाई पाैष्टिक आहार वितरण

0

वीरगंज । वीरगंज महानगरपालिकाकाे वडा नं. २७ काेहडीमा बिहिबार एक कार्यक्रमकाे बिच दलित बालबालिकाहरुकाे लागि पाैष्टिक आहार वितरण गरिएकाे छ ।

वडा कार्यालयकाे सहयाेगमा आंकाक्षा डेभलपमेन्ट एण्ड स्किल प्रा.लि. धाेबिनी गापा ३, पर्साले वडा अन्तर्गतका ६५ जना दलित बालबालिकाहरुलाई पाैष्टिक आहार वितरण गरेकाे कम्पनीका संचालक सुरेश पटेलले जानकारीले दिए ।

वडाध्यक्ष हृदयनारायण प्रसाद कुर्मीकाे अध्यक्षमा भएकाे पाैष्टिक आहार वितरण कार्यक्रममा वडा सचिव दिनेश प्रसाद, सहायक वडा सचिव मेघराज श्रेष्ठ लगायतकाे उपस्थिती रहेकाे थियाे ।

श्री ने.रा.प्रा.वि. मधवलमा छात्रवृत्ति वितरण

0
वीरगंज । पर्साको बिन्दवासिनी गाउँपालिका वडा नं. ४ मधवलमा रहेको श्री नेपाल राष्ट्रिय प्राथमिक विधालयलमा छात्रवृत्ति वितरण गरिएको छ ।
 
कक्षा १ देखि ५ सम्म अध्ययनरत विधार्थीहरुमध्ये एक सय जना छात्राहरुलाई प्रती विधार्थी रु. चार सयको दरले चालीस हजार बराबरको छात्रवृत्ति वितरण गरिएको हो ।
 
वडा नं. ४ का वडाध्यक्ष अनोज कुमार चौरसियाकाे अध्यक्षतामा भएकाे छात्रवृत्ति वितरण कार्यक्रममा बिन्दवासिनी गाउँपालिकाकी उपाध्यक्ष ज्योति चौरसिया, शिक्षा शाखा प्रमुख कपिल लामिछाने, वडा सदस्य हरेन्द्र चौरसिया, मुकेश साह कानु, सगिर मिया, प्रधानाध्यापक कन्हैया प्रसाद तेलि, शिक्षकहरु मुकलेश गदी, मुकेश कुमार साह, बलिराम साह लगायतको उपस्थित रहेको थियो ।

आलुको बोरामा स्राेत नखुलेकाे रु ८३ लाख ६४ हजार बरामद

0
वीरगंज । धनुषा जिल्लाको जनकनन्दनी गाउँपालिका १ ईनरुवास्थित सीमा ईलाकाबाट मंगलबार सशस्त्र प्रहरीले ८३ लाख ६४ हजार ५ सय नेपाली रुपैयाँसहित दुई जनालाई पक्राउ गरेको छ ।
 
पक्राउ पर्नेहरुमा सोही ठाउँ बस्ने ३६ वर्षिय ईश्वर मण्डल र १९ वर्षिय राजेश मण्डल रहेका छन् । ज ७ प ५००७ नम्बरको मोटरसाईकलमा भारतबाट नेपालतर्फ आउँदै गरेका उनीहरुलाई सशस्त्र प्रहरी बल नेपाल बिओपी ईनरुवाबाट खटिएको सशस्त्र प्रहरीले शंका लागि जाँच गर्दा उनीहरुले बोकेको आलुको बोराभित्र जाँच गर्दा उक्त रुपैयाँ फेला परेकाे जनाइएकाे छ ।

पत्रकार साहलाई ज्यान मार्ने धम्की दिनेमाथी कारवाहीकाे माग

0

वीरगंज । समाचार लेखेकाे विषयलाई लिएर पत्रकारलाई ज्यान मार्ने धम्की दिनेमाथी समाजवादी प्रेस संगठन पर्साले कारवाहीकाे माग गरेकाे छ । वीरगंजबाट संचालित नेपाल पोष्ट डेलीका उप सम्पादक संतोष साहलाई ज्यान मार्ने धम्की दिने घटना प्रति समाजवादी प्रेस संगठनले प्रेस विज्ञप्ती मार्फत खेद प्रकट गर्दै कारवाहीकाे माग गरेकाे हाे । 

संगठन पर्साले साेमबार एक प्रेस बिज्ञप्ती जारी गर्दै घटना प्रति गम्भीर ध्यान आकर्षण भएको जनाउँदै दोषी माथी कडा कारवाहीको माग समेत गरेकाे छ । संगठन पर्साका अध्यक्ष मनोज पटेलद्वारा हस्ताक्षरित बिज्ञप्तीमा समाचारप्रति चित्त नबुझे वा गुनासो भए त्यस उपर कानुनी उपचार खोज्नु पर्नेमा पत्रकारमाथि यस प्रकारले प्रस्तुत हुनु निन्दनीय र प्रेस विरोधी काम रहेको उल्लेख गरिएको छ ।

संगठनले यस्ता प्रेस विरोधी घटना नियन्त्रणमा गम्भीर भई पत्रकारलाई निर्वाध र निर्भीक रूपमा काम गर्ने वातावरण निर्माण गर्नुको साथै पिडकलाई कानुनी दायरामा ल्याई कारवाही गर्न सम्बन्धित निकायसँग जोडदार माग गरेको छ ।

‘जुल्मी दहेज’ को एक दिने च्यारिटी शो त्रिमुर्ती सिनेमा हलमा

0

वीरगंज । समाजिक विकृती दहेज प्रथा, लैङ्गिक विविधता र बाल विवाहलाई मुल मुद्धा बनाई निर्माण भएको भोजपुरी फिल्म ‘जुल्मी दहेज’ को एक दिने च्य्यारिटी शो वीरगंजको त्रिमुर्ती सिनेमा हलमा प्रदर्शन हुने भएको छ ।

वीरगंजेली कलाकारहरुको अभिनय रहेको ‘जुल्मी दहेज’ फिल्म यहिं असार २५ गते च्यारिटी शो प्रदर्शन हुन लागेको उक्त फिल्म निर्माण कम्पनी बाबा बी फिल्मले जनाएको छ । वीरगंजस्थित वीरगंज क्लेजमा आयोजना गरिएकाे पत्रकार सम्मेलनमा फिल्म र प्रदर्शन बारे जानकारी गराईएको हाे ।

च्यारिटी शोका लागि टिकेट शुल्क पनि निर्धारण गरिएको छ । दुई शो प्रदर्शनको मौका प्राप्त गरेको ‘जुल्मी दहेज’ हेर्नका लागि चार किसिमको टिकेट निर्धारण गरिएको छ । बिहान ८ बजेको विधार्थी शो का लागि कक्षा ९ देखि माथिका विधार्थीहरुका लागि १५० र २०० को टिकेट शुल्क तोकिएको छ । भने दिनको १२ बजेको शो का लागि २०० र ३०० मुल्य पर्ने टिकेट तोकिएको छ ।

बाबा बी फिल्मले निर्माण गरेको यस फिल्मलाई च्यारिटि शो प्रदर्शन गर्न पाएकोमा खुशी हुँदै निर्माण कम्पनिले फिल्म र प्रदर्शन बारे जानकारी गराउन पत्रकार सम्मेलन आयाेजना गरिएकाे जनाएकाे छ । नेपालको तराई भुभाग,पहाडि भुभाग एवं छिमेकी भारतको बिहारमा समेत छायांकन गरिएको फिल्मका निर्देशक कृष्णा पण्डितले बताए ।

पत्रकार सम्मेलनलाई सम्बोधन गर्दै उनले नाफा मुलक नभई पुरै समाजिक जनचेतनाको लागि फिल्म निर्माण गरिएको वताए । ४ जनाको संयुक्त लगानी रहेको ‘जुल्मी दहेज’ निर्माण गर्न १८ लाख ८५ हजार लागत लागेको छ ।

भुवन पण्डित, ज्ञानेन्द्र सिंह, मुन्ना मुस्कान र सुरेन्द्र यादवको संयुक्त लगानी रहेको फिल्मका निर्देशक पण्डितले जानकारी दिए ।फिल्म भोजपुरी भाषामा निर्माण गरिएको निर्देशक पण्डितले बताए ।

२ घण्टा १० मिनेट लामो फिल्ममा ७ वटा गीत समावेश गरिएको पनि निर्माण कम्पनिले जनाएको छ । कृष्ण हमराहिले लेखक रहेकाे फिल्ममा मुन्ना मुस्कानले संगित दिएका छन् ।

फिल्मको मुख्य भुमिकामा मुन्ना मुस्कान, श्रुति सहनी, स्नेहा चौधरी, मुखलाल प्र. साह, ज्ञानेन्द्र सिंह, भागिरत साह, संगिता तिवारी, सुरेन्द्र यादव, नेहा यादव, सन्तोष कुमार, नितेश निर्मल लगायतका वीरगंजेली कलाकारहरुलाई देख्न पाइन्छ ।

उक्त च्यारिटी शोबाट प्राप्त भएको रकमको केही अंश समाजिक कार्यमा समेत लगानी गर्ने निर्माण पक्षले उद्धघोष गरेको छ । यो भन्दा पहिला बाबा बी फिल्मले माई हई ममताके दरिया, सपना द ड्रीम्स लगायतको छोटो फिल्म एवं दर्जनौं म्युजिक भिडियो निर्माण गरिसकेको छ ।

पर्साका सांसद प्रदिप यादव वन मन्त्री बन्दै

0

वीरगंज । पर्सा क्षेत्र नं. १ का प्रतिनिधि सभा सदस्य (सांसद) प्रदिप यादव मन्त्री बन्ने निश्चित भएकाे छ । जनता समाजवादी पार्टी (जसपा) नेपालले सरकारमा रहेका आफ्ना तीन जना मन्त्रीलाई फिर्ता बोलाएर पठाउन नयाँ मन्त्रीकाे सूचिमा पर्साका सांसद यादव पनि परेका छन् ।

प्रधानमन्त्री शेरबहादुर देउवा नेतृत्वको सरकारमा सहभागी तीन मन्त्रीलाई फिर्ता बोलाएर म्रिगेन्द्र सिंह यादव, प्रदिप यादव र मोहम्मद इस्तियाक राईलाई सरकारमा पठाउन लागिएको जसपा स्राेतले जनाएकाे छ ।

स्राेतका अनुसार जसपाले वन तथा वातावरण मन्त्री रामसहाय प्रसाद यादवलाई हटाएर प्रदीप यादवलाई मन्त्री बनाउने निर्णय गरेको छ ।

यसैगरी कृषि तथा पशुपन्छी मन्त्री महिन्द्र राय यादवलाई हटाएर मृगेन्द्र सिंह यादव र भौतिक पूर्वाधार तथा यातायात मन्त्री रेणु यादवलाई हटाएर इस्तियाक राईलाई जसपाले उक्त मन्त्रालयको जिम्मेवारी दिने भएकाे छ ।

नव नियुक्त मन्त्रीहरूको शपथ ग्रहण भोलि (सोमवार) हुने पार्टी स्रोतले जनाएको छ ।

सरकारमा रहेका आफ्ना मन्त्री फिर्ता बोलाउने बारेको पत्र प्रधानमन्त्री कार्यालयमा पठाइसकिएको पार्टी स्रोतकाे भनाई छ ।

परवानीपुर गाउँपालीकामा सार्वजनिक सुनुवाई कार्यक्रम सम्पन्न

0

वीरगंज । बाराको परवानीपुर गाउँपालीका वडा नं ४ चैनपुर टोलमा आइतबार सार्वजनिक सुनुवाई कार्यक्रम समपन्न भएको छ । परवानीपुर गाउँपालीकाको आयोजना र सहयोगी नेपालको सहजीकरणमा कार्यक्रम समपन्न भएको हो ।

कार्यक्रममा वडा नं ४ र ५ का स्थानीयहरुले नव र्निवाचित जनप्रतिनिधिलाई आ आफ्नाे गुनासो राखेका थिए । खासगरी स्थानीले किसानको लागी मल, खाद, स्वास्थ्य, शिक्षा, बेरोजगारी, सरसफाई, खेलकुद, सडक, नाला लगायतका आधारभुत समस्यालाई उठाएका थिए ।

स्थानीयहरुको अनुसार बिगत पाँच वर्ष भित्रमा यस पालीकाले खासै राम्रो र जनमुखी काम गर्न नसकेको र जनताको आधारभुत आवश्यक्ता पुरा गर्न नसकेको आरोप लगाएका थिए । उनीहरुले निर्वाचित जनप्रतिनिधीलाई निर्वाचनमा गरिएका वाचाहरुलाई पुरा गर्न र जनतामुखी काम गर्न आग्रह गरेका थिए ।

जनताको गुनासोलाई आत्मसात गर्दै गाउँपालीका प्रमुख रामक्षत्री प्रसाद पटेलले आफु जनताकाे सेवकको रुपमा काम गर्दै आएको र आफुले निर्वाचनमा वाचा गरेका कुराहरु पुरा गरेर देखाउने प्रतिबद्धता जनाए । कार्यक्रमका प्रमुख अतिथी समेत रहेका मेयर क्षेत्रीले यहा उठेका जन गुनासोलाई आफनो टिमले पुरा गरेर देखाउने बताए । 

उनले बार्यक्रममा भाग लिएका वडा नं. ४ र ५ का स्थानीयलाई आफनो गुनासो राखिदिएकोमा धन्यबाद दिए ।

यसैगरी पालीकाका प्रमुख प्रशासकिय अधिकृत मुन्ना साह रौनीयारले यस्ता कार्यक्रमहरु हरेक वडामा आयोजना गरिने बताए । उनले आजको कार्यक्रममा उठेका बिषयलाई सुधार गर्दै गाउँपालीकाको बिकास गर्ने बताए ।

यसैगरी नेकपा एमालेका मधेश प्रदेश कमिटी सदस्य उमेश गुप्ताले गाउँपालिकाले आयाेजना गरेकाे सार्वजनिक सुनवाई कार्यक्रम एकदमै सराहनीय रहेको र यस पालिकाको हरेक जनता धेरै पीडित रहेको हुनाले यस्ता कार्यक्रमबाट यहाँको जनप्रतिनिधि र प्रमुख राजनीतिक दलले धेरै कुरा सिक्ने बताए ।

उनले यस कार्यक्रममा उठेका प्रश्ननहरु जायज भएको र यसमा आफ्नो पनि समर्थन रहेको बताए । यसका साथै उनले सबै मिलेर यस पालिकाको शिक्षा, स्वास्थ, रोजगारी लगायतका समस्यालाई समाधान गर्नुपर्ने कुरामा जोड दिए ।  

वडा नं. ४ का वडाध्यक्ष गम्भीरा प्रसाद कुर्मीको अध्यक्षतामा भएकाे कार्यक्रममा उप प्रमुख सुगान्धी देवी कनुइन, वडा नं. ५ का वडाध्यक्ष रामेश्वर प्रसाद कलवार, वडा सदस्य दारा सिंह पटेल, कार्यपालीका सदस्य, पालीकाका कर्मचारी लगायत स्थानीहरुको सहभागिता रहेको थियो । कार्यक्रमकाे सहजीकरण सहयोगी नेपालका केसी लामीछाने, रितेश त्रीपाठीले गरेका थिए ।

रोहिंगिया मुस्लिमलाई देश निकालाकाे माँग गर्दै वीरगंजमा प्रदर्शन

0

वीरगंज । रोहिंगिया मुस्लिमलाई देशबाट निकाला गर्नुपर्ने माँग राख्दै हिन्दुवादी संगठनले वीरगंजमा विरोध प्रर्दशन गर्दै मधेश प्रदेशका मुख्यमन्त्री र मुस्लिम आयोगका अध्यक्षको पुतला दहन गरेका छन् । शरणार्थीको रुपमा म्यानमार, बांग्लादेश, भारत र पाकिस्तान लगायतको देशबाट आएका रोहिंगिया मुस्लिमहरुलाई मुख्यमन्त्री लालबाबु राउत गद्दी र आयोगका अध्यक्ष समिम अंसारीले संरक्षण गरेको भन्दै पुतला जलाएर विरोध गरेका हुन ।

स्थानिय प्रहरी प्रशासनको कडा सुरक्षाका विच विश्व हिन्दु परिषद नेपाल पर्साका कार्यकर्ताहरुले प्रहरीलाई चुनौती दिदैं मुख्यमन्त्री लालबाबु र आयोगका अध्यक्ष अंसारीको पुतला दहन गर्न सफल भएका हुन । प्रहरीले हस्तक्षेप गरी पुतला नियन्त्रणमा लिन खोज्दा प्रहरी र परिषदका कार्यकर्ता विच केहि बेर घम्साघम्सी समेत भएको थियो ।

रोहिंगिया मुस्लिमहरु देशको लागि घातक रहेको भन्दै देश निकाला गर्नुपर्ने मुख्य माँग गर्दै वीरगन्जमा विरोध प्रर्दशन गरेका हुन । वीरगंजकाे माईस्थानमा भेला भएको परिषदका कार्यकर्ताहरुले वीरगंजमा विरोध जुलुस प्रर्दशन गरेका थिए ।

बिराेध जुलुशमा सहभागिहरुले रोहिंगिया मुस्लिमलाई देशनिकाला गर, रोहिंगियालाई नेपाल प्रवेश गराउँनेलाई कारवाही गर, मुस्लिम आयोग खारेज गर, ल्याउँन लागेको मदर्सा शिक्षा विद्येयक खारेज गर, समिम मियाँ अंसारी मुर्दाबाद लगायतको चर्काे नारा लगाएका थिए ।

माईस्थान मन्दिर प्राङ्गणबाट निकालिएको विरोध जुलुस, महाविरचौक, आर्दशनगर, अलखियामठ, विर्ता, गणेशमानचौक,पुन: माईस्थान हुँदै घण्टाघर चोकमा पुगेर कोणसभामा परिणत भएको थियो ।

कोणसभालाई सम्बोधन गर्दै परिषदका अध्यक्ष बृजेश मल्लिकले रोहिंगिया मुलुक देशको लागि खतरा रहेको भन्दै देश निकाला गर्नुपर्ने माँग गरे ।

उनले रोहिंगिया कट्टर मुस्लिम भएका कारण उनीहरुलाई मुस्लिम राष्ट्रले समेत आफनो देशमा प्रवेश गर्न नदिएको अवस्थामा नेपालमा प्रवेश गराएका यिनिहरुले भोलीका दिनमा नेपालमा ठूलो दुर्घटना निम्त्याउँन सक्ने भएकोले सरकारले अविलम्ब कारवाही गरी देश निकाला गर्नुपर्ने वताए ।

आफूहरुको माँगलाई राज्यले वेवास्था गरे देशभरी नै कडा आन्दोलन गर्ने उनले चेतावनी समेत दिए ।

साथै उनले न्यून संख्यामा आएका रोहिंग्या शरणार्थीहरू अहिले केहि संख्या बढेकोमा शरणार्थी परिचयपत्र, भत्ता र रोजगारीको माँग गर्दै आन्दोलन गरी रहेका छन, हरेक नेपालीको अधिकारमाथि कब्जा जमाउँन खोजेका छन, जुन राष्ट्रको लागि घातक छ, यिनलाई संरक्षण दिने मुस्लिम आयोगका अध्यक्ष अंसारीलाई समेत कारवाही गर्न माँग गरे ।

हालै जसपाका अध्यक्ष उपेन्द्र यादव, मुख्यमन्त्री गद्दी, आयोगका अध्यक्ष अंसारी लगायतको सहभागितामा इस्लामिक संगठन जमियत उलेमा ए-नेपाल नामक संगठनले साँत बुन्दे प्रस्ताव ल्याएपछि नेपाली जनता आन्दोलित बनेका हुन ।

ईस्लामिक संगठनले ल्याँएको प्रस्तावहरु समाजिक सदभावलाई खलल पार्ने एवं बहुसंख्यक नेपाली जनताको भावना विपरित रहेको भन्दै प्रस्ताव खारेजीको माँग गर्दै देशभरी नै आन्दोलन शुरु भएको छ ।

ईस्लामिक संगठनले बक्फ बोर्ड गठन, मदरसा विधेयक, नेपाल पसेका राहिंगिया, बंगलादेशी, भारतीय र पाकिस्तानी मुस्लिमलाई आधिकारीकता दिन र मुस्लिम परिवार कानून लगायत साँत बुन्दे माँग प्रस्ताव पारित गरेका थिए । मुस्लिम संगठनले ल्याएको प्रस्तावहरु देशको समाजिक सदभावलाई खलल पार्ने एवं बुहसंख्यक नेपाली जनताको भावना विपरित रहेको भन्दै खारेजीको माँग राख्दै उनीहरु आन्दोलनमा उत्रेका हुन ।

वीरगंजमा वुमन क्रियसनको साउन मेला सम्पन्न

0

वीरगंज । मारवाडी समुदायका महिलाहरुद्वारा संचालित वुमन क्रिएसनले वीरगंजमा ‘साउन धमाका’ मेलाको आयोजना गरेको छ । वीरगंजस्थित जैन भवनमा आयोजित मेलामा मारवाडी समुदायका महिलाहरुले आफैले उत्पादन गरेको विभिन्न प्रकारका खाद्य पदार्थ देखि कपडा तथा गिफ्टका सामानहरुको प्रदर्शन गरिएको थियो ।

यसैगरी वीरगंज कारगारमा रहेका कैदीबन्दीहरुले उत्पादन गरेको मुडा, रेनकोट, झुल, टोपी, पर्सलाई समेत प्रर्दशनमा राखिएको थियो ।

कार्यक्रममा वीरगंज महानगरपालिकाका नगर प्रमुख राजेशमान सिंहले वीरगंज आर्थिक नगरी समेत भएकाले यस नगरमा रहेका महिला उद्यमीहरुलाई प्रोत्साहीत गर्न महानगरपालिकाले महत्वपूर्ण भूमिका निर्वाह गर्ने प्रतिबद्धता व्यक्त गरे । उनले महिलाहरुका लागि सिपमुलक तालिमको आयोजना गर्नुका साथै उनीहरुद्वारा उत्पादन गरिएको बस्तुहरुको बजारीकरणमा समेत सहयोग गर्ने बताए ।

नगर प्रमुख सिंहले यस्ता खालका कार्यक्रमले महिला उद्यमीहरुको हौसला बढ्ने भन्दै वुमन क्रिएसनले गरेको कार्यक्रमको प्रसंशा गरे । वुमन क्रिएसनकी अध्यक्ष हेमा अग्रवालले महिला सशक्तिकरणको विषय विभिन्न कार्यक्रमहरुमा उठ्ने गरेपनि उक्त महत्वपूर्ण विषय कार्यक्रममै सिमीत हुने गरेको बताइन ।

उनले महिलाहरुमा समेत पुरुष सरह उद्यम व्यापार गर्नसक्ने क्षमता भएको हुनाले त्यस्ता महिलालाई उद्यम क्षेत्रमा ल्याउन सरोकारवाला निकायले सहयोग गर्नुपर्ने वताइन ।

वुमन क्रिएसनकी सदस्य सुमोना बेर्नजीले अहिले पनि हाम्रो समाजले महिलालाई घर–परिवारको रेखदेख गर्ने रुपमा मात्र लिएको बताइन । यस्तो मानसिकतालाई चिर्न वुमन क्रिएसनले यसप्रकारको कार्यक्रमको आयोजना गर्दै आएको उनले जानकारी गराइन ।

यो मेला आयोजनाको उद्देश्य महिलाहरुको क्षमता अभिवृद्धिका लागि भएको अध्यक्ष अग्रवालले बताए ।

यस्तै वुमन क्रिएसनकी पूर्व अध्यक्ष नुतन सरावगीले पहिलेको तुलनामा अहिले महिलाहरुमा उद्यमशिल बन्नुपर्छ र आफ्नै खुट्टामा उभिनुपर्छ भन्ने चेतना आएको बताए । उनले खास गरि मारवाडी समाजका महिलाहरुसंग व्यापार-व्यवसाय गर्ने ईच्छुक र योग्य भएता पनि विविध कारणले खुलेर आउन नसकेको बताए ।

सोही कुरालाई मध्य नजर गर्दै यो कार्यक्रमको आयोजना गरिएको उनकाे भनाई थियाे ।

पूर्व अध्यक्ष सरावगीले समाजमा थुप्रै महिला उद्यमीहरु भए पनि सरोकारवाला निकायको ध्यान पुग्न नसकेको गुनासो गरे ।

२००२ मा ४ जना महिलाबाट संचालन भएको वुमन क्रिएसन संस्थामा हाल ४० जना सदस्य रहेका छन् । यस संस्थामा मारवाडी समुदायका मात्र नभई पहाडी, मुस्लीम लगायत अन्य समुदायका महिलाहरुको पनि सहभागिता रहेको छ ।

पर्सा र बारामा भएकाे कार्यक्रममा १४६ जनाद्वारा रक्तदान

0

वीरगंज । पर्साकाे पकहाँ मैनपुर गाउँपालिकामा शनिबार रक्तदान कार्यक्रम सम्पन्न भएकाे छ । श्री रामचरित्र भगत मा.वि. पकाहाँ मैनपुरमा भएकाे कार्यक्रममा २५ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले वताए ।

समाज परिवर्तन नेपालका अध्यक्ष अकलेश कुमार साहकाे अध्यक्षता भएकाे कार्यक्रम उद्घाटन रक्तदान गरी नेकपा एमाले पकहाँ मैनपुर गाउँपालिका कमिटीका सचिव एवम् गाउँपालिका प्रमुखका उमेदवार राजेश सहनीले गरेका थिए ।

युवा सन्जालको सहकार्य र समाज परिवर्तन नेपालको आयोजनामा भएकाे कार्यक्रममा एमडी हवारी, कृष्णा शर्मा, देवलाल साह, अखलेश पटेल, अनवर आलम, रविन्द्र चाैरसिया, नरेश सहनी, पृथ्वीनारायण बर्णवाल, रन्जन यादव, मनिष यादव, सुरेश कुमार राम, टेक बहादुर विके लगायतकाले रक्तदान गरेका थिए ।

रक्तदान कार्यक्रममा नेकपा एमाले पकहा मैनपुर गाउँपालिका वडा नं. ५ का वडा कमिटी अध्यक्ष रामबाबु प्र चौरसिया, पकहाँ मैनपुर युवा संजालका सचिव भगवान प्रसाद पटेल, गोबिन्द यादव, रामबाबु चौरसिया, मनिष यादव, अनवर आलम, चनदन पटेल लगायतकाे सहभागिता रहेको थियो ।

यसैगरी बाराकाे जितपुर सिमरा उपमहानगरपालिका वडा नं. ७ जीतपुरमा पनि रक्तदान कार्यक्रम सम्पन्न भएकाे छ ।

शान्ति युवा बिकाश मंच कल्बकाे आयाेजनामा भएकाे कार्यक्रममा ८ जना महिलासहित १२१ जनाले रक्तदान गरेकाे रक्त संचार केन्द्र वीरगंजका प्रमुख पाण्डेले वताए ।

जीतपुरकाे शान्ति टाेलमा भएकाे कार्यक्रममा प्रशुराम चाैधरी, लक्ष्मण कुमार क्षेत्री, अपताब आलम, अनिल गुप्ता, रवि कुमार सहनी, अनिल पण्डित, रन्जित कुमार राउत, ओमप्रकाश कुमार सर्राफ, उमेश चाैधरी, पिन्टु कुमार साह, राेशन सिंह, राजाबाबु साह, प्रेमलाल साह साेनार, बासुदेव चाैधरी, श्याम मुखिया लगायतकाले रक्तदान गरेकाे उनले जानकारी दिए ।

अजय कुमार शाहकाे अध्यक्षता र बाराका प्रमुख जिल्ला अधिकारी कृष्ण बहादुर कटुवालकाे प्रमुख आतिथ्यतामा भएकाे कार्यक्रममा सुनिल कुमर गुप्ता, नवीन मैनाली लगायतकाे उपस्थिती रहेकाे थियाे ।