वीरगंज । जनता समाजवादी पार्टी (जसपा) नेपालले दाेस्राे पटक जितेकाे मधेश प्रदेशकाे एक मात्र वीरगंज महानगरपालिकामा केन्द्रिय समितिको बैठक बस्ने भएको छ ।
- Advertisement -
जसपा नेपालको केन्द्रीय कार्यालय प्रमुख प्रकाश अधिकारीले बिहिवार एक प्रेस नोट जारी गर्दै यहि असार २७ र २८ गते वीरगंजमा पार्टी केन्द्रिय समितिकाे बैठक बस्ने जानकारी गराएका हुन् ।
दुइ दिन सम्म चल्ने बैठकमा पार्टीको अवस्था, संगठन सुदृढिकरण र आगामी प्रदेश र संघीय निर्वाचनको पुर्व तयारीका लागि रणनीति विषयमा छलफल र निर्णय हुने वताइएकाे छ । बैठक स्थल बारे हाल सम्मकाे निर्णय नभएकाे जसपा पर्साका सचिव तबरेज अहमदले वताए ।
केन्द्रिय अध्यक्ष उपेन्द्र यादवको अध्यक्षतामा बस्ने बैठकमा पार्टीका पदाधिकारी र केन्द्रिय कार्यकारीणी सदस्यहरु सहभागी हुने उनले बताए ।
