Date
मङ्ल, मंसिर १, २०८३
Tue, November 17, 2026
Home Blog Page 656

जसपा फुटाउने बाबुरामकाे सपना चकनाचूर भयाे : उपेन्द्र यादव

0

वीरगंज । जनता समाजवादी पार्टी (जसपा) का अध्यक्ष उपेन्द्र यादवले डा. बाबुराम भट्टराई पार्टी फुटाउने खेलमा लागेका कारण उनलाई पदमुक्त गरिएको बताएका छन् । 

वीरगंजमा सम्पन्न जसपाको केन्द्रीय कार्यकारीणी समिति र केन्द्रीय समितिको बैठककाे निर्णय सार्वजनिक गर्न शुक्रबार वीरगंज मै आयाेजित पत्रकार सम्मेलनमा वाेल्दै अध्यक्ष यादवले पार्टीका तत्कालीन संघीय परिषद् अध्यक्ष डा. भट्टराईलाई पदमुक्त गर्ने निर्णय बैठकले गरेको जानकारी दिए । 

बैठकले पार्टीको संघीय परिषद् अध्यक्षमा वरिष्ठ नेता अशोक राइलाई सर्वसम्मत चयन गरेको यादवले बताए । 

भट्टराईसँगै उनको पक्षमा लागेर पार्टी फुटाउने खेलमा लागेका ८ जना केन्द्रीय कार्यकारीणी सदस्यहरुलाई पनि पदबाटमुक्त गर्ने निर्णय बैठकले गरेको यादवले जानकारी गराए ।

यादवले डा. भट्टराईको पार्टी फुटाउने सपना चकनाचूर भएको समेत बताए । अध्यक्ष यादवले पार्टी फुटाउन गुट भेला गरे पनि संख्या नपुग्दा बाबुरामको सपना चकनाचूर भएको बताए ।

‘पार्टी फुटाउने षडयन्त्र थियो, संख्या नभएर आफैं परास्त हुनुभयो । आफ्नो गुटको बैठक बोलाउनुभयो, यो गलत थियो ‘ उनले भने, ‘ पार्टी विधानविपरीत कार्य गरेर अर्को जसपा दर्ता गराउने सपना चकनाचूर भएको छ । प्रयास असफल भएको छ । 

संघ र प्रदेशको निर्वाचनमा पाँच दलीय गठबन्धनलाई निरन्तरता दिने अध्यक्ष यादवले वताए । 

विगतमा तत्कालीन प्रधानमन्त्री केपी ओलीले दुई दुई पटक संसद विघटन गरेपछि प्रतिगमनलाई परास्त गर्न बनेको गठबन्धनले प्रतिगमननलाई परास्त गरेर लोकतन्त्रको रक्षा गर्दै मुलुकलाई राजनीतिक स्थिरता तर्फ अगाडि बढाएका कारण गठबन्धनको निरन्तरता पार्टीले आवश्यक ठानेको यादवले बताए । 

‘यद्यपि स्थानीय निर्वाचनमा हाम्रो पार्टीका केहि तिता अनुभव पनि छ । तर मुलुकका लागि गठबन्धन अहिले पनि आवश्यक ठानेका छौं,’ उनले भने, त्यहि भएर आगामी निर्वाचनमा पनि हामी तालमेल गरेर जान्छौं ।’ 

यादवले वीरगन्जको बैठकले पार्टीको विधान संशोधन गरि केन्द्रीय कार्य समितिमा महिलाको सहभागीता ३३ प्रतिशत पुरयाउने, संगठनलाई अझ चुस्त दुरुस्त बनाउने र जसपालाई एउटा वैकल्पिक शक्तिका रूपमा स्थापित गर्ने अभियानलाई निरन्तरता दिने निर्णय पनि गरेको सुनाए। 

अध्यक्ष यादवले संसदमा पेश भएको नागरिकता संशोधन विधेयक फास्ट ट्रयाकबाट छिट्टै पारित हुने पनि बताए । 

‘पहिलेको विधेयकमा संशोधन गरि नयाँ विधेयक संसदमा प्रस्तुत भइसकेको छ। उक्त विधेयक संसदको यहि अधिवेशनबाट पास हुन्छ। यसमा कसैले शंका नगरे हुन्छ’, यादवले भने। 

पत्रकार सम्मेलनमा जसपाका संघीय परिषद अध्यक्ष अशोक राइले वीरगन्जको बैठक पछि जसपा अब पार्टी विभाजन गर्न खोज्नेहरुलाई एउटा  किनारामा छाडेर मूल प्रवाहमा  अगाडि बढेको बताए। 

वीरगन्जको बैठक ऐतिहासिक रहेको भन्दै उनले बैठकले गरेका निर्णयहरुले पार्टीलाई एउटा नयाँ उचाइमा पुर्‍याउने विश्वास लिएको बताए। 

हाेटल भिस्वामा भएकाे पत्रकार सम्मेलनमा वन तथा वातावरण मन्त्री प्रदीप यादव, केन्द्रीय कार्यकारणी सदस्यहरु रामसहाय यादव, सुशीला श्रेष्ठ, संघीय सांसद नरमाया ढकाल, वीरगंज महानगरका मेयर राजेशमान सिंह, जसपाका जिल्ला अध्यक्ष रामनरेश प्रसाद यादव लगायतको पनि सहभागिता थियो ।  

वीपिसीमा २८ महिलासहित १४४ जनाद्वारा रक्तदान

0

वीरगंज । वीरगंज पब्लिक कलेजकाे आयाेजनामा शुक्रबार वीरगंजमा रक्तदान कार्यक्रम सम्पन्न भएकाे छ । उक्त रक्तदान कार्यक्रममा २८ महिलासहित १४४ जनाले रक्तदान गरेकाे बिकी सर्राफले जानकारी दिए ।

वीरगंज पब्लिक कलेज मै भएकाे कार्यक्रममा सुस्मिता कर्ण, विनिता कुमारी साह, श्रीराम प्रसाद साह, स्नेहा चाैधरी, मुकेश साह, आकाश कुमार साह, बलिराम कुमार साह, राेहित गुप्ता, अनामिका गुप्ता, रिपु यादव, कुशुम साह, मेघा कुमारी साह, सुजाता चाैधरी, खुस्बु यादव, विपिन भट्टराई, राकेश कुमार साह लगायतकाले रक्तदान गरेका हुन् ।

नेपाली सेना श्रीजङग गणका कार्नल डाइमन्ड कार्कीकाे प्रमुख आतिथ्यतामा भएकाे रक्तदान कार्यक्रममा वीरगंज पब्लिक कलेजका क्याम्पस प्रमुख डा. विनय श्रेष्ठ, सहायक क्याम्पस प्रमुख अरविन्द श्रेष्ठ, वडा प्रहरी कार्यालय विर्ताका प्रहरी निरिक्षक बिशाल मल्ल लगायतकाे उपस्थिती रहेकाे थियाे ।

रक्तदान कार्यक्रम रक्त संचार केन्द्र वीरगंजकाे प्राविधिक सहयाेगमा भएकाे थियाे । 

तस्कारीकाे लत्ताकपडासहित ट्रक प्रहरी नियन्त्रणमा

0

वीरगंज । तस्करीकाे लत्ताकपडासहित ट्रक प्रहरीले नियन्त्रणमा लिएकाे छ । वीरगञ्ज महानगरपालिकाकाे वडा नं.६ लोहारपट्टी सडकखण्डमबाट विल बिजक विनाकाे लत्ताकपडा बाेकेकाे ना.३ ख ४४१२ नम्बरको मालवाहक ट्रक प्रहरीले नियन्त्रणमा लिएकाे हाे ।

बिभिन्न किसिमका खुद्रा सामानहरू बोकेको ट्रकमा विल बिजक नभएका लत्ताकपडाहरू समेत रहेको सूचना प्राप्त भई वडा प्रहरी कार्यालय विर्ताबाट खटिएकाे प्रहरी टाेलीले बुधबार राति १२ बजे ट्रकलाई रोकी जाँच गर्ने क्रममा खुद्रा सामानका अतिरीक्त विल बिजक विनाका विभिन्न किसिमका लत्ताकपडा समेत फेला परेको प्रहरीले जनाएकाे छ ।

उक्त ट्रक नियन्त्रणमा लिई रू. ४७ लाख ४८ हजार ८ सय ८० मूल्याङ्कन गरी आवश्यक कारवाहीको लागि बिहिबार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

धाेबिनीका शिक्षा शाखा प्रमुख त्रिपाठीकाे कमिशन लाेभ, प्रअहरु मर्कामा

0

वीरगंज । पर्साकाे धाेबिनी गाउँपालिका शिक्षा शाखा प्रमुख बृजकिशाेर त्रिपाठीले कमिशन बिनाकाे कुनै काम नगर्ने गरेकाे गुनासाे प्राप्त भएकाे छ । 

गाउँपालिका अन्तर्गतका विद्यालयहरुमा कार्यरत बालबिकास सहजकर्ता र विद्यालय कर्मचारीकाे तलब पठाउन समेत उनले कमिशन माग गरेकाे विद्यालयका प्रधानाध्यापकहरुले गुनासाे गरेका छन् । गाउँपालिकाका लेखापालले असार २२ गते नै तलबकाे चेक बनाएपनि शिक्षा शाखा प्रमुखले कमिशन लाेभमा असार २९ सम्म रकम विद्यालयकाे खातामा नपठाएकाे बुधबार गाउँपालिका कार्यालय भेटिएका प्रधानाध्यापकहरुले गुनासाे गरे ।

शिक्षा शाखा प्रमुखकाे प्रतिक्षामा गाउँपालिका कार्यालय बसेका प्रधानाध्यापकहरुले बुधबार दिउसाे ५ बसे सम्म पनि उनी कार्यालयमा नआएपछि फाेनमा उनलाई अपशब्द समेत वाेल्न बाध्य भएका थिए । त्यस क्रममै उनीहरुकाे फाेनमा डिस्कर्स सुनेर संचारकर्मीहरुकाे एक समुहले समस्या बारे साेध्दा शिक्षा शाखा प्रमुखले कमिशन माग गरेकाे गुनासाे गरे ।

प्रधानाध्यापकहरुले शिक्षा शाखा प्रमुख त्रिपाठीले बालबिकास सहजकर्ता, कार्यालय सहयाेगीकाे साथै छात्रवृति, बुक क्रनर, किताबकाे बाकी २५ प्रतिशत रकमकाे चेक कटेपनि नपठाएकाे गुनासाे गरे । त्रिपाठीले कमिशन लाेभमा रकम विद्यालयकाे खातामा पठाउन ढिलाई गरेकाे प्रधानाध्यापकहरुकाे भनाई थियाे ।

धाेबिनी गाउँपालिका अन्तर्गत ३ मावि, ४ मदारसा, १० आधारभुत विद्यालय गरी जम्मा १७ वटा विद्यालय रहेकाे छ । साे विद्यालय अन्तर्गतका ३० जना बालबिकास सहजकर्ता र कार्यालय सहयाेगीकाे पारिश्रमिक पठाउनमा उनले ढिलाई गरेपछि प्रधानाध्यापकहरु विवाद गरेपछि विहिबार विहान उनले खातामा रकम हालेकाे जानकारी प्राप्त भएकाे छ ।

शिक्षा शाखा प्रमुख त्रिपाठीले प्रमुख प्रशासकिय अधिकृत जयचन्द्र साहकाे मिलाेमताेमा विद्यालयकाे हरेक थाेकमा कमिशन असुल्ने गरेका छन् । उनकाे नियुक्ति गैर कानुनी तरिकाले कमिशन असुल्न कै लागि भएकाे गाउँवासीहरुकाे भनाई रहेकाे छ ।

तत्कालिन प्रमुख प्रशासकिय अधिकृत अशाेक राैनियारकाे पालामा त्रिपाठीलाई शिक्षा शाखा प्रमुख बनाइए पनि उनकाे नियुक्ति गैर कानुनी रहेकाे पाइएपछि तत्कालिन प्रमुख प्रशासकिय अधिकृत राजु साहले उनलाई जिम्मेवारी मुक्त गरेका थिए । तर पछि फेरी गाउँपालिकाकाे प्रमुख प्रशासकिय अधिकृतमा जयचन्द्र साह आएपछि उनलाई शिक्षा शाखा प्रमुखकाे जिम्मेवारी दिएका थिए ।

गाउँपालिकामा हुने शिक्षक नियुक्ति लगायतकाे थाेकमा रकम असुल्न कै लागि त्रिपाठीलाई गैर कानुनी तरिकाले शिक्षा शाखा प्रमुखकाे जिम्मेवारी दिइएकाे गाउँपालिका कै कर्मचारी स्राेतले जनाएकाे छ । उनकाे विषयमा अख्तियार दुरुपयाेग अनुसन्धान आयाेग र अदालतमा समेत उजरी परेकाे छ ।     

कालिकामाईमा दाइजाेप्रथा विरुद्धकाे वक्तृत्वकला प्रतियाेगिता सम्पन्न

0

वीरगंज । पर्साकाे कालिकामाई गाउँपालिका वडा नं. २ भेडिहारीमा बिहिबार दाइजाेप्रथा विरुद्धकाे वक्तृत्वकला प्रतियाेगिता एवम् जनचेतनामूलक सांस्कृतिक कार्यक्रम सम्पन्न भएकाे छ ।

कालिकामाई युवा समाजले आयाेजना गरेकाे वक्तृत्वकला प्रतियाेगितामा श्री जनता मावि मुडलीका अमित साह प्रथम, श्री सुकई साह मावि भेडिहारीका दिपेश प्रसाद कुशवाहा द्वितिय र श्री नेपाल राष्ट्रिय आधारभुत विद्यालय कट्टी बलुवाका अंगेस कुमार चाैरसिया तृतिय भएका हुन् ।

गाउँपालिका अन्तर्गतका ४ वटा विद्यालयका छात्र/छात्राहरुले भाग लिएकाे प्रतियाेगितामा सन्तावना पुस्कार दिव्य कन्या मावि बिरन्चीबर्वाकी शिल्पा शर्मालाई प्रदान गरिएकाे थियाे ।

श्री सुकई साह मावि भेडिहारीमा भएकाे कार्यक्रमलाई सम्वाेधन गर्दै गैर सरकारी संस्था महासंघ नेपाल पर्साका अध्यक्ष छठु साहले समाजमा कुरुतीकाे रुपमा रहेकाे दाइजाेप्रथा अन्त्य गर्न जरुरी रहेकाे वताए । उनले दाइजाेप्रथा अन्त्यकाे लागि केटा वा केटी आत्म निर्भर भएपछि मात्र विहे गर्ने परिपाटी बसाउनु पर्ने वताए ।

कार्यक्रमका प्रमुख अतिथी समेत रहेका अध्यक्ष साहले अध्ययन गर्ने समयमा विद्यार्थीहरु पनि अनुशासित हुन जरुरी रहेकाे वताए । उनले भने “अध्ययन गर्ने समय मै बालबालिकाहरु गलत बाटाे लाग्ने डरले कम उमेर मै अभिभावकहरु विवाह गर्ने गरेकाे पाइन्छ, त्यस कारण पनि हाम्राे समाजबाट दाइजाेप्रथा अन्त्य हुन सकेकाे छैन् । त्यसैले विद्यार्थीहरु पनि अनुशासित हुन जरुरी छ ।”

स्थानिय गैर सकारी संस्था ब्रिलिएन्ट युवा क्लबका अध्यक्ष एवम् कालिका टाईम्सका प्रबन्ध निर्देशक समेत रहेका प्रमुख अतिथी साहले गाउँपालिकाले शिक्षामा लगानी बढाउनु पर्ने समेत वताए । उनले अहिले हुन लागेकाे गाउँ सभामा गाउँपालिका अन्तर्गत विद्यालयहरुमा देखिएकाे कक्षा काेठा लगायतकाे समस्या समाधानकाे लागि र शिक्षा क्षेत्रकाे अवस्था सुधारकाे लागि गाउँपालिकाले बजेट छुट्याउनु पर्ने माग गरे ।

श्री सुकई साह माविका प्रधानाध्यापक रामविश्वास चाैरसियाकाे अध्यक्षतामा भएकाे कार्यक्रममा वडाध्यक्ष साेनालाल चाैरसिया, गाउँपालिका उपाध्यक्षका प्रतिनिधि राधाकिशुन चाैरसिया, श्री सुकई साह माविकाे विद्यालय व्यवस्थापन समितिका अध्यक्ष विनाेद चाैरसिया, श्री नेरा आधारभुत विद्यालय कट्टी बलुवाका प्रधानाध्यापक इन्द्रेव कुर्मी लगायतकाे सहभागिता रहेकाे थियाे भने कार्यक्रमकाे संचालन आयाेजक कालिकामाई युवा समाजका आकाश चाैरसियाले गरेका थिए । 

कार्यक्रममा श्री सुकई साह माविका छात्र/छात्राहरुले दाइजाे प्रथा विरुद्धकाे चेतामूलक नाटक समेत प्रस्तुत गरेका थिए भने बाबा बि फिल्म प्राेडक्सनका कलाकारहरुले सांस्कृतिक कार्यक्रम समेत प्रस्तुत गरेका थिए ।

कार्यक्रम कालिकामाई गाउँपालिका, दिव्य युवा क्लब, ब्रिलिएन्ट युवा क्लब, कालिका एकेडमी, इम्पारशियल लिगल इन्स्च्युट सहयाेगमा भएकाे थियाे ।

सार्वजनिक शिक्षा सुदृढिकरणका लागि क्षमता अभिवृद्धि कार्यक्रम

0

वीरगंज । सार्वजनिक शिक्षा सुदृढिकरणका लागि नितिगत वकालत पैरवी, नागरीकको क्षमता अभिवृद्धि कार्यक्रम मंगलबार वीरगंजमा सम्पन्न भएको छ ।

भिएसओ नेपाल र जेजेवाईसी बाराको समन्वयमा शिक्षाका लागि राष्ट्रिय अभियान नेपालले वीरगंजस्थित होटेल मकालुमा आयोजना गरेको एक दिने कार्यक्रममा वक्ताहरुले पर्साको शैक्षिक अवस्थाबारे विभिन्न चिन्ता व्यक्त गरेका थिए । साथै पर्साको शैक्षिक क्षेत्रमा रहेका विभिन्न समस्या र जोखीमलाई न्युनिकरण गर्ने उपाय बारे समेत उनीहरुले वृहत रुपमा छलफल गरेका थिए ।

कार्यक्रममा शिक्षाका लागि राष्ट्रिय अभियान नेपालका उपाध्यक्ष राजेन्द्र पहाडी र कार्यसमिति सदस्य सुभेन्द्रमान श्रेष्ठले राष्ट्रिय शिक्षा निति, वृहत विधालय सुरक्षा गुरु योजना, आपतकालिन अवस्थामा पनि शिक्षा अधिकार, सुरक्षित विधालय सुरक्षित सिकाई लगायतका शिक्षा क्षेत्रका सम्बन्धमा कार्यपत्र तथा ऐन कानुन र संविधानमा भएका शिक्षाबारेको व्यवस्था र स्थानीय स्तरमा रहेको शिक्षाको अवस्था तथा पालिका, विधालय, अभिभावक, शिक्षक लगायत सरोकारवाला विभिन्न निकायको भुमिका बारे वृहत रुपमा जानकारी गराइएकाे थियाे ।

कार्यक्रममा सहभागिहरुले सार्वजनिक शिक्षा निति, लैंगिक उत्तरदायिक शिक्षा निति, समावेशी शिक्षा निति र गुणस्तरीय शिक्षामा स्थानिय सरकारको दायित्व तथा विधालय, अभिभावक, शिक्षक, प्र.अ., गैसस लगायत सरोकारवाला निकायले खेल्नुपर्ने भुमिका बारे समुहगत रुपमा प्रस्तुतीकरण समेत गरेका थिए ।

कार्यक्रममा शिक्षाका लागि राष्ट्रिय अभियान नेपालका पुर्व सदस्य एव् जनता समाजवादी पार्टि पर्साका अध्यक्ष रामनरेश यादव, नेपाल पत्रकार महासंघ पर्साका अध्यक्ष अनुप तिवारी, गैर सरकारी संस्था महासंघ नेपाल पर्साका अध्यक्ष छठु साह, समाजिक संस्था जिल्ला समन्वय समिति पर्साका अध्यक्ष इब्राहिम देवान, शिक्षाका लागि राष्ट्रिय अभियान नेपालका सचिव रामप्रवेश साह, अभियानकी रस्मिता महर्जन, भीएसओ नेपालकी श्री देवी लगायतको सहभागिता रहेको थियो ।

पाेखरियामा सेवा केन्द्र स्थापना गराउन्छु : मन्त्री यादव

0

वीरगंज । पाेखरिया नगरपालिकाकाले संघिय सरकारका नवनियुक्त वन तथा वातावरण मन्त्री प्रदीप यादवलाई मंगलबार स्वागत तथा सम्मान गरेकाे छ । 

पोखरीया नगरपालिकाको कार्यालयमा मेयर प्रधुमन चौहान, उपमेयर रुवी देवी र प्रमुख प्रशासकीय अधिकृत अशोक रौनीयारले मन्त्री यादवलाई फुल माला र गम्छा पहिरयाएर स्वागत र सम्मान गरेका थिए । त्यसअवसरमा मन्त्री यादवलाई मायाको चिनो पनि प्रदान गरेका थिए ।

स्वागत र सम्मान ग्रहण गर्दै मन्त्री यादवले पर्सावासीको सहयोग र साथले नै आफु मन्त्री बन्न सफल भएको भन्दै धन्यवाद ज्ञापन गरे । उनले आफु प्रति पोखरीया र जिल्लावासीले प्रकट गरेको हार्दिकताले आफुलाई थप जिम्मेवार बनाएको बताए ।

उनले पर्साकाे दाेस्राे सदरमुकामकाे रुपमा रहेकाे पाेखरियामा सेवा केन्द्र स्थापनाकाे लागि पहल गर्ने वताए । उनले भने “केन्द्रमा पकड नभएका कारण सेवा केन्द्र स्थापना हुन सकेन, तर अब पाेखरियामा सेवा केन्द्र स्थापनाकाे लागि केविनेट बैठकमा जाेडदार रुपमा अवाज उठाउन्छु ।”

अर्काे प्रसंगमा कुरा राख्दै मन्त्री यादवले मधेशमा चुरे संरक्षण जरुरी रहेकाे वताए । उनले चुरे संरक्षण भएन भने मधेशलाई बचाउन  नसकिने र मधेश मरुभुमि हुने वताए । त्यसैले चुरे संरक्षण जरुरी रहेकाे उनकाे भनाई थियाे ।

वीरगंजबाट एक २२ बर्षिय युवतीकाे उद्दार, एक जना पक्राउ

0

वीरग‌ंज । मानव बेचबिखन तथा ओसारपसार आरोपमा १ जनालाई प्रहरीले नियन्त्रणमा लिएकाे छ । बीरगञ्ज महानगरपालिकाकाे वडा  नं. १६ बाट एक युवतीलाई भारततर्फ बेचबिखन गर्ने उद्देश्यले लगिरहेका रामेछाप जिल्ला मन्थली नगरपालिका वडा नं. १४ घर भएका ४२ बर्षिय बाबु घिसिङलाई प्रहरीले नियन्त्रणमा लिएकाे हाे ।

साेमबार दिउसाे ४.३० बजे बीरगञ्ज महानगरपालिका वडा  नं. १६ मा भारततर्फ जान लागेका घिसिङ र भोजपुर घर भएकी २२ वर्षीया युवतीलाई चेकिङ्ग ड्युटीमा रहेको प्रहरीले रोकी माइती नेपालका कर्मचारीको उपस्थितिमा सोधपुछ गर्दा शंकास्पद लागेकोले निजहरूलाई जिल्ला प्रहरी कार्यालय पर्सामा पठाएकाे थियाे ।

थप अनुसन्धान क्रममा युवतीलाई साथै रहेका घिसिङले केही समय अगाडिदेखि आफन्तमार्फत चिनजान बढाई भारतको कलकत्तास्थित अस्पतालमा मासिक रू. ६० हजारको काम लगाइदिने प्रलोभन देखाई साेमबार काठमाण्डौँमा भेट गरी सोही दिन टाटा सुमो चढाई दिउसाे ४ बजे बीरगञ्ज बसपार्क ल्याएकाे खुलेकाे प्रहरीले जनाएकाे छ ।

घिसिङले युवतीलाई प्रहरीको बोर्डर चेकपोष्टमा “बाराको अमलेखगञ्ज घर हो र भारतको रक्सौलमा कपडा खरिद गर्न जान लागेको” भन्नू भनी सिकाई गलफतमा पारी बेचबिखन गर्ने उद्देश्यले भारततर्फ लैजाँदै गरेको देखिन आएको जिल्ला प्रहरी कार्यालय पर्साले जनाएकाे छ ।

त्यसपछि घिसिङ्गलाई नियन्त्रणमा लिई मानव बेचबिखन तथा ओसारपसार कसूरमा मंगलबार पर्सा जिल्ला अदालतबाट ५ दिन म्याद लिई अनुसन्धान भइरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

पकहा मैनपुरकाे अगामी बर्षकाे बजेट रु ३९ कराेड ३७ लाख

0

वीरगंज । पर्साकाे पकहा मैनपुर गाउँपालिकाकाे आठाैं गाउँ सभाबाट पारित आर्थिक बर्ष २०७९/०८० काे नीति, कार्यक्रम तथा बजेट शुक्रबार सार्वजनिक गरिएकाे छ । गाउँपालिका अध्यक्ष सुरेश मेहताकाे अध्यक्षतामा भएकाे सार्वजनिकरण कार्यक्रममा उपाध्यक्ष सरफुन नेसाले अगामी आर्थिक बर्षकाे रु ३९ कराेड ३७ लाख ८४ हजार बराबरकाे बजेट प्रस्तुत गरेकी थिइन ।

जसमा नेपाल सरकारबाट प्राप्त वितिय समानिकरण अनुदान रु १० कराेड २१ लाख, संघिय राजश्व बाडफाड तर्फ रु ६ कराेड ५८ लाख २१ हजार, सशर्त अनुदान तर्फ रु १० कराेड ७९ लाख, प्रदेश सरकारबाट समानिकरण अनुदान रु ७० लाख ७४ हजार, सवारी साधन करबाट प्राप्त राजश्व बाँडफाड रु ३० लाख, बिशेष अनुदान रु ३० लाख, समपुरक अनुदान रु २० लाख तथा गत बर्षकाे माैज्दात रु ९ कराेड ७२ लाख ७९ हजारकाे रहेकाे वताइन ।

उपाध्यक्ष नेसाले ब्यय तर्फ चालु खर्चका लागि रु २० कराेड ६० लाख र पुँजगत तर्फ रु १८ कराेड ७७ लाख ८४ हजार विनियाेजन गरेकाे जानकारी गराइन ।  

अगामी बर्षकाे नीति तथा कार्यक्रम प्रस्तुत गर्दै गाउँपालिका अध्यक्ष मेहताले गाउँपालिका अन्तर्गतका सम्पूर्ण गर्भवती महिलाहरुकाे सत्केरी गराउन एम्बुलेन्स निशुल्क गरिएकाे वताए । साथै साउन १ गतेदेखी कृषि विधुत महशुल्क फ्रि गराउनुकाे साथै सम्पूर्ण सामुदायिक विद्यालयका विद्यार्थीहरुकाे लागि निशुल्क स्कुल ड्रेस र वैज्ञकाे व्यवस्था गरिने अध्यक्ष मेहता वताए ।

नेपाली कांग्रेसका नेता एवम् पूर्व मन्त्री सुरेन्द्र कुमार चौधरीकाे प्रमुख आतिथ्यतामा भएकाे नीति, कार्यक्रम तथा बजेट सार्वजनिकरण कार्यक्रममा नेपाली कांग्रेस पर्साका जिल्ला सभापति जनार्दन सिंह क्षेत्री, गाउँपालिकाका प्रमुख प्रशासकिय अधीकृत रमेश सुबेदी, नेपाली कांग्रेस पर्सा क्षेत्र नं. ४ का सभापति श्रीकिशुन चाैहान, जिल्ला सदस्य ललन द्विवेदी, पकहा मैनपुर गाउँपालिकाका सभापति हरि चाैहान, नेता नसुरलाह मियाँ, वडा नं. १ देखी ५ सम को वडाध्यक्ष, गाउँ सभा सदस्य लगायतकाे सहभागिता रहेको थियो ।  

कुशवाहा मृत्यू प्रकरण : प्रहरीले अभियुक्त संरक्षण गरेको भन्दै प्रदर्शन

0

वीरगंज । बाराकाे देवत्ताल गाउँपालिका वडा नं. ६ निवासी स्व. प्रभु कुशवाहाका आफन्त र परिवारका सदस्यहरुले बिहिबार विराेध प्रदर्शन गरेका छन् । मुख्य अभियुक्तलाई संरक्षण गरेको भन्दै पीडित पक्षले जिल्ला प्रहरी कार्यालय बाराका प्रहरी उपरीक्षक दिलीप सिंह देउवा र जिल्ला न्यायधिवक्ता जुद्धबहादुर आले विरुद्ध प्रदर्शन गरेका हुन् ।

जिल्ला प्रहरी कार्यालय बारा अगाडि र जिल्ला न्यायधिवक्ता कार्यालय अगाडि पीडित पक्ष तथा स्थानीयहरुले बारा प्रहरी मुर्दावाद, घुसखोर एसपी मुर्दावाद, घुसखोर एसपी जिल्ला छोड, प्रहरी प्रशासन हायहाय, जिल्ला प्रहरी प्रशासन मुर्दावाद, जिल्ला न्यायधिवक्ता मुर्दावाद, मुख्य आरोपीलाई पक्राउ गर, अभियुक्तलाई संरक्षण गर्न पाइँदैन लगायतका नारा लेखिएकाे प्ले कार्डसहित शान्तिपूर्ण प्रदर्शन गरेका थिए ।

यसैबिच प्रहरीले १० जना विरुद्ध अभियोगपत्र दर्ता गरेको छ । गत जेठ २३ गते जग्गा नाप नक्साको विषयलाई लिएर विवाद हुँदा दोश्रो पक्षले कुटपिट गर्दा गम्भिर घाइते भएका प्रभू कुशवाहाको उपचारको क्रममा नेशनल मेडिकल कलेजमा मृत्यु भएको थियो ।

मृत्यु पश्चात पीडित पक्षले १३ जना विरुद्ध किटानी जाहेरी दिएपनि बारा प्रहरीले घटनाको मु्ख्य योजनाकार रामअयोध्या राय यादव सहित रामसखी देवी, उपेन्द्र कुमार महतोको नाम हटाएर १० जना विरुद्ध मात्र अभियोगपत्र दर्ता गरेको मृतक प्रभु कुशवाहाका छोरा सन्दिप कुशवाहाले जानकारी दिए ।

उनका अनुसार बारा प्रहरी उपरीक्षक दिलीप सिंह देउवा, प्रहरी नायब उपरीक्षक राजेश थापा, प्रहरी निरीक्षक तथा घटनाका अनुसन्धान अधिकृत सुरेन्द्र यादव एवं जिल्ला न्यायधिवक्ता जुद्धबहादुर आले मिली मुख्य योजनाकारहरुलाई संरक्षण गरि बाँकी अरोपी विरुद्ध अभियोगपत्र दर्ता गरेको हो ।

घटनाका मुख्य योजनाकार रामअयोध्या राय यादव नेपाली काँग्रेस पार्टी कार्यकर्ता भएकाेले नेपाली काँग्रेसका प्रदेश उपसभापति चन्द्रशेखर यादवको निर्देशनमा प्रहरी उपरीक्षक देउवा लगायत जिल्ला न्यायधीवक्ता सहितले उनलाई संरक्षण गर्न लागि परेको पीडित पक्षको आरोप छ ।

हत्या जस्तो सम्वेदनशील घटनामा पनि प्रहरीले नातेदार, पार्टीका कार्यकर्ता संरक्षण गर्ने कार्यले उनको कार्यशैलीप्रति प्रश्न उब्जिएको छ । घटनाका मुख्य योजनाकार रामअयोध्या राय यादवका आफन्त पर्ने प्रहरी निरीक्षक सुरेन्द्र यादव आफै अनुसन्धान अधिकृत रहेकोले यादवलाई संरक्षण गर्न लागि परेका हुन् भने मुख्य योजनाकार यादवका छोरा जिल्ला मालपोत कार्यालय बारामा लेखापालमा कार्यरत रहेकोले पनि प्रहरी लगायत न्यायधिवक्ताले पनि आरोपीलाई संरक्षण गर्न खुलेरै लागेको पीडित पक्षको आरोप छ ।

घटना भए लगत्तै पीडित पक्षले १३ जना विरुद्ध किटानी जाहेरी दिएपनि बारा प्रहरीले शुरु देखि नै मुख्य योजनाकार रामअयोध्या राय यादव सहित तीन जनाको नाम हटाएर मात्रै जाहेर दिन पीडित पक्षलाई दबाब दिदै आएका थिए । तर पीडित पक्षले मुख्य योजनाकार रहेकोले तिनै जना विरुद्ध जाहेर जसरी पनि दिने अडान राखेपछि जिल्ला न्यायधिवक्ता एवं प्रहरी मिली तीन जना बाहेक अन्य १० जना विरुद्ध अभियोगपत्र दर्ता गर्ने निर्णय नै गरेको पीडित पक्षले आरोप लगाएको छ ।

बारा प्रहरीले किशोरी महतो कोइरी, रामप्रवेश प्रसाद कुशवाहा, विलाश महतो कोइरी, बुनी महतो कोइरी, हिरामन कुमार कुशवाहा, शिवजी प्रसाद कुशवाहा, रामबाबु प्रसाद महतो, संजय कुमार, रामदेव महतो एव. गगनदेव महतो कोइरी विरुद्ध कर्तव्य ज्यान सम्बन्धी अभियोगपत्र दर्ता गरेको हो ।

अभियोगपत्र दर्ता भएकाहरुमध्ये २ जनालाई पुर्पक्षका लागि कारागार चलान गरिएको छ भने बाँकी आरोपीहरु अहिलेपनि फरार रहेका छन् ।