Date
मङ्ल, मंसिर १, २०८३
Tue, November 17, 2026
Home Blog Page 655

पाेखरियाकाे नगर सभा सम्पन्न, रु ५१ करोड ९० लाखकाे बजेट प्रस्तुत

0

वीरगंज । पर्साको पोखरीया नगरपालिकाको छैठाे नगर सभा शनिबार सम्पन्न भएको छ । नगर प्रमुख प्रधुमन चाैहानकाे अध्यक्षतामा शनिबार बसेकाे छैठाे नगर सभाकाे दाेस्राे बैठकमा आगामी आर्थिक वर्ष २०७९/०८० का लागि ५१ करोड ९० लाख १४ हजार रुपैयाँ बराबरको बजेट प्रस्तुत गरिएकाे थियाे ।

नगरपालिकाकाे अगामी बर्षकाे नीति, कार्यक्रम तथा बजेटमा स्वस्थ्य, शिक्षा र कृषिलाई प्राथमिकता दिइएको नगर प्रमुख चाैहानले वताए । उनले नगर कार्यपालिका सदस्यहरूका लागि रु ५० हजार सम्मको निशुल्क स्वास्थ्य उपचार, पालिका अन्तर्गतका गर्भवती महिलाको लागि एम्बुलेन्स सेवा निशुल्क, कार्यपालिका सदस्यहरूको छोरीको विवाहको लागि पालिकाबाट बिषेश सहयोग उपलब्ध गराउने घोषणा गरे ।

प्रमुख प्रशासकीय अधिकृत अशोक रौनियारले पालिकाबाट दिने सेवाहरू जनतामुखि हुनुपर्ने बताए । उनले सेवाग्राहीलाई समयमै  गुणस्तरीय सेवा प्रदान गर्न कर्मचारीहरुलाई निर्देशन पनि दिए ।

नगर सभामा  सेवा निवृत्त कार्यालय सहयोगी सुरेश महतोलाई दोसल्ला ओढाएर सम्मान समेत गरिएको थियो ।

नगर कार्यपालिकाकाे सभा कक्षमा भएकाे नगर सभामा उप मेयर रुबी ठाकुर, १० वटै वडाका वडाध्यक्ष, नगर सभा सदस्यहरु र कर्मचारीहरुकाे सहभागिता रहेकाे थियाे भने सभाकाे सहजिकरण लेखापाल मनाेज तिवारीले गरेका थिए ।

परवानीपुरमा एक महिलासहित ८५ जनाद्वारा रक्तदान

0

परवानीपुर । बाराको परवानीपुर गाउँपालिका वडा नं ४ चैनपुर टोलमा शनिबार रक्तदान कार्यक्रम सम्पन्न भएको छ । न्यू जगदम्बा माई युवा क्लबको आयोजन र नेपाल रेडक्रस सोसाइटी केन्द्र पर्साको सहयोगमा भएकाे कार्यक्रममा एक महिलासहित ८५ जनाले रक्तदान गरेका छन् ।

क्लबका अध्यक्ष प्रदीप कुमार महतोको अध्यक्षतामा भएकाे कार्यक्रममा सत्रुधन पटेल, दीपक पटेल, सिताराम राम, शुशिल चौधरी, धर्मेन्द्र महतो, सुरज गुप्ता, पशुराम राउत कुर्मी लगायतले रक्तदान गरेका हुन् ।

कार्यक्रमको उद्घाटन परवानीपुर गाउँपालिकाका अध्यक्ष रामक्षत्री प्रसाद पटेलले गरेका थिए । कार्यक्रमका प्रमुख अतिथी समेत रहेका मेयर क्षेत्रीले रक्तदान गर्नु संसारकै सबभन्दा पुण्यकाे कार्य भएको वताए । उनले यसबाट कसैको ज्यान बचाउने भएकोले यस्ता कार्यक्रमको आयोजना गरिएको प्रति क्लबका सम्पूर्ण टिमलाई धन्यवाद समेत दिएका थिए । उनले आउने दिनमा पनि क्लवले यस्तै सामाजिक कार्य गर्ने र पालिकाबाट पनि आफूहरु सहकार्य गर्ने बताए ।

कार्यक्रममा नेकपा एमालेका मधेश प्रदेश कमिटी सदस्य उमेश गुप्ताले संसारको सब भन्दा ठुलाे मानवीय कार्य रक्तदान रहेको हुनाले यस्तो महान कार्यमा सहयोग गर्न सबै स्वस्थ्य व्यक्तिलाई अनुरोध गरे । उनले मठ, मन्दिर पूजा गर्नुको सट्टा रक्तदान गरेर पुण्य कमाउन सबैलाई आग्रह गरे।

कार्यक्रममा पूर्व वडा अध्यक्ष गजेन्द्र पटेलले अहिले वीरगञ्ज र बारा जिल्लामा रगतको अभाव भएको र यस्तो अवस्थामा रक्तदान कार्यक्रमको आयोजना गरिएकोमा आयोजक क्लब र यसमा सहयोग गर्ने सम्पूर्ण टिमलाई धन्यवाद दिए । उनले यस्ता कार्यक्रममा समाजका सबै अगुवाले मिलेर सहयोग गर्नु पर्ने धारणा राखे ।

कार्यक्रममा गाउँपालिका कार्यपालिका सदस्य महन्त राम, वडा नं ४ का वडा सदस्य जगदीश साह लगायतले शुभकामना व्यक्त गरेका थिए । कार्यक्रममा रक्तदान गर्नहरुलाई कदर  पत्रले सम्मान समेत गरिएको थियो ।

कार्यक्रममा क्लबका उपअध्यक्ष रोशन पटेल, सचिव सुरेश साह, सह सचिव सन्तोष पटेल, कोषध्यक्ष जयराम राम, सदस्यहरु दिपेश कुशवाहा, नेपाली मिया, मुकेश पटेल लगायतले सहयोग गरेका थिए । कार्यक्रमको सञ्चालन दिपेश कुशवाहा गरेका थिए ।

सोमेशवरनाथ महादेव मन्दिरलाई जग्गा दान गर्ने कुर्मीलाई सम्मान

0

वीरगंज । बिरगंज महानगरपालिकाकाे वडा नं. २४ रामगढवामा रहेकाे श्री सोमेशवरनाथ महादेव मन्दिरलाई जग्गा दान गर्ने जग्गा धनीलाई शनिबार एक कार्यक्रम बीच सम्मान गरिएकाे छ । जग्गा रामगढवा निवासी स्व: गोरख राउत कुर्मिका छाेरा पन्नालाल प्रसाद कुर्मिलाई सम्मान गरिएकाे हाे ।

कुर्मीले मन्दिरलाई करिब ३५ लाख बराबरकाे ६ धुर जग्गा दान गरेका छन् । कुर्मीले सो जग्गा सोमेशवरनाथ महादेव मंदिर संरक्षण समितिको नाममा शनिबार हस्तान्तरण समेत गरेकाे संस्थाका सचिव कन्हैया पटेलले जानकारी दिए ।

मंदिरको नाममा आफ्मो निजी जग्गा दान गर्ने कुर्मीलाई नागरिक समाज रामगढ़वा तथा मंदिर संरक्षण समितिको तर्फबाट अधिवक्ता सुरेन्द्र प्रसाद कुर्मि, हिन्दू परिषद नेपालका अध्यक्ष संतोष पटेल, उपाध्यक्ष सीताराम पटेल, कोषाध्यक्ष काजी प्रसाद कुर्मिले दोसल्ला ओढाई कदर पत्रले सम्मान गरेकाे सचिव पटेलले वताए ।

कार्यक्रममा मन्दिर निर्माण कार्यमा आर्थिक सहयोग गर्ने मदन प्रसाद चौरसिया, पशुपति साह तेली, पवन कुमार गुप्ता, बैजनाथ प्रसाद चौरसिया, लक्षमण प्रसाद चौरसिया, अशोक लाठ, जगरनाथ प्रसाद कुर्मी, जंगली राउत कुर्मी, बिजय पटेल, रामबालक प्रसाद कुर्मी लगायतलाई पनि सम्मान गरिएकाे थियाे ।

मंदिर संरक्षण समितिका अध्यक्ष समेत रहेकाे कुर्मीको अध्यक्षता र वीरगंज महानगरपालिकाका नगर प्रमुख राजेशमान सिंहकाे प्रमुख आतिथ्यतामा भएकाे सम्मान कार्यक्रममा वीरगंज २४ का वडाध्यक्ष बिजय पटेल, विश्व हिन्दू महासंघका केन्द्रिय महासचिव अभिषेक तिवारी,विश्व, हिंदू परिषद नेपाल पर्साका उपाध्यक्ष शम्भू महतो थारू लगायतकाे उपस्थिती रहेकाे थियाे ।

कार्यक्रमको संचालन संस्थाका सचिव कन्हैया पटेलले गरेका थिए भने स्वागत मन्तव्य नागरिक समाजका तर्फबाट सामाजिक अभियंता प्रकाश थारुले राखेका थिए ।

सामी परियाेजना बारे वीरगंजका वडा सचिवहरुलाई अनुशिक्षण

0

वीरगंज । सुरक्षित आप्रवासन (सामी) परियाेजना अन्तर्गत वीरगंज महानगरपालिकाका वडा सचिवहरुसंग परियाेजना बारे अनुशिक्षण कार्यक्रम शनिबार वीरगंजमा सम्पन्न भएकाे छ ।

नेपाल सरकार र स्वीस सरकार बिच भएकाे द्विपक्षीय सम्झौता अनुसार श्रम राेजगार तथा सामाजिक सुरक्षा मन्त्रलयकाे नितिगत पहलमा, हेल्भेटास नेपालकाे प्राबिधिक सहयाेग, बीरगंज महानगरपालिकाकाे सहयाेग तथा दिब्य युवा क्लब पर्साकाे सहजीकरणमा संचालित परियाेजना अन्तर्गत अनुशिक्षण कार्यक्रम सम्पन्न भएकाे हाे ।

वीरगंजकाे लिंकराेडस्थित हाेटेल कुमु प्यलेसमा भएकाे कार्यक्रममा वीरगंज महानगरपालिकाका ३२ वटा वडाका सचिवहरुकाे उपस्थिति रहेकाे थियाे । कार्यक्रममा हेल्भेटास नेपालका कार्यक्रम अधिकृत शिवचरण राैनियार लगायतकाले प्रशिक्षण दिएका थिए ।

वीरगंज महानरपालिकाका आर्थिक बिकास महाशाखाका अधिकृत राजेन्द्र हरि शर्माकाे अध्यक्षतमा भएकाे कार्यक्रममा दिब्य युवा क्लब, पर्साका अध्यक्ष उमेश प्रसाद चाैहान, कार्यकारी निर्देशक रामाकान्त पटेल लगायतकाले मन्तव्य राखेका थिए । 

जसपाका दुई केन्द्रिय सदस्यसहित ६९ जनाद्वारा पार्टी परित्याग

0

वीरगंज । जनता समाजवादी पार्टी (जसपा) नेपालका दुई केन्द्रिय सदस्यसहित ६९ जनाले पार्टी परित्याग गरेको घोषणा गरेका छन् ।

केन्द्रिय सदस्य बिरेन्द्र यादव, टेक बहादुर शाक्य, प्रदेश सदस्य सलाउदिन अहमद, जिल्ला सदस्य एवम् जगरथापुर गाउँपालिका अध्यक्षका प्रत्यासी कृष्ण मोहन यादव, पर्सा निर्वाचन क्षेत्र नं. ४ का अध्यक्ष लालबाबु साह, जिराभावानी गाउँपालिका संयाेजक राजबली यादव, ठोरी गाउँपालिका संयाेजक राम बहादुर पाख्रिन लगायतकाले सामुहिक रुपमा पार्टी परित्याग गरेको घोषणा गरेका हुन् ।

शनिबार वीरगंजमा पत्रकार सम्मेलनको गर्दै पर्सा क्षेत्र नं. ४ निवासी केन्द्रिय सदस्यद्वय यादव, शाक्य लगायतकाले सामुहिक रुपमा पार्टीकाे साधारण सदस्यबाट समेत राजिनामा दिएकाे जानकारी गराए ।

पार्टीमा स्वच्छाचारिता, पार्टी एकलौटी ढंगबाट पार्टी संचालन भएको, निति, नियत र नेतृत्व प्रष्ट नभएको र पार्टी संगठनात्मक संरचनामा नभई पार्टीमा ब्यक्ती, ठेक्दार र भ्रष्टाचारी हाबी भएकोले आफूहरु पार्टीबाट सामुहिक रुपमा राजिनामा दिएकाे केन्द्रिय सदस्य यादवले वताए ।

पार्टी परित्याग गर्नेमा अधिकांश नेता तथा कार्यकर्ताहरु पर्सा निर्वाचन क्षेत्र नं. ४ का रहेका छन् । अब कुन पार्टी अलग हुन लागेका डा. बाबुराम भट्टराईसंग लाग्नेकी अरु कुनै पार्टीमा जाने बारे पत्रकारहरुकाे जिज्ञासामा अहिले आफूहरु कुनै निर्णय नगरेकाे यादवले वताए ।

कालिकामाईमा झडप, वडाध्यक्ष पटेल र सई निराैला घाइते

0

वीरगंज । पर्साकाे कालिकामाई गाउँपालिकामा शुक्रबार सांझ दुई पक्ष बिच झडप भएकाे छ । गाउँ सभाकाे बिषयलाई लिएर भएकाे झडपमा वडा नं. ३ का वडाध्यक्ष संजय पटेल, वडा नं. १ मुडलीका लालबाबु चाैरसिया र इलाका प्रहरी कार्यालय पाेखरियाका प्रहरी नायब निरिक्षक विवेक निराैला घाइते भएका छन् ।

घाइते वडाध्यक्ष पटेल र चाैरसियाकाे वीरगंजस्थित नारायणी उपक्षेत्रिय अस्पतालमा उपचार भइरहेकाे छ । वडाध्यक्ष पटेलकाे मुखमा चाेट लागेकाे छ ।

शुक्रबार राखिएकाे गाउँपालिकाकाे आठाैं गाउँ सभाकाे दाेस्राे बैठक स्थगित भएपछि बैठकबाट निस्कने क्रममा वडाध्यक्ष पटेलमाथी आक्रमण भएकाे वताइएकाे छ । बैठकस्थल श्री नेरा आधारभुत विद्यालय हरिहपुरबाट निस्कने क्रममा आफुमाथी आक्रमण भएकाे वडाध्यक्ष पटेलले वताएका छन् ।

गाउँ सभा बैठकस्थल अगाडी जम्मा भएकाे भिड हटाउने क्रममा प्रहरी नायब निरिक्षक निराैलासहित केही प्रहरीहरु समेत घाइते भएकाे प्रहरीले जनाएकाे छ ।

गाउँ सभाकाे बैठक सकेपछि बैठक स्थल अगाडी भएकाे विवाद झडपमा परिणत भएकाे थियाे । केही बेर दुई पक्ष बिच त्यहाँ तनाव समेत भएकाे थियाे ।

त्यसपछि पुन: हरिहपुर, बिरन्चीबर्वा, बलुवा र भेडिहारी गाउँमा समेत झडपहरु भएकाे वताइएकाे छ । हरिपुरमा फिल्डमा भएकाे झडपकाे बिषयलाई लिएर कालिकामाई गाउँपालिका अन्तर्गतकाे विभिन्न गाउँमा दुई पक्ष बिच विवाद र झडपहरु भएकाे स्थानियहरुले वताएका छन् । 

साे क्षेत्रमा इलाका प्रहरी कार्यालय पाेखरियाले पुन: झडप हुन नदिन प्रहरीहरु खटाएकाे छ । 

गाउँ सभाकाे दाेस्राे बैठक शनिबार पुन: बस्ने गाउँपालिकाले जनाएकाे छ । प्रमुख प्रशासकिय अधिकृत अमित कुमार गिरीले एक सुचना जारी गर्दै गाउँपालिका अध्यक्षकाे आदेशानुसार गाउँपालिकाकाे आठाैं गाउँ सभाकाे दाेस्राे बैठक असार ३२ गते शनिबार दिउसाे ४ बजेदेखी श्री नेरा आधारभुत विद्यालय हरिहपुरबार पुन: बस्ने जानकारी गराएका छन् ।

जनप्रतिनिधिहरुबिच बजेट भागबन्डाकाे बिषयमा कुरा नमिल्दा गाउँ सभा हुन सकेकाे छैन ।  

मुक्त हलिया र कमैयाको सवालमा आमने सामने बैठक सम्पन्न

0

वीरगंज । कृषि बधुवा मजदुरहरुः मुक्त हलिया र कमैयाहरुको सामाजिक आर्थिक सवालमा समसामयिक छलफल गर्न सुदूरपश्चिम प्रदेश सरकार भूमि ब्यवस्था, कृषि र सहकारी मन्त्रालयद्वारा आमने सामने बैठकको सम्पन्न भएकाे छ । राष्ट्रिय दलित नेटवर्कको संयोजन र मुक्त हलिया, कमैया संगठनहरुको सहभागितामा बसेकाे बैठक सम्पन्न भएको हाे ।

बैठकमा कृषि बधुवा मजदुरहरुः मुक्त हलिया र कमैयाहरुको न्यायिक पुनस्र्थापनामा साझा पहलको थालनी गर्न मन्त्रालयको अगुवाईमा प्रदेश स्तरमा एक समन्वयात्मक संयन्त्र निर्माण गरि त्यस मार्फत कामहरु अगाडी बढाउनु पर्ने निष्कर्ष निकालिएकाे छ ।

बैठकको अध्यक्षता ग्रहण गर्दै भूमि ब्यवस्था, कृषि तथा सहकारी मन्त्री बिनीता चौधरीले कृषि बधुवा मजदुरहरुः मुक्त हलिया र कमैयाहरुको आवाश, भूमि र जिवीकोपार्जन मार्फत न्यायिक पुनर्स्थापनका लागि प्रदेश सरकार प्रतिबद्ध भएर लाग्ने वताइन । साथै उनले कृषि बधुवा मजदुर र महिलाहरुद्वारा नेतृत्व गरेका सहकारीहरुलाई मन्त्रालय मार्फत बिउपुँजी सहयोग गर्न सकिने वताइन ।

बैठकमा द फ्रिडम फण्डका कानुनी सल्लाहकार तथा परामर्शदाता बालाराम भट्टराईले कृषि बधुवा मजदुरको समग्र न्यायिक पुनर्स्थापनका लागि एकिकृत कानुन निर्माण भई त्यसको प्रभावकारी कार्यान्वयन गर्नुपर्ने वताए ।

मुक्त कमैया समाजका केन्द्रीय अध्यक्ष पशुपति चौधरीले अहिलेको परिवेशमा समन्वयात्मक ढंगले अगाडी बढनुपर्ने वताए ।

बैठकमा राष्ट्रिय दलित नेटवर्कका केन्द्रीय कोषाध्यक्ष जंग बहादुर सुनार, पार्वती आगी्र कार्यकारी निर्देशक हुकुम बहादुर सार्की, मुक्त हलिया समाज महासंघका सदस्य टिका नेपाली लगायत १५ जना सरोकारवाला निकायको सहभागिता रहेको थियो ।

बैठककाे सहजीकरण मन्त्रालयका शाखा प्रमुख धर्मराज ओझाले गरेका थिए ।

‘कृष्ण लीला’ को ट्रेलर सार्वजनिक

0

३ भदौबाट प्रदर्शनमा आउने फिल्म ‘कृष्ण लीला’ को नयाँ ट्रेलर सार्वजनिक भएको छ । २ मिनेट ५५ सेकेन्डको सार्वजनिक ट्रेलरमा फिल्मका दुई पात्र कृष्ण (पुष्प खड्का) र लीला (श्रद्धा क्षेत्री) बीचको प्रेम र विछोडको कथा देखाउन खोजिएको छ ।

एउटा सपना बोकेर हिँडेकी युवतीको सुस्त मनस्थिति भएको युवकसँग माया बसेपछि आउने उतार चढावमा फिल्ममा देखाउन खोजिएको छ । फिल्ममा बुद्धि तामाङ, रविन्द्र झा, भावना गुरुङ, नवीन रेग्मी, हिउँवाला गौतमलगायतको पनि अभिनय छ । 

शिव ढकालको छायाङ्कन, अर्जुन जिसीको सम्पादन, बाबुल गिरी र अर्जुन पोखरेलको संगीत, लक्ष्मण सुवेदीको लेखन, माइकल चन्द र रामजी लामिछानेको नृत्य रहेको फिल्म दीपक वलीले निर्देशन गरेका हुन् । रोहित कट्टेल प्रस्तुतकर्ता र रत्न श्रेष्ठ कार्यकारी निर्माता रहेको फिल्मको निर्मातामा प्रकाश राज कार्की र केवल तामाङ हुन् ।

वीरगंजसहित पर्साका ६ पालिकामा गर्मी बिदा

0

वीरगंज । अत्याधिक गर्मीका कारण पर्साका विद्यालहरु बन्द हुन थालेका छन् । वीरगंज महानगरपालिकासहित पर्साका ५ पालिकाले विद्यालयहरुमा गर्मी बिदा दिएकाे छ ।

वीरगञ्ज महानगरभित्रका सबै विद्यालयहरुको वर्षे बिदा अवधि बढाइएको छ । यसअघि महानगरपालिकाले शुक्रवार (आज) सम्म मात्रै बिदा हुने सूचना जारी गरेको थियो । शुक्रवार महानगरपालिकाका शिक्षा अधिकृत हरि राउतद्वारा जारी सूचनामार्फत बिदा थप गरिएको जानकारी गराइएको छ ।

अषाढ २९ गतेदेखि ३१ गतेसम्मका लागि सबै विद्यालयको पठनपाठन बन्द गरिएपनि मौसम प्रतिकुलतालाई मध्यनजर गर्दै वर्षे बिदा बढाइएको सूचनामा उल्लेख छ । शुक्रवारको सूचनाअनुसार श्रावण १ गतेदेखि श्रावण २० गतेसम्म सम्पुर्ण विद्यालयको पठनपाठन बन्द हुने भएको हो । 

शैक्षिक क्यालेण्डरमा श्रावण ८ गतेदेखि वर्षे विदा भएपनि संशोधन गरेर विदा दिइएको वीरगञ्ज महानगरपालिकाको शैक्षिक प्रशासन महाशाखा प्रमुख अर्विन्दलाल कर्णले जानकारी दिए । विद्यालयको प्रशासनिक कामकाजमा भने विदाले कुनै बाधा नपर्ने पनि निमित्त प्रमुख प्रशासकिय अधिकृतसमेत रहेका कर्णको भनाई छ । 

संस्थागत विद्यालयहरुमा जारी परीक्षाका कारण विद्यालय खुलेपनि पठनपाठन नहुने जनाइएकाे छ । एनप्याब्सनसँग आवद्ध विद्यालयहरु पनि जारी परीक्षालाई बाधा नपर्ने गरी परीक्षा सकिएपछि विदा गरिने एनप्याब्सन पर्साका अध्यक्ष रामराज श्रेष्ठले जानकारी दिए ।

यसैगरी पर्साकाे कालिकामाई गाउँपालिकाले सामुदायिक विद्यालयहरुमा गर्मी बिदा दिएकाे छ । गाउँपालिका शिक्षा शाखा प्रमुख मणि भुषण प्रसाद साहले शुक्रबार एक सूचना जारी गर्दै गाउँपालिका अन्तर्गतका सम्पूर्ण सामुदायिक विद्यालयहरुमा साउन १ गतेदेखि २९ गते सम्मकाे लागि बिदा दिइएकाे जनाएका छन् ।

जारी सूचनामा सम्पूर्ण सामुदायिक विद्यालयमा आवश्यक प्रशासनिक काम वाहेक कक्षा १ देखि कक्षा १२ सम्मकाे पठनपाठन साउन २८ गते सम्म बन्द रहने र पुन: साउन २९ गते आइतबारदेखि सुरु हुने उल्लेख गरिएकाे छ ।

यसैगरी पर्साको बिन्दवासिनी गाँउपालिका विधालयहरु पनि एक महिनाका लागि बन्द गरिएको छ ।

अत्याधिक गर्मीका कारण कक्षाकोठामा विधार्थीहरुलाइ पठनपाठनमा समस्या भएपछि पालिकामा रहेका सबै सामुदायिक र धार्मिक विधालयहरु साउन १ देखि साउन ३० गते सम्मका लागि बन्द गरिएको हो ।

एक शैक्षिक सत्रमा हिउँदे विदा र वर्षे विदा गरि ४५ दिन विधालयमा पठनपाठन बन्द रहने व्यवस्था भए बमोजिम पालिकाका विधालयहरु १ महिनाका लागि बन्द गर्ने निर्णय गरिएको बिन्दवासिनी गाँउपालिकाका प्रमुख प्रशासकीय अधिकृत राजु साहले जानकारी दिए ।

विधालय बन्द रहेपनि सबै विधालयका प्रधानाध्यापकहरुलाई पालिका कार्यालयको सम्पर्कमा रहन पालिकाका शिक्षा शाखा प्रमुख कपिल लामिछानेले शुक्रबार जारी गरेको सुचनामा उल्लेख गरिएको छ ।

यस अघि बिहिबार नै पोखरिया नगरपालिकाले बिद्यालयहरुमा गर्मी बिदा दिएकाे थियाे । पाेखरिया नगरपालिकाले साउन १ देखि २८ गतेसम्मका लागि बिदा दिएकाे छ । बढ्दो गर्मीका कारण एक महीने बिदा घोषणा गरिएको पाेखरिया नगरपालिकाले जनाएकाे छ । 

यसैगरी पकाहामैनपुर गाउँपालिकाले पनि साउन १ देखि २८ गतेसम्मका लागि बिदा घोषणा गरेको छ । शिक्षा शाखा प्रमुख दामोदर द्विवेदीले पालिकाले साउन २८ गतेसम्म सामुदायिक विद्यालयहरूमा बिदा घोषणा गरेको बताए ।

यसैगरी, धोबिनी गापाले पनि साउन २८ गतेसम्म बिदा घोषणा गरेको गापा अध्यक्ष मदन चौहानले बताए ।

बारामा ५६ बर्षिय महिलालाई १५ र १७ बर्षिय बालकहरुद्वारा बलात्कार

0

वीरगंज । बारामा ५६ बर्षिय महिलालाई १५ र १७ बर्षिय बालकहरुले जबरजस्ती करणी गरेकाे घटना सार्वजनिक भएकाे छ । बाराकाे आदर्श काेतवाल गाउँपालिका वडा नं. १ मा ५६ बर्षिय महिलाई जबरजस्ती करणी गरेकाे आराेपमा प्रहरीले १५ र १७ बर्षिय बालकहरुलाई पक्राउ गरेकाे छ ।

असार २५ गते राती ११ बजेको समयमा आदर्श कोतवाल गाउँपालिका वडा नं.१ स्थित आफ्नो गोठघरमा एक्लै सुतिरहेकी महिलालाई पक्राउ परेका बालकहरुले सामुहिक रुपमा पालैपालाे जबरजस्ती करण गरेकाे जिल्ला प्रहरी कार्यालय बाराका प्रवक्ता प्रहरी नायब उपरिक्षक राजेश थापाले वताए । 

जबर्जस्ती करणी गरेका दुबै जनालाई असार २६ गते पक्राउ गरी जबर्जस्ती करणी सम्वन्धी कसूरमा मुद्दा दर्ता बारा जिल्ला अदालतबाट ५ दिनकाे म्याद थप अनुमति लिई जिल्ला प्रहरी कार्यालय बाराकाे निग्रानी कक्षमा राखी थप अनुसन्धान भइरहेको उनले जानकारी दिए ।