Date
मङ्ल, मंसिर १, २०८३
Tue, November 17, 2026
Home Blog Page 654

वीरगञ्जमा प्राकृतिक चिडियाखाना स्थापना हुने, कार्यदल गठन

0

 वीरगंज । संघिय सरकारका वन तथा वातावरण मन्त्री प्रदीप यादवले घोषणा गरे अनुरुप वीरगंजमा प्राकृतिक चिडियाखाना स्थापना गर्ने निर्णय भएको छ । जिम्मेवारी सम्हालेसँगै मन्त्री यादवले वीरगंजमा चिडियाखाना स्थापना गर्ने प्रतिबद्धता जनाए अनुसार चिडियाखानाको सम्भाव्यता अध्ययन गर्न मङ्गलबार ८ सदस्यीय कार्यदल गठन भएकाे छ ।

मन्त्री यादवकाे अध्यक्षतामा बसेकाे बैठकले राष्ट्रिय निकुञ्ज तथा वन्यजन्तु संरक्षण विभागका उपमहानिर्देशक अजय कार्कीको संयोजकत्वमा कार्यदल गठन गरेकाे मन्त्री यादवका उप–स्वकीय सचिव निखिल बरनवालले जानकारी दिए । चिडियाखानाको स्थापनाले वीरगंज क्षेत्रमा पर्यटकीय गतिविधि बढ्नुका साथै वन जङ्गल संरक्षणमा पनि टेवा पुग्ने मन्त्री यादवको विश्वास छ ।

कार्यदलले वीरगञ्ज महानगरपालिकाको वडा नम्बर ३१ सोलखपुर र वडा नम्बर ३२ रामवनमा चिडियाखाना स्थापनाका लागि सम्भाव्यता अध्ययन गरेर १० दिन भित्र मन्त्रालयमा प्रतिवेदन प्रस्तुत गर्ने छ । प्रतिवेदन पेश गरे लगत्तै यसै महिनाभित्र चिडियाखाना स्थापनाका लागि काम शुरु गर्न मन्त्री यादवले निर्देशन पनि दिएका छन् ।

‘वीरगञ्जको बाटो हुँदै वर्षेनी लाखौँ पर्यटक नेपाल भित्रिने गर्छन्, तर वीरगञ्जमा नबसेर अन्य ठाउँहरु घुम्न जान्छन्,’ मन्त्री यादवले भने, ‘किनभने पर्यटकलाई वीरगञ्जमा रोक्न सक्ने कुनै त्यस्तो लोभलाग्दो गन्तव्य छैन । त्यसैले पनि वीरगञ्जमा पर्यटक रोक्न र यहाँको आर्थिक गतिविधिलाई बढाउन चिडियाखाना स्थापना गर्न लागेका छौं । यसले पर्यटकीय र आर्थिक गतिविधि पनि बढ्ने विश्वास लिएको छु ।’

बैठकमा सहभागी मधेश प्रदेशका मुख्यमन्त्री लालबाबु राउतले वीरगंज चिडियाखाना स्थापना गर्नका लागि प्रदेश सरकारले पनि हरेक सहयोग गर्न तयार रहेको बताए । प्रदेश सरकारले चिडियाखाना स्थापनाका लागि जग्गा उपलब्ध गराउनेदेखि बजेट व्यवस्थापनमा समेत सहयोग गर्न मुख्यमन्त्री राउतले प्रतिबद्धता व्यक्त गरे ।

वीरगञ्ज महानगरपालिकाका मेयर राजेशमान सिंहले पनि चिडियाखाना स्थापनाले पर्यटकीय गतिविधि बढ्नुका साथै वन जङ्गलमा भइरहेको अतिक्रमण रोक्न सघाउ पुग्ने बताए । चिडियाखाना स्थापनाका लागि जग्गा उपलब्ध गराउन र मन्त्रालयसँग समन्वय गर्न महानगरको कार्यपालिका बैठकले निर्णयसमेत गरिसकेको मेयर सिंहले जानकारी दिए ।

वन तथा वातावरण मन्त्रालयका सचिव डा. प्रेमनारायण कँडेल, सह सचिव धनञ्जय पौडेल, राष्ट्रिय निकुञ्ज तथा वन्यजन्तु संरक्षण विभागका महानिर्देशक डा. रामचन्द्र कँडेल, वन तथा भू संरक्षण विभागका महानिर्देशक राजेन्द्र केसी लगायत मन्त्रालयका विभिन्न शाखाका प्रमुख एवम् प्रतिनिधीहरुको उपस्थितीमा भएको छलफलले कार्यदल गठन गरिएको हो ।

कार्कीको संयोजकत्वमा गठीत कार्यदलमा मधेश प्रदेशका वन निर्देशक, वीरगञ्ज महानगरपालिकाका प्रमुख प्रशासकिय अधिकृत, डिभिजन वन कार्यालय पर्साका वन अधिकृत, पर्सा राष्ट्रिय निकुञ्जका प्रमुख संरक्षण अधिकृत, वन तथा भू संरक्षण विभागका सहायक वन अधिकृत सवनम पाठक र राष्ट्रिय प्रकृति संरक्षण कोषका विज्ञ प्रतिनिधि सदस्य रहनेछन् ।

राष्ट्रिय निकुञ्ज तथा वन्यजन्तु संरक्षण विभागका सहायक संरक्षण अधिकृत पेम्बा शेर्पा सदस्य सचिव रहने समेत निर्णय भएकाे जनाइएकाे छ ।

रोट्रयाक्ट नेपालको पदस्थापन कार्यक्रम सम्पन्न

0

वीरगंज । रोट्रयाक्ट डिष्ट्रिक्ट ३२९२ नेपाल भुटान (रोट्रयाक्ट नेपाल) को पदस्थापन कार्यक्रम सम्पन्न भएको छ । रुपन्देहीको तिलोत्तमामा आयोजित एक समारोहका बिच पदस्थापन कार्यक्रम सम्पन्न भएको हो ।

वर्ष २०२२/२३ का लागि डिष्ट्रिक्ट रोट्रयाक्ट रेप्रिजेन्टेटिभ (डिआरआर) मा बुटवलका लक्षमण खरेल चयन भएका छन् । उनको नेतृत्वमा रहेको नयाँ समितिलाई एक कार्यक्रमका बिच रोटा वर्ष २०२१/२२ का डिआरआर सुमित बर्जाचार्यले पद हस्तान्तरण गरेका हुन् ।

रोटरी डिष्ट्रिक्ट ३२९२ नेपाल भुटान ( रोटरी नेपाल ) का डिष्ट्रिक्ट गभर्नर जितेन्द्र बहादुर राज भण्डारीले खरेललाई पद तथा गोपनियताको सपथ खुवाए । त्यस्तै पूर्व डिष्ट्रिक्ट गभर्नर सञ्जय गिरी, डिआरआर सुमित बर्जाचार्यले संयुक्त रुपमा कोलार लगाई र ग्याबल हस्तान्तरण गरे ।

पदभार ग्रहण गर्दै खरेलले सबैको साथ र सहयोगबाट नै सफलता प्राप्त गर्न सकिने बताए । उनले यस वर्ष इन्स्पायर, इमपावर र टान्सफर्म नारालाई वर्ष भरी नै मुख्य प्रथामिकतामा राखेर कार्यक्रम तथा प्रोजेक्टहरुलाई अघि बढाउने प्रतिबद्धता जनाए ।

साथै नेपालमा रहेका सबै क्लवहरुलाई सोही अनुसार इन्स्पायर गर्दै सबैको सल्लाह सुझावबाट आफुले योजनाहरुलाई कार्यान्वयन गर्ने बताए ।

वर्ष २०२१/२२ का डिष्ट्रिक्ट रोट्रयाक्ट रेप्रिजेन्टेटिभ सुमित बर्जाचार्यले एक वर्ष अवधीमा आफुले गरेका कार्यहरुको बारेमा जानकारी गराएका थिए । साथै उनले आफ्नो कार्याकालमा उत्कृष्ट काम गरेका क्लव एवम् रोट्रयाक्टरहरुलाई सम्मान समेत गरे ।

कार्यक्रममा वर्ष २०२२/२३ मा आयोजना गरिने प्रेसिडेन्ट,सेक्रेटरी (पिएसमिट), जीवित फाउण्डेसन नेशनवाइडसँग रक्तदान कार्यक्रमका लागि एमओयु साइनिङ्ग लगायत डिष्ट्रिक्ट कार्यक्रमबारे जानकारीसमेत गराइएको थियो ।

निर्वाचित समितिलाई बधाई तथा शुभकामना व्यक्त गर्दै कार्यक्रमका प्रमुख अतिथि रोटरी डिष्ट्रिक्ट ३२९२ नेपाल भुटान (रोटरी नेपाल) का डिष्ट्रिक्ट गभर्नर जितेन्द्र बहादुर राज भण्डारीले रोट्रयाक्टले सामाजिक क्षेत्रमा पुर्याएको योगदानको चर्चा गर्दै नयाँ कार्य समितीलाई बधाई तथा युवावर्गले अझै नयाँ ढंगबाट काम गर्न आग्रह गरे ।

डिआरआर लक्षमण खरेलको अध्यक्षता र डिष्ट्रिक्ट गभर्नर जितेन्द्र बहादुर राज भण्डारीको प्रमुख आतिथ्यतामा भएकाे पदस्थापन कार्यक्रममा पूर्व डिष्ट्रिक्ट गभर्नर सञ्जय गिरी, निवर्तमान डिष्ट्रिक्ट गभर्नर सन्तोष रिजाल, डिष्ट्रिक्ट गभर्नर इलेक्ट राजेन्द्र प्रसाद ध्वजु, रोटरी फाउण्डेशन चेयर राजेन्द्र लम्साल, सेरिक एमडिआइओ प्रेसिडेन्ट रोट्रयाक्टर कौशल साहु, डिष्ट्रिक्ट सेके्रटरी अमित गिरी, पूर्व डिआरआर सुशिल कुमार कार्की, रोटरी क्लव अफ बुटवलका संस्थापक अध्यक्ष एजाज आलम लगायतको सहभागिता रहेकाे थियाे ।

तिलोत्तमास्थित बिगचेयर रिर्सार्टमा भएको कार्यक्रममा साँस्कृतिक कार्यक्रमबाट मनोरञ्जन समेत प्रदान गरिएको थियो भने अतिथिहरुलाई मायाको चिनो समेत प्रदान गरिएको थियो ।

कार्यक्रम अनुशा नेपाल र आविश्कार पराजुलीको सञ्चालनमा भएकाे थियाे । कार्यक्रममा ( टियुआरएफ २०२२ समेत सम्पन्न भएको थियाे । रोट्रयाक्ट डिष्ट्रिक्ट ३२९२ आयोजना तथा रोट्रयाक्ट डिष्ट्रिक्ट ३०५३ को सह-आयोजनामा उक्त टियुआरएफ कार्यक्रम सम्पन्न भएको हो ।

(टियुआरएफ) मा साउथ इष्ट एसियाका सबै क्लवहरुलाई सेरिक एमडिआइओ अवार्ड प्रदान गरिएको थियो | उक्त टियुआरएफ अवार्ड सेरिक एमडिआइओका अध्यक्ष कौशल साहुले प्रदान गरेका थिए । टियुआरएफमा भारत र पाकिस्तानबाट गरि कूल ३० जना रोट्रयाक्टरहरुको सहभागिता रहेको थियो । नेपालमा १ सय ७५ वटा रोट्र्याक्ट क्लवहरु रहेका छन ।

मन्त्री यादवको उप स्वकिय सचिवमा वर्णवाल र गुप्ता नियुक्त

0

वीरगंज ।  वन तथा वातावरण मन्त्री प्रदीप यादवको उप स्वकिय सचिवमा २ जना नियुक्त भएका छन् । मन्त्री यादवकाे उप स्वकिय सचिवमा निखिल वर्णवाल र घनश्याम बाबु गुप्ता नियुक्त भएका हुन् । यस अघि मन्त्री नहुँदा पनि यादवकाे स्वकिय सचिव वर्णवाल थिए ।

अषाढ २० गतेदेखि तलव भत्ता लगायत नियमानुसार सुविधा पाउने गरी मन्त्री यादवको सचिवालयमा वर्णवाल र गुप्ता उप स्वकिय सचिव पदमा नियुक्त गरिएको नियुक्ती पत्रमा उल्लेख छ ।

यादव मन्त्री पदमा बहाल रहाँसम्म उप स्वकिय सचिवद्वय वर्णवाल र गुप्ताले आफ्नो जिम्मेवारी ईमान्दारीपूर्वक निर्वाह गर्ने बिश्वास पनि गरिएको छ ।

उपस्वकिय सचिवमा नियुक्त भएका वर्णवालले आफ्नो जिम्मेवारी कुशलतापूर्वक निर्वाह गर्ने प्रतिक्रिया दिए । यसअघि पनि स्वकिय सचिवको जिम्मेवारी निभाएको बताउँदै उनले मन्त्रीको उप स्वकिय सचिवमा जिम्मेवार थप भएको बताए । 

लागु औषध गाँजासहित बहुदरमाईका दुई जना पक्राउ

0

वीरगंज । पर्सा प्रहरीले साेमबार लागु औषध गाँजासहित पनि दुई जनालाई पक्राउ गरेकाे छ । ईलाका प्रहरी कार्यालय एकटाँगाबाट खटिएको टोलीले पर्साकाे बहुदरमाई नगरपालिका वडा नं.९ निवासी ४५ बर्षिय जवाहिर राउत र साेही ठाउँ निवासी ३५ बर्षिय सुरेन्द्र पटेललाई पक्राउ गरेकाे हाे ।

पर्साकाे पर्सागढी नगरपालिका वडा नं.८ बडनिहारको बाटो हुँदै लागु औषध गाँजा ओसार पसार कार्य भइरहेको प्राप्त सूचनाको अधारमा खटिएको प्रहरी टोलीले दुबै जनालाई लागु औषध गाँजासहित नियन्त्रणमा लिएकाे जिल्ला प्रहरी कार्यालय पर्साले जनाएकाे छ ।

बडनिहार देखि पचरूखी तर्फ जाने सडक खण्डमा साेमबार दिउसाे १ बजे प्र.२-०३-०२० प ८८०० नम्बरको निलो कालो पल्सर मोटरसाईकललाई रोकी उक्त मो.सा.मा पछाडि सवार जवाहिरले बाेकेकाे कालो झोलामा लुकाइछिपाइ राखेको अवस्थामा ६ के.जी. गाँजा फेला परेको जिल्ला प्रहरी कार्यालय पर्साका प्रवक्ता प्रहलाद कार्कीले वताए ।

उक्त गाँजासहित मोटरसाइकल र चालकलाई समेत नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएको प्रवक्ता कार्कीले जानकारी दिए ।

लागु औषधसहित कलैयाका दुई जना पक्राउ

0

वीरगंज । पर्सा प्रहरीले लागु औषधसहित दुई जनालाई पक्राउ गरेकाे छ । अस्थायी प्रहरी पोष्ट गण्डकबाट खटिएको नियमित चेकिङ टोलीले कलैया उपमहानगरपालिकाकाे वडा नं.११ बस्ने वर्ष २० को समशेर अन्सारी र साेही ठाउँका २० बर्षिय रामविश्वास पासवानलाई पक्राउ गरेकाे हाे । 

वीरगञ्ज महानगरपालिका वडा नं.१४ गण्डक चोकमा साेमबार दिउसाे ४ बजे अ.प्र.पोष्ट गण्डकबाट खटिएको नियमित चेकिङ टोलीले ना.८ ख १२९४ नम्बरको सार्वजनिक बसलाई रोकी जाँच गर्दा दुबै जनाले बोकेको झोलाभित्र लागु औषध Wincirex १५० बोत्तल र नाईट्राभेट ४ पत्तामा ६० ट्याब्लेट फेला परेकाे जिल्ला प्रहरी कार्यालय पर्साले जनाएकाे छ ।

उक्त लागु औषधसहित निजहरूलाई नियन्त्रणमा लिई लागु औषध सम्बन्धी कसूरमा अनुसन्धान अगाडि बढाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक ओमप्रकाश खनालले जानकारी दिए ।

प्रहरी प्रधान कार्यालयकाे निर्देशन पर्सामा पहुँच भएका प्रहरीमाथी लागु भएन

0

वीरगंज । प्रहरी प्रधान कार्यालयकाे निर्देशनलाई जिल्ला प्रहरी कार्यालय पर्साले अवहेलना गरेकाे पाइएकाे छ । प्रहरी प्रधान कार्यालयले जथाभावी काज सरुवाले बेथिति निम्त्याएको भन्दै काजमा खटिएका सम्पूर्ण प्रहरी कर्मचारीलाई तोकिएकै स्थानमा फिर्ता हुन सर्कुलर जारी गरेको १३ दिन बितिसक्दा पनि हालसम्म त्यसकाे पालना भएकाे पाइदैन । तर, संरक्षण गरेको प्रष्ट देखिन थालेको छ ।

जिल्ला प्रहरी कार्यालय पर्सा मातहतकाे विभिन्न प्रहरी कार्यालयहरुमा करिब २ सयकाे संख्यमा काजमा प्रहरी कार्यरत रहेपनि पहुँच भएकालाई रवाना नगरी ढाकछोप गरिएको छ भने पहुँच नभएकालाई मात्र रवाना गरी विभेद गरिएकाे छ । एक प्रहरी कै अनुसार संगठनमा एउटै नीति नियम सबैलाई लागू हुन्छ तर शक्तिकेन्द्रमा पहुँच भएकालाई यो नियम लागू भएको छैन ।

प्रहरी प्रधान कार्यालयले देशभर काजमा खाटेका कर्मचारीलाई रवाना फिर्ता गरि दरबन्दी पठाउन सर्कुलर गरे पनि पर्सा प्रहरी आदेशको धज्जी उडाउँदै जिल्लाको क्राइम टोली, टाईगर टोली, मुद्दा फाँट, प्रशासन फाट, ईनर्वा भन्सार, इनर्वा गाउँ चौकी, भकुवा चौकी, छपकैया बिट, छपकैया चौकी, वडा प्रहरी बिर्ता, वडा प्रहरी श्रीपुर, परवानिपुर चौकी, डराईपोर्ट चौकी, प्रहरी चौकी भिस्वा, ईलाका प्रहरी कार्यालय पोखरिया, ईलाका प्रहरी कार्यालय पटेर्वा सुगौली लगायत जिल्ला देखी युनिटसम्म हाकिमले नै संरक्षण गरि जोगाएका छन् ।

नेपाल प्रहरीले निमुखाको हकहित र नीति नियम पालना गराउने निकाय हो तर आफ्नै संगठनमा हाकिमहरुले काखापाखा गर्ने रवैयाका कारण अहोरात्र दिनरात खटीने सोझासाझा प्रहरीको मनोबल गिराएकाे वताइन्छ । प्रहरी प्रधान कार्यालय प्रशासन शाखाले प्रहरी नियमावली २०७१ को नियम ५२ विपरीत काज सरुवा माग्ने र दिने गर्दा त्यसको दुरुपयोग भएको भन्दै गत असार २१ मंगलबार सर्कुलर जारी गरेको हो ।

काज सरुवा र बढुवाका लागि चेन अफ कमाण्ड तोड्दै विभिन्न शक्ति केन्द्रबाट सिफारिस गर्न लगाउने कार्य संगठनको अनुशासन विपरीत भएको भन्दै यस्तो गर्ने गराउनेलाई कडा कारबाही गर्ने चेतावनी समेत नेपाल प्रहरी प्रधान कार्यालयले दिएको छ । साथै, पदेश प्रहरी कार्यालय र प्रदेश ट्राफिक कार्यालयबाट घर ठेगाना भएका स्थानमा प्रहरी कर्मचारीको काज गरिएकाले त्यस्ता काजहरु तत्काल रद्द गर्न समेत निर्देशन गरिएको छ । तर त्यसकाे पालना हाल सम्म पर्सामा भएकाे छैन ।

जिल्ला बासीकाे समस्या समाधान गर्न माग गर्दै कांग्रेस पर्साकाे ज्ञापन

0

वीरगंज । नेपाली काँग्रेस पर्साले ६ बुंदे मागसहित प्रधानमन्त्रीलाई ज्ञापन पत्र बुझाएको छ । नेपाली काँग्रेस पर्साका सभापति जनार्दन सिंह क्षेत्रीद्वारा हस्ताक्षरित ज्ञापन पत्र पर्साका प्रमुख जिल्ला अधिकारी उमेश कुमार ढकालमार्फत प्रधानमन्त्रीलाई बुझाएकाे हाे ।

पर्सा जिल्लाका आम नागरिकहरुले भोगीरहेका समस्याहरुमा नेपाली काँग्रेस पर्साको ध्यानाकर्षण भएकोमा जनाउँदै उक्त समस्याहरु यथाशिघ्र समाधानको ज्ञापन पत्र मार्फत माग समेत गरिएकाे छ ।

नेपाली काँग्रेसको अगुवाईमा गठबंधन सरकार निर्माण भई राज्य सञ्चालन भईरहेको अवस्थामा हाल देखिएका समस्याहरु आफुहरुले प्रधानमन्त्री समक्ष पुर्याउन ज्ञापनपत्र बुझाएको काँग्रेस पर्साका प्रवक्ता रमेश पाण्डेले बताए ।

आगामी संघिय र प्रदेश निर्वाचन (२०७९) लाई मध्यनजर गरी निर्वाचन आयोगले मतदाता नामावली दर्ता र अद्यावधिक गर्ने कार्य यस जिल्लामा निर्वाचन कार्यालय पर्साबाट गरिरहेकोमा दिनहु ४००/५०० जना मतदाताहरु कार्यालयमा पुग्दा जनशक्तिको अभावमा ५०/६० जनाको नाम मात्रै दर्ता हुने भएको ले गाउँ/गाउँबाट आउने आम नागरिकले समस्या भोगिरहेकोले जनशक्तिको व्यवस्था गरी प्रत्येक गाउ/वडामा नै मतदाता नामावली दर्ता र अद्यावधिक गर्न व्यवस्था मिलाउन ज्ञापन पत्रकाे पहिलो बुँदामा भनिएको छ ।

त्यसतै नेपाल कृषि प्रधान देश रहेको ले यस पर्सा जिल्लाको वासिन्दाको मुल पेशा कृषि नै रहेको हुँदा कृषकहरुलाई धानवाली लगाउने यस साउन महिनामा रसायनिक मल (खाध) को अभाव भई कृषकहरुको जनजिवन कष्टकर भइरहेको र उत्पादनमा समेत हास हुने भएकोले अविलम्व रासायनिक मल उपलब्ध गराई कृषकहरुको समस्या समाधान गर्न काँग्रेस पर्साको दोस्रो माग छ ।

पर्सा जिल्लाको जिराभवानी गाउँपालिकामा पर्ने ईलाका प्रशासन कार्यालय सुपौलीमा हफ्तामा एक दिन मात्र नागरिकता वितरणदेखि अन्य सेवा दिईरहेकोमा उक्त कार्यालयमा आवश्यक जनशक्ति लगायतको व्यवस्था मिलाई दिनहु सेवा प्रवाह गर्ने व्यवस्था मिलाउन पनि माग गरिएकाे छ ।

यसैगरी पर्सा जिल्लाको दास्रो सदरमुकामको रुपमा रहेको पोखरिया नगरपािलकामा विगतमा ईलाका प्रशासन कार्यालय स्थापना भई सेवा प्रवाह भइरहेकोमा द्वन्द्व कालमा सो कार्यालय बन्द भई सेवाग्रहीहरु वीरगंज आउनुपरेकोले जिल्ला प्रशासन कार्यालयमा भार थपिएको र सेवाग्राहीलाई पनि समस्या रहेकोले पोखरियामा पुनः ईलाका प्रशासन कार्यालय स्थापना गरी सेवा सुरु गराउन समेत माग गरिएको छ ।

पर्सा जिल्लाका कृषकहरुको धानवाली लगाउने सिजन र हाल पानी नपरी सुखायाम भई अनावृष्टिको अवस्थामा कृषकका आशा भरोसा रहेको नारायणी सिचाई व्यवस्थापन कार्यालय पर्सा वीरगंजले नहरमा पानी समेत सञ्चालन नगरेकोमा यथाशिघ्र पानी सञ्चालन गर्न, हुलाकी सडकको वीरगंज–ठोरी सडक खण्डमा सुरक्षाका लागि गण्डक नहर चौक (नवरंगिया) पुलं नीर प्रहरी चौकी स्थापना गर्न र पर्सालाई सुक्खाग्रस्त क्षेत्र घोषणा गर्न मागहरु पनि राखिएका छन् ।

ज्ञापनपत्र बुझाउने कार्यक्रममा नेपाली काँग्रेसका केन्द्रीय सदस्य अजय चौरसिया, पुर्वमन्त्री सुरेन्द्र प्रसाद चौधरी, जिल्ला उपसभापति रामनारायण कुर्मी, प्रदेश महामन्त्री बृहस्पतिकृष्ण श्रेष्ठ, जिल्ला सचिव दिनेश चौधरी, प्रदेश सदस्य ममता चौधरी, नेता रामरुप कुर्मी, वीरगंज महानगरपालिकाका उपमेयर इमितयाज आलम लगायतको सहभागिता रहेको थियो ।

२५० किलाे लागू औषध गाँजासहित ३ भारतीय नागरिक पक्राउ

0

वीरगंज । पर्सा प्रहरीले भारी मात्रामा प्रतिबन्धीत लागू औषध गाँजासहित ३ भारतीय नागरिकलाई पक्राउ गरेको छ । वीरगंज २५ सिर्सियाको बाटो हुँदै भारत तर्फ प्रतिबन्धित लागू औषध गाँजा तस्करी भईरहेको सूचनाको आधारमा प्रहरीले २५० किलो गाँजासहित ३ जना भारतीय नागरिकलाई पक्राउ गरेको हो ।

पक्राउ पर्नेमा भारत बिहार जिल्ला मोतिहारी थाना सुगौली १९ का साहेब आलम, गुलाब मियाँ र एक जना १७ बर्षिय नाबालक रहेका छन । उनीहरुलाई लागू औषध सकूर मुद्दामा म्याद थप गराई आवश्यक अनुसन्धान भईरहेको प्रहरी नायब उपरिक्षक एवं प्रवक्ता प्रहलाद कार्कीले बताए ।

भारतीय नम्बरको एनएल ०२ जि ३७९१ नम्बरको ट्रकमा लागू औषध गाँजा लुकाई एकिकृत चेकजाँच चौकी
(आईसीपी) भारत तर्फ लैजाने क्रममा प्रहरी निरिक्षक प्रज्वल थपलियाको नेतृत्वमा रहेको प्रहरी टोलीले परवारनीपुर आईसिपी सडकखण्ड अन्तरर्गत सिर्सियाबाट पक्राउ गरेको प्रवक्ता कार्कीले जानकारी दिए ।

ट्रकको चालक बस्ने क्यावीनमा लुकाईछिपाई राखेको अवस्थामा १० केजीको २५ पोकामा रहेको २५० केजी गाँजा बरामद गरेको हो । गाँजा सहित पक्राउ परेको तीनैजनालाई प्रहरी निरिक्षक थपलियाले आवश्यक कारवाहीको लागि जिल्ला प्रहरी कार्यालयको जिम्मा लगाएको थियो ।

निष्कर्ष समाचार साप्ताहिक पत्रिकाको विमोचन

0

वीरगंज । वीरगंज प्रकाशित निष्कर्ष समाचार साप्ताहिक पत्रिकाको आइतबार एक कार्यक्रमकाे बिच विमोचन गरिएको छ । नेपाल पत्रकार महासंघ पर्सा शाखाको सभाहलमा आयाेजित कार्यक्रममा पर्साका प्रमुख जिल्ला अधिकारी (प्रजिअ) उमेश कुमार ढकालले पत्रिकाको विमोचन गरेका हुन ।

पत्रिकाको विमोचन एव उद्घाटन समारोहलाई सम्बोधन गर्दै प्रजिअ ढकालले समाज रुपान्तरणको लागि संचार क्षेत्रको विकास हुन आवश्यक रहेको औल्याए । प्रेस स्वतन्त्रताको पक्षमा आफूले वकालत गर्दै आएको बताउँदै उनले भने, संविधान र प्रचलित कानुनको कार्यान्वयन गराउँन संचारजगतको भूमिका महत्वपूर्ण रहेकोले संचारक्षेत्रको विकास हुन आवश्यक छ ।

उनले पत्रिको संख्या बढाएर मात्र हुँदैन यसको गुणस्तरमा पनि बढी ध्यान दिनुपर्ने बताए । प्रजिअ ढकालले भने, आफनो पत्रिकाको माध्यमले समाजमा भएको समस्यालाई उजागर गरेर समाज रुपान्तरणमा सहयोग हुन आवश्यक छ ।

कार्यक्रममा नेपाल पत्रकार महासंघ मधेश प्रदेश महासचिव श्याम बन्जाराले पत्रकारिता क्षेत्रभित्र देखापरेको समस्या र चुनौती नै मुलभुत समस्या रहेको बताए ।

उनले समस्या र चुनौतीका विच आफूलाई समाजमा कसरी स्थापित गर्न सकिन्छ त्यसतर्फ बढी केन्द्रित हुन जरुरी रहेको बताए । निष्कर्ष साप्ताहिक पत्रिकाको नाम अनुसार काम गरोस् भनि शुभकामना दिदैं महासचिव बन्जाराले यथास्थितीमा रहेको बादविरोधबाट उन्मूख भएको क्षेत्रबाट माथि उठेर समाजको हरेक प्रकारको समस्याको पहिचान गरी उजागर गर्नुपर्ने बताए ।

पत्रिकाको प्रकाशक शिवनारायण मिश्रको सभापतित्वमा भएकाे बिमोचन कार्यक्रममा १३ नं. गण वीरगंजका सशत्र प्रहरी उपरीक्षक तेजप्रसाद पोखरेल, प्रहरी उपरिक्षक रमेश कुमार बस्नेत, नेपाल पत्रकार महासंघ पर्साका अध्यक्ष अनुप तिवारी, समाजवादी प्रेस संगठन नेपाल पर्साका अध्यक्ष मनोज पटेल, महिला नेतृ रम्भा मिश्र लगायतले पत्रिकाको उत्तरोउत्तर प्रगतीको कामना गरेका थिए ।

कालिकामाईकाे आठाैं गाउँ सभाकाे दाेस्राे बैठक पुन: स्थगित

0

वीरगंज । पर्साकाे कालिकामाई गाउँपालिकाकाे शनिबार बस्ने भनिएकाे आठाैं गाउँ सभाकाे दाेस्राे बैठक पनि स्थगित भएकाे छ । गाउँपालिका अध्यक्षकाे आदेशानुसार असार ३२ गते शनिबार दिउसाे ४ बजेदेखि बस्ने बैठक अर्काे सूचना नभए सम्मकाे लागि स्थगित गरिएकाे प्रमुख प्रशासकिय अधिकृत अमित कुमार गिरीले जानकारी दिए ।

शुक्रबार बसेकाे नगर सभाकाे दाेस्राे बैठक पनि स्थगित भएकाे थियाे । नगर सभा कै बिषयलाई लिएर शुक्रबार भएकाे झडपमा एक वडाध्यक्ष, एक प्रहरीसहित आधा दर्जन भन्दा बढी घाइते भएका थिए ।

शनिबार बस्ने भनिएकाे बैठकमा पुन: झडप हुन सक्ने सम्भावनालाई मध्येनजर गर्दै प्रहरीले बैठक स्थल श्री नेरा आधारभुत विद्यालय हरिहपुरमा कडा सुरक्षा दिएकाे थियाे । बैठक स्थलमा बाक्लाे संख्यामा नेपाल प्रहरी र सशस्त्र प्रहरी खटिएका थिए । तर पनि बैठक बस्न सकेन ।

कांग्रेस र एमालेका गाउँ सभा सदस्यहरु प्रहरी स्कटिङमा बैठक स्थल पुगेका थिए । बैठक स्थगित भएपछि पुन: उनीहरुलाई प्रहरीले स्कटिङ मै घर पुर्याएकाे थियाे ।

जनप्रतिनिधिहरु बिच सहमति हुन नसकेर गाउँ सभा नहुँदा अगामी आर्थिक बर्ष २०७९/०८० काे नीति, कार्यक्रम तथा बजेट आउन सकेकाे छैन । नयाँ आर्थिक बर्ष सुरु भएपनि नीति, कार्यक्रम तथा बजेट नआउँदा गाउँपालिकाकाे विकास निर्माणकाे कार्य प्रभावित हुने देखिएकाे छ ।