Date
मङ्ल, मंसिर १, २०८३
Tue, November 17, 2026
Home Blog Page 653

वीरगंज कारागारमा अख्तियारकाे छापा, विभिन्न फाइलहरु नियन्त्रणमा

0

वीरगंज । वीरगंज कारागारमा अख्तियार दुरुपयाेग अनुसन्धान आयाेगकाे छापामारी भएकाे समाचार प्राप्त भएकाे छ । कारागार भित्र हुने गरेकाे अनियमितता र भ्रष्टाचारकाे बिषयमा छानविन गर्न बुधबार अख्तियारकाे टाेली पगेकाे थियाे ।

कारागार भित्र हुने गरेकाे अनियमितताकाे विषयमा उजरी परेपछि छानविन गर्न अख्तियारकाे टाेली वीरगंज कारागरमा पुगेर छानविन गर्नुकाे साथै विभिन्न फाइलहरु समेत नियन्त्रणमा लिएर गएकाे बुझिएकाे छ ।  

कारागार भित्र रहेकाे कैदिबन्दीकाे लागि आउने गरेकाे विभिन्न शिर्षककाे रकम अनियमिता हुने गरेकाे छ । कैदिबन्दीकाे लागि आउने गरेकाे डसना, कपडा र खाद्यानकाे रकम अनियमिता हुने गरेकाे छ ।

प्रति कैदीबन्दी ४ हजार ५ सयकाे दरले आउने गरेकाे डसना रकममा मात्र १५ सय प्रदान गर्ने गरिएकाे छ ।

त्यसैगरी कारगार भित्र बजार भन्दा दाेबर मुल्यमा खाद्यान समाग्रीहरु पाउने गरिएकाे छ भने कारागार भित्र पूर्ण रुपले प्रतिबन्द रहेकाे लागु औषध समेत सेवन गर्नकाे लागि पाउने गरिएकाे समाचार स्राेतले जनाएकाे छ ।

कारगार प्रमुख गैरे, चाैकीदार फिराेज अंसारी, मुल नायिके विकी अग्रवाल राैनियार भनिने बिकी अग्रवाल लगायतकाे मिलाेमताेमा  कारगार भित्र अनियमितता र भ्रष्टाचार हुने गरेकाे वताइन्छ । यसकाे विराेध गर्ने कैदीबन्दीलाई यताना समेत दिने गरेकाे सामाचार स्राेतकाे भनाई छ ।

छापामारी नभएर अख्तियारमा परेकाे उजरीकाे विषयमा छानविन गर्न अख्तियारकाे टाेली पुगेकाे वीरगंज कारागारका प्रमुख कृष्ण गैरेले वताए । उनले भने “छापामारी नै भएकाे हाेइन, बेलाबेलामा अख्तियारमा उजरी परिरहेकाे हुन्छ, त्यही उजरीकाे विषयमा निरिक्षण गर्न टाेली आएकाे हाे ।” 

प्रमुख गैरेले कैदिबन्दीकाे लागि आउने गरेकाे कापडाकाे रकम कैदीबन्दीलाई नगर प्रदान गरिने र डासना खरिद गरेर दिने गरिएकाे वताए । उनले कारागारकाे मुलगेटमा सशस्त्र प्रहरी र नेपाली सेनाकाे कडा सुरक्षा रहेकाेले कारगार भित्र लागु औषध पाउनु कुरा निराधार रहेकाे दाबी गरे ।

पकहा मैनपुरमा भुमि आयाेगकाे सेवा केन्द्र स्थापना गर्ने निर्णय

0

वीरगंज । राष्ट्रिय भुमि आयाेग पर्साले पकहा मैनपुर गाउँपालिकाका अध्यक्ष सुरेश मेहतासंग छलफल गरेकाे छ । आयाेग पर्साका अध्यक्ष तबरेज अहमदसहित एक टाेलीले बिहिबार गाउँ कार्यपालिकाकाे कार्यालय पकहा मैनपुर मै पुगी गाउँपालिका अध्यक्ष मेहतासंग छलफल गरेकाे हाे ।

गाउँपालिका अध्यक्ष मेहताकाे अध्यक्षतामा बसेकाे छलफल बैठकले साउन महिना भित्र गाउँपालिकामा भुमि आयाेगकाे सेवा केन्द्र स्थापना गर्ने, भुमि आयाेग र गाउँपालिका बिचकाे दुई पक्षिय समझाैत यही साउन १२ गते गर्ने निर्णय गरेकाे छ ।

साेही बैठकमा भुमि आयाेग पर्साका अध्यक्ष अहमदसहितकाे टाेलीले गाउँपालिका अध्यक्ष मेहतालाई खादा ओढाएर सम्मान समेत गरेकाे थियाे ।

गाउँ कार्यपालिका कार्यालय मै भएकाे छलफलमा भुमि आयाेग पर्साका सदस्य सुरेन्द्र सिंह, हेम कुमारी भट्टराई, गाउँपालिकाका प्रमुख प्रशासकिय अधिकृत रमेश सुवेदी, पत्रकार छठु साह, अमिन लक्षन राउत कुर्मी, सर्वेक्षक प्रविन प्रजापती लगायतकाे उपस्थिती रहेकाे थियाे ।

यसैगरी बिहिबार नै भुमि आयाेग पर्साकाे टाेलीले छिपहरमाई गाउँपालिका अध्यक्ष मनाेज गुप्तासंग समेत छलफल गरेकाे छ । आयाेग पर्साका अध्यक्ष अहमदसहितकाे टाेली गाउँ कार्यपालिका कार्यालय भिस्वा मै पुगी अध्यक्ष गुप्तासंग छलफल गरेकाे थियाे ।

साे अवसरमा आयाेगकाे टाेलीले गाउँपालिका अध्यक्ष गुप्तालाई पनि खादा ओढाएर सम्मान समेत गरेकाे थियाे ।  

कांग्रेस नेता शेखर कोइराला ठोरी आउँदै

0
वीरगंज । नेपाली कांग्रेसका नेता शेखर कोइराला ठोरी आउने भएका छ्न । उनी साउन १० गते ठोरी आउन लागेको नेपाली कांग्रेस ठोरीका सभापति सन्तोष श्रेष्ठले बताए ।
 
बुधबार दिउँसो ठोरी ४ को निर्मलबस्तीमा बसेको कांग्रेस ठोरीको बैठकले बिपी कोइरालाको स्मृति दिवसको अवसर पारेर सप्ताहब्यापी कार्यक्रम गर्ने निर्णय गरेको छ । साथै नेता शेखर कोइरालाको ठोरी क्षेत्रको आगमनलाई नेपाली कांग्रेस ठोरीको बैठकले स्वागत गर्दै केन्द्रीय नेताको भेटघाटले ठोरी कांग्रेसलाई सकारात्मक सन्देश दिएको जनाएकाे छ ।
 
सप्ताहब्यापी कार्यक्रम अन्तरगत विभिन्न स्थानमा बृक्षारोपण, सरसफाइ, निबन्ध प्रतियोगिता लगायतको कार्यक्रम राखिएको नेपाली कांग्रेस ठोरीले जनाएको छ । जिल्लाबाट बैठकमा सहभागी पर्यवेक्षक ओम कृष्ण लामिछानेको सहभागीतामा सम्पन्न बैठकले जिल्ला ब्यापी रुपमा बिपी सप्ताह मनाउने पार्टीको निर्णय पालना गर्दै केन्द्रीय नेता शेखर कोइरालाई ठोरीमा भब्य स्वागत गर्नका लागि आवश्यक तयारी गर्ने समेत निर्णय गरेको कांग्रेस ठोरीले जनाएको छ ।
 
नेपाली कांग्रेस ठोरीका सभापति सन्तोष श्रेष्ठको सभापतित्वमा सम्पन्न बैठकमा मधेस प्रदेशका सांसद शंकर प्रसाद चौधरी, जिल्ला पर्यबेक्षकको रुपमा ओम कृष्ण लामिछाने, जगरनाथपुर गाउँपालिका अध्यक्ष श्रीकान्त यादब, नेपाली कांग्रेसका महाधिवेशन प्रतिनिधि राम बहादुर श्रेष्ठ लगायत नेपाली कांग्रेसका नेता कार्यकर्ताहरुको उपस्थिति रहेको थियो ।

समाजवादी प्रेस संगठन पर्साको बैठक सम्पन्न, जिल्ला अधिवेशन गर्ने निर्णय

0

वीरगंज । समाजवादी प्रेस संगठन नेपाल पर्साको बैठक बुधवार सम्पन्न भएको छ । नेपाल पाेष्ट डेलीकाे कार्यालयमा सम्पन्न बैठकले मधेश प्रदेशको असार १७ गते वीरगंजमा सम्पन्न भएको बिस्तारित बैठकले गरेको निर्णय अनुरुप तोकेको मिति भित्र जिल्ला अधिवेशन गर्ने निर्णय गरेको छ ।

त्यसैगरी बैठकले जिल्ला अधिबेशन अघि संगठनको सदस्यहरुको सदस्यता अध्यावधिक गर्ने तथा संगठनको बिचार र आस्थासँग जोडन चाहने पत्रकारहरुलाई संगठनमा आबद्ध गराउने निर्णय गरेको छ । बैठकले सो लागि आवेदन दिन ५ दिने सूचना प्रकाशित गर्ने निर्णय समेत गरेको जनाइएकाे छ ।

समाजवादी प्रेस संगठन नेपालमा आबद्ध हुन चाहने पत्रकारहरुले संगठनबाट उपलब्ध गराईने सदस्यता आवेदन फर्म भरी संगठनले तोकेको सदस्यता शुल्य सहित आवेदन दिन सकिने संगठनका सह सचिव विनाेल पटेलले वताए । सदस्यता अध्यावधिक तथा नयाँ सदस्यता बितरण कार्यका लागि बैठकले संगठनका अध्यक्ष मनोज पटेल र सचिव अजय चौरसियालाई जिम्मेवारी समेत दिएकाे छ ।

समाजवादी प्रेस संगठन नेपाल पर्साको अध्यक्ष मनोज पटेलको अध्यक्षता एवम् संगठनका मधेश प्रदेश सह–इन्चार्ज राघो साह र मधेश प्रदेशका संयोजक बृजलाल पासवानको बिशेष उपस्थितीमा सम्पन्न भएको बैठकले प्रदेश अबिवेशनमा बिधानले तोके बमोजिमको प्रदेश प्रतिनिधि पठाउने निर्णय समेत गरेको छ ।

स्राेत नखुलेकाे रु ४१ लाखसहित भारतिय नागरिक पक्राउ

0

वीरगंज । माेटरसाइकलकाे ट्याङ्कीबाट प्रहरीले श्रोत नखुलेको नेरू.४१ लाख ५५ हजारसहित एक जना भारतिय नागरिकलाई पक्राउ गरेकाे छ । वीरगञ्ज महानगरपालिकाकाे वडा नं.१६ रजतजयन्ती चोकबाट भारत विहार, जिल्ला पूर्वी चम्पारण थाना रक्सौल वडा नं.११ बस्ने वर्ष २५ को राकेश कुमारलाई प्रहरीले पक्राउ गरेकाे हाे ।

विषेश सूचनाको अधारमा तालुक प्रदेश प्रहरी कार्यालय जनकपुर तथा जिल्ला प्रहरी कार्यालय पर्साबाट खटिएको टोलीले बुधबार विहान ८ बजे रजतजयन्ती चोकस्थित सडक खण्डबाट स्राेत नखुलेकाे ठुलाे रकमसहित राकेशलाई पक्राउ गरेकाे जिल्ला प्रहरी कार्यालय पर्साले जनाएकाे छ ।

भारतको रक्सौलबाट वीरगञ्जतर्फ आउँदै गरेकाे राकेशले चलाएकाे बिआर ०५ एन ०२३३८ नम्बरको हिरो होण्डा ग्लैमर मोटरसाईकल रोकी जाँच गर्दा मोटरसाइकलको सिटमुनी तथा ट्याङ्कीमा लुकाई छिपाई राखेको श्रोत नखुलेको नेपाली रू.४१ लाख पचपन्न हजार फेला परेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक प्रहलाद कार्कीले जानकारी दिए ।

फेला परेकाे उक्त रकम र मोटरसाइकलसहित राकेशलाई नियन्त्रणमा लिई जिल्ला प्रहरी कार्यालयमा ल्याई बैंक तथा वित्तीय संस्था सम्बन्धी ऐन, २०७३ बिरूद्धकाे कसूरमा अनुसन्धान अगाडि बढाइएको प्रवक्ता कार्कीले वताए ।

मेयर सिहंद्वारा सिटिजन बचतको उद्घाटन

0

वीरगंज । वीरगंज महानगरका मेयर राजेशमान सिंहले बुधबार एक कार्यक्रमका बिच सिटिजन बचत तथा ऋण सहकारी संस्थाको उद्घाटन गरेका छन् । वीरगंज ४ विर्तास्थित शान्ति पोलि क्लिनिकको माथिल्लो तल्लामा रहेको सहकारी संस्थाकाे मेयर सिंहले उद्घाटन गरेका हुन ।

संस्थाको अध्यक्ष प्रमोद सर्राफको अध्यक्षता सम्पन्न उद्घाटन समारोहमा डा. निरज कुमार सिंह, डा. कुशराज गिरी, डा. दिलिप चौरसिया, डा. राजेश चौधरी, डा. उमेश सर्राफ, डा. रबिन्द्र प्रताप सिंह, डा. रामअवतार खेतान, डा. अजय यादव, वडाध्यक्ष वैजुलाल स्वर्णकार, लोसपाका नेता निजामुदिन समानी, ओमप्रकाश सर्राफ, नेपाल औषधि व्यवसायि संघका अध्यक्ष ताजुदिन अंसारी,उपाध्यक्ष अजय यादव, महासचिव विश्वराज गौतम, सचिव पंकज साह, औषधि व्यवसायि सुनिल साह, ठाकुर राम क्याम्पसका प्रोफेसर कण्ठ साह लगायतको उपस्थिती थियो ।

मन्त्री यादवको प्रस्ताव बहुमतका साथ पारित, नेपाल बन्यो जीजीजीआइको सदस्य

0

वीरगंज । नेपाल ग्लोबल ग्रीन ग्रोथ इन्स्टिच्युट (जीजीजीआइ) को ४४ औँ सदस्य राष्ट्र बनेको छ ।

बुधबार सङ्घीय संसदबाट वन तथा वातावरण मन्त्री प्रदीप यादवले ग्लोबल ग्रीन ग्रोथ इन्स्टिच्युट (जीजीजीआइ) को सदस्य बन्ने विषयमा प्रस्तुत गरेको प्रस्वात बहुतमतका साथ अनुमोदन भएसँगै नेपाल जीजीजीआइको सहभागितामूलक सदस्य बनेको हो ।

मन्त्रिपरिषद्को २०७७ भदौं १ गतेको बैठकले नेपालले जीजीजीआइको सदस्यता प्राप्त गर्नका लागि नेपाल सन्धि ऐन बमोजिम सङ्घीय संसदमा पेश गर्न वन तथा वातावरण मन्त्रालयलाई स्वीकृति दिएको थियो । मन्त्रिपरिषद्को निर्णय अनुसार मन्त्री यादवले प्रतिनिधिसभाको साधारण बहुमतबाट स्वीकृति प्रदान गर्नका लागि बुधबार प्रस्ताव संसदमा पेश गरेका थिए ।

संसदमा मन्त्री यादवले जीजीजीआइको विषयमा उठेका प्रश्नहरुको उत्तर दिँदै यसको समाजिक-आर्थिक वृद्धिको लागि हरित विकासको रणनीति मार्फत जैविक विविधता संरक्षण, जलवायू परिवर्तन अनुकूलन र न्यूनीकरणका कार्यक्रम कार्यान्वयन गर्नका साथै वातावरण र विकास बीच सन्तुलन र दिगो विकासका लक्ष्य प्राप्तिमा टेवा पुग्ने बताए ।

त्यसका साथै न्यून हरित ग्यास उत्सर्जनका बाबजुद जलवायु परिवर्तनबाट अति जोखिममा परेको राष्ट्रका सन्दर्भमा नेपाल सरकारले अङ्गिकार गरेका दिगो विकास, वातावरण संरक्षण, गरिवी न्यूनीकरण र समृद्ध नेपाल-सुखी नेपालीको अवधारणालाई मूर्त रुप दिनका लागि विश्वमा छरिएर रहेका जलवायु लगायतका अन्तराष्ट्रिय वित्त, आधुनिक प्रविधि र असल अभ्यासहरुलाई नेपालमा ल्याउनका लागि जीजीजीआइलाई प्रयोग गर्न सकिने मन्त्री यादवले जानकारी दिए ।

नेपाल जीजीजीआइको सहभागितामूलक राष्ट्र भएको कारण यसको सदस्यता तथा कार्यक्रम सञ्चालन गर्नका निमित्त सरकारले कुनैपनि प्रकारको आर्थिक सहयोग गर्न नपर्नु पर्ने यादवले जानकारी दिए ।

जीजीजीआइ अनुमोदन भएसँगै नेपालमा हुँदा जलवायु कुटनीति अन्तर्गत अन्तराष्ट्रिय वार्ता प्रक्रिया र जलवायु परिवर्तन सम्वन्धी पेरिस सम्झौतामा उल्लेखित कार्यहरु गर्न प्राविधिक सहयोग प्राप्त हुने मन्त्री यादवले विश्वास व्यक्त गरे । उनले नेपालले जलवायू परिवर्तन सम्वन्धी संयुक्त राष्ट्र संघीय संरचना महासन्धीमा पेश गरेको पहिलो र दोस्रो राष्ट्रिय निर्धारित योगदान एनडीसी कार्यान्वयनमा समेत सहयोग पुग्ने बताए ।

त्यस्तै हरित विकासका लागि लगानि अभिवृद्धि गर्न राष्ट्रिय वित्तिय साधनहरुको सवलीकरण एवम् अन्तर्राष्ट्रिय लगानी आकर्षित गर्न मद्दत पुग्ने यादवको भनाई छ ।

जीजीजीआइको सदस्य बनेसँगै नेपालले विभिन्न अन्तर्राष्ट्रिय वित्तिय कोषहरुवाट लगानी वृद्धि गर्नका लागि माध्यमको रुपमा प्रयोग गर्न सक्ने उनले वताए । मन्त्री यादवका अनुसार नेपाल जीजीजीआइको सहभागितामूलक सदस्य भएको कारण स्थापना सम्झौताको पक्ष भएपनि कुनै आर्थिक योगदान गर्नु गर्नुपर्ने छैन ।

के हो जीजीजीआइ ?

ग्लोबल ग्रीन ग्रोथ इन्स्टिच्युट सन् २०१२ मा सम्पन्न रियो प्लस ट्वान्टी सम्मेलन पश्चात स्थापना भई कार्यरत रहेको एक अन्तरसरकारी निकाय हो । यसको सचिवालय दक्षिण कोरियाको राजधानी सिउलमा छ । जीजीजीआई संस्थाको हालसम्म ४३ राष्ट्र सदस्य थिए भने आजदेखि नेपाल ४४ औं सदस्य राष्ट्र बनेको हो ।

दक्षिण एसियामा पाकिस्तान र श्रीलंका सदस्य रहेका छन् भने भारत पनि सदस्य बन्ने प्रकिया छ । जीजीजीआइ संस्थाको विधान अनुसार यस संस्थामा दुई प्रकारका सदस्येताहरु छन्; योगदानमुलक र सहभागितामूलक । नेपाल यसको सहभागितामूलक बनेको छ ।

जीजीजीआइले हाल नेपाललाई विद्युतीय यातायात, पेरिस सम्झौता अन्तर्गत कार्बन व्यापार, जलवायु स्मार्ट कृषि, हरित हाइड्रोजन, अमोनिया र युरिया परियोजना, बाँस उद्यम विकास र फोहोर व्यवस्थापनमा सहयोग गर्दै आएको छ । सदस्य राष्ट्र बनेसँगै नेपालले हाल पाइरहेको सहयोगमा वृद्धि हुने जीजीजीआइको काठमाडौँ कार्यालयले जनाएको छ ।

करोडौंको ग्यास शिलिन्डर र चुल्हो थन्कियो गोदाममा, पाउने आशामा जनता निराश

0

वीरगंज । पर्साको सखुवा प्रसौनी गाउँपालिकाकाे आ.ब. २०७८/०७९ को करिब तिन करोड बिनियोजित बजेटबाट खरिद गरिएको ग्यास सिलिन्डर र चुल्हो अझै पनि गोदाममा थन्किएको छ । निर्वाचन लक्षित उक्त योजना कार्यन्वयन हतार हतारमा ६ वडा मध्ये केही वडामा आंशिक संख्यामा ग्यस सिलिन्डर र चुल्हो बितरण भएतापनि वडा न.१ मधुवन मथवलले भने ३०० थान ग्यास सिलिन्डर र चुल्हो गोदाममा थन्क्याएर राखेको छ ।

निर्वाचन आचारसंहिताका कारण वितरण हुन नसकेको उक्त सामाग्री नवनिर्बाचित जनप्रतिनिधिले समेत आफ्ना कार्यकर्तालाई चुनावी राजनैतिक उपहार बनाउने दाउपेचमा लागेको हुँदा अझैपनि उक्त सामग्री वितरण नभएको स्थानीय बासिन्दा तथा लाभान्वित समुहको ब्यक्तीहरुको भनाई रहेको छ ।

स्पष्ट विवरणको अभाव हुनु, विवाद रहित वितरण कार्ययोजना नहुनु, अस्पष्ट निर्णय गरिनु र निश्चिति मापदण्ड नबनाई धमिलो पानीमा माछा मारेझै आफ्ना आसेपासेलाई ग्यास चुल्हो र शिलिन्डर बाड्ने दाउको तयारीमा वडाका जनप्रतिनिधिहरु लागि परेका कारण अझै पनि ग्यास चुल्हो र शिलिन्डर बितरण हुन नसकेको वताइएकाे छ ।

टोल टोल घर घर गएर वास्तविक बिपन्न, दलित, असहायको प्रत्यक्ष विवरण तयार गरि गाउँ बासिको बिचमा प्रस्तुत गरी यसरी सबै गाउँ टोलबाट प्राप्त वास्तविक विवरणमा नाम समाबेश भएका ब्यक्ति हरुलाई वडाको सुचना मार्फत जानकारी गराई सबैले देख्ने गरि बितरण गर्नु पर्ने प्रतिपक्षी दलका नेताहरुकाे सुझाव सकारात्मक भएतापनी राजनीतिक दृस्ठिकोणबाट पुर्बाग्राही सम्झी निर्बाचित जनप्रतिनिधि मान्न तयार नरहेकाे गुनासो समेर प्राप्त भएकाे छ ।

राज्यको ढुकुटिको रकम खर्च गरि बेलैमा खरिद हुन सक्ने तर बितरण भने हुन नसक्ने जस्ता कारणले जनताले पाउने सुबिधा समयमा पाउनबाट बन्चित राख्ने अधिकार कसैलाई नरहेको हुँदा यथाशीघ्र उक्त सामाग्रीहरु जनता समक्ष बितरण गर्नका लागि बिगत केहि दिनदेखी ताकेता भईरहेको साथै उत्त ताकेताको बेवस्था भएमा केही ठोस कदम चाल्ने समेत स्थानीयहरुले चेतावनी समेत दिएका छन् ।

हरवाचरवाको मुक्ति, ऋण र कागजात खारेजी सम्वन्धमा प्रधानमन्त्रीकाे ऐतिहासिक घोषणा

0

वीरगंज । राष्ट्रिय हरवाचरवा अधिकार मंचले आफ्नाे ६ बुंदे दृष्टिकाेण अघि सारेकाे छ । मंचकाे केन्द्रिय कार्यालय लहानले मंगलबार प्रेस विज्ञप्ती जारी गर्दै दृष्टिकाेण सार्वजनिक गरेकाे हाे ।

मंचले हरवाचरवा मुक्तिको घोषणालाई कार्यान्वयन गर्न नेपाल सरकार भूमिब्यवस्था, सहकारी तथा गरिबी निबारण मन्त्रालयको अगुवाईमा विस्तारित कार्ययोजना निर्माण गरी मन्त्री परिषदबाट पारितकाे साथै पुनःस्थापनाको बजेटसहितको कार्ययोजना निर्माण गर्नु पर्ने, हरवाचरवा मुक्तिको घोषणालाई व्यवहारमा लागू गर्न तत्काल केन्द्रीय तथा प्रदेश स्तरमा अधिकार सम्पन्न संरचना निर्माण गर्नु पर्ने वताएकाे छ ।

यसैगरी प्रधानमन्त्रीबाट घोषणा गरिएको ४ बुंदे घोषणा संकल्प प्रस्तावका रुपमा व्यवस्थापिका संसदबाट पारित गर्न, तत्काल प्रदेश सरकार तथा स्थानीय तहसंगको सहयोग, सहकार्य तथा समन्वयमा तथ्याँक संकलन गरी उनीहरूलाई परिचयपत्र प्रदान गर्नु पर्ने वताएकाे छ ।

यसैगरी अध्ययन प्रतिवेदनमा उल्लेख भए बमोजिम मुक्त कमैया, कम्लहरी, हलिया र हरवाचरवा सम्वन्धमा विस्तृत कार्ययोजना र नीतिबनाएर, साथसाथै, यी सबैलाई मन्त्रीपरिषदले पािरत गरेर, त्यसलाई लागू गर्ने कानुन अनुसारका प्रभावकारी ढंगले कार्यान्वयन गर्नु पर्ने र मुक्त घाेषित मुक्त हरवाचरवाको सम्पूर्ण शान्ति सुरक्षाको व्यवस्था मिलाउन पर्ने दृष्टिकाेण अघि सारेकाे हाे ।

मंचका केन्द्रिय अध्यक्ष दशनलाल मण्डलद्वारा हस्तक्षरित विज्ञप्तीमा ‘मुक्त कमैया कम्लहरी मुक्त हलिया, हरवाचरवा सम्वन्धी वस्तुस्थिति अध्ययन समिति’ले गतः बैशाख ९ गते आफ्नो अध्यययन प्रतिवेदनको सिफारीशलाई समुचित ठह¥याउँदै भूमिब्यवस्था, सहकारी तथा गरिबीनिबारण मन्त्रीज्यू को सक्रिय पहलमा विद्यमान कमैया श्रम निषेध ऐन २०५८ अनुसार हरवाचरवाको मुक्ति, ऋण र कागजात खारेजी सम्वन्धमा ऐतिहासिक घोषणा प्रधानमन्त्री शेरबहादुर देउबाट भएको उल्लेख गरिएकाे छ ।

साथै साे एउटा ऐतिहासिक महत्वको घोषणा हो । पुनर्स्थापनकाे एकीकृत प्याकेजसहित हरवा चरवाको मुक्ति र पुनर्स्थापन कार्यलाई प्रभावकारी ढंगले अघि बढाउन सकिएमा यो एउटा त्यस्तो ऐतिहासिक पाइला हुनेछ जसले नेपालमा सम्पूर्ण रुपमा सामन्ती भूदास प्रथा वाबँधुवा श्रमको पुरापुर उन्मुलन सम्भव बनाउने पनि उल्लेख गरिएकाे छ ।

साे घोषणालाई मंचकाे केन्द्रीय समितिले स्वागत समेत गरेकाे छ । मंचले घोषणाकाे लागि प्रधानमन्त्री तथा नेपाल सरकारका भूमिव्यवस्था, सहकारी तथा गरिवीनिवारण मन्त्रीलाई विज्ञप्ती मार्फत धन्यवाद ज्ञापन समेत गरेकाे छ ।

आइजिपीलाई चुनौती दिदै घुमुवा

0

वीरगंज । उदेश्यभन्दा विपरितका गतिविधिमा खटिएको थाहा पाएपछि सशस्त्र प्रहरीका महानिरीक्षक राजु अर्यालले देशभरीका घुमुवालाई हटाए । दरबन्दीमा नियमित डिउटीमा नखटाए इन्चार्जलाई नै कारबाहीको चेतावनी समेत दिए । तर, आइजिपीलाई गुमराहमा राखेर मधेश प्रदेशका कतिपय जिल्लामा एसपीहरू घुमुवा खटाइरहेका छन् । खासगरी मधेस प्रदेशमा यस्तो विकृत्ति व्यापक छ ।

पर्सा, बारा, सप्तरी, सिरहा लगायतका जिल्लामा सशस्त्र प्रहरीका घुमुवाकै मिलेमतोमा तस्करी बढीरहेको छ । सप्तरी जिल्लामा एसपी प्रदिप खड्काले १० जना बढी घुमुवा परिचालन गरेका छन् । सहायक हवल्दारहरू सन्तोष प्रणामी, अशोक पेक्रा, अजय शाह छन् । जवानहरू अर्जुन यादव, सजीव मण्डल, प्रवीन्द्र खेरबार, मनोज चौधरी, कमलेश यादव लगायतलाई विभिन्न नाकामा खटाएका छन् ।

त्यसबाहेक सशस्त्र प्रहरी जवान इमाम आलम र बरिष्ठ हवल्दार अशाेक साह  मधेस प्रदेशको छिन्नमस्ता बाहिनीका डिआइजी गणेश ठाडा मगरको घुमुवाको रुपमा काम गर्दै आएका छन् ।

सिरहाको अवस्था पनि त्यस्तै छ । एसपी रमेशकुमार थापाको प्रत्यक्ष संलग्नतामा विभिन्न नाकाबाट तस्करी मौलाएको छ । सिरहाका ठाडी, माडर लगायतका ठाउँबाट तस्करी बढेको हो । महोत्तरी जिल्लाको सम्सी नाकामा पनि सशस्त्र प्रहरीकै घुमुवाको सेटिङ चलेको छ । बारा, पर्सा, सर्लाही लगायतका जिल्लामा पनि विभिन्न बहानामा गणपतिहरुले घुमवा परिचालन गरिरहेको स्रोत बताउँछ ।