Date
मङ्ल, मंसिर १, २०८३
Tue, November 17, 2026
Home Blog Page 646

“अब सुतल ठीक नइखे” र “हिरोशिमा” पुस्तकको बिमोचन

0

वीरगंज । भोजपुरी भाषाका चर्चित लेखक दिनेश गुप्ताद्वारा लिखित “अब सुतल ठीक नइखे” (गजल संग्रह) र “हिरोशिमा” (हाइकू संग्रह) पुस्तकको शनिबार बिमोचन गरिएको छ । एक कार्यक्रमका बिच दुवै पुस्तकको बिमोचन मधेश प्रदेशका मुख्यमन्त्री मो. लालबाबु राउत गद्दीले गरेका हुन् ।

नेपाल भोजपुरी समाज वीरगंजकाे आयोजनामा वीरगंजस्थित कलवार कल्याण समिति पर्साको सभाहलमा भएकाे कार्यक्रममा मुख्यमन्त्री गद्दीले पुस्तक खोली दर्शक दिर्घमा पुस्तक प्रदर्शन गरी पुस्तकको बिमोचन गरेका थिए ।

कार्यक्रमलाई सम्बोधन गर्दै मुख्यमन्त्री गद्दीले प्रदेश सरकार प्रदेश भित्र बोलिने सबै भाषाको बिकास गर्नका लागि गम्भीर रहेको कुरामा जोड दिए । मुख्यमन्त्री गद्दीले प्रदेश सरकार भाषा, कला, साहित्यको विकासका लागि एकाडेमी गठन गरी अगाडी बढने बताउँदै भोजपुरी भाषाको विकासको लागि अक्षयकोषको स्थापना गर्ने बताए ।

नेपाल भोजपुरी समाज वीरगंजका अध्यक्ष ध्रव सिंह ठकुरीको अध्यक्षमा भएकाे कार्यक्रममा वीरगंज महानगरपालिकाका मेयर राजेशमान सिंह, वीरगंज उद्योग वाणिज्य संघका अध्यक्ष सुबोध गुप्ता, प्रा. डा. दिपक शाक्य, साहित्यकार डा. हरेन्द्र हिमकर, उमाशंकर द्विवेदी, डा. विशम्भर शर्मा लगायतकाले शुभकामना मन्तव्य व्यक्त गरेका थिए ।

बिमोचन कार्यक्रममा दुबै पुस्तक तथा लेखक दिनेश गुप्ताको व्यक्तिको बिषयमा वीरगंजका बरिष्ठ साहित्यकार एवं उद्योगपती गणेश लाठले प्रकाश परेका थिए । “अब सुतल ठिक नइखे” गजल संग्रहमा गुप्ताले ५१ वटा गजलहरु संग्रहित गरेका छन् भने “हिरोशिमा” हाइकू संग्रहमा २०१ वटा हाइकू समावेश गरेका छन् ।

संग्रहमा राजनितिक देखि समाजिक तथा श्रगार रसमा अधारित गजल तथा हाइकूहरु समावेश गरिएको लेखक गुप्ताले बताए ।

बिमोचन कार्यक्रमको संचालन नेपाल भोजपुरी समाजका उपाध्यक्ष सलमा खातुनले गरेका थिए भने अथितीहरुलाई स्वागत समाजका सचिव राजेन्द्र सिंह राजपुतले स्वागत गरेका थिए ।

कलैयामा निर्माण भएकाे सामुदायिक भवन उद्घाटन 

0
कलैया । बाराकाे कलैया उपमहानगरपालिका वडा नं. ४ मा निर्माण भएकाे सामुदायिक भवनको उद्घाटन गरिएको छ । कलैया उपमहानगरपालिकाका नगर प्रमुख विनोद साहले शनिबार सामुदायिक भवनको उद्घाटन गरेका हुन् ।
 
सामुदायिक भवनको उद्घाटन गर्दै नगर प्रमुख साहले सामुदायिक भवनमा केही छुट भएका निर्माण गर्नको लागि थप उपमहानगरको बजेटबाट २० लाख दिने प्रतिद्धता जनाए । 
 
पुर्व वडाध्यक्ष डा. अख्तर अंसारीले आफनो कार्यकालमा निजी लगानीमा सामुदायिक भवनको लागि ४ धुर जग्गा खरिद गरेका थिए । 
आर्थिक वर्ष ०७८\०७९ को नगरको ३० लाख र पुर्व वडाध्यक्ष अंसारीको निजी १४ लाखको लगानीमा ४ धुरमा २ तल्ले भवन निर्माण भएको हो ।
 
समाजमा रहेका गरिव असाहयहरुको घरमा हुने विवाह, व्रतबन्ध, भोजभतेरमा जमघट हुने समस्या हेरेर निजी लगानीमा जग्गा खरिद गरि सामुदायिक भवनको निर्माण गरिएको अंसारीले बताए । समाजमा निशुल्क रूपमा सो भवनको प्रयोग गर्ने उनले बताए ।
 
सामुदायिक भवन उद्घाटन कार्यक्रममा प्रमुख प्रशासकिय अधिकृत नाथु साह, नेकपा एमालेका नेताद्वय अच्युत मैनाली, अध्यानन्द पाण्डे, वडाध्यक्ष लगायतको सहभागिता रहेको थियो ।

वन माफियालाई तह लगाउने मन्त्री यादवको चेतावनी

0

वीरगंज । वन तथा वातावरण मन्त्री प्रदीप यादवले मुआब्जा पाइसकेको जग्गा खाली नहुँदासम्म र बजेटको सुनिश्चितता नहुँदासम्म एउटा रुख पनि काट्न नदिने बताएका छन् ।

निजगढमा बन्ने अन्तर्राष्ट्रिय विमानस्थलका लागि मुआब्जा पाइसकेका टाँगियाबस्ती खाली गराएर विमानस्थल निर्माणका लागि आवश्यक पर्ने बजेटको सुनिश्चितता भएमात्रै रुख कटानका लागि वन मन्त्रालयबाट अनुमति दिने मन्त्री यादवले बताएका हुन् ।

सर्लाहीको ईश्वरपुर नगरपालिका वडा नम्बर ४ स्थित सागरनाथमा निर्मित सशस्त्र वन रक्षक ब्यारेक भवनको उद्घाटन गर्दै मन्त्री यादवले निजगढ विमानस्थल मधेशको लाईफलाइन भएको हुँदा आफु त्यसको विरोधी नभएको स्पष्ट पारे । उनले भने, “रुख काटेर जग्गा खाली गराउने, अनि फेरी बस्ती बसाल्ने र मुआब्जा दिने । यस्तो अब चल्दैन । पहिला मुआब्जा पाएको जग्गा खाली गराएर बिमानस्थलका लागि आवश्यक पर्ने बजेटको सुनिश्चितता नभएसम्म एउटा पनि रुख काट्न मन्त्रालयले अनुमति दिँदैन ।”

वन माफियालाई तह लगाउनका लागि कुनै पनि कदम चाल्न पछि नहट्ने बताउँदै उनले मन्त्रालयको निर्देशन बमोजिम वन जङ्गलको संरक्षणका लागि काम गर्न निर्देशन दिए ।

वन मन्त्रालय ताली खाने नभएर गाली खाने मन्त्रालय भएको हुँदा गाली सहेर पनि वन जङ्गल संरक्षण तदारुकता देखाउन उनले आग्रह गरे । तस्करसँग मिलेर काठ, ढुंगा र गीठीको लाइन दिने जस्ता गुनासोहरु सुनिएको बताउँदै उनले सुध्रिएर मन्त्रालयको निर्देशनको पालना गर्न आग्रह समेत गरे ।

राम्रो काम गर्नेलाई सम्मान र नराम्रो गर्नेलाई दण्डित गर्ने बताउँदै उनले सम्मान पाउने लायकको काम गर्न पनि निर्देशन दिए । केही समयभित्रै वन मन्त्रालयले सम्मान कार्यक्रमको आयोजना गर्ने हुँदा त्यसको लागि आवश्यक तयारी पनि भइरहेको मन्त्री यादवको भनाई छ ।

त्यसैगरी उनले सुकुमवासीको नाममा धनाढ्यहरुले पनि जग्गा कब्जा गरेर राखेको बताउँदै अबदेखि असली सुकुमवासीको पहिचान गरेर मात्र जग्गा दावी पूर्जा वितरण गरिने बताए । “सुकुमवासीको पूर्जा लिएर काठमाडौँ र ठूलाठूला शहरमा आलिसान घर, गाडी भएकाहरु पनि छन् । म त्यस्ता सयौँलाई चिन्छु । लाखौँको सुनको सिक्री लगाएर म सुकुमवासी भन्नेहरुको पहिचान गरेर अबदेखि सही व्यक्तिलाई मात्र हामीले जग्गा दावी पूर्जा वितरण गर्छौं,” उनले भने ।

बाघको संख्या बढेको भन्दै विश्वव्यापी रुपमा नेपालको चर्चा चलीरहेको बताउँदै उनले बाघ हेर्न आउने पर्यटकलाई बढावा दिनुपर्नेमा जोड दिए ।

वन तथा भू-संरक्षण विभागको वार्षिक कार्यक्रम अन्तर्गत निर्मित भवनको उद्घाटनपश्चात आयोजित कार्यक्रमलाई सम्बोधन गर्ने क्रममा उनले वन रक्षकमा अपर्याप्त जनशक्ति हुँदा अपेक्षित काम हुन नसकेको हुँदा केही दिनभित्रै केही संख्यामा बन रक्षक भर्ना गरिने जानकारी दिए ।

वन रक्षकमा कम जनशक्ति भएको हुँदा नेपाल प्रहरी, सशस्त्र प्रहरीसँग समन्वय गरेर गस्ति गर्नुपर्नेमा जोड दिँदै उनले अहिलेसम्म बनको संरक्षणमा नेपाल प्रहरी र सशस्त्र प्रहरीले खेलेको भूमिकाको सह्राना गरे । उनले जङ्गल विनाश गर्दा यसको असर हामीले नै भोग्नुपर्ने भएकाले जंगलको संरक्षण गर्नका लागि वन माफियालाई तह लगाउने चेतावनी पनि दिए ।

वन तथा भू-संरक्षण विभागका महानिर्देशक डा. राजेन्द्र केसीको अध्यक्षतामा भएको कार्यक्रममा प्रतिनिधिसभा सदस्य प्रमोद साह, प्रदेशसभा सदस्य अशोक यादव, इश्वरपुर नगरपालिकाका मेयर मनोज आचार्य लगायतले मन्तव्य राखेका थिए ।

हिन्दू धर्म रक्षाको निम्ती विश्वको हिन्दू संगठित हुनुपर्छ : बौद्धिक प्रमुख

0

वीरगंज । हिन्दू स्वयंसेवक संघ नेपाल पर्साले गुरु पूर्णिमाको अवसरमा वीरगंजमा गुरुदक्षिणा उत्सव मनाईएको छ । संघले शनिबार वीरगंजको आदर्शनगरस्थित जैन भवनमा आयोजना गरेको उत्सवमा सहभागि स्वयंसेवकहरूले परम पवित्र भगवद्ध्वजको पूजन गरी गुरुपूर्णिमा मनाएका हुन् ।

उत्सवमा सहभागि स्वंयसेवकहरुले यस दिन गुरुको रूपमा ज्ञान, त्याग, सौर्य जस्ता तत्त्वका प्रतीक रूपमा स्थापित परम् पवित्र भगवाध्वजलाई विधिवत् पूजन गर्दै पवित्र संघकार्यको लागि आफूले सञ्चय गरेको दक्षिणा ‘गुरुदक्षिणा’का रूपमा समर्पण समेत गरेका छन ।

कार्यक्रममा प्रमुख अतिथि राष्ट्रिय स्वयंसेवक संघ, भारतका पूर्व उत्तर प्रदेशका बौद्धिक शिक्षण प्रमुख श्री मिथलेश नारायण जीले गुरुपूर्णिमा पर्वको महत्व, गुरुदक्षिण र भगवा ध्वजलाई गुरुका रूपमा स्थापित गरिनु पछाडिको आवश्यकता र उद्देश्यबारे स्पष्ट पार्नुभएको थियो । उहाँले आफनो धर्मको सम्मान रक्षाको निम्ती विश्वको हिन्दूहरु संगठित हुनुपर्ने बताए ।

आफनो धर्म र संस्कारले सर्वे भवन्तु सुखिनः सर्वे सन्तु निरामय भाव सिकाउँछ अर्थात हिन्दू धर्मले कुनै एक धर्म समुदायको कुरा गर्दै विश्वको सम्पूर्ण धर्म र मावनताको सम्मानको कुरा गर्छ । तर केहि विधर्मीहरुले हिन्दूलाई यसको कमजोरीको रुपमा लिने गरेको छन अबको हिन्दूले आफनो धर्मको सम्मान र रक्षाको निम्ती सम्पूर्ण हिन्दूहरु एकजुट हुनै पर्ने उहाले बताउँनु भयो ।

आफनो परिवार जस्तै अरुको पनि सम्मान गर्नुपर्छ, मातृदेव भवः पितृदेव भवः गुरु देव भवः को चिन्तन घटेको छ कि छैन, हिन्दू समाजका संगठन, संस्कार र हिन्दू समाजको प्रकृती सम्पूर्ण मजबुत हुनुपर्छ र यसको लागि हिन्दू स्वयंसेवक काम गरीरहेको छ, हामी हिन्दू हिन्दू भाई भाई नै हो त्यो भाव सम्पूर्ण हिन्दूमा हुनुपर्छ उहाँले भन्नुभयो ।

आषाढ पूर्णिमालाई हिन्दू समाजमा भगवान् वेदव्यासको प्राकट्य दिवसका रूपमा मनाइन्छ । यस दिन समग्र हिन्दू समाजले आफ्ना गुरुप्रति कृतज्ञता अर्पण गर्दछ । हामी हिन्दू स्वयंसेवक संघ नेपालका स्वयंसेवकहरूले वर्षभरि मनाउने ६ वटा मुख्य पर्वमध्ये गुरुपूर्णिमा पनि एका हो । हिन्दू पञ्चाङ्ग–अनुसार प्रत्येक वर्ष आषाढ पूर्णिमाका दिन गुरुपूर्णिमा पर्व मनाइन्छ ।

यतिमात्रै होइन, संघको दैनिक शाखामा यसै ध्वजलाई प्रणाम गरिन्छ, वन्दन गरिन्छ र यसै ध्वजलाई साक्षी मानेर सबै कार्यहरू गरिन्छ । शाखाकै क्रममा नित्य प्रार्थना गरिन्छ यसै ध्वजका सामु । यसै ध्वजलाई साक्षी मानेर ईश्वरीय कार्यमा लागीरहने, समाज र राष्ट्रको सेवामा कटिबद्ध रहने प्रतिज्ञा गरिन्छ ।

हिन्दू स्वयंसेवक संघ वीरगंज नगर संघचालक रामलक्षण जीको अध्यक्षतामा आयोजित कार्यक्रममा संघका राष्ट्रिय प्रचारक वेद प्रकाश जी, राष्ट्रिय संघ सम्पर्क प्रमुख अशोक बैद्य, संघका जनकपुर सम्भाहक रन्जीत साह, विभाग संघ चालक ललन द्विवेदी लगायत वीरगंजका समाजसेवी तथा उद्योगि, व्यवसायी, कर्मचारी एवं स्वयंसेवकहरुको उल्लेखनिय सहभागिता रहेको थियो ।

जसपाकाे केन्द्रिय समितिमा पर्साका १४ जना मनाेनित

0
वीरगंज । जनता समाजवादी पार्टी (जसपा) नेपालको केन्द्रिय समितिमा पर्साबाट १४ जना मनाेनित भएका छन् । नेपाल सरकारका वन तथा वातावरण मन्त्री प्रदीप यादव, मधेश प्रदेशका मुख्यमन्त्री लालबाबु राउत, वीरगंज महानगरपालिकाका मेयर राजेशमान सिंहसहित १४ जना पार्टीको केन्द्रीय समितिमा अटाएका हुन् ।
 

मुख्यन्त्री राउतलाई पार्टीको केन्द्रीय कार्यकारिणी सदस्यमा मनोनित गरिएको छ । कार्यकारिणी सदस्यमा अटाउने पर्सा जिल्लाबाट मुख्यमन्त्री राउत मात्रै छन् ।

वन तथा वातावरण मन्त्री एवम् पर्सा क्षेत्र नम्बर १ का प्रतिनिधी सभा सदस्य प्रदीप यादव, क्षेत्र नम्बर ३ का निलम्बीत प्रतिनिधी सभा सदस्य हरिनारायण रौनियार, मोहनलाल चौधरी र बालकिशोर यादवलाई पार्टीको केन्द्रीय राजनीतिक समिति सदस्यमा चयन गरिएको छ । 

त्यसैगरी जसपाकाे केन्द्रिय सदस्यमा प्रदेश सभा सदस्य करिमा बेगम, अन्जु कुमारी यादव, भिमा यादव, वीरगंज महानगरपालिकाका मेयर राजेशमान सिंह, नेता जनार्दन यादव, फिरोज मन्सुर, सिपु तिवारी, पाेखरिया नगरपालिकाकी उप मेयर सलमा खातुन, नेतृ रेखा साह मनाेनित भएकाे जसपा पर्साका अध्यक्ष रामनरेश यादवले वताए ।
 

सिभिल बैंक र पर्सा प्रहरीकाे बदमासीले पिडित प्रताडित

0

वीरगंज । जिल्ला प्रहरी कार्यालय पर्साले, पिडितलाई न्याय दिलाउँनुको साट्टो पिडकसंग मिलेर नै पिडितलाई प्रताडित गर्ने काम गरेकाे आराेप लागेकाे छ । बैकिङ्ग कसुर मुद्दामा पिडकसंगको मिलोमतोमा अन्यायमा परेका पिडितलाई न्यायोचित छानविन गरी दोषीलाई कारवाही गर्नुको साटो उल्टै अन्यायमा परेको पिडितलाई नै थप प्रताडित गर्ने काम प्रहरीबाट नै भएको देखिएकाे छ ।

प्रहरीबाट न्याय नपाएपछि वीरगंज महानगरपालिका वडा नम्बर २५ अलौंका जियालाल साह तुराहाले शुक्रबार पत्रकार सम्मेलनको आयोजना गरी आफूमाथि अन्याय भएको बताउँदै न्याय दिलाई दिन पत्रकारहरु संग गुहार नै गरेका छन ।

आफनै भिनाजु पर्ने अयोध्या साह तुराहाले वीरगंजकाे महाबिर स्थानमा रहेको सिभिल बैंकमा मेरो नाममा रहेको खाताको बैंककै कर्मचारीहरुको मिलोमतोमा नक्कली हस्ताक्षर गरी चेकबुक निकालेर चेक मार्फत १ करोड ६५ लाख ९४ हजार ३०८ रुपैया दिएको दावी गर्दै चेक बाउन्स गरी आफू माथि प्रहरीको मिलोमतोमा बैकिंङ्ग कसूरमा मुद्दा दिएको उनले बताए ।

अयोध्याको जेठो छोरा हरेराम कुमार साहले जियालाल साह तुराहाको नक्कली हस्ताक्षर गरेर २०७८ फागुन १६ गते सिभिल बैंककै कर्मचारीको मिलोमतोमा एक थान (१० पेज) को चेक निकालेका थिए । पहिलो चेकमा १९ लाख भरेर उक्त बैंकमा चेक बाउन्स गराई उल्टै जियालाल माथि बैंकिङ्ग कसूरमा मुद्दा दर्ता गराई पक्राउ पुर्जी जारी गराएका थिए ।

बैंकिङ्ग कसुरमा मुद्दा दर्ता गर्दा साे बारे सम्बन्धित व्यक्तिसंग एक पटक प्रहरीले बुझ्नु पर्ने प्रावधान रहेपनि प्रहरीले सिधै मुद्दा दर्ता गरेर अदालतबाट पक्राउ पुर्जी जारी गराएकाे पिडित जियालालले वताए । चेक बाउन्स गर्नु अघि बैंकले पनि एकपटक पनि आफुलाई जानकारी अथवा चेक बारे नसाेधेकाे उनले जानकारी गराए ।

चेक बाउन्स गरी उजुरी दिएको बारे जानकारी पाएपछि मिति २०७९ जेष्ठ १९ गते नक्कली हस्ताक्षर गरेर चेकपेश गरेको उजुरी दिदाँ समेत प्रहरीले कारवाही गरेन उनले भने । पुन अर्को मिति २०७९ असार ५ गते अर्को निवेदन दिदा डिएसपी ओमप्रकाश खनाल र प्रहलाद कार्कीले दुवैजना मिल्नुस् भनेर दबाब दिएपनि उजुरी शाखाका तिलधारी साहले कुनै पहल गरेनन् ।

प्रहरी समक्ष आफूसंग कुनै प्रकारको चेकबुक नरहेको र यो चेकमा मेरो हस्ताक्षर नभएको बारम्बार बयान दिदा समेत प्रहरीले कुनै सुनवाई नगरी उल्टै आफूलाई पक्राउ गरी ४० दिनसम्म हिरासतमा राखेर मानसिक तनाव दिएको उनले पत्रकार सम्मेलनमा बताए ।

उनले भने, उच्च अदालतमा मुद्दा गएपछि न्यायधिश समक्ष बयानमा आफू संग चेक नभएको अवस्थामा हस्ताक्षर मैले कसरी गरे, यसको निश्पक्ष छानविन गर्नुपर्ने माँग गरेको थिए ।

न्यायधिशले चेकमा हस्ताक्षर सम्बन्धीत खातावालाले नै गरेको हो होईन बुझन केन्द्रिय पुलिस फोरेंसिक विधि विज्ञान प्रयोगशालामा समेत परिक्षण गराउँदा रिपोर्टमा हस्ताक्षर नक्कली रहेको रिपोर्ट समेत अदालतमा पेश हुँदा जियालाल साहलाई ३ लाख रुपैया धरौटीमा छोडेका थिए ।

केन्द्रिय प्रहरी फोरेंसिक विधि विज्ञान प्रयोगशालाको रिपोर्टको आधारमा र सिभिल बैंकको सिसि क्यामरा फुटेजमा समेत अयोध्या साह तुहारा र उनका छोरा हरेराम कुमार साह तुहाराले नक्कली हस्ताक्षर गरेर चेकबुक निकालेको प्रमाण हुँदा हुदै पनि प्रहरीले अयोध्या संग आर्थिक लेनदेनको प्रभावमा परेर उल्टै आफूलाई प्रताडित गर्ने काम गरीरहेको उनले आरोप लगाए ।

एउटा छोराले नक्कली हस्तक्षर चेक निकाल्छ, अर्को छोरा पप्पु कुमार साहले चेकबाउन्स गराएर बैकिङ्ग कसूरको झुठो मुद्दा दिएर आफूलाई फसाउँन खोजेको बारे प्रमाण सहित लिखित उजुरी दिदा समेत प्रहरीले कुनै कारवाही नगरेको उनले बताए ।

जिल्ला प्रहरी कार्यालयका डिएसपी ओमप्रकाश खनाल, प्रल्हाद कार्की र उजुरी शाखाका तिलकधारी साहको मिलोमतोमा आफूमाथि जबरजस्ती मुद्दा लगाएर फसाउँन खोजेको उनको आरोप छ । नक्कली हस्ताक्षर गरी जियालालकाे चेकमा १९ लाख रुपैया भरेर पप्पुले मुद्दा गरेका छन ।

अहिले पनि उनीहरु संग ९ वटा चेक बाँकी छ । जसमध्ये उनको अर्का भाई ललडु बाबु साहको नाममा २ लाख ९४ हजार ३०८ रुपैया, अयोध्या साहले आफनो नामले ९५ लाख, २० लाख र १० लाखको छुट्टा छुट्टै चेक काटेर राखेका छन र अयोध्याले आफनो श्रीमती उमरावती देवीको नाममा १९ लाख रुपैया रकम भरी चेक काटेर राखेका छन ।

अहिले पनि उनीसंग ४ वटा खाली चेक छ । बारम्बार धम्काउँदै आईरहँदा पनि प्रहरीले उल्टै उनीहरुको संरक्षण गरीरहेको उनले आरोप लगाए ।

अलौं चोक नजिकै रहेको आफनो खाली जग्गामा सिभिल बैंकबाट आफूले २०७४ सालमा ३३ लाख रुपैया कर्जा लिएर सानो घर बनाएर परिवारलाई पाल्ने काम गर्दै आएको छु । उनले भने, ‘ लिएको कर्जा तरकारी बेचेर चुकाउँदै आईरहेको छु ।’ १ करोड ६५ लाख रुपैया कुन आधारमा मलाई अरुले पैसा दिन्छ, त्यो पत्याउँने कुरा नै छैन । पत्रकार सम्मेलनमा उनले बैंकबाट कर्जा लिदा पनि बैंक कर्मचारीको मिलोमतोमा अयोध्याले ३३ लाख रुपैयाको आफनो नाममा छुट्टै तमसुक बनाएको आरोप समेत लगाए ।

पप्पु कुमार साहले चेकमा किर्ते सहि गरी चेक बाउन्स गराई राखेको चेक प्रहरीकै मिलोमतोमा बैकिंङ्ग कसूर मुद्दामा फसाउँने षडयन्त्र गरी रहँदा न्यायको लागि जियालाल साहले पुरै परिवार सहित पत्रकार सम्मेलन मार्फत हार गुहार गरेका छन ।

डिएसपीकै मिलोमतोमा मुद्दा शाखाका प्रहरी कर्मचारीहरुले बैंककै कर्मचारीहरु संगको मिलोमतोमा सिधासधा मानिसलाई बैंकिङ्ग कसूर मुद्दामा फसाई कमिशन लिने गरेको आराेप लाग्ने गरेकाे छ । याे घटनाले झन प्रहरी शंकाकाे घेरामा परेकाे छ । 

सशस्त्र प्रहरीद्वारा बहुदरमाईबाट भारी मात्रामा गाँजा बरामद

0

वीरगंज । सशस्त्र प्रहरीले पर्साको बहुदरमाई नगरपालिकाबाट भारी मात्रामा प्रतिबन्धित लागू औषध गाँजा बरामद गरेको छ । विशेष सूचनाको आधारमा सशस्त्र प्रहरी बल, नेपाल नं.१३ गणकाे टोलीले बहुदरमाई नगरपालिका वडा नम्बर ७ विश्रामपुरको छपकैयाबाट २४० किलो प्रतिबन्धित लागू औषध गाँजा बरामद गरेको हो ।

विश्रामपुरको छपकैयास्थित श्री बाल निकेतन ईगलिस बोडिङ्ग स्कुलको पुरानो भवन पछाडी झाँडीमा हरियो घाँस र कर्कलोको पातले लुकाई राखेको अवस्था उक्त परिमाणको लागू औषध गाँजा बरामद गरेको सशस्त्र प्रहरी बल नेपाल नं. १३ गण, पर्साका सुचना अधिकारी एवम् सशस्त्र प्रहरी नायब उपरिक्षक सन्तोष कुमार बस्नेतले वताए ।

बरामद गरिएको लागू औषध आवश्यक कारवाहीको लागि जिल्ला प्रहरी कार्यालय पर्सामा बुझाइएकाे सूचना अधिकारी बस्नेतले जानकारी दिए ।

बरामद गरिएको गाँजा तस्करहरुको समूहले छिमेकी जिल्लाबाट भित्रियाईएको थियो । समय अनुकुल अनुसार उक्त गाँजा भारतको तर्फ तस्करी गर्नको लागि भित्रियाईपनि भारत तर्फ लैजान नसकेपछि विश्रामपुरमा लुकाई छिपाई राखिएको थियो । सूचना अधिकारी बस्नेतका अनुसार, तस्करीमा संलग्न व्यक्तिहरुको पनि पहिचान गर्ने काम भईरहेको छ ।

वडा प्रहरी कार्यालय विर्ताद्वारा फरार प्रतिवादी पक्राउ

0

वीरगंज । वडा प्रहरी कार्यालय विर्ताले विभिन्न ३ शिर्षकका मुद्दाका फरार प्रतिवादीलाई पक्राउ गरेकाे छ । पर्साकाे विन्दवासिनी गाउँपालिका वडा नं. २ घर भई हाल वीरगंज महानगरपालिकाकाे वडा नं. -३ निवासी ५५ बर्षिय रहमत हुसेनलाई पक्राउ गरिएकाे वडा प्रहरी कार्यालय विर्ताका प्रहरी निरिक्षक बिशाल मल्लले वताए ।

पर्सा जिल्ला अदालतको मिति २०७५/११/०९ को चेक अनादर मुद्दाको फैसला अनुसार रु. २ हजार जरीवाना, २०७७/०८/१५ गतेको विगो भराउ मुद्दाको फैसला अनुसार १ वर्ष कैद र २०७८/०९/२१ गतेको चेक अनादर मुद्दाको फैसला अनुसार रु. ३ हजार जरीवाना तोकिएको उनी फरार थिए ।

वडा प्रहरी कार्यालय विर्ताबाट खटिएको फैसला कार्यान्वयन टोलीले शुक्रबार वीरगंज महानगरपालिकाकाे वडा नं.-३ छपकैयाबाट पक्राउ गरी अदालतमा दाखिला गरेकोमा आजै कैद भुक्तानको लागी कारागार चलान भएको प्रहरी निरिक्षक मल्लले जानकारी दिए ।

भारतकाे आर्केस्ट्राबाट नेपाली नाबालिकको उद्दार

0

बिरगंज । भारत रक्सौलको मझौलियास्थित एक आर्केस्ट्राबाट नेपाली नाबालिकको उद्दार गरिएको छ । चलचित्रमा अभिनय गरएर नाम र दाम दुवै कमाउने प्रलोभन दिएर आर्केस्ट्रामा लगिएकी बालिकाको उद्धार गरिएको हो ।

बालिकालाई धेरै खोज्दा पनि नभेटिएपछि हराएको भन्दै उनका अभिभावकले नेपाल प्रहरीलाई खोजीदिन आग्रह गरेका थिए ।

नेपालदेखि भारतकाे विभिन्न ठाउँमा सोधखोज गर्दा पनि नभेटिएपछि बालिकाकी आमाले मानव बेचबिखन विरोधी एकाई (एएचटियु) क्षेत्रिय सदरमुकाम रक्सौलका प्रहरी निरीक्षक मनोज कुमार शर्मालाई दुखेसो सुनाएकी थिइन् ।

प्रहरी निरीक्षक शर्माले बालिकालाई बेतिया नजिकैको माझोलियास्थित आर्केस्टामा राखिएको जानकारी पाएपछि अनुसन्धान शुरु गरेका थिए ।

राष्ट्रिय बालअधिकार संरक्षण आयोग दिल्ली, मिशन मुक्ति फाउण्डेशन, बाल कल्याण समिति, चाइल्ड लाइन बेतिया, बेतिया महिला थाना प्रहरी, मझौलिया प्रहरी चौकीको सहकार्यमा आर्केस्ट्रामा छापामारी गरी बालिकाको उद्धार गरिएको प्रहरी निरीक्षक शर्माले जनकारी दिए ।

उनका अनुसार सोही आर्केस्ट्राबाट १ जनालाइ पक्राउ समेत गरिएको छ । दिल्लीबाट महत्वपूर्ण बैठकका लागि आएका राष्ट्रिय बालअधिकार संरक्षण आयोग दिल्लीका वरिष्ठ सल्लाहकार परेश शाह पनि सहभागी भएका थिए ।

अख्तियार क्षेत्रीय मुख्यालयका इन्स्पेक्टर मनोजकुमार शर्मा र मिशन मुक्ति फाउन्डेसनका निर्देशक वीरेन्द्रकुमार सिंहले आर्केस्ट्रामा हुने मानव बेचबिखनका घटना अन्त्य गर्ने प्रतिबद्धता जनाएका छन् ।

बाल कल्याण समिति बेतियाका अध्यक्ष आदित्यकुमार यादव, मिशन मुक्ति फाउन्डेशनका निर्देशकक बीरेन्द्र सिंह, चाइल्ड लाइन बेट्टियाबाट विलियम अल्फ्रेड र रेखा देवी, एनजीओ अपरच्युनिटी नेपालका सत्यनारायण यादव, बेतिया महिला प्रहरी चौकीकी इन्स्पेक्टर राणा रणविजय सहितका सुरक्षाकर्मीकाे उपस्थितीमा बालिकाको उद्धार गरिएको हो ।

युवा नेता साहद्वारा प्लस २ संचालन गर्न विद्यालयलाई सहयाेग

0

वीरगंज । जनता समाजवदी पार्टी (जसपा) नेपालका युवा नेता शिव कुमार साहले पर्साकाे सखुवा प्रसाैनी गाउँपालिका वडा नं. ५ मा रहेकाे नेपाल राष्ट्रिय माध्यमिक बिद्यालय महुवनलाई सहयाेग गरेका छन् ।

विद्यालयमा कक्षा ११ र १२ संचालनका लागि बिहिबार एक कार्यक्रमका बिच विद्यालयलाई रु २५ हजार ५ सय सहयाेग गरेकाे नेता साहले वताए । सहयाेग रकम बराबरकाे चेक विद्यालयका प्रधानाध्यापक भरत गिरिलाई हस्तान्तरण गरेकाे नेता साहले जानकारी गराए ।

श्री देबिमाई आधारभूत बिद्यालय लखनपुरमा भएको कक्षा ११ भर्ना तथा अन्तरक्रियामा कक्षा ११ र १२ संचालनार्थ साहले विद्यालयलाई सहयाेग गरेका हुन् । साे अवसरमा उनले आफू समाजिक सेवा एवं शिक्षा बिकासका निमित विभिन्न कामहरु सधै गरिरहने वताए ।

कोरोना कालमा राहत वितरण, रक्तदान, बृक्षारोपण, कुलो सरसफाइ, बिधुत पोल जडान, बाटो मर्मत लगायतको समाजिक सेवामा आर्थिक सहयोग गरेको र भबिस्यमा पनि गरिरहने उनकाे भनाई थियाे ।

कार्यक्रममा साेही विद्यालयलाई सखुवा प्रसौनी गाउँपालिका वडा नं. ६ लखनपुरका वडाध्यक्ष मुन्ना राउत कमकरले वडाको बजेटबाट रु १ लाख ११ हजार सहयोग गर्ने प्रतिवद्धता जनाएकाे प्रधानाध्यापक गिरिले बताए ।

सखुवा प्रसौनी गाउँपालिका वडा नं. ६ लखनपुरका वडाध्यक्ष मुन्ना राउत कमकरको अध्यक्षता एवं जनता समाजवदी पार्टी नेपालका युवा नेता शिव कुमार साहको प्रमुख आतिथ्यतामा भएको कार्यक्रममा महुवन अस्पतालका इन्चार्ज सरोज गिरि, नेपाल रेडक्रस सोसाइटी उप-शाखा महुवनका सभापति जदु साह तेलि, प्रधानाध्यापक भरत गिरि, शिक्षक दिनेश साह, चन्दन साह तेली लगायत अभिभावक र बिद्यार्थीहरुको सहभागिता रहेको थियो ।

कार्यक्रम संचालन शिक्षक सोनालाल यादव एवं स्वागत मन्तव्य रामबहादुर यादवले गरेका थिए ।