Date
मङ्ल, मंसिर १, २०८३
Tue, November 17, 2026
Home Blog Page 644

जिराभवानी गापाले गाउँवासीलाई निशुल्क रगत उपलब्ध गराउने

0

वीरगंज । पर्साकाे जिराभवानी गाउँपालिकाले गाउँवासीलाई निशुल्क रगत उपलब्ध गराउने भएकाे छ । गाउँपालिका अन्तर्गतका विरामीहरुलाई आवश्यक पर्ने रगत निशुल्क उपलब्ध गराउन बिहिबार नेपाल रेडक्रस साेसाइटी पर्सासंग सम्झाैता गरेकाे छ ।

गाउँपालिका अध्यक्ष अनाेज चाैधरीकाे राेहबरमा भएकाे सम्झाैतामा गाउँपालिकाकाे तर्फबाट प्रमुख प्रशासकिय अधिकृत प्राण मेहता र रेडक्रस पर्सा शाखाकाे तर्फबाट सभापति विरेन्द्र राज कडेलले हस्ताक्षर गरेका छन् ।

दुई पक्षिय सम्झाैता अनुसार बिरामीकाे उपचारकाे क्रममा रगत आवश्यकताकाे चिकित्सकबाट गरिएकाे सिफारिसकाे आधारममा गाउँपालिकाकाे बासिन्दा भएकाे पहिचान खुल्ने गरी परिचय पत्रकाे आधारमा रक्त संचार केन्द्र वीरगंजले निशुल्क रगत उपलब्ध गराउनु पर्ने छ । साे वापतकाे रकत प्रति युनिट रु एक हजार ५० शुल्क गाउँपालिकाले तिर्नु पर्ने छ । 

गाउँ कार्यपालिका पहिलाे बैठकको निर्णय बमोजिम गाउँपालिका अन्तर्गतका बिरामीहरुकाे लागि निशुल्क रगत उपलब्ध गराउन दुई पक्षिय समझाैता भएकाे गाउँ कार्यपालिका सदस्य सराेज चाैरसियाले वताए । आजै देखि जिराभवानी गाउँपालिका अन्तर्गतका जनताले आफ्नो परिचय खुल्ने परिचयपत्र देखाए नेपाल रेडक्रस सोसाइटी पर्साद्वारा संचालित रक्त संचार केन्द्र वीरगंजबाट निशुल्क रगत उपलब्ध हुने उनले जानकारी गराए ।

हुकिङ गरि बिधुत चाेरी गर्ने ९ जना पक्राउ

0
वीरगंज । नेपाल बिधुत प्राधिकरण पोखरिया वितरण केन्द्रको चुहावट नियन्त्रण टोलीले हुकिङ गरी विधुत चाेरी गरीरहेका ९ जनालाई नियन्त्रणमा लिएकाे छ । पोखरिया वितरण केन्द्रको चुहावट नियन्त्रण टोली र इलाका प्रहरी कार्यालय तथा सशस्त्र प्रहरी बल पाेखरियाको संयुक्त टोलिले बुधबार राति डाईरेकट हुकिङ गरि बिधुत चाेरी गरीरहेकाे अवस्था मा ९ जनालाई नियन्त्रणमा लिएकाे हाे ।
 
छिपहरमाई गाउँपालिकाकाे तुलसीबर्वाबाट रबिन सिंह राउत, बिन्दवासिनी गाउँपालिकाकाे अमरपटीबाट दिपेन्द्र पंडित, बहुदरमाई नगरपालिकाकाे गमहरियाबाट अमिचल प्रसाद यादव, सिसियारीबाट मनाेज यादव, बिश्रामपुरबाट श्रीराम प्रसाद साह, पाेखरिया नगरपालिकाकाे एकडर्वाबाट मेघराज सहनी, लमरियाबाट शम्भु पटेल, बिक्रमा यादव र रामबाबु रामलाई नियन्त्रणमा लिइएकाे पाेखरिया वितरण केन्द्रले जनाएकाे छ ।
 
पाेखरिया वितरण केन्द्रले पक्राउ परेकाे सबै जनालाई आवश्यक कारवाहीकाे लागि इलाका प्रहरी कार्यालय पाेखरियामा बुझाइएकाे जनाएकाे छ ।

वीरगंजकाे ड्राइपाेर्टबाट मालवाहक ट्रकमा गाँजा बरामद

0

वीरगंज । सशस्त्र प्रहरीले वीरगंज महानगरपालिकाकाे वडा नं. २४ ड्राइपाेर्टबाट १४३.५ के.जी. लागु औषध गाँजा बरामद गरेकाे छ । विशेष सूचनाकाे आधारमा सशस्त्र  सशस्त्र प्रहरी बल नेपाल नं. १३ गण पर्साबाट खटिएकाे टाेलीले भारतिय युपि ७५ एम ४०८९ नम्बरकाे ट्रकबाट उक्त परिणामकाे गाँजा बरामद  गरेकाे हाे ।

ड्राइपाेर्ट परवानीपुर सडक खण्डस्थित परवानीपुर पेट्राेल पम्पदेखि अनदाजी १५० मिटर उत्तर तर्फ बहुअरी चाेकमा राेकी राखेकाे भारतिय नम्बरकाे मालवाहक ट्रकबाट लागु औषध गाँजा बरामद भएकाे सशस्त्र प्रहरी बल नं. १३ गणका सुचना अधिकारी सशस्त्र प्रहरी उपरिक्षक संताेष कुमार बस्नेतले जानकारी दिए ।

भारतिय नम्बरकाे ट्रकममा प्रतिबन्धित लागु औषध गाँजा लुकाई छिपाई राखेकाे भन्ने विशेष सूचनाकाे आधारमा नं. १३ गणबाट खटिएकाे ७ जनाकाे गाडी टाेलीले उक्त ट्रक वेवारिसे अवस्थामा फेला पारी खनतालासी गर्दा उक्त ट्रककाे सवारी चालक क्याविन माथीकाे हुटमा बाकस माथी सामान राख्ने खण्ड बनाई लुकाई छिपाई राखेकाे १० प्याकेट (१४३.५ के.जी.) प्रतिबन्धित लागु औषध गाँजा फेला परेकाे उनले वताए ।

फेला परेकाे प्रतिबन्धित लागु औषध गाँजासहितकाे ट्रक नियन्त्रणमा लिई आवश्यक कारवाहीकाे लागि जिल्ला प्रहरी कार्यालय पर्सामा बुझाइएकाे सुचना अधिकारी बस्नेतले जानकारी गराए ।  

पालिका स्तरीय परियोजना शुभारम्भ समन्वय गोष्ठी सम्पन्न

0

कलैया । बाराको सुवर्ण गाउँपालिकामा पालिका स्तरीय परियोजना शुभारम्भ समन्वयात्मक गोष्ठी सम्पन्न भएको छ । इस्लामीक रिलिफ कनाडाको आर्थिक सहयोग इस्लामीक रिलिफ नेपालको समन्वय र जनजागरण युवा क्लव बाराको आयोजनामा समुदायको उत्थानशिलता सुदृढीकरण परियोजनाको शुभारम्भ सुवर्ण गाउँपालिकाका अध्यक्ष राजेश यादवले गरेका हुन् ।

गोष्ठीका प्रमुख अतिथि गाउपालिका अध्यक्ष यादव परियोजनालाई सुभारम्भ गर्दै पछाडि परेका जनतालाई आयआर्जन तर्फ अग्रसर गरेर पालिका भित्रका रहेका गरिब असाहयलाई सहयोग पुग्ने बताए । परियोजना आफ्नो पालिकामा पछाडी परेका दलित, मुस्लीम, अपांग र जोखिममा परेकाहरूलाई सहयोग गर्ने भएकोले सहयोग हुने विश्वास लिएको यादवले वताए ।

पालिकाबाट गरिने कार्यमा थप सहयोग गरेर परियोजनाले समुदायमा सुदृढीकरणका लागि मद्दत गर्ने कार्य प्रति आफुहरुले सहयोग गरिने अध्यक्ष यादवले जनकारी गराए । गोष्ठीमा परियोजनाका बारा कार्यक्रम संयोजक दशरथ रौनियारले परियोजना सम्बन्धमा जनकारी गराउदै खाद्यान्न सुरक्षा, संरक्षण, खानेपानी तथा सरसफाइ र जलवायु परिवर्तनको क्षेत्रमा काम गरिने जनकारी गराए ।

मुस्लिम र दलित समुदायका २ हजार चार सय घरपरिवारमा १४ हजार २ सय ४५ जनालाई सहभागी बनाई खाद्यान्न सुरक्षा, जिवीको पार्जन, खानेपानी तथा सरसफाइ र जलवायु परिवर्तन तर्फ सहयोग पुर्याउने रौनियारले जनकारी गराएका हुन । परियोजना लागू हुने क्षेत्रका गरिब असहाय दलित र मुस्लिम वर्गका जनता आयस्रोत कम भएको, टुहरा बालबालिका, जोखिम हिंसामा परेकाहरूलाई लक्षित गरि कार्यक्रमा सहभागिता गराई जीवन यापन गर्न बाटो देखाउने सहयोग गरिने रौनियार जनकारी गराए ।

आर्थिक सहयोग गर्ने संस्था आयोजक र पालिकाको सहयोग र समन्वयमा कार्यक्रम सञ्चालन गरिने रौनियारले बताए ।

जनजागरण युवा क्लव बाराका अध्यक्ष भैयाराम यादवको सभापतित्वमा भएको गोष्ठीमा विशिष्ट अतिथि पालिकाका उपाध्यक्ष पुनम यादव, वडाअध्यक्षहरू, पालिकाका शाखा प्रमुखहरू, परियोजनाका कर्मचारीहरूको सहभागिता रहेको थियो ।

सुकुमवासीको नाममा वनको जग्गा अतिक्रमण गर्ने षड्यन्त्र सफल हुँदैन : वन मन्त्री यादव

0

वीरगंज । वन तथा वातावरणमन्त्री प्रदीप यादवले सामुदायिक वनका क्रियाकलापले नेपालको वन जङ्गल क्षेत्रमा उल्लेख्य वृद्धि हुनुका साथै वन विकासमा ठूलो योगदान पुगेको बताएका छन् ।

सामुदायिक वन दिवस २०७९ का अवसरमा बुधबार काठमाडौँस्थित राष्ट्रिय प्राकृतिक संरक्षण कोषको सभागृहमा आयोजित राष्ट्रिय पुरस्कार वितरण कार्यक्रमलाई सम्बोधन गर्दै मन्त्री यादवले वन कर्मचारी, विभिन्न सामुदायिक वन तथा समुदायमा आधारित साझेदारी वन, कबुलियती वन, निजी वनहरुले गरेका राम्रा कामका कारण अहिले वन तथा वातावरण मन्त्रालय गालीको ठाउँमा ताली खाने मन्त्रालय भएको बताए ।

उनले भने, “वन कर्मचारी तथा विभिन्न सामुदायिक वनहरुले वनको जग्गा जमिन संरक्षण गर्नुका साथै, वन जङ्गल जोगाउन ठूलो योगदान दिनु भएको छ, जसको कारण हामीले अहिले देशमा हरियाली जोगिएको छ भने हामीले वन जोगाउन सफल भएवापत ताली खाने सम्म भएका छौँ, म तपाईहरुलाई धन्यवाद दिन चाहन्छु ।”

मन्त्री यादवले केही षड्यन्त्रकारीहरुले पछिल्लो समय वनको जग्गा सुकम्बासीका नाममा कब्जा गर्ने, अतिक्रमण गर्ने, वन जङ्गल मास्ने, फडानी गर्ने कार्य गरीरहेकले त्यसरी कब्जा गरिएका जग्गा खाली गराएरै छोड्ने जिकिर गरे ।

सरकारी जमिन संरक्षण गर्नमा योगदान दिने राष्ट्रसेवक कर्मचारी, सामुदायिक वनका पदाधिकारी सहितका नागरिकलाई आफुले यसरी नै सम्मान गर्ने तथा प्रोत्साहन गर्ने एवं विदेश भ्रमणका लागि सिफारीस गर्ने योजना बनाएकोले वन संरक्षणमा आफुलाई कर्मचारीहरुको साथ र सहयोग आवश्यक रहेको मन्त्री यादवकाे भनाई थियाे ।

मिचिएका तथा अतिक्रमण गरिएका सरकारी जमिन निकट भविष्य मै खाली गराउने तथा फिर्ता ल्याउने अभियानमा आफु निस्किने तयारीमा रहेको समेत मन्त्री यादवले बताए । उनले भने, “फोहर राजनितिक खेलका कारण हाम्रा वनका कर्मचारीहरुले दुःख पाएका छन्, म कर्माचारीलाई दुःख दिँदैन, राम्रा काम गर्ने र वन संरक्षणमा लाग्नेलाई सम्मान गर्ने छु ।” नेपालको वन जङ्गल क्षेत्रको विकास तथा संरक्षणमा वन कर्मचारी सामुदायिक वनका पदाधिकारीको ठूलो योगदान रहेकाले सामुदायिक वन तथा वन कर्मचारीले थालेका राम्रा कामको पक्षमा आफु सधै सकारात्मक रहने मन्त्री यादवले उक्त कार्यक्रममा जानकारी गराए ।

एक छुट्टै प्रशंगमा बोल्नु हुँदै मन्त्री यादवले वाराको निजगढ अन्तर्राष्ट्रिय विमानस्थलका लागि मुआब्जा पाईसकेका टाँगियाबस्ती खाली गराएर विमानस्थल निर्माणका लागि आवश्यक पर्ने बजेटको सुनिश्चितता भएमात्रै रुख कटानका लागि वन मन्त्रालयबाट अनुमति दिईने बताए । आफु व्यक्तिगत रुपमा निजगढ अन्तर्राष्ट्रिय विमानस्थल निर्माणको पक्षधर भएकाले मुआब्जा पाइसकेको जग्गा खाली नहुँदासम्म र बजेटको सुनिश्चितता नहुँदासम्म एउटा रुख पनि काट्न नदिने बताए ।

यसअघि मन्त्री यादवले काठमाडौँको ववरमहलस्थित वन परिसरमा निर्मित “सामुदायिक वन स्तम्भ” को एक कार्यक्रमका बीच अनावरण गर्नुभएको थियो । नेपालको वन जङ्गल क्षेत्र जोगाउन, संरक्षण र विकास गर्नका लागी सामुदायिक वन अभियानसँग जोडिएर विभिन्न कालखण्डमा योगदान पूर्‍याउनेहरुको प्रतिकका रुपमा स्थापित स्तम्भको उनले अनावरण गरेका हुन् ।

स्तम्भले तराई मधेशदेखि नेपालको पहाडी र उच्च हिमाली क्षेत्रसम्म वन जङ्गल र वन्यजन्तु जोगाउने अभियानमा आ-आफ्नो स्तरबाट सहयोग गर्ने सम्पूर्ण अभियन्ता, कर्मचारी, सुरक्षाकर्मी र अन्य राष्ट्र सेवकहरुको योगदानलाई कलात्मक रूपमा दर्शाउने उनले जिकिर गरेका थिए ।

तेली समाजको तेस्रो केन्द्रिय महाधिवेशन असोज ५ गते

0

वीरगंज । तेली कल्याण समाज नेपालको तेस्रो केन्द्रिय महाधिवेसन असोज ५ गते वीरगंजमा हुने भएको छ । तेली कल्याण समाज नेपालकाे केन्द्रिय समितिले बुधबार वीरगंजमा पत्रकार सम्मेलन गर्दै अधिवेशन बारे जानकारी गराएकाे हाे  ।

नेपाल पत्रकार महासंघ पर्साको सभाहलमा आयोजित पत्रकार समेल्लनमा बोल्दै तेली समाज नेपालका केन्द्रिय अध्यक्ष शैलेन्द्र साहले तेली समाजमा हुने बिभिन्न खाले बिकृती तथा त्यसको निरुपनको लागी संगठीत भई अगाडी बढने उदेश्य बोकी समाजलाई एकिकृत गर्दै जानु पर्ने वताए ।

अध्यक्ष साहले तेली समाजले परम्परागत रुपमा चल्दै आएको पेशालाई जर्गेना गर्दै आफना धर्म तथा कर्तव्यलाई आधार बनाई अगाडी बढनु पर्नेमा जोड दिए ।

वीरगंजमा हुने २ दिने केन्द्रिय महाधिवेशनलाई सफल बनाउन नेपाल भारतका स्वजातिय समाजका अगुवाहरु सहभागी हुने जानकारी अध्यक्ष साहले गराए  । नेपालमा ४ लाखको हाराहरीमा रहेका तेली समुदायले आफनो छुट्टै पहिचान बनाउनु पर्ने कुरामा साहकाे भनाई थियाे ।

जनसंख्याको अधारमा तुलना गर्दा तेली समाज अहिले पनि अन्य जातीको तुलनामा अधिकारबाट बञ्चित रहेको उनकाे दावी थियो ।

भारतका प्रधानमन्त्रि नरेन्द्र मोदीका भाई पंकज मोदी, मधेश प्रदेश सरकारका अर्थमन्त्रि शैलेन्द्र साह लगायतकाे बिषेश आतिथ्यतामा महाधिबेशन सम्पन्न हुने पत्रकार सम्मेलनमा जानकारी गराईएको थियो ।

पत्रकार सम्मेलनमा समाजका केन्द्रिय उपाध्यक्ष बिश्वनाथ साह, महासचिव ई. राजदेव साह, केन्द्रिय सदस्य जगरनाथ साह, गणेश साह, बारा जिल्ला अध्यक्ष बजगरंगी साह, छोटेलाल साह, बिरेन्द्र साह, शिवचन्द्र साह लागायतकाे उपस्थिती रहेकाे थियो ।

मोटरसाइकल चोरी गर्ने गिरोहका ६ जना पक्राउ

0

वीरगंज । बारा प्रहरीले माेटरसाइकल चाेरी गर्ने गिराेहका ६ जनालाई पक्राउ गरेकाे छ । प्रहरीले  बाराकाे पचरौता नगरपालिका वडा नं. ७ बेनौली टोल निवासी २१ बर्षिय बिशाल कुमार सहनी, २० बर्षिय भोला पटेल, २० बर्षिय बृजमोहन साह सोनार, २० बर्षिय बिजय पटेल, २४ बर्षिय हरिनारायण पटेल र २३ बर्षिय बरक सहनीलाई पक्राउ गरेकाे हाे ।  

बाराकाे विभिन्न स्थानहरूमा मोटरसाइकल चोरीका घटनाहरू बढेपछि जिल्ला प्रहरी कार्यालय बाराबाट खटिएको प्रहरीको टोलीले साउन १९ गते बरियारपुरबाट २ थान मोटरसाइकल चोरी गरी भाग्ने क्रममा बिशाल कुमार सहनी र भोला पटेललाई तत्कालै बरियारपुरबाटै पक्राउ गरेकाे थियाे ।

दुबै जनालाई चोरी मुद्दामा बारा जिल्ला अदालतबाट हिरासतमा राख्ने म्याद अनुमति लिई थप अनुसन्धान गर्दै जाने क्रममा निजहरूको वयान पोलको आधारमा मोटरसाइकल चोरी वारदातमा संलगन थप ४ जना र थप १० थान गरी विभिन्न कम्पनीको जम्मा १२ थान चोरीको मोटरसाइकल समेत वरामद भएको जिल्ला प्रहरी कार्यालय बाराका प्रवक्ता प्रहरी नायब उपरिक्षक राजेश थापाले जानकारी दिए । 

मुक्त हरवाचरवाको पुनर्स्थापन नभए आन्दोलनमा जाने

0

जनकपुरधाम । मधेस प्रदेशको ८ वटै जिल्लामा गठन भएका जिल्ला हरवाचरवा अधिकार मंचका पदाधिकारीहरु र एक्टिभिष्टहरुका लागि आयाेजित नेतृत्व बिकास र जनवकालत शिप सम्बन्धी दुई दिने तालिमबाट मुक्त हरवाचरवाको पुनर्स्थापनकाे लागि ३ महिने जनवकालत योजना निर्माण भएको छ ।

तालिममा ८ जिल्लाका ४० पालिका सरकारलाई राष्ट्रिय हरवाचरवा अधिकार मंचको अडानसहित ज्ञापन पत्र पेश गर्ने, जिल्ला स्तरका बिभीन्न राजनितिक दलहरुलाई ज्ञापन पत्र पेश गर्ने, मधेस प्रदेशको भुमि ब्यवस्था मन्त्रालय लगायत मुख्य मन्त्रीलाई ध्यानाकर्षण पत्र पेश गर्ने, ८ वटै जिल्लाहरुमा मुक्त हरवाचरवा सन्देशका लागि जागरण यात्रा सम्पन्न गर्दै सो सवालबारे स्थानिय, प्रदेश र संघीय स्तरमा चरणबद्ध अभियानहरु संचालन गर्ने निष्कर्ष निकालिएको छ ।

कार्यक्रमको समापन सत्रका प्रमुख अतिथी राष्ट्रिय दलित नेटवर्कका केन्द्रिय अध्यक्ष एवं संघीय सरकार भूमिब्यवस्था, सहकारी तथा गरिवी निवारण मन्त्रालयद्वारा गठित हरवाचरवा, मुक्त हलिया, कमैया र कमलरीको बस्तुस्थिति अध्ययन समितिका सदस्य गणेश बिश्वकर्माले राजनितिक दलहरु, निति निर्माता, सरकारी तथा गैरसरकारी निकाय, आम नागरिक समाज र पत्रकारहरुसंगको सहकार्यमा स्थानिय, जिल्ला र राष्ट्रिय स्तरमा गठन भएका हरवाचरवा संगठनहरुले मुक्त हरवाचरवाको पुनर्स्थापन अभियानमा एकताबद्ध भएर अगाडी बढनुपर्ने अहिलेको आवश्यकता रहेको वताए ।

साथै उनले मुक्त हरवाचरवाको पुनर्स्थापन कार्यक्रमलाई थप प्रभावकारी ढंगले अगाडी बढाउनका लागि हरवाचरवा मुक्तिको घोषणालाई कार्यान्वयन गर्न नेपाल सरकार भूमि ब्यवस्था, सहकारी तथा गरिबी निबारण मन्त्रालयको अगुवाईमा विस्तारित कार्ययोजना निर्माण गरी मन्त्रीपरिषदबाट पारित गरेर पुनःस्थापनाको बजेटसहितको कार्ययोजना निर्माण गरिनुपर्ने कुरामा जोड दिए ।

राष्ट्रिय हरवाचरवा अधिकार मंचका केन्द्रीय महासचिव लागिद्र सदाले नेपालले मुक्त हरवाचरवाको न्यायिक पुनर्स्थापन नगरे गाउदेखि सिंहदरवारसम्म आन्दोलनको आँधीबेहेरी श्रृजना गर्ने कुरा बताए ।

कार्यक्रमको समापन सत्रमा बोल्दै द फ्रिडम फण्डका नेपाल कार्यक्रम सल्लाहकार जियम श्रेष्ठले मधेस प्रदेशका ८ वटा जिल्लाहरुमा गरिवीको रेखामुनी जीवन बिताउन बाध्य १ लाख भन्दा बढी हरवाचरवाहरुको न्यायिक पुनर्स्थापनका लागि सरकारले उनीहरुको भुमी तथा सुरक्षित आवाश, शिक्षा, स्वास्थ्य, रोजगारी र निर्णय गर्ने प्रकृयामा उनीहरुको अर्थपुर्ण सहभागिता सुनिश्चित गर्नुपर्ने कुरा बताए ।

यसका लागि उनले सरकारले मुक्त हरवाचरवाको तथ्याकं संकलन, प्रमाणीकरण र परिचय पत्र बितरणलाई प्राथमिकतामा राख्नुपर्ने कुरामा जोड दिए ।

उक्त कार्यक्रममा दलित जनकल्याण युवा क्लव सिराहाका कार्यक्रम संयोजक बहादुर सिं सदाय, सामुदायीक सुधार केन्द्र धनुषाका कार्यक्रम संयोजक सतिस ठाकुर, श्रीपुराज सामुदायिक बिकास केन्द्र सप्तरीका कार्यक्रम निर्देशक बिनोनान्द चौधरी, जिल्ला हरवाचरवा अधिकार मंच सिराहाका सदस्य राधा चौधरी, द फ्रिडम फण्डका कार्यक्रम सल्लाहकार ब्रम्हदेव राम लगायतले आ आफनो धारणा ब्यक्त गर्नुभएको थियो ।

राष्ट्रिय हरवाचरवा अधिकार मंचका केन्द्रिय उपाध्यक्ष श्रीप्रसाद सदाको अध्यक्षतामा सम्पन्न कार्यक्रमको संचालन राष्ट्रिय दलित नेटवर्कका जनवकालत अधिकृत संजय महराले गरेका थिए ।

उक्त तालिममा मधेस प्रदेशका ८ वटै जिल्लामा गठन भएका जिल्ला हरवाचरवा अधिकार मंचका पदाधिकारीहरु र हरवाचरवा एक्टिभिष्टहरु गरी ४० जनाको सहभागिता रहेको थियो ।

धर्मको नाममा अराजकता फैलाउँनेमाथि प्रतिबन्ध लगाउँन माग

0

वीरगंज । धार्मिक पर्वको नाममा हातहतियार तथा आगजनी जन्य प्रदर्शन गर्दै अराजकता फैलाउँनमाथि यथाशीघ्र प्रतिबन्द लगाउँन माँग गर्दै विश्व हिन्दू परिषद नेपाल पर्साले स्थानिय प्रशासनलाई ज्ञापन पत्र बुझाएको छ ।

राजविराज लगायतका स्थानहरुमा मुस्लिम समुदायको धार्मिक पर्व मुर्हरम मनाउँने क्रममा हिन्दूहरुको सवारीसाधानमा तोडफोड गरिएको घटना प्रति गम्भीर ध्यानकर्षण जनाउँदै धर्मको नाममा हातहतियार प्रदर्शन गरी अराजकता फैलाउँने माथि कारवाहीको माँग गर्दै ज्ञापन पत्र बुझाएको हो ।

विश्व हिन्दू परिषद नेपाल पर्साका अध्यक्ष बृजेश मल्लीकको नेतृत्वमा रहेको परिषदका कार्यकर्ताहरुले प्रमुख जिल्ला अधिकारी उमेश कुमार ढकाललाई ज्ञापन पत्र बुझाउँदै मुहर्रम मनाउँने नाममा पर्साका कुनैपनि प्रकारको अराजकता फैलाउँने कसैलाई छुट नभएको भन्दै यस्ता गतिविधि रोक्न माँग गरेकाे हाे ।

धर्मको नाममा तलबार, भाला आदि जस्ता हातहतियार लगायत आगजन्य सामग्री सहित मुहर्रम पर्वको बहानामा हरेक बर्ष देशका विभिन्न स्थानहरुमा हिन्दूहरुको जनधनमा क्षति पु¥याउँदै शक्ति प्रदर्शन गर्दै आएको हुँदा पनि प्रहरी प्रशासन द्धारा वेवास्ता गरिनु अत्यन्तै गम्भीर एवं चिन्ताजनक विषय भएको ठहर गर्दै यस्ता गतिविधि नियन्त्रण गर्न विहिपले बुझाएकाे ज्ञापन पत्रमा उल्लेख गरिएकाे छ ।

बहुसंख्यक हिन्दूहरु बसोबास गर्ने मुलुकमा एक समुदाय विशेषले पर्व एवं स्वतन्त्रताको नाममा हिन्दू विरुद्ध शक्ति प्रदर्शन तथा हिन्दूहरुको जनधममा क्षति पु¥याउँनु दुर्भाग्यपूर्ण रहेको ज्ञापन मार्फत जनाईएको छ ।

स्थानिय प्रशासन र सरकारले विहिपले उठाएको माँग प्रति ध्यान नदिए भोलीको दिनमा बहुसंख्यक हिन्दू समुदाय यस्ता अराजकगतिविधि विरुद्ध प्रतिकारमा उत्रिने चेतावनी दिदै यसबाट उत्पन्न असजपरिस्थतीको जिम्मा सरकार र स्थानिय प्रशासनलले नै लिने जनाइएकाे छ ।

लखनपुरमा एसईई उर्तिण बिद्यार्थीहरुलाई सम्मान

0

वीरगंज । पर्सा जिल्लाको सखुवा प्रसौनी गाउँपालिका वडा नं. ६ लखनपुरमा मंगलबार एक कार्यक्रमकाे बिच एसईई उतिर्ण भएका विद्यार्थीहरुलाई सम्मान गरिएकाे छ । श्री जनजागरण युवा कल्बको सहयाेगमा भएकाे कार्यक्रममा ३.२ जिपिए ल्याएका खुसराज यादवसहित २०६९ साल एसईई उतिर्ण भएका २६ जना उर्तिण बिद्यार्थीहरुलाई सम्मान गरिएकाे हाे ।

श्री देबीमाई आधारभुत बिधालय लखनपुरमा भएकाे कार्यक्रममा एसईई उतिर्ण भएका विद्यार्थीहरुलाई पुरस्कार स्वरूप डायरी, कलम वितरण गरि अबिर टीका, खादा लगाई सम्मान गरिएकाे जिल्ला कृषि सहकारी संघ पर्साका अध्यक्ष शिव कुमार साहले वताए ।

शिक्षा क्षेत्रमा लखनपुर कमजोर रहेको कारण बिद्यार्थीहरु बिचैमा कक्षा छोडि बिना सीप रोजगार तथा बिदेश तिर लागने र उच्च शिक्षामा ध्यानाकर्षण नहुने भएकोले लखनपुरमा पहिलो पटक सम्मान कार्यक्रममा गरिएकाे उनले वताए । कार्यक्रममा अभिभावक एवं बिद्यार्थीहरुलाई होसला बुलन्द गरि उच्च शिक्षा तिर केन्द्रित हुन आग्रह गरिएकाे अध्यक्ष साहले बताए ।

सखुवा प्रसौनी गाउँपालिका वडा नं.६ लखनपुरका वडाध्यक्ष मुन्ना राउत कमकरको अध्यक्षता एवं गाउँपालिकी उपाध्यक्ष शर्मिला बिष्टको प्रमुख आतिथ्यतामा भएको कार्यक्रममा कृषि अनुषनधान निर्देशनालय मधेसका निर्देशक डा. बिशेषवर यादव, पुर्व गाउँपालिका अध्यक्ष प्रदिप जयसवाल, श्री नेरा मावि महुवनका  प्रधानाध्यापक भरत गिरि, दिनेश साह, प्लस २ संयोजक रामबहादुर यादव, स्थानीय सिकेन्द्र सहनी, मेघनाथ साह कानु जगदेव राम, शिक्षक फिरोज आलम लगायत अभिभावक एवं विद्यार्थीहरुको सहभागिता रहेको थियो ।