Date
मङ्ल, मंसिर १, २०८३
Tue, November 17, 2026
Home Blog Page 643

रोजगारदाता र श्रमिक प्रतीनिधी विच अन्तरक्रिया, ९ बुँदे निश्कर्ष

0

वीरगंज । वीरगंजमा मंगलबार रोजगारदाता र श्रमिक प्रतीनिधी विच विभिन्न समसामयिक विषयमा द्विपक्षिय सम्वाद, छलफल तथा अन्तरक्रिया सम्पन्न भएको छ ।

संयुक्त ट्रेड युनियन समन्वय केन्द्र प्रदेश समन्वय समिति, मधेश प्रदेशले वीरगंजकाे होटल भिस्वामा आयोजना गरेको अन्तरक्रिया कार्यक्रममा सहभागी श्रमिक प्रतीनिधीहरुले उधोग तथा श्रमिक दुवैको तर्फबाट, दुवैको हितमा काम गर्ने ईमान्दार प्रयास तथा पहलको खाँचो रहेको बताएका छन् ।

उनीहरुले श्रमिकले आफ्नो समस्या मात्रै दर्शाउनु भन्दा उधोग नरहे श्रमिक पनि रहदैनन् र श्रमिक नरहे उधोग पनि चल्न नसक्ने बास्तविकतालाई स्वीकार गर्दै श्रमिक र उधोगीको साँझा समस्यामा समन्वय गरी अगाडी बढ्नुपर्नेमा जोड दिएका हुन् ।

साथै श्रमिक ऐनमा रहेको बुँदा नम्बर १४५ र १०९ श्रमिक विरुद्ध बुँदा रहेकोले श्रम ऐन संशोधन गर्नुपर्नेमा जोड दिएका छन् ।

छलफलकै क्रममा श्रमिक प्रतिनिधीहरुले स्थानीय स्तर देखी प्रदेश लगायत देशभरीका उधोगहरुमा स्थानीय श्रमिकलाई नै प्राथमिकता दिनुपर्ने माग गर्दै स्थानीय तथा आफ्नो देश नेपालको मजदुर हटाएर बाहिर वा छिमेकी देशबाट आएका श्रमिकलाई बढी प्राथमिकता दिन नमिल्ने समेत गुनासो गरेका थिए ।

श्रमिक प्रतीनीधिहरुले बैठकमा बारा पथलैया औधोगिक करीडरमा श्रमिक अस्पताल, श्रमिक स्कुल र सुरक्षित औधोगिक क्षेत्र स्थापना यथाशिघ्र हुनुपर्ने माग समेत गरे ।

अन्तरक्रिया कै क्रममा उधोग बाणिज्य संघ मधेश प्रदेशका अध्यक्ष गणेश लाठले श्रमिकका सन्तती श्रमिक नै हुने अवस्था तथा बाध्यता अझ पनि हाम्रो देशमा कायम नै रहेको गुनासो गरे । उनले देशमा तथा औधोगिक क्षेत्रमा काम गर्ने बातावरण फितलो रहेको कारण यहाँका नागरीकले भोग्नुपरीरहेको आर्थिक, सामाजिक तथा व्यक्तिगत समस्याका कारण देशमा भन्दा देश बाहिर तथा विदेशमा बस्न रुचाईरहेको बताए ।

श्रमिकका अवस्था सुधारका लागि विभिन्न सरकारी , गैसरकारी संघसंस्थाहरुले सिपमुलक, रोजगारमुलक तालिम भन्दै अर्बाै रुपिया वर्षेनी खर्च गरीरहेको देखीएपनि स्वरोजगार तर्फ सफल हुन नसकिएको बताए । उनले उधोगहरुमा रोजगारी खोज्नु भन्दा त्यस्ता श्रमिकलाई स्वरोजगार बनाउने तर्फ समन्वय गरेर लाग्नुपर्नेमा सबैमा आग्रह समेत गरे ।

लाठले सामाजिक सुरक्षा कोषको सवालमा पनि सबै श्रमिकलाई बराबर सुरक्षा कोषको व्यवस्था सरकारले नगरेसम्म विवाद निरन्तर भईरहने भएकोले यसतर्फ सबैलाई सचेत बनाउन समन्वयकारी भुमीका निर्वाह गर्न सक्ने निकायको खाँचो औँल्याए ।

मंगलबार दुवै पक्षविच भएको छलफलपछि विभिन्न ९ बुँदे साँझा निश्कर्ष निकाल्दै सरकारका सम्बन्धित निकायमा पेश गर्नुका साथै उक्त बुँदाहरुको पालना रोजगारदाता स्वयम्ले पनि गर्नुपर्ने कुरामा सहमती भएको संयुक्त ट्रेड युनियन समन्वय केन्द्र मधेश प्रदेशका अध्यक्ष एव् पेशागत महासंघका केन्द्रिय अध्यक्ष प्रेम कुमार खनालले बताए ।

मंगलबार भएको छलफल पछि श्रम ऐन २०७४ मा भएको व्यवस्था अन्तर्गतका प्रावधानहरुमा न्युनतम तलब, पारीश्रमिक लागु गर्ने, सामाजिक सुरक्षा एैन अनुसार सबै उधोग व्यवसाय क्षेत्रमा सामाजिक सुरक्षा, व्यवसायजन्य स्वास्थ्य र सुरक्षा मापदण्ड लागु गर्ने, उधोग व्यवसायमा हरेक वर्ष श्रम ऐन अनुसारको श्रम अडिट गराउने, श्रम क्षेत्रको समग्र व्यवस्थापनका लागि प्रदेश स्तरमा श्रम सल्लाहकार समिति गठन, राष्ट्रिय श्रम आयोग गठन लगायतका प्रक्रिया यथाशिघ्र पुरा गर्न सरकालाई ध्यानाकर्षण गराउने सहमती भएको छ ।

साथै प्रदेश स्तरमा औधोगिक क्षेत्रमा बेला बेलामा देखा पर्ने समस्याका बारेमा दुवै पक्ष विच नियमित रुपमा द्विपक्षिय छलफल तथा अन्तरक्रिया गर्ने, श्रमिकलाई सर्वसुलभ र निशुल्क सेवा उपलब्ध गराउनका साथै बेरोजगार श्रमिकहरुका लागि सिप विकास तालिम र सवैसुलभ पुँजी उपलब्ध गराएर स्वरोजगार बनाउन सरकारलाई ध्यानाकर्षण गराउने सहमती पनि दुवै पक्षविच भएको उधोगी मनोज कुमार दासले जानकारी दिए ।

यस्तै वैदेशिक रोजगारी न्युन गर्ने उद्देश्यले स्वदेशी रोजगारी सृजना गर्ने तर्फ प्रयत्नशिल रहने, श्रम ऐन र सामाजिक सुरक्षा ऐनमा देखा परेका समस्या समाधान तर्फ द्विपक्षिय छलफल गरी सरकारलाई सुझाव समेत दिने निश्कर्ष निकालिएको छ ।

छलफल तथा अन्तरक्रिया कार्यक्रममा संयुक्त ट्रेड युनियन समन्वय केन्द्रका ईन्द्र देव मिश्र, पल्टल ठाकुर, वीरगंज उधोग बाणिज्यका हरी गौतम, उधोगी मनोज कुमार दास, अनिल अग्रवाल, कमलेश झा, गिता भण्डारी, पेशागत महासंघ पर्साका सचिव मनोज कुमार साह, पेशागत महासंघ पर्सा अध्यक्ष सुवेदार यादव, नेपाल कारखाना श्रमिक संघका अध्यक्ष अमृत लाल जोशी लगायतको उपस्थिती रहेको थियो ।

बगहीमा छात्रवृत्ति वितरण तथा सम्मान कार्यक्रम सम्पन्न

0

वीरगंज । वीरगंज महानगरपालिकाकाे वडा नं. २८ टोल बगहीमा मंगलबार छात्रवृत्ति वितरण तथा सम्मान कार्यक्रम सम्पन्न भएको छ । श्री महानन्द प्रसाद उपाध्याय माध्यमिक विधालयमा भएकाे कार्यक्रममा एसईईमा उत्कृष्ट अंक ल्याएकाे ३ जनालाई सम्मान गरिएकाे हाे ।

एसईईमा सबै भन्दा बढी जिपिए ल्याएर प्रथम भएकालाई ८ हजार, द्वितिय भएकालाई ७ हजार तृतिय भएकालाई ६ हजार नगदसहित कार्यक्रमका  प्रमुख अतिथी प्रदेश सभा सदस्य राजेश्वर प्रसाद साहले सम्मान गरेका थिए ।

यसै गरी साेही कार्यक्रममा विद्यालयमा अध्ययनरत अन्य छात्र/छात्राहरुलाई समेत छात्रवृति वितरण गरिएकाे थियाे ।

कार्यक्रममा नेपाली कांग्रेस पर्सा क्षेत्र नं. २ (क) का प्रदेश सभाका पूर्व क्षेत्रीय सभापति उमेश कुमार साह, विद्यालय व्यवस्थापन समिति अध्यक्ष राजेश साह, सदस्य मनिभुषन तिवारी, शिक्षक, बिधार्थीहरुको उपस्थिति रहेकाे थियाे ।

विवाहको ६ वर्षपछि आमा बन्दै बिपाशा बसु

0

बिपाशा बसु र करण सिंह ग्रोवरले हालै आफ्नो गर्भावस्थाबारे जानकारी दिएका छन् । यो जोडीले सोसल मिडियामा फोटो सेयर गरेर खुसीको खबर साटेका हुन् । बिपाशा र करण विवाह गरेको ६ वर्ष पछि आमाबुवा बन्दैछन् ।

बिपाशाले आफू गर्भवती भएको खबर सार्वजनिक गर्न फोटोको सहारा लिएकी छिन् र उनको बच्चा चाँडै नै यो धर्तीमा आउन लागेको पनि बताएकी छिन् ।

यो जोडीले म्याटरनिटी फोटोसुटको फोटो सेयर गर्दै क्याप्सन लेखे, ‘एक नयाँ समय, एक नयाँ चरण, एक नयाँ प्रकाशले हाम्रो जीवनमा अर्को छहारी थप्दैछ । हाम्रो जीवन र परिवार पूरा हुँदैछ । हामीले यो जीवनको सुरुवात एक्लै गरेका थियौँ र त्यसपछि हामीले एक–अर्कालाई भेट्यौँ । त्यसपछि हामी दुईजना मात्रै थियौँ । दुई व्यक्तिबीच यति धेरै प्रेम हामीलाई ठिक लागेन त्यसैले जो दुई थिए छिट्टै नै तीन हुँदैछन् ।’

थपेकी छिन्, ‘हाम्रो प्रेमको निशानी, हाम्रो बच्चा हाम्रो जीवन र खुसीमा समावेश हुँदैछ । तपाईंहरु सबैको प्रेम र प्रार्थनाका लागि धन्यवाद । तपाईंहरुको शुभकामना सधैँ हाम्रो जीवनको हिस्सा थियो र रहनेछ । ’

बिपाशा र करणले सन् २०१६ को अप्रिल ३० मा विवाह गरेका थिए ।

नागरिकता विधेयक फिर्ता गरेको विरोधमा वीरगंजमा प्रदर्शन

0

वीरगंज । नागरिकता विधेयक फिर्ता गरेको विरोधमा वीरगंजमा राष्ट्रपति विद्यादेवी भण्डारी विरुद्ध प्रदर्शन भएको छ । राष्ट्रपतिले चालेको कदम विरुद्ध लोकतान्त्रिक समाजवादी पार्टी वीरगंज महानगरका स्थानीय नेता कार्यकर्ताहरुले वीरगंजकाे घण्टाघरमा सोमबार बेलुकी राष्ट्रपति विरुद्ध नाराबाजी गर्दै पुत्ला समेत जलाएका थिए ।

प्रदर्शको क्रममा राष्ट्रपति विद्यादेबि भण्डारी मुर्दावाद, लोसपा जिन्दावादका नारा समेत लगाएका थिए । दुवै सदनबाट पास भएको नागरिकता बिधेयकलाई राष्ट्रपति भण्डारीले आइतबार फिर्ता गरेकी हुन् ।

लोसपाका वीरगंज महानगर अध्यक्ष ललन सिंहको नेतुत्वमा भएको विरोध कार्यक्रममा लोसपा महानगरका उपाध्यक्ष शेख फिरोज़, सचिव बिरेन्द्र साह, केन्द्रिय सदस्य शशीकपुर मियाँ, महिला नेतृ मुन्नी श्रीवास्तव, रुस्तम अलि लगायतका नेता कार्यकर्ताहरुको सहभागिता रहेको थियो ।

कालिकामाईस्थित पाेखरीमा युवककाे शव फेला

0

वीरगंज । पर्साकाे कालिकामाई गाउँपालिका वडा नं. २ भेडिहारीस्थित एक पाेखरिमा साेमबार एक युवककाे शव फेला परेकाे छ । कालिकामाई गाउँपालिका वडा नं. १ मुडली निवासी २० बर्षिय राेहित माझीकाे शव फेला परेकाे प्रहरीले जनाएकाे छ ।

साेमबार विहान भेडिहारी गाउँ बाहिर पश्चिम तर्फ रहेकाे एक पाेखरीमा शव स्थानियले देखेपछि प्रहरीलाई खबर गरेका थिए । त्यसपछि इलाका प्रहरी कार्यालय पाेखरियाबाट पुगेकाे प्रहरी टाेलीले घटनास्थलकाे मुचुल्का उठाई शव परिक्षणकाे लागि वीरगंजस्थित नारायणी अस्पतालमा पठाएकाे थियाे ।

स्थानियहरुका अनुसार माझी आइतबार दिउसाे २ बजे घरबाट निस्केका थिए । राति अबेर सम्म उनी घरमा नपुगेपछि घर परिवारले खाेजतलाश सुरु गरेकाे थियाे । 

वप्रका विर्ताद्वारा एकै दिन ८ फरार प्रतिवादी पक्राउ

0

वीरगंज । वडा प्रहरी कार्यालय विर्ताले विभिन्न मुद्दामा कसूरदार भई अदालतबाट दण्ड जरिवाना तोकिएका ८ फरार प्रतिवादीहरुलाई एकै पटक पक्राउ गरी जरिवाना असुल उपर गराएकाे छ ।

वडा प्रहरी कार्यालय विर्ताको फैसला कार्यान्वयन टोलीले २६ वर्ष पुरानो जुवाको मुद्दाको कसुरमा जरिवाना तोकिएका व्यक्ति र किर्ते जालसाजी मुद्दामा रु. २० जरिवाना भएको व्यक्ति सहित अन्य विभिन्न कसुरमा फरार रहेका ८ प्रतिवादीलाई एकै पटक पक्राउ गरी आइतबार अदालतमा दाखिला गरेको छ ।

यसका साथै पछिल्लो एक महिनामा कर्तव्य ज्यान, जबरजस्ति करणी, बैकिंङ कसुर, नकवजनी चोरी लगायतका विभिन्न जघन्य अपराधमा संलग्न फरार प्रतिवादीलाई समेत पक्राउ गरी अदालतमा बुझाइएको वडा प्रहरी कार्यालय विर्ताका प्रहरी निरिक्षक बिशाल मल्लले जानकारी दिए ।

मिति २०५३/०४/३२ गते जुवा मुद्दामा पर्सा जिल्ला अदालतबाट रु. ५० जरिवाना तोकिएको वीरगंज महानगरपालिकाकाे वडा नं. २ बस्ने निरंजन शर्मा, मिति २०६९/०५/१० गतेको फैसलाले किर्ते जालसाजी मुद्दामा रु. २०/- जरिवाना तोकिएकी वीरगंज महानगरपालिकाकाे वडा नं. १ बस्ने पानवा मलिन, मिति २०६३/०८/२१ गतेको फैसलाले कुटपिट मुद्दामा रु. २५०/- जरिवाना तोकिएको वीमनपा-१ बस्ने मदन पण्डितलाई प्रहरीले नियन्त्रणमा लिएकाे हाे ।

यसैगरी मिति २०६७/०९/२९ गतेको फैसलाले लुटपिट मुद्दामा रु. ३ हजार ७ सय ६७ जरिवाना तोकिएकी वीरगंज महानगरपालिकाकाे वडा नं. १ बस्ने पनमतीया देवी तुराहा,  मिति २०७२/१२/२५ गतेको फैसलाले सार्वजनिक अपराधको मुद्दामा रु. २ सय जरिवाना तोकिएको साेही ठाउँ निवासी जावेद भन्ने बट्टु मियाँ अन्सारीलाई नियन्त्रणमा लिइएकाे प्रहरी निरिक्षक मल्लले वताए ।

यसैगरी मिति २०७६/१०/०९ गतेको फैसलाले विदेशी विनिमयको मुद्दामा रु. २९ हजार ९ सय ४८ जरिवाना तोकिएको वीरगंज महानगरपालिकाकाे वडा नं. ६ बस्ने कामेश्वर साह कलवार, मिति २०७७/१२/१९ गतेको फैसलाले चेक अनादर मुद्दामा रु. ३ हजार जरिवाना तोकिएको वीरगंज महानगरपालिकाकाे वडा नं. १६ बस्ने रामआशिष प्रसाद बरै र मिति २०७८/०८/०६ गतेको फैसलाले दुनियाँवादी फौजदारी मुद्दामा रु. ३० हजार जरिवाना तोकिएको वीरगंज महानगरपालिकाकाे वडा नं. ४ बस्ने कुन्दन कुमार वर्णवाललाई पक्राउ गरि अदालतमा बुझाइएकाे उनले जानकारी गराए ।

मेयर सिंहकाे एक्सनले वीरगंजबासीले पाउने भए थप १० हजार बाेरा मल

0

वीरगंज । वीरगंज महानगरपालिकाले थप १० हजार बोरा युरिया मल पाउने सहमतिपछि आफूले कब्जामा लिएको ४ ट्रक मल छाडिदिएको छ । वीरगंज महानगरपालिका मेयर राजेशमान सिंह नेतृत्वमा कृषकहरुले आइतबार कृषि सामग्री कम्पनीको ४ ट्रक मल नियन्त्रणमा लिएको थियो । 

वीरगञ्ज महानगरपालिकाका प्रमुख प्रशासकीय अधिकृत लक्ष्मी प्रसाद पाैडेल र कृषि सामग्री कम्पनीका प्रादेशिक प्रमुख चन्द्रप्रसाद चौलागाईंबीच सोमबार ४ बुँदे सहमति भएपछि मल फिर्ता भएकाे हाे । जसमा वीरगञ्ज महानगरपालिकाले यसअघि पाउने भनिएको दुई हजार ७७१ बोरा मलबाहेक थप ६ हजार बोरा मल यसै साता उपलब्ध गराउने उल्लेख छ ।

यस्तै कलकत्ताबाट आयात हुने मलमध्ये ४ हजार बोरा मल वीरगंजलाई उपलब्ध गराउने सहमति पनि भएको छ । यो सहमतिपछि वीरगंज महानगरपालिकाले आफूले नियन्त्रणमा लिएको ४ ट्रक युरिया मल कृषि सामग्री कम्पनीको जिम्मा लगाएको छ ।

वीरगंज महानगर र कृषि सामग्री कम्पनी लिमिटेड प्रादेशीक कार्यालय वीरगंजकाे समन्वयमा संचार सम्पर्क एवम् टेलिफाेन बार्ता गर्दा कृषि सामग्री कम्पनीका का.मु. प्रबन्धक संचालक र संघिय सरकारका कृषि तथा पशुपंक्षि विकास मन्त्री समेतकाे सहमती प्राप्त पछि वीरगंज महानगरलाई थप १० हजार बाेराे युरिया मल उपलब्ध गराउने सहमती भएकाे जनाइएकाे छ ।

ओमानबाट भारतहुँदै आएको मल वीरगञ्ज महानगरपालिकाका मेयर राजेशमान सिंहको नेतृत्वमा कृषकहरुले आइतबार वीरगंज १६ स्थित भुटनदेवी ईनर्वामा रहेकाे भण्डारणबाट लाेड भई अन्य जिल्लामा जान लागेकाे मलका ट्रकहरु नियन्त्रणमा लिएका थिए ।

दिउँसो १ बजे पर्वतका लागि छुटेको एउटा, धनुषाको ढल्केबरका लागि २ ट्रक र रौतहटको चन्द्रनिगाहपुरका लागि छुटेको एउटा ट्रकलाई मेयर नेतृत्वको कृषकहरुले नियन्त्रणमा लिएका थिए ।

पर्सामा श्रीमतीकाे घाँटी दबाई हत्या गरेकाे आराेपमा श्रीमान पक्राउ

0

  वीरगंज । पर्सामा श्रीमतीकाे हत्या आराेपमा श्रीमान पक्राउ परेका छन् । वीरगंज महानगरपालिकाकाे वडा नम्बर २३ ईटियाही टोलमा २३ बर्षकी प्रतिमा कुमारी यादवलाई घाँटी दबाई हत्या गरेकाे आराेपमा निजकै श्रीमान २६ बर्षिय दिनेश प्रसाद यादवलाई प्रहरीले पक्राउ गरेकाे हाे ।

शुक्रबार अन्दाजी ०४:०० बजे प्रतिमालाई निजकै श्रीमानले घाँटी दबाई कर्तव्य गरी हत्या गरेको घटनाको सम्बन्धमा वडा प्रहरी कार्यालय श्रीपुरमा सूचना प्राप्त भए पश्चात पुगेकाे प्रहरी टाेलीले श्रीमान दिनेशलाई नियन्त्रणमा लिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक प्रल्हाद कार्कीले वताए ।

वडा प्रहरी कार्यालय श्रीपुर र जिल्ला प्रहरी कार्यालय पर्साबाट खटी गएको प्रहरी टाेलिले लाश जाँच प्रकृति मुचुल्का गरी मृतकको शव पोस्टमार्टमको लागि नारायणी अस्पताल वीरगंजमा पठाएको प्रवक्ता कार्कीले जानकारी दिए ।

उक्त घटनामा संलग्न आरोपित मृतकका श्रीमान दिनेशलाई नियन्त्रणमा लिई ज्यान सम्बन्धी कसूर (कर्तव्य ज्यान) मुद्दामा अनुसन्धान भई रहेको कार्कीले जानकारी गराए ।

प्रारम्भिक अनुसन्धानको क्रममा यादवले आफ्नी श्रीमतीको चरित्रमाथि शंका गर्ने गरेको र सोही विषयलाई लिएर दुवै जनाबीच विवादसमेत हुँदै आएको भन्ने खुलेको प्रहरीले जनाएकाे छ । शुक्रबार बिहान पनि त्यही विषयलाई लिएर श्रीमान् -श्रीमतीबीच विवाद हुँदा साे क्रममा प्रतिमाकाे मृत्यु भएकाे वताइएकाे छ ।

गत वर्षको बैशाखमा पर्साको पकाहा मैनपुर गाँउपालिका वडा नम्बर १ धोरे निवासी प्रतिमाको दिनेशसँग मागी विवाह भएको थियो । मृतक प्रतिमाको पाँच महिनाको गर्भ रहेको केटी पक्षले बताएका छन् । 

आकांक्षा शर्मासँग डेटिङमा छन् टाइगर श्राफ ?

0

बलिउड अभिनेता टाइगर श्राफ र अभिनेत्री दिशा पटानी ६ वर्षदेखि डेट गरिरहेका थिए । तर यी दुईबीचको रोमान्स टुंगिएको छ ।

बलिउड सञ्चारमाध्यम अनुसार टाइगरको नाम यतिबेला आकांक्षा शर्मासँग जोडिएको छ । टाइगर र आकांक्षाले यसअघि पनि केही म्युजिक भिडियोमा काम गरिसकेका छन् ।

आकांक्षाले मोडलको रुपमा एक्टिङ करिअरको सुरुवात गरेकी थिइन् । सन् २०२० मा उनले दक्षिण भारतीय फिल्म ‘त्रिविक्रम’बाट डेब्यु गरेकी थिइन् । उनले महेश बाबु र वरुण धवनसँग पनि केही विज्ञापनमा काम गरिसकेकी छन् ।

आकांक्षा र टाइगरले ‘कैसेनोवा’मा काम गरिसकेका छन् । यसअघि यी दुवैले ‘आईएम अ डिस्को डान्सर २.०’मा पनि काम गरिसकेका छन् । टाइगरले करिअरको सुरुवात २०१४ को फिल्म हिरोपन्तीबाट थालेका थिए ।

शिक्षाकाे महत्व र प्रजनन् स्वास्थ्य सम्बन्धि सडक नाटक

0

वीरगंज । पर्साकाे जगरनाथपुर र धाेबिनी गाउँपालिकाकाे ३ ठाउँमा बिहिबार बालविवाह, दाईजाेप्रथा, शिक्षाकाे महत्व र प्रजनन् स्वास्थ्य सम्बन्धि जनचेतनामूलक सडक नाटक सम्पन्न भएकाे छ ।

दिव्य युवा क्लब, भिएसाे नेपाल र एचआईकाे साझेदारीमा संचालित किशाेरी सशक्तिकरणकाे लागि शिक्षा कार्यक्रम अन्तर्गत भएकाे जगरनाथपुर गाउँपालिकाकाे वडा नं. १ पिडारीगुठी, वडा नं. ४ लक्ष्मिपुर र धाेबिनी गाउँपालिकाकाे वडा नं. १ भिखमपुर पिपरामा जनचेतनामूलक सडक नाटक प्रदर्शन गरिएकाे परियाेजना संयाेजक गणेश ठकुरीले जानकारी दिए ।

परियाेजनामा कार्यरत ठूली दिदी,  सानी बहिनीहरु र अन्य कलाकारहरुले सडक नाटक प्रदर्शन गरेकाे संयाेजक ठकुरीले वताए ।

समुदाय स्तरमा भएकाे बालविवाह, दाइजाेप्रथा, लैंगिक हिंसा, विभिन्न कुरुती र कुसंस्कारलाई न्यूनिकरण गर्दै शिक्षाकाे महत्वकाे बारेमा जनसमुदायलाई जानकारी गराउन र जनचेतना जगाउन परियाेजना मुख्य उद्देश्य रहेकाे छ ।

कार्यक्रममा परियाेजनाका कर्मचारी, बालिका तथा समावेशी शिक्षा संजालका सदस्यहरुकाे सहजिकरण गरेका थिए ।