Date
मङ्ल, मंसिर १, २०८३
Tue, November 17, 2026
Home Blog Page 637

प्रहरी निरिक्षक यादवकाे टाेलीद्वारा डाका मुद्दाका तामाङ पक्राउ

0

रामेछाप । इलाका प्रहरी कार्यालय धोबिडाडा, रामेछापले एक डाँका मुद्दाका फरार अभियुक्तलाई पक्राउ गरेकाे छ ।  इलाका प्रहरी कार्यालय धोबिडाडाका प्रहरी निरिक्षक जटाशंकर यादवकाे कमाण्डमा खटिएकाे टाेलीले डाँका मुद्धाका फरार प्रतिबादीलाई पक्राउ गर्न सफल भएकाे हाे ।

 डाका मुद्दाका फरार प्रतिवादी रामेछाप जिल्ला लिखु तामाकोसी गाउँपालिका वडा नं. ५ तिलपुङ डाडा बस्ने बर्ष २३ का भक्त बहादुर तामाङलाई पक्राउ गरिएकाे जिल्ला प्रहरी कार्यालय रामेछापले जनाएकाे छ । मन्जु तामाङको जाहेरीले वादी नेपाल सरकार भएको डाका मुद्दामा तामाङलाई २०७७ चैत ३० गते जिल्ला अदालत मन्थलीले ६ बर्ष ११ महिना २० दिन कैद र ७० हजार जरिवाना गरेको थियो ।

डाका मुद्दामा कैद फैसला भइसकेका तामाङ फैसला थाहा पाइसकेपछी लुकिछिपी बस्दै आएको र उनको खोजिमा रहेकाे प्रहरी निरिक्षक यादवको कमाण्डले दुई बर्ष ४ महिनापछि पक्राउ गर्न सफल भएकाे हाे । मन्थली नगरपालिका वाड नं. १ बाट तामाङलाई पक्राउ गरि आइतबार जिल्ला अदालतमा बुझाइएको इलाका प्रहरी कार्यालय धोबिडाडाले जनाएकाे छ ।

गुण्डागर्दी शैलीमा जिएचपीले दुर्व्यवहार गरेकै हाे : संघर्ष समिति

0

वीरगंज । अभिभावक संघर्ष समिति वीरगंजले आइतबार वीरगंजमा पत्रकार सम्मेलन गर्दै हाम्रा जायज मागहरु समाधान नभए सम्म आन्दाेलन जारी राख्ने जनाएकाे छ । 

संघर्ष समितिले विगत केही महिना देखी विभिन्न निजी विद्यालयहरुले चर्को शुल्क वृद्धि, पोसाकमा कमिशन, पाठपुस्तकमा कमिशन, शिक्षण शुल्क लगायत उच्च आदालतको फैसला विरुद्ध हरेक वर्ष वार्षिक शुल्क सहित अन्य नियम विपरितका शुल्कको विरोधमा मागहरु राखी चरणबद्ध तरिकाले आन्दोलन गर्दै आएकाे छ । 

संघर्ष समितिको आन्दोलनको क्रममा जिल्ला प्रशासन कार्यालयमा ध्यान आकर्षण सहित ज्ञापन पत्र मार्फत विभिन्न निजी स्कुलको समस्याहरुको बारेमा पर्साका प्रमुख जिल्ला अधिकारीलाई जानकारी समेत गराएकाे थियाे।

आन्दोलनका क्रममा वीरगंज महानगरपालिकाका नगर प्रमुख र शिक्षा माहाशाखाका प्रमुखले अभिभावक संघर्ष समितिसँग र विभिन्न निजी विद्यालयका सञ्चालकहरु संग असार ३१ गते पहिलो चरणको बार्ता पनि गरेकाे थियो । महानगरपालिकाले वार्ताकाे क्रममा संघर्ष समितिले उठाएको जायज माँगहरु एक महिना भित्र सम्बोधन गर्ने आश्वसन समेत दिएकाे थियाे ।

साेही क्रममा महानगरले शुल्क निर्धारण नगरेसम्म कुनै पनि निजी विद्यालयले शुल्क नलिने मौखिक निर्णय अनुरुप शुल्क नतिरेको बाहानामा कुनै विद्यार्थीलाई परिक्षामा सामेल नगराएको खण्डमा कडा करवाही गर्ने नगर प्रमुखको सचिवालयकाे निर्देशन विपरित  बीरगंजको जि.एच.पी. स्कुलले शुल्क नतिरेकाे विद्यार्थीलाई परिक्षामा सामिल नगराएकाे गुनासाेकाे बारेमा वुझ्न विद्यालयमा पुग्दा विद्यालयले संघर्ष समितिका पदाधिकारीलाई दुर्व्यवहार गरेकाे संघर्स समितिका अध्यक्ष संदिप कुमार साहले वताए ।

पत्रकार सम्मेलनमा वाेल्दै अध्यक्ष साहले जि.एच.पी. स्कुलका विद्यार्थीहरुलाई परिक्षामा सामिल नगराएको सम्बन्धमा बुझ्न जाँदा अभिभावक संघर्ष समिति पदाधिकारीहरुसँग विद्यालयका सञ्चालिका रोमी कौर तथा त्याँहाका कार्यारत शिक्षक, गेटपालेले गुन्डागर्दी शैलीमा दुरव्यवहार गरेको भिडियो समाजिक सञ्जालमा छ्याप छ्यापी देखिएकाे वताए ।

दुर्व्यवहारकाे विराेधमा संघर्ष समितिले वीरगंजकाे घण्टाघरमा विरोध प्रदर्शन समेत गरेका अध्यक्ष साहले जानकारी गराए । उनले संघर्ष समिति विरुद्ध सड्यन्त्र गर्नेहरुको पर्दा फास गर्दै अघि बढने तथा हाम्रा जायज मागहरु सामाधान नभएसम्म कडा भन्दा कडा आन्दोलन गर्ने जानकारी गराए ।

नेपाल पत्रकार महासंघ पर्साकाे सभा हलमा भएकाे पत्रकार सम्मेलनमा संघर्ष समितका सचिव बिरेन्द्र साह, सह सचिव मुन्ना सम्मानी, काेषाध्यक्ष कन्हैयालाल कुर्मी, सदस्य सिन्दु साह, धिरेन्द्र तिवारी, जिएचपीमा अध्ययनरत विद्यार्थीहरुका अभिभावक नन्दलाल राैनियार, हरिन्द्र गुप्ता लगायतकाे उपस्थिती रहेकाे थियाे ।

निशुल्क आँखा शिविर सम्पन्न

0

परवानिपुर । क्रियाशिल युवा पत्रकार मञ्च नेपालको आयोजनामा शनिबार निःशूल्क आँखा शिविर सम्पन्न भएको छ । ‘पारदर्शीता, निष्ठा र निर्भिकता–हाम्रो साझा प्रतिबद्धता’ भन्ने ध्येयका साथ स्थापित क्रियाशील युवा पत्रकार मञ्च नेपालद्वारा आयोजित शिविरमा १ सय ५० जनाले आँखा परीक्षण गराएका छन् ।

सशस्त्र प्रहरी बल नेपाल नम्बर १३ गण हेड क्वाटर पर्सा नेपालसँगको सहकार्यमा सम्पन्न शिविरमा वीरगंजस्थित किरण आँखा अस्पताल प्रा.ली.का प्रबन्ध निर्देशक डा. अमर क्याल नेतृत्वको नेत्र चिकित्सकको टोलीले परीक्षण गरेको थियो । मञ्चका अध्यक्ष प्रणय कुमार साहको अध्यक्षतामा सम्पन्न शिविरमा परीक्षण गराएका १ सय ५० जनामध्ये २० जनामा मोतियाबिन्दु फेला परेको मञ्चका उपाध्यक्ष आनन्द पटेलले जानकारी दिए ।

आँखा शिविरमा सशस्त्र प्रहरी बल पर्साका प्रमुख उपरीक्षक तेजप्रसाद पोखरेल, उनकी श्रीमती लक्ष्मी पोखरेल, रेशमा पोखरेल, सशस्त्र प्रहरी नायब उपरीक्षकद्वय सन्तोष बस्नेत, मनोज चन्द, नेपाल पत्रकार महासंघ मधेश प्रदेशका महासचिव श्याम बन्जारा, पर्सा शाखाका कोषाध्यक्ष संजिव मिश्र, मञ्चका सल्लाहकार कुबेरचन्द्र गौतम, कोपिला कुवँर, लक्ष्मण तामाङ्, सृजन केसी, शिवशंकर साह लगायतले आँखा परीक्षण गराएका थिए ।

आँखा परीक्षणसँगै औषधीसमेत वितरण गरिएको मञ्चका महासचिव बिरेन्द्र साहले जानकारी दिए । परीक्षणका क्रममा मोतियाबिन्दु फेला परेकाहरुलाई विशेष छुटका साथ किरण आँखा अस्पतालमा शल्यक्रिया गरिने अस्पतालका प्रमुख डा.क्यालले बताए ।

शिविरमा नेपाल भारत सहयोग मञ्चका अध्यक्ष एवम् वीरगञ्ज महानगरपालिकाका सद्भावना दुत अशोक वैद्य, वडा प्रहरी कार्यालय बिर्ताका प्रमुख प्रहरी निरीक्षक बिशाल मल्ल लगायतको उपस्थिती रहेको थियो ।

तिज सांझ कार्यक्रम सम्पन्न

0

वीरगंज । वीरगंज प्राेमाेटर्स एण्ड एडभर्टाइजिङकाे आयाेजनामा शनिबार वीरगंजमा तिज सांझ कार्यक्रम सम्पन्न भएकाे छ । प्रधायापक एवम् महिला नेतृ डा. सुष्मा तिवारी द्विवेदीकाे अध्यक्षतामा भएकाे कार्यक्रमकाे उद्घाटन वीरगंज महानगरपालिकाकाका उप मेयर इम्तियाज आलमले गरेका थिए ।  

टिम नेपाे पर्साकाे सह आयाेजना र दिगाे बिकास महिला तथा ओम्यान स्किल सेन्टरकाे सहकार्यमा वीरगंजकाे घण्टाघरस्थित क्लासिक ब्याङक्रिटमा भएकाे कार्यक्रममा स्थानिय कलकार तथा महिलाहरुद्वारा गित, संगित तथा नृत्य समेत प्रस्तुत गरिएकाे आयाेजक टिमका नितेश बर्णवालले वताए ।

कार्यक्रममा ओम्यान स्किल सेन्टर वीरगंजकी अध्यक्ष चन्चला दास, निखिल ज्वेलर्सका उपेन्द्र सर्राफ, डा. आमिर आलम, पंकज पटेल, प्रेस सेन्टर केन्द्रिय सदस्य निरज पिठाकाेटे मगर, समाजवादी प्रेस संगठन पर्साका अध्यक्ष मनाेज पटेल, उपाध्यक्ष शम्भु कुमार सुमन लगायतकाे उपस्थिती रहेकाे थियाे भने कार्यक्रम संचालन रायन कायस्थले गरेका थिए ।

एकै दिन वीरगंजकाे पांच स्थानमा रक्तदान कार्यक्रम सम्पन्न

0

वीरगंज । एकै दिन शनिबार वीरगंजकाे पांच ठाउँमा रक्तदान कार्यक्रम सम्पन्न भएकाे छ । वीरगंजकाे विभिन्न स्थानमा भएकाे कार्यक्रममा १४ महिलासहित २ सय ९५ जनाले रक्तदान गरेकाे रक्त संचार केन्द्र वीरगंजका प्रमुख सराैभ राज पाण्डेले वताए ।

मध्य नेपाल सन्देश साप्ताहिक पत्रिकाको छैठौं बार्षिकोत्सवको अवसरमा आयोजित कार्याक्रममा ४ महिलासहित ५४ जनाले रक्तदान गरेका थिए ।

मध्य नेपाल सन्देशकी सम्पादक कविता खड्काकाे अध्यक्षतामा कार्यक्रममा नेपाल पत्रकार महासंघ मधेश प्रदेशका महासचिव श्याम बन्जारा, बीबीसी नेपाली सेवाकी पर्सा सम्बाददाता माधुरी महतो, सावित्रा संग्रौला, जरिना खातुन, अनिता साह तेली, शिवनाथ प्रसाद यादव, प्रविण खड्का, जियालाल साह, रविकुमार गुप्ता, तवरेज अहमद, विन्देश्वर प्रसाद पटेल, निखिल सापकोटा, संदिप कुमार कुर्मी, अजय बानिया, नरेश पटेल लगायतकाले रक्तदान गरेका थिए ।

यसैगरी वीरगंज संजालले आफ्नाे बार्षिकाेत्वकाे अवसरमा अवसरमा आयाेजाना गरेकाे कार्यक्रममा एक महिलासहित ५१ जनाले रक्तदान गरेका थिए ।
 
वीरगंजकाे  घण्टाघरस्थित भएकाे कार्यक्रममा एमडी मुम्ताज मियाँ, विनाेद चाैधरी, मुकेश खेतान, चन्दन ठाकुर, हरिओम चाैधरी, रविन्द्र प्रसाद यादव, कृष्णा श्रीवास्तव, राजकुमार साह, साेनित ठाकुर, बृजकिशाेर चाैधरी, रन्जित कुमार गुप्ता, अविशेषक साह, मिन्टु राैनियार लगायतकाले रक्तदान गरेका थिए ।
 
यसैगरी मन्जुश्री फाइनन्स लिमिटेकाे आयाेजनामा शनिबार नै भएकाे कार्यक्रममा २ महिलासहित ४३ जनाले रक्तदान गरेका थिए ।
 
घण्टाघर चौक मै भएकाे कार्यक्रममाअशाेक कुमार गुप्ता, विशेश्वर प्रसाद कुर्मी, प्रदिप महताे, गाैतम कर्ण, अरविन्द कुमार राैनियार, दिगम्बर थापा, निरज कुमार, प्रिन्स मिश्रा, अमित चाैधरी, संजित कुमार कुशवाहा लगायतकाले रक्तदान गरेका थिए ।
 
यसैगरी, भेट्रान्स सिटि क्लबद्वारा शनिबार नै वीरगंजकाे अलखियास्थित होटल मकालुमा आयाेजित कार्यक्रममा कार्यक्रममा ६ महिलासहित १०१ जनाले र एसोसिएसन अफ भेटेरिनरि प्राक्टिसनर वीरगंजकाे घडिअर्वा पोखरीमा आयाेजित कार्यक्रममा १ महिला सहित ४६ जनाले रक्तदान गरेकाे प्रमुख पाण्डेले जानकारी दिए ।

अरुणाेदय युवा क्लबकाे नयाँ कार्य समिति चयन, अध्यक्षमा पण्डित

0
वीरगंज । जिल्ला कै पुरानाे गैर सरकारी संस्था अरुणाेदय युवा क्लब महुवनकाे अध्यक्षमा सुरज पण्डित निर्विराेध निर्वाचित भएका छन् । संस्थाकाे सम्पन्न ३७ औं साधारण सभाले पण्डितकाे अध्यक्षतामा ११ सदस्यीय कार्य समिति सर्वसहमत चयन गरेकाे हाे ।
 
कार्य समितिकाे उपाध्यक्षमा ललन तिवारी, महासचिवमा बेदप्रकाश राैनियार, सचिवमा तुलसी अधिकारी, काेषाध्यक्षमा संजय कुमार, सदस्यहरुमा लालबहादुर राम, बिरेन्दर पटेल, शाेसिला देवी राम, काानित देवी र पदेन सदस्यमा श्रीराम गिरि सर्वसहमत चयन भएका हुन् ।
 
श्रावण २५ गते सम्पन्न साधारण सभाबाट चयन भएका नयाँ कार्य समितिकाे शनिबार सपथ ग्रहण कार्यक्रम सम्पन्न भएकाे छ । संस्थाकाे प्रधान कार्यालय सखुवा प्रसाैनी गाउँपालिका वडा नं. ५ महुवनमा भएकाे भएकाे कार्य क्रममा नवनिर्वाचित कार्य समितिका पदाधिकारी तथा सदस्यहरुले सपथ ग्रहण गरेका थिए ।
 
संस्थाकका संस्थापक अध्यक्ष एवम् संरक्षक पदाधिकारी शिवनाथ साहकाे अध्यक्षतामा भएकाे सपथ ग्रहण कार्यक्रममा संस्थाका संस्थापक सचिव राजेश पण्डित, पूर्व अध्यक्ष श्याम बाबु प्रसाद लगायतकाे उपस्थिती रहेकाे थियाे ।

वडाध्यक्ष यादवकी आमाकाे निधन, नेता रिजालले दिए श्रद्धान्जली

0

वीरगंज । पर्साकाे जगरनाथपुर गाउँपालिका वडा नं. ३ का वडाध्यक्ष सुभाष यादवलाई मातृ शाेक परेकाे छ । वडाध्यक्ष यादवकी आमा शारदा देबीकाे निधन भएकाे हाे ।

साविक गाविस बिजबनियाका पूर्व अध्यक्ष स्व. शंकर प्रसाद यादवकाे श्रीमती समेत रहेकी वडाध्यक्ष  यादवकी आमाकाे शुक्रबार राती निधन भएकाे नेपाली कांग्रेस पर्सा क्षेत्र नं. ४ का  काेषाध्यक्ष विनय द्विवेदीले वताए । भारतकाे पटनास्थित एक अस्पतालमा उनकाे निधन भएकाे काेषाध्यक्ष द्विवेदीले जानकारी दिए ।

शनिबार विहान उनकाे शवलाई निजि निवास जगरनाथपुर गाउँपालिकाकाे वडा नं. ३ विजबनियामा ल्याइएपछि अन्त्येष्टि गरिएकाे थियाे । अन्त्येष्टि गर्नु अघि नेपाली कांग्रेसका केन्द्रिय सदस्य रमेश रिजालले उनकाे पार्थिव शरीरमाथि पार्टीकाे झण्डा ओढाएर श्रद्धान्जली दिएका थिए ।

नेता रिजालसहित जगरनाथपुर गाउँपालिकाका अध्यक्ष एवम् नेपाली कांग्रेस पर्सा क्षेत्र नं. ४ का सभापति श्रीकान्त प्रसाद यादव, कांग्रेस पर्साका प्रवक्ता रमेश पाण्डे, क्षेत्र नं. ४ का सचिव बलिष्टर अहमद, क्षेत्रिय कोषाध्यक्ष बिनय भूषण दुबेदी लगायत सयाैंकाे संख्यामा स्थानियहरुकाे उपस्थिति रहेको थियो ।

प्रदेश सभा सदस्य साह विरुद्ध फैलाइएकाे हल्ला निराधार

0

वीरगंज । पर्सा क्षेत्र नम्बर २ को (क) का प्रदेश सभा सदस्य (विधायक) राजेश्वर प्रसाद साहले आफनो राजनीतिक चरित्र हत्या गर्ने नियतले आफनाे विरुद्ध सामाजिक सन्जालमा भ्रमपूर्ण हल्ला फिजाइएको बताएका छन् ।

नेपाली काँग्रेसबाट प्रदेशसभा सदस्यमा निर्वाचित साहले पार्टी भित्रकै केहि नेता विशेषको निर्देशनमा अराजक तत्वहरुले आफु विरुद्ध निराधार हल्ला फैलाउने दुष्प्रयास गरेकाले त्यसको भ्रममा नपर्न आग्रह समेत समेत गरेका छन् ।

नेपाली काँग्रेस जिल्ला कार्य समिति पर्साले आफुलाई कारबाही गरेको भनेर केहि नेता विशेषको निर्देशनमा अराजक तत्वले फेसबुक मार्फत भ्रम फिजाएको भन्दै साहले यो कुरा भ्रामक र झुठा रहेको बताए ।

उनले आफुलाई पार्टीले कुनै कारबाही नगरेको भन्दै साहले फेसबुकमा फिजाइएको हल्ला बारे जिल्ला सभापति जनार्दन सिंह क्षेत्री र अनुशासन समितिका संयोजक समेत रहेका प्रवक्ता रमेश पाण्डे दुवै नेतालाई फोनबाट सम्पर्क गरेर सोध्दा पनि यस बारे दुवै जना अनविज्ञ रहेको पाइएको बताए ।

जिल्लाकै एक नेताले आफु प्रति पूर्वाग्रह राखेर आफना आसेपासे मार्फत भ्रामक हल्ला फिजाएर आफनो राजनीतिक चरित्र हत्या गर्न खोजेको साहकाे भनाई छ । पार्टीले कारवाही गरेको विषयमा आफुलाई कुनै लिखित वा मौखीक जानकारी समेत नआएको बताउँदैै साहले यस्ता भ्रामक गतिविधीले पार्टीलाई समेत कमजोर बनाउने वताए ।

त्यसैले यस्ता भ्रामक र अराजक गतिविधीमा संलग्न नेता र कार्यकर्तालाई कारबाही गर्न पनि उनले पार्टीको जिल्ला नेतृत्वसंग आग्रह समेत गरेका छन् । आफनो निर्वाचन क्षेत्रका नेता कार्यकर्ता र जनताको समर्थन आफु प्रति रहेको कुरा दुई दिन अघि मात्र भएका वडा भेलाहरुले पुष्टि गरिसकेको भन्दै साहले आफना बारेमा भ्रामक प्रचार नगर्न सम्बन्धित पक्षलाइ चेतावनी पनि दिए ।

यता नेपाली कांग्रेस पर्साका प्रवक्ता रमेश पाण्डेले पनि विधायक साह माथी कुनै किसिमकाे कारवाही नभएकाे वताए । पार्टीको मर्यादा बिपरित कार्य गरेको भन्दै उजुरी परेको अधारमा स्पष्टिकरण मात्र सोधिएको प्रवक्ता पाण्डेले बताए ।

विधायक साहमाथी कारवाही गर्ने अधिकार जिल्ला कार्य समितिसंग नरहेको बताउँदै पाण्डेले फेसवुकमा लेखिएको हल्लाको पछि नलाग्न सम्बन्धित सबैलाई आग्रह समेत गरे । उनले विधायक साहलाई कारवाही गर्ने अधिकार जिल्ला समितिसंग नरहेकाे समेत प्रष्ट पारे ।

पर्साकाे एक यस्ताे विद्यालय, जहाँ एक दिन विद्यार्थी पढछन् र एक दिन घर मै बस्छन्

0

वीरगंंज । पर्साकाे धाबिनी गाउँपालिका वडा नं. १ भिखमपुर, पिपरामा रहेकाे एक माध्यमिक विद्यालयमा जाेडविजाेड अनुसार अध्ययन अध्यापन हुने गरेकाे समाचार प्राप्त भएकाे छ । श्री नेपाल राष्ट्रिय माध्यमिक विद्याल भिखमपुर, पिपरामा एक दिन जाेड र एक दिन विजाेड राेल नम्बर भएका विद्यार्थीहरुकाे लागि कक्षा संचालन हुने गरेकाे छ ।

शिक्षक अभावमा लामाे समयदेखि एक दिन विद्यार्थी पढन पाउने र एक दिन घर मै बस्न गरेपनि सम्बन्धित निकायकाे ध्यान पुग्न सकेकाे छैन । स्थानियका अनुसार एक बर्ष भन्दा बढी देखि नै कक्षा ७ देखि १० सम्मका विद्यार्थीहरु एक दिन विद्यालयमा गएर पढन पाउने र एक दिन घर मै बस्ने पर्ने बाध्यता रहेकाे छ ।

एउटा कक्षामा दुई सय जति विद्यार्थी भएका कारण एउटा कक्षामा अटाउन नसक्ने र अर्काे सेक्सन संचालन गर्न शिक्षक अभावका कारण जाेडविजाेड गरेर कक्षा संचालन गर्ने गरिएकाे छ । त्यस कारण विद्यार्थीहरुले विदाकाे दिन वाहेक प्रत्येक दिन पढन पाउनु पर्ने अधिकारबाट बंचित हुँदै आएका छन् ।

शिक्षक अभावका कारण जाेड विजाेड माध्यमले कक्षा संचालन गरिएकाे विद्यालयका प्रधानाध्यापक विनय प्रसाद कुर्मीले वताए । उनका अनुसार एक हजार ६ सय बिद्यार्थी रहेको बिद्यालयमा ८ जन मात्र शिक्षक रहेका छन् ।

गाउँपालिकाकाे शिक्षा क्षेत्रमा बजेट छुट्याएका कारण विद्यालयकाे समस्या समाधान नभएकाे वडाध्यक्ष बन्धु साह तेलीले वताए । उनले जाेडविजाेडले कक्षा संचालन गर्नु गलत भएकाे वताउँदै तुरुन्त त्यसलाई आफुले खारेज गर्न तर्फ लागेकाे वताए ।  

 गाउँपालिका संग प्राप्त स्राेत साधन हुँदा पनि शिक्षक अभावका कारण विद्यार्थीहरुले पढन पाउनु पर्ने अधिकारीबाट बन्चित हुनु कार्य लजास्पद रहेकाे छ । यस तर्फ सम्बन्धित निकायकाे ध्यान जान जरुरी देखिन्छ ।

समावेशी शिक्षामा नागरिक समाजकाे समलग्नता बिषयक गाेष्ठी सम्पन्न

0

वीरगंज । किशोरी सशक्तीकरणका लागि शिक्षा कार्यक्रम अन्तर्गत समावेशी शिक्षामा नागरिक समाजकाे समलग्नता बिषयगत सिकाई अदानप्रदान सम्बन्धि गाेष्ठी शुक्रबार वीरगंजमा सम्पन्न भएकाे छ ।

दिव्या युवा क्लब पर्सा र भिएसाे नेपालकाे साझेदारीमा संचालित परियोजना अन्तर्गत भएकाे गाष्ठीलाई सम्बाेधन गर्दै जगरनाथपुर गाउँपालिकाका अध्यक्ष श्रीकान्त प्रसाद यादवले शिक्षा क्षेत्रमा सुधार जरुरी रहेकाे वताए । उनले गाेष्ठिमा सहभागिहरुले चाहे त्याे सम्भव रहेकाे वताए । 

गाेष्ठीमा परियाेजना संचालन रहेकाे जगरनाथपुर र धाेबिनी गाउँपालिकाका अध्यक्ष, उपाध्यक्ष, प्रमुख प्रशासकिय अधिकृत, वडाध्यक्ष, शिक्षा शाखा प्रमुख, विभिन्न विद्यालयका प्रधानाध्यापक र संचारकर्मीहरुकाे सहभागि थिए । यी सबै जनालाई लक्षित गर्दै अध्यक्ष यादवले भने “हामी हल भित्र उपस्थित सबै जनाले चाहे अवश्य नै लथालिङ रहेकाे सामुदायिक विद्यालयकाे अवस्था सुधार हुन सक्छ । बहाना गर्ने भए धेरै बहानाहरु छन् ।”

धाेबिनी गाउँपालिकाका अध्यक्ष मदन चाैहानले शिक्षाकाे अवश्यकता सबै क्षेत्रमा रहेकाे वताए । उनले शिक्षा नभए सम्म विकास सम्भव नरहेकाे वताउँदै शिक्षा क्षेत्रमा ध्यान दिने वताए ।

वीरगंजस्थित भिस्वा हाेटलमा भएकाे गाेष्ठीमा परियाेजना संयाेजक गणेश ठकुरीले परियाेजना अन्तर्गत भएकाे कार्यहरु तथा गाउँपालिकाहरुले अगामी दिनमा बनाउने कार्य याेजनाहरु समावेशीता शिक्षाकाे मुद्दा कसरी समावेश गर्ने लगायतकाे बिषयमा प्रस्तुती मार्फत प्रकाश परेका थिए  ।

त्यसैगरी कार्य याेजना बनाउँदा ध्यान दिनु पर्ने कुराहरुकाे बिषयमा प्रशिक्षक अधिवक्ता बृजकिशाेर पटेल प्रशिक्षण दिएका थिए । 

दिव्य युवा क्लबका अध्यक्ष उमेश प्रसाद चौहानकाे अध्यक्षतामा भएकाे गाेष्ठिमा जगरनाथपुर गाउँपालिकाकी उपाध्यक्ष बबिता सिंह, प्रमुख प्रशासकिय अधिकृत कृष्णनन्दन राय, धाेबिनी गाउँपालिकाकी उपाध्यक्ष मंजु देवी, भिएसाे नेपालका परियोजना अधिकृत नितिन नरेन लगायतकाे उपस्थिती रहेकाे थियाे । कार्यक्रमकाे संचालन दिव्य युवा क्लबका आदित्य पटेलले गरेका थिए ।