Date
मङ्ल, मंसिर १, २०८३
Tue, November 17, 2026
Home Blog Page 636

वीरगंजमा करेन्ट लागेर एक युवककाे मृत्यु

0
सांकेतिक तस्बिर

वीरगंज ।  पर्सामा करेन्ट लागेर एक जनाकाे मृत्यु भएकाे छ । वीरगंज महानगरपालिका वडा नं. २२ जगरनाथपुरस्थित रहेको सर्वोत्तम स्टील उधोगको थप भवन बनाउने क्रममा बुधबार बिहान १०:३० बजे करेन्ट लागेर एक जनाकाे मृत्यु भएकाे र एक जना घाइते भएकाे प्रहरीले जनाएकाे छ ।

प्रहरीका अनुसार जिल्ला बर्दिया बारबर्दिया नगरपालिका वडा नं.१ बस्ने वर्ष १७ को रबिन थारुकाे मृत्यु भएकाे छ भने बर्दिया कै राजापुर नगरपालिका वडा नं.६ बस्ने वर्ष ३० को सिताराम थारु घाईते भएका छन् ।

सर्वोत्तम स्टील उधोगको थप भवन बनाउने क्रममा तल्लो तल्लाको जग ढलानको लागि सिमेन्ट र गिट्टी वालुवाको मिश्रण भाईब्रेसन मेसिनले सम्याउने क्रममा एक्कासी मेसिनको तार सर्ट भई दुबै जनालाई करेन्ट लागेकाे थियाे ।

कामदारलाई करेन्ट लागि गम्भिर घाईते भएको जानकारी प्राप्त हुनसाथ तत्कालै जिल्ला प्रहरी कार्यालयबाट प्रहरी नायब उपरिक्षक दिपक गिरी र वडा प्रहरी कार्यालय श्रीपुरबाट प्रहरी निरिक्षक डिल्लीराज सापकोटाको कमाण्डमा खटिएको टोलीले घाइतेहरूलाई तत्कालै उपचारको लागि बयोधा हस्पिटल वीरगंज पठाएकाे थियाे ।

घाईते मध्येका रबिनकाे मृत्यु भएको चिकित्सकले घोषण गरे पश्चात मृतक रबिनकाे घटनास्थल तथा लास जाँच प्रकृती मुचुल्का लगायतको अनुसन्धान कार्य सम्पन्न गरी थप अनुसन्धान कार्य भइरहेकाे जिल्ला प्रहरी कार्यालय पर्साले जनाएकाे छ ।

प्रतिनिधि सभामा आमात्य र प्रदेश सभामा साहकाे नाम सिफारिस

0

वीरगंज । नेपाली काँग्रेस प्रदेश सभा पर्सा क्षेत्र नं. २ काे (क) क्षेत्रिय समितिले प्रत्यक्ष तर्फ प्रतिनिधी सभा र प्रदेश सभामा सर्वसहमत एक/एक जनाकाे नाम सिफारिस गरेकाे छ ।

पर्सागढी नगरपालिकाकाे वडा नम्बर १ स्थित कोइलाभार मन्दिरमा बसेको प्रदेश सभा क्षेत्रीय समितिकाे बैठकले क्षेत्र नं. २ बाट प्रतिनिधि सभा सदस्यकाे उम्मेदवारमा संविधान सभा सदस्य राजेन्द्र बहादुर अमात्य र २ काे क बाट प्रदेश सभा सदस्यकाे उम्मेदवारमा बर्तमान प्रदेश सभा सदस्य राजेश्वर प्रसाद साहकाे एकल नाम सिफारिस गरेकाे हाे ।

यसैगरि उक्त प्रदेशसभा क्षेत्रमा सामानुपाति तर्फ विजय कुमार कर्ण , कामेश्वर मिश्र, वीर बहादुर प्रसाद यादव, भरत प्रसाद तेली, रिमा देवी यादव, मीरा देवी थरुइन्, अर्चना चौधरी र गोकर्ण मैदालीकाे नाम सिफारिस गरेको छ ।

क्षेत्रिय सभापति बेदमन दास थारुकाे सभापतित्वमा बसेकाे बैठकमा संविधान सभा सदस्य राजेन्द्र बहादुर अमात्य, प्रदेश सभा सदस्य राजेश्वर प्रसाद साह, नेपाली कांग्रेस पर्साका पूर्व जिल्ला सह सचिव राेशन लामिक्षाने, महाधिवेशन प्रतिनिधि सरजुग महताे, हरेन्द्र महताे नुनिया लगायत क्षेत्रिय समितिका पदाधिकारी, सदस्य, प्रदेश प्रतिनिधि, विभिन्न वडाका सभापति लगायतकाे उपस्थिती रहेकाे थियाे ।

यसैगरी प्रदेश सभा पर्सा क्षेत्र नं. २ काे (ख) क्षेत्रिय समितिले पनि प्रत्यक्ष तर्फ प्रतिनिधि सभा सदस्यकाे उम्मेदवारमा संविधान सभा सदस्य अमात्यकाे नाम सिफारिस गरेकाे छ । 

वीरगंज महानगरपालिका वडा नम्बर ६ स्थित माइस्थान अतिथी सदनमा बसेको प्रदेश सभा क्षेत्रिय समितिकाे बैठकले प्रतिनिधी सभा सदस्यमा समानुपातिक तर्फ डाक्टर सुस्मा तिवारी, कन्हैयालाल केसरी, शम्भु चौहान र रुपा देवी गुप्ता गरि ४ जनाको नाम उम्मेदवारमा सिफारिस गरेको छ ।

उक्त बैठकले प्रदेश सभा सदस्यमा प्रत्यक्ष तर्फ ओम प्रकाश शर्मा, श्याम पटेल, भोला प्रसाद कलवार, रामरुप कुर्मी, दिना गुप्ता, नरेन्द्र साह र राजनाथ ठाकुरको नाम सिफारिस गरेको छ ।

यस्तै प्रदेशसभा सदस्यमै समानुपातिक तर्फ मणिन्द्रलाल श्रेष्ठ, सन्जय चर्तुवेदी, विवेक शर्मा, गोपाल कुर्मी, महम्मद सतार मन्सुरी, विजय उपाध्याय, ध्रुब नेपाल, बैकुण्ठ श्रीवास्तव, दिलिप शर्मा बराल, दिपेन्द्र कुर्मी, प्रदीप कुशवाहा, विद्या श्रेष्ठ, प्रियंका केसरी, रुपा श्रेष्ठ, शीवनारायण साह र सुखल हजरा पासवानको नाम सिफारिस गरिएकाे काँग्रेस प्रदेश सभा क्षेत्र २ (ख) का प्रवक्ता सन्जय चर्तुवेदीले जानकारी दिए ।

वप्रका विर्ताद्वारा करणी अभियाेगका चाैरसिया पक्राउ

0

वीरगंज । जबरजस्ती करणी अभियाेगमा अदालतबाट सजाय ताेकिएका फरार व्यक्ति ३ वर्ष पछि मंगलबार पक्राउ परेका छन् ।

गएकाे तीन वर्ष देखि फरार वीरगंज महानगरपालिका वडा नम्बर १६ का अनिल प्रसाद चाैरसियालाई वडा प्रहरी कार्यालय विर्ताकाे टाेलीले उनकै गाउँबाट मंगलबार पक्राउ गरेकाे हाे ।

जबरजस्ती करणी मुद्दामा उच्च अदालत जनकपुरकाे इजलासले चाैरसियालाई ६ वर्ष कैद र ३० हजार रुपैयाँ जरिवाना ताेकेकाे थियाे ।

अदालतकाे फैसला कार्यान्वयनका लागि फरार व्यक्तिलाई पक्राउ गरी मंगलबार नै अदालतमा बुझाइएकाे वडा प्रहरी कार्यालय विर्ताका प्रमुख प्रहरी निरीक्षक विशाल मल्लले जानकारी दिए । अदालतले कैद भुक्तानका लागि उनलाई कारागार चलान गरेकाे प्रहरी निरिक्षक मल्लले जानकारी गराए । 

फिराेज मृत्यु प्रकरण : डा. आसिफ बचाउन विभिन्न प्रपंच रच्दै चिकित्स संघ

0

वीरगंज । डा. आशिफ अंसारीकाे बचाउमा चिकित्स संघ लागेकाे आराेप लाग्न थालेकाे छ । वीरगंज हेल्थ केयर अस्पतलाका डा. आशिफकाे लापरवाहीले पर्साको छिपहरमाई गाउँपालिका वडा नम्बर २ चेरगाहा निवासी ३२ वर्षीय फिरोज मियाँको मृत्यु भएकाे भन्दै मृतकाे आफन्तजन र स्थानिय आन्दाेलनरत रहेका छन् ।

भदौ १३ गते मृतकका आफन्तले गरेको विरोध प्रदर्शनमा नेपाल चिकित्सक संघले डाक्टरलाई बचाउन खोजेको भन्दै विरोध भयो । वीरगंजकाे घण्टाघरबाट नारायणी अस्पताल तथा नेपाल चिकित्सक संघको कार्यालय अगाडी विरोध प्रदर्शन गर्दै यथाशिघ्र कानुनी दायरामा आउन मृतकका आफन्तले आग्रह गरे ।

त्यसपछि नेपाल चिकित्सक सङ्घ, पर्साले मङ्गलबार ज्ञापन पत्र बुझाउँदै भदौ १३ गते दिउँसो नारायणी अस्पतालमा चिकित्सकसँग दुव्र्यवहार भएको घटनामा संलग्न व्यक्तिहरूलाई २४ घण्टाभित्र कारबाई नगरिए सेवा ठप्प पार्ने चेतावनी दिएको छ । सङ्घले प्रमुख जिल्ला अधिकारीलाई बुझाएकाे ज्ञापन पत्रमा ज्यान मार्ने धम्की दिनेलाई कारवाही नगरिए सेवा ठप्प पार्ने चेतावनी दिइएकाे छ ।

जब की आन्दाेलनकाे क्रममा भएकाे प्रदर्शनमा कसैले जान मार्ने धम्की नदिएकाे आन्दाेलनरत मध्येका नेपाली कांग्रेस पर्साका सह सचिव नविन सिंहकाे दाबी छ ।

नेता सिंह भन्छन्, “हामीले न्याय खोजेका हौँ, हामीलाई क्षतिपुर्ती चाहिन्छ र गल्ती गर्नेलाई कारवाही हुनुपर्छ । नेपाल प्रहरीकै अगाडी हामीले शान्तिपुर्ण ढंगले न्यायको माग गर्दा ज्यान मार्ने धम्की कसरी दिन सक्छौ ?”

ज्यान मार्ने धम्की दिएको भनेर सहानुभुती पाउन खोजेको र घटनालाई अन्यत्रै मोड्ने प्रोपोगाण्डा मात्रै भएको नेता सिंहको बुझाई छ । पोस्टमार्टममा संलग्न चिकित्सले पनि ३ वटा नशा काटिएकै कारण मृत्यु भएको भनेको कुरा अडियो रेकर्डसमेत रहेको उनले दावी गरे । चिकित्सकलाई कारवाही नगरे गाडीसकेको फिरोजको लाश निकालेर प्रदर्शन गर्ने आन्दाेलनरतकाे चेतावनी दिएका छन् । 

यस अघि पनि चिकित्सक संघ नारायणीले पत्रकार सम्मेलन गरेर चिकित्सकको दोष नरहेको स्पष्टिकरण दिएकाे थियाे । 

मृत्यु भएको एक साता बित्यो । पित्तथैलीको पत्थरीका कारण असहज अवस्था भएपछि साउन २६ गते वीरगञ्ज हेल्थ केयरमा भर्ना भएका मियाँलाई भदौ ५ गते राति काठमाण्डौको मेडिसिटी अस्पतालका चिकित्सकले मृत घोषणा गरेका थिए । 

धाेबिनीमा अख्तियारकाे टाेली, विभिन्न याेजनाकाे स्थलगत निरिक्षण

0

वीरगंज । पर्साकाे धाेबिनी गाउँपालिकामा अख्तियार दुरुपयाेग अनुसन्धान आयाेग हेटाैंडाकाे टाेली पुगेकाे छ । अख्तियारमा परेकाे विभिन्न याेजनाकाे बारेमा छानविन गर्न टाेली पुगेकाे वताइएकाे छ ।

अख्तियारकाे टाेलीले मंगलबार गाउँपालिकामा पुगी उजरी परेकाे विभिन्न याेजनाकाे स्थलगत निरिक्षण गरे हाे । उजरी परेकाे वाकी याेजना पुन: बुधबार स्थलगत निरिक्षण गर्नु साथै छानविन गर्ने छ । 

तत्कालिन प्रमुख प्रशासकिय अधिकृत जयचन्द्र साहकाे पालमा विभिन्न याेजना भएकाे अनियमितताकाे सम्बन्धमा स्थानियले अख्तियारमा उजरी दिएपछि छानविन गर्न टाेली पुगेकाे हाे । प्रमुख प्रशासकिय अधिकृतले कमिशन लाेभमा स्टिमेट अनुसार काम नभएकाे याेजनाकाे पनि निकास गरेपछि स्थानियले अख्तियारमा उजरी दिएका थिए ।

त्यसैगरी नियम विपरित गाउँपालिकाकाे शिक्षा शाखा प्रमुखमा बृजकिशाे त्रिपाठीलाई जिम्मेवारी दिएकाे विषयमा परेकाे उजरी बारेमा पनि अख्तियारकाे टाेलीले छानविन गरेकाे छ ।

यसका साथै धाेबिनी गाउँपालिका पुगेकाे अख्तियारकाे टाेलीले मंगलबार वडा नं. ३ हरिहपुरस्थित एक विद्यालयकाे र वडा नं. ५ धाेबिनीस्थित निर्माण भएकाे ढलान सडककाे स्थालगत निरिक्षण गर्दै नाप नाक्सा समेत गरेकाे गाउँपालिका स्राेतले जनाएकाे छ ।

त्यसैगरी टाेलीले गाउँपालिकाकाे अन्तर्गतकाे विभिन्न विद्यालयकाे लागि आएकाे अनुदानकाे रकम विना कामकाे निकास भएकाे पाइएपछि फिर्ता गर्न लगाएकाे बुझिएकाे छ । 

प्रमुख प्रशासकिय अधिकृत साह कालिकामाई गाउँपालिकामा हुँदा पनि उनी विरुद्ध थुप्रै उजरीहरु परेका थिए । त्यहाँ पनि अख्तियारकाे टाेली पुगी उजरी परेकाे याेजनाहरुकाे स्थलगत निरिक्षण गर्नुकाे साथै छानविन गरेकाे थियाे । 

रोट्रयाक्ट क्लव अफ यूनाइटेड विरगंजको चौथो पद हस्तान्तरण कार्यक्रम सम्पन्न

0

वीरगंज । रोट्रयाक्ट क्लव अफ यूनाइटेड विरगंजको चौथो पद हस्तान्तरण कार्यक्रम सम्पन्न भएको छ । पद हस्तान्तरण कार्यक्रम सन् २०२१/२२ का अध्यक्ष अमित सर्राफले २०२२/२३ का अध्यक्ष अभिषेक सर्राफलाई पद हस्तान्तरण गरेका हुन् ।

शनिवार विरगंजको टाउन हलमा भएको कार्यक्रममा अमितले अभिषेकलाई रोट्रयाक्ट अध्यक्ष कोलार लगाएर क्लबको चार्टर सर्टिफिकेट तथा ग्यावल हस्तान्तरण गरेका थिए । राेटेरियन सुरेश गोर्खालीले क्लबका अध्यक्ष अभिषेककाे सपथ ग्रहण गराएका थिए भने अध्यक्ष अभिषेकले क्लबका पदाधिकारी र रोटेरियन अनिल जैसवालले सदस्यहरुलाई सपथ ग्रहण गराएका थिए ।

पद ग्रहण गर्दै अध्यक्ष अभिषेक सर्राफले आफ्नो कार्यकालमा हुने कार्य योजनाको बारेमा प्रकाश पारेका थिए ।

कार्यक्रममा वर्ष २०२१/२२ का अध्यक्ष अमितले आफ्नो कार्यकालमा भए गरेका प्रगति प्रतिवेदन सँगै विभिन्न क्षेत्रबाट सहयोग गर्ने सबैमा धन्यवाद दिएका थिए । उनले क्लवमा विभिन्न क्षेत्रमा सहयोग पुर्याउनेलाई सम्मान गर्नुका साथै क्लवका पदाधिकारी र बेस्ट कोर्डिनेटर, रोट्रयाक्ट ऑफ ईयर, एक्टिभ मेम्बर लगायतलाई अवार्ड समेत प्रदान गरिएकाे थियाे ।

सो अवसरमा बोल्दै प्रमुख अतिथि माओबादी केन्द्रका केन्द्रिय सदस्य रहबर अन्सारीले क्लवमा आबद्ध युवाहरुले व्यक्तित्व विकास सँगै समाजमा उदाहरणीय कामहरु गर्न सुझाए । नवनिर्वाचित समितिलाई बधाई तथा शुभकामना दिदैँ उनले सहकार्य गरेर अगाडि बढन तयार रहेको बताए ।

कार्यक्रममा प्रहरी नायब उपरिक्षक निर्मल बुढाथोकी, बाईपास दैनिकका प्रबन्ध निर्देशक धिरज दारुक, वीरगंज महानगरपालिका वडा नं. ६ का वडाध्यक्ष जयप्रकाश शाह अग्रवाल, डा. सरोज रोसन दास, रोट्रयाक्ट डिष्ट्रिक पब्लिक रिलेशन अफिसर रजीश कलवार, रोटरी नेपाल लिटरेसी मिसन चेयर आयुष गुप्ता, रोट्रयाक्ट क्लवका विभिन्न अध्यक्ष लगायतकाे उपस्थिति रहेको थियो ।

निर्वाचन नजिकदै जाँदा पर्सामा कांग्रेस इतर पक्षकाे भेला

0

वीरगंज । नेपाली कांग्रेस पर्सामा निर्वाचनकाे बेला गुट देखिएकाे छ । संस्थापन इतर पक्षले साेमबार पर्सा क्षेत्र नं. २ काे अगुवा कार्यकर्ता भेला गरेकाे छ । मंसिर ४ गते हुने संघ र प्रदेशकाे चुनाव बारे क्षलफल गर्न रणनिति तय गर्न भेला आयाेजना गरिएकाे वताइएकाे छ ।

भेलामा वाेल्ने अधिकांश नेताहरुले गठबन्धनकाे विराेध गरेका थिए । गठबन्धनले पार्टीलाई क्षति मात्र हुने वाेल्ने वक्ताहरुकाे भनाई थियाे । स्थानिय तह निर्वाचनमा भएकाे गठबन्धनका कारण पनि पार्टीलाई क्षति पुगेकाे नेताहरुकाे भनाई थियाे ।

भेलामा संस्थापन पक्षका नेताहरुले टिकट वितरणकाे सवालमा एकलाैटी गरे स्वतन्त्र उम्मेदवारी दिने सम्मकाे कुरा उठेकाे थियाे । जितेकाे क्षेत्र पनि गठबन्धनकाे नाममा अरु दललाई दिने सम्मकाे चलखेल हुन थालकाे कुराकाे समेत विराेध भएकाे थियाे ।

भेलामा संविधान सभा सदस्य एवम् नेपाली कांग्रेसका नेता राजेन्द्र बहादुर अमात्य, पूर्व जिल्ला सभापति अजय द्विवेदी, संविधान सभा सदस्य रामेश्वर राैनियार, प्रदेश सभा सदस्य राजेश्वर साह, पूर्व जिल्ला सचिव श्याम पटेल, नेपाल पत्रकार महासंघका सचिव दिपेन्द्र चाैहान लगायतकाकाे सहभागिता रहेकाे थियाे ।

पर्सा क्षेत्र नं. २ मा प्रतिनिधि सभामा संस्थापन पक्षका केन्द्रिय सदस्य अजय चाैरसिया र संस्थापन इतर पक्षका संविधान सभा सदस्य राजेन्द्र बहादुर अमात्य अकांक्षी देखिएका छन् ।

यसैगरी प्रदेश सभा क्षेत्र नं. २ (क) मा प्रदेश सभा सदस्य राजेश्वर साह, २ काे (ख) मा पूर्व जिल्ला सचिव श्याम पटेल, मधेश प्रदेशका मन्त्री ओमप्रकाश शर्मा, क्षेत्रिय सभापति महमद सहाबुदिन र नेता रामरुप कुर्मीकाे चर्चा रहेकाे छ ।   

जिल्ला कार्य समितिले प्रतिनिधि खटायाे 

यसै बिच कांग्रेस पर्साकाे जिल्ला कार्य समितिले “जनताकाे साथमा कांग्रेस” सम्बन्धि विभिन्न कार्यक्रम गर्न/गराउन प्रतिनिधि खटाएकाे छ ।

जिल्ला कार्य समितिकाे भदाै १३ गते पार्टी कार्यालयमा बसेकाे पदाधिकारी बैठकाे निर्णय अनुसार वीरगंज महानगरपालिकामा प्रकाश कुमार उपाध्याय, पाेखरिया नगरपालिकामा रामनारायण कुर्मी, पर्सागढी नगरपालिकामा अशाेक कुमार गुप्ता, बहुदरमाई नगरपालिकामा लाेकनारायण यादवलाई खटाइएकाे कांग्रेस पर्साका प्रवक्ता रमेश पाण्डेले प्रेस विज्ञप्ती जारी गर्दै जनाएका छन् ।

उनका अनुसार  छिपहरमाई गाउँपालिकामा शंकर प्रसाद चाैधरी, कालिकामाई गाउँपालिकामा नविन सिंह, पकहा मैनपुर गाउँपालिकामा रमेश पाण्डे, धाेबिनी गाउँपालिकामा रामरुप कुर्मी, पटेर्वा सुगाैली गाउँपालिकामा किशाेरी साह कानु, ठाेरी गाउँपालिकामा ओउम् कृष्ण लामिक्षाने, जगरनाथपुर गाउँपालिकामा किरण सरकार, बिन्दवासिनी गाउँपालिकामा शैलेन्द्र यादव, जिराभवानी गाउँपालिकामा ममता महताे र सखुवा प्रसाैनी गाउँपालिकामा तिर्थ राज यादवलाई प्रतिनिधि खटाइएकाे छ । 

विभिन्न माग राख्दै राष्ट्रिय परिचयपत्र तथा पंजिकरण विभागलाई ज्ञापन

0

वीरगंज । एम.आई.एस. अपरेटर तथा फिल्ड सहायक मधेश प्रदेश समितिले विभिन्न मागहरु राख्दै राष्ट्रिय परिचयपत्र तथा पंजिकरण विभागलाई ज्ञापन पत्र बुझाएकाे छ । काठमाडाैंस्थित सिंहदरबार मै पुगी समितिले विभागका महानिर्देशक तिर्थराज भट्टराईलाई ज्ञापन पत्र बुझाएकाे हाे ।

समितिले प्रदेश भरीका एम.आई.एस. अपरेटरहरुकाे २०७९ श्रावण १ गतेदेखि करार म्याद थप र सम्झौता गरि हाजिरी हुने व्यवस्था मिलाउन, स्थानीय तहले म्याद नथप्दा विभागबाट नै म्याद थप गरिदिनुहुन, मास्टर आई.डी. एम.आई.एस. अपरेटर तथा फिल्ड सहायक बाहेक अरु कर्मचारीको नामबाट नबनाईदिन हुन माग गरेकाे छ ।

यसैगरी विज्ञापन तथा नियुक्तीको पूर्व स्वीकृत र सहमति विभागबाट स्थानीय तहलाई प्रदान नगरिदिन हुन, सेवा ईकाईमा कार्यरत कर्मचारीहरुको म्याद थप नगरेका र हटाएका स्थानीय तहहरुको सशर्त अनुदान तथा सामाजिक सुरक्षा भत्ता समेतको रकम रोक्का गरिदिन हुन, स्थानीय तहको सेवा ईकाईमा कार्यरत कर्मचारीहरु (एम.आई.एस. अपरेटर र फिल्ड सहायक) मध्ये कसैलाई पनि हटाईएमा सो स्थानीय तहमा पुरानो समेत मास्टर आई.डी. बन्द गरि नयाँ मास्टर आई.डी. समेत उपलब्ध नगराउन लगायतकाे माग गरिएकाे छ ।

समितिका महासचिव जितेन्द्र यादवद्वारा हस्ताक्षरित ज्ञापन पत्र गृह मन्त्रालय, संघीय मामिला तथा सामान्य प्रशासन मन्त्रालय, अर्थ मन्त्रालय, जिल्ला प्रशासन कार्यालय (७७ वटै जिल्ला), अख्तियार दुरुपयोग अनुसन्धान कार्यालय टंगाल, काठमाण्डौ, जिल्ला समन्वय समिति (७७ वटै जिल्ला) लाई बाेद्धार्थ गरिएकाे छ ।

स्थानीय तह निर्वाचन २०७९ बाट छनौट भई आएका नवनिर्वाचित जनप्रतिनिधि आए देखि देशै भरिका स्थानीय तहहरुले स्थानीय तह सेवा ईकाईमा कार्यरत कर्मचारीहरुलाई मापदण्ड विपरित र विभागको पूर्व स्वीकृती र सहमति विपरित म्याद थप नगरि करार भंग गरि हटाउने कार्य हुनथालेपछि समितिले ज्ञापन पत्र बुझाएकाे हाे ।

अजिज मियाँ माविमा शिक्षक र भवनकाे लागि शिक्षा मन्त्रीसंग माग

0

वीरगंज । नेकपा माओवादी केन्द्र पर्साका नेताहरुकाे एक टाेलीले शिक्षा विज्ञान तथा प्रविधि मन्त्री देवेन्द्र पाैडेलसंग भेटघाट गरेकाे छ । माओवादी केन्द्रकी नेतृ एवम् राष्ट्रिय सभा सदस्य उर्मिला अर्याल नेतृत्वकाे टाेलीले मन्त्री पाैडेलसंग भेटघाट गरेकाे हाे । 

भेटघाटकाे क्रममा टाेलीले धाेबिनी गाउँपालिकाकाे वडा नं. ५ मा रहेकाे श्री अजिज मियाँ माध्यमिक विद्यालय धाेबिनीकाे समस्या समाधानकाे लागि आग्रह गरिएकाे नेकपा माओवादी केन्द्रका प्रदेश सदस्य सलाउदिन अहमदले वताए । 

साे विद्यालयकाे भाैतिक संरचना र शिक्षक दरबन्दी अभाव भएपनि शैक्षिक गुणस्तर राम्राे भएकाेले विद्यार्थीहरुकाे चाप थेग्न नसक्ने अवस्था रहेकाे छ । एक हजार ५ सय विद्यार्थीहरु अध्ययनरत रहेकाे विद्यालयमा भवन र शिक्षक अभाव परिपुर्ति गर्नकाे लागि लिखित रुप मै माग गरिएकाे प्रदेश सदस्य अहमदले जानकारी दिए ।

मन्त्री भेटने टाेलीमा नेकपा माओवादीका केन्द्रिय सदस्य बिरेन्द्र प्रसाद यादव, प्रदेश समिति सदस्य सलाउदिन अहमद, कृष्ण माेहन प्रसाद यादव, विद्यालयका प्रधानाध्यापक जितेन्द्र राम लगायतकाे पनि सहभागिता रहेकाे थियाे ।

टाेलीले शिक्षा मन्त्री पाैडेलकाे साथै राज्य मन्त्री वाेध माया कुमारी यादवसंग भेट गरी विद्यालयकाे अवस्थाकाे बारेमा बृहत छलफल गर्नुकाे साथै विद्यालयलाई आवश्यक शिक्षक दरबन्दी र भाैतिक संरचना (भवन) निर्माण गरिदिन आग्रह गरेकाे हाे ।

भेटकाे क्रममा राष्ट्रपति शैक्षिक सुधार कार्यक्रम बारेमा समेत जानकारी गराइएकाे विद्यालयका प्रधानाध्यापक जितेन्द्र रामले वताए । मन्त्री ज्यूले पनि सक्दाे सहयाेग गर्ने तथा विद्यालय अवलाेकन गर्नकाे लागि समेत इच्छा जाहिर गर्नु भएकाे उनले जानकारी गराए । 

पत्रिकाकाे बार्षिकाेत्सवमा ‘नेतृत्वमा युवा कि पाका’ विषयक अन्तरक्रिया

0

वीरगंज । मध्य नेपाल सन्देश सप्ताहिक पत्रिकाकाे छैठाै बार्षिकाेत्सवकाे अवसरमा आइतबार वीरगंजमा ‘नेतृत्वमा युवा कि पाका’ विषयक अन्तरक्रिया तथा सम्मान कार्यक्रम सम्पन्न भएकाे छ ।

कार्यक्रमलाई सम्बाेधन गर्दै वन तथा वातावरण मन्त्री प्रदीप यादवले जोश र जाँगरले भरिएका युवाहरुको सही रुपमा परिचालन गर्नुपर्ने वताए । कार्यक्रमका प्रमुख अतिथी समेत रहेका मन्त्री यादवले युवा शक्तिको परिचालन बिना समृद्धि हासिल गर्न नसकिने बताए । 

पाका व्यक्तिको अनुभव र ज्ञानलाई युवा शक्तिले आत्मसाथ गर्न सकेमा मात्रै बिकास र समृद्धि हासिल गर्न सकिने मन्त्री यादवको भनाई थियाे । पाकाहरुलाई पन्छाएर पनि नहुने हुँदा युवा र पाकाको समिश्रण एवम् सहकार्यमै देश बन्ने मन्त्री यादवको जिकिर थियाे । युवाको सृजनशीलता जोशसहित पाकाको अनुभवले नै सम्मुनत समाजको निर्माण हुने आवश्यक्ता मन्त्री यादवले औल्याए । 

पत्रिकाकी सम्पादक कविता खड्काको अध्यक्षतामा भएको कार्यक्रममा पर्साका प्रमुख जिल्ला अधिकारी उमेश कुमार ढकाल, राष्ट्रिय भुमी आयोग पर्साका अध्यक्ष तबरेज अहमद, वीरगंज उद्योग वाणिज्य संघका अध्यक्ष डा. सुवोध कुमार गुप्ता, वीरगंज युवा समाजका अध्यक्ष कमल चौगाई, कोपिला चौलागाई, दलित महिला संघ पर्साकी अध्यक्ष निला राम लगायतले मन्तव्य व्यक्त गरेका थिए । 

वीरगंजकाे लिंक राेडस्थित कुमु प्यालेस हाेटलमा भएकाे कार्यक्रममा विभिन्न क्षेत्रमार्फत समाजमा योगदान दिएका व्यक्तित्वहरुलाई सम्मान समेत गरिएको थियाे । नेपाल पत्रकार महासंघ महोत्तरी शाखाकी अध्यक्ष सुनिता बराललाई नगद सहित सम्मान पत्रले सम्मानीत गरिएको थियाे भने नेपालकै एक मात्र भोजपुरी भाषामा प्रकाशित हुने पत्रिका भोजपुरी टाईम्सका अजय चौरसियालाई पनि सम्मान गरीएको थियाे ।

यसैगरी वीरगंज उद्योग वाणिज्य संघका अध्यक्ष डा .सुबोध कुमार गुप्ता, किरण आँखा अस्पतालका डाक्टर अमर क्याल, नेशनल प्याब्सन पर्साका अध्यक्ष रामराज श्रेष्ठ, होटल व्यवसायी कुबेर कार्की, सतिस वर्णवाल, कमला भण्डारी लगायतलाई पनि कदर पत्रसहित सम्मानित गरिएको थियाे । 

कार्यक्रममा नेपाल पत्रकार महासंघका केन्द्रिय सचिव दिपेन्द्र चौहान, सदस्य केसी लामिछाने, मधेश प्रदेशका महासचिव श्याम बञ्जारा, पर्साका उपाध्यक्ष युवराज खड्का, पोखरीया नगरपालिकाकी पुर्व उप मेयर सलमा खातुन, वीरगंज महानगरपालिकाकी पुर्व उप मेयर शान्ति कार्की, नेपाली काँग्रेसकी नेतृ शुष्मा तिवार, रम्भा मिश्रा लगायतको उपस्थिती रहेको थियो । 

गीता भण्डारीले स्वागत मन्तव्य व्यक्त गरेको कार्यक्रममा तुलसी भण्डारीले संस्थाको उद्देश्यबारे प्रकाश पारेका थिए । कार्यक्रमको सहजीकरण पत्रकार लक्ष्मी खरेलले गरेकी थिइन् ।