Date
मङ्ल, मंसिर १, २०८३
Tue, November 17, 2026
Home Blog Page 638

नेपाल भारतका सुरक्षाकर्मीहरुद्वारा सिमामा संयुक्त गस्ती

0

वीरगंज । नेपाल भारत सीमा क्षेत्रमा दुवै देशका सुरक्षाकर्मीहरुले संयुक्त गस्ती गरेका छन् । मंसिर ४ गते हुने प्रतिनिधिसभा तथा प्रदेश सभा सदस्य निर्वाचनलाई लक्षित गरेर संयुक्त गस्ती गरिएको हो ।

निर्वाचन लक्षित सुरक्षा योजना अन्तर्गत नेपाल र भारतका सुरक्षा निकायहरुबाट संयुक्त गस्ती गरिएको नेपाल तर्फको सीमा सुरक्षाका लागि खटिएको सशस्त्र प्रहरी बलले जनाएको छ । गस्ती टोलीले सीमा स्तम्भहरुको स्थिति बुझ्नुको साथै सिमा क्षेत्रको अनुगमन गरेका थिए ।

निर्वाचनको समयमा सीमा क्षेत्रमा देखिने समस्या समाधानमा एक अर्काबीच समन्वय र सहकार्यका साथ काम गर्ने सहमति यसअघि नै दुवै देशको सीमा क्षेत्रमा सुरक्षा निकायको नेतृत्व गर्दै आएका अधिकारीहरुबीच नियमित हुने बैठकमा भइसकेको छ ।

जङ्गे पिलर न. ३९०/१ देखि पिलर न. ३९०–२२ हुँदै ३९०/३३ सम्मका पिलरहरुको संयुक्त निरीक्षण गरिएको वडा प्रहरी कार्यालय विर्ताका प्रहरी निरीक्षक विशाल मल्लले जानकारी दिए ।

नेपाल तर्फबाट सशस्त्र प्रहरी निरीक्षक रविन्द्र भट्ट समेत २० जना र भारतीय पक्षबाट एसएसबीका सिमा निरीक्षक सुशिल कुमारको नेतृत्वमा १० जना गरी ३० जनाको टोलीले संयुक्त गस्ती गरको थियो ।

पर्सागढी ५ मा पनि कांग्रेसकाे भेला, राजेशवर साहलाई नै उम्मेदवार बनाउन माग गर्ने निर्णय

0

वीरगंज । पर्साकाे निर्वाचन क्षेत्र नं. २ काे (क) अन्तर्गत गर्ने पर्सागढी नगरपालिकाकाे वडा नं. ५ पचरुखीमा बिहिबार नेपाली कांग्रेसकाे वडा भेला सम्पन्न भएकाे छ । 

वडा समितिका सभापति अनवर आलमकाे सभापतित्वमा भएकाे भेलामा सहभागिहरुले प्रदेश सभा सदस्य (विधायक) राजेश्वर साहकाे कार्यकालमा भएकाे कामकाे प्रशंसा गर्दै पुन: उनलाई नै पार्टीले टिकट दिनु पर्ने माग गरेका छन् । वडा भेलाले सर्वसहमती माइनट नै गर्दै सांसद साहले आफ्नाे कार्यकालमा राम्राे काम गरेका कारण पुन: मंसिर ४ गते हुने निर्वाचनमा उनलाई नै पार्टीले टिकट दिनु पर्ने निर्णय गरेका हुन् ।

यस अघि वीरगंज महानगरपालिकाकाे वडा नं. २७ र २८ मा पनि भएकाे कांग्रेसकाे वडा भेलाले सांसद साहलाई नै पुन: पार्टीले उम्मेदवार बनाउनु पर्ने माग गर्ने निर्णय गरिसकेका छन् । पार्टीले गठबन्धनकाे नाम जितेकाे प्रदेश सभा क्षेत्र अन्य दललाई दिए पार्टीले ठूलाे क्षति भाेग्नु पर्ने उनीहरुले चेतावनी समेत छ ।

पंचरुखिमा भएकाे भेलामा बाेल्ने स्थानिय नेता तथा कार्यकर्ताहरुले पनि गठबन्धनकाे नाममा जितेकाे क्षेत्र अरु दललाई दिए पार्टी ठूलाे क्षति हुने वताए । उनीहरुले क्षेत्र नं. २ काे (क) मा राजेश्वर साहकाे विकल्प नरहेकाे वताउँदै उनलाई पुन: उम्मेदवार बनाउन जाेडदार रुपमा माग समेत गरे । राजेश्वर साहलाई उम्मेदवार नबनाएकाे खण्डमा अरु दलका उम्मेदवारलाई आफूहरुले मतदान नगर्ने उनीहरुले चेतावनी समेत दिए । 

भेलाकाे प्रमुख अतिथी समेत रहेका प्रदेश सभा सदस्य राजेश साहले आफुलाई जनताले प्रदेश सभा सदस्यमा विजयी गराएर सांसद बनाएका कारण पुन: आफु जनता माझ आएकाे वताए । उनले बाहिर जस्ताे सुकै हला चले पनि आफूलाई तपाईहरुले दिएकाे सल्लाह सुझाव अनुसार अगाडी बढने वताए ।

भेलामा वीरगंज महानगरपालिकाका वडा नं. २७ का वडाध्यक्ष हृदयनारायण कुर्मी, कांग्रेसका प्रदेश प्रतिनिधि महिन्द्र महताे, क्षेत्रिय प्रतिनिधि मुन्ना तिवारी, वीरगंज २८ का उपसभापति छठु पटेल, पर्सागढी ७ का सभापति शम्भु पटेल, पर्सागढी ५ का उप सभापति देवकी साह लगायत वडा अन्तर्गतका क्षेत्रिय प्रतिनिधि, वडा समितिका पदाधिकारी, सदस्यहरु, क्रियाशिल सदस्यहरु र स्थानिय नेता तथा  कार्यकर्ताहरुकाे उपस्थिती रहेकाे थियाे ।

नि:शुल्क रगत उपलब्ध गराउन परवानिपुर गापाद्वारा रेडक्रससंग सम्झौता

0

वीरगंज । बाराको परवानीपुर गाउँपालिकाले जनतालाई नि:शुल्क रगत उपलब्ध गराउने भएको छ । गाउँपालिका स्तरिय बार्षिक योजना अन्तर्गत गाउँपालिका अन्तर्गतका बिरामीहरुलाई आवश्यक पर्ने रगत नि:शुल्क उपलब्ध गराउन नेपाल रेडक्रस सोसाईटी पर्सा शाखासँग सम्झौता भएको छ ।

गाउँपालिका अध्यक्ष रामक्षेत्री प्रसाद कुर्मी र उपाध्यक्ष सुगान्धी देवी कनुइनको रोहवरमा भएको सम्झौतामा पालिकाको तर्फबाट प्रमुख प्रशासकिय अधिकृत मुन्ना साह रौनियार र रेडक्रस पर्साको तर्फबाट सभापति विरेन्द्र राज कँडेलले हस्ताक्षर गरेका छन् ।

सम्झौता पत्रमा बिरामी अवस्थामा उपचारको क्रममा डाक्टरको सिफारिसमा रगत आवश्यक हुंदा पालिकाको बासिन्दा प्रमाणित हुने परिचय पत्रको आधारमा र कर्मचारीको हकमा पालिकाको सिफारिसको आधारमा रक्तसंचार केन्द्रले नि:शुल्क रगत उपलब्ध गराउनु पर्ने छ । सो वापत लाग्ने प्रती युनिट रु १०५० शुल्क गाउँपालिकाले उपलब्ध गराउनु पर्नेछ ।

सम्झौताको क्रममा सभापति विरेन्द्र राज कँडेलले पालिकाका अध्यक्ष र प्रमुख प्रशासकिय अधिकृतलाई रेडक्रसले विपद, स्वास्थ्य एवं सामाजिक विकासका क्षेत्रमा समन्वय गरेर अगाडि बढ्न सकिने बताए । साथै रेडक्रसले निर्माण गर्न लागेको आधुनिक रक्तसंचार केन्द्र भवनका लागि सहयोग गर्न अनुरोध गर्नु भएकोमा पालिका अध्यक्ष र उपाध्यक्षले रक्तसंचार केन्द्र भवनका लागि सहयोग गर्ने प्रतिबद्धता जनाए ।

सम्झौता हस्तान्तरण कार्यक्रममा रेडक्रस मधेश प्रदेशका अध्यक्ष फूलमहम्मद मियाँ, रेडक्रस महोत्तरीको सभापति दिपक मिश्र, रेडक्रस पर्साको कोषाध्यक्ष महन्त प्रसाद यादव, उमेश गुप्ता लागायतको उपस्थिति रहेको थियो ।

रेडक्रस मधेश प्रदेशको अध्यक्षमा पुन: मियाँ निर्वाचित

0

वीरगंज ।  नेपाल रेडक्रस सोसाइटी मधेश प्रदेशको अध्यक्षमा पुनः फूलमहम्मद मियाँ निर्विरोध निर्वाचित भएका छन् ।

मियाँको अध्यक्षतामा १२ सदस्यीय प्रदेश समिती निर्विरोध निर्वाचित भएका छन् । जुन समितिको उपाध्यक्षमा मुन्नी मिश्र, महासचिवमा दिब्यनाथ श्रेष्ठ, कोषाध्यक्षमा भुवनी गिरी श्रेष्ठ, उपमहासचिवमा अजय कुमार राय यादव, उपकोषाध्यक्षमा सल्लाउद्दिन अहमद निर्वाचित भएका छन् । 

त्यस्तै महिला सदस्यमा रुपा अधिकारी चौधरी र मञ्जु कुमारी निर्वाचित भएकी छिन् भने सदस्यहरुमा चन्देश्वर मण्डल, भवेन्द्र प्रसाद यादव, रामअधार राय यादव र जगदिश प्रसाद अर्याल निर्वाचित भएका छन् । 

मतदाता नामावली अद्यावधिक सम्बन्धि अन्तरक्रिया सम्पन्न

0
वीरगंज । जिल्ला निर्वाचन कार्यालय पर्साकाे आयाेजनामा बुधबार मतदाता नामावली अद्यावधिक (दाबी विरोध समेत) अन्तरक्रिया कार्यक्रम सम्पन्न भएकाे छ । मंसीर ४ गते हुने प्रतिनिधि सभा र प्रदेश सभा सदस्य निर्वाचनकाे तयारी अन्तर्गत जिल्ला स्तरिय अन्तरक्रिया कार्यक्रम सम्पन्न भएकाे हाे ।
 
कार्यक्रममा एक प्रस्तुती गर्दै जिल्ला निर्वाचन कार्यालय पर्साका प्रमुख रन्जिता झाले पर्सामा ९ हजार ४५४ जना मतदाता थपिएकाे वताइन । उनले ४ हजार १२१ जना महिला र ५ हजार ३३३ जना पुरुष गरी ९ हजार ४५४ जना मतदाता थपिएका वताइन ।
 
स्थानीय तहको निर्वाचनपछि असार १ गतेदेखि साउन १९ गतेसम्म भएको मतदाता नामावली संकलनका क्रममा उनीहरुले फोटो सहितको मतदाता नामावलीमा नाम दर्ता गराएको प्रमुख झाले जानकारी गराइन  ।
 

उनका अनुसार जिल्ला प्रशासन कार्यालय पर्सामा ५ हजार २० जना, जिल्ला निर्वाचन कार्यालय पर्सामा ३ हजार ४११ जना र ईलाका प्रशासन कार्यालय सुपौलीमा १ हजार २३ जनाले मतदाता नामावलीमा नाम दर्ता गराएका थिए ।

योसँगै पर्साको कुल मतदाता संख्या ३ लाख ४९ हजार ३२३ पुगेको छ । जसमा १ लाख ५२ हजार ३९७ महिला र १६ जना अन्य छन् ।

मंसिर ४ गते हुने प्रदेश सभा र प्रतिनिधि सभा निर्वाचनकाे लागि मतदाता नामावली अद्यावधिक (दावी विरोध समेत) को कार्यक्रम भदाै १२ गतेदेखी सुरु गर्न लागिएकाे हाे । दाबी विरोध प्रत्येक सम्बन्धित वडाबाट गर्न सकिने जिल्ला निर्वाचन कार्यालय पर्साले जनाएकाे छ ।

 वीरगंज महानगरपालिका कार्यालयकाे बैठक कक्षमा भएकाे कार्यक्रममा पोखरिया नगरपालिकाका मेयर प्रदूमन चौहान, जगरनाथपुर गाउँपालिकाका अध्यक्ष श्रीकान्त प्रसाद यादव,  कालिकामाई गाउँपालिकाका अध्यक्ष वशिष्ठ गूप्ता, धोविनी गाउँपालिकाका अध्यक्ष मदन चौहान, पटेर्वा सुगाैली गाउँपालिकाका अध्यक्ष दिनेश चौधरी, पर्सागढी नगरपालिकाका अध्यक्ष गोकर्ण पाठक, प्रमुख जिल्ला अधिकारी उमेश कुमार ढकाल लगायतकाे सहभागिता रहेकाे थियाे ।

माेटरसाइक दुर्घटनामा वीरगंजका बिष्टकाे मृत्यु

0

वीरगंज । पर्साकाे ठोरी गाउँपालिका वडा नं. ४ स्थित भित्री सडक खण्डको सिकारी बाँस पुल नजिक बुधबार सवारी दुर्घटना हुँदा एक जनाकाे मृत्यु भएकाे छ ।

प्रदेश २-०३-०११ प १४८४ नम्बरको मोटरसाईकल बुधबार दिउसाे ४:३० बजे आफै अनियन्त्रित भई दुर्घटना हुँदा माेटरसाइकल चालक वीरगंज महानगरपालिकाकाे वडा नं. २ बस्ने वर्ष ४५ को जगदिप बिष्टकाे मृत्यु भएकाे जिल्ला प्रहरी कार्यालय पर्साले जनाएकाे छ ।

दुर्घटना भएर मृत्यु भएकाे सूचनाको आधारमा ईलाका प्रहरी कार्यालय ठोरीका प्रहरी निरिक्षक शंकर श्रेष्ठको कमाण्डमा ट्राफिक प्रहरी सहितको अनुसन्धान अधिकृतको टोली घटनास्थलमा पुगी हेर्दा बिष्टको उल्लेखित स्थानमा सडक दुर्घटनाबाट मृत्यु भैसकेको पाएको प्रहरीले जनाएकाे छ ।

घटनास्थल तथा लास जाँच प्रकृती मुचुल्का लगायतको अनुसन्धान कार्य जारी रहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए । मृतक बिष्ट वीरगंज महमानगरपालिका वडा नं. ९ का कर्मचारी रहेकाे वताइएकाे छ ।

उदयपुरघुर्मीमा कांग्रेसकाे वडा स्तरिय छलफल, राजेश्वर साहकाे विकल्प नरहेकाे भनाई

0

आनन्द पटेल/
परवानीपुर । वीरगंज महानगरपालिकाकाे वडा नं. २७ उदयपुरघुर्मिमा बुधबार नेपाली कांग्रेसकाे वडा स्तरिय कार्यकर्ता भेटघाट तथा चुनावी छलफल कार्यक्रम सम्पन्न भएको छ ।

वडाध्यक्ष हृदयनारायण कुर्मीको अध्यक्षतामा भएको कार्यक्रममा सहभागिहरुले प्रदेश सभा सदस्य राजेश्वर साहले आफ्नाे कार्यकालमा गरेकाे कामकाे सराहना गर्दै पुन: उनलाई नै पार्टीले टिकट दिनु पर्ने वताएका छन् । पार्टीले पुन: साहलाई उम्मेदवार नबनाए पार्टी परित्यागदेखि अरु उम्मेदवारलाई मतदान नगर्ने सम्म उनीहरुकाे चेतावनी छ ।

गठबन्धनकाे नाममा कांग्रेसले जितेकाे प्रदेश सभाकाे क्षेत्र अन्य दललाई दिएर अरु क्षेत्र आफ्नाे भाग लिने सम्मकाे चलखेल भइरहेकाे वताउँदै त्यसलाई सफल हुन नदिने उनीहरुले वताए ।

कार्यक्रममा वाेल्ने वक्ताहरुले प्रदेश सभा सदस्य साहले आफ्नाे कार्यकालमा राम्राे काम गरेर पार्टीकाे नाम समेत गरेकाे वताए । त्यही कारणले पार्टीले पुन: उनलाई नै उम्मेदवार बनाउनु पर्ने वताए । जनचहाना विपरित अरुलाई उम्मेदवार बनाइए पार्टीले ठूलाे क्षति भाेग्नु पर्ने उनीहरुले चेतावनी समेत दिए ।

पर्सा  निर्वाचन क्षेत्र नं. २ काे (क) राजेश्वर साह बाहेक अरु कसैले टिकट दिए त्यो आफूहरुले मान्य नहुने र त्यसको लागि आफूहरु जे पनि गर्न सक्ने वताए । 

कार्यक्रमका प्रमुख अतिथी प्रदेश सभा सदस्य राजेश्वर साहले कार्यकर्ताको गुनासो र आफूले यस क्षेत्रमा गरेको कामको समीक्षा गर्न आएको बताए । उनले आगामी प्रदेश र प्रतिनिधि सभाको निर्वाचनमा पार्टीलाई सत प्रतिशत जीत सुनिश्चित गर्न ठाेस योजना बनाएर निर्वाचनको तयारीमा जुटन कार्यकर्तालाई निर्देशन समेत दिए ।

कार्यक्रममा कांग्रेसका वडा समितिका उप सभापति राजदेव यादव, बलिराम यादव स्थानिय नेता एवम् वडा सदस्य संदिप साह, प्रमाेद कुशवाहा, राधिका देवी, रमावती देवी लगायत क्षेत्रिय प्रतिनिधि, वडा समितिका पदाधिकारी, सदस्य एवम् क्रियाशिल सदस्यहरुकाे उपस्थिती रहेकाे थियाे । 

पर्सामा एमाले बलियो हुँदै, पुर्व जनप्रतिनिधिहरुले गरे प्रबेश

0

वीरगंज । पर्सा निर्वाचन क्षेत्र नं. ३ को विभिन्न पालिकाका पुर्व अध्यक्ष र उपाध्यक्षहरु नेकपा एमालेमा प्रवेश गरेका छन् ।

पकाहा मैनपुर गाँउपालिकाका पुर्व अध्यक्ष विजय चौरसीया , विन्दवासीनी गाँउपालिकाका पूर्व अध्यक्ष श्रीलाल साह मोदी र उपाध्यक्ष किरण देवी गुप्ता लगायतकाहरु एमालेमा प्रवेश गरेका हुन् ।

२०७४ को स्थानीय तहको निर्वाचनमा चौरसीया तत्कालीन संघीय समाजवादी फोरम (हालको जसपा) बाट, मोदी पनि तत्कालीन संघीय समाजवादी फोरम (हालको जसपा) बाट पालिका अध्यक्षमा र गुप्ता भने काँग्रेसबाट उपाध्यक्षमा निर्वाचित भएका थिए ।२०७९ बैशाख ३० मा भएको स्थानीय तहको निर्वाचनमा तीनै जनालाइ उनिहरुको पार्टीले उम्मेदवार बनाएकाो थियो । तर उनिहरु पराजित भएका थिए ।

पाकाहा मैनपुर गाँउपालिका वडा नम्बर ३ का पूर्व वडा अध्यक्ष मदन साह कानु पनि एमालेमा प्रवेश गरेका छन् । उनि २०७४ को निर्वाचनमा तत्कालीन संघीय समाजवादी फोरम (हालको जसपा) बाट निर्वााचित भएपनि गत बैशाख ३० गते भएकाो निर्वाचनमा भने जसपाबाट उम्मेदवार बने पनि पराजित भएका थिए । यस्तै, बैशाख ३० कोे निर्वाचनममा नेपाल सुशासन पार्टीको तर्फबाट पाकाहा मैनपुर गाँउपालिकाको उपाध्यक्षमा उमेदवार बनेर पराजित भएकी अध्ययादेवी मेहता पनि एमालेमा प्रवेश गरेकी छन् ।

यस्तै सखुवा प्रसौनी गाँउपालिकाका काँग्रेस नेता नीर गिरि पनि एमालेमा प्रवेश गरेका छन् । यस्तै पर्साको कालिकामाइ गाँउपालिकाका जसपा नेता वकिल मियाँ, छोटेलाल चौरसीया , दिनेश चौरसीया, दिनानाथ साह लगायत पनि एमालेमा प्रवेश गरेका छन् ।

मङगलबार काठमाण्डौ स्थित एमालेको पार्टी कार्यालयमा आयाोजित कार्यक्रममा उनिहरुलाइ एमाले अध्यक्ष केपी शर्मा ओलीले गम्छा ओढाएर पार्टीमा स्वागत गरेका हुन् ।
त्यस अवसरममा नेकपा एमालेका नेता प्रभु साह, केन्द्रिय सदस्यहरु राज कुमार गुप्ता, प्रभु हजरा, विचारी यादव, पर्सा अध्यक्ष जयप्रकाश थारु, जालिम मिया लगायतको पनि उपस्थिति रहेको थियो ।

दुई पुर्व गाउँपालिका अध्यक्षसहित सय जना एमाले प्रवेश गर्दै

0

वीरगंज । पर्सा निर्वाचन क्षेत्र नं. ३ अन्तर्गत पर्ने विभिन्न पालिकाका एक सय जना भन्दा बढी नेता कार्यकर्ता एमाले प्रवेश गर्न काठमाडौं पुगेका छन् ।

पार्टी कार्यालय च्यासलमा एमालेले स्थायी कमिटी बैठकपश्चात् पार्टी प्रवेश गराउने भएका छन् ।

पकाहा मैनपुर गाउँपालिका पूर्व अध्यक्ष जसपाका विजय चौरसिया, पकहा मैनपुरकै ३ नम्बरका पूर्व वडाध्यक्ष मदन साह कानु, बिन्दबासिनी गाउँपालिका पूर्वअध्यक्ष जसपाका श्रीलाल साह कानु (मोदी), बिन्दबासिनी कै पूर्व उप प्रमुख कांग्रेसकी किरणदेवी गुप्ता लगायतकाले पार्टी प्रवेश गर्न लागेका हुन् ।
 
यस्तै, नेपाल सुशासन पार्टीको तर्फबाट उपाध्यक्ष उमेदवार श्रीमती अदायादेवी मेहता लगायत २०० जना कांग्रेस, एकीकृत सामाजवादी, जसपा र नेपाल सुशासन पार्टीका नेता कार्यकर्ता एमाले प्रवेश गर्न लागेको वताईएको छ ।