Date
मङ्ल, मंसिर १, २०८३
Tue, November 17, 2026
Home Blog Page 625

पालिकाकाे तथ्यांक व्यवस्थित गर्न डाटा म्यानेजमेन्ट तालिम

0

वीरगंज । किशाेरी सशक्तिकरणका शिक्षा कार्यक्रम अन्तर्गत ३ दिने डाटा म्यानेजमेन्ट तालिम शुक्रबारदेखि वीरगंजमा सुरु भएकाे छ । दिब्य युवा क्लब पर्सा, भिएसाे नेपाल र हेन्डिकैप इन्टरनेशनलकाे संयुक्त आयाेजनामा संचालित कार्यक्रम अन्तर्गत तालिम आयाेजना गरिएकाे परियाेजना संयाेजक गणेश ठकुरीले जानकारी दिए । 

गाउँपालिकामा भएको तथ्यांकलाई ब्यवस्तित गर्न तालिम आयोजना गरिएको उनले वताए । कार्यक्रम संचालन रहेकाे धाेबिनी गाउँपालिका र जगरनाथपुर गाउँपालिकाका शिक्षा शाखा प्रमुख, स्वास्थ्य शाखा प्रमुख, तथ्यांक अधिकृत लगायतकाे लागि तालिम आयाेजना गरिएकाे परियाेजना संयाेजक ठकुरीले वताए ।

तालिमकाे उद्घाटन सत्रलाई सम्बाेधन गर्दै शिक्षा बिकास एकाई पर्साका प्रमुख फत्त बहादुर श्रेष्ठले कुनै पनि कार्यक्रम सफल नहुनुको कारण तथ्यांक नहुनु भएकाे वताए । उनले सबै कार्यक्रमको सफलताको प्रतीक भनेको तथ्यांक नै भएको वताउँदै तथ्याङ ब्यवस्थित गर्न धेरै जरुरी रहेकाे वताए ।

एकाई प्रखुख श्रेष्ठले तालिमले गाउँपालिकाहरुमा अव्यवस्थित रहेकाे तथ्यांक एकीकृत र व्यस्थित गर्न सहयाेग पुग्ने बिश्वास समेत व्यक्त गरे ।

दिब्य युवा क्लबका अध्यक्ष उमेश चौहानले ग्रामीण क्षेत्रमा रहेका विद्यालयहरुकाे गुणस्तर राम्रो नभएको वताए । उनले ती विद्यालयमा भएका समस्याको तथ्यांक नभईदिएका कारण काम गर्न ग्राहो भएको वताए । तथ्यांक नभए खण्डमा याेजना बनाउन र काम गर्न ग्राहाे हुने भएकाेले डाटा म्यानेजमेन्ट तालिमकाे आयाेजना गरिएकाे अध्यक्ष चाैहानले वताए ।

३ दिन सम्म चल्ने तालिममा डाटा एनलिष्ट सनिश गाेपाली र बासुदेव कर्णले प्रशिक्षण दिइरहेका छन् । 

तेली समाजकाे केन्द्रिय अध्यक्षमा पर्साका विश्वनाथ साह

0

वीरगंज । तेली कल्याण समाज नेपालकाे केन्द्रीय अध्यक्षमा पर्साका विश्वनाथ साह चयन भएका छन् । वीरगंजस्थित नगर सभा गृहमा बिहिबार अबेर राति सम्पन्न तेस्राे महाधिवेशनकाे बन्द सत्रले विश्वनाथ साहकाे अध्यक्षतामा १७ सदस्यीय नयाँ केन्द्रिय समिति सर्वसहमत चयन गरेकाे हाे ।

समाजकाे केन्द्रीय वरिष्ठ उपाध्यक्षमा उम्देश्वर साह, उपाध्यक्षमा कपिलदेव साह, जगन्नाथ प्रसाद साह, नेपाली साह, महिला उपाध्यक्षमा निलम साह, महासचिवमा सत्यनारायण साह, सचिवमा दिलिपचन्द्र साह र काेषाध्यक्षमा डा. साेनेलाल साह निर्विराेध निर्वाचित भएकाे निर्वाचन समितिका संयाेजक अरविन्द साहले जानकारी दिए ।

समाजकाे केन्द्रीय सदस्यमा बाराका जाेगिन्द्र साह, राैतहटका रमानन्द साह, नवल साह, दाङका रामलक्ष्मण साह, माेरगंका नरेन्द्र प्रसाद साह, महिला सदस्यमा महाेत्तरीकी शाेभा साह, सर्लाहीकी सुनिता देवी साह र सप्तरीकी सुमिता कुमारी साह सर्वसहमत चयन भएकाे समाजका पर्सा अध्यक्ष ध्रुब साहले जानकारी दिए ।

समाजका नवनिर्वाचित केन्द्रिय कार्य समितिले शुक्रबार वीरगंज मै पत्रकार सम्मेलन गर्दै वीरगंजमा जारी दुई दिने केन्द्रिय महाधिवेशन भव्य रुपमा सम्पन्न भएकाे जनाएकाे छ ।

नेपाल पत्रकार महासंघ पर्साकाे सभाहलमा भएकाे पत्रकार सम्मेलनमा वाेल्दै नवनिर्वाचित अध्यक्ष विश्वनाथ साहले हजाराैंकाे सहभागितामा तेस्राे केन्द्रिय महाधिवेशन वीरगंजमा भव्य रुपमा सम्पन्न भएकाे वताए । उनले तेली समाजकाे जनसंख्याकाे अधारमा हरेक निकायमा समानुपातिक समावेशिता हुनु पर्ने वताए ।

रानिघाटमा रहेकाे मानव सेवा आश्रम श्रीसियामा सारिदै

0

वीरग‌ंज । वीरगंज महानगरपालिकाकाे वडा नं. ९ रानिघाटमा रहेकाे मानव सेवा आश्रम अर्काे ठाउँमा सर्ने भएकाे छ । मानव सेवा आश्रमले बिहिबार आश्रम मै पत्रकार सम्मेलनकाे आयाेजना गरी रानिघाटस्थित रहेकाे आश्रम वीरगंज महानगरपालिका कै वडा नं. २५ श्रीसियामा सार्न लागिएकाे जानकारी गराएकाे हाे । 

मानव सेवा आश्रमकाे लागि श्रीसियामा उपल्ब भएकाे भवनमा आश्रममा रहेकाहरुलाई असाेज १० गते घटस्थापनाकाे दिन सार्न लागिएकाे मानव सेवा आश्रम वीरगंजकी सानु गुरुङले वताइन । हाल आश्रममा ५० जना रहेकाे वताउँदै रानिघाटस्थित भवनमा सेवा दिन ग्राहाे भइरहेकाेले नयाँ भवनमा सार्न लागिएकाे उनले जानकारी गराइन ।

पत्रकार सम्मेलनमा वाेल्दै गुरुङले दशै, तिहार एवं छठ पर्वको बेला अझै थप्न सकिने भएकोले सेवा सहज होस भनी रानिघाटबाट नयाँ भवन श्रीसियामा सार्न लागिएकाे वताइन ।

रानिघाटस्थित भाडाकाे भवनमा रहेकाे आश्रम निशुल्क रुपमा श्रीसिया उपल्ध भएकाे १८ काेठे सुविधा सम्पन्न भवनमा सार्न लागिएकाे मानव सेवा आश्रमका दिवेश गुप्ताले वताए । उनले यहाँ भन्दा त्याँहा प्रयाप्त, फराकिलाे र सुविधा सम्पन्न ठाउँ भएकाे सार्न लागिएकाे वताए । 

प्रदेश सभा सदस्य रमेश कुर्मीकाे संसदिय काेषबाट निर्माण भएकाे भवनमा आश्रमकाे आफ्नाे भवन नबन्नुजेल सम्मकाे लागि सार्न लागिएकाे वताइएकाे छ । 

रामवनमा मन्त्री यादवद्वारा चिडियाखानाको शिलान्यास

0

वीरगंज । वीरगंज महानगरपालिकाकाे वडा नं. ३२ रामवनमा पर्सा प्राणी उद्यान (चिडियाखाना)को शिलान्यास गरिएको छ । संघ सरकारकाे वन तथा वातावरण मन्त्री प्रदीप यादवले चिडियाखानाकाे शिलान्यास गरेका हुन्।

चिडियाखानाको शिलान्यास गर्दै मन्त्री यादवले एक अर्बभन्दा बढीको लागतमा चिडियाखाना स्थापना हुन लागेको बताए । चिडियाखाना पर्सा जिल्ला र समग्र मधेस प्रदेशको एक प्रमुख पर्यटकीयस्थल बन्ने उल्लेख गर्दै उनले यसले यहाँको विकास र समृद्धिका लागि पनि महत्वपूर्ण भूमिका खेल्ने विश्वास व्यक्त गरे ।

चिडियाखाना बनेपछि काठमाडौं, पोखरा लगायत नेपालको विभिन्न कुनाका साथै भारतीय र विदेशी पर्यटक समेत वीरगंजमा आउने दावी वन मन्त्री यादवको छ । मन्त्री यादवले पर्सामा नै चिडियाखाना भईदिए हुन्थ्यो भन्ने बाल्यकालको कल्पना पुरा गर्ने अवसर मिलेको बताए ।

‘एसएलसी पछि काठमाडौं घुम्न गएका थियौं, टिकट काटेर जाउलाखेलको चिडियाखाना भित्र पस्यौं । त्यहि बेला वीरगंजमा पनि चिडियाखना भइदिए हुन्थ्यो भन्ने कल्पना गरेको थिए । आज आफैंले शिलान्यास गर्ने अवसर मिल्यो’, मन्त्री यादवले भने ।

उनले मन्त्री बनेदेखि आफूले घोषणा गरे अनुसार प्रदेशकै पहिलो चिडियाखाना (पर्सा प्राणी उद्यान) स्थापना गरेको बताए ।

बिल बिजक भन्दा बढीकाे सामानहरू लोड रहेका ट्रक पक्राउ

0

वीरगंज । बिल विजक भन्दा बढी बिभिन्न किसिमका हार्डवेयर तथा खुद्रा सामानहरू बोकेको ट्रक प्रहरीले नियन्त्रणमा लिएकाे छ ।वडा प्रहरी कार्यालय विर्ताबाट खटिएको टोलीले बुधबार राती ना ५ ख ४८३१ नम्बरको मालवाहक ट्रक नियन्त्रणमा लिएकाे हाे ।

वीरगंज महानगरपालिकाकाे वडा नं. १० ग्रिनसिटी चोकस्थित सडकखण्डमा ना ५ ख ४८३१ नम्बरको मालवाहक ट्रकलाई रोकी चेकजाँच गर्ने क्रममा श्री भैरव ट्रासपोर्टबाट पठाईएको ट्रकमा विल बिजक संकास्पद देखिएको तथा विल बिजक बिनाका विभिन्न किसिमका हार्डवेयर तथा खुद्रा सामानहरू समेत फेला परेको जिल्ला प्रहरी कार्यालय पर्साले जनाएकाे छ ।

 उक्त ट्रक नियन्त्रणमा लिई रू. एक करोड १८ लाख ७६ हजार ६ सय एकानव्वे मूल्याङ्कन गरी आवश्यक कारवाहीको लागि बिहिबार राजश्व अनुसन्धान कार्यालय पथलैया, बारामा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

गुणस्तरहिन घ्यू उत्पादन गर्ने बाराकाे दुई उद्याेगमा सिलबन्दी

0

वीरगंज । गुणस्तरहिन ध्यु उत्पादन गर्ने बाराकाे दुई उद्याेगमा सिलबन्दी गरिएकाे छ ।  बाराकाे फेटा गाउँपालिका वडा नं.२ जगतपुर टोलमा संचालित गहवामाई वेकरी सटिङ्ग रिपिरिङ्ग उद्योग र जय माँ लक्ष्मी डेरी उद्योगमा शिलबन्दी गरिएकाे जिल्ला प्रहरी कार्यालय बाराले जनाएकाे छ ।

सिलबन्दी गरिएकाे उद्याेगहरुबाट तयारी ध्यु ११६१ लिटर, बेकरी १६०० लिटर र कच्चा पदार्थ १५० लिटर बरामद समेत गरिएकाे प्रहरीले जनाएकाे छ ।

बुधबार दिउँसो गुणस्तरहिन घ्यू उत्पादन भईरहेको भन्ने प्राप्त सूचनाको आधारमा जिल्ला प्रशासन कार्यालय, बारा, खाध प्रविधि तथा गुण नियन्त्रण डिभिजन कार्यालय पर्सा, उपभोक्ता संरक्षण मञ्च नेपालका प्रतिनिधि र जिल्ला प्रहरी कार्यालय बाराका सिनियर प्रहरी अधिकृत समेतकाे सहभागितामा खटिएको संयुक्त अगुमन टोलीले दुबै उद्योगमा शिलबन्दी गरेकाे हाे ।

उद्याेगमा अनुगमन गर्दा उक्त उद्योगमा रहेको उत्पादित विभिन्न ब्राण्डका तयारी घ्यू तथा कच्चा पदार्थ पाइएको हुँदा स्थानिय प्रतिनिधि समेतको रोहबरमा निम्न उल्लेखित परिमाणमा उत्पादित तयारी तथा कच्चा पदार्थ सहित उद्योगमा सिलबन्दी गरी थप अनुसन्धान कार्य अगाडी बढाइएको जिल्ला प्रहरी कार्यालय बाराका अपराध अनुसन्धान शाखाले जनाएकाे छ ।

सिलबन्दी गरिएकाे उद्याेगबाट गोकुल लेखिएको ५०० ग्रामको १२७७ बट्टा (६३८.५ लिटर), सोल्टी लेखिएको ५०० ग्रामको ४५९ बट्टा (२२९.५ लिटर), रोयल लेखिएको ५०० ग्रामको ५५० बट्टा (२७५ लिटर), माँ लक्ष्मी लेखिएको १ लि.को १८ बट्टा (१८ लिटर) र साेर्टेनी लेखिएको ८० कार्टुन बेकरी ( १६०० लिटर) तयारी तथा कच्चा पदार्थ बरामद भएकाे छ ।

यसैगरी घ्यू तयारको लागि राखिएको प्रति ५० लिटर भएको ३ ड्रम कच्चा पदार्थ १५० लिटर समेत बरामद भएकाे प्रहरीले जानकारी दिएकाे छ ।

पकहा मैनपुरमा विमा समितिकाे अन्तरक्रिया सम्पन्न

0

वीरगंज । पर्साकाे पकहा मैनपुर गाउँपालिकामा विमा समिति वीरगंजकाे आयाेजनामा अन्तरक्रिया कार्यक्रम सम्पन्न भएकाे छ । कार्यक्रममा वाेल्ने वक्ताहरुले विमाकाे पहुँच ग्रामिण भेग सम्म पुर्याउनु पर्ने वताए ।

कार्यक्रममा वाेल्दै पकहा मैनपुर गाउँपालिकाका अध्यक्ष मेहताले वीरगंज बसेर स्थानियकाे समस्या समाधान नहुने वताउँदै गाउँमा पुगेर विपन समुदायकाे विमाकाे पहुँच पुर्याउनु पर्ने वताए ।

मधेश प्रदेश विमा समितिका प्रमुख कुशुम शर्माकाे अध्यक्षता र गाउँपालिका अध्यक्ष सुरेश मेहताकाे प्रमुख आतिथ्यतामा कार्यक्रम भएकाे थियाे । 

कार्यक्रममा पकहा मैनपुर गाउँपालिकाकी उपाध्यक्ष सहनाज खातुन, प्रमुख प्रशासकिय अधिकृत रमेश सुवेदी, वडा नं. ५ का वडाध्यक्ष बलिराम चाैरसिया, कार्यपालिका सदस्य समावती देवी, पत्रकार छठु साह लगायतकाे सहभागिता रहेकाे थियाे ।

नारायणी अस्पतालमा नि:शुल्क खाना वितरण

0

वीरगंज । द साझा फाउन्डेसनद्वारा बुधबार नारायणी अस्पताल वीरगंजमा भर्ना रहेका बिरामी र कुरुवा गरि १२५ जनालाई नि:शुल्क खाना वितरण गरिएकाे छ ।  

फाउन्डेसनका अध्यक्ष अनुराग झा, उपाध्यक्ष नितेश पटेल, सुजित पटेल, कोषाध्यक्ष सौरभ पटेल, सचिव सन्दिप साह, सह-सचीव सुभाङ्कर ठाकुर, सदस्य मुकेश श्रीवास्तव, बिक्रम पटेल बिनय कुशवाहा र राइनो युवा क्लबका अध्यक्ष श्याम गुप्ता लगायतकाे खाना वितरण गरेका हुन् ।

साथै पाउन्डेसनका वरिष्ठ सल्लाहकार दीलिप कुमार सिंह, श्रीराम कुमार दास, सुवाश साही, अनुज पटेल, नरेश चौधरी, सुरज गुप्ताको उपस्थितिमा रहेकाे थियाे ।

द साझा फाउन्डेसनले हप्तामा २ दिन नि:शुल्क खाना वितरण निरन्तर गरिरहने बताएको छ । यो कार्यको आजदेखि नै थालनी गरिएको संस्थाका सचिव सन्दिप साहले जानकारी दिए ।

सुप्रबल जन सेवा श्री पदकबाट विभुषित अग्रवाललाई सम्मान

0

परवानीपुर । सुविधा बचत तथा ऋण सहकारी संस्थाकी अध्यक्ष शमी कुमारी अग्रवाल सुप्रबल जन सेवा श्री पदकबाट विभुषित भएको उपल्क्षयमा बुधबार ओम शिव शक्ति बचत तथा ऋण सहकारी संस्थाले उनलाई सम्मान गरेको छ ।

संस्थाका अध्यक्ष कालीस्टर साह कानुले उनलाई दोसल्ला र फुलमाला ओढाएर सम्मान गरेका थिए । आफुलाई सम्मानित भएपछि थप जिम्मेवारी थपिएकाे वताउँदै अग्रवालले आभार प्रकट गरेकी थिईन ।

सो अवसरमा संस्थाका उपाध्यक्ष विनोद प्रसाद साह, यूवा उधमी अस्वनी अग्रवाल, परवानीपु्र सेवा केन्द्रका प्रबन्धक उमेश प्रसाद यादव लगायत संस्थाका कर्मचारीहरुको उपस्थिती रहेको थियो । 

शान्ति दिवसको अवसरमा शान्ति विशेष कार्यक्रम सम्पन्न

0

परवानीपुर । वीरगंजकाे राधेमाईस्थित आत्म ज्ञान प्रचार संघ वीरगंज केन्द्रले अन्तर्राष्ट्रिय शान्ति दिवसको उपलक्ष्यमा शान्ति विशेष कार्यक्रम सम्पन्न गरेको छ ।

कार्यक्रममा अन्तर्राष्ट्रिय शान्ति वक्ता प्रेम रावतले शान्ति सन्देश भिडियो कार्यक्रमको माध्यमले ३ सय जना नयाँ ब्यक्ति शान्तिको संन्देशसंग जोडिएको छ । कार्यक्रममा सहभागीहरुले वास्तवमा आज एउटा अलग शान्तिको अनुभव भएकाे प्रतिक्रिया दिएका थिए ।

उनीहरुले आउँदा दिनमा पनि यस्ता कार्यक्रममा सहभागी हुन आफनो इच्छा जाहेर गरेका थिए । आत्मज्ञान प्रचार संघ संस्थाले निरन्तर रुपमा विभिन्न माध्यमले प्रेम रावतको शान्ति संन्देश कार्यक्रम गर्दै आएको छ ।

सो कार्यक्रम तिन सिफ्टमा भएकाे थियो । कार्यक्रमका ईभेन्ट मयानेजरहरु रेखा साह, आभा गुप्ता, प्राविधिकमा दिपक गुप्ता, रामबालक राय, नागमणी ठाकुर लगायत सहयाेगीरुको उपस्थित रहेको थियो ।

कार्यक्रमको ब्यवस्थापन संस्थाका भरत ठाकुरले गरेका थिए भने कार्यक्रमको संचालन आनन्द पटेलले गरेका थिए ।