ठा.रा.ब. क्याम्पस कर्मचारी संघकाे सभापतिमा चाैधरी विजयी
तेली समाजकाे केन्द्रिय महाधिवेशनकाे उद्घाटन समाराेह भव्य रुपमा सम्पन्न
वीरगंज । तेली कल्याण समाज नेपालकाे तेस्राे केन्द्रिय महाधिवेशनकाे उद्घाटन समाराेह बुधबार सम्पन्न भएकाे छ । वीरगंजमा सुरु भएकाे महाधिवेशनकाे उद्घाटन मधेश प्रदेश सरकारका अर्थ मन्त्री शैलेन्द्र साहले गरेका थिए ।
वीरगंजकाे घण्टाघरस्थित सहिद पार्कमा भएकाे महाधिवेशन उद्घाटन समाराेहलाई सम्बाेधन गर्दं अर्थ मन्त्रि साहले देशका सात वटै प्रदेश मध्ये मधेस प्रदेश अझै पनि सबै भन्दा पछाडि परेको बताए ।
कार्यक्रमका प्रमुख अतिथी समेत रहेका मन्त्री साहले विकासको हरेक सुचांकमा मधेस प्रदेश पछाडि परेको बताए । उनले भने ,‘ शिक्षा, स्वास्थ्य , भौतिक पुर्वाधार लगायत सबै क्षेत्रमा मधेस पछाडि परेको छ, त्यसैले शिक्षामा सबै भन्दा पहिले फड्को मार्नु पर्छ ।
मन्त्री साहले शिक्षा बेगर विकास सम्भव नभएकाले सबै भन्दा बढि शिक्षामा जोड दिनु पर्ने बताए । उनले तेली जातिको सशक्तिकरणका लागि पनि पहिलो आवश्यकता शिक्षा नै भएको बताए । उनले तेली लगायतका बैश्य जातिहरुको विकासका लागि भारतमा ओबीसीको जस्तै नेपालमा पनि हरेक क्षेत्रमा आरक्षणको व्यवस्था हुनु पर्नेमा जोड दिए ।

ओबिसीको राजनीतिक पहुच अब सिंहदरबार सम्म पुर्याउनका लागि तेली कल्याण समाजले भुमिका खेल्नु पर्ने पनि उनले बताए ।
वीरगंजमा आयोजित महाधिवेशनमा तेली जातिको विशाल सहभागीताले देशभरमा तेली जाति एकजुट छन् भन्ने सन्देश दिएको पनि उनले बताए । उनले भने ,‘ तेली जातिलाई राष्ट्रिय पहिचान दिलाउन यो महाधिवेशन सफल भएकोे छ, अब हाम्रो जातिकोे पहुच र सहभागीता मधेस सरकारमा मात्र नभई सिंहदरबारमा पनि पुर्याउनु पर्छ ।

सर्लाही क्षेत्र नं. १ का प्रतिनिधिसभा सदस्य प्रमाेद साहले बैश्य समाजकाे एकता जरुरी रहेकाे वताए । उनले विभिन्न जातजातिमा विभाजित बैश्य समाज बिच एकीकरण गरी कलष्टर निर्धारणकाे लागि अगाडी बढनु पर्ने धारण राखे ।
तेली कल्याण समाज नेपालका केन्द्रिय अध्यक्ष शैलेन्द्र साहकाे अध्यक्षतामा भएकाे उद्घाटन समाराेहमा संविधान सभा सदस्य एवम् पूर्व मन्त्री अरविन्द साह, भारत विहारका पूर्व विधान परिषद सदस्य लालबाबु प्रसाद साह, प्रदेश सभा सदस्य राजेश्वर साह, पारस साह, निरा साह, दिलिप साह, मधेशी आयाेगकी सदस्य रेणु साह, तेली कल्याण समाजका केन्द्रिय उपाध्यक्ष बिश्वनाथ साह लगायतकाले शुभकामना मन्तव्य राखेका थिए ।

तेली कल्याण समाज पर्साका अध्यक्ष ध्रुव साहले संचालन गरेकाे कार्यक्रममा स्वागत मन्तव्य तेली कल्याण समाजका केन्द्रिय बरिष्ठ उपाध्यक्ष जगदिश प्रसाद साहले राखेका थिए ।
उद्घाटन समाराेहमा गायक रविराज साह, माेहित साह लगायतका कलाकारहरुले सांस्कृतिक प्रस्तुती समेत राखेका थिए । अधिवेशनकाे बन्द सत्र वीरगंजस्थित नै नगर सभा गृहमा हुने आयाेजकले जनाएकाे छ ।
६५ दिनको भन्सार फेल भारतिय स्कोर्पियो सशस्त्र प्रहरीद्वारा बरामद
वीरगंज। सशस्त्र प्रहरी पर्साले ईन्ट्री र भंसार विना नै वीरगन्जमा चलाईरहेको भारतीय नम्बरको स्कार्पियो गाडी नियन्त्रणमा लिई कारवाहीको लागि वीरगन्ज भंसार कार्यालयमा बुझाएको छ ।
सशस्त्र प्रहरी बल नेपाल, १३ गण पर्साले करिब ३५ लाख मुल्य बराबरको स्कार्पियो नियन्त्रणमा लिई कारवाहीको लागि भंसार कार्यालयमा बुझाएको सशस्त्र प्रहरी बल नेपाल नं. १३ गण पर्साका सुचना अधिकारी प्रहरी नायब उपरिक्षक सन्तोष कुमार बस्नेतले बताए ।
वीरगन्ज १६ स्थित भंसार रोडमा विओपी वीरगन्जबाट खटिएको सशस्त्र प्रहरीको मोबाईल टोलीलाई बिआर ३० एई ९१८९ नम्बरको स्कोर्पियो गाडीको चालक गाडी छाडि फरार भएको थियो ।
शंका लागेर गाडी नियन्त्रणमा लिई अनुसन्धान गर्दा २०७९ असार ३२ गते एकदिनको मात्र गौर भंसार रौतहटबाट राजश्व तिरी प्रज्ञापन पत्र बनाई नेपालमा प्रवेश गरी साउन १ गतेदेखि हाल सम्म ६५ दिन सम्म अवैध रुपमा नेपालमा चलाएको पाईएपछि थप कारवाहीको लागि गाडीलाई नियन्त्रणमा लिएको हो ।
३५ लाख मुल्यांकन राखी गाडीलाई आवश्यक कारवाहीको लागि वीरगन्ज भंसार कार्यालयमा बुझाईएको प्रवक्ता समेत रहेका सशस्त्र प्रहरी नायब उपरिक्षक बस्नेतले बताए ।
निर्वाचन खर्चकाे विवरण नबुझाउने पर्साका १२ पालिका प्रमुखलाई जरिवाना
वीरगंज । स्थानीय तह निर्वाचन, २०७९ मा निर्वाचित पर्साका १२ पालिका प्रमुखलाई जरिवाना भएकाे छ । स्थानीय तह निर्वाचन, २०७९ मा उम्मेदवार भई कानून बमोजिम निर्वाचन खर्चको विवरण नबुझाउने तथा बिलम्ब गरी बुझाउने वीरगंज महानगरपालिका प्रमुख राजेशमान सिंहसहित पर्साका १२ पालिका प्रमुखलाई जरिवाना भएकाे हाे ।
वीरगंज महानगरपालिकाका प्रमुख सिंह, उप प्रमुख इम्तियाज आलम, पर्सागढी नगरपालिकाका प्रमुख गाेकर्ण पाठक, उप प्रमुख पूजा चाैधरी, पाेखरिया नगरपालिकाका प्रमुख प्रधुमन चाैहान, उप प्रमुख रुबि ठाकुर, बहुदरमाई नगरपालिकाका प्रमुख सिंगासन साह तेली र उप प्रमुख सुस्मा कुमारी कुशवाहालाई जरिवाना भएकाे छ ।
यसैगरी छिपहरमाई गाउँपालिकाका प्रमुख मनाेज गुप्ता, उप प्रमुख लिलावती देवी कानु, धाेबिनी गाउँपालिकाका प्रमुख मदन प्रसाद चाैहान, उप प्रमुख मंजु देवी, पकहा मैनपुर गाउँपालिकाका प्रमुख सुरेश मेहता, उप प्रमुख सरफुन नेसा, बिन्दवासिनी गाउँपालिका प्रमुख प्रमाेद कुमार तिवारी, सखुवा प्रसाैनी गाउँपालिका प्रमुख यसवन्त यादव, उप प्रमुख सर्मिला बिष्ट, कालिकामाई गाउँपालिका प्रमुख बशिष्ट गुप्ता, जिराभवानी गाउँपालिका प्रमुख अनाेज चाैधरी, जगरनाथपुर गाउँपालिकाकी उप प्रमुख बबिता सिंह, पटेर्वा सुगाैली गाउँपालिकाकी उप प्रमुख ममता महताे, ठाेरी गाउँपालिकाका प्रमुख लालबहादुर श्रेष्ठ र उप प्रमुख गाेकुल कुमारी श्रेष्ठलाई जरिवाना भएकाे छ ।
यसैगरी वीरगंज महानगरपालिकाकाे ३२ वटै वडाका वडाध्यक्ष र अन्य पालिकाका पनि समय मै निर्वाचन खर्चकाे विवरण नबुझाउने अधिकांश वडाध्यक्षहरुलाई निर्वाचन आयाेगले जरिवाना गरेकाे छ ।
निर्वाचन आयोगको मिति २०७९ साउन ३१ को निर्णय बमोजिम गोरखापत्रमा सूचना प्रकाशित भएको मितिले ७ दिनभित्र स्पष्टीकरण पेश गर्न भनीएकोमा सो समयावधि भित्र प्राप्त हुन आएका स्पष्टीकरणहरु अध्ययन गरी हेर्दा स्पष्टीकरणको व्यहोरा चित्त बुझ्दो नदेखिएको र सो अवधिभित्र स्पष्टीकरण पेश नगरेको, ढिलो गरी स्पष्टीकरण पेश गरेको आधारमा जरिवाना गरिएकाे निर्वाचन कार्यालयले जनाएकाे छ ।
निर्वाचन आयोग ऐन, २०७३ को दफा २४ बमोजिम आयोगले निर्धारण गरेको खर्चको हद अनुसार हुने गरी सोही ऐनको दफा २६ को उपदफा बमोजिम महानगरपालिका प्रमुख, उप प्रमुखका उम्मेदवारलाई जनही रु. ७ लाख ५० हजार, वडाध्यक्ष, वडा सदस्यका उम्मेदवारहरुलाई जनही रु ३ लाख, नगरपालिकाका प्रमुख, उप प्रमुखका उम्मेदवारहरुलाई जनही रु ४ लाख ५० हजार, वडाध्यक, वडा सदस्यका उम्मेदवारहरुलाई रु २ लाख, गाउँपालिका प्रमुख, उप प्रमुखका उम्मेदवारहरुलाई जनही रु ३ लाख ५० हजार, वडाध्यक्ष र वडा सदस्यका उम्मेदवारहरुलाई रु १ लाख ५० हजारकाे दरले जरिवाना भएकाे छ ।
जरिवाना नबुजाउने उम्मेदवाहरुले अगामी ६ बर्ष सम्म कुनै पनि निर्वाचनमा उम्मेदवार हुन नपाउने निर्वाचन आयाेगले प्रेस विज्ञप्ती मार्फत जानकारी गराएकाे छ ।
वीरगंजबाट विना भिसा नेपाल आएका दुई अर्जेन्टिना नागरिक पक्राउ
वीरगंज । बिना भिसा नेपाल प्रवेश गरी ८६ दिन देखि नेपालकाे विभिन्न ठाउँ भ्रमण गरिरहेका दुई जना अर्जेन्टिना नागरिक वीरगंजबाट पक्राउ परेका छन् ।
पासपोर्ट नं. एएसि१८७५५८ भएकाे पब्लाे ग्वस्ताभाे लाेहाेज र पासपोर्ट नं. एएजि९५६४१६ भएकाे मेलानी डिसेरी डिफाजियाे पक्राउ परेकाे अध्यागमन कार्यालय वीरगंजले जनाएकाे छ ।
२०२२ जुन २७ मा भारतकाे सुनवलीबाट आउट स्ट्याम्प लगाई बिना भिसा नेपाल प्रवेश गरी नेपालका विभिन्न ठाउँमा ८६ दिन भ्रमण गरेर पुन: २०२२ सेप्टेम्बर २० मा वीरगंज नाका हुँदै भारत जाने क्रममा दुबै जना पक्राउ परेका हुन् ।
वीरगंज रक्साैल नाकामा गाडी नं. बिआर०६पिडि २८५१ चेकजाँच गर्दा निज दुई व्यक्तिहरु फेला परेको अध्यागन कार्यालयले जनाएकाे छ ।
दुबै जनालाई आवश्यक कारबाहीको लागि अध्यागमन कार्यालयका कार्यालय सहयोगी ध्रुव कुमार दासलाई जिम्मा लगाई आवश्यक कारबाही तथा अनुसन्धानका लागि अध्यागमन विभाग पठाइएकाे अध्यागमन कार्यालय वीरगंजले जनाएकाे छ ।
पाेखरिया झन्डा मेलाकाे गापा अध्यक्ष मेहताद्वारा उद्घाटन
वीरगंज । जितिया पर्वकाे अवसरमा सोमबार पकहा मैनपुर गाउँपालिकाकाे वडा नं. ५ गदियानी पाेखरियामा झन्डा मेला सम्पन्न भएको छ । मेलाकाे एक कार्यक्रमकाे बिच पकहा मैनपुर गाउँपालिकाका अध्यक्ष सुरेश मेहताले उद्घाटन गरेका थिए ।
मेलाकाे उद्घाट गर्दै गाउँपालिका अध्यक्ष मेहताले पूर्वकाल देखि लाग्दै आएकाे मेला हाम्राे संस्कृति रहेकाेले यसकाे संरक्षण जरुरी रहेकाे वताए । उनले हाम्राे संस्कृति संरक्षण बचाई राख्न गाउँपालिकाले सक्दाे सहयाेग गर्ने प्रतिवद्धता समेत जनाए ।
साे अवसरमा नेपाली कांग्रेस पकहा मैनपुर गाउँपालिकाका सभापति हरि चाैहान, कालिकामाई गाउँपालिकाका सभापति छठु साह, वडाध्यक्ष बलिराम प्रसाद चाैरसिया, नेता नसुरल्लाह मियाँ, अनिल साह लगायतकाे उपस्थिती रहेकाे थियाे ।
महाविरी झन्डा मेला प्रत्येक बर्ष जितियाकाे भाेली पल्ट लाग्ने गर्दछ । मेला सांस्कृतिक कार्यक्रमकाे समेत आयाेजना गरिएकाे थियो ।
फोटो पत्रकारिता अवार्ड २०२२ बाट सर्राफ सम्मानित हुने
वीरगञ्ज । नेपाल फोटो पत्रकार महासंघका पूर्व केन्द्रीय उपाध्यक्ष राम सर्राफ सम्मानित हुने भएका छन् । राष्ट्रिय फोटो पत्रकार समूह नेपाले रजत जयन्ती सम्मान तथा राष्ट्रिय फोटो पत्रकारिता अवार्ड २०२२ का अवसरमा सर्राफलाई सम्मान गर्न लागेको हो ।
राष्ट्रिय फोटो पत्रकार समूह (एनएफपिजे, नेपाल) ले २५ औँ वर्ष पूरा गरेको अवसरमा आयोजना काठमाण्डौमा यही असोज ६ गते आयोजना गर्ने रजत जयन्ती तथा राष्ट्रिय फोटो पत्रकारिता अवार्ड २०२२ को चौथो संस्करणमा उनी सम्मानित हुने भएका हुन् ।
फोटो पत्रकारहरुले खिचेका लकडाउनका तस्बिरहरु समावेश गरेर ‘लकडाउनमा नेपाल’ नाम स्मारिका फोटो पुस्तक प्रकाशन गर्ने योजना रहेको समूहका अध्यक्ष प्रदीपराज वन्तले बताए । फोटो पत्रकारितामार्फत राष्ट्रलाई दिएको अतुलनीय योगदान र संस्थालाई पु-याएको सहयोगको कदरस्वरुप विशेष सम्मान २०२२ सर्राफलाई अर्पण गर्ने निर्णय गरेको पनि अध्यक्ष वन्तले जानकारी दिए ।
दुई दशकभन्दा लामो समयदेखि फोटो पत्रकारितामा सक्रिय सर्राफ नेपाल फोटो पत्रकार संघका संस्थापक हुँदै पर्सा शाखा उपाध्यक्ष, मधेश प्रदेश अध्यक्ष भएर केन्द्रीय उपाध्यक्षसमेत भइसकेका छन् ।
स्वर्गीय गोपाल गिरीको अन्त्येष्ठी गर्ने क्रममा बागमती नदिमा डुबेर पानी बाहिर क्यामेरा निकालेर फोटो खिचेको अन्नपुर्ण पोस्टका तत्कालिन सम्पादक श्री आचार्यले देखेपछि उनलाई अन्नपुर्णमा फोटो पत्रकारको रुपमा आवद्ध गराएका हुन् ।
२०६० सालसम्म वीरगञ्जबाटै प्रकाशित अंकुश दैनिकमा छापीने सर्राफको फोटो त्यसपछि अन्नपुर्ण पोस्टमा पनि प्रकाशन हुन थालेको हो । त्यसपछि सर्राफले खिचेका फोटोहरु राष्ट्रियदेखि अन्तर्राष्ट्रिय सञ्चार माध्यममा समेत प्रकाशन भइसकेका छन् । नेपाल भरीमै मोफसलबाट फोटो पत्रकारको रुपमा नियुक्ती पाउने पहिलो व्यक्ति पनि सर्राफ नै हुन् । सर्राफ हाल द हिमालयन टाइम्समा आवद्ध छन् ।
उनी वीरगञ्जबाट १ दशकदेखि सञ्चालित यात्रा डेली डटकम अनलाईनका प्रबन्ध निर्देशक समेत हुन् ।
संविधान दिवसकाे अवसरमा वीरगंज कारागारबाट ३८ कैदी रिहा
वीरगंज । संविधान दिवसको अवसरमा वीरगंज कारागारबाट ३८ जना कैदी रिहा भएका छन् । सातौं संविधान दिवसको अवसरमा राष्ट्रपति विद्यादेवी भण्डारीद्वारा देशभरिमा ६ सय ८१ जना कैदी बन्दीको कैद कट्टा तथा २१ जनाको सजाय माफी अन्तर्गत वीरगंज कारागारबाट ३८ जना कारागारमुक्त भएका हुन् ।
कारागार मुक्त हुनेहरुमध्ये ३७ जनाको कैद कट्टा गरिएको छ भने १ जनाको कैद सजाय मिनहा गरिएको छ । कारागार मुक्त हुनेहरुमा ६ जना महिला तथा ३२ जना पुरुष रहेका छन् ।
१ जनाको कैद सजाय माफीसहित कर्तव्य ज्यान मुद्दाका पुरुष १४ जना, महिला ५ जना, ज्यान मार्ने उद्योग मुद्दाका पुरुष ८ जना तथा महिला १ जना, चोरी मुद्दाका २ जना, डाँका मुद्दाका १ जना, सवारी ज्यान मुद्दाका ३ जना, लिखित सम्बन्धी कसुर/किर्ते मुद्दाका २ जना, वन पैदावार काठ चोरी मुद्दाका १ जना, हातहतियार मुद्दाका १ जना गरि ३८ जना कैदी कारागारमुक्त भएको वीरगंज कारागार कार्यालयले जानकारी दिएको छ ।
कारागारमुक्त हुनेहरुलाई वीरगंज कारागारका जेलर मदन घिमिरेले अविर टिका लगाई विदाई गरेका थिए । उनले कारागार मुक्त भएका कैदीहरुको विदाई गर्दै विगतमा वितेका दिनहरुलाई विर्सेर अगामी जीवनको यात्रा सुखमय होस् भन्ने शुभकामना समेत दिएका थिए ।
उनले आगामी दिनमा यस्ता अपराधिक क्रियाकलाप जस्ता कार्यबाट टाढा रही इमान्दारीतापूर्वक काम गरेर आफ्नो परिवारसँग सुखमय जीवन वितोस् भन्ने शुकामना सहित यहाँबाट सकारात्मक सुधार भएका कुरालाई आफ्नो जीवनमा लागु गर्न समेत आग्रह गरे ।
संविधानको धारा २७६ को फौजदारी कसुर ऐन, २०७४ तथा फौजदारी कसुर नियमावली, २०७६ मा मन्त्रिपरिषद्को सिफारिसमा राष्ट्रपतिले कैदी बन्दीको कैद मिनाहा गर्न सक्ने व्यवस्था अनुसार राष्ट्रपति भण्डारीले विगत वर्षहरू झै देशका विभिन्न कारागारमा रहेका ६८१ जना कैदीको कैद कट्टा गरेकी हुन् ।
यसैगरि देशभरिमा २१ जना कैदीले सजाय माफी पाएका छन् । संविधानको धारा २७६, मुलुकी फौजदारी कार्यविधि संहिता, २०७४ को दफा १५९ अनुसार, मन्त्रिपरिषद्को सिफारिसमा उनीहरूको सजाय माफी भएको गरिएको हो ।
नृसिंह माविमा अनियमिता भएकाे आराेप, छानविन गर्न माग
वीरगंज । श्री नृसिंह माध्यमिक विद्यालय वीरगंज, पिपरा मठमा साेमबार भएकाे अभिभावक भेला सम्पन्न भएकाे छ । भेलामा सहभागिहरुले विद्यालयमा अनिमितता भएकाे वताउँदै छानविन हुनु पर्ने माग गरेका छन् ।
भेलाले आभिवक संघ गठन गर्दै विद्यालयकाे समस्या बारे प्रधानाध्यापकसंग लिखित जवाफ माग गर्ने पनि निर्णय गरेकाे छ ।
भेलामा सहभागि अभिभावकहरुले विद्यालयमा उत्पन्न हुने समस्या बारे विद्यालय व्यवस्थापन समितिका अध्यक्षसंग प्रश्न समेत गरेका थिए । अभिभावककाे प्रशनकाे जवाफ दिदै विद्यालय व्यवस्थापन समितिका अध्यक्ष रामबाबु प्रसाद कुर्मीले विद्यालयकाे दुई बर्षदेखिकाे आय व्यय माग गर्दा समेत विद्यालयका प्राधानाध्यापक विनाेद मेहता र लेखापाल राजेंद्र करणले उपलब्ध नगराएकाे वताए ।
उनले स्कूलमा हरेक आर्थीक वर्षकाे लेखा जोखा हिसाब किताब हुनु पर्ने तर दुई आर्थीक वर्षदेखि स्कूलकाे आम्दानी खर्च बारे जानकारि मांग गर्दा समेत प्रधानाध्यपक र लेखापालले उपलब्ध नगराएकाे वताए । अभिववाक भेलाबाट अंग्रेजी माध्यमकाे फी र वार्षिक शुल्क आदि निर्धारण गर्नु पर्नेमा प्रधानाध्यापक आफनो मनपरी हिसाबले विद्यालय व्यवस्थान समितिका सदस्यहरुलाई आर्थिक लोभ दिई आफनो राजी खुसी अनुसार बिधार्थीबाट सहयाेग वापतकाे रसीद अभीवाककाे नाममा रसीद काटी अनियमितता गरी रहेकाे आराेप लगाए ।
विद्यालय प्राङ्गणमा मै भएकाे भेलाले रामबाबु प्रसाद कुर्मीकाे संयाेजकत्वमा १५ सदस्यीय अभिव संघ गठन गरेकाे छ ।
नवगठित अभिभावक संघकाे सदस्यमा कृष्णा प्रसाद कुर्मी, मेहबुब एलही अंसारी, रमेश यादव, सुरेन्द्र प्रसद कुर्मी, अनील पटेल, रामबाबु सोनार, सुरेश साह कानु, दीनानाथ महरा, गगन्देव पटेल, महिचन कुर्मी, सम्साद अन्सारी, राजेश पटेल, लक्षमण हजारा लगायतका रहेका छ्न ।

विद्यालय व्यवस्थापन समितिकाे अध्यक्ष कुर्मीकाे अध्यक्षतामा भएकाे अविभावक भेलामा वीरगंज १४ का वडाध्यक्ष मेहबुब इलाहि अंसारी, वीरगंजका १५ वडाध्यक्ष रमेश यादव, परावनिपुर गाउँपालिका वडा नं. ५ का अध्यक्ष रामेश्वर कलवार, विद्यालयका सल्लाहकार देवनाथ उपाध्याय, विर्जित पटेल लगायतले वाेल्दै विद्यालयमा हुने गतिविधिकाे बारेमा चिन्ता व्यक्त गरेका थिए ।
समय सम्यायिक समस्या लाइ चाँडो समधान निकाली स्कूल लाइ अझै प्रभावकरी ढंगले अगाडि बढाउने, आर्थीक अनियमितता भेटे मा नियम अनुसार कारवाही अगाडि बढाउने जस्ता निर्णय गरियो ।
भेलामा लक्छुम्नवा, बहुअरी, पिपरा, नौतन् बहुअरी लगायत गाउँको बुद्धिजिवी, यूवा, अभिभावककाे सहभागीता रहेको थियो । बैठकमा विद्यालयका प्रधानाध्याक र विद्यालय व्यवस्थापन समितिका सदस्यहरुलाई पत्र सहभागि हुन आग्रह गरिएपनि अनुपस्थित भएका थिए ।












