Date
मङ्ल, मंसिर १, २०८३
Tue, November 17, 2026
Home Blog Page 624

आमाको हत्या आराेपमा छोरा पक्राउ

0
वीरगंज । बाराकाे कलैयामा आमाकाे हत्या गरेकाे आराेपमा छाेरा पक्राउ परेका छन् । कलैया उपमहानगरपालिकाकाे वडा नं. ७ रंगपुर टोल निवासी २५ बर्षिय जय किशोर यादवलाई प्रहरीले पक्राउ गरेकाे हाे ।
 
भदाै ३० गते साँझ ६:१५ बजेको समयमा‍ आमा तेतरी देबी घरमा बसी रहेको बेला सामान्य घरायसी विवाद हुँदा छाेरा जयकिशाेरले  आमाकाे घाँटीको अगाडी भागबाट खुकुरी प्रहार गरेपछि घटनास्थल मै मृत्यु भएको थियाे ।
 
जिल्ला प्रहरी कार्यालय बाराबाट खटिएको खोजतलास टोलीले फरार रहेका हत्यामा संलगन छोरा जयकिशोरलाई पर्साकाे ईनर्वाबाट पक्राउ गरीएकाे प्रहरीले जनाएकाे छ ।
 
अनुसन्धानकाे क्रममा मृतक तेतरी देवीको नागरिकता नबाइदिएको विषयमा विवाद हुँदा घटना भएको देखिएको र निजको श्रीमान शिवनारायण यादव समेतलाई नियन्त्रण लिई सम्मानित बारा जिल्ला अदालतबाट म्याद अनुमति लिई थप अनुसन्धान भइरहेको जिल्ला प्रहरी कार्यालय बाराले जनाएकाे छ ।

कानुनी राज्यमा राष्ट्रपतिको मनपरितन्त्र र विभाजित नेपाली समाज

0

प्राय हामी आफ्ना समाज, चौक र अन्य सार्वजनिक बहसहरुमा कानुनको शासन वा कानुनी राज्य (rule of law) को सन्दर्भमा संवैधानिक राष्ट्रपतिले संविधानको संरक्षकको विषयमा चालेको कदम बारम्बार सुनिरहेका हुन्छौं । कानुनी राज्य दुई शब्द मिलेर बनेको छ . कानुन र शासन अर्थात त्यस्तो शासन जुन कानुनको आधारमा गरिन्छ । सामान्यतता कानुनको शासन अन्तर्गत चार वटा सिद्धान्तहरु पर्दछनः–

(१) राज्यको जवाफदेहिता (Accountability)
(२) न्यायोचित कानुन (Just laws)
(३) सबैको लागि खुल्ला सरकार (Open Government)
(५) सबैको पहूँच र निष्पक्षता (Accessible and impartiality)

यसरी समग्रमा बुझ्दाँ कानुनको शासन भनेको यस्तो शासन हो जहाँ राष्ट्र प्रमुख, सरकार एवं अन्य निकायहरुले कानुनको संरक्षण र कार्यान्वयन सबैको लागि न्यायोचित ढंगले गर्दछन र त्यसको लागि सबैको समान पहूँच पुग्ने गरी आवश्यक संयन्त्रको निर्माण गरिएको हुन्छ । अर्थात कानुनको नजरमा सबै मानिस समान् हुन्छन र सबैको लागि समान रुपले यसको प्रयोग गरिन्छ ।

कानुन एउटा सिद्धान्त हो, यो कर्ता होइन, कर्ताको रुपमा त राज्य हुन्छ र यसैले नै यसको जिम्मा लिएको हुन्छ, कानुनको शासनमा कानुनले आदेश गर्छ र राज्यले त्यसको कार्यान्वयन गर्छ (The law is master and state is servant) हाम्रो देश नेपालमा वि सं २०७२ सालमा जारी गरिएको गणतन्त्र नेपालको प्रथम संविधान २०७२ को प्रस्तावनामा पनि कानुनको शासन (Rule of law) को अवधारणालाई आवलम्बन गरिने कुरा उल्लेख गरिएको छ । संविधान भनेको मुल कानुन हो, यसैको आधारमा नै कानुनहरु निर्माण गरिएको हुन्छ र गर्नुपर्ने हुन्छ । कुनै पनि कानुन यदि सविधान विपरित हुन्छ भने उक्त कानुन संविधानसंग बांझिएको हदसम्म बदर हुने कुरा संविधानको भाग १, धारा १ को उपधारा १ मा उल्लेख गरिएको छ । यसरी हेर्दा संविधानले नै कानुनी राज्यको ग्यारेन्टी गरेको हुनाले त्यसको निष्पक्ष कार्यान्वयन गर्नु राज्य, नागरिक एवं समपुर्ण निकायको दायित्त्व हो । कानुनको नजरमा सबै वर्ग, सम्प्रदाय, धर्मालम्बी, जात, जाति आदी सबै बराबर हुन्छ्न र सबैको लागि समान रुपले यसको प्रयोग भएको हुनुपर्छ ।

नेपालको संविधानले कानुनी राज्यको अवधारणालाई आत्मसात गरेको भए तापनि व्यवहारमा लागु भएको छ कि छैन भन्ने कुराको विश्लेषण गर्दा अहिलेको चर्चा परिचर्चामा रहेको नेपालको नागरिकता ऐन, २०६३ लाई संशोधन गर्ने बनेको विधेयक, २०७९ को विषयलाई केलाउँदै जादाँ राष्ट्रपतिको हदैसम्मको लापरवाही, गैरजिम्मेवारी र राष्ट्रको अभिभावकिय भुमिकालाई यथावत राखी मनपरितन्त्र लागु गर्न खोज्ने कुरा हदैसम्म स्पष्ट हुन जान्छ ।

नागरिकता विधेयक किन ?
कानुनी राज्यमा राज्यका नागरिकको पहिचान उसको अनुहार, रीतिरिवाज, भेषभुसा, रहनसहनले होइन, त्यस राज्यको दस्तावेजले हुन्छ जहाँ राज्यको संविधान नै नागरिकको पहिचान स्थापना गर्ने दस्तावेज हो । यसरी नेपालको सन्दर्भमा नेपाली नागरिकको पहिचान नेपाली नागरिकताबाट हुन्छ । “नागरिकता“ नागरिक र राज्यबीचको समबन्धको आधार हो । नेपालको सविधान २०७२ को धारा १० ले “कुनै पनि नेपाली नागरिकलाई नागरिकता प्राप्त गर्ने हकबाट बञ्चित गरिने छैन“ भन्ने व्यवस्था गरेको छ । अन्तराष्ट्रीय मानव अधिकारको मान्यता अनुरुप पनि कुनै पनि व्यक्तिलाई राज्यविहीनताको अवस्था राख्न पाईदैन । यस्तो प्रावधानहरु हुँदाहुदौ पनि आफ्नै नागरिकलाई नागरिकता प्राप्त गर्ने हकबाट बञ्चित गराई राज्यविहिनताको अवस्थामा राख्नु संविधानको संवैधानिक धारा तथा व्यवहारिक रुपले संविधानको मर्म र भावनासंग खेल्नु सरह हो । यसो गर्नु भनेको राज्यले आफ्नो नागरिकप्रतिको दायित््वबाट विमुख हुनु हो । यस्तो कदम कानुनी राज्यले कहिले पनि स्विकार्दैन । यही अवस्थालाई हृदयङ्गम गरी आफ्नो दायित्त्व पुरा गर्ने उदेश्यले नेपाली आमाबाबुको सन्तानलाई नागरिकता उपलब्ध गराउने उदेश्यले २०७९ साल असारको २४ गते नेपाल सरकारको तर्फबाट गृहमन्त्री बालकृष्ण खांणले प्रतिनिधिसभा अन्तर्गतको विधेयक शाखामा “नेपाल नागरिकता (पहिलो संशोधन) ऐन, २०७९ दर्ता गराएका थिए ।

कानुनको शासनमा राष्ट्रपतिको मनपरितन्त्र
एउटा हिन्दी फिल्मको गीत छ “आप करे तो रास लीला, मै करु तो कैरेक्टर ढिला“ यो गीतको प्रसङ्ग अहिले नागरिकता विधेयकमाथि राष्ट्रपतिले चालेकी असंवैधानिक कदम संग मिल्दो जुल्दो छ । किनकी ओलि सरकारले ल्याएको नागरिकता सम्बन्धि अध्यादेश विना कुनै प्रश्न उठाई राष्ट्रपतिले त्यतिखेर नै जारी गरदिने तर अध्यादेशसंंग हुबहु मिल्ने गरी संसदको दुइटै सदनबाट दोस्रो पटक पारित गरेर ल्याउँदा नेपालको संविधानको धारा ११३(४) अनुसार प्रमाणीकरण गर्न राष्ट्रपतिको लागि बाध्यकारी प्रावधान भएपनि उक्त पठाएको विधेयक प्रमाणिकरण नगर्नु कानुनी राज्यमा उनले मनपरितन्त्रको शासन चलाएकी स्पष्ट देखिन्छ जुन कानुनी राज्यको उपवास हो ।

यसरी ओलि सरकारको सिफारिशमा राष्ट्रपतिले जारी गरेकी अध्यादेश र संसदले पुनःपारित गरेर पठाएको विधेयकमा के फरक छ ?

नेपालको सविधानको धारा ११ को उपधारा ३,४,५ को अधिनमा रही तत्कालिन सरकारले नागरिकता संसोधन विधेयक मार्फत नागरिकता ऐन २०६३ मा थपिन खोजिएको हो र त्यसको लागि संसोधन गर्नै पर्छ । यसरी एउटै कुरा संविधानमा हुदाँ ठीक राष्ट्रपतिले ओलिको सिफारिसमा जारी गरेकी अध्यादेश ठीक तर राष्ट्रपतिको मनमिल्ने साथीको विपक्षिय पार्टी भएको पार्टीले बहुमतले त्यही कुरालाई पारित गर्न खोज्दा वेठीक । अहिलेको विधेयकमा नयाँ व्यवस्था राखिएको भनेको गैर आवसिय नेपाली नागरिकहरुलाई राजनैतिक, र प्रशासनिक अधिकार बाहेक आर्थिक, सामाजिक र सांस्कृतिक अधिकार सहितको व्यवस्था गरिएको छ । यस्तै संविधान सरह नै नागरिकता विधेयक संसदको दुबै सदन बाट दोस्रो पटक पारित गरेर पठाउँदा पनि संविधानको धारा ११३(४) जस्तो बाध्यकारी भुमिकामाथि खुट्टा टेकेर आफ्नो मनपरितन्त्रको शासन चालाएर आफ्नो पदीय मर्यादा विपरित गएर केपी ओलिको इशारामा नाच्ने राष्ट्रपति हुन भनी साबित हुन्छ । संविधानको संरक्षकबाट नै संविधानको उल्लङ्गन हुनु कानुनी राज्यको विस्थापित पार्नु हो ।

बैवाहीक अंगीकृत नागरिकताको विषयमा भ्रम किन ?
बैवाहीक अंगीकृत नागरिकताको विषयमा नेपली नागरिकता ऐन २०६३ लाई नै निरन्तरता दिईएको छ। यो ऐन जारी हुदाँ सात दल र नेकपा माओवादी बीच सहमती भएर जारी भएको थियो जुन बेला ओलि उपप्रधानमन्त्री तथा परराष्ट्रमन्त्री थिए भने तत्कालिन राष्ट्रपति भण्डारी सांसद थिईन र त्यती बेला कुनै दलले विवाद नी गरेनन । तर अहिले आएर अंगीकृत नागरिकताको विषयमा बिना कुनै तथ्य नेपाली समाजमा भ्रम भैलाएर आउदो चुनावी एजेण्डा बनाउन खोजिएको छ त्यो पनी संवैधानिक राष्ट्रपतिबाट जबकी रास्ट्रपतिको कुनै दल, पार्टी हुदैन । विवाह जस्तो पवित्र बंधनलाई नागरिकताको करार पत्र बनाउन खोज्नु कानुनी राज्यमा महिलाको अस्तित्त्वसंग खेलवाड गर्नु हो । विवाह भएर बेड सेयर गर्न पाउने तर नागरिक्ता दिन ७ वर्षको प्रावधान राख्नुपर्छ भन्नु कतिको जायज छ, महामहिम ढोगीं राष्ट्रवादहरु ?

हिन्दीमा एउटा कवीताको हरफ छ जुन नेपाली नागरिकता वीहिन पिडीतको आवाजसंग मिल्दो जुल्दो छः

पहाडी मधेशी के चक्कर मे
तुमने तो ऐसा खेल किया
नश्लबाद का नृत्य दिखाकार
बिधि का गला भी रेत दिया

संविधान र राष्ट्रपति
संविधानको धारा ६१(२) अनुसार राष्ट्रपति नेपालको राष्ट्रध्यक्ष हुनेछ र सोही धाराको उपधारा (४) बमोजिम संविधानको पालन र संरक्षण गर्नु राष्त्रपतिको प्रमुख कर्तव्य हुने संवैधानिक व्यवस्था छ। राष्ट्रपतिले कसैको परामर्शबीना आफैले गर्न सकिने दुइटा अधिकार मात्र दिएको छः पहिलो, अर्थ विधेयक बाहेकका अन्य विधेयकमा पुनर्विचार हुन आवश्यक लागे राष्ट्रपतिले एक पटकको लागि सन्देशसहित फर्काइदिन सक्छिन (११३.३) भने धारा ७६.५ अनुसार अन्य विकल्पबाट सरकार गठन हुन नसके प्रतिनिधिसभामा विश्वासको मत प्राप्त गर्न सक्ने आधार प्रस्तुत गर्ने कुनै सांसदलाई उनले प्रधानमन्त्रीमा नियुक्त गर्न सक्छिन । यी काम बाहेकका अन्य कामको लागि प्रधानमन्त्रीमार्फत प्रस्तुत गर्ने सरकारको सिफारिस चाहिन्छ वा कुनै न कुनै संवैधानिक अंग वा निकायको सिफारिस चाहिन्छ ।

राष्ट्रपतिलाई राजनितिक अधिकार नदिएको हुनाले उनले राष्ट्रीय एकता प्रतिबिम्बित गर्नेे मान्यता छ त्यसैले उनले यी दुबै कुरा संविधानसम्मत हिसाबले गर्ने र संविधानसम्मत हिसाबले नै राष्ट्रीय एकताको प्रतिक बन्नुपर्ने थियो । तर सविधानको धारा ६६ ले राष्ट्रपतिको काम, कर्तव्य र अधिकार सुनिश्चित गरेपनी एउटा हिन्दीमा भनाई छ “अपना काम बनता भाड में जाये जन्ता“ अर्थात संविधानको धारा ११३(३) बमोजिम आफ्नो अधिकार प्रयोग त गर्ने तर ११३(४) बमोजिम आफ्नो जिम्मेवारी निभाउने बेला मौन बसेर आफ्नो पदीय मर्यादालाई ख्यालै नगरी सविधानलाई नै लत्याइएकी छिन । उनले धारा १ देखी धारा ३०८ सम्म पालना गर्ने हो । उनी विद्या भण्डारी मात्रै नभएर मुलुकको सर्वोच्च निकायको सर्वोच्च व्यक्ति संवैधानिक राष्ट्रपति हुन । उनी देशको अखण्डता, सार्वभौमसत्ता र एकतालाई कायम गर्ने प्रमुख कर्तव्य बोकेकी छन् ।

संविधानको धारा ११३ को व्यवस्था
संविधानको धारा ११३ मा विधेयक प्रमाणिकरण गर्ने विषयमा राष्ट्रपतिको भुमिका सम्बन्धी व्यवस्था छ । उपधारा (२) मा भनिएको छ, “राष्ट्रपतिसमक्ष पेस भएको विधेयक १५ दिन भित्र प्रमानिकरण गरी त्यसको सुचना यथासम्भव चाँडो दुबै सदनलाई दिनुपर्छ।“ तर संसदबाट आएको विधेयक पुनर्विचार हुनुपर्छ भन्ने राष्ट्रपतिलाई लागेमा त्यसतो अधिकार पनि संविधानले दिएको छ, जसका लागि उपधारा (३) मा भनिएको छ, ’विधेयकमा पुनर्विचार हुनु आवश्यक छ भन्ने राष्ट्रपतिलाई लागेमा त्यसतो विधेयक पेस भएको १५ दिन् भित्र निजले संदेशसहित विधेयक उत्त्पति भएको सदनमा फिर्ता पठाउनेछ।’ नागरिकता संशोधन विधेयकमा असन्तुष्ट राष्ट्रपतिले यसाघी १५ औं दिनमा संसदमा फिर्ता पठाएकी थिइन । राष्ट्रपतिले फिर्ता पठाएको विधेयक संशोधन गर्नैपर्ने बाध्यता स्ंसदलाई हुदैन, तर दोस्रो पटक पनि पारित भएर आएको विधेयक प्रमाणित गर्नै पर्ने वाध्यता भने राष्ट्रपतिलाई हुन्छ उपधारा (४) ले स्पष्ट भनेको छ, ’राष्ट्रपतिले कुनै विधेयक सन्देश सहित फिर्ता गरेमा त्यसतो विधेयकमाथि दुबै सदनले पुनर्विचार गरी त्यसतो विधेयक प्रस्तुत् रुपमा वा संशोधनसहित पारित गरी पुनःपेस गरेमा पेस भएको १५ दिन भित्र राष्ट्रपतिले जसरी भएनी प्रमाणिकरण गर्नै पर्छ ।

संविधान नै नमान्ने भए राष्ट्रपति पदमा किन ?
संसदले दोस्रो पटक पठाएको विधेयक प्रमाणिकरण नगरेर राष्ट्रध्यक्षले जानाजान संविधानको त्यसतो सरल र सिधा व्यवस्थालाई लत्याएर संविधानको ठाडो उल्लंघन गरेकी हुन र यस दिनलाई इतिहासमा प्रजातन्त्र मासिएकै दिनजसरी सम्झना गरिनेछ । संविधानमाथि खुट्टा टेकेर मनपरितन्त्र शासन चलाउने राष्ट्रपतिलाई पदमा एक मिनेट पनि बस्ने अधिकार छैन । ’संविधानको संरक्षक हुनुपर्ने व्यक्तिबाट भएका यस्ता कार्यले मुलुकमा संविधानवाद र कानुनी शासनलाई मार्छ । भोलि अरुको लागि संविधान उल्लंघन सिको गर्ने बाटो खुल्छ । संसदको दुबै सदनबाट दोस्रो पटक पारित विधेयक ११३(४) बमोजिम प्रमाणिकरण नगर्नु राजनैतिक दाउपेच हो । राष्ट्रपति आफ्नो बुद्धि र आफुले सोचविचार गरेर संविधान नहेरेर अर्को व्यक्ति वा दलबाट नियन्त्रण भएको प्रष्ट हुन्छ । पदीय मर्यादा पालना नगर्ने राष्ट्रपति कामरेड विद्या देवी भण्डारी ज्यूलाई पदमा बस्न कुनै अधिकार छैन ।

कस्तो छ त नेपाली समाजको प्रतिक्रिया ?
त्यसो त राष्ट्रपतिको विगत पनि विवादस्पद नभएको होइन, प्रधानमन्त्री ओलीलाई शपथग्रहण गराउंदा ईश्वरको नाममा शपथ लिन्छु भन्ने वाक्य उच्चारण गर्नसाथ ओलीले ूत्यो पर्दैन पर्दैनू भन्दा उनी खिसिक्क हांंसेकी थिइन, जुन समाजिक संजाल देखि बिभिन्न मिडियाहरुमा भाइरल पनि भएको थियो, त्यो आफैमा सम्बिधान र कानूनको खिल्ली उडाउनु नै थियो । त्यस्तै तत्कालिन ओली सरकार ढल्नबाट बचाउन उनले दल विभाजन अध्यादेश पनि रातारात जारी नगरेकी होइनन्, ओलीले संसद भंगको सिफारिस गर्दा पनि तुरुन्तै स्वीकृत गरेकी थिइन र त्यस पछि ओलीजीकै सिफारिसमा नागरिकता अध्यादेश पनि तुरुन्तै जारी गरेकी थिइन । यी कदम चालिरहदा उनले कहीं कतै कानूनी विज्ञहरुबाट राय बिमर्श गरेकी थिइनन । तर नेपालको सम्बिधान अन्तर्गत तोकिएको कार्यविधि आबलम्बन गरी संसदले पारित गरेर प्रमाणिकरणको लागि पठाइएको बिधेयक दुइ दुइ पटक रोक्नु त खुलेआम सम्बिधान र लोकतन्त्रको धज्जी उडाउनु हो, उनको यस्ता हर्कतको सम्पूर्ण देशले भत्र्सना गर्नुपर्छ, यो सबैको दायित्व पनि हो ।

तर यति हुंदा पनि कहांको हुनु? बहुभाषिक र बहुधार्मिक हाम्रो देशमा विगत ३०० वर्षसम्म शाहबंशी राजाहरुले स्थापित गरेको एकल नश्लीय पहिचानबाट दिक्षित र प्रशिक्षित नेपालका कथित शासकबार्गहरु उनको यो कदमलाई त शंख बजाएर स्वागत गर्दैछन, किनकि उनीहरुलाई एकल नश्लीय केन्द्रीकृत शासन प्रणालीमै नाफा छ, त्यसैले आफ्नै देशका नागरिक विशेषतः मधेशी समुदायलाइ लक्ष्ति गरी उनीहरु राष्ट्रबादको राग अलाप्न शुरु गरिसकेका छन् । देश सिक्कीमीकरण भयो, फिजीकरण भयो रे भन्दै अनेक भ्रम फिजाउन शुरु गरीसकेका छन् । पृथ्वी नारायण शाहको शासन काल देखि नै पिडित विचरा मधेशी समुदायले त के भनोस्, हिटलरले भने जस्तै यिनीहरुलाई यति सताइदेउ ताकि यिनीहरु बांच्नु नै ठूलो उपलब्धि ठानुन, मधेशीको अवस्था त्यही छ । उ केही गर्नसक्ने अवस्थामा छैन, गारोस पनि कसरी, न उसको सेना, न पुलिस, न अदालत र कर्मचारीतन्त्र नै छ, उसमा राज्यबाट ठूलो भय छ, कहिं राज्यले उसंग भएको अधिकार पनि नखोसिदओस् । त्यसैले भित्र भित्रै बिद्रोह त छ, विगतमा न गरेको पनि होइन तर मधेशी नेताहरुको सत्तालोभले विगतका उपलब्धिहरु गुम्दै गएकोबाट उ निराश छ, शासक खलकको तुलनामा उसको हौसला पस्त छ, अब उ बिद्रोहको नयां बाटो खोज्दैछ । तर जे भए पनि यसरी विभाजित नेपाली समाज देशको लागि शुभ संकेत भने पक्कै होइन । जहां अन्याय, शोषण, विभेद, अत्याचार, थिचोमिचो आदि हुन्छ, त्यहां एकता हुंदैन, त्यहां देशभक्तिको भावना पनि कमजोर हुन्छ । त्यसैले कथित राष्टबादीहरुले जतिसुकै राष्टिय एकताको गफ हांके पनि उनीहरु र राष्टपतिको यो हर्कत एकताको सटटा विखन्डनको बीउ रोप्छ भन्नु अतिशयोक्ति न होला ।

कन्हैया चौरसिया (घनश्याम)
कानुन विद्यार्थी, नेशनल ल कलेज, सानेपा

जसपाद्वारा राष्ट्रपतिकाे असंवैधानिक कदम बारे अन्तरक्रिया

0

वीरगंज । जनता समाजवादी पार्टी (जसपा) पर्साका नेताहरुले नागरिकता विधेयक प्रमाणीकरण नगर्ने राष्ट्रपति विद्यादेवी भण्डारीकाे असंवैधानिक कदम मधेसीलाई नागरिकताबाट बन्चित गर्ने षडयन्त्र भएकाे बताएका छन् ।

वीरगंजमा शनिबार जसपा पर्साले आयाेजना गरेकाे नागरिकता प्रमाणीकरण नगर्ने राष्ट्रपतिकाे असंवैधानिक कदम बारे अन्तरक्रिया कार्यक्रममा जसपाका नेताहरुले राष्ट्रपति भण्डारीले एमाले अध्यक्ष केपी ओलीकाे ईशारामा नागरिकता विधेयक प्रमाणीकरण नगरेकाे आराेप लगाए ।

उनीहरूले नागरिकता विधेयक फेल गराउनु सदियाें देखिकाे मधेसी माथिकाे विभेदलाई निरन्तरता दिनु भएकाे पनि बताए ।

जसपाका नेता, कार्यकर्ताका साथै उक्त पार्टी निकटका बुद्धिजीवी, प्राध्यापक,शिक्षक, अधिवक्ताहरु सहभागी अन्तरक्रिया कार्यक्रममा सहभागीहरुले नागरिकता विधेयक प्रमाणीकरण नगर्ने राष्ट्रपति भण्डारी र त्यसमा भूमीका खेल्ने एमाले पार्टीकाे जनताका बिचमा गएर भण्डाफाेर गर्नुपर्नेमा जाेड पनि दिए ।

उनिहरुले अंवैधानिक कदम चाल्ने राष्ट्रपति भण्डारीलाई नैतिकताको हिसाबले अब एक क्षण पनि पदमा बस्न नमिल्ने भएकाले राजिनामा दिएर राष्ट्रपति पदकाे गरिमालाई कायम राख्न सुझाव पनि दिए । गैर संवैधानिक कदम चाल्ने राष्ट्रपति भण्डारीकाे बचाउमा उत्रिएर एमाले र उसका अध्यक्ष केपि ओली मधेस र मधेसी विराेधी रहेकाे तथ्य फेरि पनि पुष्टि भएकाे उनिहरुकाे तर्क थियाे ।

जसपा पर्साका सचिव तबरेज अहमदकाे अध्यक्षतामा भएकाे कार्यक्रममा राजनीतिक समिति सदस्य देवेन्द्र मिश्र, प्रदेशसभा सदस्य करिमा बेगम, जसपाका केन्द्रीय सदस्य जनार्दन यादव, सह इन्चार्ज महाराज यादव, अधिवक्ता सुरेन्द्र कुर्मी, नेता मुकेश द्विवेदी, प्रेमबाबु पटेल, सलमा खातुन लगायतले आ आफ्नाे धारणा राखेका थिए ।

वीरगंजकाे रानिघाट, विर्ता र मुर्लीमा १७५ जनाद्वारा रक्तदान

0

वीरगंज । वीरगंजकाे ३ स्थानमा शनिबार रक्तदान कार्यक्रम सम्पन्न भएकाे छ । विभिन्न संस्थाकाे आयाेजनामा भएकाे कार्यक्रममा ७ महिलासहित १७५ जनाले रक्तदान गरेकाे रक्त संचार केन्द्र वीरगंजका प्रमुख साैरभ राज पाण्डेले जानकारी दिए ।

दुर्गा पुजा सेवा समिति रानिघाटले आयाेजना गरेका कार्यक्रममा ७ महिलासहित ९५ जनाले रक्तदान गरेकाे प्रमुख पाण्डेले वताए ।

दुर्गा पुजा स्थल मै भएकाे कार्यक्रममा कृष्णा चाैरसिया, अशाेक श्रीवास्तव, सतिश सिंह राजपुत, संजय साह, रवि राैनियार, दिपेश कुमार कर्ण, सशिकान्त ठाकुर, दिपेन्द्र चाैधरी, पुर्षाेत्म साह, मनिष कुमार साह, प्रदिप साह, राहुल गुप्ता, गिता देवी, रहिना खातुन, अएशा खातुन, राजु गुप्ता, राजेश पटेल, विजय राम, विशाल गुप्ता, संताेष सहनी लगायतकाले रक्तदान गरेका हुन् । 

यसैगरी विर्ता युवा क्लबकाे आयाेजनामा भएकाे कार्यक्रममा ४९ जनाले रक्तदान गरेकाे पाण्डेले वताए । विर्तामाई मन्दिरमा भएकाे कार्यक्रममा राजु बस्नेत, दिपक शर्मा, डेभिड थापा, पानालाल पटेल, अर्जुन साह, साेनु तिवारी, दिपेन्द्र प्रसाद पाण्डे, रमेश गुप्ता, अलाेक कुमार, मुकेश कुमार सिंह, जगत प्रसाद साह, विपिन कुमार, दिपु सर्राफ लगायतकाले रक्तदान गरेकाे उनले वताए ।

यसैगरी प्रेन्डस ओरगनाइजेसन साेसल एक्टिभिटिस एण्ड सर्भिसकाे आयाेजनामा मुर्लीमा भएकाे कार्यक्रममा ३१ जाले रक्तदान गरेकाे रक्त संचार केन्द्र वीरगंजले जनाएकाे छ । 

नेता असल भए तिव्र विकास हुन्छ : सहरी मन्त्री चौधरी

0

सिमरा । सहरी विकास मन्त्री मेटमणि चौधरीले नेता असल भएमा विकासका काम तिव्र हुने बताएका छन् ।बाराको गढिमाई पार्क, गढिमाई चोकदेखि रसौला, बस्डिल्वा, इनर्वासिया बजार, सानो माटियरिया चिनी मिल हुँदै मानवत मटिअर्वा हुलाकी राजमार्ग जोड्ने सडक खण्ड, टेलिकम चोक–विकासशिल चोक –रंगशाला चोक –एयर्ट पोर्ट दक्षिण सिमानासम्म जोड्ने सडक निर्माण लगायत ५० करोडका आयोजनाहरुको सहरी मन्त्री चौधरीले शुक्रबार शिलान्यास गर्दै यस्ताे भएका हुन् ।

शिलान्यास पछि आयोजित कार्यक्रममा बोल्दै मन्त्री चौधरीले बारा पछि पर्नुको कारण यहाँ असल नेता नभएको धारणा राखेका छन् ।
‘जुन ठाउँका नेता असल, इमानदार र विकासप्रेमी हुन्छन् त्यहाँ तिव्र गतिमा विकास पुग्छ । तर जहाँ जनताको काममा ध्यान दिने भन्दा पनि गफ ठुला गर्ने नेता हुन्छन्, जहाँ जनतालाई हेप्ने, थर्काउने नेता हुन्छन्, त्यहाँ विकास हुँदैन ।’

चुनाव जितेपछि नेता पार्टी भन्दा माथि उठेर विकासका काममा लाग्नुपर्ने बताएका सहरी मन्त्री चौधरीले किसान श्रेष्ठ बारामा विकास गर्न र यो ठाउँलाई माथि उठाउन यहाँ आएको बताए ।

कार्यक्रममा बोल्दै पूर्वमन्त्री समेत रहेका किसान श्रेष्ठले अब बारामा विकास र सम्बृद्धिको मुल फुट्ने दाबी गरे । बाराको विकासमा उनले जनताले चाहे जति बजेटको व्यवस्था गर्ने प्रतिवद्धता समेत व्यक्त गरे ।

शहरी विकास तथा भवन निर्माण विभागका उपमहानिर्देशक दिपिल शेखर श्रेष्ठले स्थानीय तह आत्मनिर्भर हुन जरुरी रहेको बताउँदै शिलान्यास भएका आयोजनाहरु समयमै सकिने बताए । सघन सहरी तथा भवन निर्माण बाराका आयोजना प्रमुख झपट बहादुर थापाले शिलान्यास गरिएका जम्मै आयोजनाहरुले जनताको जीवनमा ठुलो परिवर्तन आसा व्यक्त गरे ।

कार्यक्रममा प्रदेश सभा सदस्य शोभा लामा, सुन्दर विक, एकबाल मियाँ, सीता गुरुङ, जितपुर सिमरा उपमहानगरपालिकाका मेयर राजन पौडेल, उपप्रमुख भोला प्रसाद अधिकारी लगायत विभिन्न दलका नेता तथा प्रतिनिधिहरुले आ आफ्ना मन्तव्य राखेका थिए ।

वडाध्यक्षका प्रत्यासी नरेश यादव माओवादी केन्द्र प्रबेश

0

वीरगंज । वीरगंज महानगरपालिकाकाे वडा नम्बर १८ का वडाध्यक्षका प्रत्यासी युवा नेता नरेश प्रसाद यादव नेकपा (माओवादी केन्द्र)मा प्रवेश गरेका छन् । स्थानीय तहको निर्वाचन २०७९ मा स्वतन्त्र उम्मेदवार बन्नेका युवा नेता यादव आफ्नाे समर्थकसहित माओवादी केन्द्र प्रवेश गरेका हुन् ।  

केन्द्रिय सदस्य रहबर अन्सारीकाे पहलमा माओवादी प्रबेश गरेका यादवलाई माओवादीका अध्यक्ष पुष्पकमल दाहाल (प्रचण्ड) ले शनिबार पार्टीमा स्वागत गरेकाे अनेरास्ववियु क्रान्तिकारीका नेता जुबेर आलमले जानकारी दिए ।

काठमाडाैंस्थित अध्यक्ष प्रचण्ड निवासमा खुमलटारमा भएकाे कार्यक्रममा युवा नेता यादवसहितका नेता तथा कार्यकर्ताहरुलाई अध्यक्ष प्रचण्डले अबिरकाे टिका र खादा लगाएर पार्टीमा स्वागत गरेकाे उनले वताए ।

स्थानिय तह निर्वाचनको अघिल्लो दिनसम्म जसपाबाट टिकट पाउने अपेक्षा गरिएपनि अन्तिम समयमा आएर यादवलाई जसपाले टिकट नदिएपछि स्वतन्त्रबाट उम्मेदवारी दिएका थिए । आँप चुनाव चिन्हबाट चुनाव लडेका यादवले ४ सय ४ मत प्राप्त गरि तेस्राे स्थान हाँसिल गरेका थिए ।

संघीय लोकतान्त्रिक गणतन्त्र र समावेशी राज्य निर्माणमा माओवादीको विचार र सिद्धान्त मनपरेपछि माओवादी केन्द्रमा प्रवेश गरेको यादवकाे भनाई छ । 

पार्टी प्रवेश कार्यक्रममा माओवादी केन्द्रका उप महासचिव मातृका प्रसाद यादव, स्थाई समिति सदस्य उर्मिला अर्याल, केन्द्रिय सदस्य रहबर अन्सारी, बिरेन्द्र यादव, टेक बहादुर शाक्या, मधेश प्रदेश सदस्य सलाउदिन अहमद, कृष्ण माेहन यादव लगायतकाे सहभागीता रहेका थियोे ।

अलपाइन स्कुलमा छात्रामाथि याैन दुर्व्यवहार, शिक्षक मियाँ पक्राउ

0

वीरगंज । वीरगंजकाे श्रीपुरमा रहेकाे अलपाइन स्कुलमा शिक्षकले एक छात्रमाथी याैनजन्य दुर्व्यवहार गरेका छन् । दुर्व्यवहार गर्ने शिक्षकलाई प्रहरीले पक्राउ गरि अनुसन्धान गरिरहेकाे छ ।

अलपाइन स्कुलमा अध्ययनरत एक बालिका माथि याैन दुर्व्यवहार गरेकाे आराेप नेपाली बिषयका शिक्षक ताज मियाँलाई पक्राउ गरिएकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

अभिभावकले दिएकाे उजरिकाे आधारमा असाेज ५ गते मियाँलाई पक्राउ गरि अदालतबाट ५ दिनकाे म्याद थप गराई बाल याैन दुर्व्यवहार अन्तर्गत कारवाही प्रक्रिया अगाडी बढाइएकाे प्रवक्ता गिरिले जानकारी दिए ।

पिडित बालिका कक्षा ६ मा अध्ययनरत रहेकी छन् । शिक्षक मियाँले विद्यालयमा आफुलाई दुर्व्यवहार गरेकाे अभिभावलाई वताएपछि अभिभावकले प्रहरी कार्यालयमा उजरी दिएका थिए । त्यसपछि प्रहरीले शिक्षक मियाँलाई नियन्त्रणमा लिएर अनुसन्धान पक्रिया अगाडी बढाएकाे हाे ।

दुर्व्यवहार आराेप लागेका शिक्षक मियाँकाे स्थायी घर पर्साकाे बिन्दवासिनी गाउँपालिकाकाे वडा नं. ५ मा भएपनि उनी वीरगंज मै बस्दै आएका छन् ।  

पिंकीकाे मृत्यु कुटपिट कै कारण भएकाे परिवारजनकाे दाबी

0
मृतक पिंकी र पत्रकार सम्मेलनमा उपस्थित दाई मनिष र दिदी सपना । तस्बिर : कालिका टाईम्स

वीरगंज । चितवनको भरतपुर महानगरपालिकाकाे वडा नं. १ की पिन्की कुर्मीकाे हत्या भएकाे परिवारजनले आराेप लगाएका छन् । पिंकीकाे बिहे बाराको कलैया उपमहानगर-१ मोतीबागका दिपेन्द्र कुर्मीसँग २०६७ मंसिर १४ मा सामाजिक परम्परा अनुसार धुमधामसँग नै भएको थियो ।  

तर बिहे भएको ८/१० महिना नबित्दै एसबिआई बैंकमा कार्यरत रहेका श्रीमान दिपेन्द्रले पिंकीलाई तनाव दिन थाले । परिवानजनका अनुसार दिपेन्द्रले ससुरालीबाट कार माग्न पिंकीलाई दबाव दिदै आएपनि उनले माइतीको कार दिन सक्ने हैसियत नभएको भन्दै पतिको प्रस्तावलाई टार्दै आइन् । 

पिंकीले जब पहिलो सन्तानका रूपमा छोरी साँचीलाई जन्म दिइन् त्यसपछि परिवारका सदस्यले त्यसको निहुँमा झन धेरै मानसिक र शारीरिक यातना दिन सुरु गरे । एकातिर दाइजोमा कारको माग अनि अर्कोतिर छोरी जन्माएको निहुँमा यातना थपिँदै गएपछि आजित पिंकीले घरमै एक पटक आत्महत्याको प्रयास पनि गरिन्। 

तर छिमेकीले बेलैमा थाहा पाएर उनको उद्धार गरे । त्यति हुँदासमेत परिवारका सदस्यबाट यातना दिने क्रम रोकिएन ।

पति, सासु र ससुराको कुटपिटबाट गम्भीर घाइते भएकी पिंकीको काठमाडौंको मेडिसिटी अस्पतालमा उपचारका क्रममा यही असोज २ गते मृत्यु भएको दाई मनिष बताउँछन् । बिहेका बेला दाइजोमा माइतीले ४० लाख नगद र १० तोला सुन दिएपनि थप दाइजाे कार चाहिएकाे भन्दै बहिनीलाई यताना दिदा मृत्यु भएकाे उनकाे आराेप छ । 

शुक्रबार नेपाल पत्रकार महासंघ पर्सा शाखामा पिन्कीका माईती पक्षले पत्रकार सम्मेलनको आयोजना गरी पति दिपेन्द्र, ससुरा मुरारी र सासु मन्तुरा देवीको कुटपिट कारण पिन्कीकाे मृत्यु भएकाे दिदी सपना गुप्ताले दाबी गरिन । उनले भनिन “विहेमा ४० लाख नगद र १० तोला सुन दिएकै थियौ तर पछि फेरि कार माग्न थाले, त्यहि कार दिन नसक्दा मेरी बहिनीलाई कुटी कुटी मारे ।”

सपना भन्छिन् ,‘ दाइजोमा कार नदिएको र छोरी पाएकै निहुमा मेरी बहिनीलाई पापीहरुले १२ वर्ष देखि यातना दिएर मारे, हत्याको मुख्य कारण भनेकै दाइजोमा कार नदिएको हो, अनि छोरी किन जन्माइस् भन्ने निहु पनि हो ।

मृतक पिंकीका दाइ मनिष भन्छन्,‘ परिवारको एक्लो छोरो, त्यसमा पनि बैंक जागिरे भएकाले बहिनीले सुख पाउछे भनेर मागे जति दाइजो दिएर विहे गरिदियौ तर मेरी बहिनीले विहे भए देखि नै कहिले सुखको सास फेर्न पाइन, दाइजोको लोभी ज्वाँइ दिपेन्द्र र पापी बाउआमाले १२ वर्ष सम्म यातना दिइरहे, अन्तमा कुटेर हत्या गरे ।

मृतक पिंकीका पति दिपेन्द्र पिंकीको हत्या आरोपमा अहिले जिल्ला प्रहरी कार्यालय बाराको हिरासतमा छन् । उनि वीरगंजस्थित एसबीआइ बैंकको शाखा प्रबन्धक पनि हुन् । बैंकमा पद स्तरोन्नत्ती भएपछि ज्वाँइ दिपेन्द्रले माइतीबाट कार माग्न पत्नि पिंकीलाई दबाब दिन थालेको तर आफुहरुले कार दिन नसक्ने हैसियत नभएको भनेर जवाफ दिएपछि बहिनी पिंकी मााथि कुटपिट गर्दै यातना दिन थालिएको दिदी सपना बताउछिन् ।

दाइ मनिषका अनुसार, कुटपिटबाट सिकिस्त भएपछि गत भदौ २७ गते उपचारका लागि ज्वाइ दिपेन्द्र सहितकाले वीरगंज एडभान्स हस्पिटलमा लगेका थिए । तर त्यहा उपचार सम्भव नभएपछि दिपेन्द्रले पिंकीको माइतीमा खबर गरेका थिए । त्यसपछि पिंकीलाई उपचारका लागि भदौं २८ गते चितवन मेडिकल कलेजमा लगेर भर्ना गरियो ।

टाँउकोमा रगत जमेको भन्दै डाक्टरले शल्यकृया पनि गरे । तर अवस्था झनै बिग्रीएपछि पिंकीलाई काठमाण्डौको मेडिसिटी अस्पताालमा लगेर भर्ना गरियो । जहाँ उपचारका क्रममा असोज २ मा पिंकीको मृत्यु भयो । पाटन अस्पतालमा गरिएको शवको पोष्टमार्टम रिपोर्टमा समेत पिंकीको टाँउकोमा गह्रुङ्गो वस्तुले हानेका कारण १०/१५ दिन पहिले देखि मस्तिष्कमा रगत जमेको र त्यहि कारण मृत्यु भएको भनेर डाक्टरले लेखेकाे दाई मनिषकाे भनाई छ ।

मनिषका अनुसार, पाटन अस्पतालले पोष्टमार्टमको रिपोर्ट दिए लगत्तै त्यहिबाट प्रहरीले आरोपित बहिनी ज्वाँइ मनिषलाई नियन्त्रणमा लिएर हिरासतमा राखेको र अहिले जिल्ला प्रहरी कार्यालय बारामा पठाएको छ ।

बहिनी पिंकीको हत्यामा प्रत्यक्ष संलग्न रहेको भन्दै दाइ मनिषले पिंकीका पति दिपेन्द्र , ससुरा मुरारी प्रसाद जयसवार, सासु मन्तुरा देवी, काका ससुरा जगत प्रसाद जयसवार गरि ४ जना विरुद्ध कर्तव्य ज्यान मुद्धामा असोज ४ गते जिल्ला प्रहरी कार्यालय बारामा जाहेरी दिएका छन् ।

जस मध्ये दिपेन्द्र पहिले नै पक्राउ परि प्रहरी हिरासतमा छन् भने अरु तीन जना आरोपितलाई प्रहरीले अहिले सम्म पनि पक्राउ नगरेको दाई मनिष गुनासो गर्छन् । असोज ४ मा जोहरी दिन जादा जिल्ला प्रहरी कार्यालयमै आरोपितका निकटका मानिस र केहि नेताले धम्क्याउदै अवरोध समेत गरेको दाई मनिष बताउँछन् । उनी भन्छन्,‘ जाहेरी दर्ता गराउन प्रहरी कार्यालयमा जादा हामीलाइ निक्कै धम्क्याइयो तर हामीले त्यसको परवाह गरेनौ मुद्धा दर्ता गरायौ ।

पिन्कीकी छिमेकी समेत रहेकी कलैयाकी महिला अधिकारकर्मी सरस्वती खनाल पनि परिवारका सदस्यहरुको यातनाकै पिंकीको हत्या भएको दाबी गर्छिन् । उनि भन्छिन् ,‘ पिंकीको घरसंगै मेरो पनि घर छ, विहे भएर आए देखि नै पिंकीलाई परिवारबाट यातना दिन थालिएको थियो, उसको घरमा सधैं कोलाहल हुन्थ्यो, विचरा पिंकीले कहिले पनि परिवारकोे माया र साथ पाइन ।

पिन्कीकी पिडा देखेर उसलाई सान्तवना दिन घरमा जादा समेत उसका सासु ससुराले उल्टै धम्क्याउने गरेको उनि बताउँछिन् । घरेलु हिंसाबाट पिडित पिंकीले यसअघि प्रहरी, प्रशासन र अदालतमा पटक पटटक न्यायका लागि गुहार पनि लगाएको तर न्याय पाउन नसकेको उनी बताउछिन् ।

खनाल भन्छिन् ,‘ एक पटक त म आफै अदालतमा पिंकीको पक्षमा साक्षी बनेर बयान दिएकोे थिए , म साक्षी बन्दा पनि मलाइ उसका परिवारका सदस्यले धम्क्याए तर मैले त्यसको परवाह गरिन । खनाल भन्छिन्,‘ पिंकीलाइ यातना दिएरै मारिएको हो , त्यसैले समाजमा रहेका यस्ता अपराधी र पापीहरुलाइ कानुनले सजाय दिनै पर्छ नत्र हरेक दिन पिंकीहरु यसरी नै मारिन्छन् ।

बाराका प्रहरी उपरिक्षक होबिन्द्र बोगटीले भने यो घटनाको अनुसन्धान र कारबाही प्रकृयामा प्रहरीले कुनै पनि कसर बाँकी नराख्ने बताए । बोगटीले भने ,‘ आरोपित मध्येका १ जना प्रहरी हिरासतमै छन् , बाँकी ३ जना कृयामा बसेका कारण नियन्त्रणमा लिन नमिलेको हो , हिरासतमा रहेका व्याक्तिको बयान पनि लिइरहेका छौं , उसको बयानबाट पनि थप कुराहरु खुल्न सक्छ ।

प्रहरी उपरिक्षक बोगटीले मृतक पिंकी पहिले देखि नै घरेलु हिंसाबाट पिडित भएको उजुरी प्रहरीमा परेकोले ती सबै फाइलहरुका बारेमा पनि अनुसन्धान भइरहेको बताए । उनले भने ,‘ यो घटनामा प्रहरीको तर्फबाट गरिनु पर्ने अनुसन्धान हामीले एकदमै संवेदनशील भएर गरिरहेका छौ , त्यसैले प्रहरीको भुमीकामा कसैले कुनै शंका नगरे हुन्छ ।

सत्तागठबन्धन निकट पर्साका युवा संगठनहरुद्वारा राष्ट्रपतिलाई ज्ञापन

0

वीरगंज । सत्ता गठबन्धन दल निकटका पर्साका युवा संगठनहरुले नागरिकता विधेयक राष्ट्रपतिले प्रमाणीकरण नगरेको विरोधमा आपत्ती जनाउदै राष्ट्रपति विधादेवी भण्डारीको ध्यानाकर्षण गराएका छन् । शुक्रबार पर्साका प्रमुख जिल्ला अधिकारी मार्फत राष्ट्रपति कार्यालयमा ज्ञापनपत्र बुझाउदै उनिहरुले राष्ट्रपति भण्डारीको ध्याानाकर्षण गराएका हुन् ।

काँग्रेस निकटको नेपाल तरुण दल, माओवादी केन्द्र निकटको वाइसियल नेपाल, जसपा निकटको समाजजवादी युवा संघ र एकीकृत समाजवादी निकटको युवा संघ नेपालले शुक्रबार जिल्ला प्रशासन कार्यालय पर्सामा पुगेर प्रमुख जिल्ला अधिकारी उमेश ढकाललाई ज्ञापन पत्र बुझाएका हाे ।

ज्ञापनपत्र मार्फत उनिहरुले संविधानको पूर्ण पालना र संरक्षणको लागि राष्ट्रपति भण्डारीसंग माग गरिएको युवा संघ नेपाल केन्द्रिय सदस्य पर्साका ईन्चार्ज अनिल पटेलले जानकारी दिए ।

प्रतिनिधिसभा र राष्ट्रिय सभाबाट दोश्रो पटक पारित भई प्रमाणिकरणका लागि राष्ट्रपति समक्ष पेश भएको नागरिकता विधेयक संविधानले सुनिश्चित गरेको १५ दिनको समय सिमा भित्र प्रमाणिकरण नगरेर राष्ट्रपति भण्डारीले संविधान र सवैधानिक व्यवस्था माथि नै गम्भीर रूपले प्रहार गरेको ठहर युवा संगठनहरुको छ ।

राष्ट्रपति भण्डारीको यो गैर संवैधानिक कदमबाट जनताले निर्वाचित गरेको संघीय संसदको घोर अपमान र अवमूल्यन पनि भएको भन्दै इन्चार्ज पटेलले संविधानले व्यवस्था गरेको जनतामा निहित सार्वभौमसत्ता, सवैधानिक सर्वोच्चता र लोकतान्त्रिक शासन व्यवस्थाका आधारभूत मान्यता माथि नै गम्भीर प्रहार भएको युवा संगठनहरुको ठहर रहेको बताए ।

त्यसैले नागरिकताबाट बन्चित लाखौ युवा युवतीहरुको हक अधिकरको सुनिश्चित गर्न राष्ट्रपति भण्डारीले संविधानको पूर्ण पालना र संरक्षणको लागि माग गर्दै ज्ञापन पत्र बुझाइएको युवा संघ नेपालका केन्द्रीय सदस्य सञ्जु चौधरीले बताए ।

ज्ञापनपत्र बुझाउन गएको टोलीमा तरुण दल पर्साका सचिव विवेक चौरसीया, वाइसियल नेपालका पर्सा इन्चार्ज सन्तोष पटेल, , समाजजवादी युवा संघका पर्सा अध्यक्ष गौरव बर्मा र युवा संघ नेपालका पर्सा अध्यक्ष श्रीलाल कुशवाहा, वाइसियल पर्साका संयोजक दिपेन्द्र पटेल लगायतको सहभागीता रहेको थियो ।

पालिकाकाे तथ्यांक व्यवस्थित गर्न डाटा म्यानेजमेन्ट तालिम

0

वीरगंज । किशाेरी सशक्तिकरणका शिक्षा कार्यक्रम अन्तर्गत ३ दिने डाटा म्यानेजमेन्ट तालिम शुक्रबारदेखि वीरगंजमा सुरु भएकाे छ । दिब्य युवा क्लब पर्सा, भिएसाे नेपाल र हेन्डिकैप इन्टरनेशनलकाे संयुक्त आयाेजनामा संचालित कार्यक्रम अन्तर्गत तालिम आयाेजना गरिएकाे परियाेजना संयाेजक गणेश ठकुरीले जानकारी दिए । 

गाउँपालिकामा भएको तथ्यांकलाई ब्यवस्तित गर्न तालिम आयोजना गरिएको उनले वताए । कार्यक्रम संचालन रहेकाे धाेबिनी गाउँपालिका र जगरनाथपुर गाउँपालिकाका शिक्षा शाखा प्रमुख, स्वास्थ्य शाखा प्रमुख, तथ्यांक अधिकृत लगायतकाे लागि तालिम आयाेजना गरिएकाे परियाेजना संयाेजक ठकुरीले वताए ।

तालिमकाे उद्घाटन सत्रलाई सम्बाेधन गर्दै शिक्षा बिकास एकाई पर्साका प्रमुख फत्त बहादुर श्रेष्ठले कुनै पनि कार्यक्रम सफल नहुनुको कारण तथ्यांक नहुनु भएकाे वताए । उनले सबै कार्यक्रमको सफलताको प्रतीक भनेको तथ्यांक नै भएको वताउँदै तथ्याङ ब्यवस्थित गर्न धेरै जरुरी रहेकाे वताए ।

एकाई प्रखुख श्रेष्ठले तालिमले गाउँपालिकाहरुमा अव्यवस्थित रहेकाे तथ्यांक एकीकृत र व्यस्थित गर्न सहयाेग पुग्ने बिश्वास समेत व्यक्त गरे ।

दिब्य युवा क्लबका अध्यक्ष उमेश चौहानले ग्रामीण क्षेत्रमा रहेका विद्यालयहरुकाे गुणस्तर राम्रो नभएको वताए । उनले ती विद्यालयमा भएका समस्याको तथ्यांक नभईदिएका कारण काम गर्न ग्राहो भएको वताए । तथ्यांक नभए खण्डमा याेजना बनाउन र काम गर्न ग्राहाे हुने भएकाेले डाटा म्यानेजमेन्ट तालिमकाे आयाेजना गरिएकाे अध्यक्ष चाैहानले वताए ।

३ दिन सम्म चल्ने तालिममा डाटा एनलिष्ट सनिश गाेपाली र बासुदेव कर्णले प्रशिक्षण दिइरहेका छन् ।