Date
मङ्ल, मंसिर १, २०८३
Tue, November 17, 2026
Home Blog Page 622

कांग्रेस शेखर कोइराला समूहद्वारा पार्टी केन्द्रीय कार्यालयमा धर्ना

0

वीरगंज । आसन्न प्रतिनिधि सभा र प्रदेश सभा निर्वाचनमा समानुपातिक बन्द सूचीमा एकलौटी तरिकाले नाम बुझाएको भन्दै नेपाली कांग्रेस शेखर कोइराला समूहले बुधबार पार्टी केन्द्रीय कार्यालयमा धर्ना दिएको छ।

ललितपुरकाे सानेपा स्थित पार्टी कार्यालमा बुधबार दिउँसो १ बजे देखि २ बजे सम्म शेखर समूह धर्नामा बसेकाे हाे । 

पार्टी सभापति शेरबहादुर देउवाले पार्टीमा मनोमानी गरेको र बन्दसूचीमा सल्लाह नै नगरी नाम पठाएको संस्थापन इतर समुहको आरोप छ । शेखर समूहले संघदेखि प्रदेशसम्मको सूची सच्याउनुपर्ने माग अघि सारेको छ । आफूहरुले कम्तीमा ४० प्रतिशत हिस्सा पाउनुपर्ने उनीहरुको अडान छ ।

धर्ना कार्यक्रममा वाेल्दै  नेपाली काँग्रेस पर्साका पूर्व सभापति रााजेन्द्र बहादुर अमात्यले समयमै सचेत हुन पार्टी नेतृत्वलाइ सुझाव दिए ।

पार्टी सभापति शेर बहादुर देउवाले उम्मेदवार छनौटमा एकलौटी गरेको भन्दै त्यसलाइ सच्याउन माग गर्दै बुधबार पार्टी केन्द्रिय कार्यालय सानेपामा शेखर समुहले आयोजना गरेको धर्ना कार्यक्रमलाइ सम्बोधन गर्दै अमात्यले यस्तो सुझाव दिएका हुन् ।

संविधानसभा सदस्य समेत रहेका अमात्यले पार्टी नेतृत्व समयमै सच्चिएन भने त्यसको दुष्परिणाम भोग्ने चेतावनी पनि दिए । उनले भने ,‘ आँधी आउनु भन्दा पहिले वातावरण शान्त हुन्छ तर जब आँधी आउछ तब त्यसले कति तहश नहश पार्छ त्यसको हेक्का पहिले कसैले राखेको हुदैन ।

अमात्यले पार्टी नेतृत्वले कसैलाई काखा र कसैलाइ पाखा गरे स्वभाविक रुपमा विद्रोेह हुने बताए । उनले भने ,‘ त्यसैले म यहि धर्ना कार्यक्रमबाट नेतृत्वलाइ सचेत गराउन चाहन्छु अझै समय छ बेलैमा नेतृत्वले ध्यान देओस् होइन भने यसबाट उत्पन्न हुने परिस्थितीले कसलाइ कहा पुरयाउछ त्यसको ठेगान छैन ।

अमात्यले काँग्रेस पार्टी कोहि पनि नेता विशेषको पार्टी नभइ लाखौं नेता कार्यकर्ताको रगत र पसिनाबाट सिन्चित पार्टी भएको यथार्थलाइ नबिर्सन पनि नेतृत्वलाइ आग्रह गरे ।

पर्साबाट काँग्रेसका पूर्ब जिल्ला सभापति राजेन्द्र बहादुर अमात्यकाे नेतृत्वमा सयाैं नेता कार्यकर्ता धर्नामा सहभागि भएका थिए ।

अमात्यसंगै प्रदेशसभा सदस्य राजेश्वर साह तेली, पुर्व क्षेत्रीय सभापित विजय सर्राफ, वीरगंज महानगर सभापति मणिन्द्रलाल नेपाली, नगर उपसभापति सन्ताेष गुप्ता, पूर्ब नगर सचिव मनाेहर साह, नेताहरु विजय कर्ण, राेशन लामिछाने लगायतका नेता कार्यकर्ता पर्साबाट धर्नामा सहभागी थिए ।

प्रेस सेन्टकाे शुभकामना आदानप्रदान कार्यक्रम सम्पन्न

0

वीरगंज । प्रेस सेन्टर नेपाल पर्साको आयोजनामा बुधबार बडा दशैं, दिपावाली तथा छठ पर्वको शुभकामना आदानप्रदान कार्यक्रम सम्पन्न भएको छ ।

वीरगंजकाे मुर्लीस्थित वीरगंज सिटी प्यालेसमा भएको कार्यक्रमलाई सम्बोधन गर्दै प्रेस सेन्टर नेपालका केन्द्रिय उपाध्यक्ष गोबिन्द देवकोटाले पत्रकारिता पेशा मर्यादित बनाउन नेपाल पत्रकार महासंघले भुमिका खेल्नु पर्ने वताए ।

उनले वीरगंजका उद्योगहरुले काठमाडाैंकाे मिडिया हाउसहरुलाई मात्र विज्ञापन दिने गरेका गुनासाे गर्दै यहाँका उद्याेगहरुले वीरगंजका मिडिया हाउसहरुलाई पनि विज्ञापन दियाेसका लागि पनि पत्रकार महासंघले भुमिका खेल्न र पहल गरिदिन आग्रह गरे ।

प्रेस सेन्टर पर्साका अध्यक्ष दिपक गौतमको अध्यक्षतामा भएको कार्यक्रममा प्रदेश सभा सदस्य पशमिना कादरी खातुन, वीरगंज उद्योग वाणिज्य संघका अध्यक्ष शुबोध गुप्ता, उपाध्यक्ष अनिल पाटवारी, माधव राज पाल, पर्साका सहायक प्रमुख जिल्ला अधिकारी भिमकान्त पाैडेल, नेकपा माओवादी केन्द्रका नेता बालकृष्ण श्रेष्ठ, नेपाल पत्रकार  महासंघका केन्द्रिय सदस्य केशी लामिक्षाने, मधेश प्रदेशका महासचिव श्याम बंजारा, पर्सा अध्यक्ष अनुप तिवासी, समाजवादी प्रेस संगठन पर्साका अध्यक्ष मनाेज पटेल लगायतकाले शुभकामना मन्तव्य राखेका थिए ।

प्रेस सेन्टर नेपालका केन्द्रिय सदस्य निरज पिठाकाेटे मगरले स्वागत मन्तव्य राखेकाे कार्यक्रमकाे संचालन प्रेस सेन्टर पर्साका सचिव शिवनाथ यादवले गरेका थिए ।

अलाैंमा नि:शुल्क घुम्ती सिविर सम्पन्न

0

वीरगंज । वीरग‌ंज महानगरपालिकाकाे वडा नं. १७ अलाैंमा बुधबार नि:शुल्क घुम्ती सिविर सम्पन्न भएकाे छ । शिविरमा १५० महिलासहित ३७० जनाले स्वास्थ्य परिक्षण गराएका छन् । शिविरमा नि:शुल्क औषधी वितरण गर्नुकाे साथै स्वास्थ्य जाँच तथा डेंगु रोग सम्वन्धी पर्चा पम्पलेट समेत वितरण गरिएकाे वीरगंज सामुदायिक आखाँ हस्पिटलका संयाेजक महेश धामीले जानकारी दिए ।

सामुदायिक प्रहरी साझेदारी कार्यक्रम अन्तर्गत ग्रिनसिटी सामुदायिक सेवा केन्द्र तथा ग्रिनसिटी सामुदायिक प्रहरी सेवा केन्द्र आदर्शनगर १० पर्सा, वीरगंज सामुदायिक आँखा हस्पिटल वीरगंज, रुँगटा वेल फेयर सोसाइटी वीरगंज र प्रभु हस्पिटल वीरगंजको सयुक्त आयोजनामा तथा वीरगंज महानगरपालिकाकाे वडा नं. १७ का वडाध्यक्षय संन्जु छतकुलीको सहयोगमा शिविर आयाेजना गरिएकाे थियाे ।

शिविरमा प्रभु अस्पतालका बरिष्ठ ल्याप्रोस्कोपिक सर्जन डा. मनोज गुप्ता एवं वरिष्ठ महिला स्त्रीरोग विशेषज्ञ लक्ष्मी थापा गुप्ताको नेतृत्वमा बाल रोग विशेषज्ञ डा.असलम अन्सारी, आँखाका नेत्रसहायक प्रभात चौरसियाले सहभगिता स्वास्थ्य तथा आँखा परिक्षण गरेका थिए ।

वडाध्यक्ष छत्कुलीकाे सभापतित्व र रुङ्टा वेल फेयर सोसाइटीका सुरेश रुङ्ग्टाको प्रमुख आतिथ्यमा भएकाे शिविरमा शसस्त्र प्रहरी निरीक्षक तिर्थ न्यौपाने, ग्रिन सिटी सेवा केन्द्रका अध्यक्ष जय प्रकाश खेतान, सुभाष थापा, कार्यक्रम संयाेजक दिलिप राज कार्की, अभियन्ता शिव राज पटेल लगायतकाे उपस्थिति रहेकाे थियाे ।

जगरनाथपुरमा बैंक मार्फत वडाबाटै समाजिक सुरक्षा भत्ता

0

वीरगंज । पर्साकाे जगरनाथपुर गाउँपालिकाले सामाजिक सुरक्षा भत्ता वितरणकाे लागि शिविर संचालन गरेकाे छ । एनआइसि एशिया बैंक जगरनाथपुर शाखाकाे समन्वयमा गाउँपालिकाले वडा कार्यालयमै पुगेर भत्ता वितरण गर्न थालेपछि स्थानीय खुसी भएका छन् । 

वडाबाटै भत्ता वितरण सुरु भएपछि आफूलाई निकै राहत मिलेको र बैंकमा दिनभर लाइन बस्नुपर्ने बाध्यता हटेको लाभग्राहीहरुले वताएका छन् ।

ज्येष्ठ नागरिक र अपांगता भएकाहरूलाई बैंकमा घण्टौँ लाइन बस्नुपर्ने अवस्थाको अन्त्य गर्न वडाबाटै सामाजिक सुरक्षा भत्ता वितरण सुरु गरिएको गाउँपालिका अध्यक्ष श्रीकान्त प्रसाद यादवले वताए । उनले जनताको सहजताका लागि वडाबाटै सामाजिक सुरक्षा भत्ता वितरण गरेपछि नागरिकको अनुहारमा खुसी देख्दा आफूहरूलाई थप खुसी मिलेको बताए ।

बैंककाे समन्वयमा लाभग्राहीहरुकाे सहजताकाे लागि वडा वडामा पुगेर भत्ता वितरण गर्न थालिएकाे प्रमुख प्रशासकिय अधिकृत कृष्णनन्दन रायले वताए । उनले वडा नं. १ देखि वडा नं. ६ सम्म वडा मै पुगेर शिविर मार्फत सामाजिक सुरक्षा भत्ता वितरण गरिने बताए ।

वडा नं. १ काे वडा कार्यालय पिडारीगुठीबाट शक्रबारदेखि सरु भएकाे समाजिक सुरक्षा भत्ता वितरण हाल सम्म एक हजार भन्दा बढी लाभग्रहीहरुलाई वितरण गरिसकिएकाे लेखापाल संदेश कुशावाले जानकारी दिए ।

शिविरमा जेष्ठ नागरिक, दलित जेष्ठ नागरिक, जष्ठ नगारिक एकल महिला र क तथा ख वर्गका अपाङ्ग  लाभग्राहीहरुलाई भत्ता वितरण गर्न थालिएकाे उनले वताए ।   

वडा नं. १ देखी ६ सम्मका सम्पुर्ण दलित बालवालिका (सामाजिक सुरक्षा भत्ता लाभग्राही)हरु तथा शिविरबाट सामाजिक सुरक्षा भत्ता रकम प्राप्त गर्न छुट भएका लाभग्राहीहरुले एनआइसी एसिया बैंक शाखा कार्यालय जगरनाथपुरबाट कार्यालय समयमा भत्ता प्राप्त गर्न सक्ने गाउँपालिका कार्यालयले जनाएकाे छ ।

इप्रका गाैशालाले १६ थान मोवाईल फेला पारी धनिलाई बुझायाे

0

वीरगंज । ईलाका प्रहरी कार्यालय गौशाला महोत्तरीले १६ थाना माेबाइल फेला पारी सम्बन्धित धनीलाई बुझाएकाे छ । इप्रका गाैशालाका प्रहरी निरिक्षक रन्जन मिश्रकाे सक्रियातामा विभिन्न मितिमा विभिन्न स्थानबाट हराएकाे माेबाइलहरु सम्बन्धित धनिले पाएका हुन् ।

माेबाइल फाेन हराएको प्राप्त निवेदनको सम्बन्धमा इप्रका गाैशालाले खोजतलास गरी सम्बन्धित धनिलाई बुझाएपछि माेबाइल फाेन पाउनेहरु खुसि भएका छन् । माेबाइल फाेन हराएपछि पाउने आश मेटाएका माेबाइल धनिहरु माेबाइल पाएपछि खुशिल देखिएका थिए ।

बिभिन्न मितिमा बिभिन्न स्थानहरुबाट हराएकाे विभिन्न कम्पनीका महंगाे मोवाईल फोनहरु फेला पारेर सम्बन्धित धनिलाई बुझाइएकाे इप्रका गाैशालाका प्रहरी निरिक्षक मिश्रले वताए । माेहतरीसहित पर्सा, बारा, सर्लाही, जनकपुर लगायतका जिल्लामा चलाईरहेको अवस्थामा हराएकाे स्मार्ट फोनहरु फेला परेकाे प्रहरी  निरिक्षक मिश्रले जानकारी दिए ।

यातायात कार्यालय वीरगंजकाे दुई कर्मचारीलाई माेह, सरुवा भएपनि गएनन्

0

वीरगंज । यातायात कार्यालय वीरगंज लाइसेन्स शाखामा कार्यरत दुई कर्मचारीकाे सरुवा भएपनि उनीहरु रवाना भएका छैनन् । छैठो तहका कम्प्यूटर अपरेटर शम्भु चौधरी र कलाम हुसैनको सरुवा एक महिना भईसक्दा पनि उनीहरु वीरगञ्ज मै कार्यरत रहेका छन् ।

अगामी मंसिर ४ गते हुने संघ र प्रदेशसभाकाे निर्वाचनलाई मध्यनजर गर्दै निर्वाचन आयोगले २०७९ असोज ६ गते एक विज्ञप्ती जारी गर्दै कर्मचारीहरुको सरुवा रोक्न तथा सरुवा भएका कर्मचारीहरुलाई तत्काल रवाना दिन सम्बन्धित सबैलाई निर्देशन दिएपनि यी दुई कर्मचारी साे निर्देशनको धजिया उडाएका छन् ।

विगत ३ वर्षदेखि विभिन्न शक्ति केन्द्रको आडमा दुबै जना एकै ठाउँ मै कार्यरत रहेकाे अवस्थामा सरुपा भएपनि सरुवा भएकाे ठाउँमा नजानु थप रहस्यको विषय बन्नेकाे छ ।

निर्वाचन आयोगले अगामी निर्वाचनका लागि यहीँ असोज ६ गते देखि अस्थायी मतदाता नामावलीमा कर्मचारीहरुको नाम समावेश गर्ने प्रक्रिया प्रारम्भ भएकोले यस अवस्थामा विभिन्न तहका सरकार तथा सार्वजनिक निकायले कर्मचारी सरुवा गरिदिँदा अस्थायी मतादाता नामावली संकलनको कार्यमा बाधा उत्पन्न हुने र समग्र निर्वाचन व्यवस्थापनमा प्रतिकुल प्रभाव पार्ने हुँदा असोज ६ गते देखि निर्वाचन आयोगको अनुमति नलिई कुनै कर्मचारीको सरुवा नगर्न/नगराउन र असोज ५ गते सम्म सरुवा भईसकेको अवस्था भए तत्काल रवाना लिई ९ गते सम्म सम्बन्धित कार्यालयमा हाजिर हुन निर्देशन दिएको भएतापनि यी दुई कर्मचारी हाल सम्म पनि सम्बन्धित कार्यालयमा हाजिर नभई वीरगंज मै कार्यरत रहेका श्रोतले जनाएको छ ।

मधेश प्रदेश सरकारको मुख्यमन्त्री तथा मन्त्री परिषदको कार्यालयले गत भाद्र १० गतेको निर्णय अनुसार म. कलाम हुसैनलाई यातायात व्यवस्था कार्यालय, सवारी चालक अनुमतिपत्र पर्साबाट कानून न्याय तथा प्रदेश सभा मामिला मन्त्रालय मधेश प्रदेश र शम्भु चौधरीको भाद्र २० गते प्रदेश जनलोकपाल आयोग मधेश प्रदेशमा सरुवा गरिसकेको छ ।

श्रोतका अनुसार नारायणी यातायात व्यवस्था कार्यालय सवारी चालक अनुमति पत्र पर्साका निमित्त कार्यालय प्रमुख र एक माओवादी नेताको आर्शिवादका कारण यिनीहरु वीरगंजमा विगत ३ वर्षदेखि जरा गाडेर बसेका छन् ।

आलियाकाे पहिलो हलिउड फिल्मकाे फस्टलुक भिडियो रिलिज

0

आलिया भट्टको पहिलो हलिउड फिल्म ‘हार्ट अफ स्टोन’को फस्टलुक टिजर सार्वजनिक भएको छ । गल ग्याडट र जेमी डोर्ननको प्रमुख भूमिका रहेको फिल्म नेटफ्लिक्समा रिलिज हुँदैछ ।

नेटफ्लिक्सको ग्लोबल फ्यान समारोहमा सार्वजनिक गरिएको टिजरले उपस्थित दर्शकलाई उत्साहित बनाएको थियो । सन् २०२३ मा रिलिज हुने फिल्मको टिजर ‘एक्सन लोडेड’ लाग्छ ।

अभिनेत्री ग्याडटले टिजरमा आफ्नो चरित्रलाई अमेरिकी खुफिया एजेन्सी सीआईएको एजेन्टको रुपमा चिनाएकी छन् । यद्यपि यो फस्टलुकमा आलिया र ग्याडटको चरित्रलाई विस्तृत खुलाइएको छैन ।

दशैंकाे अवसरमा वीरगंजमा सस्तो बजार संचालन

0

वीरगंज I नेपालीहरुकाे महान चाँड दशैंकाे अवसरमा वीरगंज उद्योग वाणिज्य संघले साेमबारदेखि दशै सस्तो बजार संचालनमा ल्याएको छ ।  वीरगंज उद्योग वाणिज्य संघकाे कार्यालयमा संचालमा आएकाे सस्तो बजार मेलाकाे एक कार्यक्रमकाे बिच पर्साका प्रमुख जिल्ला उमेश कुमार ढकालले उदघाटन गरेका हुन् ।

सस्ताे बजार उद्घाटन गर्दै अधिकारी ढकालले वीरगंज उद्योग वाणिज्य संघले आयोजना गरेको सस्तो बजारबाट वीरगंज लगायत आसपास क्षेत्रका आम सर्वसाधारणहरु लाभान्वित हुने बताए ।

साथै उनले वीरगंज उद्योग वाणिज्य संघकाे सर्वसाधारणलाई लक्षित गरी दशैंको अवसर पारी आयोजना गरेको दशैं सस्तो बजार सञ्चालन गर्ने कार्य एकदमै सराह्नीय रहेको बताए ।

प्रत्येक वर्ष झै यस वर्ष पनि नेपालीहरुको महान चाड बडादशैंको अवसरमा घरेलु तथा साना उद्योग कार्यालय, पर्सा र वीरगंज उद्योग वाणिज्य संघको संयुक्त आयोजनामा सञ्चालन गरिएको सस्तो बजार सात दिनसम्म लाग्ने छ ।

“दशैं सस्तो बजार २०७९” बजार घटस्थापनादेखि फुलपातीसम्म आयोजना हुने बताइएको छ । उक्त सस्तो बजारमा दैनिक उपभोग्य सामग्री सहितको १९ वटा स्टलहरु राखिएको छ ।

वीरगंज उद्योग वाणिज्य संघका अध्यक्ष डा. सुबोध कुमार गुप्ताले दैनिक उपभोग्य वस्तुहरु सुपथ मूल्यमा एकैथलोमा उपलब्ध गराउने उद्देश्यले आयोजना गरिएको बताए । उनले उक्त दशैं सस्तो बजारमा दैनिक उपभोग्य सामग्रीहरु एकैथलोमा सुपथ मूल्यमा उपलब्ध भइरहेकोले यस्ता सामग्री खरिद गरी लाभान्वित हुन आग्रह गरे ।

उद्घाटन कार्यक्रममा पर्साका प्रहरी उपरीक्षक रमेश बस्नेत, सशस्त्र प्रहरी उपरीक्षक तेजप्रसाद पोखरेल, उद्योग विभागका महानिर्देशक सुशिल साह, घरेलु तथा साना उद्योग कार्यालयका कार्यालय पर्साकी प्रमुख रिमा साह, वीरगंज उद्याेग वाणिज्य संघका निवर्तमान अध्यक्ष गोपाल केडिया लगायतको सहभागिता रहेको थियो ।

अनावश्यक विवादका कारण ठाेरी नाका बन्द : अध्यक्ष श्रेष्ठ

0

वीरगंज । पर्साको ठोरीनाका विगत एकसाता देखि बन्द नै रहेको छ । भारतीय कुलो उपभोक्ताहरुले पानी नपाएको भन्दै भारतीयलाई नेपालमा र नेपालीलाई भारतमा आवतजावतमा रोक नै लगाएका छन । सिमानाकामा आवतजावत गर्न नपाउँदा ठोरीवासीलाई सबभन्दा बढी समस्या भईरहेको छ ।

८० प्रतिशत भिखनाठोरी माथि निर्भर ठोरीवासीलाई खाद्यन्न, लत्ताकपडा लगायत दैनिक उपभोग्य गर्ने बस्तुको समेत आयात हुन सकेको छैन । नाकामा आवत जावत गर्न नपाएपछि ठोरीको बजार पसल नै सुनसान बनेको छ । प्रत्येक आईतबार ठोरी पार्कमा रमाउँन हजारौं भारतीय पाउँने गरेका थिए । आईतबारका दिन ठोरी पार्क सुनसान नै देखिएको छ । भारतीय पर्यटक नभित्रिदा त्यहाँको बजार व्यवसायमा निकै नै मर्का परेको स्थानिय बताउँछन ।

खासगरी होटल व्यवसायी नराम्रै नै प्रभावित भएको छ । यहाँका होटल व्यवसायी भारतीय माथि नै निर्भर छ, नाकामा आवतजावत गर्न नपाएपछि पर्यटक एकसाता देखि आउँन छाडेका छन् । नेपाली पक्षले भारतमा जाने पानी रोकेपछि आक्रोशित भारतीय कुलो उपभोक्ताहरुले विरोध जनाउँदै सिमानाकामा आवतजावतमा रोक लगाएका हुन ।

केहीदिन अघि नेपाली भूमिबाट निर्माण गरेको कुलो खोलाले बगाएपछि पुनः खोला निर्माण गर्न भारतीय नागरिकले खोजेपछि ठोरीका केहि राजनितिक दलका नेताहरुले कुलो बनाउँन नदिएपछि आक्राशित भारतीय कुलो उपभोक्ताहरुले नेपालीहरुलाई भारत जान रोक लगाएका हुन् ।

ठोरी गाउँपालिका अध्यक्ष लालबहादुर श्रेष्ठले भारतीय पक्षसंग हुँदै आएको ठुटेखोला विवादलाई आफनो पालामा हमेसाको लागि विवादलाई अन्त्य गर्दै पुलसगैं जोडिएको मेनरोड निर्माण गरी सहज रुपमा आवतजावत गर्न बनाएपछि केहि राजनितिक दलहरुलाई हामीले गरेको काम पचेन । आठबर्षदेखि भारतीय भूमि प्रयोग गरी नेपाल आवत जावत गर्ने गथ्र्यो तर त्यो समस्या समाधान भएको कसैले देखेन ।

नेपाली कुलोको पानी सदिंयौं देखि भारतीय नागरिकहरु प्रयोग गर्दै आएका छन । केहि राजनितिक दलका नेताहरुले मैले गरेको कामको विरोध गर्न भारतीयले पाउँने पानी रोकेर अनावश्यक विवाद गरेर दुई देशको नागरिक बिच फाँटो ल्याउँने काम गरेको अध्यक्ष श्रेष्ठले बताए । पत्रकारसंग कुरा गर्दै अध्यक्ष श्रेष्ठले, ‘ केहि राजनितिक दल खासगरी आफूलाई गठबन्धनका नेता भनाउँनेहरुले नै अनावश्यक विवाद गर्न खोजेको आरोप लगाए ।

अहिले देखिएको विवाद समाधानको लागि प्रयास गरीरहेको उनले बताए । नेपाली कुलोबाट भारत तर्फ आफै पानी गए समस्या समाधान अन्त्य हुन्छ, होईन भने, हामीले सहज रुपमा पानी लैजान दिएनौ भने विवाद यथावत नै रहने छ । अहिले नाकामा आवतजावत गर्न नपाउँदा दुवै पक्षले घाटा व्यवहेर्नु परेको उनले बताए ।

खासगरी नेपालीहरुको महानचार्ड दशै मुखकै हरेको बेला लत्ताकपडा, खाद्यन्न, किसानको लागि मल लगायतको उपभोग्य गर्ने समान आपूर्ती गर्न सकिएको छैन भने, भारतीय पर्यटकहरु पनि नेपाल आउँन पाएका छैन, उनले भने । एकपल्ट पुन वार्ताको माध्यममा समस्या समाधानको लागि आफू पहल गरीरहेको उनले बताए ।

भारतीय पक्षलाई नेपाली भूमिबाट पानी दिएको भन्दै ठोरी ३ का पूर्व वडाध्यक्ष सूर्य बहादुर लामाको संयोजकत्वमा गठन गरेको ठुटेखोला पानी बचाउ संघर्ष समितिलाई गठबन्धनका स्थानिय नेताहरुले सहयोग गर्दै त्यसको विरोधमा आन्दोलन गर्ने चेतावनी समेत दिदै आएका छन ।

बालबालिकाको सन्दर्भमा सकारात्मक अनुशासन

0
  • रामनारायण साह रौनियार

सबै अभिभावक या शिक्षकले बालबालिकालाई उचित शिक्षाका साथ राम्रो वातावरणमा हुर्काउने चाहना राख्छन । आफ्ना बालबालिका शिक्षित होउन्, असल र अनुशासित होउन् भन्ने चाहना सबै अभिभावकको हुन्छ तर जानेर वा नजानेर बालबालिकाप्रति अभिभावकले गर्ने विभिन्न व्यवहार, विद्यालयको व्यवहार र वातावरण बालबालिका लागि सुहाउदो, सजिलो र उपयोगी नभई रहेको पाईन्छ । बालबालिका छलफल गर्न, आफ्नो विचार प्रकट गर्न चाहन्छन, जिज्ञासु हुन्छन, सहभागी हुन चाहन्छ, आफैले प्रयोग गरेर सिक्न चाहन्छन, प्रशंसा र प्रोत्साहन पाउन चाहन्छन, चन्चल हुन्छ जसले गर्दा बालबालिकाको कतिपय व्यवहार र क्रियाकलाप अभिभावक वा शिक्षकलाई नराम्रो लाग्न सक्छ र उनीहरुलाई सही बाटोमा ल्याउने भनेर शारीरिक मानसिक सजाय दिने गरेको पाईन्छ । अहिले पनि सुधारको लागि पिटाई आवश्यक छ, म पनि पिटाई खाएर नै हुर्केको हो, हितका निम्ति सजाय दिनु अपराध होईन, जोखिम बाट जोगाउन सजाय दिएको जस्ता भ्रम कायमै रहेको पाईन्छ ।

विश्वभरिका १३५ राष्ट्रहरुले विद्यालयमा दिईने दण्डसजाय पुर्णरुपमा प्रतिबन्ध गरेका छन भने ६३ राष्ट्रले बालबालिकालाई जुनसुकै स्थान वा अवस्थामा दिईने दण्डसजायलाई पुर्ण रुपमा प्रतिबन्ध गरेका छन जसमध्ये नेपाल पनि एक हो । नेपालले विभिन्न अन्तर्राष्ट्रिय सन्धि सम्झौताहरु जस्तै मानव अधिकारको विश्वव्यापी घोषणापत्र १९४८, बालअधिकार सम्बन्धि अन्तर्राष्ट्रिय महासन्धि १९८९, दिगो विकास लक्ष्य आदिमा हस्ताक्षर गरेको छ । यी अन्तर्राष्ट्रिय दस्तावेजहरुमा बालबालिकाहरुलाई दण्ड सजाय लगायत कुनै पनि किसिमको हिंसा, दुव्यर्वहार, शोषण आदिबाट संरक्षण गर्नुपर्ने उल्लेख छ । नेपालको संविधान २०७२ को धारा ३९ मा बालबालिकाको हक अन्तर्गत कुनै पनि बालबालिकालाई घर, विद्यालय वा अन्य जुनसुकै स्थान र अवस्थामा शारीरिक, मानसिक वा अन्य कुनै किसिमको यातना दिन नपाईने उल्लेख छ । त्यसैगरी बालबालिका सम्बन्धी ऐन २०७५ ले जुनसुकै स्थानमा शारीरिक वा मानसिक दण्ड सजाय दिने वा अमर्यादित व्यवहार गर्ने कार्यलाई बालबालिका विरुद्ध कसुर मानेको छ र त्यस्तो कसुर गर्ने व्यक्तिलाई पचाँस हजार सम्म जरिवाना र एक बर्ष सम्म कैद सजाय हुने समेत उल्लेख गरेको छ । कानुनी व्यवस्था हुदाहुदै बालबालिकाहरु अहिले पनि विभिन्न बहानामा दण्डसजायको सिकार भईरहेका पाईन्छन । केन्द्रिय तथ्यांक विभागले हरेक पाँच बर्षमा गर्ने मल्टिपल इन्डिकेटर कलस्टर सर्भे २०१९ मा १४ बर्ष मुनिका ८० प्रतिशत बालबालिकाहरु वितेको एक महिना भित्र शारिरीक वा मनोवैज्ञानिक दण्ड सजाय भोगेको बताएको पाईएको छ ।

बालबालिका भएका घरपरिवार, बालगृहहरु, सुधार गृह, खेल्ने स्थान र उनीहरु पढ्ने विद्यालयमा अनुशासन कायम गर्ने नाममा बालबालिकामाथि शारीरिक तथा मानसिक दण्डसजाय हुने गर्दछ । दण्डसजायले गर्दा बालबालिकाको शारीरिक, बौद्धिक तथा मानसिक विकासमा तत्कालीन तथा दीर्घकालीन रुपमा नकारात्मक असरहरु देखा पर्दछन । दण्डसजाय पाउने बालबालिकामा तत्कालिन शारिरीक असर देखिनुको साथै मनोवैज्ञानिक र संवेगात्मक रुपमा पनि नकारात्मक असर पर्ने कुरा विर्सनुहुदैन । चिन्ता, उदासीनता, सुत्न नसक्नु, स्मरणशक्तिमा कमि, आत्मविश्वासमा कमि, नकारात्मक अभिवृति, अरुसंग घुलमिल हुन गाह्रो हुनु, लागुपदार्थको दुव्यर्सनीमा लाग्नु जस्ता असर पर्न जान्छ । विद्यालयको सन्दर्भमा भन्ने हो भने बालबालिकामा पढ्ने, सिक्ने ईच्छा हराउनु, शिक्षकप्रतिको विश्वास गुमाउनु, विद्यालयसंग डराउनु, उत्तेजित, आक्रमक हुनु, विद्यालय जान छोड्नु, आफुलाई काम नलाग्ने महसुस गर्नु जस्ता असरहरु देखिन्छ । विद्यालय बालबालिकाको निम्ति भनेर खोलिएको र विद्यालयको सबै गतिविधि बालबालिकालाई नै राम्रो होस् भन्नका लागि गरिने हुदाँ अनुशासन पालना गर्ने गराउने क्रममा बालबालिकालाई नकारात्मक प्रभाव पार्ने वा सुधार गर्ने नाममा झन् विगार्ने काम गर्नु कहाँसम्म उचित हो सोच्नुपर्ने हुन्छ । बालबालिकामा अनुशासन कायम गराउन दण्डसजाय नै दिनु पर्दछ भन्ने छैन । उनीहरुसंग गरिने सकारात्मक र मैत्रीपुर्ण व्यवहारले पनि अनुशासन कायम हुन सक्दछ । यस प्रकारको विधिलाई सकारात्मक अनुशासन भनिन्छ । सकारात्मक अनुशासन पद्धतिले बालबालिकाको अधिकारको उल्लंघन नगरीे बालबालिकालाई सहयोग, प्रोत्साहन र पुरस्कृत गरेर धेरै सिकाउन सकिन्छ भन्ने मान्यता राख्दछ । यस पद्धतिले बालबालिका र अभिभावक वा शिक्षकको सम्बन्धलाई पनि मजबुत पार्दछ भने बालबालिकालाई अभिभावक वा शिक्षक माथि विश्वास गर्ने र उनीहरुबाट राम्रा कुरा सिक्न प्रेरणा दिईराख्छ र बालबालिकालाई आफ्नो गल्ती महसुस गराई गल्ती नदोहोर्याउन मद्दत गर्दछ ।

बालबालिकालाई राम्रो कामको प्रोत्साहन गर्दै कुन व्यवहार किन राम्रो हो वा नराम्रो हो भन्ने बारेमा स्पष्ट गरिदिएमा उनीहरुको व्यवहार परिवर्तन गर्न सकिन्छ । बालबालिकाहरु घरपरिवार भित्रका समस्याहरु, विद्यालय परिसर र बाहिरका समस्या, कक्षाकोठा भित्रका समस्या, शिक्षकको कारण सिर्जित समस्याहरु आदि कारणले अनपेक्षित व्यवहार देखाउने गर्दछन । बालबालिका कुनै गल्ती गरेमा त्यसको मुल कारण के हो पता लगाई सम्बन्धित बालबालिकासंग नै सल्लाह गर्ने गरिएमा विद्यार्थीले भोगेको समस्या वा मुल कारणको बारेमा जानकारी हुनाका साथै समाधानका उपालयहरु पनि संयुक्त रुपमा निकाल्न सकिन्छ । समस्याग्रस्त बालबालिकाको बारेमा अभिभावकसंग छलफल पनि गर्न सकिन्छ । गल्ती भएकोमा त्यसो नगर भन्नुको साटो सही कुरा के हो वा गर्नुपर्ने के हो त्यो बताईदिए उनीहरु अझ प्रष्ट हुन्छन । बालबालिकाहरुलाई यसो गरेमा यसको परिणाम यो हुन्छ भनेर स्पष्ट गरिदिएमा कुनै कार्य गर्दा वा नगर्दा के हुन्छ भनी सोच्ने अवसर पाउँछन उनीहरु आफै जिम्मेवार छन भन्ने महसुस पनि हुन्छ । बालबालिकालाई बदमास, खराब भन्नु भन्दा उसले गरेको सामान्य राम्रो कामलाई पनि अगाडि ल्याई उसको प्रशंसा गदै उसले के गल्ती गरको हो त्यो बुझाएर सुधार गर्ने अवसर समेत प्रदान गरिदिदा पक्कै पनि परिवर्तन आउनेछ । सजायले एक छिनलाई समस्या समाधान भएको जस्तो देखिएपनि पनि यसको दीर्घकालीन परिणाम राम्रो हुदैन । तसर्थ डर र दवावले अनुशासन कायम गराउनु भन्दा समझदारी र सहभागितालाई प्राथमिकता दिनुपर्दछ ।

बालबालिकाको पनि व्यस्क सरह मानव अधिकार हुन्छन, उनीहरु शरिरीक र मानसिक रुपमा परिपक्व भईनसकेको हुनाले अझ बढी संरक्षण, स्याहार माया, हेरचाहको आवश्यकता हुन्छ । अन्य बालबालिकाको भन्दा दण्डसजाय पाउने वा डर त्रासमा बाच्ने बालबालिकाको मस्तिष्क विकास पनि कम हुने कुरा रिसर्चमा प्रमाणित भईसकेको छ । हाम्रो चाहना र उद्देश्य राम्रो भएपनि हामीले अपनाएको प्रक्रियाले बालबालिकामा नकारात्मक असर पर्ने भएकोले बालबालिकालाई डर, त्रास र भयले नभई रहरले अनुशासित बन्ने वातावरण सिर्जना गर्ने जिम्मेवारी अभिभावक, शिक्षक लगायत हामी सबै व्यस्कको हुन जान्छ ।