Date
मङ्ल, मंसिर १, २०८३
Tue, November 17, 2026
Home Blog Page 621

वीरगंज मेलामा नि:शुल्क स्वास्थ्य सिविर

0

वीरगंज । दसैंको उपलक्ष्यमा वीरगंजमा लाग्ने मेलालाई मध्यनजर गर्दै निशुल्क स्वास्थ्य सेवा सिविर संचालन भएको छ । ग्रीन सिटि प्रहरी सेवा केन्द्रको आयोजना प्रभु हस्पिटलको एवं वीरगंज सामुदायिक आँखा सेवा केन्द्रको सहकार्य र रुङ्टा वेल फेयर सोसाइटीको सहयोगमा शिविर संचालन भएकाे हाे ।

शिविरमा बरिष्ठ स्त्री रोग विशेषज्ञ डा. लक्ष्मी थापा, बरिष्ठ सर्जन डा. मनोज गुप्ता प्रमुख निशुल्क स्वास्थ्य चेक जाँच  प्रारम्भ गरेका थिए । शिविर साेमबार अस्ठमीको दिन संचालन हुने छ । सिविरमा नि:शुल्क औषधि समेत वितरणमा गरिने छ ।

सेवा केन्द्रका अध्यक्ष जय प्रकाश खेतानको अध्यक्षतामा रुङ्टा वेलफेयर सोसाइटीको सुरेश रुङ्टा, अभियनता दिलिप राज कार्की, वीरगंज आँखा केन्द्रका संयाेजक महेश सिंह धामी, बिर्ता वडा प्रहरीका प्रहरी निरिक्षक विशाल मल्ल, पत्रकार महासंघ पर्साका उपाध्यक्ष युवराज खडका लगायतकाे उपस्थिति रहेको थियो।

सखुवाप्रसौनी घटनाकाे मुल कारण पता लगाउन समाजवादी युवा संघकाे माग

0

वीरगंज । पर्साकाे सखुवा प्रसौनी घटना हुनुकाे मुल कारण पता लगाई सत्य तथ्य छानविन गरी दोषीलाई कारवाही गर्न समाजवादी युवा संघ पर्साले माग गरेकाे छ । युवा संघ पर्साका अध्यक्ष गाैरव बर्माले शुक्रबार एक विज्ञप्ती जारी गर्दै राजनैतीक पुर्वग्रह राखी निर्दोष फसाउने वा हाम्रो सम्भावित उम्मेदवारलाई फसाउने खोजे कडा कदम चाल्न बाध्य हुने चेतावनी समेत दिएका छन् ।

गाउँपालिका कार्यालय र बलुवा गाउँमा भएको कुटपिट, झडप, टोडफोड र आगजनीको घटना निन्दनीय रहेकाे वताउँदै युवा संघले गाउँपालिका कार्यालयमा उपाध्यक्षको कार्यकक्षमा बसेर छलफल गरिरहेका सखुवा प्रसौनी गा.पा. -५, बलुवा निवासी बुलेट गिरी भनिने दीपरन्जन गिरीलाई उपाध्यक्षको कार्यकक्षबाट बोलाइ पालिकाध्यक्ष र निजको भाइले कुटपिट गर्नु गैरकानूनी र पदीय मर्यादा बिपरितको कार्य भएकाे वताएकाे छ ।

उक्त युवाले पालिकाको गाडी दुरुपयोग बारे सामाजिक संजालमा गरेको टिप्पणी गलत भएको भए कानूनी उपचार लिनु पर्ने ठाउँमा पालिका मै कुटपिट गर्नु गराउनुले पछि उसको गाउँका केही मानिस बिच पालिका मै झडप समेत हुने स्थिति सृजना हुनु दुखद र नेतृत्वमा रहेका जनप्रतिनिधिको राजनैतिक सुझबुझको कमी भएकाे युवा संघकाे ठहर छ ।

गाउँपालिका अध्यक्ष, निजका भाइ र कार्यकर्ताबाट कुटिएका गिरीलाइ प्रहरीले आफ्नो नियन्त्रणमा लिइ दिउँसो पालिकामा भएको घटना शान्त पारि सके पछि फेरी साझ पिडित कै गाउँ बलुवा मै सरकारी गाडी, निजी गाडी र मोटर साइकलमा दलबलका साथ पालिकाध्यक्ष सहितको टोली आइ फेरी गाउँले संग झडपको अवस्था सृजना गर्नु, सवारी साधन टोडफोड हुनु र प्रहरी पुग्ना साथ गाउलेहरु हटे पछि आफ्नै कार्यकर्ता लगाएर सरकारी गाडी संगै रहेको निजी पुरानो गाडी तानेर अलग लगि आगजनी गरिएकाे जारी विज्ञप्तीमा उल्लेख गरिएकाे छ ।

युवा संघले सो घटना स्थल मै नभएका व्यक्तिहरु समेतको नाम राखी मुद्दा दर्ता भएको घटना प्रति गम्भिर ध्यानाकर्षण भएको समेत जनाएकाे छ ।

दुबै घटना स्थल मध्ये कही पनि नभएका पर्सा क्षेत्र न ३ “क” बाट जसपाका प्रदेश सभा सदस्य पदका सम्भावित उम्मेदवार तथा असल छवि भएका युवा प्रमोद कुमार जयसवाल समेतलाइ जनसम्पर्कबाट रोक्न र चुनावी कार्यक्रमलाइ प्रभावित गर्न यस घटनामा मुछ्ने प्रयास भै रहेको जनाउँदै यो घटना योजनाबद्ध रुपमा नियतबश भएको देखिएकोले घटनाको मूल कारणमा पुगि सत्यतथ्य पता लगाइ मात्र दोषीलाइ कार्यवाही गर्न युवा संघले माग गरेकाे छ ।

विद्यालय व्यवस्थापन समिति गठन

0
kalikatimes

वीरगंज । पर्साकाे पकहा मैनपुर गाउँपालिका वडा नं. ४ लहावरथकरीमा रहेकाे मानसामाई इन्द्रदेव चाैरसिया आधारभुत विद्यालयमा बुधबार विद्यालय व्यवस्थापन समिति गठन भएकाे छ ।

विद्यालय प्राङ्गणमा भएकाे अभिभावकहरुकाे भेलाले रामबाबु प्रसाद चाैरसियाकाे अध्यक्षतामा ७ सदस्यीय विद्यालय व्यवस्थापन समिति गठन गरेकाे हाे । 

नवगठित विद्यालय व्यवस्थापन समितिकाे सदस्य सचिवमा बिरेन्द्र पाण्डे, सदस्यहरुमा जनार्दन यादव, चन्द्रावती देवी, संताेष साह, साेभावती देवी र नुरजहान खातुन रहेका छन् ।

इलाका प्रहरी कार्यालय कालिकामाईकाे भवन उद्घाटन

0

वीरगंज । पर्साकाे कालिकामाई गाउँपालिका वडा नं. ५ बिरन्चीबर्वामा निर्माण भएकाे ईलाका प्रहरी कार्यालय कालिकामाईकाे  कार्यालय भवनको शुक्रबार उद्घाटन गरिएको छ । मधेश प्रदेश प्रहरी प्रमुख प्रहरी नायब महानिरीक्षक मसऊद आलम खाँले नव निर्मित भवनको उद्घाटन गरेका हुन् । 

भवन उद्घाटन कार्यक्रमलाई सम्बोधन गर्दै प्रहरी नायव महानिरीक्षक खाँले पछिल्लो समय प्रहरीको भौतिक संरचनाहरु आधुनिक बन्दै गईरहेकोले प्रहरीलाई सुविधा प्राप्त मात्र नभई काम गर्ने वातावरण सिर्जना भईरहेको बताए ।

उनले प्रहरी आम नागरिकका समस्या समाधनका लागि खटिने जिम्मेवार निकाय भएकाे वताउँदै शिष्टता र नम्रताका साथ नागरिक मैत्री प्रहरी सेवा प्रवाह गर्न गराउन कार्यरत प्रहरी कर्मचारीहरुलाई निर्देशन समेत दिए ।

कार्यक्रममा कालिकामाई गाउँपालिकाका अध्यक्ष बशिष्ट कुमार गुप्ता, पर्साका सहायक प्रमुख जिल्ला अधिकारी अध्यकान्त पौडेल, नेपाली सेना प्रमुख दयान्नद कार्की, पर्सा प्रहरी उपरिक्षक रमेश बस्नेत, सशस्त्र प्रहरी उपरिक्षक तेजप्रकाश पोख्रेल, अनुसन्धानका सहायक प्रमुख दिपक खडका, वडा प्रहरी कार्यालय विर्ताका प्रहरी निरिक्षक विशाल मल्ल लगायतकाे उपस्थिती रहेकाे थियाे ।

संघीय सरकारकाे रु २ करोड ३२ लाख ९२ हजार ३ सय २४ लागतमा भवन निर्माण भएकाे वताइएकाे छ । उक्त भवनहरुमा कार्यालय भवन, थुनुवा कोठा, ब्यारेक, शौचालय, पुरुष र महिलाको लागि अलग-अलग हिरासत कक्ष, प्रमुखको कोठा, कार्यरत प्रहरी कर्मचारीको लागि बस्ने आवास तथा भान्सघरको निर्माण भएको छ ।’

गाउँपालिका अध्यक्ष यादवद्वारा क्रीकेट टुर्नामेन्टकाे उद्घाटन

0

वीरगंज । पर्साकाे जगरनाथपुर गाउँपालिका‍ वडा नं. २ जानकीटोलामा आजदेखि सुरु भएकाे देवीमाई क्रीकेट टुर्नामेन्ट प्रतियाेगिताकाे गाउँपालिका अध्यक्ष श्रीकान्त प्रसाद यादवले उद्घाटन गरेका छन् ।

प्रतियाेगिताकाे उद्घाटन गर्दै गाउँपालिकाका अध्यक्ष यादवले खेलकुद क्षेत्रको विकासले सामाजिक एकता र सम्मृद्धिको आधारशिला तयार पार्ने वताए । उनले खेलकुदको माध्यमबाट विश्वमा जोडिने र देशको गौरव बढाउने हुँदा जगरनाथपुर गाउँपालिका त्यसतर्फ गम्भीर रहेकाे वताए ।

नेपाली कांग्रेस पर्सा क्षेत्र नं. ४ का सभापति समेत रहेका गाउँपालिका अध्यक्ष यादवले खेलकुद विकासका लागि राज्यले ठोस् नीति र दृष्टिकोण बनाएर अगाडि बढनु पर्ने वताए ।

उनले भने “खेल मानव जीवनको एक महत्वपूर्ण अंग हो । हरेक प्रकारका शारिरीक, मानसिक, मनोवैज्ञानिक र बौद्धिक स्यास्थ्यसँग खेलकुदले गहिरो सम्बन्ध राख्दछ । नियमित खेल खेल्नु मनोवैज्ञानिक कैशलतामा यसले निखार ल्याउछ । खेलहरु मानव स्वास्थ्यसँग प्रत्यक्ष जोडिएका मात्र हैन, पहिचान र समृद्धिसँग जोडिएकाे हुन्छ त्यसैले यस संरक्षण र विकास जरुरी छ ।”

वडाध्यक्ष नेपाली कुशवाहाकाे अध्यक्षतामा भएकाे उदघाटन कार्यक्रममा गाउँपालिकाकी उपाध्यक्ष बबिता सिंह, वडाध्यक्ष लक्ष्मी साह, सुभाष कुमार यादव, कांग्रेस पर्सा क्षेत्र नं. ४ का सचीव बलिष्टर अहमद, सुरेन्द्र सिंह क्षेत्री, रमेश कुशवाहा, प्रभु चौहान, एकबाली साह लगायतको उपस्थिती रहेकाे थियाे ।

वीरगंजकाे रानिघाटस्थित एक मसाला उद्योगमा आगलागी

0

वीरगंज । वीरगंज महानगरपालिकाकाे वडा नं. १० रानिघाटमा शुक्रबार विहान एक मसाला फ्याक्ट्रीमा भीषण आगलागी हुँदा लाखौको क्षति भएको छ । रानिघाटस्थित कुमारी माई मन्दीर नजिकै रहेको प्रभु प्रसाद कलवारको रम्भा मसाला उद्योगमा आगलागी हुँदा लाखौंको क्षति भएको प्रहरीले जनाएको छ ।

शुक्रबार विहान दुई बजे उद्योगमा बिजुली सर्ट हुँदा आगलागी भएकाे हुन सक्ने प्रहरीले अनुमान गरेको छ । आगलागी हुँदा उद्योगमा रहेको कच्चापदार्थ, मसाला लगायत लगभग ५० लाखको समान जलेर क्षति भएको पिडितले जनाएका छन् ।

आगोलाई वडा प्रहरी कार्यालय श्रीपुरका प्रहरी निरीक्षक दिल्लीराज सापकोटाको नेतृत्वमा रहेको प्रहरी टोली, स्थानियवासी र वीरगंज महानगरपालिकाको बारुण यन्त्र सहित ६ वटा बारुण यन्त्रको सहयोगमा नियन्त्रणमा लिएको पर्साका प्रहरी नायब उपरीक्षक दिपक गिरीले बताए ।

उनले दिएको जानकारी अनुसार पिडितले आगोले जलेर करिब ५० लाखको क्षति भएको दाबी गरेपनी यकिन बिवरण संकलन गर्ने काम भइरहेको छ । आगलागीमा कुनै मानवीय क्षती भने नभएको उनले बताए ।

सखुवा प्रसाैनी घटनामा निर्दाेषलाई फसाउने षडयन्त्र

0

वीरगंज । सखुवा प्रसौनी घटनामा निर्दोषलाई फसाउने षड्यन्त्र भईरहेको समाचार प्राप्त भएकाे छ । असोज ९ गते पर्साकाे सखुवा प्रसौनी गाउँपालिकामा भएको कुटपिट, झडप, ताेडफोड र आगजनीको घटनामा निर्दोषलाई फसाउने षड्यन्त्र भईरहेको बुझिएको हाे ।

स्थानीयका अनुसार गाउँपालिका कार्यालय सखुवा प्रसौनीमा वडा नं. ५ बलुवा निवासी बुलेट गिरी भनिने दीपरन्जन गिरीलाई गाउँपालिका अध्यक्ष जसवन्त यादवका भाई बलवन्त यादव र अभिताबचन भनिने ब्यक्तिले कुटपिट गरेका थिए ।

गाउँपालिकाको स्कार्पियो गाडी दुरुपयोग बारे सामाजिक संजालमा भएको टिप्पणिको विषलाई लिएर गाउँपालिका अध्यक्षका भाई बलवन्तसहितका व्यक्तिबाट गिरी कुटिए पछि सुरुमा गाउँपालिकामा दुई पक्ष बिच झडप भएकाे थियाे । गाउँपालिका अध्यक्ष यादव र बालुवा गाउँका स्थानिय बिच भएकाे झडपमा केही ब्यक्तिहरु घाइते समेत भएका थिए ।

त्यसपछि गाउँपालिका अध्यक्ष दलबलका साथ पीडित गिरि कै गाउँ बलुवा भएर घर फर्कने क्रममा पुन: झडप हुँदा गाउँपालिकाकाे गाडीमा ताेडफाेड भएकाे थियाे । त्यसकाे केही समय पछि गाउँपालिका अध्यक्ष यादवकाे ना २ च ८६६ नम्बरको निजी कारमा समेत आगजनी भएकाे थियाे । साे आगजनी अध्यक्ष यादव पक्षधरले आफै गरेकाे स्थानियहरुकाे भनाई छ ।

सोहि घटनामा राजनितिक पुर्वाग्रहका कारण घटना स्थल मै नभएका ब्यक्तिहरु समेतको नाम राखी मुद्दा दर्ता गराएर फसाउने षड्यन्त्र भईरहेको वताइएकाे छ ।

दुबै घटना स्थल मध्ये कुनै ठाउँमा पनि नभएका पर्सा क्षेत्र न ३ “क” बाट जसपाका प्रदेश सभा सदस्य पदका सम्भावित उम्मेदवार समेत रहेका प्रमोद कुमार जयसवाल समेतलाई फसाउन खाेजिएकाे वताइएकाे छ । राजनितिक पुर्वाग्रहका कारण घटनामा संलग्न् नरहेकाे व्यक्तिकाे नामसमेत राखेर जाहेरी परेकाेले प्रहरीले निश्पक्ष अनुसन्धान तथा घटना सम्बन्धमा छानविन गर्नु पर्ने स्थानियहरुले वताएका छन् ।

वीरगंजलाई हरित सहर बनाउन बृक्षारोपण अभियान सुरु

0

वीरगंज । वीरगंज महानगरपालिकालाई हरित सहर बनाउन महानगरले बिहिबारबाट बृक्षारोपण अभियान सुरु गरेको छ । साहिब दरबार सेवा संस्थानका संस्थापक देवेन्द्र सिंहको प्रमुख आतिथ्यतामा नेपालकै मुख्य प्रवेशद्वार शंकराचार्य गेटबाट बृक्षारोपण गरेर अभियानको सुरु गरिएको हो ।

अभियानको सुरुवात गर्दै वीरगंज महानगरपालिकाका मेयर राजेशमान सिंहले महानगरलाई हरित सहर बनाउन सडकका दायाँबायाँका साथै सार्वजनिक खाली स्थानमा बृक्षारोपण गरिने बताए । वृक्षारोपणले वातावरण प्रदुषण नियन्त्रणमा सहयोग गर्नुका साथै नगर पनि सुन्दर र हरियाली देखिने हुँदा पूरै महानगरभर बृक्षारोपण थालिएको उनले बताए ।

नगर हरियाली बनाउन म्यागो स्टिक, गुल्मोर, कटहर, निम, अशोक लगायतका बिरुवा रोपिने महानगरले जनाएको छ ।

बृक्षारोपणका लागि महानगरले चालु आर्थिक वर्ष २०७९/०८० मा १ करोड रकम बिनियोजन गरेको छ । यश वर्षको बजेटले ५ हजार बिरुवा रोप्न सकिने र वन तथा वातावरण मन्त्री प्रदीप यादबले पनि वीरगंजमा बृक्षारोपण गर्न थप बिरुवा उपलब्ध गराउने प्रतिबद्धता जनाएकाले नगरका ३२ वटै वडामा बृक्षारोपण गरिने महानगरले जनाएको छ ।

महानगरले हरेक वडामा बृक्षारोपणका लागि वडालाई नै बिरुवा जिम्मा लगाएको छ । वडाले आवश्यक स्थान तय गरेर बिरुवा रोप्ने छ । रोपिएको बिरुवा हुर्काउनका लागि हेरचाह गर्ने जनशक्ति पनि महानगरले खटाएको छ ।

बृक्षारोपणको अभियानसँगै महानगरले मुख्य प्रवेशद्वार शंकराचार्य गेट पनि सफाई गरेको छ ।

कार्यक्रममा वीरगंज महानगरपालिकाका कार्यकारी अधिकृत लक्ष्मी प्रसाद पौडेल, वडाध्यक्षहरु सञ्जु छततकुली, महबुब इलाही अन्सारी, मनोज यादब, रामकिशोर सिंह पराग लगायत जनप्रतिनिधि एवं कर्मचारीहरुको उपस्थिति रहेको थियो ।

विश्व मुटु दिवसकाे अवसरमा म्याराथुन र वाकाथन सम्पन्न

0

वीरगंज । नेपाल मेडिसिटी बयोधा हस्पिटल वीरगंजकाे आयाेजनामा बिहिबार म्याराथुन र वाकाथन  प्रतियाेगिता सम्पन्न भएकाे छ । विश्व मुटु दिवसकाे अवसरमा भएकाे म्याराथुनमा ईश्वर रिजालले १६ मिनेट ४२ सेकेण्डमा पूरा गरी प्रथम, नारायण जि.सीले १६ मिनेट ५७ सेकेण्डमा दोश्रो र धन सिंह चुनाराले १७ मिनेट ०३ सेकेण्डको समयमा तेश्रो भएका थिए ।

विजयी धावकहरुलाई नेपाल मेडिसिटी बयोधा अस्पतालका मेडिकल सुपरिन्टेन्डेन्ट डा. राज राणाले मेडल र पुरस्कार प्रदान गरेका थिए ।

नेपाल मेडिसिटी बयोधा हस्पिटलले विगत १ हप्ता देखि विश्व मुटु दिवस मनाउने क्रममा बिहिबार वीरगंजकाे घण्टाघरदेखि गण्डक स्थित नेपाल मेडिसिटी हस्पिटल सम्म करिब ५ किलोमिटर म्याराथुनको आयोजना गरेकाे थियाे । उक्त कार्यक्रममा नेपाली सेना, नेपाल प्रहरी, स्थानीय क्लब लगायतका स्थानीयहरु गरी करिब १ सय जना सहभागी भएका थिए ।

 बिहिबार विहान घण्टाघरदेखि नारायणी उपक्षेत्रीय अस्पताल सम्म भएकाे वाकाथनमा ६ सय जनाकाे सहभागी भएका थिए ।

मुटु सम्बन्धी जनचेतनामुलक प्लेकार्ड सहित पर्सा जिल्लाका प्रमुख जिल्ला अधिकारी उमेश कुमार ढकाल, भारत सरकारको कन्सुलेट जेनेरल नितिश कुमार, कन्सुलेट पिईसी शैलेन्द्र कुमार, अस्पतालका निर्देशक एवं उद्योगी अशोक बैद्य, रोटरी क्लब, लायन्स क्लब, बीरगंज महानगरपालिका स्वास्थ्य कार्यालयका कर्मचारीहरु लगायतका स्थानीयहरुको सहभागिता रहेको थियो ।

कार्यक्रममा वाेल्दै पर्साका प्रमुख जिल्ला अधिकारी उमेश कुमार ढकालले मुटुको समस्याबाट मानिसहरु आक्रान्त भईरहेकोले यसप्रकारको जनचेतनामुलक कार्यले मुट रोगबाट बच्न सहयोग पुग्ने बताए ।

कार्यक्रममा भारत सरकारको कन्सलेट जेनेरल कार्यालयका कन्सुलेट पिईसी शैलेन्द्र कुमारले मुटु रोगको रोकथामका लागि हामी सबैले आफ्नो तर्फबाट कार्य गर्नुपर्ने र बीरगंज स्थित नेपाल मेडिसिटी बयोधा अस्पतालले मुटुरोगको उपचारका लागि गरेको प्रयासको सह्राहना गरे ।

नेपाल मेडिसिटी बयोधा अस्पतालका निर्देशक एवं उद्योगी अशोक बैद्यले आफूहरुले बीरगंजमा राम्रो उपचारका दिने अस्पतालको रुपमा नेपाल मेडिसिटी बयोधा अस्पताललाई विकाश गरिरहेको र मुटुरोग लगायतका अन्य गुणस्तरीय उपचारमा आफूहरु लागेको बताए ।

द साझा फाउन्डेसनद्वारा दोस्रो हप्ता पनि निशुल्क खाना वितरण

0

वीरगंज । द साझा फाउन्डेसनले दोस्रो हप्ताको तेस्रो दिन बुधबार पनि नारायणी अस्पताल वीरगंजमा भर्ना रहेका बिरामीको कुरुवा बसेका १३२ जनालाई नि:शुल्क खाना वितरण गरेको छ ।

नारायणी अस्पतालका मे.सु. डा. बिरेन्द्र बहादुर प्रधान, फाउन्डेसनका वरिष्ठ सल्लाहकार दीलिप कुमार सिंह, अनुज पटेलको विशेष उपस्थितिमा खाना वितरण गरिएको फाउन्डेसनका सचिव सन्दिप साहले जानकारी दिए ।  

खाना वितरण कार्यक्रममा फाउन्डेसनका अध्यक्ष अनुराग झा, उपाध्यक्ष नितेश पटेल, कोषाध्यक्ष सौरभ पटेल, सचिव सन्दिप साह, सह-सचीव सुभाङ्कर ठाकुर, कुमेश कुशवाहा, करण पाँण्डे, राइनो युवा क्लबका अध्यक्ष श्याम गुप्ता, पत्रकार आनन्द पटेल लगायतकाे उपस्थिति रहेको थियो ।

द साझा फाउन्डेसनले हप्तामा २ दिन नि:शुल्क खाना वितरण निरन्तर गरिरहने र आजको खाना वितरणमा आर्थिक सहयोग गरेका सुनिल साह र कुमेश कुशवाह फाउन्डेसनले धन्यावाद व्यक्त समेत गरेकाे छ ।