Date
मङ्ल, मंसिर १, २०८३
Tue, November 17, 2026
Home Blog Page 623

पर्सामा चट्याङ लागेर एक जनाकाे मृत्यु, ३ जना घाइते

0

वीरगंज । पर्सामा साेमबार विहान चट्याङ लागेर एक जनाकाे मृत्यु र ३ जना घाइते भएका छन् । वीरगंज महानगरपालिका वडा नं. २ ईदगाह चोकस्थित छठिमाई पोखरीको नजिकमा मेघ गर्जन सहितको चट्याङ लागी स्थानिय १५ बर्षिय सिद्दान्त उपाध्यायकाे मृत्यु भएकाे प्रहरीले जनाएकाे छ ।

चट्या‌ङ लागेर घाईते भएकाहरुलाई तत्कालै नारायणी अस्पताल पुर्‍याउदा अस्पतालले उपाध्यायलाई मृत घोषणा गरेको र अन्य २ जनाको उपचार भइरहेकाे जिल्ला प्रहरी कार्यालय पर्साले जनाएकाे छ ।

साेही ठाउँ निवासी घाइते साविर हुसेनकी श्रीमती वर्ष २९ की कुलनेसा खातुनकाे नारायणी अस्पताल मै उपचार भइरहेकाे छ । खातुनकाे अवस्था मध्यम रहेकाे छ । गम्भिर घाईते घाइते वीरगंज महानगरपालिका कै वडा नं. ४ बस्ने भिखारी राउतको छोरा वर्ष १३ को अर्जुन राउतको थप उपचारको लागि नेशनल मेडिकल कलेजमा रिफर गरिएको छ । 

त्यसैगरी साेमबार विहान नै ०६:३० बजेको समयमा पर्साकाे विन्दवासिनी गाउँपालिका वडा नं. ४ अमरपट्टि्मा पनि चट्या‌क लागेर एक जना घाइते भएकाे प्रहरीले जनाएकाे छ ।

साेही ठाउँ निवासी वर्ष २६ का कुन्दन दास शौचालय जाने क्रममा चट्याङ लागी घाईते भएका हुन् । घाइते दासकाे नारायणी अस्पताल वीरगंजमा उपचार भइरहेकाे जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए । उनकाे अवस्था मध्यम रहेकाे प्रवक्ता गिरीले जानकारी दिए ।

ठाेरीबाट सशस्त्र प्रहरीद्वारा लागु औषधसहित बस पक्राउ

0

वीरगंज । सशस्त्र प्रहरीले पर्साकाे ठाेरीबाट लागु औषधसहित यात्रुबाहक बस नियन्त्रणमा लिएको छ । सशस्त्र प्रहरी बल बाेर्डर आउट पाेष्ट ठोरीबाट खटिएको टाेली सुवर्णपुरबाट काठमाण्डौ तर्फ जाँदै गरेको ना.६ ख. ४०१ नम्बरको ठाेरी मेट्राे नामक नाईट बसलाई नियन्त्रणमा लिएकाे हाे ।

आइतबार सांझ ५:३० बजेको समयमा ठोरी गाउँपालिकाकाे वडा नं. २ स्थित रहेको वि.ओ. पि. ठोरीको मुलगेट अगाडि बसलाई चेकजाँच गर्ने क्रममा बसको क्याबिनमा रहेको चालक सिट मुनी झोलामा लुकाई छिपाई राखेको अवस्थामा प्रतिबन्धित लागु औषध बरामद भएकाे सशस्त्र प्रहरी बल, नेपाल नं. १३ गण पर्साले जनाएकाे छ ।

चालक सिटको पछाडिको सिट मुनी २ प्याकेट (३ हजार ट्याब्लेट र चालकको बायाँपट्टि रहेको क्याबिनको लामो सिट मुनी १ प्याकेट (१५ सय ट्याब्लेट) प्लाष्टिकको झोलामा लुकाई छिपाई राखेको अवस्थामा प्रतिबन्धित लागु औषध NITRAVET- 10 गरि जम्मा ४ हजार ५ सय ट्याब्लेट ( ३०० पत्ता १५ ट्याब्लेट) फेला पारेको सशस्त्र प्रहरी बल, नेपाल नं. १३ गण पर्साका सुचना अधिकारी सशस्त्र प्रहरी नायब उपरिक्षक संताेष कुमार बस्नेतले वताए ।

उक्त लागु औषध, बस सहित चितवनकाे माडि नगरपालिका वडा नं. ८ अयोध्यापुरी बस्ने बर्ष ४४ को लाल बहादुर सुनार (बस चालक) र साेही वडाका जिबनपुर बस्ने बर्ष २५ को बासुदेव दर्जीलाई नियन्त्रणमा लिई आवश्यक कारबाहिको लागि साेही दिन ईलाका प्रहरी कार्यालय ठोरीमा बुझाईएको सशस्त्र प्रहरी नायब उपरिक्षक बस्नेतले जानकारी दिए ।

वनमन्त्री प्रदीप यादव अमेरिका प्रस्थान

0

वीरगंज । ग्लोबल मिथेन क्लाईमेट क्लीन एयर फोरमको कार्यक्रममा सहभागी हुन नेपाल सरकारका वन तथा वातावरणमन्त्री प्रदीप यादव अमेरिका प्रस्थान गर्नुभएको छ ।

ग्लोबल मिथेन फोरमको आयोजना असोज ११ गतेदेखि १५ सम्म चल्ने कार्यक्रममा सहभागी हुन मन्त्री यादव आइतबार साँझ अमेरिका प्रस्थान गर्नुभएको हो ।

अमेरिकी सरकारको निम्तोमा त्यहाँ जान लाग्नुभएका मन्त्री यादवले नेपालको प्रतिनिधित्व गर्दै मिथेन ग्याँस उत्सर्जन न्यूनिकरण गर्न राष्ट्रहरुले कस्ता प्राविधिक नीति बनाउने र मिथेनको प्रभावलाई न्यूनीकरण गर्दै यस्को प्रयोग कसरी गर्ने लगायतका विषयमा छलफल गर्नु हुनेछ ।

त्यसकासाथै मन्त्री यादव मिथेन र अन्य अल्पकालीन जलवायू प्रदूषकहरूलाई कम गर्नका लागि विश्वव्यापी रुपमा भइरहेका उच्चस्तरीय भइरहेका प्रयास, विकसित मुलुकहरुले यसको न्यूनीकरणका लागि उठाएका कदमका विषयमा पनि छलफल गर्नु हुनेछ ।

कार्यक्रममा यसअघि सोही विषयमा भएका छलफल माथि हालसम्मको प्रगती र विभिन्न राष्ट्रहरुले मिथेन ग्याँस उत्सर्जन न्यूनीकरण गर्न गरिरहेका प्रयासहरुको बारेमा पनि छलफल हुने मन्त्री यादवको सचिवालयले जनाएको छ ।

अमेरिकाको राजधानी वासिङ्गटन डिसी सहरमा हुने उक्त कार्यक्रममा ६० भन्दा बढी देशका प्रतिनिधि सहभागी हुने जनाइएको छ ।

सुखवा प्रसाैनीमा दुई पक्ष बिच झडप, निजी गाडीमा आगजनी

0

वीरगंज । पर्साको सखुवा प्रसौनी गाउँपालिकामा आइतबार सांझ दुई पक्ष बिच झडप भएको छ । गाउँपालिका अध्यक्ष यसवन्त यादवका भाई बलवन्त यादव र अमिताभबचनले सखुवा प्रसौनी गाउँपालिकाकाे वडा नं. ५ बलुवा निवासी बुलेट गिरीलाई कुटपिट गरेपछि भएको झडपमा आधा दर्जन घाईते भएका छ्न् ।

गिरिले गाउँपालिकाकी उपाध्यक्षको कार्यक्षमा बसेर छलफल गरिरहेकाे अवस्थामा गाउँपालिका अध्यक्ष जसवन्त यादव र उनको भाई बलवन्त यादवले कोठा बाहिर बोलाई आफुलाई कुटपिट गरेको गाउँलेलाई फोन गरेर रुदै वताएपछि गाउँबाट पालिका पुगेका बलुवाबासी र अध्यक्ष यादव समर्थक बिच झडप भएको थियो ।

गाउँपालिकामा भएको झडप प्रहरी पुगेपछि सुल्झिए पनि गाउँपालिका अध्यक्ष यादवले आफ्नो समर्थक सहित बलुवा गाउँ भएर घर फर्कने क्रममा त्यहाँ पुनः झडप भएकाे थियाे । झडपकाे क्रममा अध्यक्ष यादव सवार गाउँपालिका कार्यालयको ना १ झ १६८७ नम्बरको गाडीको सिसा फुटेको छ भने ना २ च ८६६ नम्बरको निजी कारमा आगजनी भएको जिल्ला प्रहरी कार्यालय पर्साले जनाएकाे छ ।

घटना स्थलमा ठूलाे संख्यामा प्रहरी परिचालन गरिएकाे र हाल सखुवा प्रसाैनीकाे अवस्था समान्य रहेकाे जिल्ला प्रहरी कार्यालय पर्साका प्रहरी उपरिक्षक रमेश बस्नेतले वताए ।

केही दिन पहिला मात्र गिरी समुदायका राजु गिरी भनिनेले फेसबुकमा गाउँपालिकाको गाडी दुरुपयोग भएको विषयमा ‘स्टाटस’ राखेका थिए । सोही विषयलाई लिएर गाउँपालिका अध्यक्ष यादवका भाइ बलवन्तले गाउँपालिका पुगेका बुलटलाई कुटपिट गर्नुकाे साथै माेबाइल समेत खाेसिलिएकाे वताएका थिए । 

त्यसपछि कुटपिटकाे बिषयलाई लिएर नै गाउँपालिकामा बबाल भएकाे स्थानियहरुले वताएका छन् । 

गौतम स्कुलले आफ्नाे रवैया नसच्याए विद्यार्थी संगठनहरुले आन्दाेलन गर्ने

0

वीरगंज । वीरगंज महानगरपालिका वडा नम्बर १३ मा रहेको गौतम स्कुलले आफ्नाे रवैया नसच्याए आन्दाेलन गर्ने बाध्य हुने विद्यार्थी संगठनहरुले चेतावनी दिएका छन् । अनेरास्ववियु, नेवि संघ र अखिल क्रान्तिकारीले संयुक्त रुपमा आइतबार एक प्रेस विज्ञप्ती जारी गर्दै यस्ताे चेतावनी दिएका हुन् ।

अनेरास्ववियु पर्साका अध्यक्ष रेयाज अन्सारी, नेवि संघ पर्साका सभापति विकास तिवारी र अखिल क्रान्तिकारीका केन्द्रिय सदस्य मिराेज हवारीद्वारा हस्ताक्षरित प्रेस विज्ञप्तीमा गौतम स्कुलले विगत केही समयदेखि विभिन्न शिर्षकमा विद्यार्थीहरुबाट अनावश्यक रकम असुल्दै आएको सर्वविदितै छ । विद्यार्थीहरुसंग रकम असुलेको गुनासो आएपछि अभिभावकहरुले यसबारे विद्यार्थी संगठनलाई जानकारी गराएका थिए ।

सोही बिषयमा जानकारी लिन असोज ८ गते शनिबार गौतम माविमा बिद्यार्थी संगठन पुगेपछी बिधालयले छलफल गर्ने क्रममा बाउन्सर लगाएर गुन्दागर्दी शैलीमा धाकधम्की दिएको र प्रशासनको प्रयोग गरेर मुद्दा दबाउने खोजेको हाम्रो ठहर रहेकाे उल्लेख गरिएकाे छ ।

यहीँ बिषयमा अधिकारीक जानकारी गराउनको साट्टा बिद्यालयले गलत सूचना निर्वाह गरि अनिश्चितकालको लागि बिद्यालय बन्द गरेर पन्छिने काम गरेको छ । बिद्यालयले समस्याको अधिकारी जानकारी दिनुको साट्टा बिद्यालय बन्द गरेर विद्यार्थीको भविष्य संग खेलवाड गरेको प्रति हाम्रो ध्यानाकर्षण भएकाे ३ विद्यार्थी संगठनहरुले जनाएका छन् ।

विद्यालयले यी सबै समस्याको बारेमा उचित जानकारी नगराए र गम्भीर रूपमा नलिए हामी विद्यालयकाे विरुद्धमा संघर्ष कार्यक्रम गर्न बाध्य हुने ३ विद्यार्थी संगठनद्वारा जारी विज्ञप्ती मार्फत चेतावनी दिएका हुन् ।

ठाेरीमा एकै दिन एक दर्जन याेजनाकाे सहरी बिकास मन्त्री चाैधरीद्वारा शिलान्यास

0

वीरगंज । पर्साकाे ठाेरी गाउँपालिकामा एकै दिन एक दर्जन याेजनाकाे शिलान्यास भएकाे छ । ठाेरीमा निर्माण हुले ठाेरी माधाे ताल, विजयबस्ती सभाहल, पंचेश्वरी धाम, ठाेरी भन्सार बजार पूर्वाधार निर्माण लगायतकाे याेजनाकाे नेपाल सरकारका सहरी बिकास मन्त्री मेटमणि चाैधरीले आइतबार शिलान्यास गरेका हुन् ।  

यी सबै याेजनाहरु सहरी बिकास मन्त्रालयकाे सहयाेगमा ठाेरी गाउँपालिकाकाे विभिन्न ठाउँमा निर्माण हुने वताइएकाे छ ।

ठाेरी गाउँपालिकाकाे वडा नं. २ मा निर्माण हुने ठाेरी माधव तालकाे शिलान्यास गर्दै मन्त्री चाैधरीले ठाेरीकाे विकासकाे लागि तालले भुमिका खेल्ने वताए । ठाेरीकाे छुट्टै इतिहास र महत्व रहेकाे वताउँदै उनले माधव तालसहित दर्जनाै याेजनाहरुकाे शिलान्यासले ठाेरी बिकासकाे मुल फुटेकाे वताए ।

नेकपा (एकीकृत समाजवादी) का नेता समेत रहेका मन्त्री चाैधरीले विकासकाे सवालमा जुन सुकै पार्टीकाे भएपनि सबैले सहयाेग गर्नु धारणा राखे । उनले ठाेरीकाे विकासमा हाम्राे पनि याेगदान रहाेस भन्ने उद्देश्यले आफु ठाेरी पुगेकाे वताए । 

ठाेरी गाउँपालिकाका अध्यक्ष लालबाबु श्रैष्ठले एक अर्बकाे लागानीमा ठाेरी माधव तालकाे निर्माण सम्पन्न हुने भएपनि सुरुमा ५० कराेड सम्मकाे लगानीमा बाेट चलाउन सकिने वताए ।

यसैगरी सहरी विकास मन्त्रालय कै याेजना अन्तर्गत नै ठाेरी गाउँपालिकाकाे वडा नं. ४ विजयवस्ती आधुनिक किसिमकाे सभाहल निर्माण सभाहल निर्माण हुने गाउँपालिका अध्यक्ष श्रेष्ठले वताए । सभाहल निर्माण गर्न ५ कराेड लगानी लाग्ने वताउँदै श्रेष्ठ तुरुन्त नै काम पनि सुरु हुने वताए ।

गाउँपालिका अध्यक्ष श्रेष्ठकाे अध्यक्षतामा भएकाे शिलान्यास कार्यक्रममा सहरी बिकास मन्त्रालयका सचिव रमेश प्रसाद सिंह, सह सचिव पदम कुमार मैनाली, नेकपा एकीकृत समाजवादी पर्साका कार्यवाहक अध्यक्ष गंगा बहादुर खड्का, वीरगंज महानगर अध्यक्ष मनाेज चाैधरी, ठाेरी गाउँपालिकाकी उपाध्यक्ष गुकुली कुमारी रेग्मी, समाजवादी प्रेस संगठन नेपालका केन्द्रिय सदस्य बृजलाल पासवान, पर्सा जिल्ला अध्यक्ष मनाेज पटेल लगायतकाे उपस्थिती रहेकाे थियाे ।

जातीय कुरा गरेर नेता भइदैन : मन्त्री चौधरी

0

दोलखा । सहरी विकास मन्त्री मेटमणि चौधरीले जातीय कुरा गरेर नेता बन्न नसकिने धारणा राखेका छन् ।

थामी समाज दोलखाको छैटौँ वार्षिक अधिवेशनको उद्घाटन गर्दै मन्त्री चौधरीले अबको दुनियाँमा जातीय कुरा गरेर कोही पनि नेता बन्न नसक्ने बताउँदै भने, ‘हिजो एउटा समय थियो, जहाँ एउटा रंगको मान्छे, एउटा डे«सको मान्छे अथवा जेठो छोरोले अथवा एउटा वंशले देश चाउथ्यो । तर अहिले समय निकै बदलिसकेको छ । अबको दुनियाँमा आपसमा लडाएर, जातीय कुरा गरेर, समाजलाई विभाजित गरेर कोही पनि नेता, सांसद वा मन्त्री बन्न सक्दैन । नेता बन्न त समाजका मुद्दा, समाजका समस्या बोक्नुपर्छ ।’

सीमान्तकृत जनजातीहरुलाई राज्यको मुल धारमा ल्याउन जरुरी रहेको बताउँदै सहरी मन्त्री चौधरीले दलहरुलाई गाली गरेर, नेतालाई गाली गरेर, दाजुभाइमा झगडा गरेर वा विभाजित भएर समस्या हल नहुने बताए ।

‘राजनीतिक दलहरु असफल भए । तिनका विचार, तिनका दृष्टिकोण कमजोर भए । अब पुराना दलहरुले जनताको समस्या हल गर्न सक्दैनन् । त्यसैकारणले जनताले आज विकल्प खोज्न थालेका छन् । फराकिलो सोंच भएका, समाजका समस्या पहिचान गर्न सक्ने, जनताको विकासको चाहनालाई सम्बोधन गर्न सक्ने र सबैलाई मिलाएर लान सक्ने नेताको खाँचो रहेको छ ।’ मन्त्री चौधरीको भनाई थियो ।

सरकारले नागरिकता नभएका लाखौँ जनताका समस्या हल गर्न नागरिकता विधेयक ल्याएको तर विविध कारणले अट्किएको बताउँदै मन्त्री चौधरीले उक्त विषय अदालत प्रवेश गरेकाले छिट्टै जनताको पक्षमा फैसला हुने आसा व्यक्त गरे ।

पूर्व मन्त्री पार्वत गुरुङले थामी जातीलाई अघि बढाउन सधैँ लागिपर्ने धारणा व्यक्त गरे । कार्यक्रममा जनप्रतिनिधि, विभिन्न दलका प्रतिनिधि तथा सामाजिक जीवनका विभिन्न व्यक्तिहरुले आआफ्ना धारणा राखेका थिए ।

गाैतम स्कुलले मनपरी तरिका बढाएकाे शुल्ककाे विराेध, विद्यालय बन्द

0

वीरगंज । गौतम माध्यमिक विद्यालय वीरगंजले मनपरी ढंगले ४५ प्रतिशत बृद्धि गरेकाे शुल्ककाे अभिभावकलहरु विराेध गरेका छन् । अभिभावकाहरुले वृद्धि गरिएकाे शुल्क नतिरेपछि विद्यालयले संचालन गरेकाे परिक्षाकाे नतिजा राेकेकाे छ ।

विद्यालयले विद्यार्थीहरुकाे रिजल्ट राेकेकाे अभिभावकहरकाे गुनासाे पश्चात शनिबार विद्यालयमा पुगेका अभिभावक संघर्ष समिति र अनेरास्ववियु लगायत विभिन्न बिद्यार्थी संगठनहरुसंग गाैतम स्कुलका प्रशासनले बाउन्सर प्रयाेग गरि दुर्व्यवहार समेत गरेकाे छ ।

शनिबार विद्यालयले वितरण गर्न लागेकाे ‍रिजल्ट बृद्धि गरेकाे शुल्क नतिर्ने विद्यार्थीहरुकाे रिजल्ट राेकेपछि पुगेकाे अभिभावकहरु र विद्यार्थी नेताहरुलाई विद्यालयले बाउन्सर र प्रहरी प्रशासनकाे माध्यमले दुर्व्यवहार गर्दै उल्टै धम्काउने काम गरेकाे अनेरास्ववियुका नेता मेराजुल हवारीले वताए ।

विद्यार्थीलाई पढाईमा अवरोध गर्ने शुल्कको नाममा विद्यार्थीलाई शोषण गर्ने र शुल्कको बहानामा विद्यार्थीलाई रिजल्टबाट वञ्चित गर्ने  गाैतम स्कुलकाे कार्य गलत भएकाे उनले वताए ।

अभिभावक र विद्यार्थीकाे समस्या बारे बुझ्न विद्यालयमा पुग्दा उल्टै विद्यालय प्रशासनले धाकधम्की दिएकाे बिराेधमा अनेरास्ववियु लगायत अन्य विद्यार्थी सङ्गठन र अभिभावक संघर्ष समितीले छलफल गरि थप संघर्षकाे कार्यक्रम अगाडि बढाउने विद्यार्थी नेता हवारीले जानकारी दिए ।

अभिभावहरुले पुनाराे शुल्क अनुसारकाे बाकी रहेकाे फिय तिर्न राजि भएकाे र महानगरपालिकाले मासिक शुल्क लगायतका अन्य शुल्क निर्धारण गरेपछि नयाँ अनुसारकाे शुल्क तिर्न वताएपनि विद्यालय प्रशासनले् नमानेपछि केही बेर विवाद समेत भएकाे थियाे ।

गौतम माध्यमिक विद्यालयमा शुल्क वृद्धिको विषयमा अवाज उठाउँदा बाउन्सरको रुपमा पैंसाकाे बलमा पालेको गुन्डाहरु बोलाएर धाक-धम्कीपूर्ण दबाब दिएको र साथ साथै प्रशासनको सहायताले आवाज दबाउने जस्तो निन्दनीय कार्य भएकाे वताउँदै अनेरास्ववियु पर्साले एक प्रेस विज्ञप्ती जारि गर्दै खेद समेत प्रकट गरेकाे छ ।

गौतम माध्यमिक विद्यालयले विभिन्न शिर्षकमा मनपरी तरिकाले शुल्क असुली गर्दै आएको छ । अभिभावहरुका अनुसार विद्यालयले गुणस्तरिय शिक्षाकाे नाममा ४५ प्रतिशत सम्म शुल्क बृद्धि गरेकाे छ । २५ सय देखि ५० हजार सम्म बार्षिक डिपोजिट गर्न लगाउने गरेकाे छ । तर त्यस अनुसार शिक्षा प्रदान गरेकाे छैन । नाम चलेकाे आधारमा मात्र विद्यालय प्रतिकाे आक्रषण रहेकाे छ ।

यसैबिच विद्यालयले एक सूचना जारी गर्दै अनिश्चितकालिनकाे लागि विद्यालय बन्द रहने जनाएकाे छ ।

जारि सूचनामा विद्यालय परिसर भित्र शान्त वातावरणमा मिति २०७९/०६/०८ गते शनिवार प्रथम त्रैमासिक परीक्षा २०७९ को परीक्षाफल वितरण कार्य भइरहेको समयमा केही असामाजिक तत्वहरुबाट शान्ति क्षेत्र घोषित विद्यालय परिसर भित्र प्रवेश गरी शिक्षक-कर्मचारी सँग अभद्र व्यवहार प्रदर्शन भएकाे उल्टै विद्यालयले आराेप लगाएकाे छ ।

राष्ट्रिय पर्व बडा दशैंको पूर्व सन्ध्यामा अति निन्दनीय अराजक वातावरण बारम्बार सिर्जना गरी विद्यालयमा परीक्षाफल वितरण कार्यमा बाधा पुऱ्याएको हुँदा विद्यालयले पठन-पाठनमा गुणवत्ता कर्तव्यनिष्ठा, दायित्व, जिम्मेवारी आदि सम्पूर्ण कार्यहरु निर्वाह गर्दागर्दै पनि विद्यालयको वातावरण बिथोलिन गएकोले विद्यालयका शिक्षक-कर्मचारी तथा विद्यार्थीहरुको सुरक्षा र सामान्य अवस्था स्थापित नभए सम्म बाध्य भई असाेज ९ गते आइतबारदेखि अनिश्चित कालकालागि विद्यालय बन्द गरिएको विद्यालयले जनाएकाे छ ।

स्व. काशी तिवारीको घडिअर्वामा शालिक अनावरण

0

वीरगंज । तत्कालिन हिन्दू युवा संघका अध्यक्ष स्वर्गिय काशी तिवारीको १२ बर्षपछि शालिक अनावरण गरिएको छ । विश्व हिन्दू परिषद नेपालले वीरगन्ज १० घडिअर्वा स्थित शिवपार्वती मन्दिर अगाडी स्वर्गिय तिवारीको शालिक निर्माण गरेपछि शनिबार अनावरण गरिएको हो ।

विश्व हिन्दू परिषद नेपाल, पर्साले आयोजना गरेको एक कार्यक्रमका विच अनन्त श्रीविभूषित स्वामी धतुर्भुजाचार्य चुडामणिजी महाराजले स्वर्गिय तिवारीको शालिकको अनावरण गरेका हुन । शालिक अनावरण पश्चात आयोजित कार्यक्रमलाई सम्बोधन गर्दै धर्तुर्भुजाचार्य चुडामणिजीले विश्व हिन्दू परिषले धर्म, संस्कृति र राष्ट्रको रक्षाको निम्ती बलिदानी दिएका स्वर्गिय काशी तिवारीलाई उचित मुल्यांकन गरी सम्मान गरेकोमा आफूलाई गर्भावान्वीत भएको बताए ।

उनले हिन्दू राष्ट्रको पक्षमा आवाज उठाउँनेलाई मात्र सहयोग गर्नुपर्छ हिन्दू विरोधीहरुलाई समाजबाट नै बहिष्कार गर्न सुझाव समेत दिए ।

हामी हिन्दूहरु राष्ट्रको गौरव र देशको सम्मान र सत्रुको लागि मरिमेट्नु पर्छ, उनले भने, ‘ महाभारतको युद्धमा अर्जुन पन्चपाण्डेले धर्म रक्षा र न्यायको रक्षाको लागि लडेका थिए । जसमा अर्जुनले आफनो विर योद्धाहरुको बलिदानी दिएका थिए ।’ राष्ट्र नेपालले पनि विर सपुत काशी तिवारी जस्तो महान योद्धालाई आहुती दिएर राष्ट्र, धर्म संस्कृति निर्माणको अभियान शुरु भएको वताए ।

देशकाल परिस्थितीले एतिहास बनाउँन्छ, वीरगंजबाट नै देशलाई पुन हिन्दू राष्ट्र कायम गराएर नयाँ एतिहास बनाउँछ, उनले भने । देशमा परिर्वतनको शुरुवात भईसकेको छ, उनले भने, ‘ हिन्दू धर्म विरोधी नेता नेकपा माओवादी अध्यक्ष पुष्पकमल दहाल प्रचण्डलाई संसद बाहिर लखेट्नु पर्छ ।’ हामी एक तर्फ धर्म विरोधको पक्षमा लागेका छौ, र अर्को तर्फ धर्मको रक्षाको लागि हिडिरहेका छौ, यो प्रवृति गलत हो हिन्दू र राष्ट्र विरोधी नेताहरुको खुलेर विरोध गर्नुपर्छ ।

कार्यक्रममा विश्व हिन्दू परिषद नेपालका महासविच जितेन्द्र कुमार सिंहले हिन्दू राष्ट्र कायम गराउँने अभियानमा लागेको स्वर्गिय काशी तिवारीले पु¥याएको योगदानको बारेमा चर्चा गर्दै उनले हिन्दू राष्ट्र पुनस्थापनाको निम्ती दिएको बलिदानी खेर हुन नदिने प्रतिबद्धता जनाए ।

उनले देशको सम्पूर्ण हिन्दू समाज एकजुट हुने बेला आएको बताए । उनले भने, “विश्व हिन्दू परिषद नेपाल समग्र हिन्दू समाजको संगठन हो, यसले ३२ राष्ट्रका हिन्दू समाजको आवाजलाई बुलन्द गर्ने काम गर्छ । अहिले पनि नेपाल बहुसंख्यक हिन्दूको देश हुदाँ पनि हिन्दू समाज एकजुट हुन नसक्दा गैरहिन्दूहरु हिन्दूमाथि नै हाबी भईरहेका छन “

समाजसेवी एवम् उद्योगपति अशोक बैद्यले अहिले पनि नेपाल विश्वको एकमात्र हिन्दू राष्ट्र थियो र रहने बताए । विगतमा राजनितिक व्यक्तिहरुले आफनो स्वार्थका लागि नेपाललाई जबरजस्ती धर्मनिरपेक्षता लादेको आरोप लगाए । राजनितिक दलले जनताको मत विना नै ल्याएको धर्मनिरपेक्षता हिन्दू समाजलाई कुनैपनि हालतमा मान्य नहुने बताए ।

कार्यक्रममा बाबा बजरंगी दासले जातीय समिकरण गरेर राजनितिक लाभ लिने काम मात्र भईरहेको छ, जातिया स्वार्थभन्दा माथि उठेर समग्र हिन्दू समाज एकजुट भएमात्र नेपाललाई पुन हिन्दू राष्ट्र कायम गराउँन सकिने बताए ।

वीरगंज ८ घडिअर्वाका पूर्व वडा समितिका अध्यक्ष नगिना साहको अध्यक्षतामा आयोजित शालीक अनावरण कार्यक्रममा शिवपार्वती धर्मशालाका अध्यक्ष परमानन्ध साह, स्वर्गिय काशी तिवारीकी पत्नी बबिता तिवारी लगायतको स्थानियको उल्लेखनिय सहभागिता रहेको थियो ।

स्वर्गिय तिवारीको २०६७ असार १२ गते निर्मता पूर्वक अज्ञात समुहले गोली हानी हत्या गरेको थियो । जनआन्दोलनको फाईदा उठाउँदै तत्कालिन नेकपा माओवादी सहितको सात दलले युरोपियन मुलुकको प्रभावमा परि जनताको मत नै नबुझि विश्वको एकमात्र हिन्दू राष्ट्र देश नेपाललाई धर्मनिरपेक्षता घोषणा गरेसंगै देशभरी नै धर्मनिरपेक्षता खारेजीको माँग उठेको थियो ।

२०६७ सालामा हिन्दू युवा संघले पनि वीरगंजमा हिन्दू राष्ट्र कायम गराउँन चरणबद्ध आन्दोलनको कार्यक्रम शुरु गरेको थियो । नेपाली काँग्रेस, नेकपा एमाले, नेकपा माओवादी लगायतका सात दलले जबरजस्ती ल्याएको धर्मनिरपेक्षता खारेजीको माँग गर्दै सात दल विरुद्ध दिनहू वीरगंजमा जुलुस नारा सहित प्रदर्शन हुँदै आएको थियो ।

तत्कालिन नेकपा माओवादीले हिन्दू युवा संघको आन्दोलनको कार्यक्रमलाई चुनौती दिदै २०६७ बैशाखको दोश्रो साता वीरगंजमा अनिश्चितकालिन आमहड्तालको आह्वान गरेको थियो ।

हिन्दू राष्ट्रको पक्षमा हिन्दू युवा संघको आन्दोलन जारी रहेकै बेलामा माओवादीले घण्टाघर चौकमा मन्च बनाई विरोधको कार्यक्रम गईरहँदा दुवै पक्षविच झडप भएको थियो । स्थिती भयावह हुँदै गएपछि व्यापक रुपमा परिचालन गरिएको प्रहरीले लाठी चार्ज गर्दा दुवै समूहका दर्जनौ कार्यकर्ता घाईते भएको थियो ।

घट्ना पश्चात स्थिती केहि दिनसम्म साम्य भएको थियो । २०६७ असोज १२ गतेका दिन हिन्दू युवा संघको अध्यक्ष काशी तिवारी घडिअर्वा स्थित शिवपार्वती धर्मशामा छलफल पश्चात मन्दिर अगाडी उभिएको अवस्थामा मोटरसाईकलमा आएको अज्ञात हतियारधारी समूहले उनमाथि अन्धाधुन गोली प्रहार गरेका थिए ।

गम्भीर घाईते भएका तिवारीलाई तत्काल उद्दार गरी वीरगंजकाे नारायणी अस्पतालमा पु¥याउँदा उपचारको क्रममा मृत्यु भएको थियो ।

बारामा नेपाली नक्कली नोटसहित १ जना पक्राउ

0