Date
मङ्ल, मंसिर १, २०८३
Tue, November 17, 2026
Home Blog Page 620

पर्सा २ काे (ख) बाट रुपेशमानको स्वतन्त्र उम्मेदवारी

0

वीरगंज । समाजसेवी एवं युवा नेता रुपेशमान सिंह श्रेष्ठले प्रदेशसभा सदस्यमा स्वतन्त्र उम्मेद्वारी दर्ता गराएका छन् । आउँदो मंसिर ४ गते हुने निर्वाचनमा पर्साको क्षेत्र नम्बर २ (ख) बाट श्रेष्ठले स्वतन्त्र उम्मेद्वारी दर्ता गराएका हुन् ।

उम्मेद्वारी दर्ता गर्दै श्रेष्ठले कसैको दवाबमा नपरी स्वतन्त्र भएर जनताको काम गर्न आफूले स्वतन्त्र रुपमा उम्मेद्वारी दिएको प्रतिकृया दिए । आफू सबैको साझा उम्मेद्वार भएको भन्दै उनले कुनै पनि दल र गठबन्धनमा नलागी स्वतन्त्र उम्मेद्वारी दिएको श्रेष्ठको प्रतिकृया थियो ।

उम्मेदवारी दर्ता गराउन श्रेष्ठ दलबलसहित निर्वाचन अधिकृतको कार्यालय पुगेका थिए । वीरगंज वडा नम्बर १ का स्थायी वासिन्दासमेत रहेका श्रेष्ठ वीरगंज कै पुरानो मध्येको त्रिजुद्ध माम विद्यालयको व्यवस्थापन समितिमा रहेर एक दशक देखि शैक्षिक सुधारको क्षेत्रमा पनि क्रियाशिल छन् ।

पर्सा १ बाट प्रतिनिधिसभामा वन मन्त्री यादवकाे उम्मेदवारी दर्ता

0

वीरगंज । संघीय सरकारका वन तथा वातावरण मन्त्री प्रदीप यादवले पर्सा क्षेत्र नम्बर १ काे प्रतिनिधिसभा सदस्यमा उम्मेदवारी दर्ता गराएका छन् ।

जसपा एमाले गठबन्धनका साझा उम्मेदवार बनेका यादवले आइतबार दिउँसाे वीरगंजस्थित मुख्य निर्वाचन अधिकृतकाे कार्यालयमा पुगेर प्रतिनिधिसभा सदस्यका लागि मनाेनयन दर्ता गरेका हुन् ।

जसपाकाे केन्द्रीय राजनीतिक समिति सदस्य समेत रहेका यादव, २०७४ काे निर्वाचनमा पर्सा १ बाटै प्रतिनिधिसभा सदस्यमा निर्वाचित भएका थिए।

आइतबार मनाेनयन दर्ता पछि सन्चारकर्मीसंग कुरा गर्दै यादवले पर्साका चार वट‌ै प्रतिनिधिसभा र आठ वटै प्रतिनिधी सभा क्षेत्रमा जसपा एमाले गठबन्धनका साझा उम्मेदवारहरुकाे जित सुनिश्चित रहेकाे दाबी गरे ।

यसअघि जनताकाे भोटलाई आफुले आशीर्वाद बुझेर निरन्तर सेवा गरेकाे वताउँदै उनले पुनः यसपटक वृहत मतदान गरेर आफुलाई मतदाताले निर्वाचित गराउने विश्वस्त रहेकाे वताए ।

जसपाका मुकेश द्विवेदीद्वारा पनि स्वतन्त्र उम्मेदवारी दर्ता

0

वीरगंज । जनता समाजवादी पार्टी (जसपा) का युवा नेता मुकेश द्विवेदीले पनि स्वतन्त्र उम्मेदवारी दिएका छन् । उनी जसपा परित्याग गरेर पर्सा निर्वाचन क्षेत्र नं. २ (ख) काे प्रदेशसभा सदस्यमा स्वतन्त्र उम्मेदवारी दर्ता गराएका हुन् ।

यसअघि जसपाबाटै उनले पर्सा २ को (ख) मा प्रदेशसभा सदस्यको उम्मेदवार बन्ने आकांक्षा राखेका थिए । तर शनिबार जसपा र एमाले बिच भएको गठबन्धनमा उक्त क्षेत्र एमालेको भागमा परेपछि द्विवेदीले शनिबार बेलुकी जसपा छाडेको घोषणा गर्दै त्यहि क्षेत्रबाट आइतबार स्वतन्त्रमा उम्मेदवारी दिने उद्घोष गरेका थिए ।

नेपाली काँग्रेसको भातृ संगठन नेविसंघबाट राजनीतिक यात्रा थालेका द्विवेदी नेविसंघबाटै ठाकुरराम बहुमुखी क्याम्पसकाो स्ववियु सभापतिमा निर्वाचित पनि भएका थिए । त्यसपछि काँग्रेस छाडेर नेकपा माओवादी केन्द्रमा लागेका द्विवेदी तत्कालिन नयाँ शक्ति हुँदै हाल जसपामा सकृय रहेका थिए ।

नेकपा एसबाट प्रहलाद गिरीकाे उम्मेदवारी

0

वीरगंज । नेकपा एमालेले टिकट नदिएपछि नेकपा (एकीकृत समाजवादी) बाट प्रहलाद गिरीले उम्मेदवारी दिएका छन् । बर्तमान प्रदेशसभा सदस्य समेत रहेका गिरीले पर्सा निर्वाचन क्षेत्र नं. ३ (ख) काे प्रदेश सभा सदस्यमा उम्मेदवारी दिएका हुन् ।

केहि दिन पहिला मात्र गिरी एमाले प्रबेश गरेका थिए । मनाेनयन दर्ताकाे एक दिन पहिला मात्र आएर एमालेले जसपासंग गठबन्धन गरेपछि गिरीले दाबी गरेकाे क्षेत्र जसपाकाे भागमा परेकाे छ । जसपाले डा. मधु गुप्तालाई उम्मेदवार बनाएकाे छ ।

गिरीले सतारुढ गठबन्धनकाे तर्फबाट उम्मेदवारी दिएकाे नेकपा एस पर्साले जनाएकाे छ ।  

जसपाका अन्सारी र बेगमद्वारा स्वतन्त्र उम्मेदवारी दर्ता

0

वीरगंज । पर्साको निर्वाचन क्षेत्र नम्बर १ को (क) बाट प्रदेश सभा सदस्यमा जन्नत अन्सारीले स्वतन्त्र उम्मेदवारी दर्ता गराएका छन् । जनता समाजवादी पार्टीका केन्द्रिय सदस्य समेत रहेका अन्सारीले पार्टीले टिकट नदिएपछि स्वतन्त्र उम्मेदवारी दिएका हुन् । 

२०७४ को निर्वाचनमा यहि क्षेत्रबाट प्रदेशसभामा तत्कालीन संघीय समाजवादी फोरम हालको जसपाबाट उनी निर्वाचित भएका थिए । जसपा एमाले गठबन्धनबाट यो क्षेत्रमा एमालेका विचारी यादवले टिकट पाएका छन् ।

अन्सारीले जसपा पार्टीले गठबन्धन गरेर एमालेलाई टिकट दिएपछि स्वतन्त्र उम्मेदवार हुनु परेको बताए । उनले विगतमा गरेको कामको मूल्यांकन गरेर जनताको चाहना अनुसार उम्मेदवार बनेको बताए ।

यसैगरी जसपाकी केन्द्रीय सदस्य करिमा बेगमले पनि पर्साकाे निर्वाचन क्षेत्र नम्बर २ काे (ख) बाट स्वतन्त्र उम्मेदवारी दर्ता गराएकी छन् ।  पार्टीले टिकट नदिएपछि उनी प्रदेशसभा सदस्यमा स्वतन्त्र उम्मेदवारी दिएकि हुन् ।

२०६४ काे पहिलाे संविधानसभा निर्वाचनमा पर्सा क्षेत्र नम्बर १ बाट संविधानसभा सदस्यमा निर्वाचित भएकी बेगम, २०७४ काे निर्वाचनमा समानुपातिक तर्फ प्रदेशसभा सदस्यमा निर्वाचित भएकि थिइन् ।

आगामि मंसिर ४ काे निर्वाचनमा जसपा जिल्ला कार्यसमितिले बेगमकाे नाम पर्सा क्षेत्र नम्बर २ काे प्रतिनिधिसभा सदस्यमा प्रत्यक्ष तर्फ सिफारिस पनि गरेकाे थियाे । तर जसपा एमाले गठबन्धनबाट याे क्षेत्रमा जसपाका सुरेन्द्र कुर्मीले टिकट पाएका छन् ।

आईतवार प्रदेशसभा सदस्यमा उम्मेदवारी दर्ता पछि सन्चारकर्मीलाई प्रतिक्रिया दिदै बेगमले पार्टीले आफुलाई टिकट नदिएपछि जनताकाे चाहना अनुसार जसपा त्यागेर स्वतन्त्र उम्मेदवारी दिएकाे बताइन् ।

वीरगंजमा डान्डिया उत्सव सम्पन्न

0

वीरगंज । वीरगंज स्विमिंग पुल हेल्थ क्लबकाे आयाेजनामा शुक्रबार वीरगंजमा डान्डिया उत्सव सम्पन्न भएकाे छ । प्रकाश डान्स एण्ड फिटनेश स्टुडियाेकाे सहकार्यमा वीरगंजकाे आदर्शनगरस्थित जैन भवनमा भएकाे कार्यक्रममा सम्पन्न भएकाे हाे ।

कार्यक्रममा डान्डिया नृत्य प्रस्तुत गर्ने ४ ग्रुपका विजेताहरुलाई पुरस्कृत समेत गरिएकाे थियाे । ग्रुप “ए” का प्रथम स्वाना खन्डेवाल, द्वितिय रिचा सर्राफ, तृतिय विना प्रजापति, “बि” ग्रुपका प्रथम एसिका शर्मा, द्वितिय मिठी तिवारी, तृतिय तिस्टा भकड, ग्रुप “सि” का प्रथम घिस्रित भकर, द्वितिय अकक्षर कर्ण, तृतिय राेहित गुप्ता र ग्रुप “डि” का प्रथम रिद्धि शर्मा, द्वितिय डाेली अर्गवाल, तृतिय सिद्धि शर्मालाई पुस्कृत गरिएकाे राेट्रेक्ट क्लब अफ वीरगंज मेट्राेपाेलिसका उपाध्यक्ष दिपु बर्णवालले जानकारी दिए ।

प्रकाश डान्स एण्ड फिटनेश स्टुडियाे वीरगंजका संचालक प्रकाश कर्णकाे अध्यक्षता र वडा प्रहरी कार्यालय विर्ताका प्रहरी निरिक्षक विशाल मल्लकाे प्रमुख आतिथ्यतामा भएकाे कार्यक्रममा वीरगंज युवा समाजका अध्यक्ष कमल चाैलागाई, ग्रिन सिटी आदर्शनगरका अध्यक्ष प्रकाश खेतान, भाेलन्टियर समुह वीरगंजका संयाेजक राजन श्रीवास्तव, मानव सेवा आश्रमका दिवेश गुप्ता, राेट्रेक्ट क्लब अफ वीरगंज मेट्राे पाेलिसका अध्यक्ष रविन श्रेष्ठ, सशस्त्र प्रहरी निरिक्षक रबिन्द्र भट्ट लगायतकाे उपस्थिती रहेकाे थियाे ।

घनश्याम भूसालद्वारा एमाले त्यागेको घोषणा

0

काठमाडौं । नेकपा एमालेका स्थायी कमिटी सदस्य घनश्याम भूसालले एमाले त्यागेको घोषणा गरेका छन् ।

पार्टीमा नीति र विधिको पुनर्स्थापना हुने कुनै सम्भावना नदेखेको र अध्यक्ष केपी शर्मा ओलीसँगै रहेर आन्दोलन र आफैंप्रति पनि इमान्दार रहन नसक्ने भएपछि एमालेमा नबस्ने निर्णय गरेको उनले बताएका छन्

भूसालले सामाजिक सन्जाल फेसबुकमा ‘म स्वयम्ले ४५ वर्षसम्म आफ्नो सम्पूर्ण सामर्थ्य समर्पित गरेको यो पार्टीमा नीति र विधिको पुनर्स्थापना हुने कुनै सम्भावनासमेत नदेखेपछि, अध्यक्ष ओलीसँगै रहेर आन्दोलन र आफैप्रति पनि इमान्दार रहन नसकिने भएपछि यस पार्टीमा नरहने निष्कर्षमा पुगेको छु ।’ लेखेका छन् ।

उनले थप लेखेका छन्, ‘नेकपा एमाले भित्र रहँदा विधि, पद्धति र सही नीतिका लागि सङ्घर्षमा लागेका सहयोद्धा र सहकर्मीहरुप्रति सदा मेरो ऐक्यवद्धता रहनेछ । राष्ट्रको सर्वोपरी हितका लागि म उत्तिकै सक्रिय रहने छु । कमरेडहरु ! सत्य र सही बाटाको खोजमा इतिहासको कुनै विन्दुमा हामी पुनः भेट हुनेछौं ।’

भूसालले रुपन्देही १ मा स्वतन्त्र उम्मेदवारी दिने तयारी रहेकाे बुझिएकाे छ । एमालेले प्रतिनिधिसभाको टिकट नदिएपछि भूसालले शनिबार दिउँसो पार्टी परित्यागको घोषणा गरेका हुन् । निकटवर्तीहरुका अनुसार भूसालले अब रुपन्देही १ मा स्वतन्त्र उम्मेदवारी दिने छन् ।

सत्ता गठबन्धनका नेताहरुले भुसाललाई आफूहरुसँग मिलेर चुनाव लड्न प्रस्ताव गरेका छन् । सत्ता गठबन्धनको भागवण्डामा रुपन्देही १ माओवादी केन्द्रको भागमा परेको छ । माओवादी नेताहरुले भुसाललाई आफ्नो दलको चुनाव चिह्न लिएर चुनाव लड्न समेत प्रस्ताव गरेका छन् ।

एमाले र जसपा बिच सहमती, पर्सामा २/२ सिट भागबन्डा

0

वीरगंज । नेकपा एमाले र जनता समाजवादी पार्टी (जसपा) बीच १४ जिल्लामा चुनावी तालमेलको सहमति भएको छ । मधेस प्रदेशका ८ जिल्ला, प्रदेश १ को मोरङ र सुनसरी तथा लुम्बिनी प्रदेशको नवलपरासी पश्चिम, रुपन्देही र कपिलवस्तु तथा सुदूरपश्चिमको कैलालीमा तालमेलको सहमति भएको हो ।

यसअनुसार यी जिल्लामा प्रतिनिधिसभाका ३५ सिट एमालेले लिनेछ भने जसपाले १७ सिट लिने भएको छ । प्रदेशसभातर्फ एमालेले ७० सिट पाउने छ भने जसपाले ४२ सिट लिएको छ ।

सहमती अनुसार पर्सामा प्रतिनिधिसभाकाे २/२ सिट एमाले र जसपा भागबन्डा लगाएका छन् । जस अनुसार पर्सा निर्वाचन क्षेत्र नं. १ र २ जसपाकाे भागमा परेकाे छ भने ३ र ४ एमालेकाे भागमा परेकाे छ । 

जसपाले पर्सा क्षेत्र नं. १ बाट पुन: वन तथा बातावरण मन्त्री प्रदिप यादव र क्षेत्र नं. २ बाट सुरेन्द्र कुर्मीलाई उम्मेदवार बनाउने तयारी गरेकाे छ ।  एमालेले पर्सा क्षेत्र नं. ३ बाट राजकुमार गुप्ता र ४ बाट जालिम मियाँलाई उम्मेदवारी बनाउने सम्भावना रहेकाे छ ।

यसैगरी एमाले र जसपाले पर्साकाे प्रदेशसभामा ४/४ वटा क्षेत्रमा भागबन्डा लगाएका छन् । सहमती अनुसार पर्सा प्रदेशसभा निर्वाचन क्षेत्र नं. १ काे (क), २ काे (ख), ३ काे (क) र ४ काे (क) एमालेकाे भागमा परेकाे छ भने १ काे (ख), २ काे (क), ३ काे (ख) र ४ काे (ख) जसपाकाे भागमा परेकाे छ ।

एमालेले पर्सा प्रदेशसभा क्षेत्र नं. १ काे (क) मा बिराची यादव, २ काे (ख) मा हरेराम पटेल, ३ काे (क) मा निर गिरी वा मंजुर अन्सारी र ४ काे (क) जय प्रकाश थारुलाई उम्मेदवार बनाउने सम्भावना रहेकाे छ ।

 त्यसैगरी जसपाले पर्सा प्रदेशसभा १ काे (ख) मा पुन: मुख्यमन्त्री लालबाबु राउत गद्दी, २ काे (क) मा जिल्ला अध्यक्ष रामनरेश यादव, ३ काे (ख) मा गाैरीशंकर साह र ४ काे (ख) मा बर्तमान प्रदेशसभा सदस्य सिंगासन साह कलवारलाई उम्मेदवार बनाउने सम्भावना रहेकाे छ । 

जसपाले पर्सा प्रदेशसभा क्षेत्र नं. ३ काे (ख) मा प्रतिनिधिसभा सदस्यकाे दाबेदार रहेकी डा. मधु गुप्तालाई पनि उम्मेदवार बनाउन सक्ने पनि सम्भावना रहेकाे छ । 

बिरन्चीवर्वा मेलाको धोबिन चरा उडाएर उदघाटन

0

वीरगंज । पर्साको कालिकामाई गाउपालिका वडा नम्बर ५ बिरन्चीवर्वामा बुधबार धोबिन चरा उडाएर ५ दिने मेलाको उदघाटन गरिएको छ ।

बिगत सय बर्ष अगाडी देखी बडादशैको दशमीका दिन धोबीन चरा उडाएर मेलाको उदघाटन हुदै आएको परम्परा अनुसार उदघाटन गरिएको हो ।

पर्सा क्षेत्रनमबर ४ को ख का प्रदेश सभा सदस्य सिंहासन साह कलवार, पोखरीया नगरपालिकाका मेयर प्रधुमन चौहान, कालिकामाई गाउपालिकाका अध्यक्ष बशिष्ठ गुपता, वडा नम्बर ५ का वडाध्यक्ष जयनारायण पटेलले संयुक्त रुपमा ४ वटा धोबिन चरा उडाएर उदघाटन गरेको गाउपालिका अध्यक्ष बशिष्ठ गुप्ताका स्वकिय सचिव ताजिन्दर साह कलवारले जानकारी दिए ।
बाजागाजा, हाथी, घोडा, उट, जिप, कार, सहित निस्केको जुलुस वडा नम्बर ५ का सम्मपुर्ण टोल परिक्रमा गरी बिरन्चीवर्वाको पुर्ब पटि गई धोबिन चरा उडाईको थियो ।

मेला उदघाट कार्यक्रममा कालिकामाई गाउपालिका, पोखरीया नगरपालिका, पकहामैनपुर गाउपालिकाका जनपरतिनिधी तथा हजारौ सर्वसाधारणको सहभागीता रहेको थियो ।

मधेश प्रदेश लाेक सेवा आयाेगकाे परिक्षामा जालझेल देखियाे

0

वीरगंज । प्रदेश लाेक सेवा आयाेग मधेश प्रदेश, जनकपुरधामले संचालन गरेकाे अधिकृत साताैं तहकाे परिक्षा नतिजा प्रकाशनमा जालझेल भएकाे देखिएकाे छ । 

आयाेगले साउन १८ गते संचालन गरेकाे प्रशासन सेवाका अधिकृत साताैं तहका्े प्रथम चरणकाे लिखित परिक्षाकाे नतिजामा उम्मेदवार भन्दा एक दर्जन बढी परिक्षार्थीहरु पास भएका छन् । असाेज १३ गते प्रकाशित नतिजामा जम्मा परिक्षार्थी संख्या २ हजार ५ सय ६७ भएपनि २ हजार ५ सय ७९ जनाकाे नतिजा सार्वजनिक गरिएकाे छ । जुन परिक्षार्थी संख्या भन्दा १२ जना बढी हाे ।

फेरी सार्वजनिक नतिजामा परिक्षार्थी संख्या भन्दा बढी नतिजा सार्वजनिक हुनेहरु २५६८ देखि २५७९ सम्म लगातार पास भएकाे देखिन्छन् । त्यसले पनि आयाेगकाे परिक्षामा जालझेल भएकाे एक परिक्षार्थीले आराेप लगाए ।

आयाेगले परिक्षा केन्द्र प्रकाशित गरेकाे सूचना

ति परिक्षार्थीले भने “परिक्षा तालिका सार्वजनिक गर्दा जम्मा परिक्षार्थी राेल नं. १ देखि २५६७ मात्र थियाे नतिजा सार्वजनिकमा २५७९ सम्म कहाँबाट आए ? नतिजा प्रकाशन भएका राेल नं. २५६८ देखि २५७९ सम्मकाे परिक्षा कहाँ संचालन गरियाे ? त्यससमा पनि उम्मेदवार भन्दा बढी नतिजा प्रकाशन भएका १२ जना सबै पास हुनुले थप शंका उत्पन्न भएकाे छ । यसकाे सम्बन्धित निकायबाट अनुसन्धान हुनु पर्छ ।”   

आयाेगले प्रदेश निजामती सेवा अन्तर्गत असार ३१ गते विभिन्न पदकाे लागि दरखास्त आवहान गरेकाे सूचनामा प्रशासन सेवा अधिकृत साताैं तहकाे लागि पनि दरखास्त आवहान गरेकाे थियाे ।

आयाेगले असाेज १३ गते प्रकाशन गरेकाे परिक्षाकाे नतिजाकाे अन्तिम पृष्ठ

साेही सूचना अनुसार दरखास्त दिएका उम्मेदवारहरुकाे लागि साउन १९ गते प्रकाशित परिक्षा मितिकाे सूचनामा पनि राेल नं. १ देखि २५६७ सम्मकाे परिक्षा भदाै १८ गते संचालन हुने उल्लेख छ । त्यसपछि फेरी अर्काे प्रकाशित आयाेगकाे परिक्षा केन्द्र निर्धारणकाे सूचनामा पनि राैल नं. १ देखि २५६७ सम्म कै लागि परिक्षा केन्द्र निर्धारण गरिएकाे थियाे । तर परिक्षाकाे नतिजामा १२ जना भन्दा बढी राैल नं. २५७९ सम्मकाे नतिजा प्रकाशनले परिक्षार्थीहरु अन्याेलमा परेका छन् ।

यस बिषयमा बुझ्न आयाेगकाे पदाधिकारीहरुसंग प्रयास गर्दा पनि हाल कार्यालयमा दशैं बिदा भएका कारण हुन सकेन ।