Date
मङ्ल, मंसिर १, २०८३
Tue, November 17, 2026
Home Blog Page 609

धोरे मेला र कुस्ती प्रतियोगिता शान्तिपूर्ण रुपमा सप्पन्न

0

वीरगंज । पर्साकाे पकहा मैनपुर गाउँपालिका वडा नं. १ धाेरेमा साेमबार विशाल कुस्ती प्रतियाेगिता एवम् झन्डा मेला सम्पन्न भएकाे छ । विगत १०० बर्षदेखि छठ पुजाकाे अवसरमा लाग्दै आएकाे मेलामा आयाेजना गरिएकाे कुस्ती प्रतियाेगिताकाे पकहा मैनपुर गाउँपालिका अध्यक्ष सुरेश मेहताले उद्घाटन गरेका थिए ।

कुस्ती प्रतियाेगितामा नेपालका मनाेज यादवले भारत गाेरखपुरका रामरतन पहलवानलाई र नेपाल प्रहरीका गाया पहलवानले भारत बनारसका अकाश बर्मालाई पराजय गरेका थिए ।

साैहर्दपूर्ण बातावरणमा सम्पन्न कुस्ती प्रतियाेगितामा भारत र नेपालका विभिन्न जिल्लाका प्रसिद्ध दर्जनाैं महिला तथा पुरुष पहलवानहरुले भाग लिएका थिए ।

गाउँपालिका अध्यक्ष मेहताकाे प्रमुख आतिथ्यतामा भएकाे प्रतियाेगितामा नेपाली कांग्रेसका नेता नसुरलाह मियाँ, वडाध्यक्ष विनाेद मेहता, ढेरी यादव, बलिराम चाैरसिया, लक्ष्मण कुर्मी, छ्ठु साह लगायतकाे सहभागिता रहेकाे थियाे ।

गर्दौलमा एसकाई युथ फाउन्डेसन क्लब उद्घाटन

0
वीरगंज । पर्साकाे विन्दवासिनी गाउँपालिका वडा नं. २ गर्दौल टोलमा शनिबार एसकाई युथ फाउन्डेसन क्लबको समुद्घाटन भएको छ । गाउँपालिका अध्यक्ष प्रमोद तिवारीले एक कार्यक्रमका बिच क्लबको समुद्घाटन गरेका हुन् ।
 
अध्यक्ष तिवारीले शुभकामना दिँदै संस्थालाई सामाजिक कार्यक्रम गर्न सुझाव दिए । उनले सामजिक संस्थाले समाजलाई सहि दिशामा अघि बढ्न निकै ठुलो भूमिका खेल्ने हुनाले युवाहरुलाई यस प्रति ध्यान दिन आग्रह गरे ।
 
उनले संस्थालाई लागू औषध सम्बन्धी जनचेतना कार्यक्रम गर्न आफ्नो पलिकाबाट बजेट उपलब्ध गराउने घोषणा गर्दै आगामी दिनमा पनि पालिकाको निरन्तर साथ र सहयोग रहने प्रतिबद्धता जनाए ।
 
संस्थाका अध्यक्ष राजन पटेलकाे अध्यक्षतामा भएकाे कार्यक्रममा स‌ंस्थाका उपाध्यक्ष सन्ध्या कुमारी मुखिया, सचिव नकुल पटेल, कोषाध्यक्ष निराजन तिवारी, सह सचिव सुरज कुमार पटेल, सदस्यहरू हेमन्त गिरी, राजु राउत कुर्मी, सुरज कुमार पटेल, शोभा कुमारी, चन्दन पटेल, कृष्ण चन्दन महतो लागायत संस्थाका पदाधिकारीहरुलाई प्रमुख अथिती तिवारीले टिका लगाई बधाई तथा शुभकामना दिएका थिए ।
 
कार्यक्रममा समाज सेवी केशव गिरी, गम्भिरा साह, अच्छेलाल महतो, दीपेन्द्र पण्डित, दीनानाथ तिवारी, राधेश्याम पटेल लगायतले शुभकामना मनतव्य राखेका थिए भने कार्यक्रमकाे सञ्चालन पत्रकार आनन्द पटेलले गरेका थिए ।
 

वीरगंज ७ मा एमाले-जसपा गठबन्धनकाे भेला सम्पन्न

0

वीरगंज । आफ्ना उम्मेदवारलाइ बिजय बनाउन एमाले-जसपा गठबन्धनको वडा स्तरीय नेता कार्यकर्ताको भेला वीरगंज महानगरपालिकाकाे वडा नम्बर ७ मा सम्पन्न भएको छ ।

भेलामा गठबन्धनका साझा उम्मेदवार पर्सा क्षेत्र न.१ काे २ का प्रदेशसभा सदस्य तथा मधेश प्रदेशका मुख्यमन्त्री मोहम्मद लालबावु राउत गद्दीले यो गठबन्ध देश र प्रदेशको विकास संगै संघीय लोकतान्त्रिक गणतन्त्र संस्थागत गर्न तथा संविधान कार्यावन्यनको लागी आवश्यकता रहेको बताए ।

उनले यो पवित्र गठबन्धनको पक्षमा मतदान गर्न सबैमा आग्रह समेत गरे । उनले मधेस प्रदेश सरकारले पर्सा जिल्ला ल्याएको योजना वारे प्रकाश समेत पारे ।

प्रदेश सरकारले वीरगंजमा मधेश विश्व विद्यालय स्थापना, प्रादेशिक पुस्तकालय, श्रीपूर उच्च मा.वि प्राविधिक शिक्षा कार्यक्रम संचालन, पुराना तथा ऐतिहासिक त्रिजुद्ध माविलाई नमुना विद्यालय घोषणा संगै बजेट निकाशा भएको उनले बताए ।

त्यसैगरि बिद्यालत भवनहरु निमार्ण, सामुदायिक भवन, धर्मशाला, जेष्ट नागरिक आवाश भवन निमार्ण, मंन्दिर, पार्क, छठघाट, सडक तथा नाला निमार्ण लगायतका लोकप्रिय योजना तथा कार्यक्रमहरु संचालनमा रहेको तथा कतिपय योजनाहरु सम्पनको क्रममा रहेकाे उनले बताए ।

कार्यक्रममा पर्सा क्षेत्र न.१ प्रतिनिधि सभा सदस्य प्रदिप यादवले आफु मन्त्री हुँदा छोटो समयमा चिडियाखाना स्थापना गरि वीरगंजमा ऐतिहासिक काम गरेको बताए ।

सत्यनारायण शर्माकाे अध्यक्षतामा भएकाे भेलामा एमाले प्रदेश कमिटी सचिवालय सदस्य नवराज शर्मा, एमाले पर्सा क्षेत्र नं.१ काे २ का संयोजक कमलेश गुप्ता, जसपा वीरगंजमा महानगर अध्यक्ष इशवर यादव, पूर्व वडा अध्यक्ष बसन्त भकर लगायतका नेता कार्यकर्ताहरुको सहभागीता रहेकाे थियाे ।

कार्यक्रमको संचालन एमाले वीरागंज नगर कमिटी सचिवालय सदस्य बासु शर्माले गरेका थिए ।

जनतालाई भ्रममा पारेर दिवा सपना देखाउनेसंग सर्तक रहन प्रदिप यादवको आग्रह

0

वीरगंज । जनता समाजवादी पार्टी (जसपा) र नेकपा एमालेको गठबन्धनबाट पर्सा क्षेत्र नम्बर १ का प्रतिनिधि सभा सदस्यका उम्मेदवार प्रदीप यादवले मतदाता भेटघाटलाई निरन्तरता दिएका छन् ।

वीरगञ्ज महानगरपालिका वडा नम्बर ७ का मतदातासँग भेटघाट गर्दै पूर्व मन्त्रीसमेत रहेका यादवले छठ पर्वको शुभकामना पनि दिएका हुन् ।

निर्वाचन नजिकिदै गएसँगै उनले नेता तथा कार्यकर्ताहरुलाई पनि जसपा र एमालेको गठबन्धनका उम्मेदवारलाई जिताउनका लागि सक्रिय हुन सचेत गराएका छन् ।

जनतालाई भ्रममा पारेर दिवा सपना देखाउनेहरुबाट सर्तक रहन आग्रह गर्दै उनले ईमान्दार एवम् जनताको पिरमर्का बुझ्ने व्यक्तिलाई चुनेर पठाउनुपर्ने बताएका छन् ।

निर्वाचित गराइसकेपछि पश्चाताप हुनुपर्ने अवस्था नआउनका लागि बेलैमा सोचेर अमूल्य मत सही व्यक्तिलाई दिई विकास र परिवर्तनको अभियानमा हातेमालो गर्नुपर्नेमा उनले जोड दिएका छन् । वडा नम्बर ७ का मतदाताहरुले यादवको भनाईप्रति समर्थन जनाउँदै मताधिकारको सही सदुपयोग गर्ने प्रतिबद्धता पनि जनाएका छन् ।

मतदातासँगको भेटघाटमा निवर्तमान सांसद यादवसहित मधेश प्रदेशका मुख्यमन्त्री एवम् पर्सा क्षेत्र नम्बर १ (ख) का प्रदेश सभा सदस्य उम्मेदवार मोहमद लालबाबु राउत गद्दी, नेकपा एमालेका नेता नवराज शर्मा, पूर्व वडा अध्यक्ष वसन्त भक्कडलगायत नेकपा एमाले र जसपाका नेता एवम् कार्यकर्ताहरुको उल्लेख्य उपस्थिती रहेको थियो ।

बाम गठबन्धनका उम्मेदवारलाई जिताउन युवा, विधार्थीको भेला

0

वीरगंज । पर्सा क्षेत्र नम्बर ४ मा बाम लोकतान्त्रिक गठबन्धनका उम्मेदवारलाई जिताउने अभियान अन्तर्गत शुक्रबार संयुक्त युवा विधार्थी भेला सम्पन्न भएको छ ।

पर्साको धोबिनी गाँउपालिका वडा नम्बर ४ लंगडीमा शुुक्रबार काँग्रेसको क्षेत्रीय कार्य समितिले लोकतान्त्रिक बाम गठबन्धनको सयुक्त युवा विद्यार्थी भेला आयोजना गरेको थियाे ।

भेलामा सहभागी पाँच दलीय गठबन्धनका युवा विधार्थी नेताहरुले पर्सा ४ मा लोकतान्त्रिक–बाम गठबन्धनका उम्मेदवारलाई जिताउन युवा विधार्थीहरु एकजुट भएर लागेको बताए । उनिहरुले प्रतिनिधीसभा सदस्यका उम्मेदवार रमेश रिजाल ,प्रदेशसभासदस्यका उम्मेदवारद्वय शंकर चौधरी र शेख चाँदताराको पक्षमा घरघरमा पुगेर मत माग्ने प्रतिबद्धता पनि जनाए ।

काँग्रेसका क्षेत्रीय सभापति श्रीकान्त प्रसाद यादवको अध्यक्षतामा भएको भेलामा प्रतिनिधिसभा सदस्यका उम्मेदवार रमेश रिजाल, प्रदेश सदस्यका उम्मेदवार शेख चाँद तारा र शकर चौधरीका साथै नेताहरू बृहस्पतिकृष्ण श्रेष्ठ, बशिष्ठ नारायण कुर्मी, सलाउदीन अहमद, रामबबु बैठा, रमेश पाण्डे, नवीन सिंह, किशोरी साह कानु लगायतको पनि सहभागीताको कार्यक्रमको सन्चालन क्षेत्रीय सचीव बलिष्टर अहमदले गरेका थिए ।

२८ वर्ष काँग्रेसको राजनीति गरेका नेता साह जसपा प्रवेश

0

वीरगंज । विगत २८ वर्षदेखि नेपाली काँग्रेसको सकृय राजनीति गर्दै वीरगंज महानगरपालिका वडा नम्बर १२ का प्रमोद प्रसाद साह जसपमा प्रवेश गरेका छन् । पर्सा क्षेत्र नम्बर १ का प्रतिनिधीसभा सदस्य उम्मेदवार एवम् पूर्वमन्त्री प्रदीप यादवको पहलमा साह काँग्रेस छाडेर जसपामा प्रवेश गरेका हुन् ।

काँग्रेसका कृयाशील सदस्य समेत रहेका साह, बिहीबार जसपामा प्रवेश गरेका हुन् । बिहीबार एक अनौपचारिक कार्यक्रममा पूर्वमन्त्री यादवले साहलाई गम्छा ओढाएर पार्टीमा स्वागत गरे ।

काँग्रेस विपीको सिद्धान्त र विचारबाट विचलित भएको तथा काँग्रेसका नेताहरु पनि पार्टीको नीति, विचार र सिद्धान्त बिर्सिएर व्याक्तिगत स्वार्थमा लिप्त भएकाले त्यस्तो पार्टीमा बस्न नसक्ने ठहर गर्दै आफुले काँग्रेस परित्याग गरेको साहले बताए ।

अहिलेको परिवेशमा मधेस र मधेसीको हकहितमा लड्ने एक मात्र पार्टी जसपा नै भएकोले आफुले जसपा रोजेको उनले बताए ।

प्रदीप यादवले दिए निर्वाचन केन्द्रित कार्यक्रमलाई निरन्तरता

0

वीरगंज । पर्सा निर्वाचन क्षेत्र नम्बर १ बाट प्रतिनिधिसभा सदस्य पदका उम्मेदवार प्रदीप यादवले क्षेत्रमा बाँकी रहेका काम पुरा गर्न आफुलाइ निर्वाचित गराउन मतदातासँग आग्रह गरेका छन् ।

क्षेत्र नम्बर १ मा पर्ने वीरगञ्ज महानगरपालिकाका वडाहरुमा जनता भेटघाट कार्यक्रमलाई निरन्तरता दिँदै जसपाका उम्मेदवार यादवले आफू सांसद र छोटो समयका लागि मन्त्री हुँदा पनि आफ्नो क्षेत्र र समग्रमा पर्सा जिल्लामा भ्याएसम्म विकास निर्माणका योजनाहरु ल्याएको र पूरा समेत गरेको दावी गरे । आगामी दिनमा बाँकी रहेको काम सम्पन्न गर्न आफूलाई निर्वाचित गराउन मतदातासँग उनले आग्रह गरे ।

यादवले देशको विकास, समृद्धी र सुशासन स्थापनाका निमित्त जसपा–एमाले गठबन्धनका साझा उम्मेदवारहरुलाई जिताउन आग्रह पनि गरे । यादवले सत्ता गठबन्धनले एकलौटी राज चलाएर देशमा तानाशाह स्थापना गर्न खोजेको आरोप लगाउँदै गणतन्त्र र लोकतन्त्रको रक्षाका लागि जसपा–एमालेका उम्मेदवारहरुलाई जिताउनु पर्ने बताए ।

मतदातासँगको भेटघाटका क्रममा यादवले हिन्दूहरुको महान पर्व दिपावली र छठको शुभकामना आदान प्रदान पनि गरेका थिए । मधेश प्रदेशका मुख्यमन्त्री लालबाबु राउत समेत सहभागी रहेको कार्यक्रममा जसपा र एमालेका नेता, कार्यकर्ताहरुको सहभागीता थियो ।

कालिकामाईको टिनडोबियामा रक्तदान कार्यक्रम सम्पन्न

0

वीरगंज । पर्साको कालिकामाई गाउँपालिका वडा नं. १ टिनडाेबियामा बिहिवार रक्तदान कार्यक्रम सम्पन्न भएको छ । टिनडोबिया युवा क्लबको आयोजनामा भएको कार्यक्रममा ३५ जनाले रक्तदान गरेको क्लबका अध्यक्ष कृष्ण पटेलले जानकारी दिए ।

श्री नेरा आधारभुत विद्यालय टिनडोबियामा भएको कार्यक्रममा कालिकामाई गाउँपालिकाका अध्यक्ष बशिष्ठ कुमार गुप्ता, वडाध्यक्ष लालबाबु चौरसिया, रबिशंकर सिंह, शैलेन्द्र कुमार त्रिपाठी, निरन्जन पटेल, गुडु पटेल, कुन्दन कुमार कुर्मी, तेजा मुखिया बिन, राजन पटेल, दिपेन्द्र साह, साजन पटेल, दिलिप साह, विवेक कुमार, जितेन्द्र कुमार पटेल, कृष्णा पटेल, अजय पटेल, ओमबाबु पटेल, संदिप कुमार साह लगायतकाले रक्तदान गरेका हुन ।

कार्यक्रममा बोल्दै गाउँपालिका अध्यक्ष बशिष्ठ कुमार गुप्ताले रक्तदान सब भन्दा ठूलो दान भएको वताए । उनले रक्तदान कार्यक्रम आयोजना गर्ने क्लबमा आवद्ध युवाहरूको सराहना गर्दै यस्ता कार्यक्रम आयोजना गर्न आफुले सक्दो सहयोग गर्ने प्रतिबद्धता जनाए ।

वडाध्यक्ष लालबाबु चौरसियाको अध्यक्षता र गाउँपालिका अध्यक्ष गुप्ताको प्रमुख आतिथ्यतामा भएको कार्यक्रममा गुहेश्वरी मर्चेन्ट बैंकिङ्ग एण्ड फाइनान्स पोखरियाका प्रबन्धक शैलेन्द्र कुमार त्रिपाठी, इलाका प्रहरी कार्यालय पोखरियाका प्रहरी सहायक निरीक्षक रबिशंकर सिंह, रक्त संचार केन्द्र वीरगंजका प्रमुख सौरभ राज पाण्डे, कालिका टाईम्सका सम्पादक शम्भु कुमार कुमार सुमन, श्री नेरा आधारभूत विद्यालय टिनडोबियाका प्रधानाध्यापक रामप्रबेश पटेल, अजय पटेल, जितेन्द्र पटेल लगायतको उपस्थिति रहेको थियो ।

काँग्रेस उम्मेदवार चौरसियाको घरदैलो निरन्तर

0

वीरगंज । पर्सा क्षेत्र नम्बर २ मा सत्तागठबनधनबाट नेपाली काँग्रेसका उम्मेदवारहरुले बिहीबार पनि मतदाताको घरदैलोमा पुगेर मत मागेका छन् ।

काँग्रेसका प्रतिनिधीसभा सदस्य उम्मेदवार अजय चौरसिया र प्रदेशसभा सदस्य उम्मेदवार रमेश कुर्मीले बिहीबार वीरगंज महानगरपालिका वडा नम्बर वडा नम्बर १ को बजार छपकैयाका विभिन्न टोलमा घरदैलो गरेका हुन् ।

त्यसक्रममा घरघरमा पुगेर मतदातालाई भेट्दै प्रतिनिधीसभा सदस्यका काँग्रेस उम्मेदवार चौरसियाले आफु सांसद पदमा नरहदा पनि जनताको सुखदुखमा साथ दिदै आएको कुरा सबैलाई थाहा नै भएको भन्दै आगामी दिनमा पनि आफु जनताकै माझमा रहने बताए ।

चौरसियाले भने ,‘ म नेता भन्दा पनि यस क्षेत्रका जनताको सेवक हु , जनताको हरेक सुखदुखमा मेरो साथ पहिले पनि थियो , अहिले पनि छ, भोलिका दिनमा पनि रहनेछ ।

उनले मंसिर ४ को निर्वाचनमा कामको मुल्यांकन गरेर मतदान गर्न आग्रह पनि गरे । काँग्रेसकै कारण लोकतन्त्र र संविधान जोगिएको भन्दै उनले अहिले काँग्रेसले जिते मात्र संविधान र लोकतन्त्र सुरक्षित हुने बताए ।

पर्साको चार वटै क्षेत्र जसपा–एमाले गठबन्धनले जित्ने प्रदीप यादवको दाबी

0

वीरगंज । पर्सा क्षेत्र नम्बर १ का जसपा–एमाले गठबन्धनका साझा उम्मेदवार प्रदीप यादवले पर्साको ४ वटै निवर्वाचन क्षेत्रमा जसपा–एमाले गठबन्धन विजयी हुने दाबी गरेका छन् ।

पर्साको पोखरीयामा बुधबार आयोजित जसपा–एमाले गठबन्धनको संयुक्त क्षेत्रीय बैठकलाई सम्बोधन गदै पूर्वमन्त्री एवम् जसपा नेता समेत रहेका यादवले सत्ताधारी दलहरुको गठबन्धनलाई अपबित्र गठबन्धनको संज्ञा दिदै उक्त गठबन्धन भित्र चरम असन्तु्ष्टि र विद्रोह रहेकाले पर्साका ४ वटै क्षेत्रमा जसपा–एमाले गठबन्धनकै उम्मेदवारहरु जित्ने दाबी गरेका हुन् ।

जसपा–एमाले गठबन्धन देशको अपरिहार्यता र आवश्यकता भएको भन्दै यादवले काँग्रेस र माओवादी केन्द्रको जसपालाई सिध्याउने चक्रव्युह तोडन जसपा–एमाले सफल भएको बताए । यादवले जसपाको अस्तित्वलाई सिध्याउन खोज्ने काँग्रेस र माओवादीको षडयन्त्र र चक्रब्युह विफल पार्नका लागि नै जसपाले एमालेसँग चुनावी गठबन्धन गर्नु परेको स्पगष्ट पारे ।

उनले भने, ‘सत्तागठबन्धनमा रहदा काँग्रेस र माओवादीले थोरै सिट दिएर चुनावमा जसपाले थ्रेसहोल्ड पनि नकटाओस्, राष्ट्रिय दल बन्नबाट पनि बन्चित गराएर जसपालाई सिध्याउने षडयन्त्र गरेका थिए, तर जसपा अध्यक्ष उपेन्द्र यादवले समय छदै ती दुइ दलको षडयन्त्र थाहा पाएर एमालेसंग चुनावी गठबन्धन गर्नु भयो ।’

सत्तागठबन्धनले जसपालाई ११ सिट भन्दा बढि दिनै नमानेको स्मरण गराउदै यादवले त्यहि कारण दुरगामी सोच र सुझबुझ भएका अध्यक्ष उपेन्द्र यादवले एमालेसंग गठबन्धन गरेको बताए ।

उनले विगतका तिता मिठा अनुभवलाई बिर्सिएर जसपा–एमाले गठबन्धनका उम्मेदवारलाई इमान्दारिताका साथ दुवै दलका नेता कार्यकर्तालाई अपिल पनि गरे । यादवले भने ,‘ यदि थोरै पनि चुक भयो भने पार्टीलाई त्यो सह्य हुदैन ।

जसपा र एमालेका क्षेत्रीय अध्यक्षद्वयको संयुक्त अध्यक्षतामा सम्पन्न बैठकमा मधेस प्रदेशका मुख्यमन्त्री लालबाबु राउत, एमालेका केन्द्रिय सदस्य प्रभु हजरा, पर्सा-३ मा जसपा–एमाले गठबन्धनका तर्फबाट प्रतिनिधीसभा सदस्य उम्मेदवार राज कुमार गुप्ता, प्रदेशसभा सदस्य उम्मेदवारद्वय डाक्टर मधु गुप्ता र अब्दुल रहिम अन्सारी, जसपाका राजनीतिक समिति सदस्य हरिनारायण रौनीयार लगायतको सहभागीता थियो ।