Date
मङ्ल, मंसिर १, २०८३
Tue, November 17, 2026
Home Blog Page 608

ट्याक्टरकाे ठक्करबाट घाइते महताेकाे मृत्यु

0
death boday_kalikatimes
सांकेतिक तस्बिर

वीरगंज । ट्याक्टरकाे ठक्करबाट घाइते भएका वीरगंज महानगरपालिकाकाे वडा नं. ३२ चोर्नीका चाेकट महताेकाे मृत्यु भएकाे छ ।

कात्तिक १३ गते विहान ०९:४५ बजेको समयमा चोर्नीमा ना ६ त ५५०२ नम्बरको ट्याक्टरले माटो खसाली व्याक गर्ने क्रममा पैदल यात्रा गरिरहेका ५९ बर्षिय महतोलाई ठक्कर दिएका थिए । ट्याक्टरकाे ठक्करले टाउकोमा गम्भीर चोट लागि घाईते भएका महताेलाई उपचारको लागी नेपाल मेडिसिटि बयोधा अस्पताल वीरगंजमा भर्ना गरिएकाे थियाे ।

उपचारकाे क्रममा आज विहान ०५:५० बजेको समयमा महताेकाे मृत्यु भएको मेडिसिटि बयोधा अस्पतालले जनाएकाे छ ।

उक्त ट्याक्टर चालक चाेर्नी निवासी २० बर्षिय धर्मेन्द्र यादव दुर्घटना पश्वात फरार रहेकोमा निजलाई खोजतलास गरी नियन्त्रणमा लिएको जिल्ला प्रहरी कार्यालय पर्साले जनाएकाे छ ।

मृतकको लास जाँच प्रकृती मुचुल्का सम्पन्न गरी पोष्ट मार्टमकोलागी नारायणी अस्पताल वीरगंजमा पठाई थप अनुसन्धान कार्य भैरहेको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले जानकारी दिए ।

परिवर्तन नेपाल फाउण्डेशनद्वारा कृषि औजार सरसफाई

0

वीरगंज । वीरगंजकाे कृषि औजार कारखाना सञ्चालका लागि सरसफाई शुरु गरिएको छ । कारखाना सञ्चालनको लागि नेपाल सरकार र राष्ट्रिय आविष्कार केन्द्रबीच सम्झौता भएपछि केन्द्रका अध्यक्ष महाविर पुनले सबै पक्षलाई सहयोग गर्न अपिल गरेका थिए ।

सोही अनुसार वीरगंजकाे परिवर्तन नेपाल फाउण्डेशनका युवाहरुले कृषि औजार कारखानमा सरसफाई सहयाेग गरेका हुन् ।

फाउण्डेशनका युवाहरुले आज कृषि औजार कारखानामा रहेका सामानहरु व्यवस्थित स्थानमा राख्ने र कारखाना भित्र उम्रिएका झारपातहरु उखेलेर सफा गरेका छन् ।

परिवर्तन नेपाल फाउण्डेशनका युवाहरुले सरसफाई गरेको फोटो राष्ट्रिय आविष्कार केन्द्रका अध्यक्ष डा.महाविर पुनले सामाजिक सञ्जाल फेसबुमा पनि राखेका छन् । 

सरसफाई कार्यक्रममा फाउन्डेसनका अध्यक्ष रणधिर बर्णवाल, सचिव विशेष साह लगायतका पदाधिकारी तथा सदस्यहरुकाे सहभागिता रहेकाे थियाे ।

पानीटंकीमा उम्मेदवार सर्राफकाे घरदैलो सम्पन्न

0

वीरगंज । प्रदेशसभा पर्सा निर्वाचन क्षेत्र नं  १ काे २ का उम्मेदवार ओमप्रकाश सर्राफले बुधबार वीरगंज महानगरपालिकाकाे वडा नम्बर -८ पानीटंकीमा घरदैलो गरेका छन् ।

प्रदेशसभा सदस्यका उम्मेदवार सर्राफले पानीटंकीमा घरदैलाे गर्दै आफ्नाे चुनाव चिन्ह लाैराे (छडी) मतदान गरी आफुलाई विजयी बनाउन मतदाताहरुसंग आग्रह गरेका हुन् ।

उनले घरदैलाेकाे क्रममा आफु निर्वाचित भएकाे प्रत्यक बर्ष क्षेत्र अन्तर्गतका एक हजार युवाहरुलाई सिपमूलक तालिम प्रदान गरि राेजगार बनाउने वताए । उम्मेदवार सर्राफले आफु प्रतिबद्धता जनाए अनुसारकाे काम नगरे जनता सजाय भाेग्न पनि तयार रहेकाे वताए । 

घरदैलाे कार्यक्रममा हाम्राे नेपाली पार्टीकी समानुपातिक उम्मेदवार गुड्डी जाेशी लगायतकाे पनि सहभागिता रहेकाे थियाे ।

वीरगंज ८ मा मुख्यमन्त्री राउतकाे जनता दर्शन

0

वीरगंज । पर्साको निर्वाचन क्षेत्र नं. १ को “ख” बाट प्रदेशसभा सदस्यका उम्मेदवार रहेका मधेश प्रदेशका मुख्यमन्त्री मोहम्मद लालबाबु राउतले आज पनि घरदैलो तथा जनता दर्शन कार्यक्रमलाई निरन्तरता दिएका छन् । राउतले बुधवार बीरगंज महानगरपालिकाको वडा नं. ८ मा घरदैलो तथा जनता दर्शन कार्यक्रम गरेका हुन् ।

दैनिक जसो जनता दर्शन कार्यक्रमलाई निरन्तरता दिदै आएका राउतले आज क्षेत्र नं. १ को “ख” मा पर्ने बीरगंज महानगरपालिकाको वडा नं. ८ पानिटंकी, आर्मी व्यारेकको पछाडी रहेको टोल, लिङ्क रोड, गहवा टोल लगायतको ठाउँहरुमा घरदैलो गर्दै मतदातासँग भेटघाट तथा भलाकुसारी गरेकाे जसपा वीरगंज महानगरका अध्यक्ष इश्वर यादवले वताए ।

घरदैलोमा एमाले–जसपा गठबन्धन दलका नेताहरुकाे साथै क्षेत्र नं. १ का प्रतिनिधिसभा सदस्यका उम्मेदवार प्रदिप यादवकाे पनि सहभागिता रहेकाे थियाे ।

प्रदीप यादवलाई जिताउन महिला नेतृहरु मतदाताको घरदैलोमा

0

वीरगंज । पर्सा क्षेत्र नम्बर १ मा जसपा–एमाले गठबन्धनका साझा उम्मेदवारलाई जिताउन जसपाका महिला नेतृ र कार्यकर्ताहरुले पनि मतदातासँगको भेटघाटलाई निरन्तरता दिएका छन् ।

समाजवादी महिला सङ्घ मधेश प्रदेशकी उपाध्यक्ष पीङ्की यादवको अगुवाइमा महिला नेता कार्यकर्ताहरुले दिनहु घरदैलो गर्दै मतदातालाई भेटेर जसपा–एमाले गठबन्धनका साझा उम्मेदवारका लागि मत मागिरहेका छन् ।

यसैक्रममा बुधबार बिहान वीरगंज महानगरपालिका वडा नम्बर १५ मा जसपाका महिला नेतृ र कार्यकर्ताहरुले घरदैलो गर्दै मतदातासँग भेटेका छन् ।

मतदातासँगको भेटघाटमा उनिहरुले मधेशका लागि मरिमेट्दै आएका जसपाकै कारण मधेसी, महिला, दलित, मुस्लिम लगायतले पहिचान र अधिकार पाएकाले जसपा नै मधेसको सच्चा पहरेदार भएको बताए ।

पर्सा-१ मा जसपाबाट प्रतिनिधीसभा सदस्य उम्मेदवार प्रदीप यादव मधेशका महिलाहरुको हक अधिकारको पक्षमा सडकदेखि सदनसम्म आवाज उठाउने नेता भएको भन्दै जसपाका नेतृहरुले यसपालि फेरि यादवको जित आवश्यक रहेको बताए ।

यादवले फेरि जिते मात्रै मधेसका महिलाहरुको हक अधिकार सुनिश्चित हुने भन्दै उनिहरुले आफनो मत जसपालाई दिएर यादवलाई जिताउन आग्रह पनि गरे ।

घरदैलो कार्यक्रममा जसपा नेतृहरु अन्नपूर्णा मानन्धर, पिंकी सिंह, प्रेरणा श्रेष्ठलगायतको सहभागीता थियो ।

पर्सा १ मा माओवादी छाडेर दुई दर्जन युवाहरु गरे जसपा प्रवेश

0

वीरगंज । जनयुद्ध कालदेखि नै नेकपा माओवादी केन्द्रसँग आबद्ध रहेका वीरगंजका दुई दर्जन भन्दा बढी युवाहरु जनता समाजवादी पार्टी (जसपा) नेपालमा प्रवेश गरेका छन् ।

वीरगंज महानगरपालिकाकाे वडा नम्बर २३ का युवा नेता धर्मनाथ कुशवाह र कृष्णा कुशवाहको नेतृत्वमा दुई दर्जन भन्दा बढी युवाहरु सामुहिक रुपमा माओवादी केन्द्र परित्याग गरि जसपामा प्रवेश गरेका हुन् ।

नवप्रवेशीहरुलाई पूर्वमन्त्री एंव पर्सा क्षेत्र नम्बर १ का प्रतिनिधीसभा सदस्य उम्मेदवार प्रदीप यादवले खादा र टिका लगाएर पार्टीमा स्वागत गरेका थिए । जसपाको राजनीतिक समितिका सदस्य समेत रहेका यादवकै निवासमा बुधबार आयोजित एक अनौपचारिक कार्यक्रममा माओवादी केन्द्रका युवाहरु जसपामा प्रवेश गरेको यादवका स्वकीय सचिव निखिल बरनवालले जानकारी दिए ।

माओवादी केन्द्रमा परिवारवाद हावी हुँदै गएको र पार्टीमा कुनै योगदान नहुनेहरुको हाली मुहाली बढेको कारण आफूहरुले पार्टी परित्याग गरेको जसपामा प्रवेश गरेका धर्मनाथ कुशवाहले आरोप लगाए । उनले भने ,‘जनयुद्ध कालदेखि पार्टी भित्र रहेर हामीले संघर्ष ग¥यौं तर हाम्रो त्यागको त्यहाँ मूल्यांकन भएन, आफ्नो परिवारका व्यक्तिलाई अगाडि बढाउने, पार्टीमा कुनै योगदान नहुनेलाई स्थान दिने प्रवृति हावी भएपछि हामीले घर परिवर्तन गर्न बाध्य भयौँ ।

कुशवाहले जसपाले मधेशको मुद्दा उठाउनुका साथै शिक्षा, स्वास्थ्य, रोजगार लगायतको क्षेत्रमा समेत सुधार ल्याउने काम गर्दै आएकोले आफूहरुले जसपा प्रवेश गरेको प्रतिक्रिया दिए ।

उनले पर्सा जिल्लाको विकास र समृद्धीका लागि प्रदीप यादवलाई पुन: निर्वाचित गराउनु पर्नेमा जोड पनि दिए ।

कालिकामाईमा एक सय जनाद्वारा एमाले-जसपा गठबन्धनमा प्रबेश

0
वीरगंज । पर्साको कालिकामाई गाउँपालिका वडा नम्बर दुई भेडिहारीमा साेमबार एमाल-जसपा गठबन्धनकाे चुनावी कार्यक्रम सम्पन्न भएकाे छ । ने.क.पा. एमालेका स्थानिय नेता जोगीन्दर महतो कोईरीको अध्यक्षतामा भएको कार्यक्रममा नेपाली कांग्रेस लगायतका विभिन्न दल परित्याग गरि एक सय जना भन्दा बढीले एमाले-जसपा गठबन्धनमा प्रबेश गरेका छन् । 
 
कार्यक्रममा नेपाली कांग्रेस परित्याग गरी भिम राम, लक्ष्मण राम, लालु राम, रामबाबु कुश्वाहा, बागड पासवान, रामलखन पासवान, कोठारी साह तेली, हिरालाल मण्डल धानुख, नेपाल शुशासन पार्टी परित्याग गरी संजय पासवान, मनोज पासवान, चन्दर हजरा, रामचन्दर हजरा, नेकपा एकिकृत समाजवादी परित्याग गरि गोपाल राम, भिटन्टी रामसहित दर्जनौ स्थानिय नेता तथा कार्यकर्ताहरुलाई प्रबेश गरेका हुन् ।
 
नव प्रबेशीहरुलाई पर्सा क्षेत्र नम्बर ४ का प्रतिनिधिसभा सदस्यका उम्मेदवार जालिम मियाँ र क्षेत्र नम्बर ४ काे २ का प्रदेशसभा सदस्यका उम्मेदवार सिंहासन साह कलवारले अबिरको टिका लगाई स्वागत गरेका थिए ।
 
पार्टी परवेश गर्दै दलित समुदायका नवपरवेशीहरुले भेडिहारी गाउँमा जहिले पनि धनि वर्ग र अगुवाहरुले दलितलाई ठगिदै आएकोले गरीबका पार्टी एमालेमा प्रबेश गरेकाे वताए । अरु पार्टीलाई आंतकवादी भन्ने र आफै आंतकवादी गतिबिधी गरि गरीब माथी नेपाल कांग्रेसले साेषण गर्दै आएको र एमालेले संरक्षण गरेको ईतिहास रहेकाे नवपरवेशीहरुकाे भनाई थियाे ।
 
कार्यक्रमलाई सम्बाेधन गर्दै एमालेका प्रतिनिधिसभा सदस्यका उम्मेदवार जालिम मियाँले गरीब माथी मुद्धा लादने र गरबि माथी अन्याय अत्याचार गर्दै आएका पार्टी नेपाली कांग्रेसलाई आफु परास्त गर्ने र अत्याचारीलाई तह लगाई गरीब, दलित तथा असहायहरुलाई संरक्षण गर्ने बताए ।
 
उम्मेदवार मियाँले आफ्नो जित सुनिश्चित रहेकोले कसैको बहकावमा नपर्ने आमसमुदायलाई आग्रह गरे । उनले भने “बिभिन्न जालझेल कांग्रेसले अपनाउँछ तर हामी जालझेल गर्न दिनाैं, तपाईहरु विश्वत रहनुस ।”
 
प्रदेशसभा सदस्यका उम्मेदवार सिहांसन साह कलवारले एमाले-जसपा गठबन्धन पबित्र रहेकोले दुबै उम्मेदवारकाे जित सुनिशिचत रहेको बताए । एमालेले जसपालाई र जसपाले एमालेलाई पुर्ण रुपमा सहयोग गरिरहेको र गर्ने पनि विश्वास दिलाए ।

बारा क्षेत्र नं. ४ मा एमाले-जसपा गठबन्धनकाे कार्यालय संचालन

0

परवानीपुर । बाराकाे निर्वाचन क्षेत्र नं. ४ मा एमाले-जसपा गठबन्धनकाे पार्टी कार्यालय संचालनमा आएको छ । गठबन्धनका प्रतिनिधीसभा सदस्यका उम्मेदवार एकबाल मियाँ र क्षेत्र नं ४ (ख) का प्रदेशसभा सदस्यका उम्मेदवार आत्माराम साहले संयुक्त रुपमा पार्टी कार्यालय संचालनमा ल्याएका हुन् ।

प्रसाैनी गाउँपालिकाकाे वडा नं. २ स्थित प्रसाैनी बजारमा संचालनमा आएकाे कार्यालयकाे उद्घाटन मंगलबार दुबै उम्मेदवारले संयुक्त रुपमा गरेका थिए ।

कार्यक्रमका प्रमुख अतिथी समेत रहेका प्रतिनिधिसभा सदस्यका उम्मेदवार मियाँले देशलाई राजनितीक निकास र बिकासको लागी एमाले-जसपा गठबन्धनलाई भारी बहुमतले जीताउन आग्रह गरे । उनले देशलाई सही दिशामा चलाउन र अधुरा कामहरु पुरा गर्न यो निर्वाचन एकदमै महत्वपूर्ण रहेको र जनताले पनि सुझबुझले आफनो मतको प्रयोग गर्न आग्रह गरे ।

कार्यक्रमका विशिष्ट अतिथी प्रदेशसभा सदस्य उम्मेदवार आत्माराम साहले समाजलाई सही दिशामा चलाउन र यो क्षेत्रको दिर्घकालिन बिकासको लागी आफुहरु चुनावमा भाग लिएको बताए । उनले बिकासको नाममा बर्सौदेखी सोझा साझा जनतालाई ठग्ने काम मात्र भएको र अब त्यस्ता ठगी गर्ने नेतालाई तह लगाउने समय आएको बताए ।

नेता साहले आफु संविधानसभा सदस्य हुँदा मधेशको बिकासका लागी निकै प्रयास गरेको र अबको समय केही गरेर देखाउने हुनाले एकचोटी आफुलाई अवसर दिन आग्रह गरे । उनले अबको यूग टेक्नोलोजीको यूग भएको हुनाले सडक, नाला पुल आदी मात्र बनाएर नहुने भएकाेले, अब पिढीकाे भविष्यको लागी आधुनिक शिक्षा, रोजगारी, शिपमुलक तालीम, आधुनिक खेती जस्ता योजनाले मात्र बिकास हुने भएकोले आफुहरुलाई जीताउन आग्रह गरे ।

कार्यक्रममा नेपाल बार एसोसिएसन नेपालका निवर्तमान केन्द्रिय उपाध्यक्ष रामचन्द्र सिंह, जसपा पार्टीका परवानीपुर गाउँपालीका प्रत्यासी यूवा नेता संजु साह, नेता अजय पटेल, एमालेका प्रदेश कमीटी सदस्य मोबिन आलम, रामएकबाल साह, सोचन यादव, पूर्व मेयर हरीनारायण साह, नन्दलाल राम लगायत पाटीका नेता, कार्यकर्ताको उपस्थिती रहेको थियो ।

प्रदेशसभा सदस्यका उम्मेदवार हरेराम पटेल प्रति मतदाता उत्साहित

0
बीरगंज । पर्साको क्षेत्र नं २ काे बहुदरमाई नगरपालिका वडा नं २, सिसियाडी बैरिया र पिपरामा एमाले-जसपा गठबन्धनकाे घरदैलो कार्यक्रम सम्पन्न भएकाे छ ।
 
क्षेत्र नं. २ का प्रतिनिधिसभा सदस्यका उम्मेदवार जसपाका सुरेन्द्र कुर्मी र क्षेत्र नं. २ काे २ का प्रदेशसभा सदस्यका उम्मेदवार एमालेका हरेराम पटेलले संयुक्त रुपमा घरदैलाे गरेका हुन् । घरदैलाे क्रममा मतदाताहरुले दुबै उम्मेदवारहरु प्रति उत्साहित देखिएका थिए ।
 
घरदैलाेकाे क्रममा प्रतिनिधिसभा सदस्यका उम्मेदवार सुरेन्द्र कुर्मीले आफुलाई चुनाव जिताए जनताको सुख दुःखमा सधैं साथ रहने प्रतिबद्धता जनाए ।
 
प्रदेशसभाबाट सदस्यका उम्मेदवार हरेराम पटेलले आफू जिते शिक्षाकाे क्षेत्रमा परिवर्तन गरेर देखाउने वताए । उनले आफु लामाे समयदेखि सहकारीकाे क्षेत्रमा पनि काम गरेकाेले युवाहरुलाई राेजगारी दिने विभिन्न याेजनाहरुले ल्याउने पनि जनाए ।
 
घरदैलाे कार्यक्रममा एमालेका नेता शिव पटेलसहित सुनील कुशवाहा, मनोज पटेल, राजबहादुर यादव, लक्ष्मण साह, छोटेलाल साह, मिश्री साह, अमर यादव, मंगनी पटेल लगायत सयौ नेता र कार्यकर्ताहरुको उपस्थिती रहेको थियो ।

मैले गरेका कामहरु नै मेरो जितको आधार हो : प्रदीप यादव

0

वीरगंज । पर्सा क्षेत्र नम्बर १ का प्रतिनिधीसभा सदस्यका जनता समाजवादी पार्टी (जसपा) का उम्मेदवार प्रदीप यादवले मंगलबार वीरगञ्ज महानगरपालिका वडा नम्बर १५ का विभिन्न टोलमा चुनावी घरदैलो गरि मतदातालाई भेटेका छन् ।

छठ पूजा सकिए लगत्तै चुनावी प्रचार प्रसारलाई तिब्र पारेका पूर्व मन्त्री यादवले मंगलबार बिहान नेता कार्यकर्ता सहित वडा नम्बर १५ मा पुगेर मतदातालाई भेट्दै उनिहरुका समस्या र गुनासो पनि सुने ।

त्यस क्रममा उनले यसपालिको निर्वाचन सहि नेता चुन्ने अवसर पनि भएकाले काम गर्ने नेतालाई नै जनताले अवसर दिनु पर्ने बताए । विगतमा पदमा हुँदा समेत केहि गर्न नसकेकाहरुले अहिले फेरि आश्वासन मात्रै बाड्दै हिडेको भन्दै यादवले भने, ‘उनिहरुको आश्वासनमा अब जनता पर्नेवाला छैनन्, जनताले आश्वासन हैन काम चाहेका हुन्छन, काम गर्ने नेता नै जनताको रोजाइमा फेरि पर्छन् ।’

जसपाका उम्मेदवार यादवले आफु नेता नभइ जनताको सेवक भएकाले जनताको सेवा नै आफनो मूलमन्त्र रहेको र त्यहि लक्ष्य लिएर जनता माझ रहदै आएको बताए । विगत पाँच वर्षको कार्याकालमा पर्सा-१ मा आफुले गरेका कामको मूल्यांकन गरेकै कारण जनताले आफुलाई फेरि अवसर दिनेमा आफु ढुक्क रहेको उनले बताए ।

अरुलाई गाली गरेर मात्रै जनताको मन जित्न नसकिने बताउदै यादवले भने, ‘म अरु जस्तो विपक्षीलाई गाली गरेर समय खेर फाल्दिन, मैले गरेका काम जनताले देखेका छन्, मेरो जितको आधार त्यहि नै हो ।’

घरदैलो कार्यक्रममा मधेस प्रदेशका मुख्यमन्त्री मोहम्मद लालबाबु राउत गद्दिका साथै जसपाका नेता कार्यकर्ताहरुको सहभागीता थियो ।