Date
मङ्ल, मंसिर १, २०८३
Tue, November 17, 2026
Home Blog Page 610

जनताले नाम हैन काम मन पराउँछन् : प्रदीप यादव

0

वीरगंज । पर्साको निर्वाचन क्षेत्र नम्बर १ बाट प्रतिनिधि सभा सदस्यका उम्मेदवार प्रदीप यादवले जनताले नाम नभएर काम मन पराउने बताएका छन् ।

वीरगंज महानगरपालिका वडा नम्बर २ छपकैयामा जनता समाजवादी पार्टी (जसपा) को अगुवा कार्यकर्ता भेलालाई सम्बोधन गर्दै जसपा र नेकपा एमालेको गठबनधनका उम्मेदवार यादवले पर्सा १ मा आफुले गरेका कामकाे बारेमा मतदातालाई राम्ररी बुझाउन कार्यकर्तालाई आग्रह गरेका छन् ।

यादवले भने, ‘हामीले यो क्षेत्रमा गरेका काम र उपलब्धीहरु जनता माझ लिएर जानुस्, जनतालाई बुझाउनुस्, किन कि जनताले नाम होइन कामलाई मन पराउछन् ।’ जसपा–एमाले गठबन्धनका उम्मेदवारलाई जिताउन कुनै कसर बाँकी नरहने गरि चुनावी प्रचारमा लाग्न अगुवा कार्यकर्ताहरुलाई यादवले आग्रह गरे ।

भेलामा सहभागी जसपाका अगुवा नेता कार्यकर्ताहरुले जसपाका उम्मेदवारलाई अत्याधिक मतले विजयी बनाउन आफुहरु एकजुट भएर लागि सकेको बताए । उनिहरुले पर्सा १ मा अन्य दलका उम्मेदवार भन्दा जसपाका दुवै उम्मेदवार जनता माझ लोकप्रिय छवि बनाएको कारण जनताले पनि यसपालि फेरि जसपालाई नै मत दिने प्रतिक्रिया दिएका छन् ।

छपकैयाको कार्यकर्ता भेला सकेर यादव नेवार समुदायले नेपाल संवत ११४३ न्हूदँया भिन्तुनाको उपलक्ष्यमा आदर्शनगरमा आयोजना गरेको शुभकामना आदान प्रदान कार्यक्रममा पनि सरिक भएका थिए ।

त्यस अवसरमा यादवले नेपाल संवत ११४३ न्हूदँया भिन्तुनाको उपलक्ष्यमा कार्यक्रममा सहभागीहरुसंग शुभकामना आदान प्रदान गरे ।

कार्यक्रममा मधेश प्रदेशका मुख्यमन्त्री लालबाबु राउत, वीरगंज महानगरपालिकाका मेयर राजेशमान सिंह, मधेश विश्वविद्यालयका उपकुलपति प्राध्यापक डाक्टर दीपक शाक्य, जसपाका महानगर अध्यक्ष इश्वरचन्द्र यादव, प्रकाश अमात्य लगायतको उपस्थिती रहेको थियो ।

कांग्रेसले एउटा क्षेत्रमा धाेखा दिएर ३ वटामा नाेक्सान सहदैन : उम्मेदवार कर्ण

0

वीरगंज । पर्सा निर्वाचन क्षेत्र नं. १ का प्रतिनिधिसभा सदस्यका उम्मेदवार लक्ष्मणलाल कर्णले नेपाली कांग्रेसले एउटा क्षेत्रमा धाेखा दिएर ३ वटा क्षेत्रमा त्यसकाे नाेक्सान नसहने वताएका छन् ।

टिभि वीरगंजकाे जनता जानेके चाहेता कार्यक्रममा अन्तर्वता दिदै लाेकतान्त्रिक समाजवादी पार्टी (लाेसपा) का बरिष्ट नेता समेत रहेका उम्मेदवार कर्णले कांग्रेसले आफुलाई साथ नदिएर अन्य ३ क्षेत्रमा त्यसकाे नाेक्सान नसहने वताएका हुन् । उनले भने “अहिले पनि आफ्नाे पार्टीका नेता, कार्यकर्ताले आफुसंग साेधि रहेका छन् । मैले गठबन्धनकाे साथमा लाग्न भनिरहदा पनि हाेइन जहिले तपाईकाे साथमा आफुहरु कांग्रेसीहरुलाई देख्छाैं, त्यस दिनदेखि मात्र लाग्ने भनिरहेका छन् ।”

स्वतन्त्र उम्मेदवारकाे पक्षमा लागेका कांग्रेसका नेता, कार्यकर्ताहरुलाई सम्झाउन बुझाउने काम भइरहेकाे वताउँदै कर्णले छठ पछि आफ्नाे साथ सबै लाग्ने दाबी समेत गरे ।

लाेसपाका नेता कर्ण ५ दलिय सत्ता गठबन्धनका साझा उम्मेदवार हुन् । यस क्षेत्रमा एमाले-जसपा गठबन्धनबाट प्रदिप यादव र स्वतन्त्र उम्मेदवारी दिएका कांग्रेस पर्साका पूर्व जिल्ला सभापति अजय द्विवेदी प्रतिस्पर्धामा छन् ।   

अन्य पर्साकाे ३ क्षेत्र सत्ता गठबन्धकाे तर्फबाट कांग्रेस कै उम्मेदवार छन् । उनीहरुलाई इंगित गर्दै लाेसपाका उम्मेदवार कर्णले आफुलाई कांग्रेसले धाेखा दिएकाे खण्डमा अन्य ३ क्षेत्रमा त्यसकाे नाेक्सान नसहन चेतावनी दिएका हुन् ।

प्रदेशसभा सदस्यमा मुख्यमन्त्री गद्दीकाे विकल्प खोज्दै जनता

0

वीरगंज । यही मंसिर ४ गते हुने संघीय तथा प्रदेशको निर्वाचनको लागि पर्सा जिल्ला लगायत देशभरि नै चुनावी चर्चा छाएको छ । दशैं, तिहार एवं छठ पर्व सकिने लगतै मुलुक निर्वाचनमय हुने देखिएको छ । निर्वाचनको मुखमा पर्सामा जताततै चुनावी चर्चा सुन्न सकिन्छ । खास गरेर पर्सा जिल्लाको वीरगंज मुलुकै लागि औद्योगिक नगरी पनि भएको कारण यहाँ चुनावी चर्चा परिचर्चा धेरै हुने गरेको छ ।

त्यसमा पनि मधेश प्रदेशको मुख्यमन्त्री नै वीरगंजबासी भएको कारण पनि यस जिल्लाको क्षेत्र नं. १ को (ख) मा चुनावी चर्चा गम्भिर विषय बनेको छ । गत २०७४ सालको निर्वाचनमा प्रदेशसभा सदस्यमा विजयी भई मुख्यमन्त्री बनेका मोहम्मद लालबाबु राउत गद्दी पुनः यही क्षेत्रबाट प्रदेशसभा सदस्यका लागि जसपा–एमाले गठबन्धनबाट उम्मेदवार बनेका छन् । तर वीरगंजबासी उनको विकल्प खोजी रहेका छन्  ।

उनी मुख्यमन्त्री हुँदा पर्सा लगायत वीरगंजबासीको लागि कुनै विकास निर्माणको काम नगरेको तथा विभिन्न काण्डमा भ्रष्टाचारको आरोप लागि सकेको कारण यहाँका नागरिकहरु उनको विकल्पमा अन्य उम्मेदवारलाई खोजि रहेका छन् । मुख्यमन्त्रीलाई निर्णायक भोट पाउने वीरगंज महानगरपालिका-१६ नगवामा पनि विकास निर्माणको नाममा जनतालाई ठगेका छन् । एतिहासिक नगवा पोखरीलाई सौन्दर्यीकरणको नाममा करोडौं भ्रष्टाचार गरि एतिहासिक पोखरीलाई अलपत्र अवस्थामा छ ।

त्यसबाट पनि नगवा क्षेत्रका जनताहरु मुख्यमन्त्रीबाट रुष्ट छन् भने नगवा क्षेत्रमा सडक, नालाको अवस्थामा पनि दयनीय छ । प्रदेशसभा सदस्यमा विजयी भएका अधिकाँश उम्मेदवारहरु आफ्नो क्षेत्रमा विकास कार्यमा सन्तोषजनक कार्य गरेका छन् तर मुख्यमन्त्रीको बजेटबाट नगवा क्षेत्रमा सडक, नालाका हकमा खासै विकास हुन सकेको छैन । मुख्यमन्त्री भएपछि उनी सधैं जनकपुर नै बस्ने गरेको कारण पनि वीरगंजबासीको दुःख बुझ्न सकेका छैनन् । यसले गर्दा पनि अहिले यस क्षेत्रका जनताहरु उनको विकल्पमा अन्य उम्मेदवार खोजी रहेका छन् ।

अर्कोतर्फ मुख्यमन्त्रीको लोकप्रिय ‘बेटी पढाउ, बेटी बचाऔं’ अभियान अन्तर्गत वितरण गरिएको साइकल खरिद प्रकरणमा भएको भ्रष्टाचारको आरोप पनि उनीमाथि लागेको छ । मधेश प्रदेशको राजधानी वीरगंजलाई बनाउने आवाज उठि रहेको बखत पनि मुख्यमन्त्रीले केही नबोली चुप लागेर बसेको र जनकपुरलाई नै माैन समर्थन गरेका कारण पनि आफ्नो क्षेत्रको जनतालाई धोका दिएको उनीमाथि आरोप छ । उनी चुनाव जितेपछि जनताको सेवा भन्दा पनि कमाउ धन्धामा लागेपछि यस क्षेत्रका जनता उनको विकल्प खोजि रहेका छन् ।

पर्सा क्षेत्र नं. १ को (ख) मा प्रदेशसभा सदस्यको लागि जसपा–एमाले गठबन्धनबाट मुख्यमन्त्री गद्दी उम्मेदवार छन् भने पाँचदलीय गठबन्धनबाट रामनारायण कुर्मी उम्मेदवार छन् । यस क्षेत्रका जनताले मुख्यमन्त्रीको विकल्पमा अन्य उम्मेदवार खोजि रहेको अवस्थामा कुर्मी पनि दरिलो उम्मेदवार भने छैनन् । उनी यस क्षेत्रका मतदाता पनि छैनन् । उनको घर वीरगंज महानगरपालिका वडा नं. १४ पिपरामा छ । जुन पर्साको क्षेत्र नं. १ को (क) मा पर्छ ।

यस भन्दा अघिको निर्वाचनमा प्रदेशसभा सदस्यमै आफ्नो क्षेत्रबाट उठ्दा पराजित भएपछि उनी आफ्नो क्षेत्र परिवर्तन गरि यस पटकको निर्वाचनमा क्षेत्र नं. १ को (ख) बाट उम्मेदवार छन् । कुर्मी पिपरास्थित नृसिंह माध्यमिक विद्यालयका अध्यक्ष १० वर्ष रहि सकेका छन् । ३ कार्यकाल उनी अध्यक्ष बनेका छन् । त्यस अवधिमा विद्यालयमा कुनैपनि काम गर्न सकेका छन् । विद्यालयमा आफ्नो बुहारी, ज्वाँई लगायत घरपरिवारको सदस्यलाई भर्ना गर्नुको साथै आसेपासेहरुलाई विभिन्न पदमा नियुक्ति गरेको उनीमाथि आरोप लागेको थियो ।

इमान्दारिको ढोल पिट्दै प्रचारवाजी गर्दै हिँडेका रामनारायण कुर्मी विभिन्न भ्रष्टाचार काण्डमा मुछिएका छन् । १० वर्षसम्म विद्यालय व्यवस्थापन समितिको अध्यक्ष रहँदा सिंन्को समेत भाँच्न नसकेका कुर्मी अब प्रदेश सभा सदस्यमा विजयी भए के गर्लान् ? भन्ने खोजविनको विषय बनेको छ । उनी काँग्रेस, नेकपा एस, माओवादी, लोसपा, तथा जनमोर्चा सम्मिलित पाँचदलीय गठबन्धनबाट प्रदेशसभा सदस्यमा उम्मेदवारी दिएका छन् ।

विकल्पमा युवा उम्मेदवार सर्राफ

पर्सा क्षेत्र नंं. १ को (ख) मा मुख्यमन्त्री गद्दीको विकल्पमा युवा उम्मेदवार ओमप्रकाश सर्राफ देखिएका छन् । उनी अहिले घरदैलो अभियानलाई तिब्रता दिएका छन् । आफ्नो क्षेत्रको प्रत्येक घरघरमा गई आफूलाई भोट दिन आग्रह गरि रहेका छन् । यसबाट अन्य उम्मेदवारहरुको मनोबल पनि खस्केको छ, जसले गर्दा यस वर्षको चुनावमा क्षेत्र नं. १ को (ख) मा युवा उम्मेदवार सर्राफको विजयी सम्भावना देखिएकाे छ ।

यस क्षेत्रका जनताहरु उनलाई मन पराएका छन् । विगत लामो समयदेखि राजनीति यात्रा गर्नुका साथै समाजसेवा कार्यमा सक्रिय रहँदै आएका छन् । मधेश आन्दोलनमा पनि उनको उल्लेखनीय भूमिका रहेको थियो तर पार्टीले उनको कामको मूल्याँकन नगरेपछि उनी अहिले जनताको साथ पाउने आशमा छन् । जनताले पनि उनीलाई जिताउने प्रतिबद्धता समेत जनाउँदै आएका छन् ।

मधेशीहरुको हक अधिकारको लागि जारी मधेश आन्दोलनको क्रममा उनी प्रहरीद्वारा गिरफ्तार भई मुद्दा समेत खेपेका थिए । उनी नारायणी अस्पताल सुधार विकासको लागि वर्षौदेखि अभियान समेत चलाएका छन् । लोडसेडिङ्गमुक्तको लागि सत्याग्रह आन्दोलन समेत गरेका छन् । सिर्सिया नदीलाई प्रदूषणमुक्त बनाउन जारी आन्दोलनमा सक्रिय भूमिका समेत निर्वाह गरेका थिए । तराई पर्यटनको लागि भिजिट मधेश अभियान समेत चलाएका छन् ।

कोरोना संक्रमण महामारीमा निःशुल्क खाना, निःशुल्क एम्बुलेन्स, अस्पतालमा विरामीहरुको उपचारको लागि सहजीकरण समेत गरेर समाजसेवामा उल्लेख्नीय कार्य गरेवापत नै उनले ‘हिरो अफ द मधेश’ लगायत विभिन्न राष्ट्रिय अन्तर्राष्ट्रिय पदक प्राप्त समेत गरि सकेका छन् । यसैगरि वीरगंजलाई राजधानी बनाउन जारी आन्दोलनमा सक्रिय भूमिका समेत निर्वाह गरेका छन् ।

घरदैलोको क्रममा सर्राफले आफूभन्दा अग्रजसँग आशिर्वाद लिने कार्यलाई तिब्रता दिएका छन् । सर्राफलाई यस क्षेत्रका नागरिकले राजनीतिक दल भन्दा पनि समाजसेवाको कार्यलाई मूल्याँकन गरि रहेका छन् । उनी यस क्षेत्रमा राजनीति दलका नेता भन्दा पनि समाजसेवीको रुपमा यस क्षेत्रमा कार्य गर्दै आएका छन् ।

अलौंबाट एक लाख १८ हजार नगदसहित ४ जुवाडे पक्राउ

0

वीरगंज । पर्सा प्रहरीले जुवाखालमा छापामारी गरि १ लाख १८ हजार बढि रकम सहित ४ जना जुवाडेलाई पक्राउ गरेको छ ।

पक्राउ पर्नेमा वीरगंज महानगरपालिका १७ अलौं बस्ने २८ वर्षीय लक्ष्मी सहनी, ३० वर्षीय अनिल प्रसाद साह, ४० वर्षीय मुकेश गुप्ता र ३९ वर्षीय जाकिर मिया रहेका छन् ।

सोमबार राति करिब पौने ११ बजेको समयमा वीरगंज महानगरपालिका वडा नं १७ अलौ स्थित जुवा भइरहेको सूचनाको आधारमा पर्सा प्रहरीले छापामारी गरि नगद रकम सहित ४ जना जुवाडेलाई पक्राउ गरेको हो ।

वडा प्रहरी कार्यालय श्रीपुर र प्रहरी चौकी सिर्सियाबाट खटिएको टोलीले नगद सहित जुवाडेहरुलाई पक्राउ गरेको जिल्ला प्रहरी कार्यालय पर्साले जनाएको छ ।

जुवाको खालबाट नगद १ लाख १८ हजार १९० रुपैयाँ र एक सेट कौडा समेत बरामद भएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरीले जानकारी दिए ।

जनमत पार्टीका वडाध्यक्ष प्रत्यासी ठाकुर जसपा प्रवेश

0

वीरगंज । वीरगञ्ज महानगरपालिका वडा नम्बर ११ को वडाध्यक्षका प्रत्यासी पवन कुमार ठाकुर जनता समाजवादी पार्टी (जसपा) प्रवेश गरेका छन् ।

गत स्थानीय तहको निर्वाचनमा जनमत पार्टीबाट स्थानीय तहको निर्वाचनमा वडाध्यक्षका उम्मेदवार भएका ठाकुर जसपा प्रवेश गरेका हुन् । ठाकुरलाई जसपाका राजनीति समिति सदस्य एवं पर्सा क्षेत्र नं. १ का प्रतिनिधिसभा सदस्यका उम्मेदवार प्रदीप यादवले पार्टीमा स्वागत गरेका थिए ।

पूर्वमन्त्रीसमेत रहेका यादवले ठाकुरलाई मंगलबार वीरगञ्जमा एक अनौपचारिक कार्यक्रम बीच फूलमाला र टिका लगाएर पार्टीमा भित्र्याएका हुन् ।

पार्टी प्रवेश गर्दै ठाकुरले जसपाले मात्र देशमा विकास र समृद्धि ल्याउन सक्ने भएकोले आफूले जनमत पार्टी त्यागेर जसपा रोजेको बताए ।

बिन्दबासिनीमा घरको स्ल्यापबाट खसेर किशोरको मृत्यु

0

वीरगंज । पर्साको बिन्दबासिनी गाउँपालिकामा साेमबार घरको स्ल्यापबाट खसेर एक किशोरको मृत्यु भएको छ ।

मृत्यु हुनेमा बिन्दबासिनी गाउँपालिका वडा नम्बर ३ इटियाही गाँउका १६ वर्षीय अरबिन्द कुमार दास रहेका छन् ।

सोमबार अपरान्ह सवा ३ बजे बाख्रालाई खुवाउन अम्बकको बोटतिर गएका थिए । त्यसक्रममा निर्माणाधीन एक तले घरको झ्याल बाहिर जडान भई नसकेको स्ल्यापमा टेकेका थिए । जडान नभएको स्ल्याप अचानक खुस्किन गई जमिनमा लडेर उनी गम्भिर घाइते भएका थिए ।

प्रहरीले उद्धार गरी उपचारार्थ बाराको प्रसौनी स्थित एल.एस.न्युरो अस्पताल पुर्‍याएको थियो । अस्पतालका चिकित्सकले उनको मृत्यु भएको घोषणा गरेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दिपक गिरीले जानकारी दिए ।

पकहामैनपुरका अध्यक्ष मेहताद्वारा गाउँपालिकाभरी मिठाई वितरण

0

वीरगंज । पर्साकाे पकहा मैनपुर गाउँपालिका अध्यक्ष सुरेश मेहताले गाउँबासीलाई मिठाई वितरण गरेका छन् । अध्यक्ष मेहताले आफ्नाे व्यक्तिगत लगानीमा दिपावलीकाे अवसरमा गाउँपालिकाभरी मिठाई वितरण गरेका हुन् ।

हिन्दुहरुकाे महान चाँड दिपावली अर्थात लक्ष्मी पुजाकाे शुभकामना दिदै अध्यक्ष मेहताले मिठाई वितरण गरेका हुन् । महान चाँडमा गाउँबासीसंग खुसि साटन मिठाई वितरण गरेकाे गाउँपालिका अध्यक्ष मेहताले वताए । 

गाउँपालिकाभरीमा पाँच वटा वडा र डेढ दर्जन टाेलहरु छन् । ति सबै वडाकाे टाेलहरुमा अध्यक्ष मेहताले ८ हजार लडु मिठाईकाे प्याकेट वितरण गरेकाे वताइएकाे छ । उनले गाउँपालिकाभरीकाे प्रत्येक घरमा एक/एक प्याकेट लडु मिठाई पठाएका हुन् ।

 अध्यक्ष मेहताकाे याे कार्यकाे गाउँबासीले प्रशंसा समेत गरेका छन् । उनी प्रत्येक चाँडपर्वमा यस्ता समाजिक कार्य गर्दै आएका छन् । उनी गाउँपालिका अध्यक्ष नभएकाे बेला पनि यस्ता कार्य गर्दै आएका थिए ।

अध्यक्ष मेहताकाे छठ पूजामा पनि गाउँपालिका अन्तर्गत गरिब र बिपन्न छठ ब्रतालुहरुलाई साडी वितरण गर्ने याेजना रहेकाे छ ।  

सौन्दर्यकरणको नाममा पाेखरीकाे माैलिकता नष्ट गरिएकाे छ : उम्मेदवार सर्राफ

0

वीरगंज । पर्सा निर्वाचन क्षेत्र नं. १ काे २ का प्रदेश सभा सदस्यका उम्मेदवार युवा नेता ओम प्रकाश सर्राफले प्रदेश सरकार र प्रतिनिधि ठेकेदारले सौंदर्यकरणको नाममा मुर्ली स्थित पोखरी र सिर्सिया नदीको मौलिकता नष्ट गरेको आरोप लगाएका छन् ।

इम्प्रूविंग वीरगंजले आयोजना गरेको वातावरण संरक्षण सम्बन्धि सचेतनामूलक कार्यक्रमलाई प्रमुख अतिथिको रुपमा सम्बोधन गर्दै उम्मेदवार सरार्फले सौन्दर्यकरणको नाममा वीरगंजको गौरवको रुपमा रहेको नगव पोखरी र मुर्ली पोखरीको मौलिकता नष्ट गरिएको बताए ।

जल लगायतका प्राकृतिक सम्पदालाई जोगाउनुपर्नेमा छठ घाटको रुपमा प्रयोग हुने यी पोखरीहरुको पानी सुकाई डोजर चलाई हिन्दु संस्कृतमाथि ठाडो प्रहार गरिएको बताएका छन् । मुख्यमन्त्री स्वच्छता अभियान अन्तर्गत बनाउन सुरु गरिएको ती पोखरीहरुको ठेक्कामा पनि व्यापक अनियमितता भएको नेता सर्राफले जिकिर गरे ।

समाजिक अभियान्ता समेत रहेको युवा नेता सर्राफले सिर्सिया नदी पुनः उद्दर गर्न सबै लाग्नु पर्ने बताए । संस्थाका अध्यक्ष सरन गुप्ताको अध्यक्षतामा सम्पन्न कार्यक्रमलाई वातावरण अभियन्ता आकाश चौहान लगायतले सम्बोधन गरेका थिए ।

कार्यक्रम अन्तर्गत घण्टाघर सफाई लगायत अन्य सार्वजनिक स्थललाई सरसफाइ गरिएको थियो ।

मधेशमा केपी ओली हाबी हुनु दु:खद : प्रचण्ड

0

वीरगंज । नेकपा माओवादी केन्द्रका अध्यक्ष पुष्पकमल दाहाल प्रचण्डले मधेसमा केपी ओली हाबी हुनु दु:खद भएको बताएका छन् । ५ दलिय गठबन्धनद्वारा आयाेजित मधेश प्रदेश स्तरिय भेलालाई सम्बाेधन गर्दै अध्यक्ष प्रचण्डले ओली मधेस आन्दोलनको विरोधी भएको बताए ।

‘मधेसविरुद्ध विष वमन गर्नेहरू किन हाबी हुँदैछन् ? यो विषयमा गठबन्धन दलका नेता कार्यकर्ता र मधेसका बुद्धिजीवीहरूले आत्मसमीक्षा गर्नुपर्छ,’ उनले भने । उनले स्थानीय चुनावमा एमाले मधेसमा अप्रत्याशित सिटहरू जितेकोतर्फ संकेत गर्दै प्रचण्डले मधेसविरुद्ध विष वमन गर्नेहरू चुनावमा विजयी हुनु विडम्बना भएको बताए ।

मधेसको अधिकारका लागि लड्नेहरू आइसोलेसनमा पर्ने र विष वमन गर्नेहरू विजयी हुने अवस्था चिन्ताजनक रहेको उनको तर्क थियो । अध्यक्ष प्रचण्डले मधेसमा भ्रम दिने, झुटा आश्वासन दिने, बेइमानी र जालझेल गर्नेहरू फेरि बलियो हुन थालेको भन्दै सचेत रहन आग्रह गरे ।

मधेसको अधिकारका लागि आफूहरूले संविधान संशोधन विधेयक ल्याउँदा केपी ओलीले पारित हुन नदिएको र नागरिकता विधेयकमा समेत ओली बाधक बनेको प्रचण्डको आरोप छ ।

मधेश प्रदेशका राजधानी जनकपुरधाममा भएकाे कार्यक्रममा नेपाली कांग्रेसका सभापति एवम् प्रधानमन्त्री शेर बहादुर देउवा, नेकपा एकीकृत समाजवादीका अध्यक्ष माधव कुमार नेपाल लगायतका गठबन्धन दलका शिर्ष नेताहरुकाे सहभागिता रहेकाे थियाे ।

कांग्रेसका बुथसभापति कोइरी जसपामा प्रवेश, प्रदीप यादवले गरे स्वागत

0

वीरगंज । पर्सा क्षेत्र नम्बर १ मा काँग्रेस नेतृत्वको सत्तागठबन्धनलाई ठूलो झट्का लागेको छ । क्षेत्र नम्बर १ अन्तर्गत नै पर्ने वीरगंज महानगरपालिकाकाे वडा नम्बर १२ का काँग्रेसका प्रभावशाली नेता कार्यकर्ताहरु सामूहिक रुपमै पार्टी परित्याग गरि जनता समाजवादी पार्टी (जसपा) मा प्रवेश गरेका छन् ।

वडा नम्बर १२ का काँग्रेसका बुथ सभापति वीरेन्द्र महतो कोइरीको नेतृत्वमा काँग्रेसका ४५ जना नेता कार्यकर्ताहरु जसपामा प्रवेश गरेका हुन् ।

शनिबार वीरगंज-१२ मुर्लीमा आयोजित जसपाको पार्टी प्रवेश कार्यक्रममा पर्सा क्षेत्र नम्बर १ बाट प्रतिनिधीसभा सदस्य पदका उम्मेदवार प्रदीप यादवले कुशवाहा सहितका नेता कार्यकर्तालाई अबीर टिका र गम्छा लगाएर पार्टीमा स्वागत गरेका थिए ।

कार्यक्रममा बोल्दै काँग्रेस छाडेर जसपामा प्रवेश गरेका कुशवाहाले पर्सा-१ मा काँग्रेस नेतृत्व विहीन भएको कारण आफुहरुले काँग्रेस छाडेर जसपामा प्रवेश गरेको बताए । उनले काँग्रेसको नीति, सिद्धान्त र निर्णय विपरित पूर्व जिल्ला सभापति अजय द्विवेदीले बागी उम्मेदवारी दिएको र उनको पक्षमा क्षेत्रीय सभापति अरविन्द गुप्तालगायतका नेताहरु लागेकाले पर्सा-१ मा काँग्रेस अब नेतृत्व बिहिन भएको बताए ।

पार्टीको नीति, सिद्धान्त र निर्णय नै नमान्ने नेताहरुको साथमा त्यो पार्टीमा बस्न नसकिने निष्कर्षमा पुगेर आफुहरुले सामुहिक रुपमा पार्टी परित्याग गरेको कुशवाहाले बताए । उनले भने, ‘जुन पार्टीमा नेताले नै पार्टीको निर्णय मान्दैनन्, बागी उम्मेदवारी दिन्छन् अनि ती बागी उम्मेदवारकै पछाडि जिम्मेवार नेताहरु लाग्छन् भने त्यो पार्टीमा कुनै विचार र सिद्धान्त नै हुदैन, त्यहिबाट असन्तुष्ट भएर हामीले काँग्रेस छाडेका हौं ।’

कोइरीले मधेस र देशको हितमा काम गर्ने एक मात्र पार्टी जसपा नै भएको ठहर गर्दै आफूहरु जसपामा प्रवेश गरेको स्पष्ट पारे । उनले भने, ‘नेता हुनु त प्रदीप यादव जस्तो, जो जनताको हरेक दु:ख सुखमा साथ दिँदै आएका छन्, पदमा रहे पनि नरहेपनि जनताकै माझमा बसेका छन् यस्तो लोकप्रिय र विकास प्रेमी नेता पर्सालाई मात्र नभइ देशलाई सधै चाहिन्छ ।’

कार्यक्रममा बोल्दै जसपा–एमाले गठबन्धनका साझा उम्मेदवार समेत रहेका प्रदीप यादवले पार्टीमा प्रवेश गरेका सबै नेता कार्यकर्ताहरुलाई जसपाले मूल्यांकन गरेर उचित व्यवस्थापन गर्ने बताए । उनले जसपाले मधेसको मुद्धा सडकदेखि सदनसम्म उठाउँदै आएको भन्दै मधेस र मधेसीलाई अधिकार सम्पन्न नबनाए सम्म संघर्ष गरिरहने पनि बताए ।

यादवले भने, ‘म पदमा रहे पनि नरहे पनि मलाई केहि फरक परेको छैन, किन कि मेरा लागि जनता जनार्दन हुन्, जनताको सुखदु:खमा म सदैव साथमै रहदै आएको छु र रहन्छु पनि ।’

उनले पर्सा-१ लाई मात्र नभइ समग्र पर्सा जिल्लाको विकास र समृद्धि आफनो लक्ष्य भएकाले अबका दिनमा पनि आफू दत्तचित्त भएर लागि रहने वाचा पनि गरे ।

जसपा वडा नम्बर १२ का एकाइ अध्यक्ष किशोर महतोको सभापतित्वमा भएकाे कार्यक्रममा मधेस प्रदेशका मुख्यमन्त्री लालबाबु राउत गद्दी, जसपाका केन्द्रिय सदस्य वीरेन्द्र यादव, जिल्ला समन्वय समिति पर्साका पूर्वप्रमुख नेक महम्मद अन्सारी, पूर्व वडाध्यक्ष रामदरश कुशवाहा लगायतका नेता कार्यकर्ताको सहभागीता थियो । कार्यक्रम सञ्चालन घनश्यामबाबु गुप्ताले गरेका थिए ।