Date
मङ्ल, मंसिर १, २०८३
Tue, November 17, 2026
Home Blog Page 607

पर्सामा स्वतन्त्र उम्मेदवार जिताउन कमिटी गठन

0

वीरगंज । पर्सामा मंसिर ४ गते हुने निर्वाचनमा स्वतन्त्र उम्मेदवारलाई जिताउन प्रचार प्रसार तथा निर्वाचन परिचालन कमिटी गठन भएकाे छ । 

वीरगंजकाे नगवामा शुक्रबार सम्पन्न एक भेलाले बाबुराम काैशिककाे संयाेजकत्वमा १०१ सदस्यीय जिल्ला स्तरिय स्वतन्त्र उम्मेदवार जिताउ निर्वाचन परिचालन कमिटी गठन गरेकाे हाे ।

जुन कमिटीकाे सह स‌ंयाेजकमा शम्भु पाल, सचिव अफताब अहमद, काेषाध्यक्ष दिलिप गुप्ता लगायतका रहेका छन् । 

पूर्व मन्त्री एवम् राैतहट क्षेत्र नं. ३ का प्रतिनिधिसभा सदस्यका स्वतन्त्र उम्मेदवार प्रभु साहकाे निर्देशनमा कमिटी गठन भएकाे प्रेस विज्ञप्ती मार्फ नव गठित कमिटीले जनाएकाे छ ।

उम्मेदवार सर्राफ जन संवाद गरेर मत माग्दै

0

वीरगंज । पर्सा क्षेत्र नम्बर १ को (२) का प्रदेशसभा सदस्यका उम्मेदवार ओमप्रकाश सर्राफले आफनो निर्वाचन क्षेत्रमा घरदैलो तथा जन संवाद गरेर आफनो पक्षमा मत माँगेका छन ।

शुक्रबार वीरगंजकाे ऐतिहासिक विर्तामाई मन्दीरमा पुगेर माताको आशिर्वाद लिदै वडा नम्बर ४ विर्तामा घरदैलो अभियान शुरु गरेका हुन ।

घरदैलोमा सर्राफले स्थानियसंग आफ्नो पक्षमा मत माँग्दै जन संवाद समेत गरेका छन् । स्थानियले अब पालो परिर्वतनको रहेको हुनाले हामीले रोजेको नेता तपाई नै रहेको प्रतिकृया दिए ।

पाँच बर्ष सत्तामा रहेका नेताहरुले आफनो कार्यकर्ता पाल्ने बाहेक जनताको हितमा केहि काम नगरेको गुनासो सुनाउँदै अब पालो परिर्वतनको छ र त्यसको विकल्प तपाईं नै रहेको स्थानियले भने ।

हामीले पनि मनसाय बनाएका छौ, परिर्वतनको खाँचो छ, तपाई जस्तो कर्मठ इमान्दार नेतृत्वको आवश्यक छ, हामी पूरा सहयोग गर्न तयार छौ । चुनाव चिन्ह लौरो छाप मै मतदान गर्न आफुहरु प्रतिबद्ध रहेको स्थानिय बताएका छन ।

राष्ट्र निर्माणको अभियान, छ्डी छापमा मतदान नारा लिएर घरदैलोमा स्थानियको अपार समर्थन देखेर नेता सरार्फले भने, आम मतदाता बदलावको लागी र नेतित्व युवा शक्तिमा पुस्तारणको लागी आतुर रहेको बताए ।

क्षेत्र नम्बर १ को (२) मा जनता परिवर्तन खोजी रहेको अवस्थामा मलाई विकल्पको रुपमा देख्दा स्थानिय उत्साहित रहेको उनले बताए । आशीर्वाद, स्नेह र व्यापक जन समर्थनको लागी सबैमा हार्दिक आभार ब्यक्त समेत उनले गरेका छन ।

घरदैलो कार्यक्रममा हाम्राे नेपाली पार्टीकी समानुपातिक उम्मेदवार गुड्डि जोशी, वीरगंज युवा समाजका अध्यक्ष कमल चौलागाई लगायतका युवाहरुको सहभागिता रहेको थियो ।

स्वतन्त्र उम्मेदवार जयसवालद्वारा घरदैलाेलाई निरन्तरता

0

वीरगंज । पर्सा निर्वाचन क्षेत्र नं. ३ काे २ का प्रदेशसभा सदस्यका स्वतन्त्र उम्मेदवार प्रमाेद जयसवाले शुक्रबार पनि घरदैलाे कार्यक्रमलाई निरन्तरता दिएका छन् ।

उम्मेदवार जयसवालले क्षेत्र अन्तर्गतकाे सखुवा प्रसौनी गाउँपालिका वडा नं. २ को प्रसौनी, जमुनिया, सखुइ, औराहा पन्चगावा, श्रीपुर, रामपुर, घुसुकपुर लगायतका गाउँहरुमा घरदैलाे गरेका हुन् । घरदैलाेकाे क्रममा उम्मेदवार जयसवालले आफ्नाे चुनाव चिन्ह फुल काेभि छापमा मतदान गरी विजयी गराउन मतदाताहरुसंग आग्रह गरेका छन् ।

घरदैलाे कार्यक्रममा सखुवा प्रसाैनी गाउँपालिकाकाे पूर्व अध्यक्ष प्रदिप जयसवाल, पुर्व वडाध्यक्षहरु सलिम अन्सारी, जुमादिन मियाँ, रुपलाल यादव, रामबालक रामसहित स्थानियहरुको उल्लेख्य सहभागीता रहेकाे थियाे ।

पर्सागढीबाट सालको गोलीया सहित दुई जना पक्राउ

0

वीरगंज । पर्साकाे पर्सागढी नगरपालिका वडा नं. ९ तेलियाबाट सालकाे गाेलिया सहित दुई जना पक्राउ परेका छन् । ईलाका प्रहरी कार्यालय एकटाँगाबाट खटिएको प्रहरी टोलीले स्थानिय २८ बर्षिय अंगद चौधरी र २५ बर्षिय सन्तोष पासवानलाई पक्राउ गरेकाे हाे । 

प्रहरी टोलीले गस्तीको क्रममा बिहिबार सांझ ६:४० बजे चौधरीले चलाएको बा ११ प ५००८ नम्बरको मोटरसाइकलमा सवार पासवानले बिचमा राखि ल्याएको अन्दाजी ३.५ फिट लम्बाई, ३.५ फिट मोटाई भएको सालको गोलीया १ थान अवैध रुपमा काठ चोरी तस्करी गरी लिई आउँदै गरेको अवस्थामा फेला परेको बरामद गरेकाे जिल्ला प्रहरी कार्यालय पर्साले जनाएकाे छ ।

 उक्त सालको गोलीया र माेटरसाइकललाई नियन्त्रणमा लिई आवश्यक कारवाहीको लागि शुक्रबार मनवा सव-डिभिजन वन कार्यालय सखुवनिया पर्सामा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।

वीरगंजमा कन्टेनरकाे ठक्करबाट ट्रक चालककाे मृत्य

0

वीरगंज । कन्टेनरकाे ठक्करबाट घाइते भएका भारतिय ट्रक चालककाे मृत्यु भएकाे छ । भारत बिहार जिल्ला गोपाल गंज थाना बरैली निवासी ३० बर्षिय ट्रक चालक अशोक यादवकाे मृत्यु भएकाे प्रहरीले जनाएकाे छ ।

वीरगंज महानगरपालिकाकाे वडा नं. २५ आइसिपी २ नम्बर गेटको पार्किङ एरियामा बिहिबार सांझ ६:३० बजेको समयमा पिबि १२ एम ८१४९ नम्बरको ट्रक पार्किङ गरी पैदल हिडिरहेका ट्रक चालक यादवलाई एनएल ०१ एडि ४७३८ नम्बरको कन्टेनरले व्याक गर्ने क्रममा ठक्कर दिएकाे थियाे ।

कन्टेनरकाे ठक्करबाट यादवकाे दुवै खुट्टा किचीएर गम्भीर चोट लागेकाे थिए । घाईते यादवकाे उपचारको लागी एल.एस.न्युरो अस्पताल वीरगंजमा लगिए पनि सामान्य उपचार पश्चात थप उपचारको लागी रिफर भई नेशनल मेडिकल कलेज वीरगंजमा भर्ना भई उपचाररत थिए ।

नेशनल मेडिकल कलेज मै उपचारकाे क्रममा बिहिबार राति ८ बजे अस्पतालले मृत घाेषणा गरेकाे जिल्ला प्रहरी कार्यालय पर्साले जनाएकाे छ ।

उक्त कन्टेनर सहित चालक देश भारत युपि जिल्ला बरैली थाना सि.डी.जंग बस्ने ५० बर्षिय अजद रजालाई नियन्त्रणमा लिएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए । मृतकको लास जाँच प्रकृती मुचुल्का सम्पन्न गरी पोष्ट मार्टमकोलागी नारायणी अस्पताल वीरगंजमा पठाई थप अनुसन्धान कार्य भैरहेको समेत उनले जानकारी दिए ।

वीरगंज १४ का वडाध्यक्षका प्रत्यासी कुर्मी जसपा प्रबेश

0

वीरगंज । पर्सा क्षेत्र नम्बर १ मा जनता समाजवादी पार्टी (जसपा) नेपाल प्रतिको आकर्षण बढ्दै गएको छ ।

पर्सा क्षेत्र नम्बर १ मा जसपा–एमाले गठबन्धनका तर्फबाट प्रतिनिधीसभा सदस्य पदका उम्मेदवार पूर्व वन तथा वातावरणमन्त्री प्रदीप यादवले ५ बर्षको कार्याकालमा क्षेत्र र जनताका लागि गरेका कामबाट प्रभावित भएर अहिले यस क्षेत्रमा अन्य दलका नेता कार्यकर्ताहरु धमाधम पार्टी छाड्दै जसपामा प्रवेश गर्न थालेका छन् ।

शुक्रबार पनि वीरगंजमा नेकपा एकिकृत समाजवादी र नेपाली काँग्रेसका प्रभावशाली नेताहरु आफना कार्यकर्ता सहित जसपामा प्रवेश गरेका छन् ।

गत स्थानीय तहको निर्वाचनमा नेकपा एकीकृत समाजवादीबाट वीरगंज महानगरपालिकाकाे वडा नम्बर १४ मा वडा अध्यक्षका प्रत्यासी रहेका राम बालक प्रसाद कुर्मी र २०७४ को निर्वाचनमा नेपाली काँग्रेसबाट वडा नम्बर १८ को वडा सदस्यमा निर्वाचित वीरेन्द्र प्रसाद कुर्मी शुक्रबार जसपामा प्रवेश गरेका हुन् ।

दुवै नेतालाई जसपाका केन्द्रिय राजनीतिक समिति सदस्यसमेत रहेका प्रतिनिधीसभा सदस्यका उम्मेदवार प्रदीप यादवले अबीरकाे टिका लगाइ पार्टीमा स्वागत गरेका थिए ।

त्यसक्रममा यादवले जसपामा प्रवेश गर्ने हरेक नेता कार्यकर्तालाई पार्टीले सहि मुल्यांकन गरेर उचित जिम्मेवारी सुम्पने बताए ।परिवर्तनका लागि भएका विभिन्न आन्दोलनमा महत्वपूर्ण योगदान पु¥याएका कुर्मीद्वयको प्रवेशले जसपालाई थप सशक्त बनाउनुका साथै नयाँ अभिभावक पनि पाएको भन्दै यादवले खुशी व्यक्त गरे ।

जसपमा प्रवेश गरेका वडा नम्बर १४ का कुर्मीले संघीयता, विकास र समृद्धिको पक्षधर जसपाले नै मधेसको हित गर्ने भएकाले आफुले जसपा रोजेको बताए ।

यस्तै काँग्रेस त्यागेर जसपा प्रवेश गरेका वडा नम्बर १८ का नेता कुर्मीले पनि मधेसको पहरेदार जसपा नै भएको र जसपाकै कारण मधेसीले पहिचान र अधिकार पाएकाले जसपमा प्रवेश गरेको बताए ।

आईसिपी भंसारबाट सशस्त्र प्रहरीको मिलोमतोमा तस्करी

0

वीरगंज । मुलुक चुनाव केन्द्रित भएकाे बेला वीरगंज नाका भएर खुल्याम तस्करी हुन थालेकाे छ । सिमा सुरक्षाको जिम्मा रहेकाे सशस्त्र प्रहरीले नै चुनावकाे मौका उठाउँदै वीरगंजबाट खुल्याम तस्करी गराईरहेको भेटिएको छ ।

देश अहिले आर्थिक मंदीबाट पनि गुज्रिरहेको छ । अर्थको अभावमा राष्ट्र संचालनमै समस्या देखिएको छ । चुनावलाई भव्य रुपमा सम्पन्न बनाउँन भारतले सहयोग स्वरुप उपलब्ध गराएको करिब २ सय सवारी साधन बुधबार नेपाल भित्रिएको छ । चुनावमा पुरै देश नै होमिएको छ । तर त्यसको मौकाको फाईदा उठाउँदै वीरगंजकाे नाकाहरुबाट खुल्याम राजश्व चुहावट हुने काम भईरहेको छ ।

राजश्व चुहावट नरोकिएपछि साउँन महिनादेखि निरन्तर राजश्व असुली प्रभावित भएको छ । वीरगंज भंसार कार्यालयले राजश्वको लक्ष्य पुरा गर्न सकिरहेको छैन । राजश्व चुहावट नियन्त्रणको मुख्य जिम्मा लिएको सशस्त्र प्रहरीले नै खुल्याम तस्करी गराईरहेको भेटिएको हाे ।

अलौं स्थित रहेको एकिकृत जाँच चौकी भंसारबाट भंसार कर्मचारीले नै तस्करीको कपडा लोड गरेको ना ७ ख ८१५२ नम्बरको ट्रक नियन्त्रणमा लिएपछि भंसारबाट नै खुल्याम तस्करी भईरहेको खुलासा भएको हो । भारतबाट भित्रियाईएको लाखौं मुख्य बराबरको कुर्ता सुरुवाल, मंहगा साडी, सटिङ्ग सुटिङ्ग, रुबिया लगायतको कपडा भंसार चेकजाँच नै नगरी उक्त तस्करीको समान लोड गरेको ट्रक भंसार बाहिर निकाल्न खोजेपछि भंसार कर्मचारीले सूचनाको आधारमा पक्राउ गरी अनुसन्धान गरीरहेको छ ।

वीरगंज भंसार कार्यालयका प्रवक्ता दिल्लीराम सुवेदी अनुसार सूचनाको आधारमा गत १० गते, नोभेम्बर २७ तारिखको दिन तस्करीको कपडा सहित उक्त ट्रक सूचनाको आधारमा भंसार कर्मचारीले नै नियन्त्रणमा लिएको हो ।

कात्तिक ६ गते, (२३ नोभेम्बर) मा गेट पास भई भारतबाट भंसार कार्यालयमा त्रिभिएको थियो । (२७ नोभेम्बर) अर्थात कात्तिक १० गते उक्त तस्करीको कपडा बोकेको ट्रक चेकजाँच नै नगरी एकिकृत जाँच चौकी बाहिर निस्कन लागेको सूचना आएपछि समान सहित नियन्त्रणमा लिएको ट्रक बिहिबार बिहान मात्र वीरगंज भंसार कार्यालयमा बुझाईएको प्रवक्ता सुवेदीले बताए ।

एकिकृत जाँच चौकीको राजश्व चुहावट नियन्त्रण तथा सुरक्षाको लागि खटिएको सशस्त्र प्रहरीकै मिलोमतोमा उक्त तस्करी हुन सकेको आशंका गरिएको छ । यसमा सशस्त्र प्रहरीको डिआईजी गणेश ठारामगरको समेत संलग्नता रहेको श्रोतको दावी छ ।

वीरगंजका नामुद तस्कर मदन रुन्चेको उक्त तस्करीको ट्रक रहेको जनाएपनि आधिकारीक पुष्टी हुन सकेको छैन । रुन्चे वीरगंज देखि काठमाण्डौ सम्म सुरक्षा निकायलाई आर्थिक प्रलोभनमा पारेर राखेका रुन्चेको उक्त तस्करीको ट्रक छुटाउँन डिआईजी समेत लागेको श्रोतले जनाएको छ ।

कात्तिक १० गते पक्राउ परेपनि उक्त ट्रक कात्तिक १६ गतेसम्म एकिकृत जाँच चौकी आसपासमा राखिएको थियो । भंसारकै केहि अधिकृतहरुलाई मिलाई उक्त तस्करीको समान बोकेको ट्रक सशस्त्र प्रहरीले छुटाउँने प्रयास गरेको थियो । लेनदेनको सहमती नभएपछि थप कारवाहीको लागि बिहिबार बिहान उक्त ट्रक वीरगंज भंसार कार्यालयको मुद्दा शाखामा बुझाईएको छ ।

भंसार कार्यालयका प्रवक्ता सुवेदी अनुसार, पक्राउ गरिएको ट्रक मुद्दा शाखाका बुझाईएको छ, थप अनुसन्धान गर्ने काम भईरहेको छ । उनले भने, भंसारमा बुझाईएको ट्रक र समान धनीको पत्ता लगाउँने काम भईरहेको छ, भेटिएन भने ट्रक सहित समान जफत हुन्छ । श्रोत अनुसार उक्त ट्रक मदन गुप्ता (रुन्चे) को रहेको जनाईए पनि आधिकारीक पुष्टी हुन बाँकी रहेको छ ।

श्रोत अनुसार रुन्चेले भारतबाट तस्करीको समान नेपाल भित्रियाउँनु अघि नै बिल्टी र समानको संख्या अनुसार पहिला नै पान र भ्याट बिल काटेर तयार गरेर राखेका हुन्छ । नेपाल प्रवेश गरे लगतै उक्त पान र भ्याट बिलकै आधारमा प्रहरीकै सुरक्षामा तस्करीको समान ढुवानी हुन्छ ।

रुन्चेकै रामगढवा स्थित ट्रान्सपोर्टबाट ३ वटा तस्करीको कपडा लोड गरेको ट्रक नियन्त्रणमा लिएको थियो । सशस्त्र प्रहरीलाई महिनावारी नबुझाएपछि उक्त तस्करीको समान सहित तीन वटै ट्रक सशस्त्र प्रहरीले नियन्त्रणमा लिई राजश्व कार्यालय पथलैया बुझाएको थियो ।

स्वतन्त्र उम्मेदवार जयसवाल मतदाताकाे घरदैलाेमा

0

वीरगंज । प्रदेशसभा पर्सा निर्वाचन क्षेत्र नं. ३ काे १ का स्वतन्त्र उम्मेदवार प्रमाेद जयसवाला बिहिबार पनि घरदैलाे कार्यक्रमलाई निरन्तरता दिएका छन् ।

प्रदेशसभा सदस्यका उम्मेदवार जयसवालले बिहिबार क्षेत्र अन्तर्गतकाे पटेर्वा सुगाैली गाउँपालिका वडा नं. १ सेनबर्षामा घरदैलाे गरेका हुन् । घरदैलाेकाे क्रममा उम्मेदवार जयसवाले आफ्नाे चुनाव चिन्ह फुल काेभि छापमा मतदान गरी आफुलाई बिजयी बनाउन मतदातासंग आग्रह गरेका छन् ।

घरदैलाेकाे क्रममा मतदासंग भेटघाट गर्दै उम्मेदवार जयसवालले आफु निर्वाचित भए सधै जनताकाे सेवक भएर काम गर्ने वताए । उनले यस अघिकाे निर्वाचनमा निर्वाचित प्रदेशसभा सदस्यले क्षेत्रकाे बिकासका लागि केही नगरेकाे कारण परिवर्तन जरुरी रहेकाे वताए ।

समाजिक क्षेत्रमा निकै लामाे अनुभव रहेका उम्मेदवार जयसवाल प्रति मतदाता पनि उत्साहित देखिएका थिए । जयसवाल शिक्षित र बुद्धिजिवी उम्मेदवार भएका कारण उनलाई नै विजयी बनाउनु पर्ने भलाकुसारी गरिरहेका थिए । 

घरदैलाे कार्यक्रममा सखुवा प्रसाैनी गाउँपालिकाका पूर्व अध्यक्ष प्रदिप जयसवाल, पूर्व वडाध्यक्ष रुपलाल यादव, आरिफ अन्सारी लगायतका उल्लेख्य सहभागिता रहेकाे थियाे ।  

शाहरुखको पठानमा २५ तारिखको संयोग

0

बलिउड अभिनेता शाहरुख खानको नयाँ फिल्म ‘पठान’ को टिजर बुधबार सार्वजनिक गरियो । फिल्ममा शाहरुखको जबरदस्त एक्सनलाई प्राथमिकता देखाइएको छ । फिल्ममा शाहरुखका अलावा दीपिका पादुकोण र जोन अब्राहम पनि देखिएका छन् ।

सिद्धार्थ आनन्दको निर्देशन रहेको फिल्म २५ जनवरी, २०२३ मा रिलिज हुँदैछ । तर सायद कमैलाई थाहा होला, २५ जनवरीमा रिलिज हुने यो फिल्मको अन्य तीन कुरा पनि २५ तारिखसँग जोडिएका छन् ।

फिल्म समीक्षक तरण आदर्शले आफ्नो ट्वीटर हेण्डलमा यो कुराको जानकारी दिएका छन् । उनका अनुसार शाहरुख फिचर्ड फिल्मको फस्टलुक २५ जुनमा, दीपिकाको फस्टलुक २५ जुलाई र जोनको फस्टलुक २५ अगष्टमा सार्वजनिक गरिएको थियो ।

यद्दपि फिल्मको टिजर भने शाहरुखको जन्मदिन पारेर बुधबार अर्थात नोभेम्बर २ मा सार्वजनिक गरिएको थियो । निर्माण पक्षले फिल्म ट्रेलर २५ डिसेम्बरमा क्रिसमसको मौका पारी रिलिज गर्ने तयारी गरिरहेका छन् ।

सन् २०१८ मा फिल्म ‘जीरो’ पछि शाहरुख ‘पठान’मार्फत दर्शकमाझ आउँदैछ । यो फिल्मबाहेक उनी एटली कुमारको ‘जवान’ र राजकुमार हिरानीको ‘डंकी’मा देखिँदैछन् । ‘जवान’ जून, २०२३ र ‘डंकी’ डिसेम्बर, २०२३ मा रिलिज हुँदैछ ।

पर्सा १ मा विपक्षीहरुको सात्तो उडेको छ : प्रदीप यादव

0

वीरगंज । वीरगंज महानगरपालिकाकाे वडा नम्बर २ छपकैयामा बिहीबार जसपा–एमालेको संयुक्त बैठक सम्पन्न भएको छ । बैठकमा सहभागी जसपा र एमालेका स्थानीय अगुवा नेता कार्यकर्ताहरुले गठबन्धनका साझा उम्मेदवारको पक्षमा जनमत जुटाउन अझ सशक्त भएर लाग्ने प्रतिबद्धता जनाएका छन् ।

यसका साथै चुनावी प्रचार प्रसारलाई अझ तिब्र बनाउदै हरेक घरधुरीमा पुगेर पर्सा १ का जसपाका प्रतिनिधीसभा सदस्य उम्मेदवार प्रदीप यादवले आफनो कार्यकालमा गरेका नमूना काम बारे मतदातालाई बुझाउने पनि उनिहरुले बताएका छन् ।

बैठकलाई सम्बोधन गर्दै प्रतिनिधीसभमा सदस्य उम्मेदवार एंव पूर्वमन्त्री यादवले अहिले सम्म देखिएको जनसमर्थनले आफुहरुको जित सुनिश्चित हुदै गएकोले दुवै दलका नेता कार्यकर्ताले थोरै अझ मेहनत गरे आफुहरुको विजय कसैले रोक्न नसक्ने बताए ।जसपा–एमालेको गठबन्धन मधेस र देशको आवश्यकताको उपज भएको प्रस्ट्याउदै यादवले यहि गठबन्धन जिते मात्रै मधेस र देशको समृद्धि हुने जिकिर गरे ।

पर्सा १ मा जसपा–एमाले गठबन्धन प्रति देखिएको जनलहरले विपक्षीहरुको सात्तो उडेको भन्दै यादवले दुवै दलका नेता कार्यकर्ताहरु इमान्दारीपूर्वक लागि रहे मंसिर ४ सम्म विपक्षीहरु प्रतिस्पर्धामै नरहने दाबी पनि गरे । उनले भने ,‘ मैले पाँच वर्षको कार्यकालमा गरेका कामहरु नै हाम्रो जितका लागि काफी छ , त्यहि काम बारे जनतालाई गएर बुझाउनुस् , किन कि जनता अब नामलाई होइन काम गर्नेलाई आफनो मत दिन्छन् ।

बैठकमा वीरगंज महानगरपालिकाकाे वडा नं. २ का जसपा र एमालेका नेता तथा कार्यकर्ताहरुको उल्लेख्य उपस्थिती रहेकाे थियाे ।