वीरगंज । पर्साकाे पर्सागढी नगरपालिका वडा नं. ९ तेलियाबाट सालकाे गाेलिया सहित दुई जना पक्राउ परेका छन् । ईलाका प्रहरी कार्यालय एकटाँगाबाट खटिएको प्रहरी टोलीले स्थानिय २८ बर्षिय अंगद चौधरी र २५ बर्षिय सन्तोष पासवानलाई पक्राउ गरेकाे हाे ।
प्रहरी टोलीले गस्तीको क्रममा बिहिबार सांझ ६:४० बजे चौधरीले चलाएको बा ११ प ५००८ नम्बरको मोटरसाइकलमा सवार पासवानले बिचमा राखि ल्याएको अन्दाजी ३.५ फिट लम्बाई, ३.५ फिट मोटाई भएको सालको गोलीया १ थान अवैध रुपमा काठ चोरी तस्करी गरी लिई आउँदै गरेको अवस्थामा फेला परेको बरामद गरेकाे जिल्ला प्रहरी कार्यालय पर्साले जनाएकाे छ ।
उक्त सालको गोलीया र माेटरसाइकललाई नियन्त्रणमा लिई आवश्यक कारवाहीको लागि शुक्रबार मनवा सव-डिभिजन वन कार्यालय सखुवनिया पर्सामा बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरिक्षक दिपक गिरीले वताए ।
