Date
मङ्ल, मंसिर १, २०८३
Tue, November 17, 2026
Home Blog Page 605

वीरगंज-११ मा जसपा-एमाले गठबन्धनकाे घरदैलो

0

वीरगंज । पर्सा क्षेत्र नम्बर १ मा पर्ने वीरगंज महानगरपालिका वडा नम्बर ११ मा बुधबार जसपा–एमाले गठबन्धनले चुनावी घरदैलो गरेको छ । जसपाबाट प्रतिनिधीसभा सदस्य उम्मेदवार प्रदीप यादव र प्रदेशसभा सदस्य उम्मेदवार लालबाबु राउतले वडा नम्बर ११ को रानीघाट र श्रीपुरमा घरदैलो गर्दै मतदातालाई भेटेर जसपालाई मतदान गर्न आग्रह गरे ।

मतदातासँगको भेटघाटामा प्रतिनिधीसभा सदस्य उम्मेदवार एवम् पूर्वमन्त्री यादवले विकास र जनताको सेवा नै आफनो मूल एजेन्डा विगतमा पनि रहेको र आगामी दिनमा पनि रहने बताए ।

उनले पाँच वर्षको कार्यालयमा आफुले यीनै दुइ वटा एजेण्डामा ध्यान केन्द्रित गरि जनता माझ रहेको र फेरि अवसर पाए यीनै एजेण्डाका साथ अगाडि बढ्ने बताए । मतदाताहरुको गुनासा पनि सुन्दै यादवले भने, ‘म सांसद् बने, त्यसपछि छोटो अवधीका लागि मन्त्री पनि बने, सकेको जति जनताको लागि काम गरे, अब केहि अधुरा कामहरु पनि पुरा गर्नुछ, त्यसका कारण फेरि अवसर दिन तपाईहरुसँग आग्रह गर्छु ।’

आफु पदमा रहँदा होस् वा पदमा नरहँदा होस्, जहिले पनि नेता भन्दा जनताको सेवक बनेर बसेको भन्दै यादवले समृद्ध पर्सा र समृद्ध पर्सावासीको नारालाई आफुले सदैव लिएर अगाडि बढेको र आगामी दिनमा पनि त्यहि अनुसार बढ्ने बताए ।

मधेस र मधेसका जनताको पहचिान, अधिकार र आत्मसम्मान जसपाकै कारण प्राप्त भएको भन्दै उनले भने, ‘नागरिकता लगायत केहि मुद्धा अझै सम्बोधन हुन बाँकी छन्, ती पुरा गराउन फेरि जसपाले अवसर पाउनु पर्छ ।’

चुनावी घरदैलो कार्यक्रममा जसपा र एमालेका नेता कार्यकर्ताहरुको उल्लेख्य सहभागीता थियो । उनीहरुले प्रदीप यादव जिन्दवासी, छाता छाप जिन्दावाद, प्रदीप यादवलाई मतदान गरौँ, छाता छापमा मतदान गरौँ जस्ता नारा पनि लगाएका थिए ।

मुर्लीमा लाैराे उम्मेदवार सर्राफकाे घरदैलाे

0

वीरगंज । लौरो चुनाव चिन्ह लिएर पर्सा क्षेत्र नं. १ ‘ख’बाट प्रदेश सभा सदस्यका उम्मेदवार बनेका ओमप्रकाश सर्राफाले मंगलबार वीरगंज महानगरपालिका वडा नं. १२ मूर्लिमा घरदैलो कार्यक्रम सम्पन्न गरेका छन् ।

लौरो छापमा मतदान गर्न जनतासंग अपिल गर्दै घरदैलो गरेका प्रदेश सभा सदस्यका उम्मेदवार सर्राफले उत्साहजनक युवाको साथ र ज्येष्ठ नागरिकहरुको आशिर्वाद पाएका थिए ।

मधेशको हरेक धर्मसंस्कृतिको धरोहर विश्वलाई चिनाउन भिजिट मधेशमार्फत पर्यटन, मधेशको संस्कृतिको उत्थान गरेको, कोरोना महामारीमा एक आम समाजसेवीको हैसियतले आफ्ना मतदाताका दुःखमा सदैव साथ रहेकाले लौरोमा मतदान गरी आफूलाई जिताउन सर्राफले अपिल गरेका छन् ।

मधेश प्रदेशका मुख्यमन्त्री लालबाबु राउत लडेको यस क्षेत्रबाट कडा प्रतिस्पर्धीको रूपमा रहेका लौरो उम्मेदवार सर्राफले कृषि आधुनिकीकरण, युवाहरूलाई सिप, तालिमसहितको स्वरोजगार लगायतका काम गर्न अवसर दिन मतदातासँग आग्रह गर्दै चुनाव प्रचार गरिरहेका छन् ।

कांग्रेसका बागी उम्मेदवार द्विवेदीसहित ७४ जना पार्टीबाट निस्कासित

0

वीरगंज । पर्साको निर्वाचन क्षेत्र नं. १ का नेपाली काँग्रेसका बागी उमेदवार अजय द्विवेदीलाई नेपाली काँग्रेसले पार्टीबाट निष्कासित गरेको छ ।

नेपाली काँग्रेस केन्द्रीय अनुशासन समितिले मंगलबार प्रतिनिधिसभा सदस्यका उम्मेदवार द्विवेदीलाई पार्टीबाट निष्कासित गरेको छ । पार्टीले विभेद र अन्याय गरेको भन्दै द्विवेदीले स्वतन्त्र रुपमा उम्मेदवारी दिएका छन् । 

द्विवेदीसँगै पार्टीबाट निष्कासित हुनेमा पर्साका काँग्रेसका क्रियाशील सदस्य सुधिर पटेल र क्षेत्रीय प्रतिनिधी चन्द्र किशोर चौधरी रहेका छन् । द्विवेदीले पर्सा १ को प्रतिनिधीसभा सदस्यमा, पटेलले पर्सा १ को (१) बाट प्रदेशसभा सदस्यमा र चौधरीले पर्साको ३ को (२) प्रदेशसभा सदस्यमा स्वतन्त्र उम्मेदवारी दिएका छन् ।

पर्साका तीन जनासहित देशभरका ७४ जनालाई पाँच वर्षका लागि साधारण सदस्य समेत नरहने गरी निष्कासन गर्न नेपाली काँग्रेसको केन्द्रिय अनुशासन समितिले निर्देशन दिएको हो ।

निष्कासित हुनेहरुमा आफ्नो पार्टीका आधिकारिक उम्मेदवार विरुद्ध उम्मेदवारी दिएका र त्यस्ता उम्मेदवारको प्रस्तावक तथा समर्थक बसेका पदाधिकारी तथा सदस्य रहेका छन् ।

यस्तै, पर्सामा क्षेत्र नं. १ मा बाम लोकतान्त्रिक गठबन्धनका उमेदवार लोसपा लक्ष्मणलाल कर्णको लागि भोट नमागेर बागी उमेदवार द्विवेदीका लागि भोट माग्ने अन्य काँग्रेस नेता कार्यकर्ता पनि अबको टार्गेटमा रहेको नेपाली काँग्रेस पर्साका प्रवक्ता रमेश पाण्डेले बताए ।

पाण्डेले पार्टीको विधान अनुसार बागी उमेदवारका प्रस्तावक र समर्थकको पनि सदस्यता स्वतः खारेज भएको बताए । साथै, गठबन्धनका आधिकारिक उमेदवारको विरोधमा र बागी उमेदवारको समर्थनमा घरदैलो, सभा, भेला लगायतमा सहभागी हुने पर्साका नेता कार्यकर्ता निगरानीमा रहेको पाण्डेले बताए ।

त्यस्ता नेता र कार्यकर्ताहरु विरुद्ध विस्तारै कारवाही अघि बढाइने पाण्डेको भनाई छ । हाललाई बागी उमेदवारको समर्थनमा हिँडेका क्षेत्र नं. १ क्षेत्रीय सभापति अरविन्द गुप्तालाई ७ दिने स्पष्टीकरण सोधिएको उनले जानकारी दिए ।

यसैगरी, पर्साको क्षेत्र नं. ३ का काँग्रेसका आधिकारिक उमदेवार सुरेन्द्र प्रसाद चौधरीको उजुरीको आधारमा सोही क्षेत्रका नेता रामेश्वार रौनियार विरुद्ध छानविन भइरहेको पनि बताए । उजुरी अनुरुप आरोप पुष्टि भए विधानत सदस्यता खारेज हुने उनले बताए ।

जसपाका जिल्ला अध्यक्ष पटेलद्वारा राजीनामा

0

वीरगंज । जनता समाजवादी पार्टी (जसपा) नेपालका रौतहट जिल्ला अध्यक्ष धर्मेन्द्र पटेलले पार्टीबाट राजीनामा दिएका छन् । जसपाले एमालेसँग गठबन्धन गरेको भन्दै उनले साधारण सदस्यसमेत नरहने गरी पदबाट राजीनामा दिएका हुन् ।

रौतहटको देबाही गोनाही नगरपालिकाका पूर्व नगर प्रमुख समेत रहेका पटेलले अध्यक्ष उपेन्द्र यादवले एमालेसँग गठबन्धन गरेको कारण आफूले पार्टीबाट राजीनामा दिएको बताए ।

एमालेले नागरिकता विधेयक पारित हुन नदिएको र पटक-पटक मधेसी जनतालाई अपमान गरेको भन्दै उनले भने, ‘संविधान संशोधन हुनै दिएन, आज त्यही पार्टीसित जसपाले गठबन्धन गरेको छ । त्यसले पार्टीमा काम गर्न असहज भएकोले राजीनामा दिएको छु ।’

उनले राजिनामा दिएसँगै उनको क्षेत्रमा एमाले–जसपा संगठन्धन कमजोर हुने संकेत देखिएको छ ।

पकहा मैनपुरमा कर्मचारीलाई कम्पयुटर सम्बन्धि क्षमता अभिबृद्धी तालिम

0

वीरगंज । पर्साको पकहा मैनपुर गाउँपालिकामा कम्पयुटर सम्बन्धी १५ दिने क्षमता अभिबृद्धी तालिम मंगलबार सम्पन्न भएकाे छ । गाउँ कार्यापालिका कार्यालय पकहा मैनपुरकाे आयाेजनामा भएकाे तालिममा सहभागि २१ जना कर्मचारीहरुलाई प्रमाण पत्र र आवश्यक सामग्रीहरु सहित ल्यापटप पनि बितरण गरिएको हाे ।

तालिम समापन कार्यक्रममा गाउँपालिकाकी उपाध्यक्ष सरफुननेसा र प्रमुख प्रशासकिय अधिकृत रमेश सुबेदीले सहभागीहरुलाई अबिरको टिका लगाई प्रमाण पत्र र सामग्रीहरु बितरण गरेका थिए । तालिममा गाउँपालिका भरीका वडा सचिवहरु, ५ वटै वडाका उप स्वास्थ्यचौकीका ईन्चार्जहरु तथा पालिकाका बिभन्न शाखाका कर्मचारी गरी २१ जनाको सहभागी थिए ।

कार्यक्रममा बोल्दै प्रमुख प्रशासकिय अधिकृत सुबेदीले कार्यालयकाे सेवा प्रवाह प्रविधि मैत्री बनाउन कर्मचारीहरुलाई ल्यापटप वितरण गरिएकाे वताए  । उनले अहिलेकाे डिजिट युगमा कर्मचारीलाई त्यस अनुसार कै सेवा प्रवाह गर्न ल्यापटपले सहयाेग पुग्ने विश्वास समेत व्यक्त गरे ।

गाउँपालिकाकी उपाध्यक्ष सरफुननेसा खातुनको अध्यक्षतामा भएको कार्यक्रममा नेपाली कांग्रेसका स्थानिय नेता नसुरल्लाह मियाँ, सुजार्हा उप स्वास्थ्य चौकीका ईन्चार्ज रमेश मेहता लगायतले मन्तव्य राखेका थिए । 

सहकारी संस्थाकाे कर्मचारी माथि दुर्व्यवहार

0

वीरगंज । पर्साकाे सखुवा प्रसाैनी गाउँपालिका वडा नं. ५ मा रहेकाे साहस साना किसान कृषि सहकारी संस्था लि. काे कर्मचारी माथि दुर्व्यवहार भएकाे छ ।

कार्यालय संचालनकाे समयमा मंगलबार दिउसाे २ बजे सखुवा प्रसाैनी गाउँपालिका वडा नं. ५ निवासी २२ बर्षिय संताेष बर्णवालसहितका एक समुहले संस्थाका अध्यक्ष नरेश जयसवाल, प्रबन्धक उपेन्द्र सहनी र लेखापाल संजय दासमाथि दुर्व्यवहार गरेकाे हाे । 

संस्थाका पूर्व कर्मचारी समेत रहेका बर्णवालले हिसाब किताबकाे बिषयलाई लिएर गाली गालाैज गर्दै दुर्व्यवहार गरेकाे संस्थाका अध्यक्ष जयसवालले वताए ।

उनका अनुसार बर्णवालले संस्थामा काम गर्ने समयमा गरेकाे हिनामिनाकाे रकम फिर्ता गर्नु पर्ने पटक पटक ताकेदा गर्दा पनि फिर्ता नगरेकाे र असुलीकाे निजकाे जग्गा राेका भएकाेले जग्गा फुक्वा गरिदिन कार्यालयमा पुगी हुहल्ला, गाली गलाैज गर्दै दुर्व्यवहार गरेका हुन् ।

घटनाकाे विवरण सबै कार्यालयकाे सिसि टिभि केमरा फुटेजमा सुरक्षित रहेकाे अध्यक्ष जयसवालले वताए । घटना लगतै आजै प्रहरीलाई जानकारी गराइसकेकाे र भाेली बुधबार जिल्ला प्रहरी कार्यालय पर्सामा लिखित उजरी दिने उनले वताए ।

सही नेतृत्वकर्तालाई भाेट हाल्न प्रदीप यादवको अनुरोध

0

वीरगंज । जनता समाजवादी पार्टी नेपाल र नेकपा एमाले गठबन्धनको तर्फबाट पर्सा निर्वाचन क्षेत्र नम्बर १ मा प्रतिनिधिसभा सदस्य पदका साझा उम्मेदवार प्रदीप यादवले मतदातासँगको भेट र घरदैलो कार्यक्रमलाई तीव्रता दिएका छन् ।

मङ्गलबार बिहान यादवले वीरगञ्ज महानगरपालिका वडा नम्बर १८ को भवानीपूर र इनर्वा टोलका घरदैलो गर्दै मतदातासँग भेटघाट गरेका हुन् । भेटघाटका क्रममा यादवलाई स्थानीयहरुले ठाउँठाउँमा फुलमाला लगाएर स्वागत गर्दै शुभकमना दिएका थिए ।

निवर्तमान वन तथा वातावरण मन्त्रीसमेत रहेका यादवले सही नेतृत्वकर्ताको पहिचान गरेर भोट हाल्न मतदाताहरुसँग आग्रह गरे । उनले नेतृत्वमा रहेर जनताको दु:खसुखमा काम लाग्ने, जनताको सेवामा निरन्तर खट्ने र विकास निर्माणको कामलाई प्राथमिकता दिने उम्मेदवारलाई चुनेर संसदमा पठाउन मतदाताहरुसँग अपिल गर्दै छाता छापमा मतदान गर्न आग्रह गरेका थिए ।

यादवले भने, ‘अब मतादाताहरुलाई भ्रमित पार्न सकिँदैन । उहाँहरुले को सही नेतृत्वकर्ता र को अवसरवादी भनेर छुट्याउन सक्नु हुन्छ । उहाँहरुले आफ्नो दु:खसुखमा काम लाग्ने नेतालाई छान्नु हुन्छ । निर्वाचनको समयमा आएर मात्र जनताको घरघर पुग्नेलाई उहाँहरुको मत पर्दैन ।’

यादवले पाँच वर्षसम्म आफूले सांसदका रुपमा सदनमा निरन्तर पर्सावासी र मधेश प्रदेशको हितका लागि आवाज उठाएक स्मरण गराउँदै भने, ‘म अघि पनि पर्सा जिल्लाको प्रतिनिधित्व गर्दै धेरै व्यक्ति संसद भवनसम्म पुग्नु भएको थियो । तर यहाँका जनताका लागि मैले जतिको उहाँहरुले बोल्नु भएको छैन होला । मैले यहाँको सानोभन्दा सानो समस्यालाई पनि संसद भवनमा उठाएर पर्सावासीको समस्यालाई राष्ट्रिय मुद्दा बनाएको छु ।’

घरदैलो कार्यक्रममा जसपा-एमाले गठबन्धनको तर्फबाट पर्सा निर्वाचन क्षेत्र नम्बर १ (क) का प्रदेशसभा सदस्य उम्मेदवार विचारी प्रसाद यादवको पनि सहभागिता रहेको थियो । यादवले पनि जसपा-एमाले गठबन्धन देश र जनताको हितका लागि भएको कारण आफूहरुलाई निर्वाचित गराएर पठाउन आग्रह गरे ।

उनले सत्ताधारी गठबन्धन भ्रष्टचारी र राष्ट्रघाती भएको आरोप लगाउँदै मूलुकको स्वाधिनता जोगाउन जसपा-एमालेको पवित्र गठबन्धनलाई मतदान गर्न आग्रह गरे ।

बाकी रहेकाे अधुरा काम पुरा गर्न विजयी गराउन मुख्यमन्त्रीकाे आग्रह

0

वीरगंज । पर्सा क्षेत्र नम्बर १ को (२) का प्रदेशसभा सदस्यका उम्मेदवार मुख्यमन्त्री मोहम्मद लालबाबु राउत गद्दीलाई जिताउँन वीरगंज महानगरपालिका वडा नम्बर ८ का पूर्व वडाध्यक्ष एवं नेकपा एमालेका नेता राजकिशोर साहले आफनो वडामा मतदाता हरुसंग भेटघाट तथा छलफल कार्यक्रम गरेका छन् ।

कार्यक्रमलाई सम्बोधन गर्दै मुख्यमन्त्री गद्दीले विकास निर्माणमा पु¥याएको योगदानको मुल्यांकन गरी आफूलाई जिताउँन मतदाताहरु संग आग्रह गरे । उनले भने “स्थानियको माँग र आवश्यकता अनुसार, सडक, नाला, स्कुल, सामुदायिक भवन, मन्दीर, मस्जिद लगायतको पूर्वाधार विकासका कार्यहरुमा महत्वपूर्ण योगदान पु¥याएको छु, अगामी दिनमा पनि बाँकी रहेको योजना पुरा गराउँनको निम्तीको लागि पनि आफूलाई बिजयी गराउँन छाता छापमा मतदान गरे विजयी गराउन आग्रह गर्छ छुं ।”

कार्यक्रममा बोल्दै पर्सा क्षेत्र नं. १ प्रतिनिधिसभा सदस्यको उम्मेदवार प्रदीप यादवले पर्सा बासीहरुको हक अधिकार लगायत विकास निमार्ण सम्बन्धमा पटक पटक हाउसमा अवाज उठाएको र कम समयको लागी मन्त्री भएपनि विरगंजमा चिडियाखाना स्थापना गरी ऐतिहासिक काम गरेको बताउँदै वीरगंजकाे विकासको निम्ती आफूलाई बिजय गराउँन मतदातासंग आग्रह गरे ।

कार्यक्रममा नेकपा एमाले केन्द्रिय सदस्य प्रभु हजरा, प्रदेश कमिटी सदस्य नवराज शर्मा, जसपा वीरगंज महानगर अध्यक्ष इशवर चन्द्र यादव लगायत जसपा-एमालेका स्थानिय नेता तथा मतदाताहरुको उल्लेखनिय सहभािगता रहेको थियो ।

लागू औषध गाँजासहित एक जना पक्राउ

0

वीरगंज । बारा प्रहरीले लागु औषध गाँजासहित एक जनालाई पक्राउ गरेकाे छ । इलाका प्रहरी कार्यालय निजगढबाट खटिएको प्रहरी टोलीले निजगढ नगरपालिकाकाे वडा नं. १२ कुलियाबाट साेही ठाउँ निवासी ५८ बर्षिय प्रेम बहादुर लाेलाई पक्राउ गरेकाे हाे । 

बिषेश सूचनाको आधारमा आइतबार राति ९ बजेको समयमा खटिएको प्रहरी टोलीलाई देख्नासाथ पक्राउ परेका लो समेत ३ जना व्यक्तिहरू समेतले बोकी आएको लागू औषध गाँजा सहितको बोरा फाली भाग्न खोज्दा निजहरू मध्येका प्रेम बहादुर लोलाई पक्राउ गरीएकाे प्रहरीले जनाएकाे छ ।

उनले बोकी आएको २ वटा बोरामा ७ किलोको दरले १४ किलो र एउटा बोरामा ११ किलो जम्मा २५ किलो ग्राम लागू औषध गाँजा बरामद गरी पक्राउ परेका लोलाई  बारा जिल्ला अदालतबाट लागू औषध मुद्दामा म्याद थप गरीएकाे जिल्ला प्रहरी कार्यालय बाराले जनाएकाे छ ।

साथै फरार रहेका २ जना व्यक्तिहरूको पहिचान गरी पक्राउ गर्ने लगायतको अनुसन्धान कार्य भइरहेको समेत प्रेस विज्ञप्ती मार्फत जिल्ला प्रहरी कार्यालय बाराले जनाएकाे छ ।

निर्वाचन जित्ने आधार मेरो क्षेत्रका मतदाता हुन् : उम्मेदवार सर्राफ

0

वीरगंज । पर्सा क्षेत्र नं. १ काे ‘२’ का प्रतिनिधिसभा सदस्यका उम्मेदवार ओमप्रकाश सर्राफले निर्वाचन जित्ने आधार मेरो क्षेत्रका मतदाता भएको बताएका छन् । सोमबार वीरगंज महानगरपालिका वडा नं. ११ श्रीपुर टोलस्थित घरदैलो कार्यक्रममा घर–घर जन–जनमा भेट गर्दै उम्मेदवार सर्राफले वीरगंजको विकास र पहिचानको लागि आफूलाई जिताउन मतदातासंग अपिल गरेका हुन् ।

हाम्राे नेपाली पार्टीका लाैराे चुनाव चिन्ह लिएर चुनाव लडेका सर्राफले वीरगंजको समग्र विकासको लागि एक पटक आफूलाई जिताउन मतदातासंग आग्रह गरेका थिए । मधेश प्रदेशका मुख्यमन्त्री लालबाबु राउत लडेको यस क्षेत्रबाट कडा प्रतिस्पर्धीको रुपमा रहेका सर्राफले कृषि आधुनिकीकरण, युवाहरुलाई सिप, तालिमसहितको स्वरोजगार लगायतका काम गर्न अवसर दिन मतदातासंग आग्रह गर्दै चुनाव प्रचार गरिरहेका छन् ।

यस क्षेत्रबाट जितेका मुख्यमन्त्रीले साइकल खरिद, स्वच्छता अभियान, पोखरी सौन्दर्यीकरण, सहिदको शालिक निर्माण लगायतमा कमिसनको लोभमा व्यापक भ्रष्टाचार गरेको आराेप लगाउँदै मतदातालाई आफ्नाे चुनाव चिन्ह लाैराे छापमा मतदान गरी आफुलाई विजयी बनाउन आग्रह गरेका हुन् ।