Date
मङ्ल, मंसिर १, २०८३
Tue, November 17, 2026
Home Blog Page 604

उम्मेदवार पटेलद्वारा कलैयाको विभिन्न वडाहरुमा घरदैलो

0

परवानीपुर । बारा क्षेत्र नम्वर ३ काे (२) का जनमत पार्टीका उम्मेदवार सन्तोष पटेलले बिहिबार कलैयाको विभिन्न वडाहरुमा घरदैलो गर्दै मतदातासँग भेटघाट गरेका छन् ।

उनले घरदैलोमा स्थानीय मतदाताले विगतमा परिक्षण भइसकेकाहरुबाट आफूहरुको क्षेत्र विकास हुन नसकेको भन्दै अब जनमत पार्टीलाई नै मतदान गरेर विजयी गराउने प्रतिबद्धता जनाएकाे वताए । घरदैलोमा पुगेका नेता पटेललाई मतदाताले फुलमाला लगाएर स्वागत गर्दै आफ्ना समस्याहरु पनि सुनाएका थिए ।

जवाफमा पटेलले आफूले यस क्षेत्रको विकास र यहाँका नागरिकको जनजीविकाका लागि दृढ संकल्प लिएर हिँडेको भन्दै आफूले गरेको प्रतिबद्धता पूरा गर्न निरन्तर लागि पर्ने बताए । अहिले देशले नै परिवर्तन खोजिरहेको भन्दै उनले त्यसका लागि जनमत पार्टीका उम्मेदवारलाई जिताएर पठाउनु आवश्यक रहेको बताए ।

उनले जनताले ठुला पार्टीहरुलाई धेरैचोटी अवसर दिएर दु:ख पाईसकेको हुनाले अब जनताकाे एक मात्र विश्वासिलो पार्टी जनमत पार्टी भएकोले आफनो जीत समपूर्ण जनताकाे जीत हुने बताए । घरदैलोमा स्वस्फूर्त रुपमा महिला, बृद्ध, युवा लगायतको उल्लेख्नीय उपस्थिती रहेको थियो । 

स्वतन्त्र पार्टीका पर्सा ३ का उम्मेदवार कडेलकाे २० बुंदे बाचा

0

वीरगंज । राष्ट्रिय स्वतन्त्र पार्टीका पर्सा निर्वाचन क्षेत्र नं. ३ का प्रतिनिधिसभा सदस्यका उम्मेदवार अशाेक कडेलले २० बुंदे बाचा पत्र सार्वजनिक गरेका छन् । उम्मेदवार कडेलले बिहिबार एक कार्यक्रमका बिच पार्टीकाे तर्फबाट बाचा पत्र सार्वजनिक गर्दै चुनाव चिन्ह घण्टी छापमा मतदान गरी विजयी बनाउन आग्रह गरेका हुन् । 

राष्ट्रिय स्वतन्त्र पार्टीको केन्द्रिय वाचापत्र बमोजिम यो देश र यहाँका नागरिकका हितमा काम गर्ने, पर्सा क्षेत्र नं. ३ का नागरिकका जन गुनासाहरू सुन्न र ती समस्याहरू समाधान गर्न तथा नागरिक र जनप्रतिनिधि बीचको सम्बन्ध सुमधुर बनाउन सबै पालिकामा संघीय संसदको सम्पर्क कार्यालय स्थापना गर्ने, हरेक वडामा एक बहुआयामिक कृषि प्रबर्द्धन केन्द्रको स्थापना गरि सोहि केन्द्रमार्फत उत्पादनमा आधारित सरकारी अनुदान प्रदान गर्ने, उत्पादन लागत घटाउन सहुलिएतपूर्ण ट्याक्टर, थ्रेसर लगाएत कृषि यन्त्र उपकरण उपलब्ध गराउने, मल, विउ विजन, समयमा उपलब्ध गराउने, उत्पादित वस्तुको बजारिकरणमा सहजिकरण गर्ने, सामूहिक र चक्लावन्दि खेती प्रणालीलाई प्रवर्द्धन गर्ने उनले जारी गरेकाे बाचा पत्रमा उल्लेख छ ।

सामुदायिक विद्यालयको शैक्षिक गुणस्तर सुधार गर्न स्मार्ट एडुकेशन सिस्टम अन्तर्गत शैक्षिक कार्यक्रमहरू सञ्चालन गर्ने, प्राविधिक र व्यवहारिक शिक्षामा जोड दिने, हरेक वर्ष एक पालिकाबाट उत्कृष्ट १० शिक्षकलाई क्षेत्रिय सम्मान सहित पुरस्कृत गरिने, एसईईमा ए प्लस ल्याएका विद्यार्थीलाई विशेष सम्मान प्रदान गर्ने, शैक्षिक ग्रेड औपत आएका विद्यार्थीलाई प्राविधिक शिक्षा अध्ययनको लागि शुल्क छुटको व्यवस्था गर्ने, एक वार्ड कम्तीमा एक अंग्रेजी ग्भरमेन्ट स्कुलकाे अवधारणालाई कार्यान्वयन गराई आधारभुत तहदेखि नै अंग्रेजी माध्यमको पठन पाठनको सुरुवात प्रविधिमैत्री शिक्षण सिकाईको व्यस्थापनसहित विद्यालयमा पढ्दै कमाउदै कार्यक्रम संचालन गर्न लगायतका बाचा उम्मेदवार कडेलले गरेका छन् ।

पर्सा ३ काे (१) मा मै चुनाव जित्छु : छाेटेलाल यादव

0

वीरगंज । पर्सा क्षेत्र नं. ३ काे (१) का प्रदेशसभा सदस्यका उम्मेदवार छाेटेलाल यादवले आफु नै चुनाव जित्ने दाबी गरेका छन् । चुनाव प्रचार प्रसारकाे क्रममा भेटिएकाे उम्मेदवार यादवले क्षेत्रमा आफ्नाे पक्षमा जनलहर रहेकाे वताए ।

बाम लाेकतान्त्रिक गठबन्धनकाे तर्फबाट नेकपा माओवादी केन्द्रकाे उम्मेदवार रहेका यादवले मतदाता भेटघाटकाे क्रममा आफ्नाे पक्षमा जनता उत्साहित देखिएकाे प्रतिक्रिया दिए । उनले संविधान रक्षा र कार्यन्वयकाे लागि बामलाेकतान्त्रिक गठबन्धनकाे जित आवश्यक रहेकाे वताए । 

उनले भने “प्रतिगमनकाे विराेधमा बनेकाे ५ दलिय गठबन्धन प्रति जनता उत्साहित छन्, यस पालिकाे निर्वाचनमा गठबन्धनका उम्मेदवारलाई मत दिएर विजयी गराउने प्रतिबद्धता जनाइरहेका छन् । त्यस कारण हामी पनि उत्साहित छाैं । हाम्राे जित निश्चित छ ।”

उम्मेदवार यादवले आफु पार्टीकाे एउटा सिपाही भएकाे नाताले पार्टी आफुलाई लडाएकाे क्षेत्रबाट चुनाव लडेकाे वताए । उनले आफ्नाे जित्ने आधार गठबन्धन र आफ्नाे पार्टीकाे एजेन्डा भएकाे वताए । 

ठगेराहरुकाे प्रलाेभन काम लाग्दैन् : रमेश कुर्मी

0

वीरगंज । पर्सा क्षेत्र नं. २ काे (२) का प्रदेशसभा सदस्यका उम्मेदवार रमेश कुर्मीले बाम गठबन्धन अहिले मुलुकको आवश्यकता भएकाे बताएका छन् । चुनावी प्रचार प्रसार अभियानकाे क्रममा संचारकर्मीहरुसंग कुरा गर्दै कुर्मीले प्रदेश एवं संघ सहित मुलुकमा बाम गठबन्धनको आवश्यकता रहेको बताए ।

यही मंसिर ४ गते हुने संघ तथा प्रदेशसभा सदस्य निर्वाचनमा मुलुक भरि नै बाम गठबन्धन विजयी भइरहेको दाबी गर्दै मुलुकलाई हाक्नका लागि बाम गठबन्धनको विकल्प नरहेको बताए । उनले आफ्नो क्षेत्रमा आफू अत्याधिक मतका साथ विजयी भइरहेको दाबी गरे । उनले भने ‘जनताले बुझि सक्या छ, मुलुकमा बाम गठबन्धनको आवश्यकता छ र बाम गठबन्धनलाई नै जिताउँछौ’ भन्ने जनताहरुको प्रतिबद्धताबाट आफू सन्तुष्ट रहेको बताए ।

गत निर्वाचनमा आफू यही क्षेत्रबाट निर्वाचित भएर जनतामा गरेको लगानीको प्रतिफल अहिले प्राप्त भइरहेको भन्दै कुर्मीले भने ‘जनतामा मैले जुन लगानी गरेको छु, जुन विकास गरेको छु, त्यसको प्रतिफल अहिले आफूले पाइरहेको छु’ र पुनः यस पटकको निर्वाचनमा विजयी भए अझ विकास गर्ने जनताले लिएको आशा पनि पुरा गर्ने प्रतिबद्धता व्यक्त गरे । प्रत्येक क्षेत्रका जनता आफूलाई निर्धक्क भएर सहयोग गरि रहेको उनको भनाई थियाे ।

संविधान निर्माणको क्रममा आफू पनि संविधान सभा सदस्य रहेको बखत मधेशका केही खास खास बुंदाहरु राखिएको छ, जसलाई परिमार्जन गर्न आवश्यक छ, र त्यसप्रति आफू लगायत आफ्नो पार्टी लागि परेको बताए । मुलुकको साझा दस्तावेज भनेकै संविधान हो, र त्यसमा हामी सबै अट्ने गरि नीति तथा दस्तावेज हुनुपर्ने हाम्रो माग थियो तर केही मागहरु अझै पनि पुरा हुन सकेको छैन, त्यसलाई पुरा गर्ने तर्फ आफ्नो पार्टी लागि परेको बताए ।

मधेशलाई भजाएर सत्तामा जाने काम आफू लगायत आफ्नो पार्टीले कहिले पनि नगरेको भन्दै जनतालाई ठग्ने, जनतामाथि भार थुपार्ने काम आफ्नो राष्ट्रिय नेता महन्थ ठाकुरले कहिले नगरेकोले आफ्नो राष्ट्रिय नेतामाथि गर्भ गर्ने अवस्था रहेको बताए । आफ्नो क्षेत्रको हकमा आफ्नो कसैसँग लडाई नै नरहेको भन्दै उत्साह पूर्वक जनताहरुले आफूलाई अत्याधिक मतका साथ विजयी गराउनेमा आफू विश्वस्त रहेको बताए ।

जनताहरुले बुझि सक्या छन्, ठगेराहरुको प्रलोभनमा परे पुनः ठगिने छ, त्यसैले दुई वटा ठगेराबाट बाँचे नेपाल नै बन्ने उनको भनाई छ । जसको राजीतिक पृष्ठभूमि नै छैन, त्यस्तोबाट विकासको के आश गर्ने भन्दै कुर्मीले यस पटकको निर्वाचनमा जनताहरुले आफूलाई अत्याधिक बहुमतका साथ विजयी गराई इतिहास कायम गर्ने बताए ।

निर्वाचन नजिकिएसँगै मतदातालाई धम्की दिने, पैसाको प्रलोभन दिने, जागिरको प्रलोभन दिने जस्ता कामहरु भइरहेको छ, यो संघीय लोकतान्त्रिक गणतन्त्रमाथिको खतरा हो, यसलाई हामी सबैले रोक्नुपर्छ भन्दै उदाहारणको लागि महानगरपालिका अहिले म्यादी प्रहरी झै भर्नाको केन्द्र विन्दु बनेको आरोप लगाए ।

उनले भने ‘निर्वाचनमा केही युवाहरुलाई प्रयोग गर्नका लागि भगवानको प्रसाद जस्तै जागिर बाँटी रहेको अवस्था छ, युवाहरुलाई केही दिनको लागि राजनीति नियुक्ति गरि भविष्य अन्यौलमा पार्ने काम भइरहेको छ, यो सरासर गलत हो, यसलाई तत्काल रोक्नुपर्ने उनको भनाई छ ।

आज प्रत्येक वडाको विकासे बजेट कटौती गरिएको छ, किन भने निर्वाचना दुई चार सय युवाहरुलाई प्रयोग गरि दुई चार पैसाको प्रलोभन देखाई भोट डाइभर्ट गराउने योजना सहित महानगरपालिका भर्ती केन्द्र बनाइएको बताए । गठबन्धनको पालना नगर्ने व्यक्ति आफ्नो व्यक्ति स्वार्थमा चुर्लुम्म डुबेको भन्दै आफू मेयर बन्दैमा भतिजलाई सांसद, पत्निीलाई उपमेयर बनाउने चलनलाई कडा रुपमा विरोध हुनुपर्छ र यो रवैया तत्काल रोकिनुपर्ने उनको भर्नाइ छ ।

सेवाको मौका दिए, शिर ठाडो हुने गरि काम गर्छु : उम्मेदवार सर्राफ

0

वीरगंज । पर्सा क्षेत्र नं. १ को (२) का प्रदेशसभा सदस्यका उम्मेदवार ‘लौरो’ अभियन्ता ओमप्रकाश सर्राफले सौन्दर्यीकरणको नाममा धर्म, सँस्कृत्तिमाथि प्रहार भएको आरोप लगाएका छन् । चुनावी प्रचार अभियान अन्तर्गत वीरगंज महानगरपालका वडा नं. १६ मा आयोजित सभालाई सम्बोधन गर्दै उम्मेदवार सर्राफले वीरगंजको नगवा पोखरी मात्रै हाइन, मधेश प्रदेशकै पोखरीहरुलाई सौन्दर्यीकरणको नाममा हाम्रो धर्ममाथि प्रहार भएको आरोप लगाए ।

पोखरीको मौलिकता हुन्छ, त्यो अहिले हराएको छ, ठूलठूला पोखरी साँघुरिएको छ, अलपत्र अवस्थामा छ, यसप्रति पनि हाम्रो ध्यान जान आवश्यक रहेको भन्दै त्यस्ता अलपत्र पोखरीहरु अहिले लागु औषध दुव्र्यसनीको केन्द्रविन्दु बनेको छ, यस्तो अवस्था सृजना गर्नेहरुसँग बचेर आफ्नो अमूल्य मतदान गर्न आग्रह गरे ।

पर्साको क्षेत्र नंं. १ (२) मा ३ जना उम्मेदवार छन्, जसमा एकजना आफू रहेको भन्दै बाँकी दुईजना उम्मेदवार छन्, उनीहरुको चरित्र, लगानी हेर्नु अनि मूल्याँकन गर्नु, यदि म योग्य छु भने मलाई चुन्नुस्, एक पटक सेवाको मौका दिनुस्, शिर ठाडो हुने गरि काम गरेर देखाउने प्रतिबद्धता जनाए ।

उनले भने ‘देशले नै मलाई मूल्याँकन गरेको छ । ‘हिरा अफ मधेश’ बाट मलाई सम्मानित गरिएको छ, त्यो मेरो लागि मात्रै होइन, सम्पूर्ण मधेशको गर्वान्वितको कुरा हो’, देशले मलाई सम्मान गरेको छ तर अब यहाँका सर्वसाधारणहरुले आशिर्वाद दिनुपर्ने बेला आएको भने । ‘अब मलाई यहाँका नागरिकहरुले मूल्याँकन गर्नु पर्ने बेला आएको छ, विश्वास दिलाउन चाहन्छ, कि कहिलेपनि शिर झुक्ने काम गर्दैन’ ।

जुन किसिमको मुख्यमन्त्रीको अवस्था आएको छ, त्यो अवस्था आयो भने आफू आत्महत्या गर्ने तर यस्तो अवस्था आउन नदिने विश्वास व्यक्त गरे । देशमा परिवर्तनको लहर जागेको छ, एक पटक आफूलाई मौका दिनुपर्ने भन्दै परिवर्तनको नमुना यही क्षेत्रबाट शुरुवात गर्ने भन्दै सर्राफले यस क्षेत्रको विकासको लागि आफूसँग ठोस योजना रहेको दाबी गरे ।

हामीलाई सधैं भोट बैंकको रुपमा प्रयोग गरिएको छ, मात्रै निर्वाचनको बखत आउने, भोट माग्ने, त्यसपछि ५ वर्ष मुख पनि नदेखाउने नेताहरुसँग समेत हुनुपर्ने बेला आएको बताए । वीरगंजको लागि मात्रै नभई पुरै मधेशको लागि आफूसँग एक एक योजना रहेको दाबी गर्दै उम्मेदवार सर्राफले शिक्षा, स्वास्थ्य, कृषि तथा रोजगारीमा कसरी सुधार ल्याउन सकिन्छ भन्नेबारे आफूसँग ठोस् योजना रहेको बताए ।

यहाँ सर्वसाधारण गरिब, निमुखा परिवारको स्वास्थ्यसँग पनि खेलवाड गरिएको छ, गरिबहरुले सेवा पाउने नारायणी अस्पतालमा राजनीतिकरण भएको छ, यसको सुधार हुनुपर्छ, आफू पदमा नहुँदा सुधारको लागि ५ वर्षसम्म संघर्ष गरेको उदाहारण स्मरण गराउँदै सर्राफले आफू विजयी भए प्राइभेट अस्पतालबाट सरकारी अस्पतालमा सेवा लिन आउनेहरुको संख्या बढ्ने गरि सुधार गर्ने दाबी गरे ।

उनले शिक्षाको अवस्था पनि दयनीय छ, गरिब परिववारका छोराछोरीहरु पैसा अभावमा अध्ययन गर्न पाएका छैनन्, त्यस्ताको अवस्थालाई मध्यनजर गर्दै सम्पूर्ण सरकारी विद्यालयको स्तरोन्नति गरि प्राइभेट स्कुल छाडेर सरकारीमा बालबालिकाहरु भर्ना गर्न लाइन लाग्नुपर्ने अवस्था ल्याउने दाबी गरे ।

विगत लामो समयदेखि अलपत्र रहेको नगवा कृषि बजारलाई पनि निर्माण गर्ने प्रतिबद्धता जनाए । यस क्षेत्रमा दाह सँस्कार गर्नका लागि पनि व्यवस्थित ठाउँ छैन, त्यो सबैभन्दा पहलो योजना रहेको बताए ।

एक वर्ष भित्र यस क्षेत्रका महिलाहरुलाई साक्षर बनाउने आफूसँग ठोस् योजना रहेको भन्दै युवाहरुको लागि प्राविधिक शिक्षा तथा सिपमुलक तालिमको निःशुल्क व्यवस्था गर्ने बताए । आफू पदमा नभएको बखत नगवा स्कुलमा कम्प्युटर ल्याब स्थापना गर्न आफूले पहल गरेकोस्मरण गराउँदै यस क्षेत्रबाट विजयी भए सम्पूर्ण विद्यालयमा प्राविधिक शिक्षा लागु गर्ने दाबी गरे ।

आफ्नो क्षेत्रमा पर्ने ९ वटा वडाका युवाहरुलाई प्रत्येक वर्ष १ हजारको दरले ५ वर्षमा ५ हजार बेरोजगार युवाहरुलाई निःशुल्क सिपमुलक तालिम दिइनेछ भन्दै लागुऔषध दुव्र्यसनीमा फसेका युवाहरुलाई उपचार गर्नुका साथै सुधार गरि सिप सिकाई आत्मनिर्भर गराउने जस्ता सोच र भिजनको साथ अगाडि बढेको सर्राफको दाबी छ ।

दिन प्रतिदिन बढ्दै गएको प्राविधिक युगलाई मध्यनजर गर्दै डिजिटल प्लेटफर्मको निर्माण गर्ने आफ्नो लक्ष्य रहेको बताए । उनले डिजिटर टेक्नलोजीको माध्यमबाट युवाहरुलाई जोड्ने आफ्नो योजना रहेको भन्दै स्वदेशमा उत्पादन गरिएको सामान विदेशमा कसरी पु¥याउन सकिन्छ, आफ्नो व्यापार बसी बसी देश विदेशसम्म कसरी पु¥याउनका लागि पनि आफूले कार्य गरि रहेको बताए । अन्य उम्मेदवारसँग पैसा छ, तर आफूसँग एजेण्डा, योजना, संघर्ष छ, अब तपाईहरुले मूल्याँकन गर्नुस् र आफूलाई एक पटकको लागि आफ्नो अमूल्य मत दिनुस् भन्दै आग्रह गरे ।

कार्यक्रममा ‘लौरो’ कि समानुपातिक उम्मेदवार गुड्डी जोशी, ग्रीन सिटि सामुदायिक सेवा केन्द्र आदर्श नगरका अध्यक्ष प्रकाश खेतान, स्थानीय अगुवा वीरबहादुर चौरसिया लगायत हजारौं सर्वसाधारणको सहभागिता रहेको थियो ।

वीरगंजलाई शैक्षिक हव बनाउन अवाज उठाउँछु : प्रदीप यादव

0

वीरगंज । पर्सा निर्वाचन क्षेत्र नम्बर १ बाट प्रतिनिधिसभा सदस्य पदका उम्मेदवार प्रदीप यादवले शिक्षा क्षेत्रमा सुधार गर्दै पर्सावासीलाई समृद्धि तर्फ अगाडी बढाउनु आफ्नो प्रमुख एजेण्डा भएको बताएका छन् ।

बिहिबार वीरगंज महानगरपालिकाको वडा नम्बर १८ को सौराह र वडा नम्बर २० को अपौनीमा घरदैलो गर्दै जसपा-एमाले गठबन्धनका साझा उम्मेदवार यादवले विकास र समृद्धिको सबैभन्दा महत्वपूर्ण कडी शिक्षा भएको बताउँदै यस क्षेत्रको सुधार आफ्नो प्रमुख एजेण्डा भएको बताए ।

वर्तमान शैक्षिक प्रणालीमा सुधार गर्न आजको आवश्यकता भएको बताउँदै यादवले भने, ‘शिक्षामा लगानी वृद्धि गर्दै शैक्षिक प्रणालीको सुदृढीकरणक, प्राविधिक शिक्षामा जोड र वीरगंजमा प्राविधिक शैक्षिक संस्थाको स्थापना र कृषि तथा ईन्जिनियरिङ्ग कलेजको स्थापनाका लागि पहल गर्छु ।’

संसदका रुपमा निर्वाचित भए पश्चात वीरगंजलाई शिक्षाको हवका रुपमा विकास गर्न राष्ट्रिय र अन्तराष्ट्रिय लगानी भित्र्याउने वातावरण सृजना गर्नका निमित्त सदन मार्फत आवाज उठाउन उनले प्रतिवद्धता व्यक्त गरे । ‘छिमेकी मुलकहरु भारत, बङ्गलादेश, चिन आज शिक्षाको हवका रुपमा चिनिन्छन् तर नेपालले त्यस्तो गर्न सकेको छैन । वीरगंजलाई शिक्षाको हवका रुपमा विकास गर्न म पहल गर्छु । जसले यहाँ लगानी त भित्रिन्छ नै, यहाँका स्थानीयहरुका लागि अन्य अवसरहरु पनि सृजना हुन्छन्,’ पूर्वमन्त्री समेत रहेका यादवले भने ।

त्यसैगरी यादवले सामुदायिक विद्यालयको शैक्षिक गुणस्तर वृद्धि गर्न शिक्षक दरवन्दी व्यवस्थापन तथा आवश्यक भौतिक संरचना निर्माणका लागि पनि आफूले पहल गर्ने प्रतिबद्धता व्यक्त गरे । उनले शैक्षिक क्षेत्रमा हुने बन्द हड्ताल र अवाञ्छित गतिविधिलाई निरुत्साहित पार्दै शैक्षिक क्षेत्रको विकृति र भ्रष्टचारलाई निर्मुल पार्न पनि आफूले काम गर्ने बताए ।

कार्यक्रममा पर्सा निर्वाचन क्षेत्र नम्बर १ (क) बाट प्रदेशसभा सदस्य पदका उम्मेदवार विचारी प्रसाद यादव लगायत जसपा र एमालेका नेताहरुको उल्लेख्य संख्यामा सहभागिता रहेको थियो । घरदैलोका क्रममा यादवका समर्थकहरुले प्रदीप यादव जिन्दावाद, छाता छाप जिन्दावाद, छाता छापमा मतदान गरौँ जस्ता नारा पनि लगाएका थिए ।

सिमानाकाका दुई देशका प्रहरी बीच छलफल

0

वीरगंज । आसन्न प्रतिनिधिसभा र प्रदेशसभाको निर्वाचनमा सिमानाकाकाे सुरक्षा व्यवस्थाकाे बिषयमा दुई देशका सिमा प्रहरी बिच बिहिबार वीरगंज छलफल तथा समन्वय बैठक सम्पन्न भएकाे छ ।

वडा प्रहरी कार्यालय विर्ता अन्तर्गतका वीरगंज महानगरको मुख्य सिमा प्रहरी कार्यालयहरु र भारत विहार राज्य, रक्सौल सिमाका प्रहरी कार्यालयका प्रतिनिधिहरुविच छलफल तथा परिचय कार्यक्रम सम्पन्न भएकाे वडा प्रहरी कार्यालय विर्ताका प्रहरी निरिक्षक विशाल मल्लले वताए ।

वडा प्रहरी कार्यालय विर्तामा भएकाे बैठकमा सिमानाकाहरुको सुरक्षा लगायत दुवै देशका प्रहरीहरुबीच सहयोग आदान-प्रदान र सिमा अपराध नियन्त्रण गर्ने विषयमा छलफल भएकाे प्रहरी निरिक्षक मल्लले जानकारी दिए ।

उक्त छलफलमा प्रहरी निरीक्षक मल्लको नेतृत्वमा मातहतका सिमा प्रहरी चौकी नगवा, इनर्वा, छपकैया, सिर्सिया, इनर्वागाँउ र भारत विहार राज्य, रक्सौल प्रहरी कार्यालयका तर्फबाट सब डिभिजन पाेलिस अफिसर रक्साैलका (एएसपि) श्रीचन्द्र प्रकाश (आइपिएस) को नेतृत्वमा रक्सौल, अदापुर, महुवा, हरपुर, भेलही र हरैया थानाका थाना प्रभारीहरुको सहभागिता रहेको थियाे ।

प्रदेशसभा पर्सा क्षेत्र नं. २ काे २ मा रमेश कुर्मीकाे जनसमर्थन बढदै

0

वीरगंज ।  वीरगंज महानगरपालिकाकाे वडा नम्बर ३ मा लोकतान्त्रिक समाजवादी पार्टी (लोसपा) को पार्टी प्रवेश कार्यक्रम सम्पन्न भएको छ । लोसपा वीरगंज महानगर अध्यक्ष शेख फिरोजको अध्यक्षतामा पार्टी प्रवेश कार्यक्रम सम्पन्न भएको हो । 

नेकपा एमाले वडा इकाइ कमिटीका अध्यक्ष सम्सेरिन मंसुरीको नेतृत्वमा ५० जना लोसपामा प्रवेश गरेका छन् । नवप्रवेशीहरुलाई अविर र माला लगाउँदै पर्साको क्षेत्र नम्बर २ (ख) बाट प्रदेश सभा सदस्यका उम्मेदवार रमेश प्रसाद कुर्मीले स्वागत गरेका थिए । 

पार्टीमा स्वागत गर्दै कुर्मीले समयमै सही दिशामा आएको भन्दै सह्राना गरे । कार्यक्रमका प्रमुख अतिथीसमेत रहेका कुर्मीले लोसपा नै मधेशी समुदायको साझा पार्टी भएको जिकिर गरे । सिमान्तकृत समुदायका आवाजहरुको प्रतिनिधित्व लोसपाले नै गर्ने बताउँदै उनले अबको निर्वाचनमा लोसपाले राम्रो स्थान पाउने दावी गरे । 

लोसपाप्रति जनताको विश्वास रहेको बताउँदै उनले पुनः सत्ता गठबन्धनकै सरकार बन्ने बताए । प्रदेशसभा सदस्य हुँदा आफुले आफ्नो क्षेत्रमा गरेका कामकै मुल्यांकन गरेर पुनः आफुलाई मत दिन पनि उनले आग्रह गरेका छन् । 

सो अवसरमा लोसपाका नेता एवम् कार्यकर्ताहरुको उपस्थिती रहेको थियो । 

एमाले-जसपा गठबन्धनकाे जित निश्चित छ : सिंगासन साह

0

वीरगंज । पर्साकाे छिपहरमाई गाउँपालिका वडा नं.  २ टिहुकीमा एमाले-जसपा गठबन्धनकाे चुनावी सभा सम्पन्न भएकाे छ । विरेन्द्र महताे केवटकाे अध्यक्षतामा भएकाे काेण सभामा बाेल्ने वक्ताहरुले मंसिर ४ गतेकाे निर्वाचनमा एमाले-जसपा गठबन्धनका उम्मेदवारहरुलाई विजयी बनाउनु पर्नेमा जाेड दिएका हुन् । 

चुनावी सभालाई सम्बाेन गर्दै पर्सा क्षेत्र नं.  ४ काे २ का प्रदेशसभाका उम्मेदवार सिंगासन साह कलवारले गठबन्धनका प्रतिनिधिसभा सदस्यका उम्मेदवारलाई सूर्य र प्रदेशसभा सदस्यका उम्मेदवारलाई छाता छापमा मतदान गरी बिजयी बनाउन मतदातासंग आग्रह गरे । उनले अहिले मुलुककाे अवश्यकता एमाले-जसपा गठबन्धन भएकाेले गठबन्धनका उम्मेदवार विजयी बनाउनु पर्ने धारणा राखे ।

उम्मेदवार कलवारले आफ्नाे कार्यकालमा क्षेत्रकाे बिकासकाे थुप्रै भाैतिक निर्माणकाे काम गरेकाे वताउँदै त्यसकाे मूल्यांकलन गरेर भएपनि पुन: आफुलाई विजयी बनाउनु पर्ने मतदातासंग आग्रह गरे । उनले अब पुन; आफुलाई निर्वाचित गराए बाकी रहेकाे पूर्वधार विकासकाे साथै शिक्षा, स्वास्थ्य, कृषि र युवा राेजगारकाे काम गर्न प्रतिवद्धता जनाए ।  उनले एमाले-जसपा गठबन्धनकाे जित निश्चित रहेकाे दाबी समेत गरे । 

पर्सा क्षेत्र नं. ४ काे प्रतिनिधिसभा सदस्यका उम्मेदवार जालिम मियाँकाे प्रमुख आतिथ्यतामा भएकाे कार्यक्रममा एमालेका मधेश प्रदेश कमिटी सदस्य बलिराम साह, हरिन्द्र हाजारा लगायतले मन्तव्य राखेका थिए भने कार्यक्रमकाे संचालन जसपाका सचिन सिंहले गरेका थिए ।
 
यसैगरी पर्सा क्षेत्र नं. ४ कै धाेबिनी गाउँपालिकाकाे वडा नं. २ असवारीमा पनि बुधबार रात्रि सभा सम्पन्न भएकाे सिंहले जानकारी दिए ।

पर्सा जिल्ला समृद्धि बनाउने मेरो प्रमुख एजेन्डा हो : प्रदीप यादव

0

वीरगंज । पर्सा क्षेत्र नम्बर १ का प्रतिनिधीसभा सदस्य उम्मेदवार प्रदीप यादवले आफनो मात्र नभइ आफना सन्तति र भविष्यका पुस्ताका लागि सहि उम्मेदवार चुन्न मतदातालाई आह्वान गरेका छन् ।

वीरगंज महानगरपालिका वडा नम्बर ३२ मा बुधबार आयोजित चुनावीसभालाई सम्बोधन गर्दै जसपा–एमाले गठबन्नधका उम्मेदवार यादवले भने, ‘तपाइको एउटा मत गलत व्याक्तिलाई जादा तपाइले मात्रै होइन तपाइका सन्तति पनि दु:ख पाउँछन्, त्यसका कारण सहि उम्मेदवारलाई चुन्नु होला ।’

उनी आफु जसपा–एमाले गठबन्धनको साझा उम्मेदवार भएको बताउँदै भने, ‘प्रदीप यादवको जित जसपा र एमाले दुवैको जित हो, प्रदेशसभा सदस्यमा विचारी यादवको जित पनि दुवै पार्टीका कार्यकर्ताको जित हो ।’

पर्सा-१ मा यसअघि चुनाव जितेर सांसद बनेकाहरुले यो क्षेत्रको विकास र जनताका लागि ठोस र नमूना काम केहि पनि नगरेको दृष्टान्त दिँदै यादवले भने, ‘२०७४ को चुनावमा तपाई जनताकै आशीवार्दले मैले चुनाव जिते, तपाईको जनप्रतिनिधी प्रदीप यादवले जनताको शीर कहिल्यै पनि झुक्न दिएन र आगमी दिनमा पनि झुक्न दिने छैन ।’

तर २०७४ भन्दा पहिले यस क्षेत्रमा जितेका सांसदहरुले के गरे ? सांसदको पाँच वर्षे कार्यकाल कसरी बिताए ? यो सब जनतालाई थाहा नै भएको उनले बताए । यादवले भने, ‘यो क्षेत्रबाट जितेका नेता प्रधानमन्त्री पनि भए, तर उनले के गरे ? एक टिप ग्राभेल पनि यो क्षेत्रको सडकमा खसाएनन्, जितेर गएपछि यो क्षेत्र त के पर्सा जिल्लामै एकपटक पनि फर्किएर आएनन् ।’

यसअघि २०६४ मा सांसदमा जितेका अजय द्विवेदी अहिले फेरि चुनाव लडेको र जनताका माझ भोट माग्न आइरहेको भन्दै यादवले भने, ‘अजय जी अहिले जनताका माझ भोट माग्न आइरहनु भएको छ, अब जनताले अजय जीलाई सोध्नु होला सांसद जितेका बेला यो क्षेत्रमा पाँच वर्षमा के गर्नुभयो ?’

काँग्रेसले टिकट नदिएपछि स्वतन्त्र उम्मेदवारी दिएका द्विवेदीले आफूलाई काँग्रेसले अन्याय र विभेद गरेको भन्दा अचम्म लाग्ने गरेको यादवले बताए । यादवले भने, ‘हुन त यो काँग्रेसको आन्तरिक मामीला हो, तर द्विवेदीले भ्रम छर्दै हिडेपछि मैले पनि केहि बोल्नु पर्छ नै । बहुदल पछिका चार चुनावमा काँग्रेसले द्विवेदीलाई विभिन्न पदमा टिकट दिएर चुनाव लडायो, २०५१ मा उपमेयर बने, २०६४ मा सांसद बने, २०७० मा सांसदकाे टिकट पाएर हारे, २०७४ मा मेयरको टिकट पाएर हारे, अब तपाई नै भन्नुस् उनि कसरी विभेदमा परे ? यसको जवाफ हुन त काँग्रेस नेता कार्यकर्ताले दिने नै छन् ।

द्विवेदीले सांसदमा जित्दा आफनो क्षेत्रमा सडक बनाउने नाममा माटो र ग्राभेल छरेर झारा टार्ने काम मात्रै भएको यादवले बताए । यादवले भने, ‘तर मैले पाँच वर्षको कार्यकालमा द्विवेदीको जस्तो माटो र ग्राभेल छरेर बजेट पचाउने काम कहिँ गरेको छैन, मैले जहाँजहाँ सडक र नाला बनाएको छु, ती सबै पक्की छन्, कालोपत्रे गरिएका छन्, मेरो कार्यकालमा बनेका सडक र नाला कम्तिमा ५० वर्ष टिक्नेछन्, मैले हरेक वडामा विकास गरेको छु ।’

तीन महिनाका लागि मात्रै मन्त्री बन्दा आफुले ५० वटा भन्दा बढि निर्णयहरु गरेको भन्दै यादवले भने, ‘मन्त्री बने लगत्तै पहिलो निर्णय वीरगंजमा चिडियाखाना स्थापनाको थियो, जुन चिडियाखानाको महत्व अहिले होइन २ वर्ष पछि बनेपछि मात्रै थाहा हुनेछ, यसैका कारण वीरगंजमा आन्तरिक मात्रै नभइ विदेशी पर्यटकहरुको ओइरो लाग्नेछ ।’

चुनावी सभालाई पर्सा १ (क) का प्रदेशसभा सदस्य उम्मेदवार विचारी यादवले पनि सम्बोधन गरेका थिए ।