Date
मङ्ल, मंसिर १, २०८३
Tue, November 17, 2026
Home Blog Page 603

नेकपा एस प्रदेशसभा पर्सा क्षेत्र नं. १ (१) काे बैठक सम्पन्न

0

बीरगंज । नेकपा (एकिकृत समाजबादी) प्रदेशसभा पर्सा निर्वाचन क्षेत्र नं १ (१) काे बैठक शनिवार सम्पन्न भएको छ । वीरगंज महानगरपालिकाको वडा नं. १४ बहुअरीमा भएकाे बैठकमा वाेल्दै पार्टीका केन्द्रिय सचिव नागेन्द्र चौधरीले बाम लोकतान्त्रिक गठवन्धनको उमेदवारहरुलाई जिताउन पार्टीका नेता कार्यकर्ताहरुलाई निर्देशन दिए ।  

क्षेत्रिय संयोजक अनिल पटेलको अध्यक्षता र सचिव चाैधरीकाे प्रमुख आतिथ्यतामा भएकाे बैठकमा समानुपतिक मत आम जनतासँग चुनाव चिन्ह कलम छापका लागि माग्न गाउँ गाउँ टोल टोलमा पार्टीका नेता कार्यकर्तालाई लाग्ने बिषयमा नेताहरुले आ आफ्नो धारण राखेका थिए ।

बैठकमा पार्टीका पाेलिट व्युराे सदस्य एवम् जिल्ला इन्चार्ज रामचन्द्र साह, पाेलिट ब्युराे सदस्य एवम् वीरगंज महानगर इन्चार्ज चिरञ्जीवी आचार्य, जिल्ला अध्यक्ष बालगोपाल थापा, वीरगंज महानगर अध्यक्ष मनोज चौधरी, उपाध्यक्ष मंजूर आलम, सचिव वृजलाल पासवान लगायतले मन्तव्य राखेका थिए ।

बैठकमा संयोजक अनिल पटेलले बाम गठवन्धनको उमेदवार रहवर अन्सारी र प्रतिनीधि सभाको उम्मेदवारलाई मतदान गर्न आग्रह गरेका थिए । उनले गठवन्धनबाट चुनाव लडेका नेताहरुले केही समन्यव नगरेको काम गर्न असहज भइरहेको समेत गुनासाे गरेका थिए ।

बैठकमा मधेस प्रदेश कमिटी सदस्य मनोज शर्मा, बृजलाल यादव, जिला सचिवालय सदस्य द्वारिका श्रीवास्तव, आकाश पटेल, राज महमद मदन कुर्मी , युवा संघ नेपाल पर्साका अध्यक्ष श्रीलाल कुशवाहा, पावन पटेल, सन्दिप पटेल लगायतको उपस्थिती रहेको थियो ।

बैठकको संचालन प्रहालद कोइरालाले संचालन गरेकाे बैठकमा बाम लोकतान्त्रिक गठबन्धनका प्रदेशसभा पर्सा क्षेत्र नं. १ काे १ का उम्मेदवार रहवर अंसारीकाे पनि उपस्थिती रहेकाे थियाे ।

वीरगंज-पथलैया क्षेत्रलाई औद्योगिक करिडोर घोषणा गराउन पहल गर्छु : प्रदीप यादव

0

वीरगंज । जसपा-एमाले गठबन्धनबाट पर्साको क्षेत्र नम्बर १ का प्रतिनिधिसभा सदस्यका उम्मेदवार प्रदीप यादवले लामो समयदेखि औद्योगिक राजधानी र वीरगंज-पथलैया क्षेत्रलाई औद्योगिक करिडोरको मान्यता दिलाउने बताएका छन् ।

शनिबार वीरगंज-२१ स्थित ताजपुरमा घरदैलोकाे क्रममा मतदाताहरुलाई आफ्नो एजेण्डा सुनाउँदै पूर्वमन्त्रीसमेत रहेका यादवले वीरगंज-पथलैया क्षेत्रलाई औद्योगिक करिडोरको मान्यता दिलाउनुका साथै वीरगंजलाई औद्योगिक राजधानी घोषणा गर्न आफूले पहल गर्ने बताए ।

स्थानीय मतदातासँगको भेटघाट पश्चात आयोजित अनौपचारिक कार्यक्रमका क्रममा यादवले नेपालको सबैभन्दा महत्वपूर्ण उद्योग भएको क्षेत्र औद्योगिक करिडोर घोषणा नहुनु दुर्भाग्यपूर्ण भएको बताउँदै यादवले भने, ‘सबैले वीरगंजलाई आर्थिक राजधानी बनाउने, वीरगंज-पथलैया क्षेत्रलाई उद्योगीक करिडोर घोषणा गराउँछु भनेर जान्छन तर काम कसैलेपनि गर्दैन । तर, यसपटक म सांसदका रुपमा निर्वाचित भएर गए पाँच वर्षभित्रमा जसरी पनि यसको क्षेत्रलाई औद्योगिक करिडोरको मान्यता दिलाउँछु ।’

यस क्षेत्रलाई उद्योगीकहरुले वर्षौदेखि औद्योगिक करिडोरको माग गर्दै आएका छन् ।

त्यस्तै यादवले यस औद्योगिक क्षेत्रमा रहेका उद्योगी र व्यवसायीले भोगिरहेको सुरक्षा चुनौतिको विषयलाई पनि आफूले जोडदार तरिकाले उठाउने प्रतिबद्धता व्यक्त गर्दै भने, ‘यहाँका उद्योगहरु सुरक्षित छैनन्, राज्यले प्रदान गर्ने सुरक्षा संयन्त्र अपुग छ । अब त्यस्तो हुँदैन । उद्योगीकहरुको सुरक्षाका लागि म पहल गर्छु । पर्यो भने सदन मात्र होइन सडकमा पनि आएर देखाउँछु ।’

घरदैलो कार्यक्रममा नेकपा-एमालेको तर्फबाट पर्सा निर्वाचन क्षेत्र नम्बर १ (क) मा प्रदेशसभा सदस्य पदका उम्मेदवार विचारी प्रसाद यादव, जसपा तथा एमालेका कार्यकर्ताहरुको पनि सहभागिता रहेको थियो ।

जितकाे सुनिश्चितता देखेर विपक्षिहरु आतिए : सिंगासन सा

0

वीरगंज । बिकास नै मेरो जितको एक मात्र सुत्र रहेको नेता सिंगासन सा. कलवारले बताएका छन् । निर्वाचन निकिदै जादा प्रचार प्रसार एवं घरदौलो कार्यक्रम तिव्र पारेका नेता कलवारले आफुले क्षेत्रमा बिकासको बाढी ल्याई दिएको कारण जनता आफ्नो पक्षमा रहेको दावी गरेका छन् ।

पर्साको छिपहरमाई गाउँपालिका वडा नं. ४ बन्जारीमा आयोजित रात्रि कोणसभाप सम्बाेधन गर्दै नेता कलवारले आफ्नो जित सुश्निचित भएको देखेपछि बिपक्षीहरु आतिएको तथा बिभिन्न हतकण्डाहरु अपनाई रहेको आरोप लगाए ।

जनतासँग भोट माग्न जाँदा जनता विकास हरेर निकै प्रभावित रहेको कारण यसपालीको निर्वाचनमा कुनै बंशवाद, रुपैयावाद लौवडा नाच, दारुमासले काम नगर्ने नेता कलवारले दावी गरे ।

एमाले-जसपा गठबन्धनबाट पर्साको निर्वाचन क्षेत्र नं. ४ को (२) का प्रदेशसभा सदस्यका उम्मेदवार रहेका नेता कलवारले यसपट क्षेत्र नं. ४ मा प्रतिनिधि सभा सहित प्रदेश सभा सदस्यको दुवै पद जसपा– एमाले गठबन्धनले जितने ठोकुवा गरे ।

कलवारले आफ्नो कार्यकालमै क्षेत्र नं. ४ को २ लाई सदमुकामसँग सडक बाटो जोडेको तथा भारत भएर बीरगंज पुग्ने समस्याको अन्त गरेको बताए । इलाकाको सबै नदीहरुमा पुग बनेको तथा सडक सञ्जालले क्षेत्रको हरके गाउँलाई जोडेने काम गरेको दावी गर्दै नेता कलवारले यस पटक जनताले विकासमा मोहर लगाउँने बताए ।

उनले शिक्षा, स्वास्थ्य, कृषि, पूर्वधार विकास, सडक लगायत हरेक क्षेत्रको विकासमा मैले योगदान पु¥याएको कारण हरेक बर्गले मलाई भोट दिने नेता कलवारको भनाई छ ।

उनले आफुनो जित भारी मतान्तरले हुने हुँदा मेरो टक्करमा यस पटक कोही नरहेको बताए । गठबन्धनलाई कमजोर पार्न केही स्यालहरु लागेको भएपनि आफ्नो जित सुनिश्चित रहेको नेता कलवारले दावी गरे ।  

गणेश राउत अहिरको अध्यक्षतामा भएकाे एमाले-जसपा गठबन्धनका संयुक्त काेण सभामा पर्सा क्षेत्र नं. ४ का प्रतिनिधिसभा सदस्यका उम्मेदवार जालिम मियाँ, नेकपा एमालेका मधेश प्रदेश कमिटी सदस्य बलिराम साह लगायतका नेताहरुले सम्बाेधन गरेका थिए भने कार्यक्रमकाे संचालन जसपाका सचिन सिंहले गरेका थिए ।

वीरगंजमा बेन्च प्रेस प्रतियोगिता सम्पन्न

0

वीरगंज । पर्साको वीरगंजमा बेन्च प्रेस प्रतियोगिता शुक्रबार सम्पन्न भएको छ । पब्लिक फिटनेस सेन्टरको आयोजनामा भएकाे प्रतियाेगितामा महिला र पुरुष गरि दुई समुहले भाग लिएका थिए ।

वीरगंजमा सम्भवतः पहिलो पटक खुल्ला ठाउँमा बेन्च प्रेस प्रतियोगिता र त्यसमा पनि महिलाहरूको सहभागीतामा पहिलो कार्यक्रम रहेको पब्लिक फिटनेस सेन्टरका सञ्चालक करण यादवले बताए ।

वीरगंजकाे माइस्थान पार्कमा आयोजना गरिएको प्रतियोगितामा महिला तर्फ रबिता श्रेष्ठ, रेशमा खातुन, सम्रिधी पटेल र पुरुष तर्फ सन्नी उपाध्याय, रबि कान्त दुवे सुधिर कुमार साह, राहुल कुमार कलवार, खालिद हुसेन, आसिफ अंसारी, सोहेल खान, सागर गुप्ता, धिरज रोए, अकरम हुसेन, सुमित पटेल, अमित पटेल, विजय राम, विशाल यादव, अस्तफाक आलम, इन्द्रजित महतो, बब्लु सरार्फ, रोशन साह, प्रेम सरार्फ, धिरजले खेल प्रतियोगितामा भाग लिएका थिए ।

सहभागीहरु मध्ये महिला तर्फ २० किलोमा रेशमा खातुन प्रथम र पुरुष तर्फ १०० किलोमा अकरम हुसेन प्रथम र दोस्रो प्रेम कलवार भएका हुनु ।

सेन्टरका सञ्चालक यादवको सभापतित्व र वरिष्ठ उधोगी, साहित्यकार र खेलप्रेमी गणेश लाठकाे प्रमुख आतिथ्यतामा भएकाे प्रतियाेगितामा वडा प्रहरी कार्यालय विर्ताका प्रमुख प्रहरी निरीक्षक विशाल मल्ल, नेतृ सुष्मा तिवारी, समाजिक अभिन्ता राजन श्रीवास्तव, अनिश कान्त कुश्वाहा लगायतको उपस्थित रहेको थियो ।

पूर्व मेयर धर्मेन्द्र पटेल, प्रभु साहकाे स्वतन्त्र जिताउ अभियानमा

0
वीरगंज । जनता समाजवादी पार्टी (जसपा) राैतहटका अध्यक्ष एवम् देवाही गाेनाही नगरपालिकाका पूर्व मेयर धर्मेन्द्र पटेल पार्टी परित्याग गरि पूर्व मन्त्री प्रभु साह नेतृत्वकाे स्वतन्त्र जिताउ अभियानमा प्रबेश गरेका छन् ।
 
राैतहट क्षेत्र नं. ३ का प्रतिनिधिसभा सदस्यका स्वतन्त्र उम्मेदवार समेत रहेका पूर्व मन्त्री साहले एक भव्य कार्यक्रमका बिच पूर्व मेयर पटेललाई फुल माला र अबिरकाे टिका लगाई अभियानमा स्वातगत गरेका हुन् । 
 
अभियानमा प्रबेश गर्दै नेता पटेलले जसपा आफ्नाे बिचार र सिद्धान्तबाट बिचल्लीत भएकाे र नागरिकता विधेयक प्रमाणिकरण गर्न नदिने पार्टीसंग गठबन्धन गरेका कारण पार्टी परित्याग गरेकाे वताए । उनले राैतहट जिल्लालाई समृद्ध बनाउन हाताेमालाे गरी साथै अघि बढन प्रभु साह नेतृत्वकाे स्वतन्त्र जिताउ अभियानमा लागेकाे वताए । 
 
कार्यक्रममा पटेल नेतृत्वमा जिल्ला कार्यकारणी सदस्य, जसपा नगर कमिटी देवाही गोनाहीका नगर अध्यक्ष एवम् नेता महेश यादव, बिरेन्द्र साह, लालबाबु यादवसहित जसपाका सयाैं स्थानीय नेताकार्यकर्ताहरू पनि पार्टी परित्याग गरी पूर्वमन्त्री प्रभु साहकाे स्वतन्त्र जिताउ अभियानमा प्रवेश गरेकाे अशाेक पटेलले जानकारी दिए ।

वीरगंजकाे विकासका लागि धेरै काम गरेको छु : मुख्यमन्त्री राउत

0

बीरगंज । मधेस प्रदेशका मुख्यमन्त्री एवम् प्रदेशसभा पर्सा क्षेत्र नं. १ काे २ का उम्मेदवार लालबाबु राउतले मधेस सरकारले विभिन्न बाधा र अवरोधका बाबजुद पनि मधेसका जनताको पक्षमा ठोस काम गर्न सफल भएको दाबी गरेका छन् ।

बीरगंज महानगरपालिकाको वडा नम्बर १५ लक्ष्मनवा, नयाँबस्ती, भेडीयाही, भिषुवा, कृष्ण प्रणामी टोल, डिभाईन एरिया टोल लगायतका क्षेत्रमा शुक्रबार स्थानीय मतदाताहरूसँग भेटघाट तथा घरदैलो गर्दै मुख्यमन्त्री राउतले प्रदेश सरकारले गरेको कामको मूल्याङ्कन जनताले गर्ने बताए ।

उनले मधेसमा विद्यमान दाइजो प्रथाको अन्त्य गर्न छोरीलाई शिक्षा दिनुपर्ने कुरालाई जोड दिँदै बेटी पढाऊ बेटी बचाउ, छोरी बिमा कार्यक्रम लगायतका प्रभावकारी कार्यक्रमले गरिब र विपन्न वर्गका छोरीहरूलाई विद्यालय पुग्न सहज वातावरण बनाएको बताए ।

 मुख्यमन्त्री राउतले बीरगंजकाे विकासका लागि धेरै काम गरेको हुँदा बीरगंजवासीले त्यसलाई नबिर्सिने बिश्वास व्यक्त गरे ।

भ्रष्ट सरकारबाट उन्मुक्ति पाउन एमालेलाई मतदान गर्न नेता गुप्ताको आग्रह

0

वीरगंज । नेपाल कम्युनिस्ट पार्टी एमालेका केन्द्रीय सदस्य एवम् पर्सा जिल्ला क्षेत्र नम्बर ३ को प्रतिनिधिसभा सदस्य उम्मेदवार राजकुमार गुप्ताले भ्रष्टचारी सरकार र यो ठग गठबन्धनबाट देश र जनताको भलो नहुने भएकोले आउँदो निर्वाचनमा एमालेलाई मतदान गरी विजयी गराउन आग्रह गरेका हुन्  ।

नेकपा एमाले बहुदरमाई नगर कमिटीको आयोजनामा गरिएको घरदैलो कार्यक्रममा नेता गुप्ताले देशमा सम्पूर्ण उत्पीडित जनताहरुको हक अधिकारको सुनिश्चितता तथा समाजवादको आधार निर्माण गर्न नेकपा एमालेको सरकार हुनुपर्ने ठहर गर्दै एमाले मै आफ्नो अमूल्य मत दिन मतदाताहरुसँग आग्रह गरे ।

घरदैलो कार्यक्रमलाई सम्बोधन गर्दै नेता गुप्ताले वर्तमान सरकार मात्र भ्रष्टचारमा लिप्त भएर ठहर गर्दै यस सरकारबाट जनताले कुँनै आशा गर्न नहुँने बताए त्यसैले आउँदो ४ गते हुने निर्वाचनमा नेकपा एमालेमा मतदान गरी विजयी बनाउन आग्रह गरे ।

पर्साको क्षेत्र नम्बर ३ जस्तै देशै भरी नेकपा लहर चलेकोले पर्मादेशबाट हटाइएको नेकपा एमालेको सरकार जनादेशबाट पुन : नेतृत्वमा आउँने दाबी गरे ।

शुक्रबार बहुदरमाई नगरपालिकाको राम्नगरी, फुलकवल र गोवरथावला लगायतको गाउँमा सयौंको संख्यामा नेता गुप्ताले घरदैलो कार्यक्रम सम्पन्न गरेका हुन् ।

‘पाँच वर्षभित्र क्षेत्रलाई कच्ची सडकमुक्त बनाउँछु’ : प्रदीप यादव

0

वीरगंज । पर्सा निर्वाचन क्षेत्र नम्बर १ का जसपा-एमाले गठबन्धनका साझा उम्मेदवार प्रदीप यादवले आगामी पाँच वर्ष भित्र आफ्नो निर्वाचन क्षेत्रलाई कच्ची सडक मुक्त बनाउने बताएका छन् ।

शुक्रबार वीरगंज महानगरपालिकाको वडा नम्बर ३१ स्थित सोलखपुर र कोनिया टोलमा घरदैलोका क्रममा मतदाताहरुसंग कुराकानी गर्दै यादवले आगामी पाँच वर्षमा पर्सा निर्वाचन क्षेत्र नम्बर १ मा पूर्ण रुपले कच्ची सडकलाई विस्थापित गर्दै पक्की नालासहितको सडक निर्माण गर्ने बताएका हुन् ।

आफ्नो पाँच वर्षको कार्यक्रलामा रणनैतिक सडक, संसदीय विकास कोष र विभिन्न मन्त्रालय मार्फत योजनाहरु ल्याएर क्षेत्रका अधिकतम सडकलाई पक्की बनाएको दावी गर्दै यादवले भने, ‘वीरगंजलाई पूर्ण रुपले कच्ची सडक मूक्त बनाउने मेरो सपना अनुसार पाँच वर्षभित्र यहाँका लगभग सडकलाई पक्की बनाउने काम गरेको छु । बाँकी रहेका सडकहरुलाई पनि आगामी पाँच वर्षभित्रमा पक्की बनाउने म प्रतिवद्धता व्यक्त गर्न चाहन्छु ।’

सडक सञ्जालको विकासले ग्रामिण क्षेत्रका कृषिकको उत्पादन सहजै बजारसम्म पुग्ने, शिक्षा र रोजगारका लागि दैनिक रुपमा गाउँबाट शहर आउनेहरुलाई सहजता हुने भएकोले कच्ची सडकलाई प्राथमिकताका साथ पक्की बनाउन आफू लाग्ने यादवले बताए ।

‘सडक सञ्जाल राम्रोसँग विकास नहुँदा ग्रामिण भेगका कृषकहरुले उत्पादन गर्ने तरकारी, दुधलगायतका बस्तु समयमा बजार नपुग्दा उहाँहरुलाई सधै घाटा हुन्छ । त्यसमाथि कच्ची सडकमा दुर्घटना हुने सम्भावना पनि बढी हुन्छ,’ पूर्वमन्त्री समेत रहेका यादवले भने, ‘त्यस्तै शिक्षा र रोजगारका लागि दैनिक गाउँबाट आउनेहरुलाई सडक नहुँदा धेरै पिडा भोग्नु परेको हुन्छ । त्यसैले सबै सडकहरुलाई पूर्ण रुपले पक्की बनाउनु मेरो प्राथमिकता हो र आगामी पाँच वर्षमा म यो गरेर देखाउँछु ।’

घरदैलो कार्यक्रमका दौरान ठाउँठाउँमा स्थानीयहरुले यादवलाई स्वागत पनि गरेका थिए भने ‘प्रदीप यादव जिन्दावाद’, ‘छाता छाप जिन्दावाद’, ‘छाता छापमा मतदान गरौँ’, ‘प्रदीप यादवलाई मतदान गरौँ’ जस्ता नारा पनि लगाएका थिए ।

कार्यक्रममा पर्सा निर्वाचन क्षेत्र नम्बर १ (क) बाट प्रदेशसभा सदस्य पदका उम्मेदवार विचारी प्रसाद यादव लगायत जसपा र एमालेका स्थानीय नेता, कार्यकर्ता लगायतको सहभागिता रहेको थियो ।

पर्सा २ काे (२) मा मेराे जित सुनिश्चित छ : रमेश कुर्मी

0

वीरगंज । प्रदेशसभा पर्सा निर्वाचन क्षेत्र न .२ काे (२) का बाम लोकतान्त्रिक गठबन्धनका उम्मेदवार रमेश पटेलले आफ्नो जित सुनिश्चित रहेको दाबी गरेका छन् । क्षेत्रका विभिन्न वडाहरुमा घरदैलो एवं चुनावी गतिविधि संचालन गरि सकेका पटेलले पत्रकारहरुसंग संक्षिप्त्त प्रतिक्रिया दिदै जित सुनिश्चितताको दाबी गरेका हुन् ।

उनले आफू यस क्षेत्रमा निर्वाचित भएयता व्यापक बिकास गरेकोले क्षेत्रमा पुनः बिकासकै एजेन्डा लिएर जादा ब्यापक जनसमर्थन पाउनु नै मेरो जित सुनिश्चितताको आधार भएकाे वताए । लाेसपाका उम्मेदवार पटेलले ओलिको प्रतिगामी कदम विरुद्ध संविधान र लोकतन्त्र रक्षाका निम्ति पबित्र मनसायका साथ बनेको बाम लोकतान्त्रिक गठबन्धन प्रति पनि जनताको पुर्ण बिश्वास रहेकोले मेरो जितमा कुनै शंका नरहेको जिकिर गरे ।

उनले पत्रकारहरुको एक जिज्ञासामा नेता पटेलले कुनै पनि उम्मेदवारसंग मेरो प्रतिस्पर्धा नरहेको अर्थात नकोही दायाँ नकोही बायाँ रहेको दाबी गर्दै हाम्रो यस क्षेत्रमा गठबन्धनमा गडबडि नरेहेको एक अर्का प्रती सबै ईमानदार रहेकोमा पुर्ण बिश्वस्त रहेकाे वताए ।

जनता प्रगतिशिल पार्टीद्वारा स्वतन्त्र उम्मेदवार द्विवेदीलाई समर्थन

0

वीरगंज । जनता प्रगतिशिल पार्टीले पर्सा निर्वाचन क्षेत्र नं. १ का प्रतिनिधिसभा सदस्यका स्वतन्त्र उम्मेदवार अजय द्विवेदीलाई समर्थन गरेकाे छ । 

पार्टीका केन्द्रिय महासचिव तथा पर्सा क्षेत्र नम्बर २ काे (२) का प्रदेशसभा सदस्यका उम्मेदवार भरत भुसन पाण्डेले बहिबार एक कार्यक्रमका बिच स्वतन्त्र उम्मेदवार द्विवेदीलाई समर्थन गरेकाे घाेषणा गरेकाे जितेन्द्र मिश्रले जानकारी दिए ।

साे कार्यक्रममा प्रध्यापक डा. सुस्मा तिवारी द्विवेदी, अभिनाश चतुर्वेदी, रामाशंकर द्विवेदी, अरविन्द कुमार गुप्ता, मिन्टु सिंह लगायतकाे उपस्थिती रहेकाे थियाे ।