Date
मङ्ल, मंसिर १, २०८३
Tue, November 17, 2026
Home Blog Page 602

एमालेले साेध्याे बसरुदिनलाई स्पष्टिकरण

0

वीरगंज । नेकपा एमालेका मधेश प्रदेश कमिटि सदस्य बसरुदिन अंसारीलाई एमाले पार्टीका उम्मेदवार विरुद्धमा प्रचार प्रसार गरेको आरोपमा स्पष्टिकरण सोधिएको छ । अंसारी पार्टीको अधिकारीक उम्मेदवारको विरोधमा प्रचार प्रसार जस्ता गतिविधि गरेको आरोपमा मधेश प्रदेश कमिटि स्पष्टिकरण सोधेको हो ।

पार्टीको एक जिम्मेदवार व्यतिmबाट पार्टीको उम्मेदवार विरुद्ध लाग्नु के उचित हो ? वास्तविकता के हो ? यसको जवाफ दुई दिन भित्र पेश गर्न एमाले् प्रदेश कमिटिका अध्यक्ष रामअवतार यादवले स्पष्टिकरण पेश गर्न पत्र जारी गरेका छन । उनका अनुसार ४८ घण्टा भित्रमा स्पष्टिकरणको जवाफ नआएको खण्डमा आवश्यक कारवाही प्रक्रिया अगाडी बढाईनेछ ।

एमाले नेता अंसारी आफ्नो पार्टीका उम्मेदवारलाई नभई आफ्नो सामुदायको व्यतिmलाई निर्वाचित गराउने गरी प्रचार प्रसारमा हिडेको आरोप छ । उनी विगत एक महिना देखि एमाले जसपा गठबन्धनको अधिकारिक उम्मेदवारको विरुद्धमा प्रचार प्रसारमा लाग्दै आएका छन ।

पर्सेली जनताको आवाज उठाउने नेता चुन्न प्रदिप यादवकाे आग्रह

0

वीरगंज । पर्सा क्षेत्र नम्बर १ का प्रतिनिधीसभा सदस्यका उम्मेदवार प्रदीप यादवले पर्सेली जनताको आवाज उठाउने नेता चुन्न मतदाताहरुसँग अनुरोध गरेका छन् । 

वीरगंज महानगरपालिकाकाे वडा नम्बर ३० को लालपर्सा र प्रसूतीपुरमा मंगलबार घरदैलो गर्ने क्रममा मतदाताहरुलाई भेट्दै जसपा-एमाले गठबन्धनका साझा उम्मेदवार यादवले जनताको समस्या संसदमा राख्न सक्न नेतालाई चुन्न आग्रह गरे । 

पूर्वमन्त्री समेत रहेका यादवले भने, ‘म भन्दा अघि पनि यो क्षेत्रबाट धेरै सांसदहरु जितेका थिए, तर उनिहरुले यो क्षेत्र र पर्सावासीको समस्या बारे संसदमा बोल्न हिम्मतसमेत गरेनन् । यद्दपी मैले विगत ५ वर्षको कार्यकालमा पर्साका एकएक समस्या संसदमा उठाए, पर्सावासीको आवाज संसदमा बुलन्द गरे । त्यसैले तपाइहरुसँग अनुरोध छ यसपालि पनि यहाको समस्या संसदमा उठाउने नेतालाई नै चुन्नु होला ।’ 

एसिड पिडित मुस्कान खातुनको न्यायका लागि आफूले सदनमा पटक-पटक आवाज उठाएकै कारण उनले न्याय पाएको स्मरण गराउँदै जसपाको राजनीति समितिका सदस्यसमेत रहेका यादवले भने, ‘मुस्कान खातुन जो हाम्रै वीरगञ्जकी चेली हुन्, उनको न्यायका लागि मैले पटक-पटक संसदमा आवाज उठाए, जसका कारण राज्यले उनलाई न्याय दियो ।’ 

पर्सा क्षेत्र नम्बर १ मा यसअघि सांसदमा जितेका र अहिले स्वतन्त्र उम्मेदवार बनेका अजय द्विवेदीले आफनो कार्यकालमा के के काम गरे ? त्यो जनता सामु छर्लङग नै रहेको भन्दै यादवले भने, ‘द्विवेदी जी एक पटक सांसदमा जिते, एक पटक वीरगञ्जको उपमेयर पनि बने । उनले पदमा रहँदा के के काम गरे ? मैले एक पटक सांसदमा जित्दा के के काम गरे ? त्यसको मूल्याङ्कन जनताले गर्ने बेला आएको छ । कामको मूल्याङ्कन र तुलना गरेर मत दिन तपाईहरुसँग अनुरोध छ ।’ 

यादवले यसपालि चुनाव जिते पछि आगामी ५ वर्षको कार्यकालमा पर्सा क्षेत्र नम्बर १ मा  कहीँ पनि कच्ची सडक नरहने र सबै सडक पक्की बनाउने वाचा पनि मतदाताहरुसँग गरे । 

विगत ५ वर्षको कार्यकालमा आफूले अधिकतम कामहरु गरेको भन्दै यादवले अझ पनि धेरै काम गर्न बाँकी रहेकाले ती कामहरु अबको कार्यकालमा गर्ने प्रतिबद्धता जनाए । 

घरदैलोमा जसपा–एमाले गठबन्धनबाट प्रदेशसभा सदस्य उम्मेदवार विचारी यादवका साथै जसपा र एमालेका नेता कार्यकर्ताहरुको सहभागीता थियो ।

निर्वाचनलाई मध्यनजर गर्दै सिमामा तालिम प्राप्त कुकुर परिचालन

0

वीरगंज । पर्सामा निर्वाचनको माहोल तातिएसंगै सुरक्षा व्यवस्था कडा पारिएको छ । आसन्न निर्वाचन नजिकीदै गर्दा सिमानाका खटेका सुरक्षाकर्मीहरुले नाकाबाट ओहोरदोहोर गर्नेहरुलाई कडाईका साथ चेकजांच गरिरहेका छन् । जिल्ला प्रहरी कार्यलय पर्साले सिमाक्षेत्रमा तालिम प्राप्त कुकुरको प्रयोग गरि सिमानाकामा निगरानी बढाएको छ ।

आगामी प्रतिनिधि तथा प्रदेश सभाको निर्वाचन नजिकीदै गर्दा पर्सा जिल्ला नेपाल प्रहरी तथा सशस्त्र प्रहरीले सुरक्षा व्यवस्था कडा पारेको छ । निर्वाचनको बेला सिमानाकामा बढ्न सक्ने अपाराधिक गतिविधिहरुलाई मध्य नजर गर्दै सुरक्षाकर्मीले सुरक्षा व्यवस्था कडा पारेको हो । मुलुककै प्रमुख नाकाको रुपमा रहेको वीरगंजको सिमाक्षेत्रमा दैनिक हजारौँँको संख्यामा आवतजावत हुने गर्दछ । अवैध हातहतियार वा विष्फोटक पर्दाथ भित्रिन सक्ने भन्दै वीरगंज–रक्सौल सिमाक्षेत्रमा सुरक्षाकर्मीले तालिम प्राप्त कुकुरको परिचालन गर्दै मानिसको शरीर खानतलासी गरिरहेका छन् ।

अति व्यस्त नाका भएर मोटसाईकल, गाडी ट्रक लगायतका गरी दैनिक ३ हजार देखि ४ हजारको हाराहारीमा सवारी साधन आवतजावत गर्छन । ५ देखि ६ हजारको संख्यामा मानिसहरु दैनिक ओहोर दोहोर गर्ने गरेको छ । नेपाल–भारत सिमानाका खुल्ला भएको हुँदा खास गरि सिमाक्षेत्रमा अपाराधिक क्रियाकलाप बढी हुने गर्छ । साथै खुल्ला सिमाको फाईदा उठाउदै अपाराधीहरुलाई छिमेकी मुलुक भारत प्रवेश गर्न, साना हातहतियार ल्याउन सहज रहेको छ । सोही कुरालाई मध्य नजर गर्दै जिल्ला प्रहरी कार्यलय पर्साले वीरगंज–रक्सौल सिमानाकामा सुरक्षाकर्मीसहित तालिम प्राप्त कुकुरको परिचालन गरेको छ ।

जिल्ला प्रहरी कार्यलय पर्साका अनुसार पर्साका सम्पूर्ण सानाठूला नाकाहरुमा सुरक्षाकर्मी परिचालन गरिएको छ । निर्वाचनको बेला मतदाताहरुलाई डराउने र निर्वाचन विथोल्ने गिरोहहरु सक्रिय हुनसक्ने भन्दै सिमाक्षेत्रमा सुरक्षाकर्मीहरुसहित तालिम प्राप्त कुकुर परिचालन गरिएको वडा प्रहरी कार्यलय विर्ताका प्रहरी निरीक्षक विशाल मल्लले बताए ।

आगामी निर्वाचनलाई निष्पक्ष, पारदर्षी र भयरहित वातावरणमा सम्पन्न गर्न एकीकृत सुरक्षा योजना लागु गरिएको जिल्ला प्रशासन कार्यलय पर्साका प्रमुख जिल्ला अधिकारी उमेश कुमार ढकालले बताए । उनले सुरक्षा व्यवस्थालाई चुस्त दुरुस्त पार्न भारतिय समकक्षीहरुसंग समन्वय गरेर सिमाक्षेत्रको दुवैतर्फ आकस्मिक चेकजांच, गस्तीको साथै जिल्ला भरि तालिम प्राप्त कुकर परिचालन भईरहेको बताए ।

उनले पर्सा जिल्लामा भरिका मतदान केन्द्रहरुमा सुरक्षाकर्मीहरु खट्ने कार्य सुरु भईसकेको हुँदा मंसिर ४ गतेको निर्वाचनमा निर्धक्क भई मतदान गर्न मतदाताहरुलाई आग्रह गरेका छन् । पर्सा जिल्लामा आगामी प्रतिनिधि तथा प्रदेश सभाको निर्वाचन अवधीभर नेपाली सेना, नेपाल प्रहरी, सशस्त्र प्रहरी र म्यादी प्रहरी गरि कुल ४५ सय भन्दा बढी सुरक्षाकर्मी परिचालन गरिएको छ ।

मुख्यमन्त्रीकाे विकल्प खाेज्दै पर्सा क्षेत्र नं. १ (२) काे जनता

0

वीरगंज । प्रदेशसभा पर्सा निर्वाचन क्षेत्र नं. १ को (२) बाट उमेदवारी दिएका मुख्यमन्त्री मोहम्मद लालबाबु राउत गद्दीकाे विकल्प यस क्षेत्रका जनता खाेज्न थालेका छन् ।  पुन: प्रदेशसभा सदस्यमा एमाले-जसपा गठबन्धनबाट मुख्यमन्त्री गद्दी उम्मेदवार छन् ।

५ दलिय बाम लाेकतान्त्रीक गठबन्धनबाट कांग्रेसका रामनारायण कुर्मी, हाम्राे नेपाल पार्टीबाट ओमप्रकाश सर्राफ, स्वतन्त्र सशिकपुर मियाँ लगायतका उम्मेदवार छन् । विपक्षी उम्मेदवारहरुले उनले गरको भ्रष्ट्रचार, अनियमितता र साइकल खरिदमा अख्तियारले दर्ता गरेको मुद्दालाई मुख्य मुद्दा बनाएका छन् ।

अघिल्लो पटक मधेश केन्द्रित दलहरुको गठबन्धनबाट निर्वाचन जितेका गद्दीलाई यसपटकको चुनाव जित्न हम्मेहम्मे पर्ने देखिन्छ । विपक्षीले उठाएका प्रश्न आफ्नै क्षेत्रमा भएको भ्रष्ट्राचार र अनियमितता तथा मुख्यमन्त्री स्वच्छता अभियान अन्तर्गत अलपत्रमा परेका विभिन्न महत्वकाक्षी योजना बारे जनताले उठाएका प्रश्नको जवाफ दिन मुख्यमन्त्रीलाई हम्मे हम्मे परेको छ ।

मधेश आन्दोलनको रापतापमा अघिल्लो पटक चुनाव जितेका मुख्यमन्त्री राउतले मधेशी जनतालाई दिएको आश्वासन पूरा गर्न नसकेको भन्दै राउतका निर्वाचन क्षेत्रका जनता उनी प्रति रुष्ट छन् । एमालेसंग जनता समाजबादी पार्टीले गरेको गठबन्धन र मुख्यमन्त्री राउतले पाँच वर्षमा गरेको भ्रष्ट्राचार तथा निर्वाचन क्षेत्रमा भएको बजेट दुरुपयोगका कारण चुनावी माहोल मख्यमन्त्रीको विपरित बन्दै गएको छ ।

विगतमा मधेशीदलको लागि भोटबैंकको रुपमा रहेको नगवाका अशोक पटेलले भने,‘मुख्यमन्त्रीका अधिकांश ठूला योजनाहरु अलपत्र परेका, आफ्नै पार्टीका नेता तथा कार्यकर्तालाई ठेक्का दिएर कमिशन खाएकालेको पनि बनेका सडकहरु पनि कतिपय ठाउँमा एक वर्ष नवित्दै भत्किदै छ ।’ वीरगञ्जलाई मधेशको राजधानी बनाउछुँ भनेर वीरगञ्जका जनतामाथि घात गरेको आरोप समेत मुख्यमन्त्रीमाथि लाग्ने गरेको छ । चुनावी प्रचार प्रसारमा गाउँहरुमा जाँदा ‘नाकाबन्दी वीरगञ्जमा भयो, राजधानी कहाँ बनाउनु भयो ? प्रशन गर्न थालेका छन् । 

यसपाली जनताले मुख्यमन्त्रीको विकल्प रोजि सकेका छन । मुख्यमन्त्री राउतको प्रचार मात्र मिडियामा छ, जनस्तरमा छैन, वीरगन्ज २ छपकैयाकै मोहम्मद सलाउँदीन भने,‘ अब जनतालाई झुक्याउँने अवस्था छैन । जनता सचेत भईसकेका छन, मुख्यमन्त्रीको झाँसामा आउँने वाला छैन हामी विकल्प खोजी सकेका छौ ।

वीरगंज ५ का सुरज पटेल पनि मुख्यमन्त्री आक्रोश व्यक्त गर्दै मधेस र मधेसी संग गद्दारी गरेका मुख्यमन्त्री गद्दीको हार नै मधेस र मधेसीको जित हुनेमा विश्वस्त छन । चुनावी अभियानमा मुख्यमन्त्री गद्दीले आफनो क्षेत्रमा विकास गरेको दावी गरेका छन, उनले भने, ‘ हो मुख्यमन्त्रीले आफनो क्षेत्रमा काम गरेका छन, त्यो काम जनताको लागि होईन आफनो कार्यकर्ताहरुलाई पाल्नको लागि काम गरेका छन ।’

उनले थपे, सडक निर्माण देखि लिएर नाला, भवन, विवाह भवन लगायतको पूर्वाधार निर्माण निर्माण सम्पन्न नहुँदै भत्कीन थालेको छ । कतिपय सडक र नालाहरु ६ महिना सम्म टिकेको छैन, के यही विकास हो ? अब जनता बुझिसकेका छन । विकासको झुठो आवश्वासन दिएर मधेस र मधेसी जनतालाई ठग्न पाईदैन उनले भने । मुख्यमन्त्रीको चुनावी अभियानमा उनका कार्यकर्ता बाहेक स्थानिय एका दुका मात्र हुन्छ । कार्यकर्ताले चुनाव जिताउँने होईन जनताले चुनाव जिताउँने र जनता परिवर्तनको पर्खाईमा छ । र त्यसको जवाफ मंसीर ४ गते हुने चुनावमा जनताले आफनो मतबाट दिने छन ।

जनमत पार्टीका उम्मेदवार डा. यादव पनि मतदाताकाे घरदैलाेमा

0

आनन्द पटेल/
परवानीपुर । प्रतिनिधिसभा पर्साकाे निर्वाचन क्षेत्र नं ४ का जनमत पार्टीका उमेदवार डाक्टर अजय यादवले घरदैलाे कार्यक्रमलाई निरन्तरता दिएका छन् । प्रतिनिधिसभा सदस्यका उम्मेदवार डाक्टर यादवले घरदैलाेकाे क्रममा आफ्नो क्षेत्रको अधिकांश ठाउँमा आम जनतालाई भेटदा अधिकांश ठाउँमा जनता धेरै दुःखी भएको र त्यस ठाउँमा कुनै पनि जितेका उमेदवारले खासै विकासको काम नगरेको कारण क्षेत्र नं ४ अहिले निकै पछाडि परेको वताए ।

डाक्टर यादवले यस क्षेत्रलाई सब भन्दा पहिले राजनीतिक जन्जिरलाई तोडेर स्वतन्त्र रूपमा सबैलाई समान अधिकार हुनेगरी काम गर्ने प्रतिबद्धता जनाए । उनले यस देशका ठूला ठूला पार्टीहरू आफ्नो राजनीति यात्रालाई जोगाई राख्न आम जनतालाई विभिन्न प्रलोभनमा पारी ठग्दै आएको र अब जनता गुलामिको जन्जिरर्लाई पारगरी आफ्नो सवभिमानको लडाई लडन आग्रह गरे ।

नेता यादवले जनमत पार्टी राजनीति रूपमा मात्र अधिकार दिलाउने पार्टी भएकोले एकचोटि आफूलाई विशवास गरी काम गर्न अवसर दिन आग्रह गरे । नेता यादवको अनुसार अहिलेको युग प्रविधिकाे युग भएको कारणले मात्र सडक, नाला, पुल आदिको विकाश गरेर नहुने हुनाले व्यक्तित्व विकासको लागि पनि आफूलाई जिताउन उनले आग्रह गरे ।

प्राप्त समाचार अनुसार उनको लोकप्रियताले गर्दा देशका ठूला पार्टीहरू अहिले गम्भीर सोचमा परेका छन । नेता यादव पेसाले डाक्टर भए पनि राजनीतिक निकास र जनताकाे हक अधिकारको लागि आफूले प्रतिनिधि सभामा आफ्नो उमेदवारी दिएको र जनताले यस पालि आफूलाई भारी बहुमतले जिताएर काम गर्ने अवसर दिनमा आफू विश्वस्त रहेको बताए ।

उनको घरदैलो कार्यक्रममा जनताले उनलाई फूलमाला, अबिर टीका लगाई जीतको अग्रिम बधाई समेत दिन थालेका छन । यो अभियानमा उनलाई उनका श्रीमती डाक्टर प्रमिला गुप्ता यादवले निकै साथ र सहयोग गरिरहेकी छिन ।

कृषिलाई आधुनिकीकरण गर्न पहल गर्नेछु : प्रदीप यादव

0

वीरगंज । पर्सा निर्वाचन क्षेत्र नम्बर १ मा जसपा-एमाले गठबन्धनको तर्फबाट प्रतिनिधिसभा सदस्य पदका साझा उम्मेदवार प्रदीप यादवले कृषकहरुको सहजताका लागि विचौलिया हटाउन आफूले पहल गर्ने बताएका छन् ।

सोमबार वीरगंज महानगरपालिका वडा नम्बर २२ को मनियारी र वडा नम्बर २३ को सबैठवा, प्रसौनी र इटीयाइमा घरदैलो कार्यक्रमका क्रममा मतदाताहरुसँग कुराकानी गर्दै पूर्वमन्त्री समेत रहेका यादवले पर्साका कृषकहरुको सहजताका निमित्त विचौलिया हटाउँदै कृषि उत्पादन सोझै उपभोक्ताको घरसम्म पुर्याउने योजना ल्याउन आफूले पहल गर्ने बताएका हुन् ।

‘पर्साका कृषकहरु अहिले विचौलियाका कारण हैरान हुनुहुन्छ । उहाँहरुको उत्पादनलाई विचौलियाहरुले कम दरमा खरिद गरेर बजारमा महँगो मूल्यमा बेच्ने गरेका छन् । जसले कृषक र उपभोक्ता दुवैलाई घाटा छ,’ जसपा राजनीति समितिका सदस्यसमेत रहेका यादवले भने, ‘तर अब त्यस्तो हुँदैन उहाँहरुको उत्पादन सोझै उपभोक्तासम्म पुर्याउने किसानको उत्पादन, उपभोक्ताको भान्सा कार्यक्रम चलाउने मेरो योजना छ ।’

यादवले कृषिलाई आधुनिकीकरण गर्न र तालिम प्राप्त जनशक्ति बोलाएर जिल्लाका कृषकहरुको क्षमता अभिवृद्धि गर्ने योजना ल्याउन पनि आफूले पहल गर्ने बताए । छिमेकी मुलुक भारत र चिनले कृषिमा आधुनिकरण गरेर आफ्ना नागरिकको जीवनस्तर उकास्ने काम गरिरहेको बेला नेपालका कृषक भने पारम्परिक माध्यमबाट नै काम गर्न बाध्य भएको औल्याउँदै यादवले भने, ‘कृषिलाई आधुनिकरण गरेर यहाँ हुने कृषि उपजमा पनि वृद्धि गर्ने म योजनाहरु ल्याउन सरकारसँग पहल गर्छु ।’

कृषकहरुको समृद्धिलेनै पर्सा जिल्लाको समृद्धि हुने बताउँदै यादवले तरकारीजन्य उत्पादनलाई विदेश निर्यात गर्ने व्यवस्था मिलाउने र प्रत्येक वडाका दुध, दही लगायत अन्य उपयुक्त उत्पादनको ब्रान्डीङ्ग गरिने जस्ता योजना ल्याउने पनि आफूले सोच बनाएको बताए ।

घरदैलो कार्यक्रममा जसपा-एमाले गठबन्धनकै तर्फबाट पर्सा निर्वाचन क्षेत्र नम्बर १ (क) बाट प्रदेशसभा सदस्य पदका उम्मेदवार विचारी प्रसाद यादवको पनि सहभागिता रहेको थियो । कार्यक्रममा जसपा-एमालेका समर्थकहरुले प्रदीप यादव जिन्दावाद, छाता छाप जिन्दावाद, छाता छापमा मतदान गरौँ जस्ता नारा पनि लगाएका थिए ।

शिखर इन्स्योरेन्सकाे वाषिर्कोत्सवमा रक्तदान कार्यक्रम

0

वीरगंज । शिखर इन्स्योरेन्सको १८ औ वाषिर्कोत्सवको अवसरमा आइतबार रक्तदान कार्यक्रम सम्पन्न भएकाे छ ।

शिखर इन्स्याेरेन्स वीरगंज शाखाकाे आयाेजनामा भएको कार्यक्रममा कार्यक्रममा १ महिला सहित ५३ जनाले रक्तदान गरेकाे रेडक्रस पर्साका राजन श्रीवास्तवले वताए ।

कार्यक्रममा श्रीराम पटेल, ब्रिजेश यादव, पवल साह तेली, चन्दन श्रीवास्तव, मुकेश गिरि, रोशनी कर्ण, सानू बैठा, राजेस कुमार सहनी लगायत पन्टर ११ क्रीकेट टिम, बिमा प्राधिकरण कर्मचारी र अन्य बैंक तथा इन्स्योरेन्सका कर्मचारीहरुले रगतदान गरेका हुन् ।

इन्स्योरेन्सका मधेश प्रदेशका प्रमुख सुरेश चन्द गुप्ताको सभापतित्व र इन्स्योरेन्सका महाप्रबन्धक पुष्कर महतकाे प्रमुख आतिथ्यतामा भएकाे कार्यक्रममा रक्तदान गर्नेहरुलाई कार्यक्रमका अतिथीहरु नितेस दास, काजल ढुङेल, चन्दन श्रीवास्तव लगायतले प्रमाण पत्र वितरण गरेका थियो ।

कार्यक्रममा रक्तसञ्चार केन्द्र वीरगंजका सौरभराज पाण्डेय नेतृत्वकाे टोलिले प्राबिधिक सहयोग गरेको थियाे । 

लोसपा निकट युवा संगठनका जिल्ला संयोजक जसपा प्रवेश

0

वीरगंज । लोकतान्त्रिक समाजवादी पार्टी नेपाल निकट युवा सङ्गठनका जिल्ला इन्चार्जसहित ठूलो युवाको समूहले जनता समाजवादी पार्टी प्रवेश गरेको छ । युवा सङ्गठनका जिल्ला संयोजक रवी सर्राफसहितको समूहले आइतबार जसपा प्रवेश गरेको हो । नवप्रवेशीहरुलाई पूर्वमन्त्री प्रदीप यादवले फुलमाला लगाएर पार्टीमा भित्र्याएका हुन् ।

पार्टी प्रवेश गर्दै सर्राफले देश र जनताको हितका लागि काम गर्ने एक मात्र पार्टी जसपा भएको बताउँदै आफूहरुले दल परिवर्तन गरेको बताए । जसपाले युवाहरुको उचित मूल्याङ्कन गर्दै अगाडि बढाउने भएकोले आफ्नो रोजाईमा जसपा परेको सर्राफको भनाई छ ।

जसपाले युवा नेता प्रदीप यादव जस्ता व्यक्तिलाई मन्त्री बनाएर सम्पूर्ण युवा वर्गको सम्मान गरेकोले जसपा प्रति युवाहरुको आकर्षण बढ्दै गएको सर्राफले बताए । ‘जसपा अन्य पार्टीभन्दा फरक ढङ्गले काम गर्छ । यहाँ युवाहरुको सम्मान हुन्छ,’ सर्राफले भने, ‘युवा उमेरका प्रदीप यादवलाई सङ्घीय मन्त्री बनाएर जसपाले यो कुरा प्रमाणित गरेको छ ।’

सर्राफले पर्सा निर्वाचन क्षेत्र नम्बर १ मा जसपा-एमाले गठबन्धनको तर्फबाट प्रतिनिधिसभा सदस्य पदका उम्मेदवारसमेत रहेका यादवलाई आफ्नो पूर्ण समर्थन रहेको बताए । ‘पार्टीमा नहुँदा पनि पूर्वमन्त्री प्रदीप यादवको कामबाट म प्रभावित थिए । उहाँले पर्सा जिल्ला र समग्र मधेशको लागि निरन्तर आवाज उठाएर यहाँको विकासका कुनै कसर बाँकी राख्नु भएको छैन । आज उहाँको हातबाट पार्टी प्रवेश गर्न पाउँदा म निकै उत्साहित छु । आगामी निर्वाचनमा हाम्रो पूर्ण समर्थन उहाँलाई नै हुनेछ,’ सर्राफले थपे ।

पार्टी प्रवेश गराउँदै जसपाको राजनीतिक समितिका सदस्यसमेत रहेका यादवले पनि युवाहरुले जसपा प्रति देखाएको आकर्षणले आफू उत्साहित भएको बताए । यादवले पछिल्लो समय युवाहरुको प्रथम रोजाईमा पर्दै गएको बताउँदै नवप्रवेशी युवाहरुलाई पार्टीले उचित स्थान दिँदै उनीहरुको मूल्याङ्कन गर्ने प्रतिबद्धता पनि व्यक्त गरे ।

उम्मेदवारकाे व्यक्तिगत लाञ्छना लगाएर प्रदर्शन गर्ने एक जना पक्राउ

0

वीरगंज । वीरगंजकाे घण्टाघरमा शनिबार सांझ युवाहरुकाे एक समुहले मधेश प्रदेशका मुख्यमन्त्रीसहित मदेशी दलका नेताहरुकाे विराेधमा प्रदर्शन गरेका छन् । क्रान्तिकारी युवा संगठनको नामले युवाहरुकाे समुहले घण्टाघरमा मधेश आन्दाेलका तस्बिरहरु र मधेसी दलका नेताहरुको विरोधमा नारा लेखिएको ब्यानर टाँगेर गरेकाे प्रदर्शनमा प्रहरीले हस्तक्षेप समेत गरेकाे थियाे ।

आसन्न मंसिर ४ गते हुने प्रतिनिधि सभा तथा प्रदेश सभाको निर्वाचनमा उम्मेदवार समेत रहेका नेताको व्यक्तिगत लाञ्छना लगाएर राखिएकाे ब्यानर प्रहरीले हटाउने क्रममा प्रदर्शनकारी युवाहरुले हटाउन नदिएपछि प्रहरीले बल प्रयाेग गरी हटाएकाे थियाे । साे क्रममा प्रहरीले कुटपिट गर्दै एक जनालाई नियन्त्रणमा समेत लिएकाे थियाे ।

बाराको जीतपुर सिमरा उपमहानगरपालिका– ७ बस्ने मनोज कुमार श्रीवास्तवलाई पक्राउ गरिएकाे प्रहरीले जनाएकाे छ । उम्मेदवारलाई व्यक्तिगत लाञ्छना लगाएर प्रदर्शन गर्न नपाइने वडा प्रहरी कार्यालय विर्ताका प्रहरी निरिक्षक विशाल मल्ले वताए ।

प्रदर्शनमा पर्सा क्षेत्र नं १ (२) मा प्रदेशसभा सदस्यका स्वतन्त्र उम्मेदवारी दिएका बिशाल कुमार सर्राफ, तानविर अन्सरी लगायतका युवाहरुकाे सहभागिता रहेकाे थियाे । जस मध्ये प्रहरीकाे लाठी चार्जबाट सर्राफलाई चाेट समेत लागेकाे छ । 

वीरगंजमा भड्काउ तस्बिरसहित निर्वाचन बहिष्कार गर्ने १ जना पक्राउ

0

वीरगंज । चुनाव बहिस्कार गर्ने एकजनालाई प्रहरीले नियन्त्रणमा लिएको छ । वीरगंज महानगरपालिका वडा नम्बर १ बजार छपकैया निवासी लालबाबु साह कानुलाई वडा प्रहरी कार्यालय विर्ताले नियन्त्रणमा लिएको हो ।

वीरगंजकाे घडिअर्वा पोखरीको ३ नम्बर गेटनिर चुनाव बहिष्कारको ब्यानर लगाएर बसेका कानुलाई प्रहरीले पक्राउ गरेको हो ।

हिन्दु राष्ट्र कायम गर्नुका साथै राष्ट्रिय जनावर गाईको व्यवस्थापन गरी गाई काट्नेलाई जन्म कैद र गाईको मासु खानेलाई पनि जन्मकैदको व्यवस्था गर्नुपर्ने माग गर्दै उनले विरोध जनाइरहेका थिए ।