Date
मङ्ल, मंसिर १, २०८३
Tue, November 17, 2026
Home Blog Page 601

वीरगंजकाे विभिन्न वडामा यादवको घरदैलो, फेरी जिताएर पठाउने मतदाताको प्रतिक्रिया

0

वीरगंज । प्रचारप्रसार गर्न पाउने बिहिबार अन्तिम दिन पर्साको क्षेत्र नम्बर १ का प्रतिनिधिसभा सदस्यका लागि जसपा-एमाले गठबन्धनबाट साझा उम्मेदवार प्रदीप यादव वीरगंजकाे विभिन्न वडाहरुमा पुगेका छन् ।

चुनावी घरदैलोका उम्मेदवार यादव वीरगंज महानगरपालिकाकाे वडा नम्बर १२ मुर्ली, वडा नम्बर १३ राधेमाई, वडा नम्बर १४ पिपरा, वडा नम्बर १६ नगवा र वडा नम्बर २० हरपतगञ्ज गरी ५ वडाका मतदातासँग भेटघाट गरेका छन् ।

पाँच वटै वडामा पुगेर नेकपा एमाले र जसपाको सयुँक्त घरदैलोका क्रममा प्रतिनिधि सभा सदस्यका उम्मेदवार यादव र प्रदेश सभा सदस्यका उम्मेदवार विचारी प्रसाद यादवले चुनावी एजेण्डाका सम्बन्धमा छलफल गरेका छन् ।

मतदातासँग भेट्दै पूर्व वन तथा वातावरणमन्त्रीसमेत रहेका यादवले यसअघि ५ वर्षको कार्यकालमा आफुले गरेका कामको मूल्यांकन जनताले गर्ने विश्वास व्यक्त गरेका छन् ।

सांसद र मन्त्री बन्दा पनि यही क्षेत्रका जनताको आवाज आफुले उठाएको र यही क्षेत्रको विकास र समृद्धिका लागि पैरवी गर्दै आएको यादवको भनाई छ ।

भौतिक पूर्वाधार निर्माणसँगै सामाजिक क्षेत्रमा पनि सँधै सक्रिय रहने यादवले फेरी पनि जित्नुपर्ने स्थानीय मतदाताको प्रतिक्रिया थियो । ५ वर्षभन्दा अघिका जुन सांसद् आएपनि केही काम नगरेकोमा यादवले ५ वर्षमा धेरै काम गरेको त्यस क्षेत्रका बासिन्दाले बताएका छन् ।

यसअघि सडक नै नभएका ठाउँमा आफ्नै पहलमा सडक बनाएको बताउँदै यादवले पनि अबको कार्यकालमा कच्ची सडक मुक्त क्षेत्र बनाउने दावी गरे । सडक सञ्जालको विस्तारबाट विद्यार्थी, कृषकदेखि अन्य पेशामा आबद्ध जनता प्रत्यक्ष लाभान्वित हुने र विकासको ढोका खुल्ने यादवको भनाई छ । यस क्षेत्रका लागि आफुले गरेको विकास र परिवर्तनको परिकल्पनालाई वास्तविकतामा बदल्नका लागि फेरी एकपटक छाता छापमा मतदान गरेर निर्वाचित गराउन यादवले आग्रह गरेका छन् ।

महिलालाई सशक्तीकरण बनाउनुका साथै आत्मनिर्भर बनाउनुपर्नेमा जोड दिँदै यादवले महिलामुखी योजना र नीति निर्माणका लागि पहल गर्ने बताए । महिलालाई शिक्षित र दक्ष बनाउँदै उनीहरुमा उद्यमशीलताको विकास गर्न अबको प्राथामिकताको विषय हुने उनको भनाई छ ।

घरदैलोमा पर्साको क्षेत्र नम्बर १ (क) बाट जसपा र एमाले गठबन्धनका प्रदेश सभा सदस्यका उम्मेदवार बिचारी प्रसाद यादवसहित गठबन्धनमा आवद्ध दलका नेता एवम् कार्यकर्ताहरुको उपस्थिती रहेको थियो ।

पर्सा ४ काे (२) मा सिंगासन र शेखचान्द बिच प्रतिस्पर्धा, प्रहलाद छैनन् लडाईमा

0

वीरगंज । प्रदेशसभा पर्सा निर्वाचन क्षेत्र नं. ४ काे (२) मा दुई गठबन्धनका उम्मेदवार बिच नै प्रतिस्पर्धा देखिएकाे छ । एमाले-जसपा गठबन्धनका उम्मेदवरा सिंगासन सा कलवार र बाम लाेकतान्त्रिक गठबन्धनका उम्मेदवार शेखचान्द तारा बिच प्रतिस्पर्धा देखिएकाे हाे । 

एमाले-जसपा गठबन्धनबाट जसपाका सिंगासन उम्मेदवार छन् । उनी निर्वतमान प्रदेशसभा सदस्य पनि हुन् । यस अघिकाे निर्वाचनमा उनी तत्कालिन संघिय समाजवादी फाेरम नेपालबाट कांग्रेसका उम्मेदवार बशिष्टनारायण कुर्मीलाई पराजित गर्दै धेरै मतान्तरले विजयी भएका थिए ।

नेपाली कांग्रेस, नेकपा माओवादी केन्द्र, नेकपा एकीकृत समाजवादी र लाेकतान्त्रिक समाजवादी पार्टी (लाेसपा) सहितकाे ५ दलिय बामलाेकतान्त्रिक गठबन्धनका उम्मेदवार माओवादी केन्द्रकी शेखचान्द हुन् । 

यसै क्षेत्रमा एमालेका बागी उम्मेदवार प्रहलाद साह कानु छन् । स्वतन्त्र उम्मेदवार दिएका कानु एमाले छिपहरमाई गाउँपालिकाका अध्यक्ष थिए । कानुले पार्टीकाे निर्णय विपरित स्वतन्त्र उम्मेदवारी दिएपछि एमाले कारवाही गर्दै पार्टीबाट निष्कासित गर्याे । उनी एमाले पर्साका सचिव एवम् छिपहरमाई गाउँपालिकाका अध्यक्ष मनाेज गुप्ताका हजुर बुवा हुन् । 

बैशाख ३० गते सम्पन्न स्थानिय तहकाे मतपरिणाम अनुसार यस क्षेत्रमा कांग्रेस, एमाले र जसपा बलियाे छ । यस क्षेत्र अन्तर्गत कालिकामाई गाउँपालिका, छिपहरमाई गाउँपालिका, धाेबिनी गाउँपालिका, पकहा मैनपुर गाउँपालिकाकाे वडा नं. ५ सबैठवा र पाेखरिया नगरपालिकाकाे वडा नं. ३ फुलवरिया पर्दछ ।

कालिकामाईकाे गाउँपालिका अध्यक्षमा जसपा र उपाध्यक्षमा नेपाली कांग्रेस जितेकाे छ । ५ वटा वडा रहेकाे गाउँपालिका ३ वटामा जसपा, एउटामा कांग्रेस र एउटामा एमाले जितेकाे छ । छिपहरमाई गाउँपालिकाकाे अध्यक्षमा एमाले, उपाध्यक्षमा कांग्रेस जितेकाे छ । ५ वटा वडा रहेकाे यस गाउँपालिकामा पनि दुईवटा वडामा एमाले र ३ वटा वडामा कांग्रेस जितेकाे छ ।

त्यसैगरी धाेबिनी गाउँपालिकाकाे अध्यक्षमा जसपा र उपाध्यक्षमा कांग्रेस जितेकाे छ । ५ वटा वडा रहेकाे यस गाउँपालिकाकाे पनि दुईवटामा जसपा र ३ वटामा कांग्रेस जितेकाे छ । पकहा मैनपुर गाउँपालिकाकाे पर्ने वडामा कांग्रेस र पाेखरिया नगरपालिकाकाे पर्ने वडामा एमाले जितेकाे छ ।

यस कारण एमाले-जसप गठबन्धनका उम्मेदवार र कांग्रेस सहितकाे ५ दलिय बाम लाेकतान्त्रिक गठबन्धनका उम्मेदवार बिच प्रतिस्पर्धा हुने आंकलन गरिएकाे हाे ।

एमाले-जसपा गठबन्धनका उम्मेदवार कलवार जसपाका निर्वतमान प्रदेशसभा सदस्यका भएका कारण र क्षेत्र अन्तर्गतका सबै वडामा उनले गरेका विकास निर्माणका काम कारण उनी बलियाे उम्मेदवार मानिएका छन् । बाम लाेकतान्त्रिक गठबन्धनका माओवादी केन्द्रकी उम्मेदवार शेखचान्दलाई यस क्षेत्रमा बलियाे रहेकाे कांग्रेससहित ५ दलकाे समर्थन रहेकाेले उनी पनि बलियाे उम्मेदवार मानिएकी छन् । 

एमालेका बागि उम्मेदवार प्रहलादलाई आफ्नाे गृह छिपहरमाई गाउँपालिका बाहेक अन्य वडामा खासै प्रवाह देखिएकाे छैन् । छिपहरमाई गाउँपालिकामा पनि गाउँपालिका अध्यक्ष मनाेज गुप्ताका कारण केही मत उनकाे पक्षमा आउन सक्ने स्थानियकाे भनाई छ । तर अरु पालिका जसपाका सिंगासन र माओवादी केन्द्रकी शेखचान्द तारा बिच नै प्रतिस्पर्धा देखिएकाे स्थानियकाे भनाई छ ।

यसका साथै स्वतन्त्र उम्मेदवारकाे तुल्नामा दुबै गठबन्धनका उम्मेदवार युवा रहेका कारण उनीहरुलाई नै आम मतदाता मन पराइरहेका छन् ।

जनमत पार्टीका उमेदवार डा. यादवद्वारा घरदैलोलाई निरन्तरता

0

परवानीपुर । प्रतिनिधिसभा पर्सा निर्वाचन क्षेत्र नं. ४ का जनमत पार्टीका उमेदवार डाक्टर अजय यादवले घरदैलो कार्यक्रमलाई निरन्तरता दिएका छन् । प्रतिनिधिसभा सदस्यका उम्मेदवार डाक्टर यादवले घरदैलोको क्रममा आफ्नो क्षेत्रको मिर्जापुर, झलमैया, जिराभवानीपुर गाउँपालिका अन्तर्गतका वडाहरूमा मतदातासँग भेटघाट गरेका छन् ।

भेटघाट गर्दै उम्मेदवार डा. यादवले क्षणभरको खुसीको लागि दारु, मासु र पैसाको लोभमा आफ्नो भविष्य अन्धकारमा न डुबाउन अनुरोध गरे । उनले यस क्षेत्रबाट जितेका अधिकांश नेताहरु विकासको नाममा सोझा साझा जन्तालाई ठग्ने काम मात्र गरेको आरोपमा लगाए ।

उनले अबको समय भ्रष्टाचार जर देखिनै उखेलेर फाल्नु पर्ने भएकोले पढे लेखेका उमेदवारलाई जिताउन आग्रह गरे । जनमत पार्टीको अजेन्डा नै सुखी, समृद्धि जनताको हक, अधिकार नै भएकोले आफूहरु समाजलाई सहि दिशामा अगाडि बढाउन र युवा, विद्यार्थीका लागि उच्च शिक्षामा लगानी गरी समाजलाई अगाडि बढाउन निर्वाचनमा भाग लिएको बताए ।

यादवले समाजको विकास र निकास राजनीतिकबाट नै सम्भव भएको हुनाले यसपाली जनताले सही उमेदवारलाई जिताउन आग्रह गरे ।

फर्जी मतपत्र सहित भारतिय नागरिक पक्राउ

0

वीरगंज । भारतबाट अवैध रुपमा भित्र्याइएको ठूलो परिमाणमा फर्जी मतपत्र सहित एकजना भारतीय नागरिक पक्राउ परेका छन् । पक्राउ पर्नेमा भारत विहार राज्य पश्चिमी चम्पारण नरकटियागंज निवासी ४० वर्षीय ईजाजत अहमद रहेका छन् ।

पर्साको जानकीटोला नाकाबाट अवैध रुपमा भित्र्याउँदै गरेको १५ हजार थान फर्जी मतपत्र सहित अहमदलाई प्रहरीले पक्राउ गरेको हो । सशस्त्र प्रहरी सहायक निरीक्षक प्रेम बहादुर थापा मगरको कमाण्डमा खटिएको सशस्त्र प्रहरीले नियमित चेकजाँचको क्रममा भारतको बिहारबाट बी.आर. २२ डब्लु ८००२ भारतीय नम्बर प्लेटको मोटरसाइकललाई रोकी चेकजाँच गर्दा उक्त फर्जी मतपत्र बरामद भएको थियो ।

यही मंसिर ४ गते हुने संविधानसभा सदस्य तथा प्रदेशसभा सदस्यको निर्वाचनमा फर्जी मत पत्र प्रयोग हुन सक्ने अवस्थालाई मध्यनजर गर्दै सशस्त्र प्रहरीले उक्त फर्जी मतपत्र नियन्त्रणमा लिएको थियो । नमूना मतपत्र बोकेर जानकीटोला नाका हुँदै नेपाल प्रवेश गरेका अहमदलाई जानकीटोला नाकामा खटिएको प्रहरीले पक्राउ गरेको पर्साका प्रहरी प्रवक्ता प्रहरी नायब उपरीक्षक दिपक गिरिले जानकारी दिए ।

नेपालमा मंसिर ४ मा हुन गइरहेको निर्वाचनका लागि भारतमा छापिएको नमूना मतपत्र गैरकानूनी रुपमा नेपालमा भित्र्याउँदै गरेको अवस्थामा पक्राउ परेका अहमदलाई इलाका प्रहरी कार्यालय पोखरीयाको हिरासतमा राखेर अनुसन्धान पश्चात छोडिएको प्रहरी नायब उपरीक्षक गिरीले जानकारी दिए ।

उनका अनुसार अनुसन्धानको क्रममा उक्त मतपत्रको नमुना मतपत्र शिक्षाको लागि ल्याइएको पाइएकोले छाडिएको बताए । नमुना मतपत्र कुन दलको उम्मेदवारले मगाएको हो भन्ने अहिलेपनि खुल्न नसकेको उनको भनाई छ ।

रमेश कुर्मीद्वारा घोषणा पत्र सार्वजनिक

0

वीरगंज ।  पर्साको क्षेत्र नम्बर २ काे २ का प्रदेशसभा सदस्यका उम्मेदवार रमेश प्रसाद कुर्मीले आफ्नाे घोषणा पत्र सार्वजनिक गरेका छन् । पाँच दलीय बाम लाेकतान्त्रिक गठबन्धनका प्रदेशसभा सदस्यका उम्मेदवार कुर्मीले आफ्नै निवासमा पत्रकार सम्मेलनको आयोजना गर्दै घोषणा पत्र सार्वजनिक गरेका हुन् ।

क्षेत्र नम्बर २ (२) को विकास र समृद्धिका लागि आधुनिक एवम् प्राविधिक शिक्षामा जोड दिँदै कुर्मीले स्वास्थ्य सुदृढीकरणको विषयलाई घोषणा पत्रमा प्राथमिकताका साथ उठाएका छन् । 

विपन्न एवम् जेहेन्दार विद्यार्थीलाई छात्रवृत्तिको व्यवस्थाका साथै आफ्नो क्षेत्रका प्रत्येक वडामा निःशूल्क कोचिङ् कक्षाको व्यवस्था गर्ने योजना घोषणा पत्रमा उल्लेख छ । निःशूल्क रुपमा एम्बुलेन्स सेवा सञ्चालनका लागि अति विपन्न परिवारका लागि निःशूल्क स्वास्थ्य बिमाको योजना ल्याउने कुर्मीको योजना छ । 

परम्परागत खेती प्रणालीलाई परिमार्जन गरेर आधुनिकीकरण एवम् प्रविधिकरण गरेर कम मेहनतमा धेरै उत्पादन गर्ने खालका योजना र कार्यक्रम ल्याउने कुर्मीको भनाई छ । कृषकको लागि सोलार प्यानल वितरण गरेर सिचाईमा सहजीकरण गर्नुका साथै समयमै बिउ र मलको सहज उपलब्धताका लागि पहल गर्ने पनि कुर्मीको प्रतिबद्धता छ । 

आफ्नो क्षेत्रमा राष्ट्रिय स्तरको खेल मैदान निर्माण गर्ने र राष्ट्रिय एवम् अन्तर्राष्ट्रिय खेलमा सहभागी खेलाडीलाई प्रोत्साहन गर्ने पनि कुर्मीको घोषणा पत्रमा समेटिएको छ । 

बहुदरमाई मन्दिरलाई धार्मिक पर्यटकिय स्थलको रुपमा विकास गर्ने विषयलाई उनले प्राथमिकताका साथ उठाएका छन् । पक्की सडकसञ्जालको विस्तार र स्तरोन्नतीका लागि पहल गर्ने पनि उनको योजना छ ।  

वीरगञ्ज महानगरपालिका र बहुदरमाई नगरपालिकालाई जोड्न सुगौलीमा पुलको अपरिहार्यतालाई मध्यनजर गर्दै उनले पुल निर्माणका लागि योजना र बजेटका लागि पहल गर्ने प्रतिबद्धता पनि व्यक्त गरेका छन् । 

सरकारी कार्यालयको सेवा प्रवाहलाई प्रभावकारी बनाउनुका साथै अनियमितता र ढिलासुस्तीको विरुद्ध खबरदारी गर्ने पनि उनले बताएका छन् ।

नारायणी अस्पताललाई मेडिकल कलेज बनाउन पहल गर्छु : प्रदीप यादव

0

वीरगंज । पर्सा क्षेत्र नम्बर १ का प्रतिनिधीसभा सदस्य उम्मेदवार प्रदीप यादवले वीरगञ्जको नारायणी अस्पताललाई मेडिकल कलेजका रुपमा परिणत गर्ने आफनो एजेण्डा रहेको बताएका छन् ।

बुधबार वीरगञ्ज महानगरपालिका वडा नम्बर ७ र ८ का विभिन्न टोलमा चुनावी घरदैलोका क्रममा मतदातालाई भेट्दै यादवले यस्तो बताएका हुन् ।

पूर्व वन तथा वातावरणमन्त्रीसमेत रहेका जसपाका उम्मेदवार यादवले नारायणी अस्पतालमा थप सेवा सुविधा विस्तार गरेर यस अस्पताललाई मेडिकल कलेजका रुपमा परिणत गर्नका लागि आफ्नो सम्पूर्ण शक्ति लगाउने वाचा पनि मतदाता सामु गरे ।

उनले भने, ‘मेरो एजेण्डाको एउटा प्रमुख मुद्दा नारायणी अस्पताल पनि हो । अब फेरि सांसदमा जितेपछि नारायणी अस्पतालको विकास र प्रवर्द्धनका लागि काम गर्छु, ढुक्क रहनु होला ।’

विगत पाँच वर्षमा आफनै प्रयासका कारण नारायणी उपक्षेत्रीय अस्पतालबाट क्षेत्रीय अस्पतालमा परिणत भएको स्मरण पनि उनले गराए । उनले भने, ‘खासगरि गरिब निमूखाहरुको उपचार पाउने नारायणी अस्पतालमा धेरै सुधारहरु हुँदै गएको छ । यद्दपी अझै धेरै काम गर्न बाँकी नै रहेको छ, त्यसका लागि आगामी कार्यकालमा म दिलोज्यानले लाग्नेछु ।’

नारायणी अस्पतालको पूर्वाधार विकासका लागि आएको बजेट कानूनी अड्चनका कारण अड्किए पनि अबको दिनमा त्यसलाई फुकाउँदै नारायणी अस्पतालमा थप सेवा सुविधालाई विस्तार गरेर यसलाई मेडिकल कलेजका रुपमा परिणत गर्नमा आफ्नो सबै शक्ति लगाउने उनले बताए ।

जसपाको राजनीतिसमिति सदस्यसमेत रहेका यादवले भने, ‘नारायणी अस्पताल मेडिकल कलेज बनेपछि यहाँका विरामीहरुलाई उपचारका लागि अन्यत्र जानुपर्दैन । सस्तैमा उपचार पनि पाइन्छ । त्यसका साथै यहाँबाट अध्ययनका लागि बाहिर जानुपर्ने बाध्यताको पनि अन्त्य हुन्छ ।

चुनावी घरदैलो कार्यक्रममा मधेस प्रदेशका मुख्यमन्त्री एवम् प्रदेशसभा सदस्य उम्मेदवार मोहम्मद लालबाबु राउत गद्धीका साथै जसपा र एमालेका नेता कार्यकर्ताहरुको पनि सहभागीता थियो ।

ग्रामिण वडामा सुविधासम्पन्न स्वास्थ्य सेवा पुर्‍याउन पहल गर्छु : प्रदीप यादव

0

वीरगंज । पर्सा क्षेत्र नम्बर १ का जसपा–एमाले गठबन्धनका उम्मेदवारहरुले मङ्गलबार वीरगञ्ज महानगरपालिका वडा नम्बर ३२ मा पर्ने टेढा र जितपुर परसवामा घरदैलो गरेका छन् ।

प्रतिनिधीसभा सदस्य उम्मेदवार प्रदीप यादव र पर्सा निर्वाचन क्षेत्र नम्बर १ (क) प्रदेशसभा सदस्य उम्मेदवार विचारी यादवसँगै दुवै दलका नेता कार्यकर्ताहरुले घरदैलो गरेका हुन् ।

घरदैलोका क्रममा मतदाताहरुलाई भेट्दै पूर्वमन्त्रीसमेत रहेका प्रतिनिधीसभा सदस्यका उम्मेदवार प्रदीप यादवले महानगरका ग्रामीण वडामा स्वास्थ्य सेवालाई प्रभावकारी बनाउने वाचा गरे । उनले भने, ‘गुणस्तरीय स्वास्थ्य सेवा आजको आवश्यकता हो । यसलाई पूरा गर्न हरेक वाडमा एमबीबीएस डाक्टर सहितको उपचार सेवा उपलब्ध गराउनेछु । उपचारका लागि वीरगञ्ज बजारकै अस्पतालमा धाउनु पर्दैन ।’

उनले महानगरका ग्रामीण भेगका वडामा अझै पनि सर्वसुलभ उपचार गर्ने स्वास्थ्य संस्था नरहेको भन्दै सांसदमा जिते पछि हरेक वडामा सुविधा सम्पन्न सरकारी स्वास्थ्य संस्था बनाउने बताए । उनले भने, ‘बिरामीलाई तत्कालै रेस्क्यू गर्न सबैको पहुँच हुने गरी हेल्पलाइन सहित एम्बुलेन्स सेवा हरेक वडामा हुन्छ ।

उनले स्वास्थ्यका साथै ग्रामीण वडामा रहेका सरकारी विधालयको स्तरोन्नत्ती पनि आफनो प्राथमिकतामा रहेको बताए ।

राष्ट्र निर्माणको लागि लौरोमा मतदान गर्न उम्मेदवार सर्राफकाे आग्रह

0

वीरगंज । पर्सा क्षेत्र नं. १ (२) बाट प्रदेशसभा सदस्यका उम्मेदवार ओमप्रकाश सर्राफले राष्ट्र निर्माणको लागि लौरो (छडी) छापमा मतदान गर्न आग्रह गरेका छन् ।

वीरगंज महानगरपालिकाकाे वडा नम्बर १६ को शिवम टोलमा घरदैलो गर्दै राष्ट्र निर्माणकाे लागि आफ्नाे चुनाव चिन्ह लाैराेमा मतदान गरी बिजयी गराउन मतदातासंग आग्रह गरेका हुन् । सर्राफले जनताले देखेका सपनालाई सार्थकता प्रदान गर्ने बेला अहिले आएकाले सही मुल्यांकन गरेर मतदान गर्न समेत आग्रह गरे ।

यसअघि जितेर मुख्यमन्त्री समेत बनेका यस क्षेत्रका जनप्रतिनिधीबाट जनता निराश र आक्रोशीत रहेको भन्दै उनले अब त्यसको जवाफ दिने सहि समय आएको उम्मेदवार सर्राफकाे भनाई थियाे ।

मंसिर ४ गते हुने निर्वाचनले अब देश र जनताको भविष्य निर्धारण गर्ने बताउँदै सर्राफले सक्षम र सबल उम्मेदवारलाई मतदान गर्न आग्रह गरे ।

सर्राफले भने, ‘जनतालाई मुर्ख सम्झिने समय अब छैन, धेरै भयो जनतालाई झुठो आश्वासन देखाएको, तर अब आश्वासन देखाउने हैन, काम गर्ने बेला आएको छ, त्यसैले काम गर्ने उम्मेदवारलाई मतदान गर्न आवश्यक छ ।’

घरदैलो कार्यक्रममा हाम्राे नेपाल पार्टीकी समानुपातिक उम्मेदवार गुड्डी जोशी लगायतकाे पनि सहभागीता रहेकाे थियो ।

कालिकामाईमा एमाले-जसपा गठबन्धनकाे काेण सभा सम्पन्न

0

वीरगंज । पर्साकाे कालिकामाई गाउँपालिका वडा नं. २ भेडिहारीमा मंगलबार सांझ एमाले-जसपा गठबन्धनकाे काेण सभा सम्पन्न भएकाे छ ।

काेण सभालाई सम्बाेधन गर्दै प्रदेशसभा पर्सा क्षेत्र नं. ४ काे २ का उम्मेदवार सिंगासन सा कलवारले एमाले-जसपा गठबन्धनका उम्मेदवारलाई विजयी बनाउन आग्रह गरे । उनले यस अघिकाे कार्यकालमा आफुले क्षेत्र अन्तर्गतकाे सबै वडामा विकाश निर्माणकाे काम गरेकाे दाबी गरे ।

जसपाका नेता समेत रहेका उम्मेदवार कलवारले अबकाे प्राथमिकता शिक्षा, स्वास्थ्य, कृषी र राेजगार भएकाे वताए । उनले अधुरा काम पुरा गर्न र शिक्षा, स्वास्थ्य, कृषि तथा युवाकाे राेजगारकाे लागि काम गर्न आफुलाई पुन: निर्वाचित गराउनु पर्ने मतदातासंग आग्रह गरेका थिए ।

काेणसभा पर्सा क्षेत्र नं. ४ काे प्रतिनिधिसभा सदस्यका उम्मेदवार जालिम मियाँ, एमालेका मधेश प्रदेश कमिटी सदस्य बलिराम साह, जसपाका नेता अरमान खाँ लगायतकाले मन्तव्य राखेका थिए । कार्यक्रममा टिकटक स्टार प्रिति पासवानकाे समुहले नृत्य समेत प्रस्तुत गरेकाे थियाे । 

यसैगरी कालिकामाई गाउँपालिकाकाे वडा नं. ४ कट्टी बलुवामा समेत एमाले-जसपा गठबन्धनकाे काेण सभा सम्पन्न भएकाे छ ।

जसपाका कालिकामाई गाउँपालिका अध्यक्ष दिनेश कलवारकाे अध्यक्षतामा भएकाे काेण सभामा पर्सा क्षेत्र नं. ४ का प्रतिनिधि सभा सदस्यका उम्मेदवार जालिम मियाँ, क्षेत्र नं. ४ काे २ का प्रदेशसभा सदस्यका उम्मेदवार सिंगासन साह कलवार, हिंमाचल कुशवाहा, अरमान खाँ, ताजिन्द्र साह, हरिओम साह कलवार लगायतकाले मन्तव्य राखेका थिए । 

गाैतम स्कुलका संचालक लामाद्वारा अभिभावलाई ज्यान मार्ने धम्की

0

वीरगंज । गौतम स्कुल वीरगंजका संचालक सोनम लामाले एक अभिभावकलाई ज्यान मार्ने धम्की दिएका छन् । लामाले वीरगंज महानगरपालिकाकाे वडा नं. ९ निवासी संदिप कुमार साहलाई ज्यान मार्ने धम्की दिएका हुन् ।

अभिभावक संघर्ष समिति, पर्साका अध्यक्ष समेत रहेका साहले लिखित रुपमा माग गरेकाे सूचना उपलब्ध गराउन साेमबार विद्यालयमा संचालक लामाले बाेलाएर दुर्व्यवहार गर्दै ज्यान मार्ने धम्की समेत दिएकाे भन्दै जिल्ला प्रशासन कार्यालय पर्सामा उजरी दिएका छन् ।  

उजुरीको आधारमा छानबिनका लागि लामालाई उपस्थित गराउन भन्दै जिल्ला प्रशासन कार्यालयले जिल्ला प्रहरी कार्यालय पर्सालाई पत्र काटेको छ । उजुरी सम्बन्धमा कारवाही प्रक्रिया अघि बढाइएको र छलफलका लागि लामालाई उपस्थित गराउन जिल्ला प्रहरी कार्यालय, पर्सालाई निर्देश दिइएकाे जिल्ला प्रशासन कार्यालय पर्साले जनाएकाे छ ।

विद्यालयले चालु शैक्षिक सत्रमा लगभग एकैपटक ४५ प्रतिशत शुल्क वृद्धि किन गरिएको हो भन्दै जानकारी माग्न अध्यक्ष साहले लिखित निवेदन दर्ता गराएका थिए । गत कार्तिक १७ गते विद्यालयमा गई शुल्क वृद्धिको कारणसहितको सूचना आफुले माग गरेको अध्यक्ष साहले बताए । उनका अनुसार साे सूचना उपलब्ध गराउन विद्यालय प्रशासनले बारम्बार समय दिए पनि उपब्ध गराएकाे थिएन । 

तर साेमबार साेही सूचना उपलब्ध गराउन विद्यालय प्रशासन बाेलाएकाे बेला संचालक लामाले अश्लिल गाली गर्दै लछारपछार गरेर दुर्व्यवहार गर्दै विद्यालय बाहिर समेत निकालेको पिडित साहले बताए । साथै, लामाले अब बाटोमा देखिएमा ज्यान मार्ने र परिवारका सदस्यको अपहरण समेत गराईदिने भन्दै धम्की दिएको साहको आरोप छ ।

चालु शैक्षिक सत्र विद्यालय अस्वाभिक रुपमा अत्यन्त धेरै शुल्क वृद्धि गरेको भन्दै सो विद्यालयका अभिभावकहरु आन्दोलित छन् । त्यस यता विद्यालय समय समाधान गर्नुकाे सट्टा उल्टै गुन्डागर्दी शैलीमा अभिभावकलाई धाकधम्की दिन थालेकाे छ ।

उता, शुल्कको विषयको विवादलाई हल गर्न बीरगंज महानगरपालिकाले भने विद्यालय वर्गीकरण र शुल्क निर्धारणको काम अघि बढाएको भए पनि हालसम्म त्यसको छिनोफानो भने गरिसकेको छैन ।

यस्तै, शुल्कको छिनोफानो नलागेसम्मको लागि तत्कालको लागि शुल्कको विषयको विवाद मिलाउन भन्दै महानगरपालिकाले सर्वपक्षीय बैठक डाकेर सहमति समेत गराएकाे थियाे । तर सो विद्यालय र अभिभावक बीचको विवाद भने टुंगिएको छैन ।