Date
मङ्ल, मंसिर १, २०८३
Tue, November 17, 2026
Home Blog Page 599

नेपाली कांग्रेसले मुस्ताङबाट खाता खोल्यो

0

काठमाडौं । नेपाली कांग्रेसले मुस्ताङबाट खाता खोलेको छ । मुस्ताङमा कांग्रेसका उम्मेदवार योगेश गौचन थकाली निर्वाचित भएका छन् ।

प्रतिनिधि सभामाको एक मात्रै निर्वाचन क्षेत्र रहेको मुस्ताङमा कांग्रेसका युवा नेता २८ वर्षीय योगेश गौचन थकालीले एमालेका उम्मेदवार ६० वर्षीय प्रेमप्रसाद तुलाचनलाई पराजित गरेका हुन् ।

कांग्रेसका गौचनले ३ हजार ९९२ मत प्राप्त गरेका छन् भने एमालेका तुलाचनले ३ हजार ७८ मत प्राप्त गरेका हुन् ।

निर्वाचन अधिकृतको कार्यालयले औपचारिक घोषणा भने गर्न बाकी छ । योगेश नेपाली कांग्रेसका नेता एवं पूर्वमन्त्री रोमी गौचन थकालीका छोरा हुन्।

काठमाडौं १ मा प्रकाशमानकाे अग्रता, रवीन्द्र मिश्र दोस्रो स्थानमा

0

 काठमाडौं । काठमाडौंकाे क्षेत्र नं. १ मा नेपाली कांग्रेसका प्रकाशमान सिंहले अग्रता लिएका छन् ।

सोमबार विहान सार्वजनिक पछिल्लो मत परिणाम अनुसार सिंहले ७५४, राप्रपाका रवीन्द्र मिश्रले ६८०, नेकपा एमालेका किरण पौडेलले ४९६, नेपाल सुशासन पार्टीका रमेश खरेलले २२६ र राष्ट्रिय स्वतन्त्र पार्टीका पुकार बलमे १७५ मत पाएका छन् ।

पर्सा ३ र ४ काे सर्वदलिय बैठक सम्पन्न, मतगणना सुरु हुँदै

0

वीरगंज । पर्सा निर्वाचन क्षेत्र नं. ३ र ४ काे सर्वदलिय बैठक सम्पन्न भएकाे छ । मतगणना स्थल श्री जिल्ला उच्चांगल रामदेव कलवार मावि पाेखरियामा आज विहान बसेकाे बैठकले निर्वाचन आयाेगकाे निर्देशिका अनुसार मतगणना गर्ने निर्णय गरेकाे छ ।

सर्वदलिय बैठकले ११ बजेदेखि मतगणना गर्ने निर्णय गरेपनि हाल सम्म मतगणना सुरु हुन सकेकाे छैन । मतगणना सुरु गर्ने तयारी भइरहेकाे मतदान अधिकृतकाे कार्यालय पर्सा क्षेत्र नं. ४ का सुचना अधिकारी सुरेन्द्र यादवले जानकारी दिए ।

सर्वदलिय बैठककाे निर्णय अनुसार सुरुमा प्रत्यक्ष तर्फकाे प्रतिनिधिसभा र प्रदेशसभा सदस्यकाे मतगणना हुने छ । क्षेत्र अनुसारकाे प्रतिनिधिसभा र प्रदेशसभा सदस्यकाे मतगणना गर्ने तयारी भइरहेकाे निर्वाचन अधिकृतकाे कार्यालयले जनाएकाे छ ।

प्रत्यक्ष तर्फकाे प्रतिनिधिसभा र प्रदेशसभा सदस्यकाे मतगणना सम्पन्न भइसके पश्चात समानुपातिक तर्फकाे मतगणना सुरु गरिने पनि सर्वदलिय बैठकमा सहमति भएकाे छ ।  

पर्सा १ र २ काे सर्वदलिय बैठक सम्पन्न, मतगणना सुरु हुँदै

0

वीरगंज । पर्सा निर्वाचन क्षेत्र नं. १ र २ काे सर्वदलिय बैठक सम्पन्न भएकाे छ । मतगणना स्थल ठाकुर राम बहुमुखी क्याम्पस वीरगंजमा आज विहान बसेकाे बैठक निर्वाचन आयाेगकाे निर्देशिका अनुसार मतगणना गर्ने निर्णय गर्दै सम्पन्न भएकाे जिल्ला निर्वाचन अधिकारी रंजिता झाले जानकारी दिइन ।

सुरुमा प्रत्यक्ष तर्फकाे प्रतिनिधिसभा र प्रदेशसभा सदस्यकाे मतगणना गर्ने पनि बैठकमा सहमति भएकाे छ । सहमति अनुसार दुईटै क्षेत्रकाे ३/३ वटा गरी ६ वटा काेठामा एकै पटक मतगणना सुरु गर्ने तयारी छ । एउटा क्षेत्रकाे प्रतिनिधिसभा र प्रदेशसभाकाे प्रत्यक्ष तर्फकाे छुटाछुट्टै मतगणना गरिने छ । 

मतगणना गरिने काेठामा तार जालिसहित सिसि टिभि क्यामराकाे समेत व्यवस्थापन गरिएकाे छ । 

सर्वदलिय बैठकमा प्रतिनिधिसभा र प्रदेशसभाकाे प्रत्यक्ष तर्फकाे उम्मेदवार, विभिन्न राजनीतिक दलका प्रतिनिधिसहित पर्साका प्रमुख जिल्ला अधिकारी उमेश कुमार ढकाल, पर्सा प्रहरी प्रमुख प्रहरी उपरिक्षक रमेश बस्नेत लगायतकाे पनि उपस्थिती रहेकाे थियाे ।

पर्सा ४ काे सर्वदलिय बैठक बस्दै, मतगणना १० बजेदेखि सुरु हुने

0

वीरगंज । पर्सा निर्वाचन क्षेत्र नं. ४ काे सर्वदलिय बैठक मतगणना स्थल श्री जिल्ला उच्चांगल मावि पाेखरियामा सुरु भएकाे छ । मतगणना सुरु गर्न आज विहान ९ बजेदेखि राखिएकाे बैठक सुरु भएकाे हाे ।

सर्वदलिय बैठक सम्पन्न लगतै मतगणना सुरु गरिने निर्वाचन अधिकृतकाे कार्यालय क्षेत्र नं. ४ का सुचना अधिकारी सुरेन्द्र यादवले जानकारी दिए । क्षेत्र नं. ४ काे मतगणनाकाे लागि ३ वटा काेठामा तार जालि र सिसि क्यामरासहितकाे व्यवस्थापन गरिकाे उनले वताए ।

उनका अनुसार क्षेत्र नं. ४ काे मतगणना एकै पटक ३ वटा काेठामा सुरु गरिने छ । एउटा काेठामा प्रतिनिधिसभा सदस्य र दुईटा काेठामा दुईटा प्रदेशसभा सदस्यकाे प्रत्यक्ष तर्फकाे मतगणना छुटाछुट्टै गरिने छ । 

पर्साकाे दुई स्थानमा मतगणनकाे तयारी

0

वीरगंज । पर्सामा आइतबार सम्पन्न प्रतिनिधिसभा र प्रदेशसभा निर्बाचनकाे मतगणना दुई स्थानमा हुने भएको छ । जिल्लामा रहेको चार वटा प्रतिनिधिसभा र आठ वटा प्रदेशसभा सदस्यको मतगणना दुई स्थानमा हुने मुख्य निर्बाचन अधिकृत बिनोद कुमार पोखरेलले जानकारी दिए ।

पर्सा क्षेत्र नम्बर १ र २ को मतगणना वीरगंजस्थित ठाकुरराम बहुमुखी क्याम्पस हुने छ भने क्षेत्र नम्बर ३ र  ४ को मतगणना कार्य पोखरिया नगरपालिकास्थित श्री जिल्ला उच्चांगल माबि पाेखरियामा हुने उनले बताए ।

दुबै मतगणना स्थलकाे ब्यावस्थापन भइसकेकाे छ । मतगणना स्थललाई तारजालीले घेरिनुकाे साथै सिसिटिभी क्यामेराको समेत जडान गरिएको छ ।

मतगणना स्थलमा सर्ब साधारणको मत परिणाम जानकारी गराउनको लागि माईकिङको ब्यावस्था मिलाइएको तथा पत्रकारहरुको लागि सुचना उल्बध गराउने पनि ब्यावस्था मिलाइएको अधिकृत पाेखरेलले वताए ।

निर्वाचन आयोगले आजैदेखि मतगणना सुरु गर्न भनेपनि पर्सामा सोमबारदेखि मात्रै मतगणना सुरु हुने भएको छ ।

मतपेटिका संकल कार्य जारी रहेकोले सोमबार बिहानदेखि मात्रै मतगणना सुरु हुन सक्ने सम्भावना रहेको पर्साका प्रमुख निर्वाचन अधिकृत विनोदकुमार पोखरेलले बताए । मतपेटिका संकलन गर्दा राति अबेर हुने भएकोले सोमबार बिहानदेखि मात्रै मतगणना सुरु गरिने पोखरेलको भनाई छ ।

पर्सामा मतदान शान्तिपूर्ण रुपमा सम्पन्न, मतपेटिका संकलन हुँदै

0

वीरगंज । पर्सामा शान्तिपूर्ण रुपमा मतदान सम्पन्न भएको छ । १ सय ६७ मतदान स्थलमा तयार गरिएको ४ सय १२ मतदान केन्द्रमा शान्तिपूर्ण रुपमा मतदान भएको हो । हाल मतगणना स्थलमा मतपेटिका संकलनकाे कार्य भइरहेकाे मुख्य निर्वाचन अधिकृतकाे कार्यालयले जनाएकाे छ ।

क्षेत्र नं. १ र २ अन्तर्गतका मतपेटिकाहरु मतगणना स्थल ठाकुर राम क्याम्पस वीरगंजमा संकलन कार्य भइरहेकाे छ भने क्षेत्र नं. ३ र ४ काे मतगणना स्थल श्री जिल्ला उच्चांगल मावि पाेखरिया मतपेटिका संकलन कार्य भइरहेकाे छ ।

जिल्लामा ५१ प्रतिशत भन्दा बढी मत खसेको मुख्य निर्वाचन अधिकृत विनोदकुमार पोखरेलले जानकारी दिए । ‘मतदान अधिकृत आएर मतपेटिका नबुझाएसम्म यकिन तथ्यांक आउँदैन,’ उनले भने, ‘सुरक्षा निकायले संकलन गरेको विवरण अनुसार ५१ प्रतिशत भन्दा बढी मत खसेको अनुमान छ ।’

पर्सा क्षेत्र नं. ४ मा ५५ प्रतिशत जति मत खसेकाे निर्वाचन अधिकृतकाे कार्यालय क्षेत्र नं. ४ का सूचना अधिकारी सुरेन्द्र यादवले वताए ।  मतगणना स्थलमा क्षेत्र अन्तर्गतका सम्पूर्ण मतदान केन्द्रकाे मतपेटिका पुगिसकेपछि सर्वदलिय बैठक बसेर मतगणना सुरु गरिने उनले वताए । मतगणनाकाे लागि सम्पूर्ण तयारी पुरा भइसकाे सूचना अधिकारी यादवले जानकारी दिए ।

३० वैशाखमा सम्पन्न स्थानीय तहको निर्वाचनमा पर्सामा ७० प्रतिशत मत खसेको थियो । ४ वटा निर्वाचन क्षेत्र रहेको पर्सामा ३ लाख ४५ हजार ९ सय २८ मतदाता छन् ।

चोर्नीबाट १ लाख नगदसहित एक स्वतन्त्र उम्मेदवार पक्राउ

0

वीरगंज । प्रदेशसभा र प्रतिनिधिसभा सदस्य निर्वाचनको पूर्व सन्ध्यामा शनिबार नगदसहित एक उम्मेदवारलाई प्रहरीले पक्राउ गरेको छ । वीरगंज महानगरपालिकाकाे वडा नम्बर ३२ चोर्नीबाट स्वतन्त्र उम्मेदवार किशोरी प्रसाद यादवलाई १ लाख नगदसहित प्रहरीले पक्राउ गरेको हो ।

प्रचारप्रसार गर्न नपाउने भनेर स्थिर समय शुरु भइसकेपनि यही समयमा मतदाता रिझाउन रकम बाँड्दै गरेको अवस्थामा उनी पक्राउ परेका हुन् । यादवको साथबाट १ लाख नगद फेला परेको जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार बस्नेतले बताए ।

काँग्रेस बाराका उपसभापति पाल पार्टीबाट निष्काशीत

0

वीरगंज । नेपाली काँग्रेसले बारा क्षेत्र नम्बर ४ मा प्रतिनिधीसभा सदस्यमा लोकतान्त्रिक बाम गठबन्धनका आधिकारिक उम्मेदवार किसान श्रेष्ठको विरुद्धमा प्रचार प्रसार गरेको भन्दै पार्टीका जिल्ला उपसभापति सहित तीन जना नेतालाइ कारबाही गरेको छ ।

नेपाली काँग्रेसको केन्द्रिय अनुशासन समितिले काँग्रेस जिल्ला उपसभापति अमिरीलाल राउत भेडिहर, जिल्ला सदस्य हरि थपलिया र क्षेत्रीय प्रतिनिधी सुशील ढोडारीलाई पार्टीको साधरण सदस्य समेतबाट निलम्बित गरेको हो ।

बारा क्षेत्र नम्बर ४ को प्रतिनिधीसभा सदस्यमा लोकतान्त्रिक बाम गठबन्धनबाट नकेपा एकिकृत समाजवादीका किसान श्रेष्ठ उम्मेदवार छन् ।

पार्टीको आधिकारिक उम्मेदवार श्रेष्ठ विरुद्ध प्रचार प्रसारमा संलग्न भएकाले तीनै जनालाइ काँग्रेसको विधान २०१७ को धारा ३४ बमोजिम पार्टीको साधरण सदस्य समेत नरहने गरि निलम्बन गरिएको काँग्रेसको केन्द्रिय अनुशासन समिति संयोजक आनन्द प्रसाद ढुंगानाद्वारा शनिबार जारी प्रेस विज्ञप्तिमा उल्लेख छ ।

मौन अवधिमा प्रचार सामग्रीसहित द्विवेदी स्थानियकाे नियन्त्रणमा

0

वीरगंज । प्रतिनिधि तथा प्रदेशसभा सदस्य निर्वाचनको स्थितर समय अर्थात (माैन अवधि) मा शनिबार राति प्रचार प्रसार गरेकाे भन्दै प्रचार समाग्रीसहित पर्सा निर्वाचन क्षेत्र नम्बर १ का प्रतिनिधिसभाका स्वतन्त्र उम्मेदवारी अजय द्विवेदी प्रचार युवाहरुले नियन्त्रणमा लिएर विराेध गरेका छन् ।

वीरगंज महानगरपालिकाकाे वडा नम्बर ३१ स्थित मिलन चोकमा द्विवेदीलाई स्थानीय युवाहरुले मौन अवधिकाे क्रममा निर्वाचन लक्षित प्रचार प्रसार सामग्रीसहित नियन्त्रणमा लिएर विराेध गरेका हुन् । द्विवेदी सवार बागमती प्रदेश ०१ ०२७ च ७०२४ नम्बर को गाडीबाट स्थानीयहरुले प्रचार प्रसार सामग्री समेत फेला पार्दै प्रश्न गरिरहेकाे भिडियाे समाजिक संजालमा भाइरल भएकाे छ ।

मौन अवधिका क्रममा प्रचार प्रसार गर्न नमिल्ने भएपनि द्विवेदीले निर्वाचन आचार सहिंतालाई उलंघन गर्दै द्विवेदीले प्रचार प्रसार सामग्री बोकेर मतदातालाई प्रभावित गर्न खोजिरहेको स्थानियहरुकाे आराेप छ ।

शनिबार दिउसाे नै पर्साकाे क्षेत्र नं. ४ काे कालिकामाई गाउँपालिकाबाट प्रचार प्रसार सामग्रीसहित दुई जनालाई प्रहरीले नियन्त्रणमा लिएकाे थियाे । क्षेत्र नम्बर ४ का प्रतिनिधीसभा सदस्य उम्मेदवार जालिम मियँका छोरा सहबिर अहमद सवार गाडीबाट नमुना मतपत्रसहितका प्रचार सामग्री फेला परेपछि प्रहरीले नियन्त्रणमा लिएर निर्वाचन अधिकृतकाे कार्यालयलाई बुझाएकाे थियाे ।