वीरगंज । पर्सा निर्वाचन क्षेत्र नं. ४ काे सर्वदलिय बैठक मतगणना स्थल श्री जिल्ला उच्चांगल मावि पाेखरियामा सुरु भएकाे छ । मतगणना सुरु गर्न आज विहान ९ बजेदेखि राखिएकाे बैठक सुरु भएकाे हाे ।
सर्वदलिय बैठक सम्पन्न लगतै मतगणना सुरु गरिने निर्वाचन अधिकृतकाे कार्यालय क्षेत्र नं. ४ का सुचना अधिकारी सुरेन्द्र यादवले जानकारी दिए । क्षेत्र नं. ४ काे मतगणनाकाे लागि ३ वटा काेठामा तार जालि र सिसि क्यामरासहितकाे व्यवस्थापन गरिकाे उनले वताए ।
उनका अनुसार क्षेत्र नं. ४ काे मतगणना एकै पटक ३ वटा काेठामा सुरु गरिने छ । एउटा काेठामा प्रतिनिधिसभा सदस्य र दुईटा काेठामा दुईटा प्रदेशसभा सदस्यकाे प्रत्यक्ष तर्फकाे मतगणना छुटाछुट्टै गरिने छ ।
