वीरगंज । प्रदेशसभा र प्रतिनिधिसभा सदस्य निर्वाचनको पूर्व सन्ध्यामा शनिबार नगदसहित एक उम्मेदवारलाई प्रहरीले पक्राउ गरेको छ । वीरगंज महानगरपालिकाकाे वडा नम्बर ३२ चोर्नीबाट स्वतन्त्र उम्मेदवार किशोरी प्रसाद यादवलाई १ लाख नगदसहित प्रहरीले पक्राउ गरेको हो ।
प्रचारप्रसार गर्न नपाउने भनेर स्थिर समय शुरु भइसकेपनि यही समयमा मतदाता रिझाउन रकम बाँड्दै गरेको अवस्थामा उनी पक्राउ परेका हुन् । यादवको साथबाट १ लाख नगद फेला परेको जिल्ला प्रहरी कार्यालय पर्साका प्रमुख प्रहरी उपरीक्षक रमेश कुमार बस्नेतले बताए ।
